ONDE ESTÁ O BISPO, AÍ ESTÁ A VERDADEIRA IGREJA DE CRISTO

Hosi Pe. Germano Gusmão – Matadalan, opiniaun

Expressão ida nebe mai hosi Padre da Igreja ida naran Santo Ignâcio de Antioquia, Bispo e mártire (+ 107); Santo ida ne’e husu ba sarani sira hotu, obedece ba nia Bispo sira no moris nuudar sarani católica tuir orientação Igreja nian nebe Bispo sira hanorin; tan ne’e iha nia surat ba sarani sira iha Esmirna (dadaun ne’e iha Turquia), ho título: Agli Smirnesi 8 – 9, 1 nia dehan ba sarani sira atu labele haketak an hosi Bispo: “Imi hotu halo tuir Bispo, hanesan Jesus Cristo halo tuir Aman Maromak nia hakarak , no amululik sira hanesan apostolo sira. Ba diácono sira, imi respeita sira hanesan Maromak nia mandamento haruka. La ho Bispo ema ida la bele halo buat nebe refere ba Igreja. Sei participa iha eucaristia nebe Bispo mak preside ou ninia delegado ida.Fatin  nebe Bispo iha, iha neba mak comunidade  sarani iha, hanesan iha nebe Jesus Cristo, iha neba mak iha Igreja católica. La hodi Bispo nia licença, ema ida labele sarani ema, nem celebra eucaristia, maibé lei nebe Bispo aprova ida ne’e mak agrada ba Maromak, atu buat hotu nebe halo iha ninia validade” (Enrico Cattaneo, I Ministri nella Chiesa Antica, Testi Patristici dei Primi tre Secoli, Paoline Editorale Libri, Mialno 1997, pp. 285 – 286).

 1.     Amo Papa hamutuk ho Bispo sira mak ukun Igreja.

 Tuir mai Concílio Vaticano II (192 – 1965), iha documento Concílio  Vaticano II hanorin, Igreja Jesus Cristo nian mak “Igreja  una, santa, católica, apsotólica, nebe Jesus haraik ba Apóstolo Pedro no mos ba Apóstolo sira seluk nia ukun uiha mundo. Papa nuudar Apóstolo Pedro nia saseluk no Bispo sira nuudar apóstolo sira seluk nia saseluk hodi tau matan no ukun Igreja ne’e”: «LG 8. Esta é a única Igreja de Cristo, que no Credo confessamos ser una, santa, católica e apostólica; depois da ressurreição, o nosso Salvador entregou-a a Pedro para que a apascentasse (Jo. 21,17), confiando também a ele e aos demais Apóstolos a sua difusão e governo (cfr. Mt. 28,18 ss.), e erigindo-a para sempre em «coluna e fundamento da verdade» (I Tim. 3,5). Esta Igreja, constituída e organizada neste mundo como sociedade, é na Igreja católica, governada pelo sucessor de Pedro e pelos Bispos em união com ele, que se encontra, embora, fora da sua comunidade, se encontrem muitos elementos de santificação e de verdade, os quais, por serem dons pertencentes à Igreja de Cristo, impelem para a unidade católica».

 2.     Bispo mak ukun Igreja local ou Diocese.

Bispo nuudar Apóstolo sira nia saseluk, iha competência ou poder ukun diuocese ida, ho poderordinário, próprio no imediato. Naran Igreja católica, sempre iha ninia Bispo. Se comunidade ida mak hanaran católica, maibé la iha Bispo ida ou la submete ba diocese ida, ne’e la’os coumidade Igreja católica, maibé secte religiosa hanesan secta protestante sira nebe dadaun ne’e buras ona iha Timor – Leste desde 1999, tama mai hamutuk ho entidade sira internacional.  «CD 8. a) Aos Bispos, como sucessores dos Apóstolos, compete de direito, na diocese a cada um confiada, todo o poder ordinário, próprio e imediato, que é necessário para o exercício do seu cargo pastoral, salvaguardado sempre em tudo o poder que, em razão do seu múnus, o Romano Pontífice tem de reservar causas a si ou a outra autoridade. b) A cada um dos Bispos diocesanos é dada a faculdade de, em casos particulares, dispensar da lei geral da Igreja os fiéis sobre quem exercem autoridade segundo o direito, todas as vezes que a dispensa pareça útil para bem espiritual dos mesmos, a não ser que a suprema autoridade da Igreja tenha estabelecido alguma reserva».

 3.     Diocese ou Igreja local la’os uma parte congregação religioso, maibé congregação religioso mak uma parte da Diocese ou Igreja local.

 Comunidade religiosa balun nebe Bispo fo fiar ba sira kaer paroquia ida, dala barak mak orienta sala sarani sira iha paroquia; paroquia mak hanesan parte ida hosi congregação religioso. Atu hari quase-paroquia ou paroquia, superior da casa congregação mak halo pedido atu hari quase-paroquia. Proclama fatin ida sai quase-paroquia la’os Bispo diocesano nia competência, maibé padre provincial mak proclama fali fatin ne’e sai quase-paroquia ou paroquia.

Ida ne’e mak congregação sira nebe la’o sala ona dalan. Superior da casa comunidade religioso nia competência ba de’it casa comunidade, nia la iha poder ruma kona ba sarani iha estação ou iha centro pastoral sira. Só pároco mak iha poder ba sarani sira iha centro pastoral ou estação sira. Se mak iha competência harí no proclama quase-paroquia ou paróquia, la’os superior da casa religioso nem tão pouco padre provincial, maibé só Bispo diocesano de’it:  «Cân. 515 § 1. Paróquia é uma determinada comunidade de fiéis, constituída estavelmente na Igreja particular, e seu cuidado pastoral é confiado ao pároco como a seu pastor próprio, sob a autoridade do Bispo diocesano. § 2. Erigir, suprimir ou modificar as paróquias compete exclusivamente ao Bispo diocesano, o qual não erija, nem suprima paróquias, nem as modifique de modo notável, a não ser ouvindo o conselho presbiteral».

Dala ruma sala liu mak, espiritualidade comunidade religioso sai fali espiritualidade sarani sira iha paroquia no diocese laran, ne’e orienta sala sarani sarani sira. Tanba sarani leigo sira la’os religioso no religiosa, maibé sarani nebe pertence ba paroquia ida, paroquia hela iha diocese ida. Iha sarani balu nebe devoto ba santo ou santa fundador religioso sira nian, ne’e normal; maibé espiritualidade congregação religioso ou religiosa ida labele sai fali espiritualidade ba sarani paroquial ou diocesana ida. Aat liu tan mak orienta sarani sira sai fali família ida ne’e no família ida neba. Iha Igreja nia hanorin katak comunidade sarani nebe hela iha paroquia ida ou iha diocese ida, nia família diocesana, la’os ba fali família religiosa sira nian. Tanba estructura Igreja católica iha de’it Igreja local ou diocese, no diocese por sua vez equpara-se em paróquias.

 4. Relação Bispo ho padre diocesano sira iha diocese laran.

 Padre sira iha Igreja católica nuudar padre hot-hotu hanesan, maibé moris nuudar padre mak iha sanak 2. Ida mak padre Diocesano, katak padre sira nebe pertence ba diocese ou Igreja local ida; padre diocesano sira mak nuudr primiros colabotadores ordem Bispo nian. Sanak seluk padre religioso sira, nebe moris no serviço ba comunidade religioso ida, tuir sira id-idak nia fundador nia carisma. Tan ne’e padre diocesano sira autotaticamente moris no halo serviço iha diocese ida. Tan Igreja iha mundo tomak equiparada ba diocese sira, no diocese sira por sua vez equiparada iha paroquia sira, ninia consequência padre diocesano sira automaticamente moris no serviço iha diocese no paroquia sira.

Enquanto padre religioso sira, la’os automaticamente moris no serviço iha diocese ou paroquia sira hanesan padre diocesano sira; tan ne’e sira automaticamente moris no serviço ba sira nia comunidade religioso. Se iha diocese presisa karik sira nia tulun, mak Bispo coordena ho sira nia provincial, tuir mai membro religioso sira mai serviço iha diocese no mos iha paroquia sira.

Padre se de’it mak  Amo Papa hili ba Bispo ba Diocese ida, ukun diocese tuir Igreja nia hanorin. Iha diocese ida iha ninia padre diocesano sira nebe sai primeiros colaboradores iha ordem bispo sira nian, além de padre sira religioso. Tan ne’e padre relgioso hanesan Reverendo Pe. Virgílio do Carmo nebe Papa hili ba Bispo Diocese Dili, biar continua membro congregação Salesiano, maibé nina moris nuudar Bispo, tem que sai diocesano: «CD 28. Todos os presbíteros, quer diocesanos quer religiosos, participam e exercem com o Bispo o sacerdócio único de Cristo; estão, pois, constituídos cooperadores providentes da ordem episcopal. Mas, na cura de almas, os primeiros são os sacerdotes diocesanos, porque eles, estando incardinados ou aplicados a uma igreja particular, consagram-se inteiramente ao serviço dela, a fim de pastorearem uma parte do rebanho do Senhor; constituem, por isso, um só presbitério e uma só família, de que o Bispo é o pai. Este, para poder distribuir com mais acerto e equidade os ministérios sagrados entre os seus sacerdotes, deve ter a liberdade necessária para conferir os ofícios e benefícios, ficando suprimidos os direitos ou privilégios que de algum modo coarctem essa liberdade.

As relações entre os Bispos e os sacerdotes diocesanos hão-de fundar-se sobretudo nos vínculos de caridade sobrenatural, de maneira que a unidade de vontade entre os sacerdotes e o Bispo torne mais fecunda a actividade pastoral de todos. Por isso, a fim de se promover mais e mais o serviço das almas, não deixe o Bispo de chamar os sacerdotes para conversar com eles, mesmo com vários juntos, sobre assuntos pastorais; isto, não só ocasionalmente mas mesmo em tempos determinados, quanto for possível.

Além disso, mantenham-se unidos entre si todos os sacerdotes diocesanos, e sintam-se corresponsáveis pelo bem espiritual de toda a diocese; e lembrando-se que os bens materiais, adquiridos no exercício do ofício eclesiástico, estão intimamente ligados ao múnus sagrado, socorram generosamente as necessidades materiais da diocese, segundo as indicações do Bispo e as próprias disponibilidades».

Vantagem no desvantegem ba Diocese ida, quando padre diocesano barak liu. Padre diocesano barak liu iha diocese ida no bispo hala’o ninia knaar bispo nian nuudar “pai” no “irmão” ba padre diocesano sira, sei organiza di’ak vida diocese nian. Controla padre diocesano sira, obedece no moris tuir regra sira Igreja nian, diocese sei sai buras iha fiar no domin, tanba “todos os sacerdotes diocesanos, e sintam-se corresponsáveis pelo bem espiritual de toda a diocese”. Desvantagem padre diocesano barak iha diocese ida, maibé falta de unidade diocesana, li-liu bispo la hakoak hamutuk ninia padre diocesano sira; dala ruma dudu ses tiha padre diocesano sira iha vida diocese nian, sai desvantagem boot iha diocese laran. Iha nebe padre diocesano id-idak hanesan “liurai boot” iha ida-idak nia fatin, se mak manda se; la iha unidade. Relação entre bispo ho padre diocesano sira hanesan relação “busa hafuhú laho”. Bispo la’o ketak ninia, apdre sira la’o ketak sira nian.

 5.     Relação Bispo ho congregação religioso no religiosa iha diocese laran.

Padre religioso sira nebe iha diocese ida nia laran, sira mos coopera activo iha bispo nia knaar pastoral nian. «CD 34. Os religiosos sacerdotes, que são consagrados presbíteros para serem cooperadores activos da ordem episcopal, podem prestar maior auxílio aos Bispos, hoje que são maiores as necessidades das almas. Deve, pois, dizer-se que pertencem verdadeiramente ao clero da diocese, uma vez que têm parte na cura de almas e no exercício das obras de apostolado sob a autoridade dos sagrados pastores. E os outros religiosos, quer homens quer mulheres, que pertencem também de modo especial à família diocesana, prestam grande auxílio à sagrada hierarquia, e podem e devem aumentá-lo cada dia, à medida que as necessidades do apostolado vão crescendo».

Vantagem no desvantagem ba Diocese ida quando padre religioso no comunidade religiosa barak liu. Depende ba educação eclesial, katak formação iha comunidade religioso no religiosa sira nian iha sentido de ser Igreja mak sai nuudar  base ba formação vida religioso no religiosa ou sentido de ser religioso no religiosa mak domina iha formação vida religioso no religiosa. Se formação eclesial mak sai base ba formação religioso no religiosa, sei lori comunidade religioso no religiosa sira, primeiro moris ba sira nia comunidade tuir carisma fundador sira nian; maibé mos nuudar membro Igreja católica no família diocesana, sira hatene sira nia dever participa iha vida diocesana ou paroquial.

Pelo contrário, quando consentra liu ba sira nia santo no santa sira nai hanorin no reflexão sem formação eclesial; ninia consequência sira sente sira nian an idependente: iha sira nia knaar la participa iha vida diocese ou paroquial nian. Ba sira iha parte ida Igreja Diocese no paroquia bele sai hanesan parte ida hosi comunidade religiosa, tan ne’e mak iha sira nia pastoral catgorial sira hanesan escola sira, formação dos jovens no leigo sira; haklaken liu mak sira nia congregação; orienta sarani sira, sarani paroquial ou diocesana, maibé sarani adeptos congregação sira nian. Halo casa comunidade sai centro de cristandade paroquial. Dala barak mos sira hanoin katak Igreja local ou diocese hanesan sira nia parseiro.

Tan ne’e, orienta sarani sira nebe iha sira nia liman, tuir espiritualidade parseiro nian. Quando actividade religioso ou religiosa nian sarani sira hamrik hotu, quando actividade diocese nian, sarani sira dehan, ne’e la’os sira nian, maibé diocese nian. Padre religioso nebe sai bispo ba Diocese ida dala barak mak moris iha dilema ida ne’e: concentra ba desenvolve pastoral diocesana ou iha pastoral diocesana hala’o knaar religioso nian.

5.     Tendência Sectarianismo Religiosa mak Desafio Boot Ida Ba  Unidade Iha Igreja Católica.

Igreja católica romana to’o horas ne’e sei sólido, tanba metin ba ninia doutrina: “Igreja Una, santa, católica, Apostólica”; mesmo nune’e ameaça ba desunião mos la’os ki’ik. Desunião ne’e mosu quando instituições relgiosa sira nebe nuudar carisma no riqueza espiritual Igreja católica nian, la atu sira nia an nuudar carisma no riqueza espiritual Igreja Católica nian, maibé sai fali sectarianismo religiosa iha Igreja católica nia laran, liu hosi sira nia movimento sira nebe desliga hosi Igreja local ou Diocese sira. Dala ruma sira considera sira nia an “parseiro” Igreja local ou diocese.

Sectarismo religiosa bele mosu, quando carrisma sira nebe iha sai nuudar riqueza espiritual Igreja católica nian, lakon ninia missão nuudar carrisma nebe hafutar no haforça unidade da Igreja iha diverisade de carrsima, maibé sai fali congregações independentes sem congregado na unidade da Igreja una, santa, católica, apostolica; iha nebe id-idak proclama nia an sobre sai liu em vez de proclama Jesus Cristo Maromak Oan. Ema hatene liu fali sira doque hatene Jesus Cristo tanba halo contrário tiha: «Não a Vós, ó Senhor, não a Vós, mas ao nosso nome dá glória, pelo nosso amor e fidelidade» (cf. Sl 115, 1).

Tendência sectarianismo religioso ne’e hatudu liu hosi desarmonnia no vangloria.    Força sira nebe iha, la’os sai força Igreja católica nian, maibé sai fali força sectariasnimo hodi hada’u malu naran, se mak nia naran terkenal liu iha sociedade, só nia mak bele, maibé haré sira seluk ema mesak bilan de’it; dala barak até Maromak mos nia naran tau iha terceiro ou quarto lugar tanba halo contrário tiha: «Não a Vós, ó Senhor, não a Vós, mas ao nosso nome dá glória, pelo nosso amor e fidelidade» (cf. Sl 115, 1). Tendência sectarianismo religioso hanesan la’os foin mak mosu iha ita nia tempo, maibé desde Igreja hahú mai, mosu hodi ameaça ba unidade da Igreja, tanba influência deseunião iha sarani sira. Sarani sira dala barak mak indentifica sira nia an ho sectariabismo religioso sira ne’e.

Iha tempo Apostólica, sira balu dehan: ha’u Paulo, nian, ha’u Apolo nian, ha’u Kefas nian, etc., sira la dehan: “Ha’u Maromak nian; ha’u Cristo nian”. Maromak ho Cristo ne’e haluha tiha, tendência hanesan ne’e mos mosu iha sarani ohin loron balu iha Diocese sira nia laran. Até congregação balu nebe celebra sira nia fundador nia loron, missa tiha iha catedral maibé, iha oração dos fiés nem reza ba Bispo mos lae! Sa tan reza ba Papa, tanba se Bispo nebe besik haluha reza ba Bispo, sa tan Papa nebe dook iha Roman neba! Apesar de estrcutura oração dos fiés desde uluk iha tiha ona ninia esctructura fixa: 1. Reza ba Igreja: Papa, Bispo, padre no di’acono sira; 2. Reza ba Governate sria; 3. Reza ba ema sira nebe sofre. 4. mak reza ba comunidade nebe celebra dadaun sira nia festa. Maibé carisma congregação ida ne’e, reza de’it mak ba sira nia an hahú ho sira nia antigos alunos sira.

Convida tiha ema boot sira mai tuir ita nia missa atu osan esmola bele aumenta, maibé reza ba sira mos lae. Membro congragção convida ema boot sira ba sira nia uma, tara tiha tais ida ba boot sira,  proposta orsamento tuir kedas ba, maibé reza ba boot sira mos lae; se Maromak karik haluha tiha, san tan Maromak nia Igreja tanba halo contrário tiha: «Não a Vós, ó Senhor, não a Vós, mas ao nosso nome dá glória, pelo nosso amor e fidelidade» (cf. Sl 115, 1).

Tendência sira henesan ne’e mosu mos iha Apostolo Paulo ia tempo, tanba ne’e Apóstolo São Paulo critica ninia sarani sira ho mentalidade sectarianismo religioso iha ninia tempo dehan: «1 Cor 1, 10 Mau-alin sira, hodi Ita Na’in Jesus Cristo nia naran, ha’u husu ba imi, imi hotu lia tuir malu no labele iha divisão entre imi; imi hamutuk nafatin iha espírito ida de’it no hanoin ida de’it. 11 Tan, ha’u hetan lia tatoli hosi Cloé, katak imi moris fahe malu. 12 tan id-dak dehan:  « Ha’u Paulo nian», ou «Ha’u Aplo nian», ou «Ha’u Cefas nian», ou «Ha’u Cristo nian». 13Cirsto hafahe an? Imi hanoin katak Paulo make ma hedi iha cruz tan imi ? Ou imi sarani hodi Paulo nia naran? 14Ha’u agradece ba Maromak tanba ha’u la sarani imi ne’e ida, se lae Crispo no Gaio,   15 atu ema ida labele dehan simu baptismo tanba ha’u nia naran». São Paulo, grande Apósto gentio sira nian, nia la foti an katak nia mak hebat liu ema sira seluk; nia sempre atu ba as Jesus Cristo hodi dehan: “Ha’u agradece ba Maromak tanba ha’u la sarani imi ne’e ida, se lae Crispo no Gaio,   atu ema ida labele dehan simu baptismo tanba ha’u nia naran (vr. 14 – 15).

Tendência sectarisnimo congregacionistas hanesan mosu iha América Latin: “Por congregacionistas se entendem-se protestantes inconfromados, que rejeitaram o presbiterado e o episcopado e estão unidos em comunidades, federadas por laços fraternais. Cada comunidade local escolha os  ministros e é plenamente autónoma….sente-se directamente congregados por Cristo único chefe” (Urbano ZIlles, Religiões, Crenças e Crendices, Edição Edipucrs, Porto Alegra 1998, p. 60).

  6.     Cidade Baucau proclamado, cidade Salesiana, sarani família Salesiana.

Iha cidade seluk iha Timor ita la hatene, maibé iha cidade Baucau proclamado tiha ona mais ou menos dala 2 nuudar cidade Salesiana, sarani sira família Salasiana. Iha tempo sira uluk, la iha proclamação sira hensan ne’e; iha Amo Provincial Salesiano, Pe. Andre Won, SDB nia tempo no mos  iha Amo Provincial Salesiano, Pe. Andre Caleja, SDB, nia tempo la iha  proclamação sira henasan ne’e; maibé pelo menos  iha Amo provincial Salesiano  sira ikus ne’e hanesan Amo Provincial João Paulino Aparício Guterres SDB nia tempo no iha Amo Provincial Salesiano Pe. Virgílio do Carmo da Silva, SDB (actual bispo eleito ba Diocese Dili) nia tempo mosu proclamação, cidade Baucau cidade Salesiana sarani Baucau, familia Salesiana.

Proclamação sira hanesan ne’e la considera katak; iha cidade Baucau laran no mos iha Diocese Baucau laran; além de congrgação Salesiano, iha mos padre diocesano no congregação religiosa sira seluk nebe tau matan mos ba sarani sira iha Baucau. Tuir história nebe Dom Carlos Filipe Ximene Belo, SDB, mak hakerek, padre diocesano missionário  mai uluk iha Baucau mak   Pe.  Manuel Serra no Pe. Augusto Ferreira (cf. STL 18 de Fevereiro 2016, p. 15). Padre diocesano missionário nebe ikus liu mak Pe. Eduardo de Brito (ex-pároco Balide-Dili).Dadaun ne iha cidade Baucau laran de’it iha congregação Salesiano, iha Salesiana, iha congregação Canossiana, iha congregação CIJ, iha Orde Ursiline, iha congregação Vitorianas, iha congregação Loreto, iha congregação Sagarada Família, iha congregação Discípula de Jesus Eucarístico, iha congregação Putri Maria Yosef, congregação Marista. 

Agora iha Diocese Baucau laran, além ordo no congregação nebe temi oha iha leten iha mos congregação SVD, iha congregação Irmãos São João de Deus, iha Ordo Franciscano, iha congregação SSps, iha coongregação ADM, iha congregação Franciscanas, iha congregação Escravas de Eucaristia, congregação Concepcionista no mos congregação Visitação.

 7.     Missionação iha Timor tempo missinário sira uluk la iha    sectarianismo religiosos.

Tempo missionário sira, ita foin celebra  500 anos iha tinan liu ba. Presença missionário sira uluk la cria sectarianismo hanesan tendência ohin loron mosu. Tuir história, missionário domenicano sira mak mai uluk, tur mai missinário Jesuita sira, tuir mai missionário Diocesano sira, tuir maimissionaria Canossiana sira, tuir mai missionario Salesiano sira. Ha’u hatene didi’ak katak desde Português nia tempo iha padre diocesano no mos congregação religiosa sira nebe  tau matan mos ba sarani sira. Desde tempo missionario sira nian 1500 – 1700 ital; missionário Domenicano sira mak mai uluk, maibé sira mos la proclama dehan, missão Timor ne’e missão domenicano no sarani sira nebe sira sarani, familia domenicana sira nian tanba: «Sl 115, 1 Não a nós, ó Senhor, não a nós, mas ao teu nome dá glória, pelo teu amor e fidelidade».

Tur mai, padre Jesuita sira no mos madre Canossiana sira, no padre Salesiano sira. Padre Sejuita sira iha tempo português to’o iha tempo Indonesia sei kaer seminário; hahú iha Soibada, Dare, Macau no Balide, hodi educa padre diocesano sira iha Timro laran tomak, maibé sira la proclama katak ema sira nebe sira educa sai padre Sejuita, ou família sejuita maibé padre diocesano tanba: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».

Ema sira nebe apdre Jesuita sira educa iha Soibada la proclama cidade Sejuita ou familia sejuita.Madre  Canossiana sira nebe desde 1979 mai Timor, hahú iha Dili, Soibada, Ossú, Suai, educa feto Timor sira sai matenek, sira mos la proclama katak ema sira nebe sira educa sai familia canossiana. Missão antigo sira nebe uluk missionario sira loke, entre sira ne’e, padre diocesano, hanesan Missão Ossú (Pe.Manuel Luis diocesano), Missão Baucau, Missão Maliana (Pe.Manuel Luis diocesano), maibé  sira sarani  de’it ema no educa ema sai  sarani ba Igreja Jesus Cristo nian, maibé la proclama, Missa Ossú cidade diocesana, Missão Baucau, cidade diocesana, Missão Maliana, cidade diocesana no familia diocesana. Padre no madre missioário sira uluk ne’e halo de’it hanesan Salmista dehan: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».

Iha tempo Português to’o 1975; missionario iha Timor, mak padre diocesano sira (entre sira be sei moris mak Pe. José Alvaro Nolasco Monteiro) iha mos padre Timor oan sira nebe Padre Jesuita sira mak educa sai padre Diocesano. Iha missionario Salesiano, iha missionaria Canossiana iha mos Timor oan sira nebe sai madre Canossiana. Iha missionaria Domenicana iha mos Timor oan nebe sai madre domenicana; iha missionaria Carmelita, iha Indonesia nia tempo mak iha Timor oan hosi Ermera mak halo primeiro votus iha Bobonaro; depois de 1980 ba letan, mai missionario hosi Indonesia, mak Ordo Ursulina, Congregação Carlos Borromeus ou CB, Putra Raina Rosario ou PRR; congregação SVD.

Ita hotu hein   Diocese Dili  la mosu proclamação sira hanesan ne’e,   tanba iha Diocese Dili, li-liu iha cidade Dili laran, congregação religioso no religiosa mak nakonu, ha’u bele dehan cidade  Dili, cidade de congregação religioso/religiosa maioria iha Timor. Se congregação be barak hanesan ne’e iha Diocese cidade Dili laran, id-idak hamrik proclama sira nia hela fatin sai sira nia cidade, ema sira nebe sira educa sai sira nia família nia família hotu, Diocese Dili nia ema iha nebe tan? Ordo domenicano sira mak mais antiga iha Diocese Dili, hahú tempo missionario iha Oe-Cusse, maibé sira nunca proclama katak Oe-Cusse mak cidade domenicano, sarani Oe-Cusse mak família domenicana  tanba: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».

Tuir mai Ordo Jesuita entre comunidade religioso nebe maos mais antiga iha Diocese Dili, maibé desde uluk to’o ohin loron nunca proclama cidade Dili sai cidade Sejuita,  la dehan katak ema sira nebe sira  educa sai família sejuita tanba: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».  Missionario diocesano sira nebe mos mais antigo iha Timor la nunca proclama no la proclama fatin sira nebe serviço ba sai cidade diocesana, ema sira nebe sira educa sai familia diocesana tanba: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».

  Congregação Canossiana mos congregação ida nebe mais antiga iha Dili, Soibada no Ossú, maibé sira nunca proclama fatin sira nebe serviço sai cidade canossiana no ema barak nebe sira educa, la manipula sira sai família canossiana tanba: «Sl 115, 1Não a nós, ó Senhor, não a nós, mas ao teu nome dá glória, pelo teu amor e fidelidade».  Qualquer ordo no congregação nebe iha Igreja laran, mesak carrisma riku soin Igreja católica nian, importante evita tendência sectarianismo religioso, no cria unidade da Igreja Diocesana, iha nebe moris mos carrisma religioso no religiosa sira hotu iha Diocese nia laran.

Artigo ida ne’e, refleção pessoal Pe. Germano Gusmão, padre Diocesano, Diocese Baucau. La representa hierarquia Diocese Baucau. Hakerek na’in hela no halo knaar iha Diocese Baucau. Halo knaar docente iha Instituto Filosofia no Teologia, Dom Jaime Garcia Goulart, Fatumeta-Dili.

P. Germano Gusmao

Diocese de Baucau

Timor Leste

Balas Balas ke Semua Teruskan

CNRT Husu PR Taur Labele Kompara Soeharto ba Xanana

Señor Prezidenti Repúblika (PR) ema veteranu ida, konserteza nia luta ho prinsípiu no valores to’o iha independénsia ida ne’e. Valór sira ne’e maka ita atu respeita, rona, no konsidera malu, maibé ho nia mensajen ida iha (25/02/2016) ida ne’e kontraditória tiha ona.

Polémika ezonerasaun Maijór Jenerál Lere Anan Timur  seidauk ramata, kazu sira seluk mosu no buras tan. Tanba kazu ezonerasaun ne’e maka Prezidenti Repúblika Taur Matan Ruak hakat ba Parlamentu Nasionál hodi justifika ninia razaun ba deputadu sira, eh, Prezidenti Taur mós sukit (sita) kazu sira seluk iha nia mensajen estadu. Taur dehan, unanimidade orsamentu jerál estadu fó previléjiu de’it ba família Kay-Rala Xanana Gusmão no Dr. Marí Alkatiri—Xanana kaer Timor no Marí kaer Oe-Cusse.

Mensajen Xefi Estadu nian ne’e todan. Tan ne’e, hamosu reasaun oi-oin hosi bankada sira iha Parlamentu Nasionál.

“Fretilin intende katak Xefi du Estadu sai hanesan símbolu unidade nasionál la’os elementu ida atu kria instabilidade hodi sukit lia ho nia konsekuénsias graves ne’ebé maka bele mosu iha ita nia rai,” Prezidente Partidu Fretilin, Francisco Guterres “Lu-Olo” hato’o lia hirak ne’e liuhosi konferénsia imprensa iha Komité Sentrál Fretilin (CCF), Sungunda (29/02/1016).

Lu-Olo dehan Fretilin manifesta ninia totál diskordansia no la haksolok ho Prezidente Repúblika nia mensajen ne’ebé hato’o iha Parlamentu Nasionál. Tuir artigu 74 númeru 1 Konstituisaun, Prezidente Repúblika hanesan Xefi Estadu sai hanesan símbolu no garantia estabilidade nasionál no unidade estadu ninia, la’os atu ba sukit povu.

Eis Primeiru Prezidente Parlamentu Nasionál esklarese imunidade ne’ebé Prezidente Repúblika iha hodi uza atu diriji mensajen iha Parlamentu Nasionál devia uza ba objetivu prinsipál atu bele kaer koezaun nasionál maibé halo fali para fahe povu Timor-Leste no líder sira.

“Prezidente Repúblika ida labele sai hanesan elementu ida hodi sukit lia ba iha públiku bainhira hakarak hato’o mensajen ba públiku,” Lu-Olo lamenta.

Lu-Olo dehan unanimidade ne’ebé Parlamentu halo ne’e hanesan aktus relasaun ne’ebé di’ak entre líder sira hanesan Xanana, Alkatiri no Lu-Olo rasik nune’e bele lori rezultadu ne’ebé di’ak ba ita nia rain.

“Ami hamutuk hodi hatudu ba jerasaun foun sira atu nune’e dalan ida ne’ebé ami loke bele moos ba jerasaun foun sira tuir mai labele sidi ain,” nia esplika.

Hatán kona-ba ezvajamentu ne’ebé Parlamentu halo, Lu-Olo haklaken “CNRT, PD, Frnti-Mudansa no Fretilin, ami halo konsensualidade ida ne’e para bele trava ezvajamentu osan povu maubere ninian. Verba sira ne’ebé Prezidente Repúblika hodi hateten ami la’os halo unanimidade para lori osan ida ne’e hodi hetan previleiju maibé lori halo imunidade atu trava ezvajamentu ne’ebé Prezidente Repúblika hateten para osan ida ne’e gasta ou ezekuta tuir nia dalan tuir interese povu Timor-Leste ninian”.

Eis gerileiru ne’e deskonfia katak karik mensajen PR iha Parlamentu ne’e atu hasees hosi responsabilidade inkonstitusionál ne’ebé Prezidente deside ba ezonerasaun Lere Anan Timur nian.

“Prezidente hakarak kria krizi institusionál entre partidu boot rua (2) hanesan CNRT ho Fretilin nia laran? Prezidente Repúblika hakarak kauza dez-órden ruma tan iha ema seluk nia uma laran?  Sá objetivu maka lori Prezidente atu bele ba to’o iha ne’ebé maka fó sai nia mensajen ida ne’e? Prezidente hola ona konsekuénnsia katak nia sala tiha ona,” Lu salienta.

Lu apela ba prezidente ne’ebé asumi responsabilidade konstituisionais ho dignidade. Prezidente labele fahe povu atu bele ukun tanba besik eleisaun jerál ona.

Prezidente oras ne’e protezidu hela ho imunidade, maibé depois de mandatu ramata karik Fretilin sei lori Taur Matan ruak ba Tribunál tanba defamasaun? Lu-Olo hatán,prezidente proteje duni ho imunidade maibé Fretilin sei haree kestaun ne’e iha futuru tanba justisa la taka dalan ba sé de’it.

Kona-ba Fretilin nia pozisaun ba Ezonerasaun Lere Anan Timur, Lu-Olo dehan “Ami Fretilin en-prinsípiu laiha buat ida kona-ba ezonerasaun. Atu ezonera Maijór Jenerál Lere, atu nomeia fali Filomeno Paixão ou sé-sé de’it, ba ami Fretilin respeita desizaun estadu nian”.

Maibé, tuir Lu katak desizaun ida ne’e sai tiha polémika tanba tuir baze legál ou lae, maka órgaun soberanu seluk tenke haree para bele rezolve problema ne’e.

“Ida ne’e la’os diskursu no menus liu mensajen xefi Estadu ida ba nasaun. Prezidente Repúblika falla iha oportunidade ida no uza fatin ida in-apropriadu hodi halo mensajen polítika ida afavor ba nia  partidu rasik,” nia afirma.

Deputadu Bankada CNRT, Aderito Hugo da Costa liu-hosi deklarasaun bakanda iha uma fukun Parlamentu Nasionál katak prezidente uza uma fukun Parlamentu hodi insulta no akuza lideres nasaun nian inklui partidu CNRT no Fretilin hanesan instituisaun demokrátiku.

“Uza fatin ida ne’e hodi insultu própriu Parlamentu Nasionál hanesan órgaun soberania ho nia kompeténsia apropriadu atu halo lejizlasaun, fiskalizasaun no desizoens polítiku. Uza mós fatin ida ne’e atu halo mensajen ida ke laiha karakter edukasaun sívika,” Aderito esplika.

Nia hatutan bankada CNRT lamenta tebes Prezidente Repúblika akuza deputadu sira autoriza governu halo ezvajamentu ba osan estadu nian, prezidente halo mensajen haree liu-ba pozisaun politiku pesoál tuir prespetiva Prezidente nian.

Vise Prezidente PN ne’e ezije ba Prezidente Repúblika atu respeita Parlamentu Nasionál hanesan órgaun soberanu, lideres istóriku na’in rua (2) hanesan Xanana no Alkatiri, inklui mós partidu boot rua hanesan CNRT no Fretilin.

CNRT lamenta katak lideres istóriku hanesan Xanana Gusmão, prezidente halo fali komparasaun hanesan Soeharto. Nia dehan Xanana ohin loron laiha uma di’ak ida atu hela, no agradese ba governu tanba bele oferese uma ida Xanana hodi hela.

Deputada hosi Bankada FRETILIN, Josefa Alvares Pereira iha sesaun plenária Segunda (29/02) hateten, mensajen PR nian foin lalais ne’e hanesan mensajen ida ne’ebé atu hamanas, sunu, ke’e, akuza no akredita, la’os mensajen ida ne’ebé atu siviliza povu hanesan Prezidente rasik ko’alia.

Deputada ne’e afirma, ita moris iha demokrásia la’os atu hanorin ema no atu haree de’it ba iha fallas hodi krítika, maibé atu iha kapasidade hodi akompaña dezenvolvimentu, no tenke iha umildade hodi rekoñesse forma objetiva ida ba susesu  sira ne’ebé halo durante tempu tomak ida ne’e.

“Señor PR ema veteranu ida, konserteza nia luta ho prinsípiu no valores to’o iha independénsia ida ne’e. Valór sira ne’e maka ita atu respeita, rona, no konsidera malu, maibé ho nia mensajen ida iha (25/02/2016) ida ne’e kontraditória tiha ona,” dehan deputada ne’e.

Josefa dehan tan katak, PR hahú dezakredita figura na’in rua (2) hanesan Xanana Gusmão ho Marí Alkatiri ne’ebé respeitadu iha mundu, no la konsidera figura rua (2) ne’ebé ita hateten katak hanesan memória instituisionál hodi tau interese ninia popularizmu.

Deputadu Frenti-Mudansa (FM), Jorge da Conceicão Teme dehan, depende ita atu haree ba parte ne’ebé nian, maibé tuir nia PR depois de nia vizita sukus barak nia rona duni povu no hatene povu ninia preukupasaun. Ida ne’e maka nia ba hato’o iha PN.

Nia hatutan sé karik ita la konkorda hodi ofende líderes nasionál balun ne’e espasu iha para bele túr hamutuk ko’alia ba malu hodi bele rezolve. “Iha parlamentu ne’e insulta malu, dún malu koruptór ne’e dezde uluk kedas, la’os foin, maibé ikus ita túr ko’alia ba malu di’ak hela,” Jorge afirma.

Eis Minístru Interior nu’udar mós veteranu, Rogério Tiago Lobato hateten dalan úniku maka diálogu, tanba ita nia rai independente ona. No antes manán rai ida ne’e ita lakon ema barak, ne’eduni lakohi rai ne’e monu tan ba konflitu. Buat ida demokrásia, tuir nia, ema ida-idak iha direitu atu ko’alia, maibé ko’alia halo didi’ak para labele halo ema seluk hakfodak. Ne’eduni, líder sira presiza túr hamutuk halo diálogu, tanba ho diálogu maka bele hetan solusaun.

Diretór Forum ONG Timor-Leste (FONGTIL), Arsenio Pereira hateten, relasiona ho deklarasaun Prezidente Repúblika (PR) nian iha PN, tuir loloos PR maka fó garantia tanba mandatu konstituisaun nia fó garantia ba unidade nasionál, no estabilidade. Maibé, depende ba ema ida-idak nia interpretasaun. Katak, ita interpreta ida ne’e bele fó impaktu ba ita nia dezenvolvimentu, no ba estabilidade.

Maibé, nia esplika, sé interpreta deklarasaun ne’e hanesan situasaun ne’ebé ladi’ak, tuir loloos ne’e ita sira ne’ebé iha kraik bele tau ita nia án liu-liu labele monu lalais ba interese sira, tanba ita monu lalais. Ida ne’e maka ita bele hetan instabilidade.

“Sé mosu instabilidade ema dehan terseira pesoa ne’e bele aproveita situasaun ne’e, satán agora dadauk ita halo negosiasaun mina nian no halo demonstrasaun hasoru Austrália ne’e buat ida ne’ebé mais fásil, no frázil kuandu ho situasaun sira hanesan ne‘e tanba ema bele aproveita. Ne’eduni, Timor lakohi ida ne’e,” dehan Arsenio iha Sentru Konvensoens Díli, Sábadu (27/02).

Hatán ba deklaraun PR nian ne’ebé hateten, Xanana kaer iha Timor, Marí Alkatiri kaer iha Oe-Cusse hodi fó projeitu ba sira nia família, Arsenio dehan, ida ne’e bele sai hanesan defamasaun. Maibé, sé PR iha dadus kompletu ne’e laiha buat ida. Sé laiha, Marí ho Xanana bele lori PR ba Tribunál relasiona ho asuntu defamasaun.

Relasiona ho kestaun ne’e, tuir nia, sé bainhira iha keixa ruma ba iha Komisaun Antí Korrupsaun (KAK) ho PDHJ bele halo investigasaun tanba ida ne’e sira nia serbisu hafoin lori ba Ministériu Públiku no kontinua ba Tribunál.

Entretantu, Dekana Fakuldade Siénsias Sosiais Universidade de Díli (UNDIL), Cesaltina Angela Soares hateten deklarasaun Prezidente ne’e hanesan preukupasaun ne’ebé maka nia ba tour iha suku sira saida maka komunidade sira preukupa, la sees malu. Ne’ebe, prezidente iha razaun atu ko’alia ba Parlamentu.

Deklarasaun PR bele hamosu instabilidade? Angela esplika, la’os atu hamosu instabilidade. Instabilidade katak polítiku sira halo ajitasaun ou propaganda barak, maibé ema hotu kompriende katak dezde 2006 ne’e, oinsá instabilidade ne’e mosu, impaktu ba sé no sé maka benefísia hosi instabilidade ne’e.

“Rai ida demokrásia, liberdade boot, buat ida sala ema tenke hasee. Tuir loloos iha Psarlamentu opozisaun tenke forte para hasee sasán sira. Opozisaun ohin loron laiha entaun Prezidente tenke hasee. Ita povu ki’ik hasee mós ema la rona, mídia no akadémika sira hasee mós sira dehan ne’e polítika sira maka iha kotuk, entaun prezidente di’ak liu hasee,” nia tenik.

Nia dehan, laiha impaktu ba estabilidade tanba nasaun ne’e ita hatene sira ne’e sé-sé, sira hirak ne’e sé, sira hirak ne’e mesak luta ba rai ida ne’e, mesak hanoin interese povu no rai ne’e maka’as.

PR halo ezonerasaun tanba defende tranzisaun lideransa? Angela aseita katak kadernizasaun ne’e importante ba jerasaun sira, atu rai hela lisaun di’ak ba jerasaun foun sira. Jenerál Lere nia kargu ne’e importante liu interese nasionál, ou seitór hotu-hotu ne’ebé vitál ne’e importante liu.

Nia dehan sé ita la halo kadernizasaun entaun bainhira maka bele promove membru seluk. Militár ne’e la’os hanesan sivíl ne’ebé haree de’it ema ne’e matenek no serbisu di’ak foti nia sa’e, maibé militár ema tenke sa’e hosi eskada (ajente) maka to’o jenerál.

“Ema dehan sidadaun Timor hotu-hotu polítiku maka barak liu. Ema hotu ko’alia polítika hanesan ema sientista maibé  ita apriende ona kazu 2006 ema barak vítima, susar, dezenvolvimentu la la’o,” Dekana ne’e haktuir. (Efrem)

Matadalan

Taur Vs Xanana & Marí, Tanbasá Ohin Loron Soe Malu?

Xefi Estadu Maior Forsas Armadas, Maijór Jenerál F-FDTL, Lere Anan Timur hateten problema ne’ebé mosu iha ita nia leet ohin loron ne’e la’os órgaun soberanu sira maibé entre Xanana ho Taur.

“Problema ne’e entre Taur no Xanana. Problema la’os tanba korupsaun, problema la’os privadu, problema kondusaun distinu nasaun nian no liafuan naksalak,”  Lere Anan Timur hato’o kestaun ne’e bainhira hato’o mensajen iha seremónia enseramentu kongresu veteranus nian iha Sentru Konvensaun, Merkadu Lama, Díli, Kinta (03/03/2016).

Lere dezafia katak Xanana atu lori Taur ba Tribunál ou Taur atu lori Xanana ba Tribunál. Tuir nia, bele lori malu maibé iha dúvida boot tanba sé lori ba Tribunál bele deside ka lae? Lere dehan, ohin loron ita hotu serbisu ho lei maibé ema nia interpretasaun maka oi-oin.

“Ha’u la fiar katak sira atu lori malu ba Tribunál. Sé lori ba Tribunál ha’u la fiar katak Tribunál atu julga sira. Tanba kuandu ita ba Tribunál ida tenke sala ida tenke loos. Loos hotu ha’u la fiar. Sala hotu mós ha’u la fiar,” nia akresenta.

Eis Guierilleiru ne’e dehan uluk tanba funu sira la soe malu, tanbasá ohin loron sira soe malu. Krize 2006 fahe ona ita, loromonu no lorosa’e, ne’e la’os mosu de’it maibé sempre ema ruma maka fábrika krizi ne’e.

Nia esplika problema ohin loron labele lori to’o ona ba veteranu sira. Veteranu tenke hatudu lisaun ba jerasaun foun sira. Sé veteranu sira fahe malu entaun nasaun ne’e sei la hakmatek—ema barak maka sei terus tan iha tempu ukun án ne’e.

Uluk, Xanana ho Taur lidera funu hotu ona, maibé atu lidera nasaun ne’e nunka ramata hosi jerasaun ba jerasaun veteranus sira nia naran sei morin ba bei-beik.

Iha parte seluk, Bispu Dioseze Baucau Don Basílio do Nascimento dehan polémika ida ne’e hanesan teste ida ba órgaun soberania sira nia maturudade no mós ba povu nia maturidade. Liu-hosi buat hirak ne’e ita bele dehan katak rai nakadoko maibé depois buat hotu-hotu kalma, ita hotu kalma, povu hakmatek.

“Ha’u gosta maka ne’e, populasaun maduru, populasaun la book-án. Ha’u hanoin katak buat ne’ebé hosi veteranu sira no Parlamentu, hosi jornál sira, ha’u haree ideia hotu-hotu la hanesan. Buat ne’e fou-foun halo ema tauk, parabéns ba povu,”  Bispu Dioseze Baucau, Don Basílio do Nascimento hato’o kestaun ne’e molok ramata inkontru ho Prezidente Repúblika iha Dioseze Díli, Lecidere, Sesta (04/03/2016).

Don Basílio konsidera katak liafuan Prezidente altu majistradu nasaun nian no fatin ne’ebé prezidente hili atu hato’o mensajen maka Parlamentu. Tanba ne’e, prezidente la ba ko’alia arbiru, prezidente hatene kle’an kona-ba realidade povu Timor.

“Prezidente iha liberdade, ita hotu-hotu iha liberdade espresaun no ha’u hanoin katak buat ne’ebé prezidente hateten ne’e kala prezidente haree ho matan, prezidente rona no bele iha dadus. Ha’u hanoin katak Prezidente la’os ko’alia arbiru de’it,” Don Basílio esplika.

Hatán kona-ba oinsá igreja nia haree dalan saida maka bele rezolve problema refere? Don Basílio hateten “Igreja maka atu ba túr hamutuk la presiza ida. Ema hirak ne’e mesak boot, mesak katuas, mesak adultu. Ne’ebe, ka’er ba livru ekleziástiku katak iha tempu ba buat hotu-hotu, iha tempu atu moris iha tempu atu mate, iha tempu atu kuda iha tempu atu ku’u, iha tempu atu hirus, iha tempu atu dame malu, iha tempua atu oin suar, iha tempu atu oin mamar”.

Deputadu no mós nu’udar portavóz bankada FRETILIN, Francisco Miranda Branco hateten, polémika ne’e mosu tanba kestaun interpretasaun konstituisaun nian maka hodi hamosu polémiku públiku entre instituisaun Governu, Parlamentu no prezidente da Repúblika. Ne’eduni, atu rezolve problema ne’e só Tribunál Rekursu maka bele interpreta finalmente hodi haree hosi parte ne’ebé maka halo interpretasaun di’ak no loloos ba konstituisaun.

Nune’e mós, Veteranu José Agustino Sequeira “Somocho” hateten, mosu dezintendimentu balun ba desizaun ne’e tanba iha dezkontrolu oituan hodi foti desizaun. No, parte balun dalaruma instituisaun estadu ninian hanesan defeza ho órgaun soberania sira ladun iha koordenasaun serbisu di’ak.

Maibé, akontese tiha ona ne’e tuir nia la signifika katak ita atu sobu tan ita nia nasaun. Nia mós fiar ba líderes nasionál sira tanba kompara hanesan uma ida karik, sira maka harii hodi tau ai-rin no buat hotu-hotu. Ne’eduni, nia la fiar katak sira maka atu sobu fali.

“Problema ne’e ba ami hanesan veteranus ami nia obrigasaun maka ami hakarak dada sira hamutuk hodi re-estabelesse fila-fali sira nia domin no unidade hanesan uluk iha funu laran ami sei hamutuk hodi rezolve problema ne’ebé mosu,” dehan veteran ne’e iha Muzeu Nasionál Rezisténsia, Díli, Sábadu (05/03/2016).

Nia mós lakohi fó komentáriu ba desizaun ne’ebé Prezidente Repúblika hasai, maibé entre sira órgaun soberania maka bele túr hamutuk hodi haree sé maka ultrapasa kompeténsia sira ne’ebé konstituisaun fó. Maibé, sé sira hotu-hotu hakarak defende sira nia pozisaun, maka Tribunál sai hanesan jurista ida hodi haree sé nian maka loos no sala.

Tuir deputadu bankada Partidu Demokrátiku (PD), Virgílio Hornai katak, Xanana, Marí Alkatiri no Taur Matan ruak hanesan figura rezisténsia nian ne’ebé sai hanesan modalidade ida atu fó  esperansa ba hotu-hotu katak sira maka fundadór estadu no nasaun nian. Ne’eduni, sira laiha hanoin át ruma ba nasaun no povu ida ne’e.

Entretantu, Diretór ONG Luta Hamutuk, Merício Akara hateten polémika entre Taur, Xanana no Alkatiri labele kontinua tan ona tanba TL ohin loron presiza dezenvolvimentu, presiza hakmatek, páz no estabilidade.

“Tenke tau interese nasaun ne’e iha sira na’in tolu (Taur, Xanana no Alkatiri) nia leten. Labele uza na’in tolu nia sentimentu, interese pesoál entaun nasaun ne’e tendénsia polítika kontinua tan. Ne’ebe, sira na’in tolu  hanoin katak sira nia interese la boot liu nasaun, la boot liu interese povu, la boot liu fundu minarai ne’ebé maka atu maran ona ne’e,” akara tenik.

Merício esplika katak Xanana, Alkatiri no Taur tenke halo reflesaun atu bele salva nasaun ne’e, salva integridade estadu, salva fundu petrolíferu ne’ebé atu maran dadauk. Nasaun ne’e ita sura ba mai iha sira na’in tolu nia liman.

“Ami laiha interese atu sira na’in tolu ne’e atu tún ou sa’e maibé ami nia interese maka sira na’in tolu tenke di’ak, iha integridade nafatin lori nasaun ne’e hakmatek, sira deskansa mós ho di’ak tanba sira mós katuas ona,” nia informa.

Merício dehan iha tinan 10 oin mai sira sei deskansa. Di’ak liu prepara án, prepara lideransa foun sira atu lidera nasaun ne’e, duké sira istori malu bebeik nune’e ema seluk bele hamnasa ba sira na’in tolu (3). (Efrem/Jon/Júlia)

Matadalan