PROSESU PAGAMENTU BA VETERANUS LA’O ORGANIZADU

Prezidente interinu Comisão Homenagen Supervizaun Registo e Recursos (CHSRR) Custódio Belo ‘Alin Laek’ informa katak, pagamentu veteranus tinan 2015 ne’e CHSRR garante katak la’o ho di’ak, tanba veteranus ida-idak mai ho ninia responsabilidade rasik no prosesu pagamentu ne’e organizadu ona.

“Prosesu pagamentu tinan ida ne’e sei la’o ho di’ak tanba la hanesan ho pagamentu iha tinan uluk ne’ebé maka nakonu ho manobra no manipulasaun, hau hanoin agora ne’e la akontese ona tanba veteranus ida-idak mai kedas ho ninia responsabilidade rasik no tanba prosesu pagamentu ne’e organijadu no fila mos ho organijadu, ne’ebé fallansu ne’e minimu la hanesan tinan uluk ona”, hateten Custodio Belo ‘Alin Laek’ ba JN-Diário iha ninia kna’ar fatin Caicoli-Díli, Kinta Feira (01/10).

Nia esplika, pagamentu tinan 2015 ne’e la’o ho di’ak no seguru tanba mai ho organijadu, tanba antes veteranus sira simu pagamentu primeiru tenke identifika uluk sira nia dokumentu ne’ebé maka sira lori hanesan kartaun eleitoral, númeru konta bankaria no sertidaun para sira mai konfirma lolo’os katak sira duni ka la’e.

“Agora ami servisu hamutuk ho banku funsionariu BNU ninian para sira mai identifika uluk iha ne’e maka foin ba iha departamentu pensaun antes pagamentu maka sei tula sira ba hodi simu sira nia direitu ne’e, no sira ne’ebé la liu husi prosesu iha CHSRR ba liu iha BNU ne’e sistema la premiti atu foti osa refere”.

Númeru benefisiariu ne’ebé maka atu simu osan ne’e lubuk ida tanba hahu’u husi loron 1 Janeiru 2014 ne’ebé osan mai fali 2014 no 2015 ne’e simu osan pagamentu kuaze miliaun 5 ba leten no total benefisiariu ne’e maka atu halo pagamentu ne’e hamutuk milaun 31.128, fundamenta Alin Laek.

Nia informa, kuandu benefisiariu balun ho kondisaun saúde no idade la premiti ona atu mai halo pagamentu ne’e tenke iha justifikasaun no dokumentu ruma para deklara benefisiariu ninia kondisaun liu husi ninia responsavel hodi esplika kondisaun refere hodi funsionariu banku bele halo pagamentu direita iha sira nia hela fatin ba benefisiariu sira ne’e para evita dezvius nian, hau hanoin ne’e dalan ida ne’ebé ita hili tanba sira labele la’o ona.

Depois ba oin benefisiariu ne’ebé maka kategoria 4 a 7 ne’e kada fulan simu $ 115 durante tinan ida nia laran de’it, I sira ne’ebé maka kategoria 8 a 14 maka simu kada fulan $ 276 no simu tinan-tinan.

Tanba orsamentu pagamentu ba veteranus ne’e ho montante ne’ebé bo’ot entaun CHSRR realija pagamentu primeiru ne’e iha Díli, depois ba oin fulan-fulan benefisiariu ida-idak simu iha banku BNU munisipiu ida-idak nian, dehan Alin Laek.

Benefisiariu sira ne’ebé maka ninia dadus sei iha prosesu nia laran ne’e tama hotu ona iha edital, maske sira nia dokumentu seidauk kompleta sira sei hadi’a hela no sira sei tama ba segundu pagamentu ne’ebé maka sei hala’o iha fulan Dezembru tinan ida ne’e.ves

Jornal Nacional

MEMBRU GOVERNU KESI IKUN BA IMUNIDADE

Tuir monitorizasaun Organizasaun Noun Governamentais (ONG) Judicial System Monitoring Program (JSM) nia durante ne’e nota katak, fallansu bo’ot iha Governu nia laran hodi impede lala’ok justisa mak imunidade membru Governu sira nian.

Vise Diretur Judicial System Monitoring Program (JSMP), Lasimiro dos Santos informa katak, iha monitorizasaun JSMP nian durante ne’e, detekta katak, failansu ne’ebé bo’ot liu iha Governu mak, imunidade.

“Imunidade ne’e mak durante ne’e, ninia prosesu atu hasai membru Governu sira ninia imunidade ne’e mak, difisil uit oan,”informa Lasimiro ba JN-Diário iha nia kna’ar fatin Colmera Dili, Kinta (01/10).

Nia hatutan, situasaun ida ne’e mak impede Tribunal atu ezerse nia funsaun, li-liu atu julga kazu sira ne’ebé mak involve membru Governu sira.

Maibé Lasimiro dehan, ba asuntu ida ne’e, desde uluk kedas, JSMP husu ona Parlamentu Nasionál atu konsidera hodi labele impede justisa.

“Husu ba Parlamentu no Governu atu konsidera ho kolabora ho Tribunal atu hasi imunidade ba membru Governu sira nian,”informa Lasimiro. Nia afirma, agora dadauk mós kestaun ida ne’e, Governu mós fokus ba área ida ne’e, hodi hadi’a justisa.

Oras ne’e dadauk parte justisa infrenta problema oit oan kona-ba membrus Governu sira nia imunidade, tanba atu lori sira ba presta deklarasaun iha Tribunal, Parlamentu Nasionál tenke hasai sira nia imunidade.

Tanba problema imunidade ne’e mak, to’o agora membru Governu balu no Prezidente Parlamentu Nasionál seidauk bele ba presta deklarasaun iha Tribunal, tanba sira nia imunidade seidauk hasai.cos

Jornal Nacional

PORTUGAL JÁ VOTA – Eleições Legislativas 2015

As mesas de voto abriram às 8h00 e assim se manterão até às 19h00 em Portugal Continental e na Madeira. Nos Açores, as urnas abrem e fecham uma hora mais tarde, devido à diferença horária.

Portugal vota hoje em eleições legislativas, para a eleição dos deputados À Assembleia da Repúblcia, de onde emanará o próximo Governo.

De acordo com dados da Secretaria Geral do Ministério da Administração Interna há mais de 9,5 milhões de eleitores inscritos - 9.682.369.

As mesas de voto abriram às 8h00 e assim se manterão até às 19h00 em Portugal Continental e na Madeira. Nos Açores, as urnas abrem e fecham uma hora mais tarde, devido à diferença horária.

Nestas eleições para a XIII Legislatura, concorrem 16 forças políticas, das quais três são coligações e as restantes 13 partidos.

Nas coligações, contam-se a Coligação Democrática Unitária (CDU), que junta PCP e PEV, a coligação Portugal à Frente, com PSD e CDS-PP, e a coligação Agir, que alia o Movimento Alternativa Socialista (MAS) ao Partido Trabalhista Português (PTP).

Os partidos políticos são: Partido Socialista (PS), Bloco de Esquerda (BE), Livre/Tempo de Avançar, Juntos pelo Povo (JPP), Nós, Cidadãos! (NC), Portugal pro vida, Cidadania e Democracia Cristã (PPV/CDC), Partido da Terra (MPT), Partido Democrático Republicano (PDR), Partido Comunista dos Trabalhadores Portugueses (PCTP/MRPP), Partido Nacional Renovador (PNR), Partido Unitário dos Reformados Portugueses (PURP), Partido Popular Monárquico (PPM) e Pessoas-Animais-Natureza (PAN).

A 14 de outubro ,serão contados os votos dos círculos da Europa e Fora da Europa, que elegem quatro deputados. Após o apuramento destes dois círculos, fica fechado o apuramento geral dos resultados das legislativas.

Para obter uma maioria absoluta, um partido ou uma coligação precisa somar 116 do total de 230 deputados.

Segundo a Constituição da República Portuguesa, "o primeiro-ministro é nomeado pelo Presidente da República, ouvidos os partidos representados na Assembleia da República e tendo em conta os resultados eleitorais".

Nas últimas legislativas, em 2011, o PSD venceu as eleições com 38,66% dos votos (108 deputados), o PS foi a segunda força mais votada, com 28,05% (74 deputados), seguindo-se o CDS-PP, com 11,71% (24 deputados), a CDU, com 7,90% (16 deputados) e o BE, com 5,17% (8 deputados).

A abstenção situou-se nos 41,1%, a mais elevada de sempre registada em legislativas.

Renascença – foto António Cotrim/Lusa

João Afonso dos Santos traça retrato de um Portugal "salazarento e fechado"

Lisboa, 02 out (Lusa) -- O livro "O últimos dos colonos. Entre um e outro mar", de João Afonso dos Santos, procura traçar o retrato de um Portugal "de que hoje não imaginamos, salazarento e fechado", disse à Lusa o autor.

A obra relata a separação de uma família pelo mar, quando os pais de João e de José Afonso, que se tornou um conhecido cantor e compositor de intervenção política e renovador da canção coimbrã, os enviaram para Coimbra, tendo eles ficado em Moçambique com a irmã mais nova, contou o autor, salientando que aborda uma "questão ainda pouco tratada, que foi a ocupação de Timor-Leste por tropas japonesas", durante a II Guerra Mundial (1939-1945), em que os seus pais foram feitos prisioneiros pelas tropas nipónicas.

A obra, disse à Lusa, é feita das suas memórias "e das memórias dos outros", que ouviu e registou, trazendo a lume dois documentos de autoria do seu pai, o juiz José Nepomuceno Afonso dos Santos, um deles é "uma rememoração iniciada a bordo do paquete Angola, durante a vigem de regresso a Portugal [vindo de Timor, depois de ter estado prisioneiro], e o segundo é a reposta ao procedimento disciplinar contra ele instaurado, por iniciativa do governador".

Sobre este segundo documento, o autor afirmou à Lusa que "explica como a autoridade se quis prevenir contra quem dela às vezes discordou, e lhe pôs a fraquezas a nu".

Relativamente a Timor-Leste, defende o autor que "Portugal entrou de facto na contenda, pois o território sob sua administração, foi ocupado por tropas japonesas, e Portugal, ou antes o refime, quis fazer de conta que nada aconteceu, era um incómodo, mas houve facto gente portuguesa, como os meus pais e irmã, que foi sujeita ás agruras da guerra, e vale a pena lembrar", enfatizou.

A obra, com a chancela da Sextante Editora, mostra "o outro lado do quotidiano em Portugal nas décadas de 1940 e 1950", até porque "as pessoas hoje em dia têm muita dificuldade em saber como era viver nesse tempo".

Um tempo em que, "como a chuva miudinha do Estado Novo penetrou e humedeceu os espíritos, de um moral obscurantista aliada a um proselitismo político. No fundo, de um lado o salazarismo bafiento a impor valores nas escolas e liceus, e do outro o padre na igreja, principalmente nas aldeias, chamando pecado a tudo. Até se as raparigas tinham os cotovelos à mostra, calcule-se", declarou.

"Em 1974, com a revolução, deu-se uma espécie de rutura no quotidiano do ponto de vista de como as pessoas se comportavam socialmente, mas há nesta narrativa um fundo familiar muito forte".

NL // CC

Foto: Salazar, à esquerda, a fazer a saudação nazi.

Mais de 120 pescadores desaparecidos nas Filipinas devido à passagem do tufão Mujigae

Macau, 04 out (Lusa) -- Um total de 121 pescadores continuava hoje desaparecido no norte das Filipinas, um dia depois de o tufão Mujigae ter deixado o arquipélago, informaram agências para a redução de desastres, segundo a agência noticia chinesa Xinhua.

Um relatório sobre o ponto de situação do Mujigae feito pela agência de Redução do Risco de Desastres Regional e Conselho de Gestão 1 (Região de Ilocos) indica que 121 pescadores e 23 embarcações de pesca estavam desaparecidos desde sábado.

De acordo com este relatório, 31 pescadores foram resgatados.

Outro relatório oficial refere a morte de duas pessoas no centro de 'Luzon', no norte das Filipinas.

Mais de 190.000 pessoas foram afetadas pelo Mujigae.

A tempestade tropical aumentou de intensidade na sexta-feira e saiu da área de responsabilidade filipina de sábado.

No sábado, o tufão Mujigae aproximou-se de Macau e Hong Kong, levando as autoridades a hastearem o sinal 3 de tempestade tropical nas duas regiões, uma situação que se mantinha hoje às 13:00 (06:00 em Lisboa).

Àquela hora, o tufão Mujigae estava localizado a cerca de 300 quilómetros a sudoeste de Macau e a dirigir-se para a península de Leizhou, prevendo-se que se mantenha a intensidade do vento, segundo os Serviços Meteorológicos e Geofísicos de Macau.

O sinal de chuva intensa foi, no entanto, cancelado em Macau pelas 12:25 (05:25 em Lisboa) de hoje.

O sinal 3 de tempestade tropical (numa escala de 1 a 10 e onde não existem o 4, 5, 6 e 7) significa que os ventos poderão ter entre 42 e 62 quilómetros por hora com rajadas de cerca de 110 quilómetros por hora.

Com o sinal 3 hasteado, as autoridades recomendam a recolha de embarcações em abrigos e "portos de segurança", verificar o estado de portas e janelas, a desobstrução das sarjetas e goteiras e o acompanhamento das informações meteorológicas.

Em Macau e Hong Kong, o tufão Mujigae tem, desde sábado, causado condicionamentos no tráfego marítimo e aéreo, com alguns voos cancelados e o serviço de 'ferry' suspenso em algumas rotas.

Já em Guangdong, no interior da China, quase 39.000 barcos tiveram de regressar ao porto, e as autoridades provinciais ordenaram a suspensão de todos os serviços marítimos e atividades de entretenimento, de acordo com a Rádio e Televisão de Hong Kong (RTHK).

FV (MP) // FV.

Trajédia iha Meka: Iraun dehan katak ema ne’ebé lakon dobru liu lahanesan saida maka saudita fó sai

Autoridade iraniana dehan katak laiha esperansa atu ninia sidadaun hirak ne’ebé lakon maka moris hela, bainhira mosu insidente trájiku durante peregrinasaun Hajj, semana kotuk

Autoridade Iraun dehan katak peregrinu iranianu 464 ne’ebé mate durante trájedia iha Mina, besik Meka, semana kotuk, kuaze dobru hosi númeru ne’ebé fó sai antes hamutuk 239.

Entidade ofisiál Árabia Saudita haktuir katak ema 769 ne’ebé mate, ho nasionalidade oioin no 935 maka hetan kanek bainhira mosu atake durante peregrinasaun islámika Hajj.

Maibé Iraun – ne’ebé horisehik fó sai kona-ba númeru foun hosi ema hirak ne’ebé lakon, no fi’ar katak ema sira ne’e lamoris – haktuir katak totál hosi vítima ne’e bele liu tokon.

Pakistaun, Índia ho Indonézia fó sai katak númeru totál hosi vítima ne’e bele liu fali ida ne’ebé Arábia Saudita fó sai.

Atake ne’ebé mosu bainhira grupu peregrinu rua ne’ebé partisipa iha rituál “Apedrejamento do Demónio”, halibur iha fatin ida. Duun, ministru Negósiu Estranjeiru saudita, Adel al-Jubeir, maka halo jestaun polítika kona-ba asidente ne’e.

Líder supremu iranianu Ayatollah Ali Khamenei ezizi atu Arábia Saudita husu deskulpa ba saida maka akontese no promete atu halo retaliasaun karik nasaun refere lafoti medida ruma hodi haruka fila mate-isin hirak ne’e ho lalais.

SAPO TL ho Expresso 

Funsionáriu eskuadra polísia australiana nia mate konsidera hanesan atu terrorista

Omisídiu funsionáriu sivíl eskuadra polísia Parramatta nian, iha arredór Sydney nian, ne’ebé mate iha loron-sesta hosi adolesente ida ho tinan 15, hanesan atu terrorista, informa horisehik autoridade australiana sira.

"Ami hanoin katak nia asaun hetan motivasaun politika, tanba ne’e, hanaran terrorizmu", tenik ba jornalista sira Andrew Scipione, komisáriu polísia Nova Gales iha parte Súl.

Adolesente ne’e tiru mate administrativu ida ne’ebé sai hosi sede polísia iha Parramatta iha loron-sesta lorokraik, besik kiómetru 20 ba oeste Sydney nian, iha estadu Nova Gales parte Súl.

Nia mate bainhira tiru malu ho forsa seguransa sira.

Hosi kurda irakiana no moris iha Iraun, adolesente la referensiadu iha servisu polísia nian, hatutan  Andrew Scipione.

Iha setembru tinan 2014 Austrália aumenta nia nível ameasa terrorista no hahú hosi ne’ebá kria raide antiterrorista ida.

SAPO TL ho Lusa

HRW husu libertasaun ba joven rua ne’ebé detida tanba alegadamente hanesan lésbika iha Indonésia

Human Rights Watch (HRW) horisehik husu libertasaun imediata no inkondisionál hosi joven indonézia rua ne’ebé detida tanba alegadamente hanesan lésbika iha finál fulan setembru, tuir 'sharia' (lei izlámika) ne’ebé adapta iha provínsia Aceh, iha illa Sumatra.

Diretór programa LGBT [lésbika, 'gay' (omoseksuál), biseksuál, transjéneru] Human Rights Watch nian, Graeme Reid, konsidera iha komunikadu hanesan "abuzu intolerável poder polisiál" hodi ka’er no ezije governu sentrál husu maka’as hodi revoga lei diskriminatória iha Aceh.

Joven na’in rua ho tinan18 no 19 ne’e, detida iha loron 28 setembru bainhira la’o haruak malu iha parke públiku iha Banda Aceh, kpitál provinsiál, no kontinua preza to’o oras ne’e.

Organizasaun internasionál indika katak iha lei izlámika ne’ebé aplika iha Aceh, ne’ebé kontra Konstituisaun Indonézia nian no Pacto Internacional de Direitos Civis e Políticos ne’ebé ratifika hosi nasaun aziátiku iha tinan 2005.

Provínsia Aceh ukun hosi estatutu autonomia ida ne’ebé permite konvivénsia iha "sharia" (lei izlámika) ho lejislasaun sivíl.

Maski nune’e, territóriu ne’e sai radikál iha tinan hirak ikus ne’e ho medida hanesan kria polísia ida ne’ebé halo seguransa ba morál públika, ka bandu feto sira atu kanta ka dansa, maski hasai tiha ona lapidasaun hosi Kódigu Penál.

Iha fulan juñu kotuk, munisípiu Banda Aceh aprova medida ida ne’ebé bandu feto sira bá kafé no estabelesimentu rekreiu seluk no desportivu hahú tuku 23, bele bainhira akompaña hosi la’en ka família ho seksu maskulinu.

Medida ne’e mós impede feto sira servisu hahú hosi oras ne’ebé hanesan iha lokál hirak ne’e.

"Medida ne’e la aplika de’it ba populasaun maioritariamente musulmana iha Aceh, nune’e mós ho rezidente besik 90.000 hosi relijiaun sira seluk, liu-liu budista no kristaun sira, no mós ba vizitante sira", afirma HRW iha komunikadu.

Indonézia iha abitante besik millaun 250, hosi sira ne’e besik 90% ema musulmanu.

SAPO TL ho Lusa

Polísia identifika suspeitu hosi esplozaun sira iha Xina parte súl

Autoridade xineza sira identifika suspeitu ida ne’ebé responsável ba esplozaun sira mak akontese iha sema kotuk iha sidade Liucheng, iha provínsia Guangxi, ne’ebé hamate ema na’in 10 no 51 hetan kanek, fó sai horisehik imprensa estatál.

Wei Yinyong, tinan 33, fabrika bomba artezanál no entrega rasik parte ida, iha pakote enkomenda nian, no buka ema kontratadu hodi entrega sira seluk, tenik responsável polísia nian ida, sita  hosi ajénsia xineza Xinhua.

Individu ne’e, ne’ebé esplozaun, tanba vingansa kontra lokál no instituisaun sira ho sira ne’ebé disputa negósiu ligadu ho esplorasaun mineira, tuir Xinhua.

Esplozaun sira ne’e akontese iha loron-kuarta kotuk iha sentru komersiál, iha prizaun, iha gabinete governamentál, supermerkadu, estasaun transporte sira nian, ospitál, merkadu no sentru kontrolu ba moras sira.

SAPO TL ho Lusa

DIGNIFIKA PAPEL PROFESSORES (REFLEKASAUN IDA IHA LORON MUNDIAL PROFESSORES)

HUSI: António J. Castro da Cunha

Professor ou docente ka iha Timor-Leste bain-bain ita bolu mestri, nu’udar profisaun ida ne’ebe iha papel determinante tebes atu prepara no eduka jerasaun humana kualifikadu, nune’e bele konstrui no dezenvolve nasaun ida. Professor ka docente (teacher), tuir definisaun Wikipedia katak ema ka pessoa ida ne’ebe hanorin ciensia, arte, téknika no koñesementu seluk tan. Atu bele ezerse ka asumi profisaun ida ne’e, presiza ema ne’ebe iha kualifikasoens akadémikas no pedagójikas, nune’e bele transmite ka hanorin materia aprendijazem ho forma ne’ebe di’ak liu ba estudantes ka aluno sira hotu.

Ida ne’e mos atu esplika katak, papel prinsipal husi professor ida maka atu eduka, hanorin, orienta, dirigi, treina, analiza no avalia alunus ka individu ne’ebe sira hanorin. Tebes, professor ka docente nu’udar profissaun ida ne’ebe kmo’ok tebes. Tanba ne’e, papel professor iha fungsaun ne’ebe stratégiku, hodi prepara rekursu humanu ne’ebe kualifikadu.

Iha loron 5 fulan Outubro, tinan-tinan, mundu tomak selebra nu’udar loron ba professores hotu (dia dos professores). Objetivu prinsipal husi selebrasaun loron mundial professores ne’e maka; Da-uluk, atu fo hanoin ba professores hotu konaba sira nia fungsaun no papel stratégiku hodi prepara rekursu humanu ne’ebe kualifikadu.Da-rua, atu apoiu (suporta) ba professores hotu iha mundo tomak i fo garantia katak sustentabilidade no ezistensia husi jerasaun futuru depende ba sira (profossores) hotu. 

Ha’u atu hateten de’it mos katak, nasaun ida, bele sai nasaun ne’ebe dezenvolvidu, iha karater no dignidade, depende tebes ba sa-ida maka professores sira hanorin ba estudantes.

Loron 5 fulan Outubro, mosu husi akontesimentu históriku ida ne’ebe akontese iha loron 21 Setembro to’o 5 Outubro 1966, bainhira realiza konferensia internasional ida iha Paris. Konferensia ne’e partisipa husi nasaun 76 hanesan membrus husi UNESCO no organizasaun internasional 35. Konferensia ne’e rasik hamosu rekomendasaun konaba estatuta professores ne’ebe koñesidu ho naran “ILO/UNESCO, Recommendations Concerning the Status of Teachers”.

Kontiudu husi rekomendasaun ne’e maka hanesan; Da-uluk, foku ba profesionalismu no bem-estar professores, liu-liu iha nasaun sub-dezenvolvidu sira. Da- Rua, profesionalismu professores la’os atu hatu’ur profisaun professor nar-naran de’it, maibe iha bukae ciensia no kompetensia adequadu i suficiente, balun maka hanesan kompetensia pedagojia. Da-Tolu, professores tengki hadomi nia profisaun totalmente no sincero. Da-Hat, labele hili profisaun nu’udar professor hanesan Segundo alternativa, tanba de’it susar atu hetan servisu seluk.(Fontes. Kompasian.com/2010).

Tuir UNESCO, loron professor mundial tengki reprezenta fundamentu tolu, maka hanesan konciensia, kompreensaun no apresiasaun ne’ebe maka demonstra papel importante professor ida nian, katak hanorin ciensia no dezenvolve jerasaun (futuru).

Professores iha Timor-Leste

Oin-sa ho Timor-Leste? iha loron ne’ebe importante tebes ba professores hotu iha mundo tomak, ha’u hakarak dada ita hotu atu halo refleksaun hamutuk. Reflekte konaba oinsa moris professores nian iha nasaun doben ida ne’e. Karik, Timor-Leste nu’udar nasaun dignifika ona nia professores hotu? Oin-sa maka ita bele dignifika professores sira?

Númeru professores hotu iha Timor-Leste, tuir dadus husi Ministeriu Edukasaun, mais ou menus 12,867 professores, tantu permanente komu kontratadu. Professoers hirak ne’e hanorin husi Pre-Eskolar, Ensinu Baziku, to’o Ensinu Sekundariu Geral no Tékniku Vokasional.

Ha’u nia observasaun, badak no simples, katak iha dékade ikus Timor-Leste nia Ukun Rasik An ida ne’e, ita (nu’udar nasaun ida) seidauk fó atensaun ka prioridade hodi “valoriza” no “dignifika” timor-oan hirak ne’ebe hili dalan professor nu’udar sira nia profisaun. Alende ne’e, hirak ne’ebe hili dalan nu’udar professor mos, dala-ruma la (seidauk) valoriza no dignifika sira nia profisaun rasik.

Iha razoens barak, tuir hau’u nia hanoin, tanba sa buat hirak ne’ebe bele mosu. Maibe, ha’u bele hatu’ur ba razoens bo’ot tolu, hanesan tuir mai;

Da-uluk, Profisaun nu’udar professor la (seidauk) garante moris iha futuru. Tanba ne’e, hili dalan nu’udar professor dala-barak sai hanesan alternativas ka ponte ida atu bele sobrevive, molok hetan fali profisaun seluk ne’ebe bele garante sira-nia moris iha futuru. Ba ida ne’e, barak hili dalan sai professor parte-tempu (part time) de’it. Professor barak, dala-barak tengki abandona alonus sira, la’os tanba sira nia hakarak, maibe liu-liu tanba ejizensia necesidades ne’ebe obriga. Professor barak tenki buka “rendimentu” adisional atu bele garante sustentabilidade ba sira nia moris (familia). Nune’e, sira nunka foku hala’o sira nia kna’ar nu’udar professor ida. Tanba-sa maka nune’e?

Da-ruak, Professor “la’os” profisaun. Timor-oan barak ne’ebe remata ona sira nia estudu iha ensinu superior (barak mos iha de’it ensinu sekundariu) dala barak preukupa  liu ho kampu servisu. Tanba Timor-Leste nu’udar nasaun “sei menus” kampu servisu, nune’e formadu no licenciadu barak haré’e eskola hanesan kampu servisu ida. Licensiadu barak hatama aplikasaun iha eskola sira, no “obriga an” de’it ba hanorin alunos sira. Maske sira hatene katak, atu sai professor ida tenki iha antesedente iha area edukasaun ou iha koñesementu pedagojia ne’ebe suficiente, maibe ba sira “la-iha” obsaun ona. Tanba ne’e, professor ba ema balun la’os hanesan profisaun ida ne’ebe presiza hala’o ho professional.

Da-tolu, Sai professor la’os tanba vokasaun. Timor-oan balun sai professor, la’os tanba sira hakarak (iha duni vokasaun) atu sai professor, maibe liu-liu tanba atu hetan de’it servisu. Ha’u temi balun, ida ne’e signifika kata sei iha professor barak maka hadomi tebes nia profisaun nu’udar professor hanesan vokasaun hodi dedika sira-nia an tomak atu prepara no dezenvolve rekursu humanu ne’ebe kualidade iha nasaun ida ne’e. Maske professor barak hili dalan ida ne’e nu’udar profisaun ida ba sira, maibe dala-barak sira la iha vokasaun ba sira nia profisaun. Bainhira ema ida la-iha vokasaun ba nia servisu, certu katak nia sei la iha vontade atu aprende no  dezenvolve nia koñesementu nu’udar professor. Se nune’e ona, ita bele imajina ona, sa-ida los maka professor ne’e loron-loron halo?

Maske nune’e, ha’u lakohi hatu’ur ida ne’e hanesan problema, maibe nu’udar dezafius ba ita nu’udar nasaun ida. Vise-Ministru Edukasaun, Abel Ximenes sempre ko’alia nune’e, “lalika haré’e difikuldade hotu ne’ebe ita infrenta hanesan problema, maibe hatú’ur nia (difikuldades) hanesan dezafius”.

Dignifika Professores Hotu

Tuir informasaun ne’ebe iha, governu liu husi Ministeriu Edukasaun mós sei selebra loron mundial ba professores iha tinan 2015 ne’e. Maske sei la selebra iha loron 5 fulan Outubro ne’e, maibe pelu-menus, Ministeriu Edukasaun iha hanoin ne’ebe di’ak atu dignifika professores hotu iha nasaun ida ne’e. 

Mai ha’u, la’os selebrasaun ne’e maka importante maibe kontiudu husi selebrasaun ne’e. Sa-ida maka governu sei halo hodi bele dignifika professores hotu iha nasaun ida ne’e? no sa-ida rasik professores ida-ida bele halo hodi dignifika sira nia profisaun? ita hotu bele hein hodi akompaña no kontribui. Maibe, atu dignifika professores sira iha loron especial ida ne’e (dia mundial dos professores), la’os responsabilidade Ministeriu Edukasaun nian de’it.

Entidades hotu (publiku no privadu), tenki hanoin ona oinsa bele dignifika no garante moris-di’ak professor ida-ida nian. Moris di’ak iha ne’e, signifika katak professor ida-ida iha sira nia atividades loron-loron, bele senti orgullu no dignu ho profisaun ne’ebe sira asumi. Salariu ne’ebe dignu, ambiente ne’ebe saudavel, valoriza no tane-as profisaun nu’udar professor, no importante liu maka rekoñesementu ba vokasaun no dedikasaun ne’ebe professor idak-idak iha.

Nune’e mos ba professores hotu. Nu’udar professor, ida-ida tengki hatene no kumpriende sa-ida maka papel prinsipal nu’udar edukador ida. Professores hotu tengki kaer metin papel prinsipal hanesan ha’u temin ona (tuir prinsipiu komun), nu’udar edukador. Professor ida-ida maka tengki dignifika uluk nia-an, molok bele husu mos ba ema seluk atu halo hanesan.

  

Ikus

Professor ka docente ka mestri, nu’udar profisaun ida ne’ebe maka kmo’ok tebes. haré’e ho matan-tomak, dala-ruma ita dehan ne’e fasil, maibe la-fasil hanesan sa-ida maka ema barak hanoin? Atu bele eduka individu ida sai ema ida (mendidik manusia menjadi manusia), la-to’o de’it ho matenek no titulu ne’ebe iha, maibe liu-liu presiza iha vokasaun no dedikasaun.

Hahu husi professores iha Pre-Eskolar, Ensinu Baziku, Ensinu Sekundariu to’o Ensinu Tersiariu ka Ensinu Superior, hotu-hotu ho nia papel no fungsaun ne’ebe la hanesan. Maibe, sira (professores) ida-ida iha papel ne’ebe importante no fundamentu tebes ba futuru nasaun ida ne’e nian. Papel ne’ebe importante no fundamentu ne’e, presiza hala’o ho vokasaun no dedikasaun. Bainhira individu ida hili dalan sai professor hanesan vokasaun ida, klaru katak nia hadomi no sincero hodi dedika nia-an tomak, hanorin no dezenvolve jerasaun futuru.

Lós duni katak, papel professor hotu, ohin loron (prezente) no ba-oin (futuru) sei hakat liu kruzamentu no ai-tarak ne’ebe naruk i barak tebes. Kualifikasaun professional, koñesementu pedagojia, abilidade lingua (Tetum no Portugues), ejizensi moris-di’ak, no seluk tan, sei sai hanesan bareira bo’ot ida ne’ebe satan hela professor sira. Maske nune’e, ita hotu konciente katak la-iha dezafiu ida maka la-bele hakat liu. Buat hotu presiza tempu no hakat liu husi prosesu ida. Professor hotu tenki fiar katak, governu liu husi Ministeriu Edukasaun, sempre esforsu atu haraik moris ne’ebe dignu ba hotu-hotu. Hakat nei-neik, maibe la’o bei-beik. La’o ba futuru ne’ebe di’ak liu.

Aproveita oportunidade iha selebrasaun loron mundial ba professores, ha’u hakarak hato’o apresiasaun, agradesementu, obrigado wa’in no hakru’uk ho respeitu tomak ba professores hotu ne’ebe maka sakrifika no dedika ona sira nia tempu no moris tomak hodi eduka, hanorin, orienta, dirigi, treina, analiza no avalia jerasaun futuru nasaun doben ida ne’e. Timor-Leste hein nafatin imi (professores) hotu nia sakrifisiu no dedikasaun hodi hanorin no dezenvolve jerasaun futuru ida ne’ebe iha kualidade no kompetividade, liu-liu iha moral no ètika ne’ebe di’ak.

Atu taka,  permite ha’u atu hato’o de’it liafuan badak ida, “Professores hotu, imi iha direitu atu ejizi sa-ida maka sai imi nia direitu. Maibe, keta haluha mos imi nia dever. Hanoin ba, futuru nasaun doben ida ne’e, depende tebes ba sa-ida maka imi (professores) sei “kúda” (hanorin) hela iha alunos idak-idak nia kakutak (otak). Reflekte ba, “Fini di’ak sei fo fuan ne’ebe di’ak, Fini àt sei fo fuan ne’ebe la-di’ak”.

Tempo Semanal - opiniaun

Adriano Maka “La-Sama”, “La-Sama” Maka Adriano

Finalmente, Adriano do Nascimento eleitu sai Prezidenti Partidu Demokrátiku (PD) ba periodu 2015-2016. Adriano eleitu liu-hosi konferénsia extraordináriu ne’ebé hala’o iha Sentru Formasaun La-Sama, Kampun Baru, Comoro, Sábadu (19/09/15).

Antes ne’e, Adriano hanesan vise prezidenti PD no bainhira saudozu La-Sama hakotu iis iha 01 Juñu 2015, nia (Adriano) promovidu sai Prezidenti Interinu PD.

Sekretáriu Jerál PD, Mariano Assanami Sabino informa katak partidu ida sai forti presiza rona malu, unidade, labele tarata malu no ko’alia át malu.

“Ba oin, imi no ita hotu rona Adriano maka “La-Sama” no “La-Sama” maka Adriano. Imi rona nia hanesan imi rona saudozu “La-Sama”,” Assanami dehan.

Nia informa, PD, partidu úniku mesak lideransa foun prepara ba jerasaun foun aban bainrua nian. Tanba ne’e, tenke prepara án agora. Lalika hein tan, tanba tempu ne’e limitadu liu ona. La kle’ur de’it komesa tama kampaña, tan ne’e nia husu ba estrutura partidu hahú hosi baze no to’o mai nasionál reativa fila fali.

Iha fatin hanesan, Prezidenti Foun PD, Adriano Nascimento informa katak la’os sai prezidente ona ne’ebe buat hotu-hotu loos ona. Lae! Presiza hadi’a no serbisu hamutuk atu nune’e bele kontribui saida maka ba oin atu prepara iha tempu kampaña.

“Programa tolu 3 maka sai importante—hadi’a jestaun adminnistrativu partidu, konsolidasaun polítika no formasaun lideransa polítika,” nia esplika.

“Tanba ami nia saudozu prezidenti partidu La-Sama husik iha dalan klaran no iha estatutu ne’e mós ko’alia ema ne’ebé besik maka bele ba túr ka asumi kargu prezidenti partidu,” Adriano tenik.

Komisáriu Polítika PD, Paulino Monteiro haktuir, foin lalais ne’e PD ho nia estrutura tomak legaliza ajustamentu fila fali deside Vise Prezidente PD, Adriano do Nascimento maka asumi fali saudozu “La-Sama” nia fatin. Ne’e hanesan kontinuasaun.

Iha tinan oin (2016), nia tenik, PD sei realiza kongresu nasionál ne’ebé maka atu hili estrutura partidu nian ba tinan lima (2016-2021).

Aleinde ne’e, Membru CPN-PD, Luis Mendes Ribeiro informa, estatutu permanente PD nian iha artigu 50 hateten, prezidenti partidu nian moras ka mate, automátikament asumi kedas nia posizaun sai hanesan prezidenti interinu. Depois maka hein fila fali kongresu nasionál maka bele hatene nia nafatin ka troka. (mj8)

Matadalan

Remodelasaun De’it La To’o

Kombate korupsaun, balun iha vontade atu kombate. Ezemplu hanesan ita nia eis Primeiru Ministru, José Alexandre Kay-Rala Xanana Gusmão, ne’ebé ho objetivu halo remodelasaun, ida ne’e mós pasu di’ak ida, tanba haree katak korupsaun ne’e dalaruma sa’e liu oituan. Entaun, oinsá maka bele hamenus, meius di’ak ida maka halo remodelasaun, maibé remodelasaun de’it seidauk to’o, tanba buat ida korupsaun ne’e interese privadu ne’e ás liu, duké interese públiku, tanba ema balun bainhira atu ba sa’e ka kaer kargu polítiku ida, nia iha tiha ona interese hodi dezenvolve án no família de’it.

Kestaun ne’e hato’o hosi estudante Universidade Orientál Timor-Lorosa’e (UNITAL), Jaimito Maulaka (JMA) de Arauju ba Jornalista Matadalan Semanál (MTD) liu-hosi entrevista eskluzivu iha edifisiu Parlamentu Nasionál nia oin,  Kinta (17/9/2015).

MTD: Ita boot nia prezensa iha ne’e (Parlamentu) atu halo saida?

JMA: Kona-ba ezijénsia ne’ebé maka ami halo, hakarak atu husu ba membru governu atuál atu muda Lei Pensaun Vitalísia ne’ebé maka nia benefísiu ne’e ba grupu ida de’it no ema lubuk, ne’ebé hahú hosi Primeiru Governu Konstituisionál mai to’o agora.

Ami hanesan reprezentantre estudante no hanesan mós povu maubere hakarak husu ba Parlamentu Nasionál tenki halo alteresaun no revizaun ba Lei Pensaun Vitalísia.

MTD: Signifika durante ne’e Lei Pensaun Vitalísia la fó benefísiu ba povu?

JMA: Durante ne’e lei ne’e seidauk justu ba povu ki’ik sira, tanba sira maka hetan nia benefísiu no sei la fó benefísiu ba ema hotu. Ne’e maka  hanesan povu maubere uluk hakarak ukun án signifika atu dezenvolve rai ida ne’e, maibé realidade to’o agora seidauk iha alterasaun ba lei ne’e rasik.

MTD: Tuir ita boot nia hatene, Lei Pensaun Vitalísia fó impaktu saida ba dezenvolvimentu nasionál?

JMA: Ne’e fó impaktu negativu ba dezenvolvimentu nasionál Timor-Leste.

MTD: Hahú hosi lei ne’e ezisti mai to’o agora, ita boot sira nia konsiderasaun ba lei ne’e rasik oinsá?

JMA: Ne’e faze korupsaun legál. Tanba sira halo hanesan korupsaun legál ne’ebé maka mosu iha Timor, ne’e sai hanesan polémika boot ba povu Timor-Leste.

MTD: Temi kona-ba korupsaun, ita boot bele ko’alia mós kona-ba Lei Antí Korupsaun ne’ebé to’o agora sei pendente iha Parlementu Nasionál?

JMA: Lie Anti korupsaun (LAK) ne’ebé agora dadaun pendente hela ne’e tanba PN nia ejenda ne’e seidauk iha faze ida atu debate kona-ba lei ne’e hodi halo aprovasaun.

Ita hotu hatene, Lei Anti Korupsaun klaru katak iha lei oan ne’ebé fó dalan no tempu ba nia ajente sira para oinsá atu bele la’o. Maibé, sira mesak laiha forsa no presiza ita hotu nia koperasaun hosi entidades tomak hosi sivíl, relijiozu no estudante.

Ita hotu hamutuk hodi halo kooperasaun no tau iha asaun prátika maka ita hotu hodi haree no bele dehan katak buat loos maka ne’e no la laoos maka ne’e.

MTD: Ita boot nia haree oras ne’e korupsaun iha parte saida no ida ne’ebé maka buras liu iha Timor-Leste?

JMA: Ha’u bele hatete no hakarak ko’alia katak parte hotu halo korupsaun. Hotu-hotu hatene katak korupsaun la’o iha ita nia nasaun, maske ita rasik la hatene. Agora dadaun ita haree hanesan Lei Pensaun Vitalísia ne’e mós hanesan fó dalan para ema atu halo korupsaun (halo korupsaun ilegál ita hatene katak ba kumarka, entaun halo tiha lei ida para pois bele simu osan tuir lei ne’ebé ezisti), entaun ita bele dehan ne’e korupsaun legál.

Tanba povu foin ko’alia sira dehan ne’e bazeia ba lei númeru um (1/2007, ka lei ne’ebé fó pensaun vitalísias ba sira. Liga fali ba korupsaun la’os instituisaun ida ka rua de’it. Ita bele dehan ne’e en-jeralmente. Ita fó ezemplu de’it, iha ministru balun ne’ebé seidauk ministru seidauk iha buat ida, maibé simu tiha kargu hanesan ministru derepenti de’it iha buat hotu.

Balun uluk seidauk kaer kargu, bolsu sei mamuk, maibé kuandu kaer ona kargu entaun rikeza sempre aumenta. Ita labele hatene, maibé  deskonfia hosi intensaun públiku nian sempre iha.

Ami nia observasaun maka ne’e, oinsá atu kombate, primeiru, lideransa ne’ebé atu túr iha instituisaun governu tenki kontrola uluk ba patrimóniu ne’ebé nia iha, atu nune’e bele observa tuir sasán hirak nia hetan tuir mai ne’e hosi ne’ebé.

 MTD: Tuir ita boot nia observasaun, difisil tebes kombate korupsaun tanba lideransa maka laiha vontade ka sistema maka seidauk di’ak?

JMA: Kombate korupsaun, balun iha vontade atu kombate. Ezemplu hanesan ita nia eis Primeiru Ministru, José Alexandre Kay-Rala Xanana Gusmão, ne’ebé ho objetivu halo remodelasaun, ida ne’e mós pasu di’ak ida, tanba haree katak korupsaun ne’e dalaruma sa’e liu oituan. Entaun, oinsá maka bele hamenus, meius di’ak ida maka halo remodelasaun, maibé remodelasaun de’it seidauk to’o, tanba buat ida korupsaun ne’e interese privadu ne’e ás liu, duké interese públiku, tanba ema balun bainhira atu ba sa’e ka kaer kargu polítiku ida, nia iha tiha ona interese hodi dezenvolve án no família de’it.

Ko’alia fali kona ba sistema, klaru katak hanesan babain, maibé ita ema uza sistema maka la loos. Ha’u fó ezemplu, komputadórr ida  iha sistema rasik, maibé kuandu utilizadór uza la hatene no muda sistema tún sa’e rezultadu ikus “error”.

MTD: Liga fali ba mundu globalizasaun, ema hotu oras ne’e iha mehi hakarak sai metenek na’in ka lideransa. Tuir ita nia hatene, lideransa ida mai ho karakterístika oinsá maka bele kombate korupsaun?

JMA: Ba ha’u, lideransa ne’ebé maka atu uza maneira ka dalan atu kombate korupsaun, hanesan rekomendasaun ba nai ulun sira, karik atu halo lei, liu-liu lei hirak kona-ba atu kaer kargu, primeiru ita halo lei tenki prátika tuir lei. Bainhira iha ne’ebá mosu ema ne’ebé atu kaer governu, primeiru, haree uluk nia vida ekonomia, oinsá no to’o iha ne’ebé, para depois ikus mai nia ekonomia avansa karik ita tenki buka hatene katak osan ka sasán hirak ne’e mai hosi ne’ebé.

Sigundu, ema ne’ebé kaer ukun tenki ukun ho konsiénsia ka sentidu estadu, katak, ha’u mai tu’ur iha fatin ida ne’e hanesan reprezenta povu no povu maka fó fiar mai ha’u atu haree mós ba povu simples sira. (David)

Matadalan

Timor-Leste husu reforma hosi ONU hodi responde ba dezafiu foun

Primeiru-ministru, Rui Maria de Araújo, defende ohin, iha 70ª asembleia-jerál ONU nian, reforma ida hosi organizasaun hodi responde ba dezafiu foun sékulu nian no garante pás, seguransa no direitu umanu ba hothotu.

"Nasoins Unidas presiza reforma ida ne’ebé permite nia atu responde ba dezafiu ne’ebé mai hosi sirkunstánsia sékulu foun nian. Reforma Konsellu Seguransa sai mós hanesan rekizitu ida hodi halo nia sai reprezentativu no ekilibradu liu tan", afirma primeiru-ministru.

Rui Maria Araújo, ne’ebé simu pose hanesan primeiru-ministru iha fulan fevereiru, ko’alia ba dala uluk iha asembleia-jerál ONU nian.

"Hadia sistema mak dalan úniku atu ita bele preparadu ba jornada naruk  ne’ebé  ita sei hasoru, hodi kumpri no fó onra ba promesa dame nian, seguransa no direitu umanu ba hothotu", nia subliña.

Iha diskursu, Rui de Araújo hanoin refujiadu rihun ne’ebé to’o dadaun iha Europa no konsidera fundamentál "tau iha hanoin" katak presiza fó ba sira ne’ebé "obriga halai hosi persegisaun no konflitu armadu hodi buka protesaun ne’ebé iha direitu iha termu direitu internasionál".

"Ita la bele haluha katak krize hirak ne’e, iha ne’ebé de’it, bele sai buras no afeta ba ekonomia, vida sosiál, dame no estabilidade iha rejiaun sira no iha mundu", nia afirma.

Primeiru-ministru hatete mós katak terrorizmu, krime ne’ebé organizadu no violénsia hanesan obstákulu foun ba pás no seguransa internasionál no ONU ho komunidade internasionál tenke adapta ho "ameasa foun sira".

Tuir Rui de Araújo, ONU no komunidade internasionál presiza "adapta ba ameasa foun sira hodi garante prosesu konstrusaun dame no harii estadu inkluzivu, responsável no transparente, hodi alkansa dame ba nafatin".

Tuir xefe Governu timoroan ne’e, ameasa seluk ba komunidade internasionál mak alterasaun klimátika, no hatutan katak agora tempu atu halo asaun.

"Diskusaun ne’ebé sei hala’o iha finál tinan ne’e iha Paris tenke prodús rezultadu universál, ambisiozu no tuir lei jurídiku", Rui de Araújo husu.

SAPO TL ho Lusa

Síria sei partisipa iha konversasaun dame nian iha ONU - MNE

Síria sei partisipa iha konversasaun preparatória proposta hosi ONU ba lansamentu negosiasaun formál dame nian, afirma horisehik ministru Negósiu Estranjeiru síriu, Walid Muallem. 

Muallem, ne’ebé ko’alia iha Asembleia-Jerál ONU nian, iha Nova Iorque, hatete katak prevee atu konversasaun, proposta hosi enviadu Nasoins Unidas nian Staffan de Mistura, mak "konsulta preliminár la’ós-vinkulativa".

"Papel komisaun hirak ne’e nian importante liu mak troka ideia no sei kondús ba konsulta preliminár la’ós-vinkulativa ne’ebé nia rezultadu hodi prepara lansamentu Jenebra 3", nia hatete no refere ba terseira konferénsia dame nian kona-ba Síria.

Reuniaun rua liubá iha Jenebra ne’ebé marka frakasu iha tinan 2014. Iha sentru diverjénsiaiha kestaun hosi papel prezidente síriu, Bashar al-Assad, iha transisaun polítika ida.

Walid Muallem reforsa nia intervensaun katak "luta kontra terrorizmu hanesan prioridade ida hodi hetan progregresu iha domíniu seluk", liu-liu iha transizaun polítika.

"Síria la bele aplika medida polítika relativa ho eleisaun ka Konstituisaun ida bainhira terrorizmu kontinua ataka no ameasa moris ema inosente sira-nian", nia hatete.

"Dalan únika hodi hetan solusaun polítika liuhosi diálogu nasionál entre síriu sira, sein injerénsia estranjeira", nia reafirma.

Staffan de Mistura propoin realizasaun konversasaun entre  "atór prinsipál sira" hosi konflitu síriu iha "komisaun peritu hat", ka grupu traballu, ne’ebé ho nia misaun atu hetan baze ida hodi hetan lalais prosesu dame nian ne’ebé bele hapara konflitu armadu iha tinan hat nia laran.

Konversasaun tenke inklui reprezentante sira hosi Estadus Unidus, Rúsia, Arábia Saudita, Iraun, Turkia no Egito.

Maibé, ministru síriu ne’e friza katak la bele hein flexibilidade Damasco nian iha konversasaun ne’e.

"La iha ema ida mak bele hanoin katak, hafoin sakrifísiu ne’ebé halo no persisténsia durante tinan hat resin, bele hetan (hosi rejime) liuhosi meiu polítiku ne’ebé la hetan iha kampu batalla", nia hatete.

SAPO TL ho Lusa

Angola husu apoia internasionál ba Guiné-Bissau no konsidera katak krizi liu ona

Visi-prezidente Angola, Manuel Vicente, horisehik husu ba komunidade internasionál atu kontinua fó nafatin apoia ba Guiné-Bissau, tanba konsidera “ultrapasa ona” krizi internasionál ne’ebé halo hodi nomeia primeiru ministru foun. 

“Ami apela ba atór polítika no sosiál guinense nian hothotu atu bele iha responsabilidade maka’as, inklui ba mos komunidade internasionál hodi kontinua fó nafatin apoia ne’ebé konsagra ona durante konferénsia dadores Bruxelas”, tenik Manuel Vicente durante Prezidente guiné, hatuun ona primeiru ministru.

Domingos Simões Pereira iha 12-agostu, sira na’in rua eleitu hosi Partido Africano da Independência da Guiné e Cabo Verde (PAIGC) iha 2014, maibé mosu dezentendimentu polítiku nomós pesoál bainhira sai bot hotu.

PAIGC maka aprezenta Carlos Correia, no simu pose hosi Prezidente Repúblika hanesan primeiru ministru foun.

"Ultrapasa krizi institusionál, dezenvolvimentu polítika ne’ebé foun kontinua hakarak prosesu kresimentu ekonómika la’o ho justu nomós iha estabilidade polítika no sosiál", dehan tan visi-prezidente angolanu.

Manuel Vicente dehan katak iha komemorasaun tinan 70 hosi organizasaun Nasoens Unidas nian ne’e, prense ho “progresu nomós retrosesu”, tanba “deskolonizasaun hanesan evolusaun ne’ebé maka’as”, maibé “lahetan susuesu ba seguransa koletiva”, hodi kria no “kontinua sai hanesan ninia preokupasaun “hosi komunidade internasionál” ”.

“Presija halo reflesaun hamutuk kona-ba papel nomós futuru Nasoens Unidas nian, presija organizasaun ida ne’ebé di’ak hodi promove dame no seguransa internasionál, bele rezolve lalais ho efikásia situasaun hirak ne’ebé ho kompetisaun, nomós konsege fó resposta ba dezafiu atuál no emerjente”, hateten.

Angola hanesan membru la’os-permanente hosi Konsellu Seguransa organizasaun nian no visi-prezidente dehan katak liu hosi biban ne’e “sei bele fó tan insentivu adisionál atu nune’e bele halo lalais reforma ba iha revitalizasaun hosi sistema Nasoens Unidas”, liu-liu hosi orgaun ne’e.

“Liu hosi ninia membru ne’ebé aumenta, permanente no lapermanente, maka halo orgaun “Konsellu Seguransa” ne’e sai reprezentativu liu nomós pronto atu fó resposta ba dezafiu nomós oportunidade ne’ebé mundu hasoru”, dehan.

“Angola bolu atensaun hikas kona-ba kontinente afrikanu hoi reprezenta Konsellu Seguransa hosi membru permanente hothotu”, esplika Manuel Vicente.

Alénde preokupa ho situasaun refujiadu afrikanu nomós husu atu respeita ema ninia direitu, nia mos preokupa ho “atividade terorista ne’ebé aumenta”, liu-liu iha Áfrika, tanba sai nu’udar “problema seguransa bot ida nomós importante ba koligasaun mundiál” hodi kombate hahalok at ne.

Kona-ba kontinente afrikanu, bainhira Angola maka prezidi Konferénsia Internasionál ba Rejiaun Grandes Lagos, Manuel Vicente haktuir kona-ba situasaun iha Repúblika Sentru-Afrikana ne’ebé sei kontinua hasoru “dezafiu” ba iha área polítika, sosiál nomós seguransa interna.

Iha duni planu internasionál ne’e nomós relasiona ho relasaun istórika ho Havana, Manuel Vicente dehan katak Angola “hakarak atu relasaun diplomátika entre Estadus Unidus Amérika ho Kuba di’ak hikas”, nomós hakarak atu hakotu embargo ekonómika, komersiál ho finanseira impostu , ne’ebé “limita direitu povu kubanu ba dezenvolvimentu no latuir prinsípiu ho regra direitu internasionál”.

Tuir planu internu no fó hanoin hikas bainhira sei iha Nova Iorke hodi komemora tinan 40 ba indepedénsia angolana, vizi-prezidente hateten katak Governu Angola, “maski ho konjuntura mundiál adverse, maibé kontinua atu dezenvolve nasaun ne’e”, liu hosi implementasaun Planu Nasionál Dezenvolvimentu.

“Hakarak atu reabilita nomós moderniza infraestrutura ekonómika no sosiál, promove investimentu públiku ho privadu nomós ajuda aumenta fó formasaun, kualifikasaun no jestaun ne’ebé di’ak ba rekursu umanu”, dehan.

SAPO TL ho Lusa 

Ema barak halai hafoin konfrontu ohin iha sentru Mosambike nian

Konfrontu foun entre guarda Renamo nian no forsa defeza no seguransa halo ema barak iha Chicaca, distritu Gondola, iha sentru Mosambike nian halai, hatete abitante sira ba Lusa.

Konfrontu akontese iha Chicaca, kilómetru 17 ba norte Zimpinga nian, distritu Gondola, iha ne’ebé semana ida ona akontese insidente ho komitiva líder Renamo nian (Resistência Nacional Moçambicana), ne’ebé mós rezulta tiru malu entre militár sira opozisaun nian no forsa estatál.

"Iha tuku 6:00 [tuku 05:00 iha Lisboa] ha’u rona tiroteiu no alunu sira mosu iha eskola. Maibé bainhira tama iha sala ha’u rona tan disparu. Iha tuku 09:00 ha’u fó dispensa ba alunu sira no ha’u aruma buat hotu hodi halai", hakerek ba Lusa diretora eskola primária nian ida iha Chicaca, no, hanesan ho fonte sira seluk, haree kareta militár nian lima tama iha rejiaun iha inísiu dadeer.

Tuir Angelina João, tiru malu ne’ebé tuir fali halo profesór no alunu sira barak mak halai, nune’e mós ho abitante sira seluk.

Tuir profesora ne’e, guarda sira Renamo nian hela iha rio Mussátua ninin desde insidente iha loron 25 liubá, hafoin lakon sira-nia viatura iha konfrontu ho forsa polisiál no ezérsitu sira.

Prezidente Renamo nian, Afonso Dhlakama, la mosu iha públiku desde loron ne’ebá no mosu rumór iha rejiaun katak mantein iha distritu Gondola, proteje hosi elementu sira nia guarda nian.

"Hafoin tiru, populasaun refujia iha baixa [leitu no nasente rio sira-nian]", hatete Ricardo Fernando, ne’ebé mós haruka família atu buka protesaun iha mota, bainhira tau nia sasan iha fatin ne’ebé la iha tan ona ema.

Besik kilómetru 15 hosi fatin akontesimentu ohin  nian, João António, moradór iha Amatongas, relata katak nia avó mós halai hosi konfrontu no hela iha nia uma.

Fonte ne’e mós hatete katak, iha prinsípiu dadeer, ema barak to’o iha Amatongas lori ho sasan no biti no ema sira ne’ebé la iha família iha lokalidade simu ho karidade iha viziñu sira-nia uma.

Komérsiu, transporte públiku, eskola no ospitál iha fatin barak rejiaun nian taka iha prinsípiu kalan, bainhira populasaun ne’ebé subar iha ai-laran hahú sai, la’o-ain ho kilómetru sanulu resin hodi refuJia iha sentru urbanu Gondola, Inchope ka Amatongas.

Transporta abitante sira ne’eb’e halai, Daniel João uza nia tratór hodi ajuda, "ho hanoin katuas no labarik sira" no lamenta katak "sira rona hikas kilat tarutu".

Iha prinsípiu lorokraik Lusa haree viatura rua tula ajente Unidade de Intervenção Rápida (UIR) ba Chicaca, no hela iha eskola lokál.

Grupu jornalista sira ne’ebé tenta to’o iha zona konfrontU nian hetan impedimentu tanba ajente sira UIR nian hodi kontinua viajen, no justifika katak "ema [Renamo nian] iha besik ".

Renamo akuza forsa defeza no seguransa ba atake foun iha distritu Gondola, hodi oho líder movimentu nian, Afonso Dhlakama.

"Iha daeer ne’e, forsa hirak ne’e kombina atu transporta iha viatura hitu, to’o iha Chicaca, lokalidade Mpindanhanga, distritu Gondola, iha ne’ebé sira ataka populasaun lokál sira, no akuza katak proteje prezidente Afonso Dhlakama", afirma, iha konferénsia imprensa, portavós Renamo nian, António Muchanga.

Muchanga hatutan katak movimentasaun hirak rezulta iha konfrontu ho forsa sira Renamo nian.

Polísia mosambikana fó sala ba Renamo ba inísiu hosi konfrontu sira, akuza hanesan militár sira opozisaun nian, "fortemente armadu", hodi intimida populasaun, ne’ebé halo abitante sira halai namkari.

"Ami dirije ba lokál no konfronta ho tiroteiu hosi gerrilleiru sira. Ami la iha alternativa seluk, ami hasoru no kontra atake hirak ne’e", afirma Belarmino Mutadiua.

Mosambike moris iha funu dala ida tan, tanba amesa hosi Renamo atu ukun hosi forsa iha provínsia neen iha sentru no norte nasaun nian, iha ne’ebé movimentu hetan vitória iha eleisaun jerál loron 15 outubru tinan kotuk.

SAPO TL ho Lusa