Deskonfia komete kazu insestu, PNSIK detein suspeitu fen ho laen

Polísia Nasional Servisu Investigasaun Kriminal (PNSIK), Kinta (29/8/18), ezekuta mandadu detensaun Tribunal Distrital Díli ho númeru NUC/0086/ 18, kaptura suspeitu fen ho laen  ho inisial AU  ho MM  hodi detein  iha sela detensaun Munisípiu Díli durante oras 72 hodi subemete ba primeiru interogatoriu.

Suspeitu nain rua deskonfia involve iha kazu insestu ne’ebé deskonfia aman halo abuzu seksual hasoru nia oan hakiak, maibe oan kesar ba nia inan hakiak, maibe inan hakiak la preokupa  ho  vítima CCU.

PNTL kaptura  uluk suspeitu MM iha nia rezidensia área Elemloi, Munisípiu Díli, no suspeitu AU kaptura iha Hospital Nasionál Guido Valadares  (HNGV) hodi detein iha sela detensaun Munisípiu Díli.

Mandadu detensaun  Tribunal Distrital Díli  ne´e mak haruka halo detensaun suspeitu AU nu’udar suspeitu ne´ebé sei investiga tanba halo krimi abuzu seksual ba vítima husi artigu 177 kódigu penal hafoin halo detensaun aprezenta ba Juis hodi halo primeiru interogatoriu.

Bainhira halo  detensaun  ténki aprezenta orijinal  nian ba vizadu katak, oras loron detensaun nian ténki hatebes katak, detensaun komunika kedas ba Juis.

Tuir dadus balun GMN rekolla  iha  terrenu  katak, kazu abuzu seksual  involve  AU hasoru nia oan feto hakiak akontese ba dala rua, iha tinan 2017 no iha tinan 2018.

Tanba ne´e iha fulan Maiu, tinan 2018, vizita illas Nain Feto tama iha suspeitu AU ho MM ninia rezidensia iha área Elemloi hafoin vítima CCU aproveita situasaun kontaktu ba ninia bin  naran Juliana  hodi hato´o keisa ba PNSIK nune´e to´o ikus PNSIK promove kazu ne´e ba Tribunal Distrital Díli, hodi hasai mandadu detensaun ba suspeitu nain rua  nu’udar Fen ho laen.

Enkuantu vítima CCU agora dadauk asegura ona iha uma mahon Police Vulneravel Unit. avi

GMN TV | Grupo Média Nacional

Tribunal adia desizaun final kazu Lúcia Lobato

Tribunal Distrital Dili (TDD) iha sesta loron 31 fulan Agostu tinan ne’e labele kontinua julgamentu no leitura sentensa ba kazu eis ministra justisa Lúcia Lobato no Helena Madeira Gomes, tanba prokurador Rogerio Viegas marka prezensa tarde, nune’e halo defensor públiku mos fila, entaun tribunal adia fali julgamentu ba loron 3 fulan Setembru tinan ne’e hodi rona leitura sentensa.

Parte defeza labele hein kleur ministériu públiku tanba tuir lolos horariu marka ba tuku 14:00, maibe adianta fali ba tuku 15:30 maske antes ne’e tribunal notifika ona ba ministériu públiku no parte defeza iha horas tuku 15:30.

Ba kazu refere, antes ne’e ministériu públiku akuza arguida Lúcia Lobato relasiona ho rehabilitasaun prizaun Gleno ne’ebe deskonfia arguida oferese ba nia familia, mesmu projetu ne’e ninia finalidade laiha kualidade, maibe arguida kontinua aprova no halo pagamentu no eis direktora prizaun Gleno Helena Madeira Gomes mos deskonfia partisipa iha krime ne’e.

Ho hahalok arguidu nain rua nian, prejuizu ba Estadu ho montante USD $120,695.49 (centu e vinte mil sesentos e noventa sinco dolares Amerikanu).

Ministeriu Públiku akuza arguida nain rua ba krime partisipasaun ekonómika no negosiu ne’ebe previstu no punidu iha artigu 299 husi kodigu penal TL.

Iha artigu ne’e hatete, 1) f<em>unsionáriu ne’ebe tenki interven iha kontratu ka operasaun ka aktividade seluk, tanba kargu públiku ne’ebe nia kaer, no aproveita kondisaun ne’e atu hetan ba nia ka ema seluk, direitamente ka hodi ema seluk, vantajen patrimonial ka oin naran ida, partisipasaun ekonómika ilísita, nune’e hamosu prejuizu ba interese publiku ne’ebe nia tenki administra, fiskaliza, defende ka realiza, sei hetan pena prizaun tinan 2 to’o 8. 2) kuandu konduta ne’e hamosu ba Estadu prejuizu aas liu dolar amerikanu 10.000 sei aplika pena prizaun tinan 3 to’o tinan 15.

Maibe partisipasaun ekonómika ne’ebe arguida Lúcia Lobato ho Helena Madeira Gomes komete ne’e dala tolu ba projetu rehabilitasaun prijaun Gleno ne’ebe hala’o dala tolu mos.

Audensia julgamentu prezide husi juiz koletivu, Jacinta Correia, Ana Paula Fonseca, Eusebio Xavier, ministériu públiku reprezenta husi prokurador Rogerio Viegas, Lidia Soares no arguida sira hetan asistensia legal husi defensor publiku. Ita

GMN TV | Grupo Média Nacional

Timor-oan 4.500 lakon iha rejime Indonésia - ANTI husu Estadu buka tuir

Aliansa Nasionál Timor-Leste ba Tribunal Internasionál (ANTI), husu  Estadu Timor-Leste (TL) no Estadu Repúblika Indonesia (RI) atu estabelese komisaun buka Timor-oan 4.500 ne´ebé mak lakon, durante rejime militar Indonesia iha TL.

Koordenador ANTI, Sisto dos Santos, hateten, bazeia ba relatoriu Comissão Acolhamento Verdade e Reconsiliação (CAVR), iha tinan 2009,  labarik rihun hat atus lima, mak laiha.

“Se imajina labarik rihun hat atus lima mak lakon, maibe foin mak 65  ita halo  esforsu halo reuniaun ho sira-nia família. Entaun ne´e obrigasaun formal husi Estadu rua  Timor-Leste no Indonesia bazeia ba rekomendasaun Komisaun Verdade Amizade  katak, imediatamente atu estabelese komisaun hodi buka ema lakon”, esplika Sisto dos Santos, ba jornalista sira Kinta (30/08/18),  iha salaun Asosiasaun HAK, Farol, Díli.

Sisto dehan, labarik Timor-oan sira lakon tempu  militar Indonesia,  uza sira hanesan Tenaga Bantuan Operasional (TBO) wainhira  militar sira misaun remata iha Timor,  sira fila-fali ba Indonesia lori labarik Timor  sira ba  iha Indonesia to´o iha Indonesia sira abandona, sira troka labarik sira-nia relijiaun no troka sira-nia naran.

“Ne´e violasaun bo´ot ida. Ami konsidera katak, ne´e nu´udar aktu jenosidu  ida, tanba halakon ema nia identidade haketak a´an  husi nia família to´o família lakon sira-nia komunikasaun ho sira-nia ema”, dehan dehan Sisto. avi

GMN TV | Grupo Média Nacional

“Hatene Natureza Nia Lala’ok, Lee Ninia Esénsia”

DILI, (TATOLI) - Eis-fundadór no Editór Buletin Kuda Ulun Lian, Maliana, profesór Vicente Paulino lansa nia obra literatura primeira ho títulu ‘Leituras  do Mundo e da Natureza’ ka leitura mundu nian no natureza iha Kampus Liceu, Universidade Nasionál Timor Lorosa’e (UNTL), iha loron komemorasaun 30 agostu.

Autór livru, Vicente Paulino informa ba Ajénsia TATOLI katak nia hakerek livru poema ho títulu ‘Leituras  do Mundo e da Natureza’ tanba realidade katak ita moris iha mundu. Tanba ne’e, bainhira ita moris iha mundu konserteza ita moris ho natureza.

“Nune’e, ita-nia obrigasaun ne’e atu hatene natureza ne’e nia lala’ok oinsa? Atu hatene ninia lala’ok, entaun tenke lee ninia esénsia ne’e rasik,” hateten Editór Ezekutivu Veritas-Revista Sientífika UNTL, Vicente Paulino.

Profesór ne’e esplika katak leitura kona-ba mundu no natureza halo ita komprende loloos natureza ninia sentidu ne’e saida nomós ninia esénsia ne’e saida mai ita?, depois ita-nia obrigasaun mak atu halo natureza sai buras ne’e oinsa?

Tanba ida ne’e, tuir autór ne’e, nia introduz nia obra Leitura do Mundo e da Natureza tanba haree katak mundu ho natureza ne’e buat ida ne’ebé, termus ne’ebé ita labele fahe ba rua; ne’e iha interligasaun.

Nune’e iha leitura ne’e rasik iha realidade barak mak nia akresenta hanesan realidade kona-ba moris, mate, oinsa mak domin bele la’o nomós kona-ba paisajen rasik. Buat hothotu hanesan paradoxu vida.

Signifikadu ita haree mundu ne’e hanesan fatuk ki’ik sira ne’ebé iha dalan, entaun ita tenke buka meius oinsa atu fatuk ki’ikoan sira ne’e iha dalan hodi konstrui mundu ne’e bele di’ak liutan.

“Ha’u kaer liafuan ida, poeta brazileiru nian, Carlos Drummond de Andrade dehan tinha uma pedra no meio do caminho (iha fatuk ida iha dalan klaran). Entaun, ita-nia obrigasaun mak ida ne’ebé? Pedra (fatuk) ida di’ak ka aat? Ita idaidak tenke foti fatuk hirak ne’e. Agora transforma fatuk ne’e ba di’ak ka ba aat ne’e ita idaidak nia hanoin,” dehan péritu komunikasaun UNTL ne’e.

“Ha’u-nia inisiativa lansa obra ne’e, foti fatuk sira ne’ebé iha tau iha livru ida hodi nune’e leitór sira bele lee nomós bele komprende kle’an liutan natureza ne’e rasik saida?,” reforsa tan autór títulu ‘Leituras  do Mundo e da Natureza’ ne’e.

Iha lansamentu, autór livru ne’e mós konvida estudante sira lee no halo aklamasaun ba nia obra ne’e inklui profesór balun UNTL, reprezenta idaidak nia munisípiu basá tuir autór katak hakarak halo ida ne’e tanba konsidera haree Timor hanesan mundu ida.

Katak, mundu Timor ne’e kompostu husi variedade paisajen; animál, plantasaun no ema. Depois, hanoin katak ita iha diversidade kulturál ida maka’as, hodi nune’e nia hakerek poezia ne’e, tuir perkursu ne’ebé autór hale’u iha munisípiu sira, nune’e hakarak fahe esperiénsia sira liuhusi liafuan.

“Ne’e duni, sira iha ne’e hotu ha’u konvida sira atu lee versu ka liafuan sira ne’ebé ha’u hato’o hodi nune’e sira rasik bele sente katak sira-nia distritu (munisípiu) ne’e mós iha furak, iha mundu nia laran. Agora presizamente atu ke’e ne’e mak oinsá? Ida ne’e ha’u-nia hanoin konvida sira lee, kuandu sira lee ona, iha hanoin atu ke’e iha sira-nia distritu rasik,” nia dehan.

Profesór Vicente Paulino konsidera katak hakerek ne’e la fásil no transmite ideia iha versu ne’e mós la fásil, lori prosesu naruk, mezmu ema balun dehan hakerek ne’e fásil. Atu hakerek ne’e prosesu ida no lori tempu.

“Tuir loloos ne’e, obra ne’e sai kle’ur tiha ona mas ha’u hein momentu ne’ebé sertu hodi nune’e ha’u bele hato’o ha’u-nia inspirasaun liuhusi versu ida ne’e para públiku sira hatene katak prosesu ida ne’e, prosesu vida ida, hanesan ita ema; moris, ki’ikoan to’o sai boot (adultu),” nia informa.

Nia mós informa katak obra no versu ne’ebé nia hato’o ne’e ligadu mós ba prosesu rezisténsia nian ne’ebé nia rasik mós hola parte. Ne’ebé, perkursu leitura do mundo e da natureza ne’e engloba buat sira ne’e hotu, tantu triste, tantu kontente, mate, moris, buat sira ne’e hotu iha laran. Nune’e nia sente matan-been turuk.

“Ida ne’e ha’u sente katak emosaun boot ida kuandu profesór Miguel Maia hato’o ninia aprezentasaun, klareza ba obra ne’e rasik. Ha’u sente orgullu no ho nia liafuan sira ne’e rasik fó sentimentu emotivu ida mai ha’u to’o ha’u-nia matan-been monu. Sente alegria tanba obra ne’e kle’ur ona mas foin mak sai,” nia haktuir.

Akadémiku ne’e mós fó mensajen ba estudante sira katak nu’udar estudante iha obrigasaun lee barak. Analojia katak kail ne’ebé iha ona buka ba kail ikan no presiza iha no halo mós kail foun.

“Nu’udar estudante tenke lori fali kail ne’ebé foun katak lee barak hodi nune’e bele aumenta tan informasaun, hakle’an liutan kapasidade analiza, kapasidade halo opiniaun no kapasidade krítika,” profesór Vicente Paulino fó hanoin.

Iha fatin hanesan, profesór Miguel Maia, hafoin aprezentasaun no fó klareza liutan kona-ba konteúdu obra literatura ne’e hateten, livru sira no livru ‘Leitura do Mundo e da Natureza’ husi profesór Vicente Paulino ne’e importante ba estudante no leitór enjerál inklui interesante sira.

“Nia importánsia halo ema sente nia aan, oinsa lori nia atu kumprende ninia aan, komprende realidade. Nune’e husi apresiasaun ne’e muda ita-nia vida, iha ita-nia moris lorloron,” akresenta profesór universitáriu ne’e.

Partisipa iha lansamentu ne’e estudante universitáriu, estrutura mikro no makro UNTL balun, profesór, konvidadu nomós seluk tan.

Entretantu livru ne’e kompostu husi pájina 126 ho parte importante haat hanesan parte primeiru kona-ba vida, domin no mate. Parte daruak kona-ba paisajen timor ho nia rekantu sira, parte tolu kona-ba klínika siénsia no nia mensajen sira nomós parte haat kona-ba keta hamate eroi klamar nian.

Livru ne’e registradu ho ISBN (International Standard Book Number) nú. 978-989-8915-05-4 ho edisaun husi Casa Apoema nomós impresaun no akabamentu ne’e husi Tipografia Silvya Díli.

Alende livru ne’e, autór mós promote katak sei lansa mós obra literatura seluk ho títulu Viagem nos Tempos dos Poetas Anteriores de Vida, haree ba tempu no posibilidade sertu.

Perfil Autór

Autór livru ‘Leitura do Mundo e da Natureza’, Vicente Paulino, orijen husi Munisípiu Bobonaro. Moris iha Holsa-Oplegul, 01 outubru 1978, husi aman Paulino Vicente (agrikultór) no inan Agostinha Sabina (doméstika).

Perkursu akadámiku, autór hasai doutoramentu kona-ba Kultura no Komunikasaun (2009-2012) iha Fakuldade Humanidade, Universidade de Lisboa.

Mestradu iha Kultura Kontampóranea no Novas Teknolojia, Siénsia no Komunikasaun (2007-2009) iha Universidade Nova de Lisboa no hasai lisensiatura kona-ba siénsia komunikasaun iha Universidade Nova de Lisboa (2004-2007).

Profesór Vicente Paulino, antes ne’e nu’udar sekretáriu RENETIL, Maliana (1999-2000), fundadór no editór Buletin Kuda Ulun Lian, Maliana (1999-2001), observadór ba eleisaun Asembleia Konsituante (2001) no seluk mak nu’udar membru kuadru supervizaun ba Asosiasaun Timorese-APARATI (2007-2010).

Profesór ne’e mós halo ona peskiza iha área barak inklui produz mós obra sientífiku sira. Entre obra sira ne’e, iha obra balun publika ona internasionalmente hanesan:

2011 ‘Remembering the Portuguese Presence in Timor and Its Contribution to the Making of Timor’s National and Cultural Identity’. In Laura Pang (ed.), Portuguese and Luso-Asian Legacies, 1511-2011: Complexities of Engagement, Culture, and Identity in Southeast Asia. Vol. 2: The Tenacities and Plasticities of Culture and Identity. Singapura: Institute of Southeast Asian Studies.

2011 ‘A imprensa católica Seara e a tradição timorense: 1949-1970′, Anais Electrónicas do XI Conlab Salvador-Bahia: UFBA (versão online).

2011 ‘A imprensa católica Seara e a tradição timorense: 1949-1973′. In Kelly Silva & Lúcio Sousa (eds.) Ita Maun Alin – o livro do irmão mais novoLisboa: Edições Colibri.

Dadaun alende profesór nomós peskizadór ida iha UNTL, autór Vicente Paulino mós nu’udar diretór ba unidade produsaun no diseminasaun koñesimentu programa pós-graduasaun no peskiza UNTL.

Jornalista: Rafy Belo | Editór: Manuel Pinto

Imajen: Autór livru, Vicente Paulino

Kontinua treinu artemarsiais, TDD aplika pena suspensaun

Tribunal Distrital Dili (TDD), halao ona primera interogatoriu, ba arguidu nain haat husi Becora, tanba polisia kaer toman halo aktividade artemarsiais (Kera Sakti) hodi treinu subar atividade iha Bairo laran.

Liu husi desizaun Tribunal aplika pena suspensaun fulan neen, suspende ba tinan ida, ba arguidu nain haat, no Tribunal mos husu durante iha pena suspensaun nia laran, arguidu sira labele komete tan asaun ruma, kuandu sira komete tan mak sira sei ba liu prizaun hodi kumpri sira nia pena suspensaun tinan ida ne’e.

Primera interogatoriu ne’e, prezide husi juiza singular, Zulmira Auxiliadora, ministériu públiku reprezenta husi prokurador Reinato Bere Nahak no arguidu sira hetan asistensia legal husi defensor públiku.

Tuir fontes iha tribunal katak, tribunal halo audensia hasoru suspeitu joven nain 4 no feto ida idade minoridade nain ida, ho naran inisial hanesan AB, GB, CA, TS no SA.

Tuir kronolozia, iha loron 20 fulan Agusto 2018 loron hirak liuba, oras tuku 10:30 kalan, Polisia Seguransa Distritu Dili nian halao patroliu iha Bairo Bairo, konaba situasaun rai laran.

Bainhira to’o iha Becora area ponte Mau-Felu nian, iha kampu tebe bola laran hetan joven grupu lubuk oan ida treinu hela atividade artemarsiais Ikatan Kera Sakti (IKS).

Kalan ne’e kedas polisia sira halo kapturasaun ba joven nain haat nee, ba detein iha sela polisia Dili durante oras 72 nia laran, maibe labarik feto ne’e la detein, tanba nia idade minoridade liu.

Nune’e ho razaun submete mai iha Tribunal, tanba sira hetan kapturasaun husi Polisia seguransa Dili nian, katak sira treinu subar atividade illegal artemarsiais Kera Sakti iha Becora area Mau-Felu. nia

GMN TV | Grupo Média Nacional

Orsamentu Milliaun $10,396 Ba PN Aprovadu

DILI, (TATOLI) – Parlamentu Nasionál (PN), liuhosi votasaun iha faze espesialidade, aprova ona orsamentu privativu ba orgaun soberanu ne’e ho montante milliaun $10,396 ho rezultadu votasaun a favor 51, kontra  0, no abstensaun 11.

Entretantu orsamentu privativu ba PN, kategoria saláriu no vensimentu milliaun $5,083, bens servisu milliaun $4,383, transferénsia públika $930.000 ho totál orsamentu milliaun $10,396. 

Prezidente Parlamentu Nasionál (PPN), Arão Noé, esplika verba husi envelope fiskál ne’ebé mai husi governu milliaun $9,1, maibé haree husi planu orsamentu PN aprova millaun $10,396.

“Normalmente orsamentu ba parlamentu tinan hirak liubá milliaun $15 kada tinan, husi orsamentu milliaun $10,396 ne’ebé prevee durante 1 janeiru to’o fin juñu 2018, gasta ona millaun $4,6 tuir relatóriu ne’ebé aprezenta husi Sekretáriu Jerál iha reuniaun Konsellu Administrasaun”, tenik iha diskusaun espesialidade Orsamentu Jerál Estadu (OJE) 2018, sesta (31/8) ne’e iha plenária.

Nia hatutan husi orsamentu privativu ne’ebé PN prevee atu gasta ba oin mak milliaun $5 resin, haree ba atividade PN desde janeiru to’o juñu ladun iha, tanba PN dissolvidu, maibé husi fulan jullu ba oin kuandu tomada pose ba lejislatura dalima atividade ne’e nakonu.

“Presiza orsamentu atu finansia, sei laiha orsamentu, atividade sira labele la’o ho di’ak, tanba ne’e mak envelope ne’ebé governu fó mai ita la kumpre, maibé proposta husi ita, governu konsidera no tau ita nia orsamentu milliaun $10,396, nune’e verba ne’ebé ita presiza dentru saida mak governu prevee”, katak.

Nia mós dehan kona-ba resesu foin dadauk audiénsia komisaun sira ba OJE 2018, komisaun sira presiza asesór atu ajuda análize hodi fó pareser ba komisaun idak-idak.

“Tanba ne’e ami hanoin sujestaun komisaun C atu redús osan ba resesu nian, ne’ebé ita la halo, ami hanoin katak di’ak liu mantein osan ne’e hodi buka asesór balun tan hodi prenxe iha diskusaun OJE 2019 ne’ebé sei realiza iha outubru”, dehan. 

PPN akresenta orsamentu privativu la ultrapassa saida mak governu tau iha OJE 2018 liuhosi aprezentasaun Sekretáriu Jerál iha Konsellu Administasaun, tanba atraza ona kalendáriu aprezentasaun orsamentu PN nian, nune’e ho Konsellu Administrasaun nia permisaun husu Sekretáriu Jerál adianta draf ba governu hodi hatama ba proposta lei orsamentu.

Deputadu Bankada FRETILIN, Antoninho Bianco, hanesan mós membru Konsellu Administrasaun la konkorda verba balun liu-liu agora laiha resesu maibé tau iha verba ne’e, komisaun halo rekomendasaun tenke konkretiza ho proposta halo redusaun.

“Proposta orsamentu privativu parlamentu la liuhosi Konsellu Ministru no lori de’it mai atu hetan diálogu entre ita”, tenik.

Nune’e mós nia informa bankada uluk iha lima maibé agora iha bankada hitu, tanba ne’e presiza iha aumentu iha kustu atu kobre iha nesesidade bankada sira. 

Deputada Fernanda Lay husi Bankada CNRT ne’ebé hanesan mós Prezidente Komisaun C ne’ebé trata asuntu Finansa Públika bolu atensaun Konsellu Administrasaun kona-ba relatóriu pareser husi Komisaun C ne’ebé atu hamenus dotasaun, maibé tanba dotasaun la muda barak iha viajen balun komisaun husik no sei tau matan nafatin ba ezekusaun tuir rekomendasaun husi relatóriu pareser kona-ba orsamentu PN.

Jornalista: Julia Chatarina | Editora: Rita Almeida

Imajen: Deputadu sira halo votasaun iha diskusaun espesialidade Orsamentu Jerál Estadu (OJE) 20018 iha uma fukun Parlamentu Nasionál. Imajen António Goncalves

Quatro estudantes representam Cabo Verde nas Olimpíadas de Matemática da CPLP

Praia, 31 ago (Lusa) - Quatro estudantes cabo-verdianos, que foram os melhor classificados nas Olimpíadas de Matemática em Cabo Verde, vão representar o país na oitava edição das Olimpíadas de Matemática da Comunidade dos Países de Língua Oficial Portuguesa (CPLP).

Esta edição das Olimpíadas de Matemática da CPLP vai decorrer entre domingo e o próximo dia 08 de setembro, em São Tomé e Príncipe, sendo organizada pela Sociedade Santomense de Matemática, pela Universidade de São Tomé e Príncipe e pelo Ministério da Educação, Cultura, Ciência e Comunicação de São Tomé.

Fábio Gomes e Silviane Correia, da Escola Industrial e Comercial do Mindelo, Alexandre Figueiredo, do Liceu Domingos Ramos, e Aquiles Lopes, da escola Pedro Gomes, foram os quatro melhor classificados da categoria C das Olimpíadas de Matemática Nacional 2018 e vão por isso representar Cabo Verde na prova em São Tomé e Príncipe.

O objetivo das Olimpíadas de Matemática da CPLP é "unir os Estados-membros desta organização através da matemática, incentivar o desenvolvimento da disciplina e aprofundar a cooperação nesta área", segundo uma nota do governo cabo-verdiano.

A primeira edição das Olimpíadas da CPLP realizou-se em Coimbra, em 2011, e foi organizada pela Sociedade Portuguesa de Matemática e pelo Departamento de Matemática da Universidade de Coimbra.

SMM//PVJ

Jornalista polaco detido na província indonésia de Papua

Jacarta, 31 ago (Lusa) -- Um jornalista polaco foi detido pela polícia indonésia por investigar "atividades ilegais" na província de Papua (leste), palco de um conflito separatista há décadas, indicaram hoje várias fontes.

O porta-voz do Ministério dos Negócios Estrangeiros indonésio, Arrmanatha Nasir, disse à agência noticiosa espanhola EFE que o jornalista se encontra sob custódia.

"Entrou no país com um visto de turista, mas depois suspeitou-se que trabalhava na cobertura de uma história sobre uma atividade ilegal que ocorre em Papua", adiantou à EFE numa mensagem de texto.

O jornalista, identificado como JFS, foi detido na sexta-feira no município de Jayawijaya, quando alegadamente se preparava para assistir a uma operação de contrabando de armas entre dois grupos armados separatistas, indicaram fontes da polícia local ao diário Jacarta Post.

Segundo o subchefe da polícia provincial Fernando Sanches Napitupulu em declarações ao portal Detik, o jornalista pode estar envolvido na compra e venda de armas.

A Aliança de Jornalistas Independentes indonésia criticou o ano passado a violência contra jornalistas locais e as restrições de acesso dos profissionais internacionais a Papua, que ocupa a metade ocidental da ilha Nova Guiné.

A ilha é palco de um conflito independentista que se arrasta desde 1963, quando a Holanda abandonou a sua então colónia Indonésia.

PAL//PVJ