Primeira Ves Iha TL PR Veta OJE

DILI - Komesa Timor Leste ukun aan iha tinan 2002 too ohin loron, foin primeira ves Presidenti Republika veta Orsamentu Jeral Estadu.

Tuir akademi UNTL Matias Boavida katak, iha direitu konstituisaun neebe mak Presidenti Republika iha atu veta ou lae, ida nee primeira ves akontese iha Estadu Timor Leste nian, tamba desde 2002 Timor Leste ukun aan too ohin loron foin primeira ves Presidenti Republika veta Orsamentu Jeral Estadu.

Hau la dehan katak labele, maibee nee direitu neebe mak Konstituisaun fo kompetensia ba Presidente Republika atu veta,” dehan Matias bainhira dada lia ho STL, iha PN, Dili, Kuarta (30/12/2015).

Nia hatete, Parlamentu Nasional tuir konstituisaun iha fulan 3  bele revei, Presidente Republika nia rajaun politika neebe nia foti atu bele veta Orsamentu Jeral Estadu nee.

Matias mos haktuir tan katak, iha komunikadu imprensa nee Presidente Republika Taur Matan Ruak hatete, laiha eklibru entre fundus sira neebe mak iha Infraestrutura, tantu ba tasi mane no ba ZEESM, neebe hirak ene sai hanesan rajun neebe forte para Presidente Republika atu veta politik.

Iha fatin hanesan Vise Presidente bankada FRETILIN, deputada Josefa Pereira hatete Presidente Republika Taur Matan Ruak lapromulga OJE 2016, nee buat ida normal katak, tuir konstituisaun RDTL nee fo duni poder ida nee ba Presidente Republika hodi veta.

Entertantu Presidente Bankada PD Maria Lourdes Bessa hatete, Bankada PD Mos demostra preokupasaun tamba orsamentu neebe mak ba iha seitor vitais hare ba povu ninia moris hanesan edukasaun, Agrikultura, komersiu, turismu orsamentu tun hotu maibe orsamentu ba infrastrutura sae makas. Carme Ximenes

Suara Timor Lorosae

Moras Mental, Bernardo Taa Ema

DILI - Tribunal Distrital Suai (TDS) kontinua halao julgamentu movel ba kazu krime homesidu tentadu iha TDD, neebe Ministeriu Publiku notifika Bernardo Dasiloe nudar arguidu ba krime nee.

Liu husi audensia julgamentu, TDD submete ba alegasaun final. Nunee ministeriu publiku husu ba tribunal atu aplika pena neebe mak konjuga iha artigu kona ba krime ida nee. Tanba provas neebe hakerek iha akuzasaun nia laran provadu hotu kedas, no produs iha julgamentu nia laran provadu hotu.

Iha julgamentu arguidu deklara katak, nia lori katana hasoru vitima nain tolu Manuel Soares, Bernardo Goçalves no Pedro Araujo, tanba deit vitima sira la bolu nia naran maibe bolu fali bulak. Neemak nia lori katana taa sira.

Iha loron 27 de Desembru 2015 arguidu ho kondisaun la normal ka moras mental. No iha loron 28 tuir mai tuku 9 dader iha Suai, arguidu praktika krime homesidu ho forma tentadu hasoru lezadu nain tolu. Maibe depois polisia kaptura no durante fulan hirak nia laran iha prizaun, sempre atende ho diak. No hetan tratamentu husi medico, nunee agora arguidu nia kondisaun komesa normal ona. Ho ida neemak MP husu ba tribunal atu aplika pena neebe mak iha ona artigu nee.

Entertantu parte desa hatete katak, arguidu desde iha Setembru 2014 nia laran sofre ona moras mental. Nunee tuir relatoriu husi medico katak arguidu nee sofre duni moras mental. Tanba nee, ema neebe mak moras mental la merese atu tau iha prizaun mabe tenke tau iha fatin neebe bele halo tratamentu ba nia. Domingas Gomes

Suara Timor Lorosae

OJE 2016 La Hatudu Prespektiva Direitus Umanus

DILI - Orsamentu Jeral do Estadu (OJE) tinan 2013 too 2016, la hatudu prespektiva Direitus Umanus, tamba nee Prezidente Republika iha direitu atu veta OJE 2016.

Tuir Diretur Ezekutivu Asosiasaun HAK Manuel Monteiro katak Prezidente Republika Taur Matan Ruak Veta OJE 2016 nee, tamba nia hatene situasaun povu, tamba OJE nee la refleta duni ba nesesidade povu nian.

Husi ami nia analiza ba alokasaun osamentu estadu nia ba tinan 2013 too 2016 nee, seidauk hatudu prespektiva diretus umanus nia, tamba tuir melenium development works sasukat neebe kada pais sira iha rejiaun ASIA sira tenki kumpri nee, estadu parte husi komvensaun direitu ekonomi, social kultura nee, ninia kalokasaun OJE minimu tenki 30% husi total orsamentu estadu,” hateten Monteiro, ba STL iha nia kanar fatin, Farol, Dili, Kuarta (30/12/2015).

Neduni Prezidente uza duni nia direitu prerogative, neebe maka konstitusaun Republika fo, hodi veta duni OJE, agora kestaun ba sira maka Prezidente veta fila fali ba PN, PN iha seriadade atu deskuti seriu duni hodi muda duni verba balun iha OJE ka lae.

Iha parte seluk Observador Justica Federico de Olivera hateten konstitusaun fo direitu tomak ba Prezidente Republika atu promulga ka veta OJE. Joao Anibal

Suara Timor Lorosae

PR TAUR VETA OJE 2016

DILI - Prezidente Repúblika Demokratiku Timor-Leste, Taur Matan Ruak, Tersa (29/12/2015) veta proposta Orsamentu Jeral Estadu (OJE) ba tinan 2016, neebe haruka mai husi Parlamentu Nasional (PN).

Veta nee akompana ho mensajem ba Parlamentu Nasional neebe fundamenta razaun lubun ida ba veto politiku, tuir art. 88.º Lei Inan. Prezidente Republika espoe tiha ona nian diskordansia konaba prioridade sira iha OJE ba tinan 2016, durante debate orsamentu iha Parlamentu Nasional.

Iha tempu neeba, Prezidente Republika manifesta diverjensia hasoru proposta iha OJE ba tinan 2016 ne’ebe aumenta investimentu iha projetu sira infra-estrutura nian neebe laiha retornu efetivu, hanesan ZEESM ka projetu Tasi Mane nian no hatun fali despeza publiku iha setor sira hanesan Saude, Edukasaun no Agrikultura.

Iha okasiaun nee, Prezidente Republika mos alerta tiha ona ba nesesidade atu promove investimentu iha bee mos no saneamentu baziku atu nunee hadiak kondisaun baziku moris nian.

Iha mensajem ida nee mos,Presidenti Republika Taur Matan Ruak alerta ba nesesidade atu garante dezenvolvimentu ida ke sustentavel ba Nasaun neee, liu hosi aumenta reseitas domestiku no hamenus gasta osan hosi Fundu Minarai, neeebe kada tinan ita gasta liu fali rendimentu sustentadu estimadu (RSE), liu dala rua.

Fundu de Infraestruturas foun neebe estabelese iha OJE ba tinan 2016, neebe hases-an hosi regras Lei do Orçamentu e da Jestão Financeira konaba fundos especiais, mos sai nudar materia analiza hau nian, liu hosi mensajem ba Parlamentu Nasional,”dehan Presidente Republika Taur matan Ruak, liu husi komunikadu imprensa neebe, STL simu iha edefisiu STL, Osindo (Surikmas), Dili, Tersa (29/12/2015).

Antes nee Presidente bankada CNRT iha Uma Fukun PN, deputadu Natalino dos Santos hatete, Pozisaun CNRT kuandu Prezidente Republika Taur Matan Ruak Veta OJE 2016, nee kompetensia prezidente, maibe husu Prezidente Republika atu hare ho realistiku ba orsamentu. Informasaun kompletu iha STL jornal no STL Web, edisaun Kuarta (30/12/2015). Carme Ximenes

Suara Timor Lorosae

Eis-kombatente separatista sira hosi Aceh na'in 100 resin entrega aan ba autoridade sira

Eis-kombatente separatista sira hosi provínsia Aceh nian na'in 100 resin, iha Indonézia, ne'ebé karik halo krimi todan sira, entrega aan ba autoridade sira, fó sai hosi responsável sira iha loron-tersa ne'e.

Kombatente sira, lidera hosi Nurdin bin Ismail, hanesan parte balun hosi Movimentu Aceh Livre (GAM), ne'ebé iha tinan 2005 hapara luta ba independénsia hodi hatán ba akordu ida dame nian ho governu Jakarta nian hodi troka ho autonomia.

Ismail nia grupu uluk luta hasoru líder foun sira hosi provínsia (iha oeste), sira mós hanesan antigu kombatente separatista sira, ne'ebé akuzadu la defende interese sira hosi povu Aceh nian.

Iha loron-segunda, Ismail ho nia kombatente hamutuk na'in 120 resin rende no entrega arma hamutuk 15 ba autoridade sira.

Rendisaun ne'e akontese hafoin kontaktu sira ne'ebé hahú iha fulan rua liubá, haktuir hosi xefe serbisu sira informasaun nian, Sutiyoso ne'ebé haktuir hosi ajénsia Franse Presse.

Responsável hatutan katak to'o agora governu laiha desizaun ruma kona-bá karik kombatente sira sei hetan amnistia ruma.

"Sira la husu osan no mós serbisu, sira husu atu ami haree ba vítima sira konflitu nian, liuliu órfaun sira no eis-kombatente sira. Bainhira hetan ne'e sira sei husik luta", nia hatete.

Ema na'in 15.000 resin mate ona iha dékada tolu nia laran tanba luta entre rebelde sira no governu indonéziu.

Prosesu dame nian hahú ona hafoin akontesimentu hosi tsunami iha tinan 2004 ne'ebé afeta ona sudeste aziátiku no halo ema na'in 230.000 mate, ema millaun sanulu resin mate iha Aceh.

SAPO TL ho Lusa

TINAN 500 PORTUGAL-OAN SIRA TO’O IHA TIMOR-LESTE

Rui Correia sei dada-besik Portugal ho Timor-Leste ho motór

Portugál-oan Rui Correia iha finál fulan ne’e sei hahú halo aventura ida ho motór, hosi Lisboa mai to’o iha Lifau, enklave Oecusse, hanesan fatin ne’ebé misionáriu dahuluk nomós navegadór portugés sira to’o iha tinan 500 liu ba. 

Viajen ne’e sei hala’o ho kilómetru 22.184 hosi nasaun 18, nomós sei atravesa área maritime hanesan Malázia - Sumatra, Sumatra - Java, Java - Bali, Bali – Lombok, Lombok – Sumbawa, Sumbawa – Flores no Flores – Timór.

Rui Correia, ne’ebé oras ne’e daudaun hanesan asesór iha Ministériu Administrasaun Estatál, Timor-Leste esplika katak viajen ne’e hanesan “símbolu amizade nomós solidariedade ne’ebé kria uniaun ba povu rua”.

Sei buka apoiu adisionál ba viajen refere, hodi garante katak objetivu adisionál maka fó kontribuisaun ba serbisu ONG SUL-Timor, liu-liu ba iha projetu apoia eskola ida iha Dili.

Iha “pré-viajen”, Rui Correira sei prekore hosi Guimarães-Lisboa, ho kilómetru 547, liu hosi Porto, Coimbra, Fátima, Cabo da Roca no Sintra.

Sai hosi Padraun Deskobrimentu, 30-agostu hodi ikus mai to’o iha Lifau, Oecussi, koinside ho selebrasaun 28-novembru, hanesan loron ba komemorasaun tinan 40 hosi independénsia Timor-Leste.

Perkursu hosi viajen europeu – ho kilómetru 4.395 – sei liu hosi España, Fransa, Mónako, It’alia, Eslovénia, Kroásia, Sérvia, Bulgária ho Turkia.

Perkursu dahuluk iha parte aziátika maka hosi Istambul – Nova Deli (kilómetru 7.283) no sei liu hosi Iraun – Pakistaun, depois halo ligasaun entre Nova Deli – Malaka (kilómetru 6.225), ho pasajen hosi Birmánia ba Tailándia.

Depois Rui Correia sei atravesa ba iha arkipélagu indonézia, nomós liu tan ba fatin seluk hanesan Dumai, Lampung, Jakarta, Bandung, Yogyakarta, Banyuwangi, Denpasar, Mataram ho Bukit Raya.

Hafoin liu tiha fatin hirak ne’e ho kilómetru 3.437, sei hakat ba Lombok – Flores ho kilómetru besik 480 no Flores – Dili, kilómetru 365.

Destinu ikus hosi viajen ne’e maka to’o iha Dili, maibé parajen simbólika maka iha Oecussi.

SAPO TL ho Lusa - video RTTLep

Oho Laen Kaben, Fernanda Tama Prizaun

DILI - Tribunal Distrital Dili (TDD) aplika pena prizaun preventive ba arguida Fernanda Barbosa tanba deskonfia oho mate nia laen kaben lezadu Sergio Fatima Martins neebe ho idade 41.

Liu husi audensia primeiru interogatoriu tribunal aplika pena prizaun preventiva ba arguida Fernanda Barbosa neebe oho mate nia laen kaben iha loron 16 fulan Desembru 2015 oras tuku 11:00 too 12:00 kalan tanba deit deskonfia vitima selingkuh ho feto seluk. No mate isin polisia hetan fali iha loron 22 de Desmbru 2015 oras tuku 8:00 dader. Entertantu arguidu nain hitu seluk neebe polisia kaptura hamutuk ho arguida tribunal aplika TIR, neebe kada fulan sei halo aprejentasaun periodika ba iha polisia estasaun Ermera nian.

Arguidu neebe hetan TIR mak hanesan Filomeno da Cruz, Vasco Soares Alves, hermengildo Ximenes, Marçal dos Santos Soares, Liandro, Antonio Siqueria Martins, Mateus dos Santos no Amandio Trindade.

Iha sira nia deklarasaun arguida Fernanda hatete, vitima mate tanba hemu beneno mak mate no nia rasik mak hodi ba soe iha fatuk kuak. Entertantu arguidu sira seluk iha 22 nee iha hela Dili foin atu ba Ermera.

Iha julgamentu, arguidu Antonio Siqueria hatete, nia mak hetan mate isin bainhira atu ba fahi luhan ida. Momentu nee udan bot, fatuk ida monu halo vitima nia liman sai hela no is los. Nunee nia fila ba hatete ba vitima nia kaben no hatudu dalan ba polisia hodi foti mate isin. Informasaun kompletu iha STL jornal no STL Web, edisaun Kuarta (30/12/2015). Domingas Gomes

Suara Timor Lorosae

Roo Boot La Halai, Povu Atauro Hean Bero

DILI- Roo Liberty halai dala ida deit ba Atauro, tamba nee povu Atauro tenki hili dalan seluk hean bero kiik loron-loron ba mai Dili-Atauro.

Lia hirak nee hatoo husi Pasazerus Atauro Arlindo de Carvalho, ba STL, iha Tasi Ibun Lecidere, Tersa (29/12/2015).

Ami Atauro oan sira, loro-loron sempre hean bero kikoan sira nee ba mai Dili Atauro, tamba roo boot Liberty iha loron Sabadu deit maka halai ba Atauro loron bailet la iha, tamba nee ami tenki viazen sae bero ba mai,” hateten Arlindo.

Nia hatutan anin no laloran bele boot, sira tenki hean bero ba mai, tamba aktividade povu nia hodi dezenvolve moris nee sempre loro-loron iha, laos hein deit loron Sabadu maka iha aktividade.

Iha tinan kotuk Prezidente Republika Taur Matan Ruak, promete ona ba povu Atauro, liu husi vizita tama sai suku, katak roo Nakroma tenki halai loron rua semana ida, maibe too ohin loron seidauk realize.

Iha fatin hanesan Estudante Atauro oan Dediana Lopes hateten sira Atauro susar transporte maritime, tamba nee sira tenki sae bero ba mai, mesmu bero nee kiik. Informasaun kompletu iha STL jornal no STL Web, edisaun Kuarta (30/12/2015). Jaoa Anibal

Suara Timor Lorosae

Prezidente lakonkorda ho proposta ba Orsamentu Jerál Estadu tinan 2016

Prezidente Taur Matan Ruak, ohin veto ona proposta hosi Orsamentu Jerál Estadu ba tinan 2016, tanba lakonkorda ho “investimentu ba projetu infraestrutura lahó retornu efetivu”. 

Iha komunikadu ne’ebé fó sai ohin hosi Palásiu Prezidensiál haktuir katak Prezidente Repúblika veto ba proposta Orsamentu Jerál Estadu (OJE) ba tinan 2016 nian, no devolve hikas ba Parlamentu Nasionál.

Tuir komunikadu, fó veto tanba lakonkorda ho prioridade hirak ne’ebé haktuir iha OJE 2016 nian, bazeia ba diskusaun iha Parlamentu Nasionál.

“Iha tempu ne’ebá, haktuir katak mosu diverjénsia ba iha proposta OJE tinan 2016 nian, tanba halo aumentu ba projetu infraestrutura lahó retornu ne’ebé efetivu, hanesan ba Zona Espesiál Ekonomia Sosiál Merkadu (ZEEMS) ka Projetu Tasi Mane no hamenus despeza públika hanesan ba iha setór Saúde, Edukasaun nomós Agrikultura”, fó sai komunikadu.

Durante diskusaun iha Parlamentu Nasionál, Prezidente “halo ona alerta kona-ba importánsia ba promosaun investimentu ba bee mos nomós saneamentu báziku, atu nune’e bele hadia povu ninia moris”.

Iha mensajen ne’ebé haruka ho veto OJE, Prezidente Repúblika mos bolu atensaun atu “garante dezenvolvimentu sustentável iha rai laran, aumenta reseita la’os petrolífera no hamenus rekursu ba Fundu Petrolífera nian, tanba tuir limite anuál ba rendimentu sustantadu ultrapasa liu dobru”.

Tuir komunikadu, iha mensajen ne’ebé haruka ba Parlamentu Nasionál, xefe Estadu ne’e mos analiza kriasaun hosi “Fundu Infraestrutura” foun ida, bazeia ba regra hosi Lei Orsamentu no Jestaun Finanseira ba fundu espesiál nian. “


"Prosesu lejislativa ba OJE tinan 2016, agora daudaun entrega ona ba deputadu sira iha Parlamentu Nasionál”, tuir komunikadu fó sai.

Iha 19-dezembru, Parlamentu Nasionál aprova definitivamente OJE ba tinan 2016 ho valór dolár rihun milloens 1,56, hafoin forsa polítika sira halo diskusaun naruk.

Testu orsamentál ne’ebé hetan aprovasaun ba iha jeneralidade no ho unanimidade iha 03-dezembru liu ba, hetan alterasaun sanulu resin, ne’ebé maioria korensponde ba realokasaun gastu, maibé la fó impaktu ba montante ikus hosi orsamentu Estadu nian.

OJE ba tinan 2016 ho valór bot dolár rihun milloens 1,56, ho despeza hafoin halo alterasaun ne’ebé inklui mos gastu ba iha saláriu milloens 181,87 nomós vensimentu, dolár milloens 449 ba bens nomós serbisu, inklui Fundu Dezenvolvimentu Kapitál Umanu.

Sei halo transferénsia públika ho valór milloens 476, milloens 436,47 ba kapitál dezenvolvimentu no milloens 17,57 ba kapitál menór. Valór hosi fundu autónomu foun hosi infraestrutura maka dolár milloens 434,63.

Meza Parlamentu Nasionál haruka ona porposta alterasaun 46 ne’ebé submete ba apresiasaun hosi komisaun ad-hoc ida, maibé aprova de’it 33.

Hosi hirak ne’ebé importante, halo mos alterasaun ba proposta hosi partidu tolu entre haat haat ne’ebé hetan kadeira iha parlamentár (CNRT, Fretlilin ho Frente Mudança) ba transformasaun atuál Fundu Infraestrutura ba iha “fundu autónoma, dota ba personalidade jurídika, autonomia administrativa nomós finanseira”.

SAPO TL ho Lusa 

Udan bot hamosu inundasaun no halo família 500 resin maka lakonsege sai iha parte norte Luanda

Família liu 500 maka lakonsege sai hosi uma tanba udan-bot ne’ebé akontese iha munisípiu Quiçama, rejiaun ho kilómetru 120 ba parte norte kapitál Luanda, tuir informasaun hosi administrasaun lokál. 

Udan-bot ne’ebé akontese kria inundasaun, no halo populasaun sira labele sai, tuir responsável hosi administrasaun Quiçama hateten.

“Ami halo alreta ba populasaun sira atu labele halo ka harii buat ida iha besik mota ninin nomós ba iha zona hirak ne’ebé hetan risku”, tenik Assis Fortes, ba Rádio Nacional de Angola.

Tuir responsável, atu apoia populasaun administrasaun nian maka komando provinsiál ba Protesaun Sivil ho Bombeiru oferese meiu balun, maski ladun to’o.

“Ami hasoru problema bot oras ne’e daudaun, tanba lakonsege lori meiu hirak ne’ebé ba to’o iha área refere”, dehan Assis Fortes, no hatutan tan katak oras ne’e daudaun xapa ho zinku nomós roupa uzada maka sai nu’udar meiu importante atu fahe ba populasaun hirak ne’e.

“Tinan-tinan sempre hanesan ne’e. Ami husu apoia ba tropa espesiál sira hodi fó tulun bainhira mosu situasaun nune’e. Ami iha ona meiu, maibé sei haree tan kona-ba transporte atu hodi lori meiu hirak ne’e ba to’o iha populasaun. Situasaun ne’e hahú akontese desde sesta-feira”, hatutan tan.

SAPO TL ho Lusa 

Mais de 100 ex-combatentes separatistas de Aceh entregam-se às autoridades

Banda Aceh, Indonésia, 29 dez (Lusa) -- Mais de 100 antigos combatentes separatistas da província de Aceh, na Indonésia, que alegadamente cometeram crimes graves, entregaram-se às autoridades, anunciaram hoje responsáveis.

Os combatentes, liderados por Nurdin bin Ismail, eram uma fação do Movimento Aceh Livre (GAM), que em 2005 pôs fim à luta pela independência, aceitando um acordo de paz com o governo de Jacarta em troca de autonomia.

O grupo de Ismail lutava contra os novos líderes da província (oeste), também eles antigos combatentes separatistas, que acusava de não defender os interesses do povo de Aceh.

Na segunda-feira, Ismail e cerca de 120 dos seus combatentes renderam-se e entregaram 15 armas às autoridades.

A rendição foi possível depois de contactos iniciados há cerca de dois meses, segundo o chefe dos serviços de informações, Sutiyoso, citado pela agência France Presse.

O responsável acrescentou o governo não tomou até ao momento qualquer decisão sobre se os ex-combatentes vão beneficiar de uma amnistia.

"Não pediram dinheiro nem empregos, pediram que cuidássemos das vítimas do conflito, especialmente os órfãos e ex-combatentes. Se isto for concedido, eles deixam de lutar", disse.

Cerca de 15.000 pessoas foram mortas durante as três décadas de luta entre os rebeldes e o governo indonésio.

O processo de paz foi iniciado após o devastador tsunami que em 2004 afetou o sudeste asiático e matou 230.000 pessoas, dezenas de milhares das quais em Aceh.

MDR // PJA

Mais de um milhão de turistas entraram em Macau na semana do Natal

Macau, China, 29 dez (Lusa) -- Macau recebeu mais de um milhão de turistas entre os dias 20 e 26 de dezembro, mais 9,92% que no mesmo período do ano passado, segundo dados oficiais hoje divulgados.

De acordo com o Corpo de Polícia de Segurança Pública, entre 20 de dezembro, feriado que celebra o Dia de Estabelecimento da Região Administrativa Especial de Macau, e o dia 26 do mesmo mês, entraram na cidade 1,649 milhões de pessoas, entre as quais 1,087 milhões eram turistas.

No mesmo período saíram, pelas fronteiras terrestres e marítimas e através do aeroporto, 1,647 milhões de pessoas -- o posto fronteiriço das Portas do Cerco revelou-se o mais movimentado, tanto em entradas como em saídas.

O aumento do número de turistas durante estes sete dias, em comparação com o ano passado, contraria a descida geral dos visitantes, já que até ao final de novembro Macau recebeu 28,08 milhões de pessoas, menos 3,1% do que em igual período de 2014.

ISG (FV)// JPS