Ho Antusiazmu, Komunidade Ataúru Selebra Loron Proklamasaun Independensia

ATAÚRU, (ANTIL) - Komemorasaun Loron Proklamasaun Independénsia ba dala-41 iha Postu Administrativu Ataúru, Segunda (28/11) hetan partisipasaun másimu husi komunidade no entidade sira, liuhusi serimónia hasa’e bandeira. Maske loron-manas, komunidade antusiazmu tebes.

Komunidade sira maihusi suku lima iha Postu Administrativu Ataúru, kompostu husi suku Beloi, Bikeli, Makadade, Makili no Vila Maumeta, hamutuk ho estudante pré-sekundária no sekundária, grupu feto no antigu kombatente sira.

Hafoin serimonia hisar bendeira, kontinua ho teatru husi Klibur Foin-sa’e Humanitária no  kari ai-funan iha tasi ba eroi sira ne’ebé mate no matebian Feliz Moniz da Costa, ne’ebé foin mate iha tasi ibun suku Vila Maumeta, loron 21 Novembru 2016.

“Serimónia lori ai-funan ba kari iha tasi signifika eroi sira ne’ebé mate ita lahetan sira-nia isin iha tempu okupasaun Indonézia sira soe ita-nia povu barak ba tasi no ita lahetan sira-nia paradeiru, kari ai-funan ida ne’e hodi fó sentidu kondolénsia ba luta-na’in sira hotu”,  Administradór hatete.

Aleinde ne’e, kari mós ai-funan ba fatin matebian Feliz Moniz mate, tanba durante nia moris, nia serbisu hanesan mekániku iha kompania Hidayat, no tulun komunidade sira hadi’a sasán ne’ebé komunidade sira presiza.

Administradór Postu Administrativu Ataúru, Mateus Belo iha nia diskursu ba komemorasaun proklamasaun 28 Novembru hatete, Ataúru ba dahuluk hala’o misaun ba lideransa komunitária no iha suku lima ne’e hetan susesu boot.

” Ha’u fó parabéns ba povu tomak ba susesu ne’ebé ita konsege atinji. Ohin-loron iha ita-nia prezente, iha ona xefe suku atuál sira ne’ebé lakleur tan hetan tomada-de-pose “, Mateus dehan no simu ho basa liman husi komunidade sira.

Nia informa ba xefe suku eleitu sira, katak, sei hasoru serbisu boot tanba konfiansa ne’ebé povu fó. ” Hanesan administradór orgullu tanba tinan ida ne’e, Ataúru ho suku lima, ita-nia povu hili xefe suku sira mesak foinsa’e de’it”.

“Ida ne’e mak ita-nia konfiansa, ne’ebé sei hamutuk ho autoridade lokál atubele serbisu hamutuk, lori suku ba tinan hitu mai oin. Kuandu ita fó ona konfiansa, labele husik sira mesak. Povu sira tenke fó apoiu másimu atu sira hala’o sira-nia knaar do susesu,”, Mateus hateten. (Jornalista: Maria Auxiliadora/Editór: Otelio Ote)

Dezde Tempu Indonézia to’o Ukun-an, Makili Seidauk Asesu Eletrisidade

ATAÚRU, (ANTIL) - Proklamasaun Independénsia 28 Novembru 2016 ba dala-41, nu’udar loron ida ne’ebé istóriku no progresu ne’ebé Timor-Leste atinje ona dezenvolvimentu komesa la’o, maibé dezde tempu Indonézia to’o Timór ukun-an, suku Makili seidauk asesu eletrisidade.

Xefe suku Makili, Juliaço Gomes ba ANTIL, Segunda (28/11/2016) hafoin serimónia hasa’e bandeira remata hateten, infraestrutura hanesan estrada no bee-moos, sai preokupasaun boot tanba mudansa klimátika.

“Hanesan xefe suku eleitu, hamutuk ho komunidade husu apoiu Governu para ita-nia povu Makili bele asesu ba estrada, bee-moos no eletrisidade”, nia dehan. Dezenvolvimentu ne’ebé la’o tiha ona mak edukasaun no saúde.

Durante ukun-an to’o agora povu seidauk sente ukun-an loloos, tanba dezenvolvimentu suku seidauk la’o, nia hatutan.

Nu’udar joven ne’ebé konfiansa husi povu Makili atu lidera suku, optimista atu serbisu maka’as, atu hadi’ak povu nia moris.

Suku Makili iha luan suku 12 km2, aldeia haat ho totál populasaun 2.416,  husi totál populasaun Postu Admibistrativu Ataúru hamutuk 10.651. (Jornalista: Maria Auxiliadora/Editór: Otelio Ote)

Semana Ida, PNTL Rezista Asidente 17

ANTIL, (DILI) — Segundu komandante Jerál Polísia Nasionál Timor-Leste (PNTL), Komisariu Polísia Faustino da Costa informa katak, iha semana kotuk PNTL rezista asidente trafiku hamutuk 17.

“Asidente ne’ebé maka akontese maka hanesan kareta soke malu, kareta soke ema lao ain no asidente motor ne’e mak dadus ne’ebé maka PNTL iha durante fim da semana to’o horseik loron komemorasaun  28 Novembru (Horseik),” Komisariu Polísia Faustino da Costa relata ba jornalista sira iha Kuartel Jerál PNTL Kaikoli, Dili (29/11).

Tuir Komisariu Polísia Faustino da Costa asidente trafiku hamutuk 17, maibé la rezulta kanek todan no mate, iha asidente trafiku ne’e rezulta estraga kareta no motor.

Entertantu Proklamasaun Independensia 28 Novembru ba dala 41 lao ho seguru tanba seguransa maximu husi Polísia  Nasionál Timor-Leste no kolaborasaun povu Timor-Leste ba loron inportante ne’e.

Segundu Komandante Jeral PNTL Komisariu Polísia  Faustino da Costa hateten proklamasaun independensia ba dala 41 ne’ebe maka halao iha nivel Nasionál iha munisipiu Lautem no munisipiu 12 seluk lao ho diak no suksesu. Nia hato’o asuntu ba jornalista sira nia Kuartel Jeral PNTL Kaikoli Dili (29/11).

Lori Komandu Jeral nia naran hato’o parabens ba povu Timor-Leste no agradese ba parte hotu-hotu tanba komemorasaun ne’e lao diak ho kontribusaun ema hot-hotu nian.

Komemorasaun Proklamasaun Independensia ba dala 41 nivel Nasionál nebe halao iha munisipiu Lautem komandu PNTL munisipiu Lautem koloka membru nain 157 hodi fo seguransa ba eventu ne’e.(Jornalista : Manuel Pinto)

Foto: Segundu komandante Jerál Polísia Nasionál Timor-Leste (PNTL) Komisariu Polísia Faustino da Costa

CRL: Trabalho introdutório à Metodologia de Análise Legislativa

A Comissão para a Reforma Legislativa e do Sector da Justiça (CRL) realizou duas Sessões de Trabalho introdutório à Metodologia de Análise Legislativa, entre os dias 24 a 25 de novembro no Palácio do Governo em Díli, segundo a informacao do CRL.

Os primeiros pontos focais nomeados pelo Ministro de Estado e da Presidência do Conselho de Ministros, Ministro de Estado Coordenador dos Assuntos Sociais e Ministério da Educação, Ministério do Interior, Ministério das Obras Públicas, Transportes e Comunicações, Ministério das Finanças, Ministério da Saúde, Ministério do Comércio, Indústria e Ambiente, Ministério do Turismo, Arte e Cultura, Ministério do Petróleo e Recursos Naturais.

A Comissão aguarda a nomeação dos restantes pontos focais pelos demais ministérios conforme a Resolução do Governo de 31 de Outubro de 2016, que determina que “a reforma legislativa tem um caracter transversal e exige o envolvimento e a análise legislativa de cada um dos sectores tutelados pelos Ministérios”.

A Comissão realizará também uma Sessão de Trabalho introdutória com os restantes pontos focais logo que sejam nomeados.

Realizará também, no dia 19 de dezembro, com a participação da Direcção Geral de Estatística, uma Sessão de Trabalho conjunta com todos os pontos focais nomeados para o aprofundamento e finalização da análise do Calendário e Questionário de Exame do Estado da Legislação, cujo preenchimento e relatório sectorial deve ser apresentado à Comissão no ínicio de Março de 2017.

@CRL com foto – em SAPO TL

Cooperação entre a China e ONU é "absolutamente essencial", diz António Guterres

Pequim, 28 nov (Lusa) - A cooperação entre a China e a ONU é "absolutamente essencial", perante um "mundo perigoso", disse hoje em Pequim António Guterres, destacando o papel que o país asiático pode desempenhar na diplomacia para a paz.

O próximo secretário-geral da ONU falava em conferência de imprensa, após reunir-se com o ministro chinês dos Negócios Estrangeiros, Wang Yi.

"Vivemos num mundo perigoso. Assistimos à multiplicação de novos conflitos e velhos conflitos que nunca morrem", disse António Guterres.

O antigo primeiro-ministro de Portugal lembrou que "cada vez mais pessoas sofrem", devido às "mudanças climáticas, crescimento da população, insegurança alimentar e escassez de água".

E apontou que as desigualdades se estão a tornar "um importante fator de instabilidade no mundo", que "o progresso económico e tecnológico não conseguiu reduzir".

"Estamos perante problemas globais, que exigem soluções globais, para as quais necessitamos de mecanismos de governação de natureza multilateral", disse.

Guterres sublinhou que "a China é hoje um pilar sólido do multilateralismo no mundo" e que pode ser um "mediador justo muito importante, tentando unir partes que estão envolvidas em conflitos".

"Isto torna a cooperação entre a China e a ONU absolutamente essencial", realçou.

António Guterres enalteceu a "importante contribuição" do país asiático para a organização que dirigirá a partir do próximo ano.

"A China é hoje um dos maiores financiadores da ONU e das suas ações. Ao mesmo tempo, está a dar um contributo muito importante para as nossas missões de manutenção da paz e para mais iniciativas que serão anunciadas em breve", disse.

E lembrou que Pequim desenvolveu "novas formas de cooperação internacional, como a iniciativa 'uma faixa, uma rota'", contribuindo para o sucesso das ações da ONU no mundo.

Wang Yi, por seu lado, apontou que o "papel das Nações Unidas só pode ser fortalecido, e não debilitado".

"Vivemos num mundo caótico (...) Enfrentamos desafios globais. Nenhum país pode superar esses desafios sozinho", lembrou.

António Guterres vai assumir o lugar de secretário-geral das Nações Unidas, por um período de cinco anos, a partir de 01 de janeiro de 2017.

A deslocação a Pequim segue-se a uma visita a Moscovo, onde Guterres se reuniu com o Presidente russo, Vladimir Putin, parte de um périplo pelas cinco capitais dos países-membros permanentes do Conselho da Segurança da ONU.

JOYP // JMR

Cinco sobreviventes e 76 mortos em acidente de aviação na Colômbia – Oficial

Cinco pessoas sobreviveram ao desastre de avião, perto do aeroporto internacional de Medellín, e 76 morreram, anunciou o general Jose Acevedo, chefe da polícia daquela área da Colômbia.

O aparelho fazia um voo 'charter' com 81 pessoas a bordo, incluindo a equipa de futebol brasileira Chapecoense Real, que ia disputar a final da Taça Sul-Americana com uma equipa colombiana.

Entre os sobreviventes estão o guarda-redes Marcos Danilo Padilha, de 31 anos, o guarda-redes de reserva Jackson Follmann, de 24 anos, e o lateral Alan Ruschel, de 27 anos.

O acidente ocorreu numa zona montanhosa a cerca de 50 quilómetros de Medellin.

Em comunicado, o aeroporto de Medellin refere que o avião, com matrícula da Bolívia, "declarou-se em emergência" às 22:00 locais (03:00 em Lisboa) "por falhas técnicas", de acordo com a transmissão feita para a torre de controlo.

O avião tinha saído do aeroporto Viru Viru, de Santa Cruz de la Sierra, na Bolívia, onde aparentemente tinha realizado uma escala técnica.

EJ (FPA) // VM – Lusa

ÚLTIMA HORA

Oficial - São seis os sobreviventes do desastre aéreo. Foi descoberto mais uma pessoa com vida entre os destroços do avião que se despenhou na Colômbia – Tudo sobre a tragédia que enluta também o futebol brasileiro – NOTÍCIAS AO MINUTO

- Um dos jogadores sobreviventes não resistiu e acabou por falecer. Danilo era um dos sobreviventes apontado pelas autoridades oficiais.

Leia a noticia em tétum em SALVIO ONLINE

Investimentu ZEESM Larefleta Ba Realidade Moris

DILI – Politika estadu Timor Leste hodi halao investimentu iha rai laran liu-liu investimentu projetu ZEESM (Zona Espesial Ekonomia Sosial Merkadu) lafo vantajen ba povu, tanba labazeia ba realidade moris povu.

Tuir Vigariu Episkolpal Diocese Dili, Amu Juvito do Rego hatete katak, investimentu neebe mak estadu Timor Leste halo iha ZEESM nee iha laiha benefisiu ba povu.

Investimentu estadu nian ba iha ZEESM nee interogasaun boot ida kuandu ita seidauk hatene inserteza absoluta katak ida nee bele fo vantajen ida. nee sei mehi hela deit, ita haree foin kuda batar musa ida, batar musan seidauk sae mai,” dehan Amu Juvito ba STL iha Lospalos-Lautem, Segunda (28/11/2016).

Amu Juvito haktuir, ida nee sai interogasaun tanba politika investimentu estadu nian ba ZEESM nee labazeia ba realidade moris povu nian neebe mak oras nee povu hasoru.

Iha fatin ketak, Observador Politika, Francisco Mausoro dehan, estadu nia investimentu ba projetu ZEESM nee ho nia konseitu nee diak, maibe kestaun mak estudu viabilidade nee halo ka lae. Mausoro esplika, ezemplu durante nee media barak publika konaba impaktu husi investimentu ZEESM ba povu nia moris, haree iha fatin barak laiha bee moos. Ida nee problema ba Timor. Informasaun kompletu iha STL Jornal no STL Web, edisaun Kuarta (30/11/2016). Raimundo S. Fraga

Suara Timor Lorosae

Kaju Emilia, Sai Preokupasaun Ba Publiku

DILI – Kaju arguida Emilia Pires sai preokupasaun ba publiku tamba publiku hakarak hatene lolos serteza ho klaru, no la duvida atu nunee povu bele satisfas ho sistema judisial iha Timor Leste.

Tuir Diretor JSMP, Luis de Oliveira Sampaio preokupa oituan ho kaju Emilia Pires tamba atrazu tempu, hodi impedimentu mai husi arguida Emilia Pires no nia kolaborasaun minimu afeita ba prosesu justisa neebe mak oras nee lao.

Tamba nee, dala ida tan ita preokupa tamba deit impedimentu neebe mak mai husi arguida Emilia Pires maibe ita rekomenda tribunal se iha ona konkluzaun ba kaju arguida Emilia nian marka deit tempu atu anunsia ninia desijaun atu ita bele hatene katak sala ka la sala atu ema hotu la bele moris ho duvidas, moris ho preokupa katak tamba saida mak kaju adia no tamba saida mak kaju nee seidauk hotu no hamosu perguntas oi-oin liliu kria persepsaun neebe mak la diak iha publiku,” dehan Luis ba STL iha ninia edifisiu JSMP, Colmera, Tersa (29/11/2016).

Nia dehan tuir informasaun iha semana kotuk atu rona deklarasaun husi arguida Emilia Pires, hodi halo ka nomeia data foun atu halo desijaun final, maibe arguida nafatin la mosu no kompozisaun panel juiz ida moras, sira hadia fali iha 30 de Novembru atu rona deklarasaun ikus ka hasai desijaun.

Iha fatin ketak, tuir observador Politiku, Fransisco Mausoro katak dalaruma mafia sira iha laran no joga buat nee no se la joga buat nee la fasil, atu sai iha rai liur no kuandu ema hatene frakeza sira nee dada atu halai husi tribunal. Informasaun kompletu iha STL Jornal no STL Web, edisaun Kuarta (30/11/2016). Domingos Piedade Freitas

Suara Timor Lorosae

Taur: Hau La Faan Dignidade sosa Uma Mutin

ILIOMAR - Prezidente Republika Taur Matan Ruak Durante nee halo vizita tama sai suku hodi husu povu atu hamutuk buka moris diak, tamba Timor oan hotu neebe luta laos atu hetan deit ukun Aan maibe buka moris diak.

Nia hatete Funu tinan 24 sae ema nia kareta, ema trata tan maibe  kabun ten barak neebe sosa kareta rasik la halo buat ida, ema seluk neebe la halo funu hetan uma diak maibe ida neebe luta  ba ukun Aan kontinua moris kiak.

Hau la faan hau nia dignidade hodi sosa uma mutin, zeneral beik liu mak  mak Taur Matan Ruak  tamba halo funu tinan 24 iha ai laran hakarak husik kargu nudar zeneral hodi sai prezidente no vizita suku,” dehan Taur liu husi Dialogu Tersa (29/11/2016) ho Suku Iliomar II, Postu Administrativu  Iliomar, Munisipiu Lautem.

Nia fo hela servisu ba povu hanesan hadia ekonomia uma laran hodi halo buat neebe mak nakfilak ba osan, haruka oan sira ba eskola tamba futuru oan sria nian inportante no husu inan no labarik sira kuidade saude.

Iha fatin hanesan suku Iliomar II Adelino Barreto hatete nia parte agradese ba vizita Prezidente Republika nian neebe konsege vizita suku hodi rona povu nia prekupasaun neebe mak povu hasoru. Nia hatete Povu suku Iliomar iha populasaun hamutuk 1986 kompostu husi feto 1028 no mane 956, neebe mak husi aldeia 5, povu maioria moris ho agrikultura maibe kondisaun Estrada mak ladiak.

Vizita  Prezidente Republika Taur Matan Ruak nee sai konvidadu espesial mak hanesan Administrador Postu Adminisrtativ u Liquisa Vila, Xefi Suku Oges, Postu Maucatar, Covalima,  Xefi Suku Horai Kiik, Postu Administrativu Maubisse, Ainaro no Xefi suku Lesuata Manufahi inkliu mos Administrador Postu Iliomar, Diretores Munisipiu Lautem, Komando PNTL. Informasaun kompletu iha STL Jornal no STL Web, edisaun Kuarta (30/11/2016). Timotio Gusmao

Suara Timor Lorosae

OJE 2017 4 Miloens Aloka Ba Pensaun Vitalisia

DILI – Orsamentu Jeral Estadu (OJE) 2017 neebe aloka ba pensaun eis titularis no eis orgaun soberanu hamutuk 4 Miloens.

Membru Komisaun C, neebe trata asuntu Finansas Publika (PN), deputada Angelina Machado de Jesus hateten, OJE 2017 iha dotasaun para todu Governu, neebe aloka ba eis titularis no eis membru orgaun soberanu kuaze 4.000 Miloens.

OJE 2017 ita hare iha dotasaun para todu Governu neebe aloka ba eis titulars no eis membru orgaun soberanu sira hamutuk 4.000 Miloens,” dehan deputada Angelina, ba STL, iha PN, Dili, Tersa (29/11/2019).

Nia dehan, eis titularis sira nee maka hanesan, eis Prezidente Republika, eis Prezidente Parlamentu Nasional, Eis Primeiru Ministru no eis Prezidente Tribunal Rekursu.

Iha fatin hanesan membru PN husi bankada PD Adriano do Nascimento hateten, lei importante ba nasaun ida nee lei lubun ida, liu liu lei tolu, pensaun vitalisia para hakotu polemika publik neebe PD fo ona nia projetu, I Fretilin fo ona nia projetu.

Entertantu Prezidente Parlamentu Nasional Aderito Hugo da Costa hateten, antes tama ba feria natal iha 23 Dezembru, PN sei halo diskusaun ba lei pensaun vitalisia iha parte espesilidade nian. Informasaun kompletu iha STL Jornal no STL Web, edisaun Kuarta (30/11/2016). Carme Ximenes

SuaraTimor Lorosae

RAMOS HORTA, LU-OLO NO LERE MAK SEI KOMPETE BA PR

Eis Prezidenti Repúblika, José Ramos Horta, eis Prezidenti Parlamentu Nasionál iha Primeiru Governu konstitusionál, Francisco Guterres Lu-Olo ho Jeneral Lere Anan Timur mak sei hada’u malu iha eleisaun Prezidensiál 2017 hodi troka Prezidenti Repúblika (PR) atual, Taur Matan Ruak.

“Tinan oin, ita sei simu ita nia Prezidenti Repúblika foun, ita lahatene sé mak atu sa’e, maun Ramos Horta ka, imi nia oan Lu-Olo ka imi nia oan Lere, ita lahatene los,” dehan Taur Matan Ruak iha nia diskursu, iha loron komemorasaun Proklasaun Independensia Timor Leste ba dala 41 (28 Novembru 1975-28 Novembru 2016) iha Munisípiu Lautem Lospalos, Segunda (28/11).

Prezidenti Repúblika (PR), Taur Matan Ruak hateten katak, Maiu 2017, povu Timor Leste (TL) tomak sei simu sira nia Prezidenti Repúblika foun.

Maibé Taur Matan Ruak dehan, nia kontenti tebes, tanba durante nia mandatu hanesan Prezidenti Repúblika, nia bele vizita hotu suku sira iha Timor laran tomak.

“Tinan oin sai tinan ida importante. Ita sei hala’o eleisaun ba Xefi Estadu nian ho Parlamentu Nasionál. Ha’u husu boot ba sidadaun sira atu partisipa iha eleisaun 2017 hodi hametin Estadu no páz iha sosiedade nia leet. Mai ita hatudu ba mundu ita-nia determinasaun atu kaer metin estabilidade no asegura dezenvolvimentu ekonómiku no sosiál nia susesu. Páz no estabilidade hanesan rikusoin tanba, la hó páz no estabilidade, dezenvolvimentu la bele la’o,” dehan Taur Matan Ruak.

Xefi Estadu ne’e hatutan, konkista ba Independénsia fó oportunidade atu harii mákina Estadu ida ne’ebé funsiona hela maski sei presiza hasa’e tan nia kualidade.

“Iha okaziaun ida-ne’e, ha’u hakarak hahii inisiativa sira-ne’ebé foti kona-ba desentralizasaun, hanesan kria Munisípius, transfere Estadu nia kompeténsia sira ba iha órgaun Administrasaun lokal, sira ne’ebé besik liu povu no halo deskonsentrasaun ba servisu públiku sira,” katak Taur Matan Ruak.

Xefi Estadu ne’e hatutan, medida sira-ne’e mak hasa’e kondisaun hirak ne’ebé presiza hodi lori sidadaun sira atu buka solusaun ba sira-nia problema rasik no partisipa iha dezenvolvimentu lokál.

Taur Matan Ruak haktuir, desentralizasaun hanesan prosesu kompleksu ida, ejiji sidadaun sira-nia empeñu ho partisipasaun.

Eis Jeneral ho fitun rua ne’e dehan, iha tinan 15 ikus ne’e, Estadu kria rede eskola, sentru saúde no klínika maternidade ne’ebé namkari iha territóriu tomak.

Prezidenti Repúblika ne’e afirma, Estadu investe ona iha infraestrutura hirak ba dezenvolvimentu, 90% husi populasaun bele asesu ona eletrisidade, no harii tiha ona ponte no hadi’ak tiha ona estrada balun.

“Ikus liu atu dehan katak, Independénsia fó posibilidade mai ita atu kria sistema apoiu ida ba ferik-katuas, feto-faluk, oan-kiak no grupu vulneravel sira seluk. Sistema hirak-ne’e konsege ona hamenus moris mukit, maibé ita presiza halo liután hodi halakon kiak iha ita-nia rain,” katak Xefi Estadu ne’e.cos

Jornal Nacional

AS. PONTA LESTE SAI KAMPIAUN BA SUPER TAÇA

Jogu Liga Futebol Amadora (LFA) Timor Leste Super Taça époka 2015/2016, ekipa AS. Ponta Leste sai kampiaun hodi halakon AD. SLB nu’udar nia adversariu ne’ebé hala’o iha Sesta (25/11) foin lalais.

Kontra atake entre ekipa rua refere, hetan diriji husi pessoal árbitu Zelasio da Silva aktual xefe árbitrazen iha Federasaun Futebol de Timor Leste.

Hahú lian árbitu ba jogu primeira parte, kampiaun liga époka 2015/2016 AD. SLB halo kedas atake máximu ba grande area (perigu) AS. Ponta Leste, no ikus mai hetan nia rezultadu pozitivu, tanba estrela João Pedro ho jersey 10, marka golu ba dahuluk ba rede Ponta Leste, liu husi suta bola maka’as no lakonsege hetan guarda diak husi baliza.

Ho golu husi estrela João Pedro iha menutu 12, lori nia ekipa lidera lidera menutu primeiru. Maske nune’e ekipa AS. Ponta Leste núdar kampiaun Taça 12 de Novembru étapa-IV tinan 2016, ne’e mos lakohi husi oportunidade. Tanba ne’e jogadores ekipa ne’ebé hetan treinu husi nia treinador Eduardo Pereira, halo kedas nia esforsu hodi halo atake ba area AD. SLB.

Ikus mai ekipa AS. Ponta Leste, liu husi nia jogador Shota Tokunaga (estranjeiru-Japaun) ho jersey 10, konsege marka golu responde iha menutu 26, wainhira aproveita bola falta, liur husi garis 16 (liña 16), jogador estranjeiru refere suta bola maka’as no lakonsege salva ho diak husi baliza, tanba ne’e ho golu refere halo AS. Ponta Leste empata 1-1 kontra AD. SLB no la iha mudansa score to’o remata jogu primeira parte.

Hafoin rekreiu durante menutu 15 no kontinua fali jogu segunda parte nian, ekipa rua refere hala’o hikas kontra atake ho ritmu ne’ebé áas, liu husi esforsu jogadores kada ekipa ne’ebé mak aplika iha kampu laran. AS. Ponta Leste hanesan klubu ne’ebé reprezenta knúk (fatin) ba gerileirus sira iha reziaun Ponta Leste, nia treinador Eduardo halo kedas mudansa ba ekipa, liu husi substituisaun jogadores iha linña avansadu, dada sai Shota Tokunaga (Japaun) no truka fali nia kompatriota Silveiro Garcia ho jersey 27.

Esforsu husi treinador AS. Ponta Leste, Eduardo Pereira refere la faila no fó rezultadu possitivu tebes, tanba ne’e avansadu Silveiro konsege marka golu ba daruak iha menutu 88, wainhira jogador ho jersey 27 ne’e aproveita bola moris hodi suta maka’as no lakonsege salva ho diak husi baliza AD. SLB.

Tanba ne’e mak ekipa rua refere kompleta nia tempu jogu durante menutu 90+1, klubu jigante husi Lorosa’e, AS. Ponta Leste núdar kampiaun ba jogu Super Taça, ho score golu 2-1.

Hafoin remata, entrevista jornalista sira ho treinador AS. Ponta Leste, Eduardo Pereira hateten, sente kontente tebes tanba bele ganña kampiaun ba Super Taça, maske nune’e iha fulan hirak liu ba mos “ami iha oportunidade atu sai kampiaun liga, maibe lakonsege,”.

Nia hatutan liu tan katak, kampiaun ba Super Tasa ida ne’e hanesan tarjetu boot ida, no sira lakohi atu faila tan, tenke taka ho kampiaun no ikus mai sai realidade, tanba buat hotu nia rezultadu tuir mehi.

“Hau hanoin konabá jogador sira kuaze disiplina no buat hotu-hotu tuir hau nia orientasaun ne’ebé mak fó, no ikus mai fó susseco no kontente mai ekipa no fans-fans AS. Ponta Leste,” afirma Nia.

Iha sorin seluk, treinador AD. SLB, Kim Shun Him hateten, derota kontra ekipa AS. Ponta Leste tanba SLB nia jogadores ekipa kuaze ho idade ki’ik.

“Hau rekuiñese katak, derota ida ne’e ami simu tanba failansu husi jogadores mak kuaze ho idade ki’ik no ladauk iha mental no fiziku, maske jogadores ho tatiku no speed ne’ebé masimu.” rekuinese treinador, Mr. Kim. Ito

Jornal Nacional

Sessenta e sete por cento dos corais da parte norte da Grande Barreira estão mortos

Sydney, 28 nov (Lusa) -- Sessenta e sete por cento dos corais no norte da Grande Barreira da Austrália, que fica no nordeste do país, morreu nos últimos oito ou nove meses, de acordo com um estudo científico hoje divulgado.

"Esta região tinha escapado com pequenos danos devido à descoloração entre 1998 e 2002, mas desta vez foi realmente afetada", disse Terry Huhes, diretor do Conselho de Investigação Australiana, que conduziu o levantamento aéreo da área.

"A boa notícia é que dois terços dos corais no sul da Grande Barreira escaparam com danos mínimos", disse Andrew Baird, do mesmo Conselho, que dirigiu os mergulhos realizados em outubro e novembro.

Especialistas estimam que a região norte da Grande Barreira de Coral precisará entre 10 e 15 anos de tempo para recuperar os seus corais, a menos que as alterações climáticas modifiquem os ciclos e façam com que se reproduzam mais rapidamente.

Vários estudos científicos publicados este ano alertaram sobre o mau estado dos corais da Grande Barreira que, com os seus 2.300 quilómetros de extensão, é o maior sistema de corais do mundo e considerado Património Mundial pela Organização das Nações Unidas para a Educação, a Ciência e a Cultura (UNESCO).

A Grande Barreira de Coral, que abriga 400 tipos de corais, 1.500 espécies de peixes e 4.000 variedades de moluscos, começou a deteriorar-se na década de 1990 devido ao aquecimento do oceano e ao aumento da acidez da água pelo aumento da presença de dióxido de carbono na atmosfera.

CSR // VM

Tribunal Superior da Austrália presidido pela primeira vez por uma mulher

Sydney, 29 nov (Lusa) - A juíza Susan Kiefel será a primeira mulher a presidir ao Tribunal Superior da Austrália, anunciou hoje o primeiro-ministro do país, Malcolm Turnbull.

Kiefel foi nomeada magistrada para a instância judicial máxima da Austrália em setembro de 2007 e vai substituir o atual presidente do tribunal, Robert French, que se vai reformar nas próximas semanas.

"A história de Susan Kiefel é daqueles que inspiram (...), é uma das funcionárias judiciais mais destacadas da Austrália. A sua nomeação coroa a sua grande carreira", disse Turnbull.

Kiefel suspendeu os estudos aos 15 anos e começou por trabalhar como secretária.

Mais tarde estudou direito em 'par time' e em 1993 foi a primeira mulher a ser nomeada juíza do Tribunal Supremo do estado australiano de Queensland.

MP // MP

Polícia filipina impediu atentado nas imediações da embaixada dos EUA em Manila

A polícia das Filipinas confirmou ter impedido hoje um atentado, alegadamente de um grupo com ligações ao Estado Islâmico, perto da embaixada dos Estados Unidos em Manila, onde foi encontrado um engenho explosivo.

“Não temos ainda provas materiais, mas pode-se argumentar que o frustrado ataque à bomba é obra do grupo Maute”, disse, em conferência de imprensa, o diretor da polícia das Filipinas, Ronald dela Rosa.

Dela Rosa explicou que o engenho explosivo encontrado hoje num caixote do lixo perto da embaixada norte-americana era parecido aos usados no atentado na cidade de Davao (sul) em setembro, em que morreram 14 pessoas e na sequência do qual foram detidos vários membros dessa formação islamita com ligações ao grupo extremista Estado Islâmico (EI).

O chefe da polícia disse, no entanto, não poder confirmar se o objetivo do atentado era a embaixada dos EUA em Manila.

Horas antes desta conferência de imprensa, a polícia de Manila desativou um engenho explosivo encontrado num caixote de lixo a poucos metros da embaixada dos Estados Unidos da América na capital das Filipinas.

Uma unidade policial detonou o que a polícia descreveu como um pacote suspeito, que parecia um engenho explosivo improvisado.

Foi uma varredora de ruas que telefonou à polícia depois de ter encontrado um telemóvel preso a uma espécie de garrafa-cilindro num embrulho preto, com fios a ligar o cilindro ao telefone.

O Grupo Maute é uma organização armada muçulmana sediada em Lanao do Sul, que apareceu em 2012 então com o nome Khilafah Islamiyah Movement (KIM).

Atualmente é controlado pelos irmãos Omar e Abdulá Maute Romato, que estudaram no Egito e Jordânia, respetivamente, segundo o Institute for Policy Analyisis of Conflict.

SAPO TL com Lusa – Foto: O diretor da polícia das Filipinas, Ronald dela Rosa durante a conferência de imprensa em Manila, nas Filipinas, no dia 28 Novembro 2016. Foto@ Mark R. Cristino/EPA

Tailândia inicia processo de proclamação do novo rei

Banguecoque, 29 nov (Lusa) - A junta militar que governa a Tailândia submeteu ao parlamento o nome do príncipe herdeiro do país, Maha Vajiralongkorn, para ser proclamado rei, anunciou hoje o vice-primeiro-ministro, Prawit Wongsuwon.

De acordo com os procedimentos, o presidente da Assembleia Legislativa Nacional tem agora de convidar formalmente o príncipe para ser rei, que depois será proclamado em público.

Prawit Wongsuwon disse esperar que a audiência com o príncipe se realize na quarta ou na quinta-feira.

Vajiralongkorn será o sucessor do rei Bhumibol Adulyadej, que morreu a 13 de outubro, aos 88 anos, após um reinado de sete décadas. Era o monarca em exercício há mais tempo no mundo.

Bhumibol era adorado por muitos dos seus súbitos e visto como uma âncora de estabilidade e unidade num país frequentemente abalado por uma política turbulenta.

A sua morte fez o país entrar num ano de luto oficial, com a maioria dos tailandeses a vestirem apenas roupas pretas e brancas.

Algumas horas depois da morte de Bhumibol, o príncipe herdeiro, de 64 anos, disse necessitar de tempo antes de ocupar o lugar do pai, colocando a Tailândia num período de incerteza.

Maha Vajiralongkorn tem vivido grande do tempo no estrangeiro e tem uma personalidade considerada instável, que foi debatida pelos assessores do palácio e generais no comando do Governo, segundo analistas.

MP (PCR) // MP

Karta Kondusaun Kontinua Uja Surat Tahan

Karta kondusaun kontinua uza surat tahan, maske kada tinan governu sempre aloka osan ba Diresaun Nasional Transportes no Terrestres (DNTT) hodi hadia kondisaun ida ne’e.

Membru Parlamentu Nasional, Albina Marcal hateten, iha tinan 2015 governu sosa ona makina ba produsaun karta kondusaun nian, maibe ate agora kliente balun sei uja nafatin karta kondusaun surat tahan.

Nia parte preokupa tanba ema bele ho fasil manipula tiha karta kondusaun surat tahan ne’e, entaun governu tenke toma atensaun.

Alende ne’e, nia mos preokupa tanba karta kondusaun uja surat tahan ne’e ladun dura, bele aat lalais e situasaun ne’e halo komunidade sente ladun satisfeitu.

“Uza surat tahan ne’e ladun diak, governu presiza haree ida ne’e,” nia sujere.

Nia husu ba governu, presiza fo esplikasaun ne’ebe profunda ba publiku, tanba saida mak la bele kria kondisaun ho diak, enkuantu osan iha. “Makina mak aat ou oinsa,” nia kestiona.

Hatan ba kestaun ne’e Assesor I Vise Ministru Obras Publiku,Transportee no Komunikasaun, Basilio Teixeira, rekonese kestaun ne’e tanba DNTT nia eskritoriu iha Balide ne’e sei faze konstrusaun hela.

“Ita nia makina atu produs ne’e iha ona, agora iha hela Hera e ita seidauk uza tanba edifisiu DNTT iha Balide ne’e sei hela fase konstrusaun,” nia hateten. 

“Kuandu konstruksaun ba edifisiu ne’e remata  ona mak ita lori makina ne’e mai hodi ita bele uja.”

The Dili Weekly

Aimoruk Kontainer Hat Liu Prazu

Aimoruk kontainer hat iha armagen Servisu Autonomo Medikamentus e Ekipamentus da Saude (SAMES) identifikadu liu ona prazu e governu sei halo destruisaun iha tempu badak.

Membru Parlamentu (MP) Ilda Maria da Conçeicão, lamentavel tanba durante ne’e povu hakilar aimoruk laiha, maibe realidade iha armagen aimoruk kontainer hat mak tenke sunu, tanba liu prazu. 

“Ne’e la’os halimar, ita nia povu ba ospitais laiha aimoruk, mediku pasa reseita sosa aimoruk iha liur, maibe ita nia armagen rai aimoruk atu ba sunu, ne’e la justu,” nia lamenta, iha plenaria foin lalais ne’e. 

Ho problema ida ne’e, nia ejiji ba governu atu hadia jestaun no prosesu aprovizionamentu aimoruk nian, tanba kada tinan kompania hatama aimoruk iha fin de ano no aimoruk sira ne’e mai la kleur expire (liu prazu) ona. 

Tuir informasaun, aimoruk hirak ne’ebe sei sunu ne’e sosa iha tinan rua liu ba (2013-2014), ho kustu $1 miliaun. 

“Ita gasta osan bo’ot sosa aimoruk mai atu atende povu, la’os ba sunu,” nia lamentavel. 

Iha parte seluk, komunidade Jose Alves deskontente ho situasaun ida ne’e tanba durante ne’e povu falta aimoruk, maibe rona fali governu sunu aimoruk. 

“Povu ki’ik sira ho rendimentu ne’ebe ki’ik tenke hasai sira nia osan rasik sosa aimoruk iha apotik privado sira,” nia kestiona.

Nia husu ba ministerio kompetente atu halo investigasaun ba problema ne’e, tanba estado hasai osan hodi sosa aimoruk ba povu, la’os atu ba sunu. 

Entretantu, Diretora Ezekutivu SAMES, Odete Maria Belo hateten seidauk halo destroisaun ba medikamentus sira ne’e tanba sei halo hela verifikasaun.

The Dili Weekly

PNTL Lautem Kaptura Peska Ilegal Hosi Indonezia

Dili, (ANTIL) – Polisia Nasionál Timor-Leste (PNTL) Munisípiu Lautem kaer peskadór ilegál na’in neen  hosi Kupaun, Indonezia, tanba hala’o peska to’o Tutuala-Ualu, Komandante Polisia Nasionál Munisípiu Lautem, Marcos Sequeira informa ba jornalsita sira iha Kuartel PNTL, Sabadu (26/11).

“Peskadór Indonezia hosi Kupaun ne’ebé halo peska ilegál to’o tama mai iha área tasi Timor” Komandante hateten.

Peskadór sira husi Lautem, haree ro-ahi ida tama mai area tasi Timor-Leste, sira deskonfia. Nune’e ho OPS no Peskadór sira ba serku iha ne’ebá, hodi hapara atividade peska no obriga sira sai hosi tasi laran ba rai maran.

Ró ilegál ninia naruk 12 metru resin no luan 90 metru resin, oras-ne’e  iha ona polisia nia liman ho evidensia balun ne’ebé sira so’e ba tasi, hanesan kail no rede balun.

PNTL halo ona kontaktu ba imigrasaun, atu prosesa kazu ne’e, tuir lei, inklui halo deportasaun.

“Ami labele detein sira, tuir lei ne’ebé mak haruka maibé hanesan asegura sira. Imigrasaun sira bele mai atu lori sira bá, ” Komandante Marcos hateten.

Sira balun mai dala tolu hodi foti ikan besik ton tolu resin. Tanba ne’e, Polisi munisípiu Lautem destaka polisia komunitáriu ho área turizmu nian, atu segura área tasi. (Jornalista : Zezito Silva/Editór Otelio Ote)

Atividade Ekonómika Ataúru La’o Maka’as

ATAÚRU, (ANTIL)-Atividade ekonómika iha Postu Administrativu Ataúru iha tinan ikus, la’o maka’as liu iha parte turizmu,  lori mós impaktu ba dezenvolvimentu ekonomia.

Ataúru ho totál populasaun hamutuk 10.651. Atu dezenvolve ekonomia família, populasaun sira hili servisu iha area agrikultura no peska.

Administradór Postu Administrativu Ataúru, Mateus Belo ba ANTIL, Segunda (28/11/2016) informa, atividade otelaria no prezensa empreza sira ne’ebé hala’o projetu,  lori impaktu ba progresu dezenvolvimentu no mudansa iha povu nia ekonomia.

“Baibain, komunidade nia moris depende ba tasi. Maibé, komesa muda no sai hanesan serbisu-na’in iha restaurante sira. Servisu iha meius transporte lokál hanesan ojek la’o kapa’as.  (Jornalista :Maria Auxiliador/Editór: Otelio Ote)

UNTL Asina MoU ho Instituisaun Hitu

DÍLI, (ANTIL) —Universidade Nacional Timor Lorosa’e (UNTL) liuhusi reitór, Francisco Miguel Martins asina Memorandum of Understanting (MoU) ho instituisaun nasionál nomós internasionál hitu iha Sentru Konvensaun Díli, Kinta (24/11).

Instituisaun sira ne’e mak Universidade Católica Moçambique (UCM), Federal University, Universidade de Beira Interior (UBI), Portugal, Autoridade Nasionál Komunikasaun (ANK) Timor-Leste, Komisaun Reforma Lejislativa (KRL), Associação de Psicologia (AP) no  Empreza Figo Sol Nascente.

Hafoin asinatura MoU, Reitór UNTL Fransisco Miguel Martins  ba jornalista sira esplika, intensaun husi MoU ne’e atu hametin servisu iha área mobilidade akadémika ba dosente, administrasaun nomós estudante sira.

UNTL mós halo adezaun ba Associação das Universidades da Língua Portuguesa (AULP) ho membru kuaze 50 itál. “Universidade la iha fronteira. Nasaun bele iha fronteira, maibé politikamente instituisaun la iha fronteira. Ne’ebé, servisu iha área hothotu hanesan área peskiza, sientífika no seluk tan,” nia hateten.

Universidade iha mundu sempre halo akordu bilaterál, multilaterál ho instituisaun superiór ne’ebé de’it.  Kona-ba durasaun MoU, Reitór Francisco Miguel Martins informa,  akordu ne’e sei implementa durante tinan lima. (Jornalista: Rafy Belo/Editor: Otelio Ote)

Foto: Reitór UNTL, Francisco Miguel Martins ho Vise Reitór, Markos António asina Memorandum Of Understanding (MoU) ho Vise Reitór Pe. Rafael Falciano Sapatu husi Universidade Católica de Moçambique (UCM) inklui instituisaun seluk iha Sentru Konvensaun Díli, Kinta (24/11).// Foto ANTIL, Egas Cristovão

Polítika Governu Mak Asegura Ekonomia

DILI (ANTIL)- Diretór Nasionál  Kooperativa, Micro e Pequenas Empresas, Ministériu Komérsiu Indústria no Ambiente (MKIA), Francisco Xavier, ba jornalista sira iha Auditóriu UNTL Sesta (25/11/2016), hatete, polítika governu nian mak asegura sustentabilidade ekonomia iha Timor-Leste oinsá atu haforsa ekonomia iha ita-nia rai laran.

Francisco Xavier nu’udar oradór ne’ebé ko’alia sobre forma kooperativa saida mak Governu kria hodi haburas ekonomia baze iha semináriu ne’ebé hala’o husi Fakuldade Ekonomia no Jestaun (FEJ), Universidade Nasionál Timor Lorosa’e (UNTL) ne’e, atu informa ba estudante sira kona-ba lala’ok kooperativa no Micro Pequenas Empresas iha Timor-Leste laran hanesan meiu ida hodi habelar informasaun ba komunidade atu fó benefisiu ba povu sira rasik.

Francisco haktuir iha lei inan konstituisaun iha ai-riin tolu mak setór públiku, privadu no kooperativa. “Ho ida ne’e, kooperativa sai setór ida ne’ebé importante, atu reforsa ita-nia ekonomia iha ita-nia rai laran liuhusi atividade indústria, agrikultura no micro pequenas empresas hodi bele fasilita ita-nia komunidade iha área rurais no nasionais”.

MKIA mós fó balansu ba feto no mane ne’ebé iha hanoin di’ak no iha planu ne’ebé di’ak. “Ami fó apoiu finansiamentu no fó kapasitasaun ba sira ne’ebé iha área rurais, oinsá mak sira bele hatene  negósiu modernu nian bele fó  benefísiu ba familia sira, atu ita bele kompete ho ema estranjeiru sira’’, Francisco dehan.

Iha dadus ne’ebé aprezenta iha semináriu, micro pequenas empresas sira ne’ebé rejistu ona mak 10.813 no sira seidauk rejistu 17.658. “Iha ona politika ida atu buka sira ne’ebé mak seidauk rejistu iha área rurais no kapitál, wainhira iha ona mak sei hetan sansaun ne’ebé tuir Dekretu Lei Kooperativa 16/2004 hatete’’, Francisco sublina.

Adão dos Santos Martins, estudante husi FEJ, hatete iha empreza barak mak hala’o sira-nia negósiu maibé seidauk rejistu iha MKIA nune’e sai preokupasaun boot ba sivita akadémika oinsá atu hadi’a ekonomia rai-laran no polítika governu nia ne’ebé la’o.“Ema sira ne’ebé mak harii ona kooperativa mak hetan ajudu husi MKIA hatudu polítika governu bele la’o sufisiente uitoan”.

Crispin da Costa Pereira, dosente FEJ dehan, liuhusi semináriu bele hatene informasaun kona-ba polítika governu nian oinsá governu halo politika hodi garante sustentabilidade ekonomia iha Timor-Leste.

Crispin salienta agora dadaun ne’e Timor-Leste depende liu ba ekonomia mina rai. Ho ida ne’e,  labele ko’alia kona-ba sustentabilidade, liuhusi semináriu ita bele hatene ekonomia baze saida mak  governu forma ona hodi labele depende maka’as ba mina rai no ita bele asegura sustentabilidade ne’e rasik.

“Kooperativa hanesan instrumentu ida, tanba  ema barak hakarak sai sidadaun portugueza  tanba de’it kampu traballu iha Timór laiha, ho ida ne’e tenke forma  ekonomia  adekuadu  husi baze mai nasionál’’, nia hatutan. (Jornalista : Maria Auxiliadora/Editor: Otelio Ote)

Foto: Francisco Xavier, Diretór Nasionál Kooperativa no Mikro Pekena Empreza (DNKMPE)

LEE LIU IHA ANTIL