Eis-Ministra Santina Presta Deklarasaun iha KAK

DILI: Eis Ministra Finansas VI Governu Konstituisaun, Santina Viegas Cardoso, halo ‘vizita kortezia’ ba Komisaun Anti Korrupsaun (KAK).

Tuir informasaun, eis-ministra ne’e ba presta deklarasaun iha KAK kona-ba kazu importante balun ne’ebé mosu iha ninia mandatu. Eis Ministra ne’e too iha edifísiu KAK iha tuku 08:32 ho karreta Prado Mutin, Xapa Matríkula 05-674G.

Presta Deklarasaun eis Ministra ne’e kuaze oras haat nia laran hahú husi tuku o8:32 to’o 11:30. Hafoin Presta Deklarasaun Eis Governante ne’e lakohi halo entrevista ho média sira.

“Obrigadu de’it”, dehan Eis Ministra Finansas ne’e ho hamnasa no la'o daudauk ba nia karreta iha edifísiu KAK, Faról, Dili, horisehik.

Laiha informasaun klaru kona-ba eis-ministra ne’e ba nu’udar arguida ka sasin tanba husi parte KAK rasik taka hela informasaun ba públiku ho razaun segredu justisa.

Florêncio Ximenes | Independente

Presidente timorense à espera de informação das autoridades para marcar eleições

O Presidente da República timorense está à espera de ouvir as últimas informações das autoridades eleitorais antes de receber os partidos políticos e marcar a data das eleições legislativas antecipadas em Timor-Leste, segundo fontes da Presidência.

Depois de uma primeira reunião com uma equipa da Comissão Nacional de Eleições (CNE), o chefe de Estado, Francisco Guterres Lu-Olo, aguarda agora dados atualizados do Secretariado Técnico da Administração Eleitoral (STAE) para perceber qual é o calendário mais rápido para o voto.

O calendário definido por lei, as condições técnicas existentes e necessárias e até o período da Quaresma são todos fatores que estão a ser considerados, num cenário onde há quem "queira eleições mais rápido, quem queira eleições mais devagar e quem nem sequer queira eleições", como referiu um funcionário eleitoral.

O presidente da CNE, Alcino Baris, disse ao Presidente que aquele órgão está preparado para implementar a decisão do chefe de Estado, arrancando desde já um programa de "educação cívica em todo o território nacional" que explicará "o porquê da eleição antecipada, dará a conhecer as regras eleitorais do ponto de vista legal e também pretende educar os eleitores sobre o processo de votação".

A CNE, que está a recrutar delegados para a representarem em cada um dos municípios, vai ainda criar centros de educação cívica dirigidos às autoridades locais, aos candidatos a deputados e às comunidades, "para colmatar lacunas que possam surgir durante o período eleitoral".

Um comunicado da Presidência antecipava que o chefe de Estado poderia ouvir os partidos na terça-feira e hoje falaria com o STAE, mas esses encontros não estão ainda marcados.

O tema deverá ser discutido na quinta-feira, no decurso da reunião semanal do Presidente com o chefe do Governo de gestão, Mari Alkatiri.

Ainda que a lei defina que, no caso de dissolução do Parlamento Nacional, as eleições têm que ser convocadas num prazo mínimo de 60 dias, os prazos podem ter que ser mais alargados, o que empurraria as eleições para o final de abril ou até maio.

No ano passado, por exemplo, o calendário eleitoral foi de 80 dias, entre o dia do anúncio do voto (02 de maio) e o dia do sufrágio (22 de julho).

Caso se repita o que ocorreu em julho de 2017, o processo arranca com o prazo para a apresentação de coligações pré-eleitorais e, em paralelo, a de candidaturas partidárias e a sua verificação pelo Tribunal de Recurso, antes do sorteio do boletim de voto.

A fase seguinte é a da constituição dos centros de votação e estações de voto, que ficaram fechados um mês antes do voto, com a campanha eleitoral a durar 30 dias a que sucedeu dois dias de reflexão antes do ato eleitoral.

Os resultados seriam contados nos três dias seguintes, havendo um prazo adicional para a sua verificação pelo Tribunal de Recurso.

Depois avançaria o processo de tomada de posse dos novos 65 deputados eleitos - que apoiarão o próximo executivo -, o VIII Governo constitucional que terá também de tomar posse, submetendo depois ao Parlamento o seu programa e o Orçamento Geral do Estado para 2018.

Até que esse documento esteja aprovado - previsivelmente só na segunda metade do ano -, Timor-Leste continuará a viver com o regime de duodécimos que se aplica no país desde 01 de janeiro.

Lusa em SAPO TL

Timor-Leste recebe equipamento para emissão de bilhetes de identidade

Díli, 31 jan (Lusa) - Timor-Leste recebe na quinta-feira um conjunto de equipamento que permitirá a emissão de bilhetes de identidade em seis municípios do país, no âmbito de um programa europeu de apoio ao reforço da Governação Digital e dos serviços públicos.

A entrega do equipamento e viaturas marcam o lançamento do projeto nacional em Timor-Leste de um programa muito mais amplo, financiado conjuntamente por Portugal e pela União Europeia, direcionado para as autoridades timorenses e dos Países Africanos de Língua Oficial Portuguesa (PALOP).

O Projeto de Apoio à Melhoria da Qualidade e Proximidade dos Serviços Públicos nos PALOP/Timor-Leste (PASP/PALOP-TL) permitirá, no caso timorense, emitir Bilhetes de Identidade em seis municípios, num investimento inicial em equipamento de cerca de 400 mil dólares (321,4 mil euros) que são entregues esta semana em Díli e em Liquiçá, a oeste da capital.

Simbolicamente, no Cartório do Registo Civil, vai ser emitido o primeiro BI neste formato sendo que o objetivo de todo o programa é emitir os documentos em todos os municípios do país.

O material que vai ser entregue inclui duas viaturas novas equipadas com computadores, scanners, impressoras e câmaras digitais e que serão utilizadas para facilitar a emissão do Bilhete de Identidade aos cidadãos timorenses nos vários Municípios do país.

O projeto PASP PALOP/TL tem um investimento global de cerca de 5,8 milhões de euros (cinco milhões da UE e um milhão do Camões -- Instituto da Cooperação e da Língua).

A supervisão técnica do projeto é assegurada pela Agência para a Modernização Administrativa, I.P. (AMA, I.P.).

Em Timor-Leste, o parceiro estratégico para a implementação do PASP é a Direção Nacional de Registos e Notariado do Ministério da Justiça.

Nos restantes países parceiros são o INFOSI (Angola), o NOSi (Cabo Verde), o CEVATEGE (Guiné Bissau), o INTIC (Moçambique) e o INIC (São Tomé e Príncipe), além das entidades responsáveis pela realização dos projetos nacionais financiados pelo PASP PALOP-TL.

No caso de Timor-Leste, o programa apoia os esforços de reforma administrativa do Governo timorense que quer aumentar e melhorar a prestação de serviços aos cidadãos, introduzindo progressivamente o Governo eletrónico.

Neste sentido, o executivo tem vindo a apostar na implementação de programas de Tecnologias de Informação e Comunicação (TIC) em áreas como a educação, saúde, notariado e registo civil, registo automóvel e cartas de condução e relação de empresas com o Estado.

A cerimónia de lançamento contará com a presença de representantes da União Europeia e de Portugal e ainda com vários membros do Governo.

ASP // VM

AMP Konsidera Desizaun PR La Justu

DILI: Prezidente Repúblika (PR) hodi hakotu impase polítika liu husi disolve dalan Parlamentu Nasionál no hakat ba Eleisaun Antesipada (EA), parte bloku opozisaun Aliansa Maioria Parlamentár (AMP) konsidera la justu.

Prezidente Bankada KHUNTO, Luis Roberto, hatete bazeia ba Konstituisaun artigu 106, primeiru ministru hili husi partidu ne'ebé iha votu barak liu ka husi aliansa partidu sira ne'ebé nia ema barak iha Parlamentu Nasionál.

Ne’e duni, haree husi desizaun Prezidente Repúblika nian, hatudu katak nia hakat liu ona konstituisaun hodi halo desizaun afavór ba partidu FRETILIN.

“Iha Prezidente Repúblika Ramos Horta no Taur Matan Ruak nia tempu sempre entrega ba AMP, maibé iha VII Governu foin maka Prezidente Repúblika deside ba Eleisaun Antesipada”, dehan nia, iha Uma Fukun PN, horisehik.

Tuir nia, Prezidente Repúblika disolve Parlamentu Nasionál bazeia Konstituisaun artigu 86 alínea F ne'ebé haree katak laiha baze fundamentál, maibé haree fali ba polítika. Tanba ne’e, desizaun ne’e bele afavór ba polítika FRETILIN nian.

“Ba eleisaun antesipada ami husi AMP prontu atu kompete ho maun boot Kay Rala Xanana Gusmão, Taur Matan Ruak no Nai-Mori nia lideransa. Fiar katak AMP sei hetan otu barak liu iha eleisaun”, tenik nia.

Iha fatin hanesan, Prezidente Bankada CNRT, Arão Noe de Jesus hatete, desizaun Xefe Estadu nian ne’e di'ak liu atu povu bele deside hodi fó ukun ne’e ba partidu ne'ebé sei ukun.

“Atu bolu atensaun de'it ba ita katak ukun ho minoria ne’e labele akontese tan, atu nune’e Estadu ne’e labele monu tan ba situasaun hanesan ne’e”, tenik nia.

Iha eleisaun ne’e mak akontese nafatin partidu ida la manan absoluta, la'ós atu fó de'it ba maioria simples atu ukun, maibé tenke haree ba kondisaun partidu ne'ebé bele garante maioria iha Parlamentu Nasionál atu bele asegura governu ida ne'ebé forte.

Tanba ne’e, karik situasaun ne’e akontese fila-fali atu halo desizaun mós tenke hanoin didi'ak atu povu ne’e labele halo votasaun hodi lakon tempu de'it.

AMP dezde inísiu prontu atu hasoru kualkér situasaun saida de'it, tanba ne’e hakarak atu hakotu lalais impase polítika.

Maibé, atu deside naran saida atu lori to’o eleisaun ne’e iha tempu badak nia laran sei iha enkontru altu nivel husi partidu tolu ne’e hodi deside konjuntura polítika ba ukun nian ne’e oinsá.

Hanoin ne'ebé hakarak atu lakohi moris nafatin iha impase polítika partidu ki'ik sira ne'ebé hanoin hanesan ho AMP oras ne’e daudaun mós mai hamutuk ona ho atu hatuur fali estadu ida ne’e iha nia fatin loloos.

Atu hatuur Estadu ne’e iha nia fatin loloos mak tenke liu husi dalan eleisaun. Tanba ne’e, hakarak ka lakohi iha eleisaun partidu ida tenke manan maioria absoluta.

Jacinto Xavier | Independente

ADB Fó Impresta Tan Osan Hadi’a Estrada Baukau-Vikeke

DILI, (TATOLI) – Banku Dezenvolvimentu Azíatiku (ADB) fó impresta tan osan kuaze milloen 50 resin ba Governu hodi hadi’a estrada hosi diresaun Munisípiu Baukau to’o Vikeke.

Primeiru-Ministru, Marí Alkatiri, hateten parte rua halo ona negosiasaun kle’ur tanba ne’e  sei asina akordu  iha marsu 2018.

ʺIha mós projetu foun, fulan marsu estrada entre  Baukau no Vikeke no fatin selukʺ, dehan Alkatiri hafoin enkontru ho dirijente ADB iha Palásiu Governu, ohin. Maibé Xefe Governu la esplika detallu projetu estrada foun ne’e bainhira maka implementa.

Sorumutu ne’e, Governu no ADB diskute kona-ba prosesu manutensaun estrada diresaun Dili to’o Glenu munisípiu Ermera no Dili to’o munisípiu Likisa ne’ebé atrazu.

ʺSira (ADB) esplika katak problema manutensaun atrazu tanba  pagamentu atrazuʺ, tenik. Tanba ne’e Governu tenta semana oin atu halo ona pagamentu ba divida hodi aselera prosesu manutensaun estrada rua.

ʺOsan iha maibé sistema maka la funsiona tanba burokrasia maka barak buka atu hamenus burokrasiaʺ, hatutan.

Entretantu iha mandatu sestu Governo, ADB fó impresta ona millaun 76 ba  governo hodi reabilita estrada diresaun Baukau to’o Lautem, Maubara, Karimbala munisípiu Likisa,  no Atabae – Batugade munisípiu Bobonaro.

Governu Sei Funsiona ho Di’ak

Okaziaun ne’e, Xefe Ezekutivu, hatutan governo sei funsiona ho di’ak to’o formasaun oitavu Governo konstitusionál.

ʺGovernu ne’e governu Timor-Leste, governu konstitusionál la’ós governu saidaʺ, katak tan. Maske públiku bolu ona setimu governu hanesan governu jestaun.

ʺAmi halo duni jestaun ba tusan ne’ebé husik mai ami, ba má jestaun ne’ebé husik ba ami mak halo dadauk ne’eʺ, hatutan.

Tuir lei governu jestaun sei akontese bainhira tama ona iha períodu kampaña eleitorál ba eleisaun antesipada. ʺKuando tama ona iha períodu maka tama ona iha governu jestaunʺ, hateten.

Jornalista: Agapito dos Santos |Editora: Rita Almeida

Imajen: Primeiru-Ministru, Marí Alkatiri.

Forsa Armada Preparadu Oras 24 Nia Laran

DILI, TATOLI) - Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur hateten forsa armada prontu durante oras 24 nia laran atu asegura estabilidade iha rai laran liu-liu iha eleisaun antesipada.

Tuir nia katak responsabilidade seguransa iha polísia no forsa armada nia liman, tan ne’e, maske iha difikuldade, kuandu komandu fó órden ba nia militár sira, la haree ba difikuldade ka problema.

“Kuandu hakat ba labele maka mai esplika dehan ha’u la konsege halo. La’ós seidauk halo depois dehan problema ona. Ne’e disiplina militár, tanba ne’e militár tenke kumpri,” Lere hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, kuarta ne’e, hafoin enkontru ho Xefe Estadu Francisco Guterres Lú Olo kona-ba seguransa no defeza.

Iha biban ne’e, Majór Jenerál louva populasaun nia maturidade no responsabilidade tanba sira (populasaun)  preokupa liu sira nia moris lor-loron nian duké mete polítika dezde eleisaun jerál tinan kotuk. Nia garante katak eleisaun ne’ebé mai sei seguru liu-tan.

Jornalista: Xisto Freitas | Editor: Manuel Pinto

Imajen: Lere Anan Timur

Fundu Minarai Iha Trimestre Outubru-Dezembru Hamutuk Billaun U$16,80

DILI, (TATOLI) – Fundu Minarai Timor-Leste nian iha trimestre ikus nian iha períodu 1 outubru to’o 31 dezembru 2017 hamutuk billaun U$16,80, dehan Vise Governadór Banku Sentrál Timor-Leste (BSTL), Venancio Alves Maria.

Iha trimestre antes ne’ebé mak termina iha 30 setembru 2017 kapitál petrolíferu hamutuk billaun U$16,69.

“Reseita sira ne’ebé mai husi royalty no taxa iha trimestre ida ne’e (outubru to’o dezembru) millaun $94,88”, katak Venancio iha edifísiu BSTL, ohin.

Totál reseita husi númeru iha leten ne’e kompostu husi kontribuisaun kontribuinte sira ba fundu hamutuk millaun $44,92 no pagamentu royalty simu husi Autoridade Nasionál Petróleu millaun $49,96.

Osan kontadu líkidu ne’ebé sai husi fundu durante trimestre ne’e hamutuk millaun $346,88 kompostu husi millaun $343,80 transfere ba orsamentu Estadu no millaun $3,08 kobre kustu jestaun nian.

Rendimentu husi investimentu fundu nian hamutuk millaun $365,23 kompostu husi kupaun no jurus ne’ebé simu mak millaun $77,04, mudansa iha valór merkadu nian millaun $269,47 no movimentu cambiais mak millaun $18,72 iha trimestre ne’e.

“Rendimentu em termos retornu iha trimestre ida ne’e 2,17% ba nia portofóliu no kompara ho nia referénsia 2,04%”.

Venancio hatutan sobre informasaun finanseiru iha balansu billaun $16,8 iha 2017 kompara ho dezembru 2016 ne’e billaun $15.84.

“Deklarasaun lukru no lakon iha trimestre ida ne’e ita hetan millaun $360,71 husi janeiru to’o dezembru 2017 hamutuk billaun $1.6”.

“Durante istória fundu Petróleu dezde inísiu mai to’o agora 2017 mak ita hetan retornu ida di’ak liu períodu hotu-hotu. Pelu menus bele kobre uitoan reseita ida husi ita fa’an mina ne’e tun fali, reseita investimentu mak sa’e mas ne’e la garantia katak iha futuru tenke nafatin hanesan ne’e, merkadu iha tinan ida ne’e nia laran iha ita-nia afavor ne’ebé barak liu mak kontribui husi evolusaun merkadu”.

Jornalista: Maria Auxiliadora | Editora: Rita Almeida

Imajen: Banco Central de Timor-Leste (BCTL) realiza konferénsia de-imprensa bá lansamentu Relatóriu Trimestrál Fundu Mina-Rai bá dala 48, bá periódu ne’ebé termina iha loron 30 Juñu 2017, iha sala reuniaun BCTL. Foto/BSTL.

Notísia ne’ebé ralasiona:

http://www.tatoli.tl/2017/11/fundu-minarai-iha-trimestre-ikus-hamutuk-billaun-u1669/

BSTL Iha Outubru-Dezembru Transfere Ona Fundu millaun $343,80 ba OJE Nian  

Vise Governadór Banku Sentrál Timor-Leste (BSTL), Venancio Alves Maria, hatete iha trimestre outubru to’o dezembru 2017 BSTL halo ona transferénsia millaun $343,80 husi Fundu ba Orsamentu Jerál Estadu nian.

“Iha outubru ita transfere millaun 60, novembru ita transfere no dezembru ita transfere millaun 223.8. Totál millaun 343.8 iha trimestre ida ne’e, iha trimestre sira anteriór ne’e ita transfere millaun $735”.

Nune’e totál transferénsia iha tinan fiskál 2017 to’o fin trimestre ida ne’e millaun $1.078 mak tansfere ona ba OJE nian.

“Ne’e kobre hotu ona ida ne’ebé aprova tiha ona iha Parlamentu Nasionál”.

Programa Prioridade Fretilin Iha Kampania EA Maka H6

DILI - Programa prioridade Partidu Fretilin iha kampania Eleisaun Antisipada mai maka H6, neebe komtempla ona hamutuk ho programa VII Governu Konstitsuional nian.

Vise Prezidente Partidu Fretilin Francisco Miranda Branco hateten, programa prioridade Fretilin nian iha kampania mai maka H6, Hametin hadia, haburas, habelar,hari no hamos neebe komptempla hamutuk ona iha programa VII governu konstitusional nian, nebe hetan rejeisaun husi Aliansa Maioria Parlamentar (CNRT,PLP no Khunto).

“Poridade Fretilin nian iha kampania mai maka ita hare H6, neebe haklean liu iha programa VII Governu konstitusional nian, neebe hetan rejeisaun husi deputadu sira iha partidu CNRT, PLP no Khunto,” dehan Vise Prezidente Partidu Fretilin, Branco, ba STL, iha PN, Dili, Kuarta (31/01/2018).

Responde konaba espetativa partidu Fretilin ba oin sei halo koligasaun ho partidu PD ka oinsa, Vise Prezidente Fretilin Francisco Branco hateten, Konferensia nasional partidu rua maka sei deside, atu hamutuk iha koligasaun antes de ba eleisaun ka ou idak idak lao depois eleisaun hotu maka forma governu hamutuk.

Iha fatin hanesan Xefi bankada PD Maria Teresa Gusmao hateten sira kontinua nafatin programa iha VII Governu Konstitusional no programa PDN neebe lao durante nee diak, bainhira governu ida mai nia lahalo buat foun ba nia an rasik, maibe tenke iha ligasaun kontinuasaun husi programa ida ba programa seluk.

Carme Ximenes/Maria Lay | Suara Timor Lorosae

CNRT Politiza Asuntu Fronteira Maritima

DILI - Assuntu Fronteira Maritima nebe Xefia husi Xefi Negosiador prinsipal Xanana Gusmao, komesa politiza ona husi CNRT ho nia aliadu sira PLP no Khunto katak, VII Governu Konstitusional lakohi dada kadoras mai Timor leste.

Koordenador partidu Fretilin Postu Administrativa Ainaro Mario Metan hateten, partidu CNRT ho nia aliadu sira komesa halo kampana metan hodi lansa informasaun tun sae katak, VII Governu Konstitusionál mak lakohi dada Kadoras mai Timor-Leste.

“Ita nia maluk sira iha CNRT lalika, laran taridu hodi koalia kona Prosesu Negosiasaun Fronteira Maritima hodi partidariza kona assuntu FM sai fali hanesan Luta CNRT nian mesak, Fronteira Maritima kuandu lao ema hotu no povu doben TL tomak iha konfikasaun, no firme hodi apoiu Estadu-Governu Timor-Leste hodi halo Negosiasaun ba Delimitasaun Fronteira Maritima entre ita ho Vizinu Australia,” dehan Mario bainhira dada lia ho STL, iha Perumnas, Dili, Kuarta (31-01-2018).

Nia dehan Prosesu Negosiasaun kuandu hahu ema hotu no partidu politiku sira neebe altura hetan assentu iha Parlamentar FRETILIN, CNRT, PD no Frente Mudansa apoiu total pozisaun Timor-Leste ho Equipa Negosiador lidera husi Sr.Xanana Gusmmo no wainhira CNRT tenta politiza hodi interese partidu ba halo kampana Xanana Gusmao rasik husu ba ema hotu liu-liu CNRT atu labele uza kestaun FM ba CNRT nia kampana Partidaria no labele hare maun bot nee mak manan lae nee estadu nian.

Iha parte ketak Xefi bankada CNRT Arao Noe hateten, CNRT desde uluk kedan ba iha kampania nunka uja sasan neebe interese nasional ba interese privadu, sa tan uja projetu hodi hateten ida nee sira maka halo, CNRT koalia sasan neebe nia bele halo sasan neebe interese Estadu nian I Estadu nian. 

Carme Ximenes/Maria Lay | Suara Timor Lorosae

Dentru Fevereiru, Xanana Sei Too TL

DILI – Relasiona ho insetreza politika neebe lao durante fulan 6, laiha boot Xanana, maibe hein katak dentro fulan fevereiru bele mai, maibe seidauk fiksa.

Informa Xefe Bankada CNRT Arao Noe hatete, atu dehan deit katak tuir karta neebe informa mai PR bainhira komvoka reuniaun atu rona partidu politiku nunee mos reuniaun konselu estadu, karta maun boot nian hatete katak labele marka prezensa tanba sei halao  hela misaun servisu kona ba delimitasaun fronteira konklui ona, agora kona ba by plan neebe oras nee lao hela, hein katak termina ida nee maun boot sei fila.

Dentru de fulan Fevereiru maun boot sei mak lae, hau bele dehan pasti maibe seidauk fiksu,” katak Arao ba STL Tersa (30/01/2018)   iha PN.

Karik iha ona data fiksa ba maun boot Xanana atu fila  mai Timor, Arao hatete, hau lakohi pronunsia data, kona ba maun boot atu fila mai, tanba agora maun bot sei halao hela servisu iha rai liur, neebe depende ba atividade neebe liga ba asuntu maun boot halao hotu ona, mak  sei fila mai.

Tuir informasaun neebe jornalista asesu iha terenu katak, oras nee ddaun maun boot sei iha hela rai liur, maibe informasaun provizoriu neebe diariu nee asesu katak negosiador prinsipal Fronteira Maritimas Timor-Leste Kairala Xanana Gusmao sei fila mai iha Timor iha loron 3 fulan Fevereiru tinan nee. 

Guilhermina Franco/ Madalena Horta Suara Timor Lorosae

Desizaun PR Ba EA, Haliis Ba Partidu

DILI - Impase politika lao durante fulan 6, laiha solusaun tanba nee Prezidente Republika (PR) foti desizaun hodi halai ba eleisaun antisipada (EA), ida nee opozisaun konsidera PR sadere liu ba partidu ida deit.

Kestaun nee hatoo husi Xefe Bankada Khunto Luis Roberto da Silva hatete, opozisaun nia haree desizan neebe PR fo sai iha dia 26 Janeiru ba eleisaun antisipada, tuir artigu 86 alinea F, desolve PN signifika VII governu monu, maske bazeia ba artigu nee bainhira PR foti desizaun ba EA nee laiha baze fundamental.

“Desizaun PR nee ami haree, larespeita artigu 106 neebe hakerek iha konstituisaun, nee ami haree PR halai ou sadere liu ba partidu ida, tanba haree ba tempu uluk, Taur ho Ramos nia tempu bainhira governu minoria fo maioria iha PN atu ukun,” katak Luis ba STL Segunda (29/01/2018) iha PN.

Haree ba desizaun PR nee, lafo ba segundu mais votadu maibe ba EA signifika PR haliis ba partidu, Luis hatete, iha artigu 106 hatete manan maioria absoluta i manan maioria iha PN hodi forma governu, maibe PR foti desizaun haksoit liu artigu 106, hodi ba EA.

Nia informa, maske desizaun PR nee sadere liu ba partidu ida, maibe Ami bankada Khunto nudar opozisaun sente kontente hodi ba EA, tanba nee demokrasia,, neebe fiar katak EA mai sei hetan votus aumenta.

Hatan ba kestaun nee Prezidente PN Aniceto Guterres hatete, opozisaun sira dehan desizaun PR sadere liu ba partidu ida, nee kompetensia PR nia desizaun, tanba nee nia parte lakohi komentariu i lakohi atu hatan kona ba kompetrensia PR nian, atu hatan ba ida nee so PR rasik mak bele hatan.

Guilhermina Franco | Suara Timor Lorosae

Deputadu/A Fulan 6 Laiha Direitu Ba PV

DILI - Deputadu/a sira halao knaar fulan 6 laiha direitu hetan Pensaun Vitalisia (PV), tanba tuir rejimentu katak atu hetan PV halao knaar durante fulan 45.

Informa Sekretariu Jeral Mateus Belo hatete, kona ba mandatu lejislatura iha lei hateten deputadu/a ou titular ida  iha direitu hetan Pensaun Vitalisia, maibe tenke dedika aan iha 45 meses (fulan 45), tanba nee laharee ba lejislatura, maibe ba sira fulan 6 deit sira laiha direitu atu hetan PV.

Tuir statutu ou rejimentu deputadu/a sira nian, bainhira halao knaar latoo  fulan 45, laiha diretu hetan PV, mezmu halao knaar too tinan 2 mos labele, maibe sira iha direitu para hetan re-integrasaun, neebe ba deputadu sira knaar ba fulan 6 nee iha direitu ba re-integrasaun,” katak Mateus ba Jornalista Segunda (29/01/2018) iha PN.

Nunee mos Deputadu husi Bankada Khunto Jose Agustinho da Silva hatete, realidade Politika neebe iha, haree katak durasaun tempu ba IV lejislatura lahanesan lejislatura anterior too tinan 5, tanba akontese inserteza politika fulan 6 nia laran, maibe laiha solusaun, tanba nee  Prezidente  Republika hola ona desizaun desolve PN. 

Guilhermina Franco | Suara Timor Lorosae

Eleitór Sira La Vota Livremente

DILI, (TATOLI) – Prezidente Komisaun Nasionál ba Eleisaun (CNE-sigla portugés), Alcino Barris, hateten eleitór sira sei la vota livremente tanba risku ne’e boot.

“Se vota ho online agora, balun eletrisidade iha no balun eletrisidade laiha, balun asesu internet to’o iha baze no balun la to’o entaun problema”, Alcino hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, segunda ne’e.

Nia informa sé maka atu vota iha fatin ne’ebé nia (eleitór) hela, di’ak liu muda kartaun eleitorál tanba agora resensiamentu loke hela. Tanba ne’e, tuir nia, eleitór sira laiha razaun atu la vota tanba dook.

“Eleitór sira provizoriamente bele muda hela fatin. Hafoin eleisaun ramata, bele resensia hikas ba fatin orijin”, Eis Ministru Interiór iha Segundu Governu Konstitusionál ne’e haklaken.

Jornalista: Xisto Freitas | Editora: Rita Almeida

Imajen: Prezidente CNE, Alcino Barris (klaran). Imajen Xisto Freitas

FDD Konsulta TR Kona-ba Koligasaun

DILI, (TATOLI) – Frente Dezenvolvimentu Demokrátiku (FDD), ohin buka informasaun ba Tribunál Rekursu (TR) kona-ba rekezitu koligasaun hodi hasoru eleisaun antesipada.

Koligasaun ne’e kompostu hosi Partidu Unidade Dezenvolvimentu Demokrátiku (PUDD), Uniaun Demókratiku Timorense (UDT), Frente Mudansa (FM), Partidu Dezenvolvimentu Nasionál (PDN) no Partidu Repúblikanu (PR).

ʺOhin loron ami mai halo audénsia ho Prezidente Tribunál Rekursu ho objetivu atu mai husu informasaun atu bele rejistu ami nia koligasaun no ami hetan ona informasaun barakʺ, hateten Prezidente FDD, António De Sa Benevides, ba jornalista sira iha TR Kaikoli.

Durante konsultasaun, Tribunál Rekursu seidauk bele rejista partidu lima ne’e  nu’udar koligasaun tanba Prezidente Repúblika, Francisco Guterres Lú Olo, seidauk dekreta data ba eleisaun antesipada.

“Prezidente ho ninia ekipa haree dokumentu hirak ne’e no prontu simu maibé hein to’o Prezidente Repúblika, Francisco Guterres Lú Olo, dekreta data ba eleisaun antesipadaʺ, dehan.

Partidu koligasaun ne’e mós prepara ona lista kandidatura ba reprejentasaun iha Parlamentu Nasionál.

António Benevides afirma koligasaun ne’e akontese tanba iha ideolojia polítika hanesan hodi hasoru EA. ʺIda ne’e forsa alternativa no sai ezemplu ba partidu sira seluk katak ba Timor-Leste ita presiza servisu hamutukʺ, tenik.

FDD garante sei hetan votu to’o rihun atus ida resin iha EA tanba rezultadu eleisaun jerál 2017 partidu lima ne’e iha votante rihun 43.788.

Entretantu, rezultadu eleisaun tinan kotuk hatudu PUDD ho votu validu 15.887 (2,8%), UDT 11.255 (2,0%), FM 8.849 (1,6%), PR 3.951 (0,7%) no PDN 3.846 (0,7%). Totál votante partido lima ne’e hamutuk rihun 43.788.

Jornalista: Agapito dos Santos | Editora: Rita Almeida

Imajen: Prezidente FDD, António De Sa Benevides, bainhira hatan ba jornalista sira iha TR, Kaikoli, ohin. Foto Tatoli/Egas Cristovão

CNRT-PLP-Khunto Avansa Ho Lista Uniku

DILI - Bainhira partidu CNRT, PLP no Khunto hamutuk iha eleisaun antisipada, sei avansa ho naran ida, sigla ida no lista mos uniku.

Tuir Sekertariu Jeral Partidu Khunto Agostino da Silva katak, Kuandu avansa hamutuk signifika nee avansa ho naran ida, sigla ida no lista mos unik, tanba bainhira hamutuk tiha maka avansa ho lista tolu nee ladun diak.

“Se ita hamutuk tiha maka avansa fali ho lista tolu nee ladun diak, tanba nee maka ami avansa ho lista ida, sigla ida no lista mos uniku,” dehan Sekjer Partidu Khunto Agostino, ba STL, iha PN, Dili, Segunda (29/01/2018).

Nia dehan, Partidu tolu nee asina ona plataforma koligasaun, plataforma ida nee to tinan 2022, ida nee maka konjuntura politika AMP nian, neebe atu infrenta iha eleisaun antisipada.

Iha fatin hanesan Xefi bankada CNRT deputadu Arao Noe hateten konaba lista naran nee nivel partidu maka deside, saida maka sira deside pronto ejekuta.

Nia dehan, Partidu tolu nee nia komprimisiu atu ba neeba, para atu sai husi situasaun ida inserteja agora dadauk mosu, diak liu tau interese nasional iha leten diak liu hamutuk, halibur tan partidu kiik sira neebe laiha asentu Parlamentar hamutuk para tau tiha Estadu nee fila fali ba dalan los.

Entretantu tuir informasun neebe maka iha katak, Lista uniku neebe maka partidu tolu nee sei aprezenta ba Tribunal maka, numeru un husi CNRT, numeru dois PLP no numeru tres husi Khunto. Maibe iha parte seluk mos hateten katak, partidu CNRT husu hakarak iha lista naran nee husi numeru un to vinte dois priensia husi ema CNRT. 

Carme Ximenes | Suara Timor Lorosae

Kriteriu Kampania CNE Kontinua Baseia ba Lei Eleitoral 2017

DILI – Prezidente Komisaun Nasional Eleisaun (CNE) Alcino Barris hateten kriteriu kampania ba kada partidu neebe sei konkore iha eleisaun antisipada, husi parte CNE kontinua lei eleitoral iha iha eleisaun 2017.

“Ami sei kontinua uza leii eleitiral neebe proive partidu ida labele uza atributu rejistensia nian hodi atribui ba nia partidu, nunee mos emblema partidu labele uza simbolu resitensia nia i ida nee esperensia iha eleisaun 2017 sira tenke halo tuir, tamba lei maka haruka tamba nee maka tenke halo tuir antes de halo imprimisaun,” dehan Alcino ba Jornalista sira, hafoin enkontru ho PR Lú Olo iha Palasiu Prezidente Bairru Pite, Segunda (29/01/2018).

Konaba kriteriu partidu sira konkore iha eleisaun antisipada, ba CNE ida nee laiha problema no ba oin kestaun nee fo brifing nafatin ba partidu poltiku sira, bainhira PR estabelese ona kalandariu eleisaun.

Konaba situasaun eleisaun antisipada neebe nia atmosfera diferente ho eleisaun normal, lider masimu CNE nee rekonsese no hateten dadaun nee iha preokupasaun oituan husi parte CNE, tamba naturesa no situsaun diferente tebes.

Prezidente CNE nee garatia eleisaun Antisipada sei lao diak tamba antes nee susesu eleisaun 2017 hatudu ona, oinsa CNE sei tenta maximiza, nunee bele fo susesu ba eleisaun atisipada neebe maka iha, hodi sai hanesan eleisaun neebe kredibel no satisfatoriu ba povu tomak.

Kona ba Sistema vota nafatin tuir resensiamentu idak-idak, idak-idak se vota tuir nia suku, labele vota livre tamba risku nee boot, no kona ba tempu kampania no eduksaun sivika, maka CNE sei organiza, media mos sei envolve no karik tempu permite CNE sei halo debate ida tan. 

Natalino Costa | Suara Timor Lorosae

PR Deside EA, Arao: Opsaun Neebe Diak Liu

DILI - Xefi bankada CNRT Arao Noe hateten, desizaun Prezidente Republika Francisco Guterres Lú Olo, nee kompetensia eskkluziva Prezidente Republika, tanba knar Prezidente Republika nian tenke deside para atu buka solusaun ba Estadu nee nia moris liu liu iha parte politik, neebe maka opsaun ida diak liu maka ba eleisaun antisipada.

“Se fo ba ida, fo fali ba ida mos ita sei dada malu nafatin, tanba nee maka opsaun ida paling diak liu ba elisaun antisipada, para povu maka foti desizaun, povu nian atu fo konfiansa partidu ida neebe, se partidu nee konsege forma bele kontinua ba ukun,” dehan deputadu Arao ba jornalista sira iha, PN, Dili, Segunda (29/01/2018).

Maibe deputadu Arao bolu atensaun deit ba ema hotu katak, Prezidente Republika sira tuir mai atu foti desizaun atu forma Governu ho minoria labele akontese tan, atu nunee Estadu nee labele monu ba situasaun sira hanesan nee tan dala ida, entaun laos deit partidu ho maioria, mais tenke kriteira maioria iha Parlamentar.

Iha parte ketak Prezidente PD Mariano Assanami Sabino hateten, ukun nee povu nian entaun bainhra kuandu lideransa impresta ukun nee para atu servi, mais kuandu lahalo diak fo fali ukun nee ba povu nia limana, para povu asumi ninia direitu tomak determina fali ba iha votasaun.

Entretantu Sekertariu Jeral Partidu Khunto Agostino da Silva hateten, Xefi Estadu hola tiha ona desizaun neebe maka deside eleisaun antisipada hodi hakotu impase politika neebe maka lao durante nee. 

Carme Ximenes | Suara Timor Lorosae

PN Desolve Ona, Deputadu/A 29 Funsiona KP

DILI - Parlamentu NasionaL (PN), dezolve ona, maibe sei iha Komisaun Permanente (KP) sei kompostu husi deputadu/a nain 29 hodi funsiona atividade too mandatu foun simu pose.

Informa Sekretariu Jeral PN Mateus Belo katak, Komisaun permanente nee forma desde inisiu lejislatura lao forma ona,i estabelese komisaun permanente nee iha rezolusaun deliberasaun PN numeru 3/2017 konstituisaun da komisaun permanente, tanba nee iha deputadu nain 19 sei kompstu husi bankada 5.

“Komisaun KP nee mai husi deputadu/a sira nain 26, hamutuk ho Prezidente PN ho nia Vice nain 2 hamutuk 29. Husi  29 nee husi  Bankada Fretilin nain 10 inklui Prezidente PN, Bankada CNRT nain 10, Bankada PLP 4, PD 3, Khunto 2,” katak Sekjer PN Mateus ba Jornalista Segunda (29/01/2018) iha PN.

Nia hatete, sira nain 29 neebe hola parte iha komisaun permanente nee sira nia servisu atu asegura funsionamentu PN, ba deputadu sira seluk mai nafatin mai, hodi hein too reuniaun ba lejislatura foun pose mak remata sira nia mandatu.

Nunee mos Prezidente PN Aniceto Guterres hatete, PN desolve ona, maibe sei iha komisaun permanente atu halao atividade, neebe estabelese Komisaun Permanente. Ba deputadu/a sira neebe atu hola parte iha komisaun permanente, nee depois mak prepara karta hodi hasai ba iha bankada sira atu nunee husu atu indijita deputadu/a sira atu hola parte iha komisaun permanente.

Nunee mos Deputadu husi Bankada Khunto Jose Agustinho da Silva hatete, kona ba plenria atu iha kalae depende ba PPN atu deside, maibe ema hotu hatene PN bazeia ba anunsiu desizaun husi PR desolve opna PN, maibe PN funsiona nafatin liu husi estabelese knar, asuntu nee tenke iha plenaria. 

Guilhermina Franco | Suara Timor Lorosar

GMN TV | Jornal Nacional

GMN TV | Grupo Média Nacional

Polícia islâmica detém e corta cabelo de 12 transexuais na Indonésia

Jacarta, 29 jan (Lusa) - A polícia indonésia deteve 12 transexuais na província de Aceh, a única onde vigora a lei islâmica ("sharia"), aos quais cortou o cabelo e obrigou a vestir roupa masculina, denunciaram hoje ativistas.

Dezenas de agentes da polícia local e islâmica efetuaram as detenções no sábado à noite em cinco salões de beleza do distrito Aceh Norte, no norte da ilha de Samatra, disse um ativista da defesa dos direitos LGBT (Lésbicas, gays, bisexuais e transexuais).

Os detidos foram libertados no domingo, acrescentou a mesma fonte, que pediu o anonimato. No mesmo contacto telefónico com a agência noticiosa espanhola EFE, a fonte acrescentou que as 12 pessoas "estão a recuperar do trauma sofrido".

O chefe da polícia de Aceh Norte, Ahmad Untung, qualificou os transexuais como "uma ameaça pior que terroristas" e disse que a polícia atuou por estarem a incomodar os residentes com um comportamento "contrário à 'sharia' e à natureza humana", de acordo com declarações prestadas ao portal Kliksatu.com.

Aceh, província que aprovou em 2002 a aplicação da lei islâmica, criminaliza as relações homossexuais e condena os infratores a castigos corporais, que podem chegar até 100 bastonadas.

Pelo menos 527 pessoas foram espancadas em Aceh desde 2016 até outubro passado, por infrações como apostar, consumo de álcool ou adultério, entre outras, de acordo com o centro de investigação indonésio Institute for Criminal Justice Reform.

No ano passado e pela primeira vez, dois homens foram condenados a serem açoitados em público por manterem relações homossexuais.

Embora Aceh seja a única província do arquipélago que aplica a "sharia", organizações não-governamentais (ONG) e ativistas denunciaram um aumento da repressão contra a comunidade LGBT na Indonésia, país com a maior população muçulmana do mundo.

EJ // SB

Austrália prevê ser o décimo exportador de armas no mundo

Sidney, 29 jan (Lusa) -- O Governo da Austrália anunciou hoje uma nova estratégia de Defesa que inclui incentivos aos fabricantes da indústria militar do país para o colocar entre os dez principais exportadores de armas no mundo.

O plano inclui um fundo de mais de 3.079 milhões de dólares (2.479 milhões de euros) para ajudar os fabricantes a expandir os seus negócios, assim como a criação de um gabinete de exportação de material militar, entre outras medidas.

"Trata-se de assegurarmos a maximização das oportunidades a favor de empregos australianos, de tecnologia australiana e da inovação australiana", disse em Sidney o primeiro-ministro, Malcolm Turnbull, ladeado pelos responsáveis da Defesa, Marise Payne, e de Material de Defesa, Christopher Pyne.

O Governo australiano pretende aumentar as receitas geradas pelas exportações da indústria de Defesa, dos atuais 1.215 milhões de dólares (978 milhões de euros) para 2.025 milhões de dólares (1.631 milhões de euros) anuais, como parte das suas aspirações para a próxima década.

A Austrália, que atualmente se encontra entre os 20 principais exportadores militares, de acordo com o Instituto Internacional de Investigação para a Paz de Estocolmo, aponta como potenciais clientes os mercados dos Estados Unidos da América, Europa, Médio Oriente, Canadá, Nova Zelândia e a região indo-pacífica.

O plano para incrementar a venda de armamento não foi, contudo, bem recebido por toda a sociedade australiana.

Marc Purcell, representante do Conselho Australiano para o Desenvolvimento Internacional, criticou o anúncio, considerando que,"no contexto de incerteza internacional, onde o conflito é o mais provável", os esforços internacionais deveriam ser canalizados para a construção da paz.

SR // SR

Akadémiku konsidera EA gasta osan deit

Akadémiku balun husi Universidade Dili (UNDIL) no Universidade Nasional Timor Lorosa’e (UNTL) konsidera desizaun ne’ebé Prezidenti Repúblika foti ona hodi ba fali eleisaun antesipada ne’e, gasta de’it osan Estadu nian.

Reitor Universidade Dili, Estevão da Costa Belo, hateten, relasiona ho situasaun impase polítika ne’ebé durante ne’e la´o iha rai laran durante fulan nen, Prezidenti Repúblika foti ona desizaun hodi fila fali ba eleisaun antesipada.

Ba eleisaun antesipada ne’e sei gasta osan no gasta tempu deit no eliesaun antesipada bele   afeta mós ekonómia rai laran, tanba  agora uza osan doa-désimu deit mak responde makina Estadu, Estevão da Costa  Belo ba GMN iha nia knaar fatin Kampus UNDIL Balide, Dili, Sesta (26/01).

Maibé maske desizaun ida nee iha impaktu bo’ot ba nasaun no povu, maibé Estevão husu ba  polítiku sira atu hakruk desizaun neebé mak Xefi Estadu foti ona.

Labele  halo fali problema, kuandu ita halo problema ita nia nasaun sei la ba oin, needuni husik povu mak desidi rasik liu husi  eleisaun antesipada,hateten  Estevão da Costa  Belo.

Estevão mós husu ba povu Timor Leste atu kumpri desizaun Prezidenti Repúblika nian nee, li-liu juventude sira.

Nia esplika,  konstituisaun númeru 86 fó dalan atu hakat ba eleisaun antesipada ho nune Partidu ne’ebe mak manan hodi bele forma Governu para halo dezenvolvementu ba ita nia rain no nune Estadu ida ne’e bele funsiona ho diak para intituisaun Governu ou Akademiku sira no mos  intituisaun Não Governamental hotu bele la’o estavel fali tanba durante ne’e ema hotu hein desizaun ne’e no ba situasaun politika ida ne’e atu bele iha nira rohan.

Nune mós estudante UNTL, Rotario Pereira, hateten, eleisaun antesipada ne’e, fó impaktu ekonómia povu Timor Leste.

“Iha pontus tolu, primeiru mak ita aprova osan montante bo’ot atu responde eleisaun antesipada iha ka lae, segundu ita haree liu mós ba estabilidade nasional, terseiru mak ita iha kampaña  eleitoral nian ha’u hanoin Xefi Estadu nu’udar aman ba nasaun atu observa polítika ida ne’e, hodi hanoin mós buat sira ne’e sela’e bele hamosu instabilidade, no povu mak sei terus nafatin,” katak Rotario. aba

GMN TV | Grupo Média Nacional

Governu Tenke Tau Atensaun ba Seguransa Kalan

Kestaun seguransa sai preokupasaun ba ema hotu iha Timor-Leste liu-liu tempu kalan. Ida ne’e afeita tebetebes ba movimentu sidadaun sira ne’ebé hakarak la’o iha tempu kalan. Governu mos seidauk tau atensaun ba ahi (lampu) sira ne’ebé lakan iha tempu kalan iha estrada sira sidade Dili nian kuaze barak maka la funsiona. Ema tauk la’o kalan tamba situasaun seguransa ne’e aumenta liu tan ho inserteza polítika ne’ebé dadaun Timor-Leste iha impase polítika. Maske laiha sinal boot ida ne’ebé hatudu katak Timor-Leste iha risku ba estabilidade nasional. Maibe ida ne’e situasaun ida bele afeita seguransa mos ba ekonomia rai laran.

Dili nu’udar kapital nasaun nian ne’ebé ema barak maka buka moris ba. Pursentu 21, 67 husi totál populasaun Timor-Leste ne’ebé hela Dili, i ida ne’e boot liu tuir dadaus sensus populasaun tinan 2015. Ita bele dehan katak merkadu boot lokaliza iha Dili, iha Hotel boot sira, Bar, Restaurante no Loja sira, tenke asegura katak sira bele kontinua hetan vizita husi sidadaun sira, ne’e fo impaktu mos ba kresimentu ekonomia rai laran. Nune’e mos Hospital sira ema labele tauk atu la’o kalan hodi fo impaktu ba sira nia saude i ida ne’e Governu presiza kondisiona ekipamentu seguransa ne’ebé monta iha Dili atu hadok sentimentu tauk ema nia, sidadaun nasional no mos sidadaun estrajeiru atu la’o iha tempu kalan nian.

Sorin seluk impase polítika ne’e kleur oituan ka situasaun polítika ne’ebé ladun diak kontribui ba ema tauk liu tan la’o iha tempu kalan. Ho ekipamentu seguransa ne’ebé la funsiona, ne’e fasil ba ema kriminozu sira aproveita halo violensia. Iha kazu ida iha violensia ne’ebé hasoru funsionariu embaixada Indonezia nia iha area edifisiu embaixada nian. Staff embaixada nian ida hetan sona kanek maske polisia ajuda ona lori ba tratamentu iha Hospital maibe kazu ne’e labele identifika no kazu ne’e nia suspeitu sai ema deskuñesidu. Ida ne’e ambaixadór Indonezia ba Timor-Leste, Sahat Sitorus fó tavel warning ba ninia sidadaun sira ne’ebé iha Dili atu labele la’o iha tempu kalan. No Ambaixadar hato’o nia sentementu tristeza katak ema deskuñesidu ida bele sona staff embaixada nian iha area ring I rezidensia Primeiru Ministru nian wainhira vítima sai husi embaixada atu fila ba uma.

Husi deskrisaun kazu ne’e hatudu sinal ida ba seguransa kalan iha perigu, ida ne’e kauza frajilidade seguransa iha rai laran. Instituisaun hotu-hotu tenki iha CCTV ne’ebé bele ajuda ba prosesu atuasaun seguransa nian. Travel warning ne’e fo impaktu tebetebes ba mundu. Wainhira sidadaun estrajeiru ruma hetan kanek ka mate depois susar identifika ema ne’ebé halo krime hasoru. Ida ne’e bele fó impaktu mos ba komunidade internasional sira ne’ebé atu visita Timor-Leste relasiona situasaun seguransa rai laran. Kresimentu ekonómika nasaun nian sei tun, wainhira turista sira mos menus tama ita nia rai no investór sira atu kuda sira nia osan mos sei iha duvida.

Ikus liu, kazu krime ne’e akontese dala barak iha estrada kantu sira ne’ebé nakukun. Polisia sira mos dalaruma labele hala’o sira nia kna’ar ho diak tuir prinsipiu ne’ebé hateten katak asegura lei no ordem no mantein patrulamentu iha oras rua nulu resin hat nia laran. Ida ne’e la’os problema mak organiza maibe tenki sai patrulamentu rutina duni husi PNTL. Ho ida ne’e Fundasaun Mahein (FM) rekomenda ba governu presiza hadia kondisaun aat sira liu-liu ekipamentu sira ne’ebé bele kontribui ba seguransa tempu kalan, hadia lampu sira ne’ebé aat no kontrola mos ba CCTV sira ne’ebe monta ona. Ida ne’e bele evita krime sira ne’e akontese iha tempu kalan no sidadaun sira iha fiar atu la’o iha kalan sein sentimentu tauk. Nune’e Fundasaun Mahein mos rekomenda ba Governo, Ministro Defeza no Siguransa, Ministériu Justisa no Ministériu Negosiu Estrajeiru no Kooperasaun atu halo security briefing ba membru diplomatiku sira, konsulado no ambaixador sira ne’ebé hala’o serbisu iha Timor-Leste. No mos ba PNTL atu halo patrulamentu regular ba fatin sira protokolu no embaixada sira ne’ebé iha Timor-Leste.

- Iha Fundasaun Mahein

DEMOKRASIA IHA TIMOR-LESTE: LALA’OK NO DEZAFIU SIRA

 

MENSAJEN BA PARTISIPANTES KONFERÉNSIA NASIONAL PROMOVE HOSI KOMISAUN NASIONAL ELEISOENS (CNE)

Tema: DEMOKRASIA IHA TIMOR-LESTE: LALA’OK NO DEZAFIU SIRA

Díli, 26 janeiru 2018

Liuhosi mensajen ida ne’e ha’u hato’o ha’u-nia saudasaun ksolok ba señor Prezidente Komisaun Nasional Eleisoens, ba señor komisáriu sira, ba CNE nia kolaboradór sira, no ba ema hotu-hotu ne’ebé loron-loron ajuda CNE hala’o sira-nia servisu. Misaun importante ida CNE nian mak oinsá garante servisu administrasaun eleitorál ida ne’ebé, nu’udar servisu neutral administrasaun nian, serve ema hotu-hotu hanesan no serve Estadu ho di ‘ak.

Ha’u hato’o mós ha’u-nia saudasaun ba señor no senõra konferensista sira no mós ba partisipante hotu-hotu iha Konferénsia Nasionál ida ne’e kona-ba Demokrasia iha Timor-Leste: Lala’ ok no Dezafiu sira.

Komisaun Nasional Eleisoens hala’o beibeik ona lala’ok oin-oin atu haklaken no haklean koñesimentu kona-ba relasaun entre direitus demokrátikus, deveres sidadaun sira-nian no oinsá ita-nia sistema eleitorál funsiona. Ha‘u hahi’i CNE, ba lala’ok sira ne’ ebé halo tiha ona.

Haklaken no haksesuk kona-ba sidadania importante tebes ba sistema demokrátiku atu la’o di’ak no atu mobiliza sidadaun sira hodi partisipa maka’as iha vida polítika no dezenvolvimentu sosiál no ekonómiku país nian.

Ha‘u hakarak hatete ba CNE no ba partisipante hotu-hotu katak tema Konferénsia Nasionál CNE nian loos tebes ba situasaun ohinloro nia, iha ita-nia rain.

Ita-nia povu nia vitória no restaurasaun independénsia foin lori mai ita nia rain, demokrasia no respeitu ba sidadaun sira-nia dignidade.

Buat hotu-hotu ne’ebé ita halo ona, iha tinan rua nulu resin neen nia laran, hahú husi Restaurasaun Independénsia, iha 20 Maiu 2002, ita hetan tanba ita hala’o demokrasia.

Liuhosi demokrasia mak ita harii fila fali ita-nia rain hosi akudesan no ita hametin ita-nia país.

Ita presiza hahi’ i maibé ita tenke sukat no tetu buat hotu-hotu ne’ebé ita halo ona, iha tinan sanulu resin neen nia laran no hosi ne’e ita aprende oinsá halo di ‘ak liu abanbairua.

Lala’ok demokrasia nian barak ona no importante tebetebes.

Maibé, ita-nia demokrasia, no ita-nia sosiedade, hasoru dezafiu mós.

Dezafiu boot liu ba ita mak oinsá ita hasa’e ita-nia kapasidade atu dezenvolve ita-nia sosiedade, ekonomia no hadi ‘a kondisaun moris povu nian.

Ida ne’e mak dezafiu ida ne’ ebé importante liu hosi dezafiu barak ne’ebé ita hasoru hafoin funu ramata no ita hahú ukun-an.

Ho haraik-an no ho determinasaun, mak ita sei uza demokrasia no partisipasaun sidadaun sira-nian, nu’ udar ai-riin hodi ita bele dezenvolve ita-nia ekonomia no ita-nia sosiedade – no nakfila ita-nia rain ba Nasaun ida ho kondisaun moris di’ak liu.

Bainhira ha’ u hanoin kona-ba dezafius demokrasia nian iha Timor-Leste, ha’ u hanoin-hetan uluk dezafiu ida ne’e: dezenvolve ita-nia país, hari’i kondisaun moris di ‘ak liu ba hotu-hotu iha ita-nia rai doben.

Funsionamentu demokrasia nian, partisipasaun sidadaun sira-nian, tuir ha’u-nia hanoin, iha objetivu ida ne’ e: nakfila dignidade sidadaun sira-nia iha ai-riin metin ba dezenvolvimentu nasionál.

Durante fulan barak liubá, ita tama iha faze ida ne’ebé ita la hatene loloos sá polítika mak ita tenke tuir. Ita aproveita husu ita-nia an rasik: ita ida-idak, nu’udar sidadaun, nu’udar oan feto no oan mane Timor-Leste nian, oinsá ita ajuda demokrasia no sistema polítiku Timor-Leste atu hetan rezultadus dezenvolvimentu nasionál ne’ebé ita hakarak tebetebes.

Ha’u preokupa ho ida ne’e loron-loron.

Ha’u apela ba timoroan hotu-hotu atu hanoin klean ba ida ne’e, atu ita bele harii país ida di ‘ak liu, país ida ne’ebé ita mehi hosi kedas tempu luta no Rezisténsia.

Bainhira ita luta hela ba ita-nia liberdade, ita mehi atu ukun ho ita nia kbiit rasik atu hari’i país ida ne’ebé di’ak liu ba ema hotu-hotu.

Ita manán ona ita-nia luta. Ita manán ona páz. Maibé ita seidauk nakfila ita-nia mehi atu hakotu kiak. Ita sei mehi nafatin atu nakfila Timor-Leste ba país buras liu no ho kondisaun moris di ‘ak liu.

Ita sei tuba rai metin nafatin ba hetan ida ne’e. Ita labele husik mehi ne’e.

Ha’u hakotu mensajen badak ne’e ho votus ba debate di’ak ida no servisu di’ ak ida ba partisipante sira hotu iha Konferénsia Nasional ida ne’e.

Ho laran ksolok mak ha‘u hein katak imi-nia lala’ok no debate sei ajuda ita-nia país no ita hotu atu nakfila demokrasia ba sidadaun sira-nia ai-riin metin ida, atu ita hetan ita-nia objetivu nasionál: nakfika Timor-Leste, iha tinan sanulu mai ne’e, ba país ida ne’ebé iha rendimentu médiu alto, la iha kiak no iha kondisaun moris di’ ak ba timoroan hotu-hotu.

Ita sei servisu hamutuk atu haforsa demokrasia no ita tenke buka-hetan rezultadu sira ne’ ebé povu hein no hakarak.

Viva povu Timor-Leste! Viva Timor-Leste!

- Iha Facebook | Presidência da República Democrática de Timor-Leste

Alkatiri Lakohi Povu Maioria GOLPUT Iha EA

DILI, (TATOLI) - Primeiru Ministru Sétimu Governu, Mari Alkatiri husu atu la bele hili GOLPUT (abstensaun/La Vota)  iha Eleisaun Antisipada (EA) hanesan eleisaun lejizlativu 2017 ne’ebé liu ona.

“Ema hotu kontente hakarak vota, ida ne’e pozitivu ona, maibé labele tan iha abstensaun tanba foin daudauk abstensaun boot tebes no ema la vota mós barak,” Primeiru Ministru, Mari Alkatiri bolu atensaun iha diálogu ho komunidade Rejiaun Autónomu Enklave Oe-cusse Ambenu (RAEOA) iha Salaun Alfándega Paleban, foin lalais ne’e.

Evita partisipasaun iha eleisaun mínimu, nu’udar Primeiru Ministru, Alkatiri husu ba autoridade Oe-cusse, espesiálmente no jeralmente territóriu Timor laran tomak atu hatudu sira nia responsabilidade liuhosi dalan mobiliza votante sira hodi hakat ba sentru votasaun iha loron vota ba eleisaun antisipada.

Tuir Nia eleisaun nu’udar eventu demokrasia ida ne’ebé povu hili nia direitu, tanba ne’e autoridade sira tenke responsabiliza ida ne’e.

“Ita seidauk hatene sá fulan mak sei realiza eleisaun, tanba presiza preparasaun hosi órgaun eleitorál hanesan Komisaun Nasionál Eleisaun (CNE) ho Sekretáriu Tékniku Administrasaun Eleitorál (STAE). Maibé governu hakarak lais di’ak liu,” Alkatiri hatete.

Biar nune’e, Governu sei respeita nafatin tékniku sira hanesan CNE ho STAE nia desizaun ba realizasaun loron eleisaun Antisipada, governu konxiente katak polítika sira só deside, maibé tenke hatene mós tékniku, kuandu la konsidera malu ne’e ladi’ak.

“Eleisaun Antesipada tenke sai eleisaun ne’ebé transparente liu atu ema labele iha dúvida.

Iha parte seluk rezultadu eleisaun tuir dadus Komisaun Nasionál Eleisaun (CNE) iha eleisaun lejizlativu 2017, partidu KHUNTO 6.40% ho total votu 36.547 hetan kadeira 5 ba Parlamentu Nasionál (PN).

Partidu CNRT iha votu hamutuk 167.345, 29.50% no iha kadeira 22 ba PN. Partidu Fretilín 168.480, 29.70% no iha kadeira 23 ba PN.

Partidu Libertasaun Popular (PLP), rekolla votu 60.098, 10.60% no iha kadeira 8 ba PN. Partidu Demokrátiku (PD) iha votu 55.608, 9.80% iha kadeira 7 ba Parlamentu Nasionál.

Total eleitór iha eleisaun lejizlativu 2017 hamutuk 565.973 hosi populasaun Timor-Leste um millaun ital.

Jornalista: Zezito Silva | Editór: Manuel Pinto

Imajen: Primeiru-Ministru, Marí Alkatiri.

CNE Hakarak Halo Edukasaun Sívika Hanesan Programa Regulár

DILI, (TATOLI) – Komisaun Nasionál ba Eleisaun (CNE-sigla portugés) hakarak halo edukasaun sívika sai hanesan programa regulár atu aumenta taxa partisipasaun votante depois Prezidente Repúblika disolve Parlamentu Nasionál no anúnsiu eleisaun antesipada.

“CNE hakarak halo edukasaun sívika hanesan programa ida regulár ho desizaun Prezidente Repúblika nian disolve Parlamentu Nasionál, iha tan referénsia ida atu CNE asegura no hakarak efetua edukasaun sívika iha teritóriu no diásporu (rai-liur) atu fahe informasaun no motiva nafatin eleitór sira atu hakat fila fali ba sentru votasaun atu ezerse fali sira nia direitu votu nune’e prosesu partisipasaun ne’e bele konklui”, tenik Prezidente CNE, Alcino Barrís, ba jornalista sira iha Otél Timor, sesta, (26/1).

Hodi dehan taxa partisipasaun iha eleisaun parlamentár tinan 2017 ne’e aumenta aas kompara ho eleisaun lejislativa 2012 tanba edukasaun sívika ba votante.

“Agora ami tenta ho edukasaun sívika ne’e para mantein partisipasaun no posibilidade bele aas tanba oras ne’e ami tenta verifika hela ida ne’ebé mak la vota. 

Ita hatene tanba ita uza lista manuál, tanba ne’e sé mak la vota ita hatene no karik ema ne’e laiha ona (mate) karik ka ema ne’e bainhira atu vota halo hela viajen ho aviaun”, katak.

Eleisaun 2017, timoroan barak mak iha rai liur, liu-liu hanesan Inglatera no Irlándia la konsege vota tanba la konsege halo atualizasaun ba baze dadus.

“Sira molok atu vota tenke rejistu foun fali no muda sira nia hela fatin para ita loke sentru votasaun iha ne’eba atu sira bele vota”, dehan tan.

Alcino esplika sistema ne’ebé Timor-Leste adopta hela mak bele vota iha fatin unidade jeografia, seidauk bele loke atu vota iha fatin seluk maske kartaun eleitorál bele vota tanba risku. Se kuandu vota online bele, tanba kontrola aritmétikamente ema vota sistema alista ona.

Para atu evita ema vota dala ida mak tenke orienta tuir unidade jeografia. Tanba ne’e mak atualizasaun baze dadus ne’e loke to’o agora no sei mak hakarak vota iha fatin ida, nia tenke muda no vota iha fatin ne’e, labele muda tan. “Muda hela fatin muda mos kartaun, ema sempre fasilita hanesan ne’e”.

Nia dehan tan ba oin CNE sei fó konsiderasaun ba Inglatera no Irlandia tanba timoroan barak tebes. Austrália hanesan Melbourne, Sidney, Darwin, no Perth ema foin mak aumenta barak.

“Vida moris iha liur ema buka liu vida duke polítika, ita ba sira dehan hakarak vota maibé sira la vota. Maibé agora ami sei tenta fali sira ne’ebé momentu atu vota la konsege muda sira nia kartaun eleitorál no ami sei halo esforsu másimu para sira bele hetan kondisaun ne’e tanba resensiamentu ne’e obrigatóriu, maibé vota direitu ida-idak.

Jornalista: Julia Chatarina | Editora: Rita Almeida

Imajen: Prezidente Komisaun Nasionál Eleisaun, Alcino Barris.