ONG Ezije Kadoras Dada Mai TL

DILI - Organizasaun Naun Govermental iha rai laran, ezije no fo esforsu ba Xefia Negosiador Prinsipal Fronteira Maritime, atu dada kadoras mai Timor leste, para bele fo benefisiu ba povu.

Direitor ONG FONGTIL, Arsenio Pereira hateten, hanesan sosiadede sivil Timor oan hanoin, hotu hotu kontinua nafatin esforsu no fo apoia ba negosiador prinsipal hodi hateten katak, kadoras dada mai Timor Leste, labele dada ba Australia.

“Hau hanoin bayu udang maka dada ba iha Australia, ita hare bayu udang ba neeba iha mudansa boot Darwin, tanba ema neebe ke laservisu iha seitor hotu hotu iha neeba funsiona, nee duni kuandu kadoras dada mai TL fo vantajen boot ,” dehan Arsenio ba STL, iha Farol, Dili, Kinta (08/03/2018).

Nia dehan, fronteira maritime iha ona area Timor Leste, tanba nee Timor leste maka tenke deside ho kompania, tanbe nee presiza halo negosiasaun, nee duni povu hotu hotu tenke ezije nafatin pipe line dada mai Timor leste.

Iha parte ketak Juvinal Dias hanesan membru ONG Lao Hamutuk hateten” Ami nia luta ba fronteira maritime, laos ba minarai, maibe klaru katak konaba greater sunrise nee ita husu ba ekipa teknik sira atu hare, ita labele halo asumsanun deit, tanba nee ita entrega ba estadu atu analiza” dehan Juvinal. 

Notisia kompletu lee iha jornal edisaun Sesta, (09/03/2018).

Carme Ximenes/Maria Lay | Suara Timor Lorosae

KP Laiha Opozisaun-Kooligasaun

DILI – Komisaun Permanente (KP) neebe estabelese iha Parlamentu Nasional (PN), laiha tuir loos laiha ona opozisaun no kooligasaun, maibe hotu-hotu hamutuk atu hodi akompana ba atividade governu.

Tuir Xefe Bankada Khunto, Luis Roberto da Silva hatete, bazeia ba rejimentu PN neebe iha, relasiona ho dissolve, PN kria KP hodi bele asegura ba orgaun soberanu ida nee. Tuir rejimentu semana ida halao plenaria dala ida iha Kuarta feira, maibe iha neeba opozisaun ka kooligasaun iha tan, tanba disolve ona.

Ba governu agora nee jestaun, tanba nee deputadu nain 29 nee atu asegura deit, i laiha ona opozisaun ka pro-kontra, maibe durante nee sira husu PPN atu bee komvoka plenaria para iha proposta husi bankada hatoo bele haree hamutuk, hodi bele haree ba EA maibe, too agora PPN lakohi komvoka plenaria ho diak, mak ohin loron buat hotu sai hanesan nee,” katak Luis ba STL iha bankada Khunto, PN, Kinta, (08/03/2018).

Nia dehan, kona ba knaar KP nee atu halo saida, maibe agora laiha atividade, tanba nee sira nafatin husu ba PPN atu halao plenria para iha proposta ruma sira bele haree hamutuk, maibe too agora PN mos lakohi kria plenaria mak buat hotu sai hanesan nee.

Entretantu Xefe Bankada PD Maria Teresa da Silva Kuarta horsehik hatete iha sesaun plenaria katak, “Ita ultrapasa buat barak ona, sakrifika buat barak ona, too ona fulan 6 nia laran neebe lalika halo jogu oin-oin, atu bele sidi-sidi iha dalan ba EA. Neebe tuir loos KP nee laiha ona opozisaun maibe, mai ita hamutuk hanoin buat neebe diakhodi prepara aan ba EA. 

Notisia kompletu lee iha jornal edisaun Sesta, (09/03/2018)

Guilhermina Franco | Suara Timor Lorosae

Cidalia: Tempu Risku Feto Maka Sai Vitima

DILI – Tuir Espoza Prrzidente da Republika, Cidalia Moujinho Guterres katak, iha tempu neebe difisil, ema neebe sai vitima hetan violensia maka feto, no feto barak maka hasoru violasaun.

"Iha tempu funu hatudu katak wainhira mane sira kaptura husi inimigu feto sira simu tortura, ikus mai oho maske nunee feto nian sofrementu sai difisil liu tan, feto sira hasoru violasaun seksual nomos torturasaun atan ba seksual, nomos forma violasaun direitus humanus,” dehan nia iha Tower, Fatuhada, Dili, Kuarta, (07/03/2018).

Nia hateten, feto no labarik maka hasoru risku boot tebes ba alvu ataka hotu, tantu sosial nomos forsa ho kilat, nomos iha nasaun neebe maka akontese konflitu neebe maka hatudu momos violensia hasoru feto, no feto barak maka hasoru violasaun.

Nunee mos Fernando da Costa hanesan Aprezentador Chega hateten, durante tempu funu feto barak maka hetan vitima, nomos impakto husi funu nian laran vitima balun neebe maka oras nee balun sei moris hela halo ema kbiit laek tiha, sira sente aan lafolin tiha, no lakon tiha kbiit moral no seluk tan, situasaun moris hanesan nee fo efeitu ba dezenvolvimentu psisikolozia no kapasidade social iha sosiedade nian leet.

Notisia kompletu lee iha jornal edisaun Sesta, (09/03/2018).

Emerenciana Pinto | Suara Timor Lorosae

PN Hatoo Parabens Ba Loron Feto

DILI - Loron 08 fulan Marcu hanesan loron feto internasional, iha selebrasaun nee deputada sira iha Parlamentu Nasional hatoo parabens ba feto hotu, no nian sente orgulho boot, tanba ho loron nee maka mundu rekonese konaba igualidade jeneru.

Hatoo parabens ba loron feto, tanba loron 08 nee marka hanesan loron feto. Ida nee orgulu boot ida ba sidadaun sira neebe maka ho jeneru feto, tanba loron ida nee maka loron neebe maka mundu hotu hatene katak, iha sosiedade ida lao diak lao ba oin presiza iha kontribuisaun feto ho mane iha Timor Leste,” katak Deputada Maria Angelina husi bankada PLP ba STL iha Parlamentu Nasional, Kuarta, (07/03/2018).

Deputada nee mos hatoo lia menon ba feto Timor laran tomak, liu-liu feto sira neebe maka iha area rural, neebe maka dala barak ladun asesu ba iha imformasaun, sira lahatene katak sira mos iha direitu atu partisipa iha dezenvolvimentu .

Nunee mos Prezdente GMPTL, Brigida Antonio Correia katak, loron 08 fulan Marcu hanesan loron feto internasional, tanba nee maka husi grupu mulher parlamentar laiha atividade  mesak maibe, hamutuk ho redi feto, UN women  atu selebra loron feto nee ho lao ain husi Jardin 05 de Maio remata iha Parlamentu Nasioanl atu komemora loron feto nian. 

Notisia kompletu lee iha jornal edisaun Sesta, (09/03/2018).

Emerenciana Pinto | Suara Timor Lorosae

XANANA LIBERTADORES TIMOR-LESTE

Husi: Sancho Xavier

Istoria ida hakat tan ho naran XANANA GUSMÃO nian

Istoria foun ida vitoria libertasaun Tasi Timor nian

Vitoria ba futuru moris diak povu Timor-Leste nian

Horseik ami fiar ba O, ita manan ohin

Ohin ami reafirma fiar nafatin ba O, ita sei manan tan aban

Tanba luta XANANA ne’e realidade ida iha fin

XANANA fiar an la’o ba oin, husi planu, asaun no ba rezultado

Luta ho prinsipiu ba libertasaun total ba Timor-Leste

XANANA O mak povu Timor nia matadalan

XANANA O merese ami povu nia respeitu

O nia dedikasaun merese ami nian agradesemento

XANANA mak manu aman povu Timor-Leste nian

Naran XANANA naran libertador

Mate tanba naran XANANA

Moris mos tanba naran XANANA, XANANA naran luta nian

XANANA naran vitoria, vitoria Timor-Leste nian

Uluk hakerek iha Rai Maran

Ohin hakerek iha Tasi Laran

Aban sei hakerek iha Kalohan

Husik istoria mak sei konta

Husik matenek sira mak sei hakerek

Husik ba jerasaun foun sira banati

Rai hela hanesan inspirador ba luta libertasaun patria no libertasaun povu

O XANANA Komandante Asuwain FALINTIL nian

O XANANA Xefi Negosiador Principal ba Fonteira Timor-Leste nian

XANANA heroi ba heroi sira hotu Timor-oan nia

XANANA O mak heroi aman Timor-Leste nian

Naran ne’ebé hahu hakerek tan ona ho tasi ben

Ida ne’e sei sulin iha ami fuan husi jerasaun ba jerasaun

Hakerek iha tasi laran sei buras mai rai maran, fo moris ba jerasaun Timor oan

iha futuru mai kadores greater sunrise mai Timor-Leste mak povu tomak nia hakarak

Obrigado Maun Boot XANANA GUSMÃO!

Viva Povu Timor-Leste!

Fumento I, 07 Marsu 2018

Joven Tenke Koopera ho PNTL no F-FDTL

DILI, (TATOLI) – Veteranu no eis-kombatente libertasaun nasionál, Cornelio Gama L7 akonsella ba joven sira, estudante no ema hotu atu koopera nafatin ho Polísia Nasionál Timor-Leste (PNTL) no FALINTIL-Forsa Defesa Timor-Leste (F-FDTL) hodi kria estabilidade nune’e dezenvolvimentu bele la’o.

“Joven, PNTL, F-FDTL labele mosu kualker konflitu, funu hotu ona, labele tuda tuun, tuda sa’e, labele hirus malu, problema tuur hamutuk rezolve, mai ita unidade, asaun no halo progresu”, alerta perante estudante no foinsa’e sira besik Arkivu no Múzeu Rezisténsia Timor-Leste (AMRT), ohin.

Veteranu ne’e mós apela ba estudante no foinsa’e sira katak hatudu no domin ba rain, estuda maka’as sai matenek no iha fiar tan maske nasaun ki’ik, maibé fiar malu, hadomi malu, sei hanesan mós nasaun boot sira.

“Ba joven sira, estudante sira, estuda maka’as atu bele sai matenek konstrui nasaun, la’ós halimar de’it”.

L7 mós husu ba timoroan sira tomak respeitu malu nafatin, hadomi malu, maske partidu barak maibé kria nafatin unidade.

Veteranu ne’e mós halo metafora katak vitória eh independénsia nu’udar rezultadu to’os no natar basá bainhira iha fulin, isin no seluk tan mak silu, la rai di’ak no kuidadu, se lahok no sei terus.

“Ema hothotu responsável, ha’u husu ba inan-aman sira, maun alin sira, nu’udar to’os no natar, bainhira ita silu batar tenke rai di’ak, la rai di’ak ita sei terus liliu ba joven sira, estudante sira, estuda maka’as atu bele sai matenek konstrui nasaun, la’ós halimar de’it”, nia husu tan.

Jornalista: Rafy Belo | Editora: Rita Almeida

Imajen: Veteranu no eis-kombatente libertasaun nasionál, Cornelio Gama, “L7”. Foto FB: Maubere Gusmão

ParPol Tenke Mantein Fó Oportunidade Ba Feto

DILI, (TATOLI) – Diretora Ezekutivu Fundasaun Alola, Alzira Reis, husu ba Partidu Polítiku (ParPol) atu mantein nafatin fó oportunidade ba feto sira iha ambiente polítika liliu iha eleisaun antesipada.

“Ha’u fó hanoin ba Partidu Polítiku (ParPol) sira atu asegura feto sira nia envolvimentu iha vida polítika, tanba feto ho mane iha direitu atu kontribui iha prosesu polítika no dezenvolvimentu nasionál”, Alzira Reis ba jornalista sira iha Maskariñas relasiona ho loron mundiál feto ne’ebé monu ohin.

Tanba ne’e, feto sira tenke nakloke-án, buka aprende hodi dezenvolve kareira polítika no profesionál, feto labele limita-án maibé dedika-án liuhosi kapasidade ne’ebé iha hodi kontribui ba dezenvolvimentu Nasaun nian.

Nune’e, hosi konstituisaun rasik fó oportunidade ba feto sira tanba haree hosi pasadu, feto mós iha kontribuisaun ba prosesu luta libertasaun nasionál tanba ne’e feto sira iha direitu atu partisipa iha setór hotu ba dezenvolvimentu Timor-Leste nian.

Maibé númeru feto lideransa agora sei mínimu, nune’e feto sira tenke prepara-án didiak hodi hakat ba oin, feto tenke prontu no iha korajen tanba oportunidade barak sei mai iha futuru.

“Partisipasaun feto atinje pursentu 30 ba nivél hotu la’ós ba parlamentu nasionál de’it, suku pursentu tolu no munisípu eh administradór feto la iha”, katak.

Enkuantu, realmente feto barak prontu ona maibé oportunidade mak la iha no dalaruma oportunidade iha maibé la asegura ho fasilidade ne’ebé suporta feto sira hodi hakat liliu apoiu hosi uma laran, família no instituisaun Estadu sira.

Parte seluk, Prezidente Grupu Muller Parlamentár Timor-Leste, Antonia Brigida Correia, akresenta tempu ona atu feto rurál ho urbana tau esforsu hamutuk hodi transforma moris feto nian eh feto sira tenke tau liman hamutuk hodi eleva feto nia moris di’ak liután.

Entretantu, selebrasaun loron mundiál feto ne’ebé akontese ohin, 8 Marsu, organiza hosi Alola Foundation no Organizasaun Asisténsia Legál ba Feto no Labarik (ALFeLa) ne’ebé hetan partisipasaun hosi lider feto hosi ParPol hanesan Partidu Libertasaun Populár (PLP), Kmanek Haburas Unidade Nasionál Timor Oan (KHUNTO), Partidu Demokrátiku no Prezidente GMPTL.

Enkuantu feto sira hosi ParPol balun la marka prezensa tanba hetan ona konfirmasaun maibé dehan ajenda barak.

Jornalista: Zezito Silva | Editora: Rita Almeida

Imajen: Diretora Ezekutivu Fundasaun Alola, Alzira Reis. Foto espesiál

Guterres hatete katak Tratadu entre Timor-Leste ho Austrália hanesan ezemplu hosi rezolusaun pasífiku ba konflitu

Sekretáriu-jeral ONU, portugés António Guterres, konsidera iha loron-tersa katak asinatura hosi tratadu ba fronteira tasi entre Timor-Leste ho Austrália hanesan ezemplu ida hosi efikásia hosi lei internasional iha rezolusaun pasífiku hosi konflitu sira. 

"Serimónia ne'e hatudu forsa ba lei internasional no efikásia hosi rezolusaun hosi konflitu sira liuhosi dalan pasífiku, elementu sentral ida iha Karta ONU nian. Rezolusaun pasífiku hosi konflitu sira hanesan mós parte ida hosi Konvensaun ONU nian ba Lei Tasi nian, ne'ebé Timor-Leste no mós Austrália halo parte", António Guterres konsidera iha serimónia asinatura ba Tratadu ne'e.

Guterres asinala momentu hanesan "istóriku", salienta katak "marka hosi konkluzaun ho susesu hosi prosedimentu konsiliasaun dahuluk" ho baze hosi Anexu dalima hosi Konvensaun.

"Ha'u felisita parte rua no komisaun konsiliasaun ba esforsu ne'ebé maka'as hodi hetan akordu ida ne'ebé maka aseita hosi parte rua. Ha'u felisita governu Austrália ho Timor-Leste ba rekursu ezemplar ba mekanizmu rekonsiliasaun nian. Bainhira halo, lori ba dook vizaun hosi redator sira Konvensaun nian", Guterres hatete.

"Ha'u konfia katak imi nia ezemplu sei inspira Estadu sira seluk hodi hanoin iha konsiliasaun hanesan alternativu di'ak hodi rezolve konflitu sira ho baze iha Konvensaun", nia hatete.

Guterres, primeiru-ministru Portugal nian durante períudu referendu iha Timor-Leste ba independénsia hasoru Indonézia, iha 1999, hatete katak "motivasaun boot ida hosi nia kareira polítika iha pasadu" maka "auto-determinasaun hosi povu Timor-Leste nian".

Polítiku portugés husik tiha funsaun sira Primeiru-Ministru nian iha fulan-Abril 2002, liutiha semana balun hafoin Timor-Leste sai independente tuir dalan ofisial, iha loron 20 Maiu 2002.

"Ho ksolok tebes maka ha'u marka prezensa iha loron ne'ebé Timor-Leste sai hanesan nasaun independente. Haree serimónia ne'e hanesan komplementu ida hosi loron ne'ebá, no ohin loron iha ne'e hanesan priviléjiu boot ida no halo ha'u nia fuan nakonu ho ksolok", nia hatete.

Kona-ba tratadu ne'e, Guterres salienta katak "bainhira defini fronteira tasi nian iha Tasi Timor" no "estabelese rejimi espesial ida" ba área sira ne'ebé riku ho rekursu sira gás natural nian, koñesidu ho naran Greater Sunrise, Austrália ho Timor-Leste iha "pozisaun di'ak tebes hodi hala'o direitu ho obrigasaun sira ne'e ho baze iha Konvensaun".

Aleinde ne'e, "garanti ba Estadu rua katak sei benefisia maka'as hosi esplorasaun sustentável hosi rekursu natural sira" hosi tasi ne'e.

SAPO TL ho Lusa

Timor-Leste fiar katak tratadu ho Austrália hamenus risku ba investidor sira

Tratadu foun hosi fronteira tasi nian entre Timor-Leste ho Austrália, asina iha loron-kuarta, hamenus risku ba investidor sira no loke odamatan ba benefísiu importante sira ba ema timoroan sira, afirma hosi ministru timoroan ne'ebé asina dokumentu.

"Ne'e hanesan loron istóriku ida. Kapítulu ida importante tebes ne'ebé hahú ho ita nia líder sira sai konsiente hosi responsabilidade sira ne'ebé iha ligasaun ba tratadu ne'e. Ita hatene katak tenki halo buat barak hafoin loron ohin nian maibé buat ne'ebé ita hakarak hetan bainhira hahú prosesu rekonsiliasaun ne'e maka hetan ona: fronteira marítima permanente ida", hatete hosi ministro Adjunto do primeiro-ministro timorense para a Delimitação de Fronteiras, Agio Pereira, iha konferénsia imprensa ida iha sede ONU nian.

"Akordu ne'e hatudu klaru ba nasaun rua fatin fronteira nian. Tratadu defini fronteira permanente sira no ne'e hamenus risku hodi investe iha rekursu sira hosi rejiaun", nia hatutan mós.

Agio Pereira ko'alia iha konferénsia imprensa ida hamutuk ho ministra Negósiu Estranjeiru australiana, Julie Bishop, hafoin sira na'in rua asina "Tratadu entre Austrália ho Repúblika Demokrátika Timor-Leste ne'ebé estabelese nia limiti marítimu sira iha Tasi Timor".

Ministru timoroan subliña prezensa iha serimónia hosi sekretáriu-jeral ONU nian, António Guterres, "belun besik ida" Timor-Leste nian ne'ebé "fó hakat maka'as ida hodi tulun independénsia Timor-Leste nian" no ne'ebé prezente iha loron ohin iha "akontesimentu istóriku importante tebes ida" ba ema timoroan sira.

Kona-ba dezenvolvimentu hosi kampu petrolíferu Greater Sunrise - aspetu ne'ebé seidauk iha akordu - Julie Bishop hatete katak opsaun ruma hosi opsaun rua ne'e, sei lori "benefísiu boot ba Timor-Leste", disponibiliza atu Austrália kontinua apoia Timor-Leste iha negosiasaun sira ho petrolíferu sira.

"Ita ko'alia daudaun kona-ba dolar biliaun resin durante projetu ne'e nia moris", Bishop hatete.

"Opsaun sira tenki hanoin iha viabilidade ekonómiku iha tempu naruk. Austrália nia interese hanesan garantidu ho dezenvolvimentu hosi rekursu ba benefísiu Timor-Leste nian. Hanesan ami nia interese atu Timor-Leste sai hanesan viziñu estável no prósperu ida, no tanba ne'e ami hakarak haree projetu ida ne'ebé viável iha nível ekonómiku iha tempu naruk hodi fó benefísiu máximu ba Timor-Leste", nia konsidera.

Agio Pereira repete fali vontade atu opsaun maka gazodutu ida ba súl Timor-Leste nian hodi konsidera katak sei iha impaktu "transformativu ida, ekonómiku no sosialmente", ba populasaun ne'ebé maioria joven no hodi harii konfiansa iha nasaun.

"Bainhira investidor sira haree katak Timor-Leste konsege jere indústria kompleksu ida hanesan 'downstream', harii gazodutu ida no unidade LNG, sei konfia katak Timor-Leste sei halo buat barak liután", hatete hosi ministru timoroan.

Xefe diplomasia australiana hatete katak tratadu ho Timor-Leste la afeta tratadu ne'ebé ezisti antes ho Indonézia, hodi esplika katak ko'alia ona ho nia homólogu iha Jakarta ne'ebé "felisita Timor-Leste ho Austrália kona-ba tratadu".

"Tratadu entre Austrália ho Indonézia mantén. Tratadu ne'e loke dalan ba Timor-Leste ho Indonézia halo ko'alia kona-ba fronteira sira. Ne'e sei iha impaku lalais hodi adapta fronteira sira ba leste no oeste tratadu nian, ne'ebé maka previstu ona", nia afirma.

Bishop felisita "akordu istóriku" loron-tersa nian, importante iha nível bilateral no mós "iha termu sira direitu internasional nian" agora falta de'it hetan akordu kona-ba Greater Sunrise.

Agio Pereira refere ona kata maski hosi konfuzaun sira iha negosiasaun sira, akordu hatudu susesu iha negosiasaun sira, Bishop afirma katak "Austrália rejeita sujestaun rua katak atua ho dalan ne'ebé maka ladi'ak".

SAPO TL ho Lusa

Komisaun ONU: Gazodutu ba de'it Timor-Leste ho subsídiu hosi 5.6 MMUSD

Konstrusaun hosi gazodutu ida ba Timor-Leste bele iha de'it retornu komersial viável ho "subsídiu diretu" ida hosi Governu ka hosi parte seluk iha folin dolar biliaun 5,6, konsidera hosi komisaun ida konsiliasaun ONU nian. 

Ne'e hanesan konkluzaun kona-ba opsaun sira hosi modelu dezenvolvimentu hosi posu sira Greater Sunrise nian ne'ebé fó sai hosi Komisaun Konsiliasaun ne'ebé halo ona mediasan ba negosiasaun sira entre Austrália ho Timor-Leste ne'ebé maka hetan ona tratadu hosi fronteira tasi ne'ebé asina hosi nasaun rua ne'e iha loron-tersa iha Nova Iorke.

Iha kauza maka opsaun hosi gazodutu ida hosi Greater Sunrise ba Darwin (DLNG) ka ba súl Timor-Leste nian (TLNG), ho Timor-Leste simu 80% hosi reseita sira no Austrália 20% iha opsaun dahuluk ka ida-idak 70% no 30% iha opsaun daruak. Nasaun rua seidauk hetan akordu kona-ba gazodutu.

"Komisaun konsidera katak dezafiu ba opsaun TLNG sei hetan nível aseitável ida retornu nian iha projetu 'downstream' bainhira la liu limiti hosi "portajen" ne'ebé konseitu "upstream" bele suporta", refere hosi dokumentu ida ne'ebé kompara opsaun rua ne'ebé divulga iha loron-kuarta ne'e hosi Komisaun Konsiliasaun.

"Komisaun konsidera katak ne'e bele hetan, maibé ho de'it subsídiu diretu ida ba TLNG hosi Governu ka hosi parte seluk finansiamentu nian. Komisaun kalkula katak sei presiza subsídiu diretu ida ba kapital investimentu projetu nian ho folin dolar biliaun 5,6", hakerek iha dokumentu.

Refere, iha prátika, nune'e de'it maka opsaun TLNG bele garanti folin ida hosi "portajen" ba uzu gazodutu ho menus dolar rua tuir MMbtu - folin ne'ebé presiza hodi halo projetu Greater Sunrise sai viável iha ekonomia, haktuir hosi konta sira komisaun nian.

MMBtu hanesan medida ida ne'ebé aplika iha sistema sira transporte gás natural nian.

Maski nune'e, komisaun hatete fali katak hanesan "susar sukar loloos efeitu ekonómiku sira boot tebes hosi opsaun rua ne'e", pozisaun ne'ebé konfirma hosi parte sira.

Dokumentu, divulga iha loron-kuarta ne'e hafoin asina tratadu fronteira sira nian, hetan krítika liuhosi karta ida hosi negosiador prinsipal timoroan nian, Xanana Gusmão, ba Komisaun Konsiliasaun, ne'ebé akuza katak halo liu hosi nia mandatu no halo rekomendasaun sira ne'ebé konkorda ho DLNG.

"Ami senti triste bainhira haree diresaun ne'ebé Komisaun hili iha nia análize. La'ós serbisu ho dalan hanesan no ekilibradu iha konseitu dezenvolvimentu rua, esforsu sira hosi Komisaun foka liu hodi harii konseitu DLGN (gazodutu ba Darwin), hodi halakon TLNG (gazodutu ba Timor-Leste)", hakerek hosi Xanana Gusmão.

"Maski nune'e ami enkuadra (dokumentu sira), aleinde iha falla sériu sira no sala tékniku sira no ekonómiku fundamental sira, la'ós de'it hanesan rekomendasaun simples ida maibé hatudu pozisaun parsial loloos ida, halo hodi obriga Timor-Leste desidi konkorda ho konseitu dezenvolvimentu DLNG nian", nia hatutan.

Iha dokumentu, komisaun argumentu katak benefísiu sira "sei hetan de'it bainhira hili opsaun ba dezenvolvimentu rekursu hodi hanoin iha dalan viável ba komérsiu".

No insisti katak "lakohi halo rekomendasaun ida", maibé oferese de'it "análize komparativu ida hosi konseitu rua".

Iha opsaun TLNG nian, komisaun halo lista ba benefísiu hitu hodi subliña katak Timor-Leste "destaka beibeik katak preokupa liu ho dezenvolvimentu kapital humanu no atividade ekonómiku iha tempu naruk duké ho reseita imediatu nian".

Kona-ba kestaun katak Timor-Leste bele hili, ho opsaun TLNG, benefísiu adisional sira ho apoiu ba esplorasaun "off-shore", komisaun hatete katak empreza petrolíferu sira mós kompromete ona ba ne'e bainhira hili opsaun DLNG.

Entre benefísiu sira, lista retornu hosi investimentu iha kapital, efeitu sira "multiplikador iha atividade hosi petróleu no gás iha Timor-Leste, serbisu sira ba ema timoroan sira no sosa material sira no fornesimentu lokal sira durante konstrusaun".

Refere mós empregu hosi ema timoroan sira iha operasaun hosi infraestrutura sira iha súl nasaun nian - ho gastu anual kalkula ba dolar millaun 280 - no poupansa to'o dolar millaun 25 tinan-tinan iha folin ki'ik liu hosi produsaun elétriku bainhira muda sentral sira diesel nian ba gás.

Opsaun sei favorese mós ba eventual esplorasaun hosi kampu sira seluk iha futuru, dezenvolvimentu hosi kapasidade sira ho kualifikasaun sira iha área ne'e iha Timor-Leste.

Entre benefísiu sira hosi opsaun DLNG nian, komisaun destaka reseita adisional sira hosi 10% ba Timor-Leste - ka entre dolar biliaun 3,13 no 3, 54 resin durante moris projetu nian.

Petrolíferu sira kompromete mós fó ba petrolífera timoroan Timor Gap to'o 3% hosi kapital grátis no 6% resin ne'ebé bele sosa tuir dalan komersial, nune'e mós 0,9% grátis no 1,8% resin selu hosi kapital iha Joint Venture hosi DLNG.

Entre benefísiu hamutuk 14, inklui mós partisipasaun hosi Timor Gap iha dezeñu, konstrusaun, jestaun ho operasaun hosi projetu Greater Sunrise, serbisu ba ema timoroan sira no estabelesimentu hosi unidade fabriku ida no manufaktura ida ho reseita anula ne'ebé kalkula hamutuk dolar millaun neen.

Kompromisu sira hodi "aumenta fornesedor timoroan sira" ba projetu, to'o millaun 200 ba gazodutu doméstiku ida, millaun 50 ba baze apoiu hosi Suai iha nasaun no fornesimentu gás nian baratu liu ba merkadu doméstiku hanesan benefísiu sira seluk.

SAPO TL ho Lusa

Benfica de Macau estreia-se com vitória na Taça da confederação asiática

Macau, China, 07 mar (Lusa) - O Benfica de Macau estreou-se hoje com uma vitória na Taça AFC, ao bater o Hang Yuen FC de Taiwan por 3-2, depois de ter estado a perder ao intervalo por 2-0, resultado que se verificava ao intervalo.

A equipa tetracampeã de Macau começou a construir a reviravolta nos primeiros minutos da segunda parte, com o central Nguema a marcar aos 49 minutos, mas a figura do jogo acabou por ser Leonel Fernandes, com golos aos 61 e 64.

No Hang Yuen FC, os golos foram marcados por Ch.Chen, aos 19 e 34 minutos.

"Este é um dia histórico para Macau. Não é fácil estar a perder e dar a volta", disse o treinador Bernardo Tavares, na conferência de imprensa no final do jogo, lembrando que esta é uma estreia absoluta de uma equipa do território numa competição da Confederação Asiática de Futebol, taça AFC 2018.

Para o homem do jogo, o avançado Leonel Fernandes, a equipa "sempre acreditou" que podia ganhar, e destacou o apoio da claque.

O treinador do Hang Yuen FC, Hung Ching-huai, considerou que a sua equipa podia ter ganho o jogo, mas que "a defesa não funcionou".

No jogo estiveram 1.200 pessoas no estádio de Macau, um recinto com capacidade para 16.272 espetadores.

No próximo jogo do grupo I da Taça AFC, o Benfica de Macau desloca-se em 14 de março à Coreia do Norte para defrontar o Hwaebul, clube fundado em 2013 pelo líder norte-coreano, Kim Jong-un.

A Taça AFC é organizada pela Confederação Asiática de Futebol e é uma competição anual entre clubes de países-membros.

EJ // RPM

Guterres diz que Tratado entre Timor-Leste e Austrália é exemplo da resolução pacífica de disputas

O secretário-geral das Nações Unidas, o português António Guterres, considerou ontem que a assinatura da tratado das fronteiras marítimas entre Timor-Leste e a Austrália é um exemplo da eficácia da lei internacional na resolução pacífica de disputas.

"Esta cerimónia demonstra a força a lei internacional e da eficácia da resolução de disputas através de meios pacíficos, um elemento central na Carta das Nações Unidas. A resolução pacífica de disputas é também pedra angular da Convenção das Nações Unidas para a Lei do Mar, do qual tanto Timor-Leste como a Austrália fazem parte", considerou António Guterres na cerimónia de assinatura do Tratado.

Guterres assinalou o momento como "histórico", salientando que "marca a conclusão com êxito do primeiro procedimento de conciliação" ao abrigo do Anexo V da Convenção.

"Congratulo as duas partes e a comissão de conciliação pelos esforços incansáveis para chegar a um acordo aceite pelos dois lados. Congratulo os governos da Austrália e Timor-Leste pelo pioneiro recurso ao mecanismo de reconciliação. Ao fazê-lo levaram mais longe a visão dos redatores da Convenção", disse Guterres.

"Confio que o vosso exemplo vai inspirar outros Estados a considerar a conciliação como alternativa viável a resolução de disputas ao abrigo da Convenção", salientou.

Guterres, primeiro-ministro de Portugal durante o período do referendo em Timor-Leste sobre a independência face à Indonésia, em 1999, disse que "uma das maiores motivações da sua carreira política no passado" foi "a auto-determinação do povo de Timor-Leste".

O político português acabaria por deixar as funções de Primeiro-Ministro em abril de 2002, a poucas semanas de Timor-Leste se tornar oficialmente independente, a 20 de maio do mesmo ano.

"Foi com enorme alegria que estive presente no dia em que Timor-Leste se tornou um país independente. Ver esta cerimónia é como um complemento desse dia, e estar aqui é ujm enorme privilégio e enche o meu coração de alegria", disse.

Sobre o tratado em si, Guterres salientou que "ao delimitarem as fronteiras marítimas do Mar de Timor" e "estabelecendo um regime especial" para a áreas ricas em recursos de gás natural, conhecida como Greater Sunrise , a Austrália e Timor-Leste ficam em "melhor posição para exercerem os respetivos direitos e obrigações ao abrigo da Convenção".

Além disso, "garante que ambos os Estados vão beneficiar plenamente da exploração sustentável dos recursos naturais" daquele mar.

Lusa | em SAPO TL

Estadu Sei Fo Indultu Ba Prizioneiru

DILI - Komemorasaun ba loron proklamasaun independensia 25 de Maio neeb besik dadaun ona, tanba nee,Ministru Estadu konsellu Siguransa Nasional husu ba Prezidente da Republika atu prepara indultu ba Prizioneiru sira iha Becora no Gleno.

“Hau hakarak foti problema nee ho Prezidente da Republika, tanba haree ba 20 de Maiu besik dadauk ona, no iha mandatu Prezidente Taur Matan Ruak durante tinan lima nia laran fo deit indutltu ba ema nain lima, maibe hau nia argumentu ida nee hanesan obrigasaun ba Prezidente da Republika atu sukat kazu individual,” informa Ministru Estadu konsellu Siguransa Nasional, Jose Ramos Horta ba Jornalista iha Palasiu Prezidensial Bairru Pite, Tersa, (07/03/2018).

Nia informa liu tan, haree ba kazu sira nee Tribinal bele halo ninia desizaun, tanba nee maka oras nee dadauk dadur barak iha Becora, Suai nomos iha Gleno. Tan nee liu husi enkontru ida nee atu fo hanoin ba Prezidente da Republika, atu oinsa bele sukat kazu individual sira nee ida pur ida, atu oinsa bele hatun ema sira nee nia todan.

Tuir nia katak, ema neebe fo informasaun konaba dadur sira nia komportamentu diak nee mai duni husi sistema prizional, sira maka fo informasaun ba iha Ministeriu Justisa no Justisa nia ema tun ba halo investigasaun, neebe maka merese atu hetan indultu nee. 

Notisia kompletu lee iha jornal edisaun Kinta, (08/03/2018).

Madalena Horta | Suara Timor Lorosae

Xina Apoiu Doasaun Ba Gabinete Espoza PR

DILI - Espoza Prezidente da Republika halo enkontru ho embaixador Xina, hodi koalia konaba asaun karidade nebee gabinete Konju halo ona durante nee.

Tuir Espoza Prezidente da Republika, Cidalia Mozinho Guterres katak, sorumotu ida nee ba dala rua ona no ha primeiru enkontru sira fo duasaun ho montante U$ 450 Mill, nee fo apoiu ba gabinete atu halo asaun karidade.

“Hau hanoin enkontru ida ohin nee hanesan doasaun ba segundu nian, tanba nee Xina apoiu tan U$ 45 Mill ba gabinete atu kontinua halo asaun karidade nee, tan nee husi parte gabinete hatoo agradese wain ba governu Xina liu husi embaixador ba sira nia tulun,” informa Espoza Prezidente da Republika Cidalia Mozinho Guterres ba Jornalista iha Palasiu Prezidensial Bairru Pite, Kuarta, (07/03/2018).

Nia hatutan, asaun ida nee lao la haree ba montante osan atu kiik ka boot maibe, nee hanesan solidaridade ba TL,  tanba liu husi sira nia apoiu bele hadia diak liu tan asaun ida nee.

 Iha fatin hanesan Embaixador Republik Popular Xina, Liu Hongyang hatete, Governu Xina prontu atu apoiu gabinete ida nee, hodi kontinua tau matan ba povu kbit laek sira no ema difesente sira neebe maka presiza governu TL nia tulun.

Notisia kompletu lee iha jornal edisaun Kinta, (08/03/2018).

Madalena Horta | Suara Timor Lorosae