Kazu agresaun fíziku hasoru F-FDTL, PNTL hasai ona auto notísia ba MP

Kazu joven  nain  lima  husi Mascarinhas  ne´ebé mak deskonfia halo agresaun fíziku hasoru membru Polísia Militar (PM), submete  ona ba  Ministériu Públiku (MP)

Kona-ba sira nain lima hanesan  suspeitu ba kazu agresaun fíziku  hasoru  soldadu Polísia Militar  ne´e auto notísia  haruka ona ba  iha Ministériu Públiku, espera  katak, prosedimentu  ne´ebé mak liga ba  kompetensia MP  sira sei agenda  bainhira  mak halo notifikasaun bolu sira  hodi halo notifikasaun klean  liu, esplika Segundu Komandante  PNTL Superintendente Assistente Euclides Belo, ba GMN Kuarta (10/01/2018), iha Kuartel PNTL Caicoli Díli.

Enkuantu  auto notísia  husi  MP  ne´ebé mak PNTL hato’o, Euclides Belo dehan,  inklui membru PNTL  ida  husi Munisípiu Ermera nian, deskonfia involve   iha kazu refere.

Suspeitu agora dadauk sei iha uma hodi  notifikasaun husi MP hodi kompleta  prosesu  investigasaun.

Iha notísia  fó sai  iha nain lima, inklui mós oknum Polísia ida  ne´ebé sira hamutuk nain 6  sai hanesan suspeitu,dehan Euclides Belo.

Nune´e  kona-ba  soldadu Polísia Militar  Alberto  Sarmento  da Silva, Euclides Belo, dehan, seidauk hato’o  ninia deklarasaun, ba seksaun investigasaun kriminal.

Soldadu Poísia Militar halao tratamentu iha  HNGV, durante loron rua ho balun,  hahú iha Domingu (07/01/18) no tuir informasaun  ne´ebé mak Komando PNTL hetan  katak,  iha Tersa (09/01/18), vítima alta ona husi hospital  fila ba  uma.

Tuir  informasaun  horseik ami rona  vítima rekopera  ona, ami espera  katak  nia sei fó informasaun detalhus kona-ba sofrementu  ne´ebé mak nia hetan  husi suspeitu sira,dehan Euclides Belo.

Kazu  ne´e akontese  iha  Domingu (07/01/18), Motael kauza  husi hemu tua lanu  too akontese problema, nune´e joven sira diskonfia  halo agresaun fíziku hodi hakanek soldadu  Polísia Militar  Alberto  Sarmento  da Silva, ninia ibun  no ulun fatuk kanek tanba hetan pankada makas.

Antes ne’e  família husi   juventude nain lima,  Monica Soares Fatima senti  la kontente ho atuasaun Polisia Militar,  tanba  Polisia Militar ninia atuasaun hanesan kria fali funu kikoan ida iha Mascarinhas.

Ami hanoin katak funu kikoan ida  mosu iha Mascarinhas, hotu-hotu halai, sira serkula hodi tama  uma laran, depois ha´u hateten ba sira, ha´u nia  oan iha ha´u hakarak  koopera  ho justisa  atu prosesu lao ba oin,dehan Monica Soares.

Nia hatutan, Polísia Militar mak iha dever liu kaptura  joven sira ka Polísia Nasionál Timor-Leste (PNTL).

Ho kapturasaun ne´e ami tuir ba  too iha Kuartel Polísia Militar, depois  Polisia Militar sira dehan ami nudar sira nia maun ami hanorin sira depois  mai ami lori ba Polísia iha Caicoli, depois ami tuir ba iha Caicoli haree ba ami nia oan ami la koñese, dehan Monica Soares, ho matan ben. avi

GMN TV | Grupo Média Nacional

GMN TV | GRANDE ENTREVISTA - Nivio Magalhães / Mericio Akara

GMN TV | Grupo Média Nacional

Husu Demisaun PM, Alkatiri Fó Parabéns AMP

DILI, (TATOLI) - Primeiru Ministru, Mari Alkatiri fó parabéns ba Opozisaun Aliansa Maioria Parlamentár (AMP) tanba ho vontade tomak atu hatún Alkatiri hosi kargu Primeiru Ministru.

“Sira la konsege hatún ona ha’u, sira dehan ha’u mak tenke rezigna an, furak loss no parabéns ba sira (AMP),ʺ Sekretáriu Jerál Partidu Fretilín ne’e esplika ba jornalista sira iha edifísiu ministériu Obras Públika no Transporte, Kaikoli, Ohin.

Deklarasaun Primeiru Ministru ne’e halo hodi responde ba ezijénsia bankada Opozisaun ne’ebé kompostu hosi CNRT, PLP ho KHUNTO, inklui lider balun ne’ebé antes ne’e ko’alia kona-bá rezignasaun Sekretáriu Jerál Fretilín nu’udar Primeiru Ministru sétimu Governu konstitusionál ne’ebé forma ho koligasaun Partidu Demokrátiku.

Iha fatin hanesan, nu’udar Primeiru Ministru, Mari Alkatiri promete sei halo audit ba projetu infraestrutura, iha sidade Dili laran tomak, basa identifika iha mal gastu.

Nia argumenta, kampaña barak implementa projetu tenke manan porsentu to’o porsentu 60. ʺIta timor ne’e agora mal abituadu fali saida maka projetu ida manan to’o porsentu 50 to’o 60.ʺ

ʺHa’u sei halo auditoria ba projetu hotu hodi hare sasán sira ha’u ko’alia ne’e los ou lae, Nasi  kotak ho presu $1.50 maibé inventa to’o $ 7.00,ʺ Alkatiri deskonfia hodi dehan “Auditoria ne’e parte ida atu prevene mal gastu no korrupsaun ba ezekusaun Orsamentu Jerál Estadu nian.

Jornalista: Agapito dos Santos | Editór: Manuel Pinto

Imajen: Primeiru Ministru, Mari Alkatiri

Governu Sombra AMP Preparadu, Lasignifika Asaltu Poder

DILI – Estrutura governu sombra husi Aliansa Maioria Parlamentar (AMP) ba oitavu governu, preparadu ona, lasignifika atu asaltu poder, maibe haree ba maioria imposivel atu sub-mete ba minoria.

Kestaun nee hatoo husi Xefe Bankada Khunto Luis Roberto da Silva hatete, governu sombra ba oitavu governu nian nee, AMP preparadu ona, maibe desizaun nee sei mai husi Prezidente Republika (PR). Tanba nee PR foti desizaun saida deit sira simu.

“Ami nia strutura prepradu ona, laos ami atu asaltu poder, buat hotu haree husi maioria ho minoria, maibe maioria atu sub-mete fali ba minoria nee imposivel atu akontese,” hatete Luis ba Jornalista Kinta (11/01/2018) iha PN.

Nia hatete, se kuandu PR foti desizaun fo ba AMP atu ukun sira nia strutura preparadu ona, maibe mos depende ba desizaun saida deit, AMP Prontu simu.

Hatan ba kestaun nee Xefe Bankada PD Maria Teresa da Silva hatete, sira akompana situasaun loos duni AMP aprezenta ona governu sombra, nee sira nia direitu. Maibe direitu ida neebe loos liu mak entrega ba iha PR atu bele foti desizaun diak, solidu ba ema hotu. 

Guilhermina Franco | Suara Timor Lorosae

Info AMP Atu Prezide Plenaria, Fidelis: AMP Laarbiru

DILI – Informasaun espalla katak semana oin kontinua laiha plenaria, se karik iha plenaria Aliansa Maioria Parlamentar (AMP) maka sei prezide meza ba sesaun plenaria. Hatan ba informasaun nee, Xefi Bankada PLP Fidelis Maglhaes hatete, AMP laarbiru, hakarak buat hotu lao tuir rejimentu no konstituisaun.

Informa Xefe Bankada PLP Fidelis Magalhaes katak, haree ba informasaun sira neebe espalla, maibe sira AMP lakohi atu atu halo buat arbiru deit. Bainhira Prezidente Parlamentu (PN) viola ona rejimentu, AMP hakarak responde buat hotu tuir rejimentu no tuir konstituisaun hodi lakohi viola regras.

“Informasaun espalla katak semana oin laiha plenaria AMP atu prezide meza hodi halao plenaria, maibe AMP lanaran halo buat arbiru, ami hakarak halo buat hotu tuir rejimentu no konstituisaun,” katak Fidelis ba Jornalista Kinta (11/01/2018) iha PN.

Semana oin laiha tan plenaria saida mak AMP atu halo tuir Fidelis, laiha ona meius atu evita plenaria iha PN, se prezidente lakohi prezide knar husu para ema seluk atu substitui. Lapresiza kaer instituisaun nee hodi avansa ho interese partidu nian.

Laos nee deit Fidelis mos hatete, aleinde nee iha publika katak atu dezolve PN, maibe tenke haree laiha razaun saida mak atu dezolve. Tanba iha PN laiha krize institusional, i funsionamentu atividade PN lao hela, so prezidente PN mak laiha vontade atu prezide plenaria iha PN.

Iha parte seluk Deputadu husi Bankada PD Luis Mendes Ribeiro hatete, semana nee laiha plenaria tanba pedidu husi bankada opozisaun Khunto aprezenta hela husu ba prezidente husu atu bele ajenda ona debate mosaun no destituisaun  hodi halo votasaun. 

Guilhermina Franco | Suara Timor Lorosae

Suspeitu Deskonfia Fo Subornu MT, FP Despaisu Ezonera Kargu

DILI – Suspeitu ho inisial M D S 5 neebe deskonfia, fo subornu ba Ministru Turismu, agora dadaun komisaun funsaun publiko hatun ona despaisu, atu ezenora ka suspende kargu neebe nia hetan hanesan inspetor ba jogo.

Deklarasaun nee, hatoo husi Prezidente Komisaun Publika Faustinho Cardoso ba Jornalista sira iha nia knar fatin Kinta, (11/01/2018).

“Komisaun hatun ona despaisu konaba eizonerasaun nee, bazeia ba pedidu husi Ministeriu Turismu aneksa ho justifikasaun, tanba saida mak ezonera nee, akompana konaba pratika irregular sira balu neebe maka akontese, konaba aktu indisiplinar sira balu neebe komete husi inspector jogos nian, neebe hare mos ba dekretu lei 25/ 2016 konaba rejime kargus diresaun xefia nian, liga mos ho lei estatutu funsaun publika nian, konaba deveres kodigu de etika neebe iha, ikus mai hetan nia baze ba iha ezonerasaun, ezonerasaun neebe maka halao iha nia baze legal, ” dehan Cardoso.

Nia relata tan, agora kabe ba iha Ministeriu Turismu atu bele nomea fali ema seluk asumi kargu ida nee, ensubstituisaun ba periodo fulan neen nia laran, konforme dekretu lei 25/2016. Ministru hatoo ba iha komisaun publika, no komisaun sei hatun despasu ba ezonerasaun neebe maka iha, maibe Ministru la iha kompetensia atu halo ezonerasaun, maibe iha kompetensia atu hato, komisaun maka sei hola desizaun.

Hatan konaba desizaun nee la bazeia ba investigasaun, Cardoso hatan iha dekretu lei 25/2016 iha artigu 15 no 16 neebe define sirkunstansia sira neebe sai hanesan baze atu hapara ema ruma neebe asumi kargu diresaun no xefia, dehan sesasaun automatika no sesasaun eventual.

Iha fatin ketak, akademika UNTL Pedro Martins hateten, ema neebe halao hela servisu, komete iha subornu presiza halo investigasaun klean. 

Terezinha De Deus | Suara Timor Lorosae

FRETILIN, AMP Laiha Kompetensia Husu PM Rejigna An

DILI – Partidu istoriku FRETILIN deklara katak, Aliansa Maioria Parlamentar laiha kompetensia atu husu Primeiru Ministru Mari Alkatiri, atu rejigna aan husi nia kargu hanesan Primeiru Ministru.

Adjuntu Sekertariu Jeral Partidu Fretilin atual Ministru Adjuntu PM ba Asuntu Boa Governasaun Jose Reis hateten, sira AMP laiha kompetensia atu dehan ba Primeiru Ministru, se maka atu bele dehan Primeiru Ministru demite husi nia kargu maka Prezidente Republika, laos deputadu sira maka atu ezije demisaun ba PM.

“Hau hanoin laiha dalan, tanba konstituisaun maka dehan Rezidente da Republika maka iha kompetensia atu demite Primeiru Ministru no dissolve Parlamentu Nasional, laos deputadu AMP sira atu dehan Primeiru Ministru demite husi nia kargu,” dehan Jose Reis, ba STL, bainhira remata reniaun iha MOPTK, Caicoli, Dili, Kinta (11/01/2018).

Nia dehan, Fretilin respeita ba iha desizaun Prezidente da Republika, tanba Prezidente eleitu husi povu, nee duni bainhira Prezidente da Republika foti desizaun ema hotu hotu tenke hakruk.

Iha parte ketak Xefi bankada PLP Fidelis Maglahaes hateten, Demokrasi maka tenke hanesan nee Governu tenke forti, no lori nia programa nee mai iha PN halo pasa, agora lori programa mai rejitadu tiha ona, depois lalori fali segunda ves programa mai. 

Carme Ximenes/Maria Lay | Suara Timor Lorosae

Primeiro-ministro timorense anuncia que Governo responde 31 de janeiro a moção de censura

Díli, 11 jan (Lusa) - O primeiro-ministro timorense, Mari Alkatiri, anunciou hoje que o executivo vai ao Parlamento Nacional no dia 31 de janeiro para responder à moção de censura apresentada pela oposição maioritária.

Em declarações aos jornalistas, no final da reunião semanal com o Presidente timorense, Francisco Guterres Lu-Olo, o chefe do executivo disse "estar confirmada" a data de 31 de janeiro para um debate que a oposição queria marcado desde final de novembro.

Alkatiri insistiu que a moção de censura ao Governo "não tem mérito" e que está apenas a ser usada pelas forças da oposição, que controlam 35 dos 65 lugares do Parlamento Nacional, para fazer cair o executivo.

Noutro âmbito, o primeiro-ministro timorense afirmou que o executivo ainda não completou a segunda versão do programa do Governo, depois de a primeira ter sido chumbada pela oposição, por querer responder às "muitas dúvidas" dos deputados.

As três forças da oposição - Congresso Nacional da Reconstrução Timorense (CNRT), Partido Libertação Popular (PLP) e Kmanek Haburas Unidade Nacional Timor Oan (KHUNTO) - têm acusado o presidente do Parlamento, Aniceto Guterres Lopes, de violar o regimento por não agendar plenárias, incluindo para debater a moção de censura e uma proposta de destituição do responsável do parlamento.

Na terça-feira, depois de se reunir com o chefe de Estado, Aniceto Lopes explicou aos jornalistas que a moção de censura ainda não estava agendada porque era necessário concertar a data com o executivo.

"O presidente do Parlamento não pode impor uma data ao Governo para vir responder no parlamento. Fundamentalmente tem que haver uma concertação da data. É uma questão de ética nas relações institucionais entre órgãos de soberania", afirmou.

Aniceto Lopes recordou que a 18 de dezembro, no plenário, anunciou ter dado ao Governo um período de 30 dias úteis (que só termina no final deste mês) para responder à moção de censura, tendo escrito ao executivo a 03 de janeiro sobre este assunto.

Junto a essa carta enviou um requerimento de um dos partidos da oposição, o KHUNTO, para que a moção fosse debatida a 08 de janeiro.

Este ano ainda não se realizaram quaisquer plenários do Parlamento Nacional.

Timor-Leste vive há vários meses um período de incerteza política com a oposição, maioritária no Parlamento Nacional, a chumbar o programa do Governo e uma proposta de Orçamento Retificativo, tendo apresentado já uma moção de censura ao executivo e uma proposta de destituição do presidente do parlamento.

O país vive desde 01 de janeiro em sistema de duodécimos, sem orçamento de Estado e com o futuro do país a estar nas mãos do Presidente timorense que pode, ainda este mês, decidir se há, ou não, eleições antecipadas para resolver o impasse.

ASP // EJ | Foto em TATOLI

Dois jornalistas da Reuters acusados de violar segredo de Estado em Myanmar

Rangoon, Myanmar, 11 jan (Lusa) - Dois jornalistas da agência Reuters foram acusados na quarta-feira de violação do "segredo de Estado" num inquérito sobre a situação no oeste de Myanmar, onde o exército é acusado de "limpeza étnica" contra os 'Rohingyas'.

"Pedimos a sua libertação sob caução, mas isso rejeitado pelo procurador", explicou à agência noticiosa francesa AFP o advogado dos jornalistas, Khin Maung Zaw, depois da decisão do tribunal de Rangoon.

Wa Lone, de 31 anos, e Kyaw Soe Oo, de 27, são acusados de possuir documentos relativos às operações das forças de segurança no Estado Rakhine, no norte de Myanmar.

A acusação de hoje eliminou as esperanças internacionais de uma libertação rápida dos dois jornalistas detidos em 12 de dezembro.

Myanmar, antiga Birmânia, aboliu em 2012 a censura, mas determinadas leis continuam a entravar a liberdade da imprensa e os jornalistas birmaneses defendem que a autocensura continua forte, designadamente quando se trata de questões relativas ao exército ou à religião.

O exército birmanês admitiu hoje o envolvimento no massacre de dez 'Rohingya' e também reconheceu pela primeira vez a existência de uma fossa comum de membros desta minoria muçulmana no Estado Rakhine (norte).

Até agora, o exército birmanês tinha sempre negado as acusações dos 'Rohingya', de massacres, violações e atos de tortura contra aquela comunidade.

A operação militar lançada pelo exército birmanês empurrou cerca de 655.000 'Rohingya' a fugirem para o vizinho Bangladech desde agosto passado.

Num país marcado por um forte nacionalismo budista, os muçulmanos 'Rohingya' representam a maior população apátrida do mundo desde que a nacionalidade birmanesa lhes foi retirada em 1982, pelo regime militar.

Vítimas de discriminação, os 'Rohingya' não têm documentos de identidade e não podem viajar ou casar-se sem autorização, nem acesso ao mercado de trabalho nem aos serviços públicos como escolas e hospitais.

MC // ARA

Foto: O jornalista Wa Lone (à frente) e o jornalista Kyaw Soe Oo (atrás) à saída do tribunal em Yangon, esta manhã / Lynn Bo Bo / EPA

GMN TV | Jornal Nacional

GMN TV |Grupo Média Nacional

Fin Janeiru “Ha’u Ba Parlamentu”

DILI, (TATOLI) - Primeiru Ministru, Marí Alkatiri hateten Governu sei hatán Mosaun Sensura hosi bankada opozisaun Parlamentu Nasionál iha 31 Janeiru, (fin Janeiru).

“Ha’u marka ona ba iha 31 Janeiru 2018,” Alkatiri hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, ohin, hafoin enkontru ho Prezidente Repúblika.

“Mosaun Sensura ne’e laiha méritu tanba konteúdu balun hosi mosaun ne’e kona-ba Primeiru Ministru sui fuuk iha Parlamentu Nasionál iha altura aprezenta Programa Governu ba dahuluk, tinan kotuk.”

“Antes ba, ha’u sei esplika buat sira ne’e hotu tanba sira nia Mosaun Sensura ne’e laiha méritu tanba nia konteúdu hakerek fali sui fuuk no komparasaun idade,” Alkatiri haktuir.

Entretantu enkontru xefe estadu ho Primeiru Ministru, tuir Alkatiri, nia la ko’alia ba Prezidente kona-ba Eleisaun Antesipada tanba Prezidente Repúblika maka sei deside, tuir nia kompeténsia.

“Ha’u só hato’o de’it informasaun ba Xefe Estadu kona-ba krize institusionál no pozisaun opozisaun ne’ebé la mehi ona povu nia mehi maibé mehi oinsá kontrola meza Parlamentu no hatún Governu,” nia dehan.

Hatán kona-bá, programa governu, Mari Alkatiri esplika, Governu seidauk bele lori Programa Governu daruak nian ba debate iha Parlamentu Nasionál tanba seidauk retira Mosaun Sensura.

“Bainhira lori programa ba Parlamentu tenke hasai tiha Mosaun Sensura. Laiha lójika bainhira hatama hela Mosaun Sensura maibé husu Governu atu aprezenta programa,” Xefe Governu esplika.

Mosaun sensura tuir konstituisaun RDTL artigu 111, haktuir 1) Ho inisiativa baluk-haat ida ¼ deputadu ne’ebé sei hala’o hela knaar, Parlamentu Nasionál bele halo votu sensura ida ba Governu, kona-ba nia programa eh buat seluk ne’ebé relevante ba interese nasionál. 2) Mosaun sensura la hetan apoiu karik, sira-ne’ebé asina mosaun ne’e  labele aprezenta fali mosaun seluk, iha sesaun ne’ebé la’o daudaun.

Enkuantu Programa governu tuir Artigu 108.  Konstituisaun RDTL hatete; 1) Wainhira Governu nomiadu ona, nia sei halo nia programa hodi hatudu nia objetivu no knaar oioin ne’ebé nia hakarak hala’o, medida ne’ebé atu uza no orientasaun polítika prinsipál sira-ne’ebé nia hakarak tuir iha domíniu atividade governu nian. 2) Primeiru-Ministru hato’o programa governu nian ne’ebé Konsellu-Ministru aprova tiha ona ba Parlamentu  Nasionál atu apresia iha prazu la liu loron tolunulu, sura husi loron ne’ebé Governu hahú nia funsaun.

Artigu 109. Apresiasaun ba Governu nia Programa ; 1) Programa Governu nian sei hato’o ba Parlamentu Nasionál atu hetan apresiasaun, no Parlamentu la funsionál karik, tenke konvida ka konvoka sira ba asuntu ida-ne’e. 2) Debate programa Governu nian labele liu loron lima, no to’o remata, grupu ida-idak iha Parlamentu bele husu atu lá simu, eh Governu bele husu votu konfiansa ida. 3) Atu lá simu programa Governu nian, tenke iha apoiu mai husi maioria deputadu husi sira- ne’ebé sei hala’o hela knaar.

Artigu 110. Husu votu konfiansa hatete, Governu bele husu ba Parlamentu Nasionál halo aprovasaun ba votu konfiansa ida kona-ba deklarasaun polítika jerál nian eh ba asuntu seluk importante ba interese nasionál.

Jornalista: Xisto Freitas | Editór: Manuel Pinto

Imajen: Primeiru Ministru, Marí Alkatiri

Orsamentu Duodecimo Natoon Selu FK no EA

DILI, (TATOLI) - Ministru Finansas, Rui Gomes hateten orsamentu duodecimo bainhira hatene uza (jere) ho didi’ak bele sustenta funsionamentu mákina hanesan selu Funsionáriu Kontratadu (FK), inklui realiza Eleisaun Antisipada (EA), se Prezidente Repúblika dekreta.

ʺOsan 114 millions kada fulan, maibé se ita Jere didi’ak bele to’o fulan tolu ou haat,ʺ Rui Gomes informa ba Jornalista sira iha Palásiu Governu Dili, Kinta ohin.

Nia fó hanoin katak utilizasaun duodecimo ba selu saláriu no vensimentu, bens servisu, transferénsia públika no capital dezenvolvimentu, menus kapitál menór labele, ho razaun osan ne’e mak fahe ba fulan 12 ne’e maka sai orsamentu duodecimo.

“Orsamentu duodecimo mós prevee iha saláriu no vensimentu hodi selu funsionáriu kontratadu sira.”

Tanba Duodecimo bele selu funsionáriu kontratadu, Ministru Planu no Finansas konsidera problema ne’ebé akontese iha Sekretáriu Estadu Juventude no Traballu hodi lá kontínua fó kontratu ba funsionáriu hamutuk na’in 258, la’ós problema osan maibé problema dezempeñu.

Aleinde ida ne’e, Rui Gomes, esplika tan bainhira Prezidente Repúblika dekreta iha eleisaun antisipa, hodi rezolve problema polítika, governu iha orsamentu hodi fasilita prosesu eleisaun.

 ʺFunsionamentu mákina do estadu la’o hela tanba ne’e ita lalika preokupa,ʺ Rui Gomes Garante.

Jornalista: Agapito dos Santos | Editór: Manuel Pinto

Imajen: Ministru Planu no Finansa, Rui Augusto Gomes. Foto/Egas Cristovão.

Kompañia Halo Ró HAKSOLOK Iha Dívida, La’ós Governu

DILI, (TATOLI) - Primeiru Ministru, Mari Alkatiri esplika Ró Ahi “HAKSOLOK” seidauk to’o iha Timor la’ós, la’ós governu nia kulpa, maibé kulpa kompañia halo Ró Ahi nian, iha Dívida, nune’e sira lori malu ba Tribunál, Timor sei prepara advogadu atu akompaña prosesu.

“Loron ida ou rua ita prepara hodi nomea advogadu atu akompaña prosesu tanba Timor-Leste la’ós hola parte iha konflitu, maibé problema ne’e entre sira kompañia ho sub-kontratór ne’ebé halo ró sei iha dívida,” Primeiru Ministru, Mari Alkatiri ba jornalista sira iha Salaun Ministériu Obras Publika iha Merkadu Antigu, Kuarta (11/01).

Ró Ahi HAKSOLOK Antes ne’e Vise-ministru Obras Públika, Transporte no Komunikasaun, Inácio Moreira informa katak nia produsaun iha Portugál ne´e, nia espesifikasaun dezeñu no modelu modernu, tanba ne’e bele halo mós operasaun iha Kosta Súl, tasi mane kompara ho Berlin-Nakroma I ne´ebé apoiu husi governu Alemaña antes ne´e.

Enkuantu iha loron 26 Maiu 2017, iha sidade Figueira da Foz, ho prezensa Dr. Mari Alkatiri, nu’udar Prezidente Autoridade Região Especial Oe-Cusse-Ambenu, Vice-Ministru dos Transportes e Comunicações da Repúblika Demokrátika de Timor-Leste, Eng. Inácio Freitas Moreira, ho tan konvidadus malae mutin no timor oan, akompaña  Dom Carlos Filipe Ximenes Belo fó bensaun ba ró HAKSOLOK no Madre Provincial, Me. Guilhermina hanesan inan sarani.

Tuir Dom Ximenes Belo, Ró Ahi HAKSOLOK, boot no modernu, atu bele halo ligasaun hosi tasi, hosi Dili ba Oe-Cusse, Ataúru, Indonézia no Australia. Ró “Halsokok” nia iha kapasidade atu tula ema na’in 377 (tur ka “sentadas”), no viatura karreta sanulu resin lima., tanba ne’e nia folin boot ho valor osan: Euro: 13,7 milhões.

Hatán ba problema tansá Ró HAKSOLOK seidauk mai, Primeiru Ministru Alkatiri afirma, ró “Haksolok” la’ós problema governu no Estadu maibé problema entre estaleiru ho sub-kontratór tanba ho dívida ne’ebé sira halo.

“Ró “HAKSOLOK” labele sai lai tanba dívida hosi kompañia halo ró nian, agora kompañia sira lori malu hodi ba rezolve liuhosi tribunál,” Alkatiri haktuir.

“Ró “Haksolok” seidauk entrega mai Timor-Leste tanba ne’e ita seidauk halo pagamentu hotu eh sei iha retensaun no ita la iha dívida ho ema eh ZEEMS la iha dívida ho estaleiru.”

Iha fatin hanesan Vise Ministru Obra Publika no Telekomunikasaun, Inácio Moreira reforsa katak problema ró “Haksolok” nia prosesu seidauk hotu, Tersa Feira (la sita semana ida ne’ebé) mak akuzadu (Estaleiru) sei ba defende-an no sei ba hato’o informasaun eh depoimentu iha tribunál.

“Públiku lalika jeneraliza, ró ne’e kuaze porsentu 85 ona no hela de’it porsentu 15 atu finaliza no tinan ida ne’e ró ne’e bele mai ona,” Inácio garante.

Jornalista: Zezito Silva | Editór: Manuel Pinto

Alcino Baris: Timor-Leste iha kondisaun hodi hala'o votu antesipadu

Prezidente hosi Komisaun Nasional ba Eleisaun (CNE) timoroan, Alcino Baris, garanti iha loron-kuarta katak Timor-Leste iha kondisaun finanseiru no lejislativu sira, inklui ho lei ne'ebé hala'o daudaun, hodi hala'o eleisaun antesipadu sira bainhira xefe Estadu determina. 

"Bainhira señór Prezidente dekreta eleisaun antesipadu sira, sei hala'o nafatin lei ne'ebé halo daudaun, lei númeru 9/2017 kona-ba eleisaun parlamentu sira. Eleisaun antesipadu no eleisaun jeral sira hanesan naran ne'ebé la hanesan maibé prosedimentu sira hanesan", Alcino Baris hatete ba Lusa.

Iha semana hirak ikus ne'e, opozisaun maioritáriu ho partidu sira ne'ebé apoia koligasaun Governu nian debate nafatin eventual senáriu ne'e, posibilidade atu hatún Governu, ne'ebé sai hanesan objetivu hosi proposta sensura hosi opozisaun.

Bankada sira opozisaun nian defende nafatin katak presiza lei foun ida, bainhira Prezidente Repúblika, Francisco Guterres Lu-Olo, asina dekretu ida kona-ba eleisaun antesipadu.

Baris garanti katak ne'e la presiza no "tuir dalan jurídiku aplika nafatin prosedimentu ne'ebé defini tiha ona" iha lei ne'ebé ko'alia kona-ba eleisaun parlamentar iha loron 22 Jullu tinan liubá.

Iha parte orsamental nian, Baris rejeita mós argumentu sira katak konsidera laiha orsamentu disponível ba akontesimentu votu nain ka katak gastu ne'e sei aas tebes.

"CNE ho STAE [Sekretariadu Tékniku hosi Administrasaun Eleitoral] sei iha material balun nune'e sei laiha folin ne'ebé aas tebes. Presiza rekruta ema hodi apoia no asisténsia tékniku no imprimi boletin sira votu nian maibé despeza sei la aas tebes", nia afirma.

"Bainhira Prezidente Repúblika dekreta eleisaun antesipadu sira, ami iha kondisaun sira hodi hala'o. Eleisaun sira hanesan ezijénsia ida hosi Estadu no hanesan dalan ida hodi bele rezolve polítika ne'ebé sei laloos iha nasaun ne'e. Labele lamenta ka hatete katak sei laiha orsamentu", nia konsidera.

Timor-Leste, iha fulan barak nia laran, hasoru hela períudu polítika ne'ebé laloos ho opozisaun, maioria iha Parlamentu Nasional, xumba programa Governu nian no proposta ida hosi Orsamentu Retifikativu, no aprezenta ona proposta ida sensura nian ba ezekutivu no proposta ida hodi hatún prezidente parlamentu nian.

Nasaun, dezde 01 Janeiru, tama iha sistema duodésimu, lahó orsamentu Estadu nian no ho nasaun nia futuru iha Prezidente timoroan nia liman laran ne'ebé, karik iha fulan ne'e nia laran, desidi katak iha ka la'e eleisaun antesipadu hodi rezolve difikuldade ne'e.

SAPO TL ho Lusa