Inkéritu $ 70 Millions Depende Rekerimentu Ezekutivu

DILI, (TATOLI) - Prezidente Parlamentu Nasionál, Arão Noé, deklara inkéritu parlamentár ba osan $ 70 millions hosi fundu petrolíferu ne’ebé antes ne’e governu da-7 levanta sein autorizasaun hosi parlamentu nasionál atu halo inkéritu, depende ba pedidu governu atuál nian.

“To’o agora ha’u seidauk simu rekerimentu ruma hosi governu ka deputadu sira bankada parlamentár, kona-ba asuntu inkéritu parlamentu nian ba governu anteriór,” Arão Noé ba Ajénsia Tatoli foin lais ne’e iha uma fukun.

“Seidauk iha rekerimentu ida kona-ba asuntu ida ne’e. ha’u lakohi komentáriu buat ne’ebé seidauk iha pedidu ida hosi deputadu sira ka hosi governu.” Arão reforsa tan.

Maibé atu halo inkéritu ba prosesu ne’e kabe ba parte sira kompeténsia deputadu bankada parlamentár nian.

Enkuantu iha parte seluk, Governu liuhosi Ministru Reforma Lejizlativa no Asuntu Parlamentár, Fidelis Magalhães hatán ba asuntu ne’e katak buat hotu la’o tuir ninia dalan ka la’o tuir lei sira ne’ebé iha.

Maibé governu ida ne’e hatene nia kompromisu sira ne’ebé sensivel ba preokupasaun hotu, tanba ne’e governu esforsu hodi konkretiza promesa liuhosi programa sira.

Entretantu deklarasaun polítika partidu CNRT kona-ba inkéritu parlamentár levantamentu fundu petrolíferu $70 milhões de dólares husi VII governu no auditoria ba projetu ZEESM iha rejiaun Oe-cusse.

“Ami husu Prezidente Parlamentu Nasionál halo Inkéritu Parlamentár ba levantamentu Fundo Petrolíferu $70 milhões de dolar ne’ebé mak VII Governu halo iha fulan-maio liubá.”

“Ami mós husu Governu atu harii auditoria independente ida, hodi hala’o investigasaun kompletu no abranjente ba servisu aprovizionamentu projetu hotu-hotu iha ZEESM, hodi nune’e bele hetan informasaun klaru ba ezekusaun osan montante $500 milhões de dólar ne’ebé Estadu investe durante ne’e iha Rejiaun Administrativu Espesiál Oe-Cusse Ambeno.”

Jornalista: Zezito Silva | Editór: Manuel Pinto

PN Fó Votu Pezar Solidaridade Ba Vítima Rai Nakdoko Iha Lombok Ho Unanimidade

DILI, (TATOLI) - Parlamentu Nasionál (PN) liuhosi votasaun iha plenária, fó votu pezar solidaridade ba vítima rai nakdoko iha Lombok, Indonézia ho unanimidade husi 59 deputadu prezente.

“Aprovasaun projetu rezolusaun ne’e ho objetivu fó votu pezar ba akontesimentu rai nakdoko iha Lombok, Repúblika Indonézia”, tenik Prezidente Parlamentu Nasionál (PPN), Arão Noe, iha plenária, ohin.

Liuhosi deklarasaun votu pezar, PN espressa sentidu kondolénsi ba família vítima no manifesta solidaridade ba autoridade Indonézia.

Antes ne’e, iha loron 1 agostu Governu da-ualu liuhosi reuniaun Konsellu Ministru (KM) aprova rezolusaun governu ba donativu ho montante US$750.000 ba Repúblika Indonézia hodi apóiu vítima rai nakdoko iha Lombok.

Entretantu iha loron 27 jullu madrugada, rai nakdoko ho magnitude 6,4 eskala richer, tuir dadus husi autoridade ema na’in 17 mak mate, 401 kanek, no ema na’in 10.062 ne’ebé mak hela besik fatin akontesimentu besik Foho Rinjani, evakua ba fatin evakuasaun provizóriu.

Alende ne’e, dezastre naturais ne’e rezulta uma hamutuk 5.448 mak aat, 15 fasilidade edukasaun, lima fasilidade saúde mak aat no fasilidade públiku seluk tan.

Iha loron 6 agostu, rai nakdoko ba daruak ho magnitude 7 eskala richer akontese tan iha Lombok no dadus ikus husi autoridade rezista 321 mak mate iha Lombok no 2 mak mate iha Bali, ema nain 270.168 mak evakua ba fatin evakuasaun provizóriu, uma hamutuk 67.875 mak aat no edifísiu seluk tan mak aat husi dezastre naturais ne’e.

Jornalista: Julia Chatarina | Editora: Rita Almeida

Imajen: Deputadu sira Parlamentu Nasional. Foto dokumentasaun Tatoli

Indonésia | Número de mortos do sismo de Lombok aumenta para 436

O mais recente balanço das autoridades indonésias aponta para pelo menos 436 mortos após o sismo de há uma semana em Lombok, no sul do país.

A agência nacional de desastres informou hoje que o terramoto de 05 de agosto matou 436 pessoas, a maioria das quais morreu em edifícios que ruíram.

Dezenas de milhares de casas, mesquitas e empresas ficaram destruídas no sismo de magnitude 6,9 que teve o seu epicentro no norte da ilha de Lombok.

O terramoto destruiu, pelo menos, 67.875 casas, 468 colégios, seis pontes, 15 mesquitas e 13 centros de saúde. Estima-se que haja mais de 13 mil feridos.

A maior parte das estradas no norte de Lombak está destruída, sendo essa a principal dificuldade das autoridades que tentam distribuir comida e medicamentos à população afetada.

Muitos moradores deixaram as habitações para se abrigarem em tendas ou abrigos temporários, sob o calor tropical que assola no verão o arquipélago do sudeste asiático.

O secretário-geral da ONU, António Guterres, ofereceu a ajuda daquela organização ao país situado no chamado "Anel de Fogo do Pacífico", zona de grande atividade sísmica e vulcânica que regista cerca de sete mil terramotos por ano, na maioria moderados.

Os sismos são classificados segundo a sua magnitude como micro (menos de 2,0), muito pequeno (2,0-2,9), pequeno (3,0-3,9), ligeiro (4,0-4,9), moderado (5,0-5,9), forte (6,0-6,9), grande (7,0-7,9), importante (8,0-8,9), excecional (9,0-9,9) e extremo (superior a 10).

Lusa | em Notícias ao Minuto | Foto: Reuters

Filipinas | Pelo menos dois mortos e um milhão de afetados por inundações

Pelo menos duas pessoas morreram e uma desapareceu nas Filipinas devido a inundações que afetam mais de um milhão de pessoas após a passagem da tempestade tropical Yagi, informaram hoje as autoridades.

O centro e o norte do arquipélago foram as áreas mais afetadas pelas fortes chuvas sentidas durante o fim de semana, de acordo com o último relatório do Conselho Nacional para Redução e Gestão de Risco de Desastres nas Filipinas.

Ambas as vítimas mortais afogaram-se dentro da área metropolitana de Manila, onde as chuvas e inundações foram mais graves e o alerta vermelho foi declarado.

Do milhão de pessoas deslocadas das áreas afetadas, cerca de 54.680 pessoas estão a receber assistência nos cerca de cem abrigos temporários instalados no país.

Cinquenta casas foram completamente destruídas, cerca de 3.120 sofreram danos parciais, enquanto três estradas no país foram cortadas desde sábado.

A Polícia Nacional das Filipinas mobilizou 2.300 agentes para missões de busca e salvamento em todo o país, no qual foram registadas fortes inundações no mês passado devido à passagem de três tempestades na mesma semana e que causaram uma dezena de mortos.

Embora a tempestade tropical Yagi já não esteja a afetar o território filipino, a agência meteorológica daquele país advertiu hoje que são esperadas chuvas fortes nos próximos dias devido à proximidade de uma depressão tropical.

Lusa | em Notícias ao Minuto | Foto: Reuters

Horta: Lalika Fó Ultimatu Ba Xefe Estadu

DILI: Bainhira governasaun ida atu la’o di’ak ba oin, tenke tau ema ne’ebé moos. Tanba ne’e, lalika fó ultimatu ba Prezidente Repúblika (PR), Francisco Guterres ‘Lú Olo’.

Laureadu Nobel da Pás, José Ramos Horta hateten, nu’udar observadór no eis-Prezidente Repúblika husu ba kada forsa polítika, kada instituisaun di’ak liu lalika fó ultimatu ba malu, liu-liu ba Prezidente Repúblika, tanba governasaun ida atu la’o ho didi’ak tenke haree mós ema ne’ebé ba tuur iha governu.

“Prezidente Repúblika hateten ona dala barak nia opiniaun, husu ba governu atu haree filafali ba elementu sira ne’ebé serve iha governu”, dehan nia, iha Palásiu Prezidensiál BairruPité, horisehik.

Nia hatutan, dala ruma halo ultimatu depois aumenta tan konflitu iha tensaun laran, tanba bainhira fó 'deadline' kuandu laiha kapasidade atu rezolve problema polítika ka depois la konsege implementa entaun laiha maioria atu halo prosesu tomak.

Antes ne’e, partidu Congresso Nacional Resistencia Timor-Leste (CNRT), fó atensaun ba Prezidente Repúblika iha loron sanulu atu fó pose ba kuadru membru governu nu’udar solusaun hakotu impase polítika.

Maski nune’e, haree husi kontestu legál, tuir Jurista timoroan, Manuel Tilman, bazeia Konstituisaun RDTL Artigu 79 númeru 3 sei hahú prosesu ne’e iha PN husi baluk da lima (1/5) ho deliberasaun aprovadu tuir maioria baluk tolu rua (2/3) husi deputadu hotu-hotu.

Konstituisaun RDTL Artigu 69 (Prinsípiu kona-ba haketak podér nian) dehan, órgaun soberania sira iha nia relasaun ba malu no bainhira hala’o knaar, tenke tuir prinsípiu separasaun no interdependénsia kbiit nian, ne’ebé iha lei inan nia laran.

Nune’e, bazeia ba artigu 106 (Nomeasaun) númeru 2 dehan, membru Governu sira seluk, Prezidente Repúblika mak sei hili husi Xefe Governu nia proposta.

Ne’e duni, Prezidente Repúblika la sala, tanba la kontra konstituisaun RDTL. Nune’e, konaba prezunsaun inosénsia la’ós kompeténsia husi Prezidente Repúblika.

Tanba ne’e, Prezidente Asosiasaun Majistratura Jurídiku Timor-Leste (AMJTL), Antonino Gonçalves hateten, atu lori Prezidente Repúblika ba tribunál sidadaun hotu-hotu iha diretu maibé tenke iha fundamentu.

Kazu polítiku tenke buka solusaun polítika, kuandu haree laiha solusaun no ne’e viola konstituisaun ka lei sira bele lori ba tribunál para deside. Maibé, Partidu CNRT sira mós tenke fundamentu tanba saida mak sira tenke lori ba tribunál, Prezidente Repúblika viola lei saida tenke esplika.

Ne’e duni, Deputadu Partidu Demokrátiku (PD), Mariano ‘Assanami’ Sabino, sujere katak, atu hakotu impase polítika ne’e dalan úniku atu uza maka tenke hasoru malu halo diálogu ho fuan no laran oinsá atu buka duni solusaun.

Partidu polítiku ne’e hanesan instrumentu demokrasia, tanba ne’e kuandu eleisaun remata ona partidu polítiku sira tenke buka malu hodi halo diálogu, maibé tenke ho totalidade labele ba halo fali ‘tawar menawar’ iha momentu diálogu ne’e.

Tuir Assanami, diverjénsia polítika husi lider nasionál sira ne’e uitoan de’it, maibé tanba interese grupu balun nian hodi dada ona impase ne’e atu besik ona tinan rua.

Votu ne’ebé maioria povu fó ne’e tenke nakfilak sai servisu ho responsabilidade, labele uza povu hodi atinji mehi polítiku sira nian de’it.

Atu ema labele sama beibeik povu ne’e nia dignidade, lideransa nasionál sira tenke halo ona diálogu karik la halo timoroan kontinua fahe malu na'i ulun boot sira nia dapur laran di'ak hela, maibé povu iha baze kontinua terus.

Cristina Ximenes | Independente

Pose Ba Membru Governu, PR Lú-Olo Seidauk Determina Tempu

DILI: Prezidente Repúblika, Francisco Guterres ‘Lú-Olo’, seidauk bele ajenda oráriu ba tomadade-pose membru governu na’in tolu, ne’ebé hetan ona aseitasaun hodi inkilina iha estrutura VIII Governu Konstitusionál.

Primeiru Ministru (PM), Taur Matan Ruak hateten, membru governu na’in tolu hanesan Samuel Marçal, Alfredo Pires no Rogério Mendonça laiha problema. Maibé tempu mak seidauk oportunu atu sira simu pose.

“Se Prezidente Repúblika marka ona data ita boot sira sei hatene, maibé kona-ba Ministru na’in tolu ne’e laiha problema,” dehan nia, iha Palásiu Prezidensiál Bairru-Pité, horisehik.

Eis-Prezidente ne’e realsa katak, bainhira Xefe Estadu iha ona tempu atu fó pose ba membru VIII Governu nian, sei fó sai ba públiku atu akompaña prosesu ne’e.

Iha fatin hanesan, eis-Prezidente Repúblika, José Ramos Horta hateten, Governu tenke haree didi'ak kualidade membru governu sira atu servisu ba dezenvolvimentu nasaun nian bele iha rezultadu.

“Ha’u la hatene no ha’u la komenta kualidade membru governu ha’u la koñese, maibé Prezidente preokupasaun ida ne’e no Primeiru Ministru mós iha preokupasaun ida ne’e. La'ós de’it iha partidu sira, maibé Xefe partidu sira bainhira hili ema ba governu tenke haree didi’ak”, tenik nia.

Laureadu Nobel da Pás ne’e hateten, governu atu serve povu ho matenek ho esperiénsia, entaun diálogu ne’e sira maka tenke halo. Hanesan sidadaun fiar iha tempu badak sei iha rezultadu tanba Primeiru Ministru halo esforsu duni.

Cristina Ximenes | Independente

Governu Garante Eletrisidade Sei La Mate

DILI, (TATOLI) – Ministru Reforma Lejislativa no Asuntu Parlamentár, Fidelis Leite Magalhães, alerta governu garante eletrisidade sei la mate iha Timor-Leste laran tomak.

“Governu halo esforsu hotu hodi ahi labele mate ka garante duni ahi sei la mate, mezmu informasaun espalla ona katak ahi sei mate tanba kestaun kombustivel,” Fidelis Magalhães hatán ba kestaun deputadu sira nian relasiona ho asuntu ahi, iha Parlamentu Nasionál, Ohin.

Nia dehan, governu halo esforsu atu ahi (eletrisidade) la mate. Ba  informasaun ne’ebé espalla katak tanba problema ho kombustivel ahi sei mate, ida ne’e governu hasoru malu ho kampaña (Timor Oan-ETO).  ne’ebé fornese mina ona, no kompañia garante katak sei nafatin supply mina no promete katak mina (kombustivel) sei la hotu.

“Sira husu mai governu atu fasilita hodi halo dezkarregamentu lais atu nune’e labele difikulta asesu ba fornesimentu mina ba jeradór, nune’e parte governu dehan ahi sei la mate,” Fidelis esplika tan.

Iha parte seluk, Deputadu hosi Partidu Demokrátiku (PD), Adriano do Nascimento kestiona eletrisidade sei mate tanba nia haree iha publikasaun mídia eletrónika no imprime.

Jornalista: Zezito Silva | Editór: Manuel Pinto

Imajen: Ministru Reforma Lejislativa no Asuntu Parlamentár, Fídelis Leite Magalhães. Foto António Goncalves

Luta Hamutuk Preokupa Transferénsia Fundu Minarai

DILI, (TATOLI) – Institutu ba Peskiza, Advokasia no Kampaña, Luta Hamutuk Preokupa transferénsia osan husi fundu minarai ba orsamentu Estadu iha sétimu no oitavu governu konstitusionál.

Basá, tuir análize Luta Hamutuk, transferénsia ne’ebé governu da-hitu halo ho montante dolár milaun 70 no oitavu governu nia proposta dolár milaun 140, loloos labele uza de’it materiál lei orsamentál 2017 artigu 9o, 7o nomós artigu 31o lei jestaun finanseiru kona-ba orsamentu duodésimu.

“Luta Hamutuk konsidera katak odamatan hodi halo transferénsia osan fundu minarai ba konta governu maka lei fundu minarai artigu 7o alinea 1,2,3 kona-ba transaferénsia, artigu 8o kona-ba rekizitu ba transferénsia, artigu 9o kona-ba transferénsia exededu estimasaun rendimentu sustentável, artigu 10o kona-ba transferénsia ba reembolsu”, dehan Diretór Ezekutivu Luta Hamutuk, José Alves da Costa, ba TATOLI iha edifísiu Luta Hamutuk, Farol, ohin.

Luta Hamutuk reforsa atu klarifika liutan katak la iha tan odamatan seluk hodi asesu transferénsia fundu minarai ba orsamentu estadu iha lei fundu minarai, signifika iha kualker governu labele uza de’it lei orsamentál nomós lei jestaun finanseira ne’ebé hakat liu lei fundu minarai iha artigu sira ne’ebé mensionadu.

“Artigu ida ne’e totalmente la fó dalan ba governu hodi bele foti osan sein liu Orsamentu Jerál Estadu ano fiskál. Signifika, hodi foti osan fundu minarai iha tinan ida só bele halo proposta dala ida liuhusi Orsamentu Jerál Estadu ba tinan ida nian, ne’ebé mak hetan ona aprovasaun husi Parlamentu Nasionál liuhusi debate orsamentál”, katak José Alves da Costa.

Maske nune’e, José Alves akresenta ita monu iha inserteza polítika ida ne’ebé mak lori tempu naruk, presiza konsidera no husu ba orgaun kompetente sira atu konsistente ho lei ida ne’e, tanba lei ne’e mak bele garante sustentabilidade ba fundu minarai ninian.

“Luta Hamutuk mós hanoin katak buat sira ne’e mosu, tanba arogánsia no ego husi lider polítiku sira; tenke hapara ona nune’e bele kria pás no estabilidade ekonomia, sósiu no kulturál iha rai doben ida ne’e ne’ebé ita-nia saudozu sira sakrifika sira-nia vida tomak hodi sosa kotuk ukun aan ida ne’e”, katak tan.

Nune’e, iha fatin hanesan, Organizasaun Naun Governamentál (ONG), Luta Hamutuk, liuhusi konferénsia imprensa husu ba Parlamentu Nasionál (PN) no governu harii fundu kontijénsia iha Timor-Leste (TL).

“Husu ba Parlamentu Nasionál no governu hodi harii fundu kontijénsia ne’ebé hamriik independentemente hanesan mós fundu minarai iha Timor-Leste, ne’ebé nia fontes orsamentu la’ós mai husi fundu minarai”, José Alves da Costa husu perante mídia.

Nune’e mós, husu ba PN nu’udar orgaun lejisladór atu manten prinsípiu lei fundu minarai nian, nune’e osan husi fundu minarai bele rai ba jerasaun agora no tuir mai. Inklui, ba PN hodi halakon ka hapara lei pensaun vitalísia ba eis titulár sira no husu ba governu hodi halo poupansa ba orsamentu estadu.

Halo poupansa ne’e, tuir Luta Hamutuk, hatuun saláriu atuál husi órgaun haat ho nia membru sira tomak, halo réjime espesiál utilizasaun patrimóniu estadu hanesan kareta sira ne’ebé ho marka Prado V8, Prado TX, no TZ ba de’it prezidente repúblika, primeiru-ministru ho nia ministru sira, prezidente parlamentu nasionál ho nia membru parlamentu sira, prezidente tribunál rekursu no labele fó espasu ba diretór jerál sira hodi uza marka hanesan.

Husu ba governu atu halo leilaun karte Prado V8, TX no TZ inklui kareta ho marka Jeep sira ne’ebé mak diretór jerál sira inklui gabinete prezidente repúblika uza durante ne’e tanba kareta hirak ne’e nia manutensaun karun tebes.

“Husu ba orgaun estadu atu serbisu hamutuk hodi nune’e bele dezenvolve di’ak liutan rai no povu ida ne’e ho dignu iha futuru”, tenik.

Entretantu, tuir komunikadu ne’ebé TATOLI asesu husi Luta Hamutuk, ohin, haktuir organizasuan ne’e hakarak hato’o pontu hirak ne’e ba governu no orgaun sira seluk atu konsidera, tanba públiku konfunde, dúvida no preokupa ho polítika governu da-hitu no da-ualu kona-ba mekanizmu no prosedimentu foti osan husi fundu minarai.

Dokumentu sira ne’ebé mak Luta Hamutuk uza hodi halo analiza mak Proposta Orsamentu Duodésimu, Lei Fundu Minarai, Lei Orsamentál nomós Lei Jestaun Finanseiru.

Jornalista: Rafy Belo | Editora: Rita Almeida

Imajem: Gabinete Luta Hamutuk. Foto: Rafy Belo