Kondisaun Aeroportu Presiza Hadia

DILI – Kondisaun Aeroportu Nicolau Lobato, sai preokupasaun boot ba traballador sira neebe servisu iha fatin nee, tanba bainhira tempu udan bee nakonu.

Hau hanoin setor infraestrutura tenke toma konsideirasaun, liu-liu ita nia infraestrutura iha Aeroportu rasik neebe ho fatin limitadu tebes, maibe liu husi esforsu neebe maka ami ihe bele fo atendimentu diak ba ema sira neebe tama sai iha fatin nee,” dehan Xefi Departementu Operasional Aeroportu Nicolau Lobato, Carmo Mario Soares ba jornalista (06/12/2017) iha nia knaar fatin Aeroportu.

Nia mos informa liu tan katak, kuandu rai udan atividade iha nee lao ladun diak tanba nakonu ho bee, maibe ho kondisaun neebe limitadu tan nee, obriga aan hodi fo atendimentu ba ema, tan nee presiza toma atensaun.

Iha parte seluk liu husi Joanico M, Costa hanesan emprejariu, liu husi telefone hateten, iha tinan kotuk liu ba nee governu TL impresta ona osan husi Nasaun doadores sira atu hadia Aeroportu Nicolau Lobato nee maibe, realidade too agora buat seidauk lao iha neeba.

Tuir observasaun TL nian iha Terenu katak, kondisaun Aeroportu oras nee nakonu ho duut no tempu udan nakonu ho bee, problema nee presiza governu toma atensaun lalais. 

Madalena Horta | Suara Timor Lorosae

Lere Lamenta Ema Balun Aproveita Situasaun Fahe Veteranus

DILI – Xefe Estadu Maior Jeral F-FDTL, Maijor Jeneral Lere Anan Timur lamenta ema balun dadaun nee aproveta situasaun politika hodi fahe Veteranus sira.

Lia hirak nee fo sai husi Xefe Estadu Maior Jeral F-FDTL Maijor Jeneral Lere Anan Timur ba jornalista, hafoin remata enkontru semenal ho Prezidente Republika Francisco Guterres Lú Olo, iha Palasiu Prezidente Nicolau Lobato Bairru Pite, Kuarta (6/12/2017).

Tamba saida maka Prezidente Komisaun ka Prezidente bankada lahalo konferensia imprensa, tenke haruka veterana ida halo konferensia imprensa hasoru nia maluk veteranus,” dehan Lere.

Veteranus 1975 atual Xefe Estadu Maior Jeral F-FDTL mos husu ba vetrenus sira lalika monu ba ema nia influensia, maibe mantein nafatin nudar vetenus.

Lere hateten sira neebe mai husi ai laran, biar kiak, halo sala maibe hamutuk nafatin ho hanoin atu lori nasaun Timor-Leste nee ba oin.

Ikus liu Lere apela ba lideransa nasaional sira hamutuk iha hanoin ida hanesan uluk tinan 24 iha ailaran, iha konfiansa ba malu atu lori nasaun nee ba iha ukun aan, neebe maka ohin loron Timor-Leste sai duni nasaun no povu ida. 

Natalino Costa | Suara Timor Lorosae

Ativista português promove construção de escolas em Timor-Leste

Lisboa, 06 dez (Lusa) -- O ativista da causa timorense nos Estados Unidos João Crisóstomo está a angariar fundos para construir escolas nas áreas montanhosas mais remotas de Timor-Leste, a primeira das quais será inaugurada em janeiro ou fevereiro do próximo ano.

Quinze anos após a independência, o emigrante português que nunca deixou cair a causa da autodeterminação de Timor-Leste junto das comunidades portuguesas nos Estados Unidos, visitou pela primeira vez este ano, em maio, o país e apercebeu-se de que nas montanhas, nas áreas mais remotas do território timorense, não havia escolas para as crianças.

Por isso, decidiu dar novo fôlego ao projeto de construção - começado por Rui Chamusco, outro português, agora seu parceiro nesta iniciativa - de uma escola num desses locais, Manati-Boibau, leste do país, onde só três das crianças residentes haviam conseguido vaga na escola mais próxima, a três horas de distância da povoação.

"E o problema é geral, há muitas crianças sem acesso ao ensino, pelo que pensei: primeiro, vamos construir esta e depois temos de fazer o mesmo nas montanhas onde for preciso", disse hoje à Lusa.

Parlamentos da CPLP querem promover mobilidade académica em 2019/2020

Lisboa, 06 dez (Lusa) -- A Assembleia Parlamentar da Comunidade dos Países de Língua Portuguesa (AP-CPLP) quer lançar no ano letivo de 2019/2020 uma fase-piloto do programa Pessoa, que pretende promover a mobilidade académica e aprofundar a cooperação científica.

A aposta no programa Pessoa é uma das deliberações da VII reunião da AP-CPLP, que decorreu esta segunda e terça-feira em Lisboa.

Os representantes dos parlamentos dos nove membros da CPLP comprometeram-se a "impulsionar politicamente, exortando os governos e os agentes administrativos e políticos, a concretização das medidas legislativas, administrativas e financeiras necessárias à instituição e desenvolvimento deste programa, permitindo o seu início no ano letivo de 2019/2020, através de uma fase-piloto".

O programa Pessoa -- semelhante ao Erasmus, aplicado ao espaço da CPLP -- é considerado como "instrumento fundamental de aproximação dos países de língua portuguesa e de reforço da identidade desta comunidade, que visa permitir a mobilidade dos estudantes, investigadores, docentes e não docentes".

Outro objetivo é o "aprofundamento da cooperação científica, académica e formativa e o diálogo e partilhas interculturais, permitindo a frequência letiva, durante um período de tempo determinado, de instituições de ensino de outro país da comunidade", lê-se na deliberação adotada pelos nove parlamentos.

Mariña Xina Tulun Asisténsia Médika ba Timor-Leste

DILI, (TATOLI) - Ró Ospitál Mariña, Repúblika Populár Xina, ho naran ARCA DA PAZ sei vizita Timor-Leste (TL) hodi fó asisténsia médika ba populasaun, veteranu, Polísia Nasionál Timor-Leste (PNTL), Falintil-Forsa Defeza Timor-Leste (F-FDTL), família no seluk tan, husi loron 14 to´o 21 dezembru 2017.

“Ró ospitál ne´e sei mai ho médiku ka doutór espesialista ba moras oi-oin,” ministru defeza no seguransa, José Agostinho Siqueira “Somotxo” anunsia liuhusi karta avizu,  Ministériu Defeza no seguransa ho nú. ref: 119/GabMDS/XII/2017, redasaun Ajénsia TATOLI asesu, kuarta (06/12) loro-kra´ik.

Médiku espesialista moras li´ur no laran mak hanesan iha, surgery, clinical medicines, traditional chinese medicine, acupuntura and moxibution, medical imaging diagnosis, stomatology medicine, dermatology, medical examination no seluk tan no ho ai-moruk nomós ekipamentu oi-oin.

Ró Ospitál Mariña, Repúblika Populár Xina, ho naran ARCA DA PAZ ne´e iha sala operasaun walu (rua ba operasaun kuidadu intensivu no neen ba operasaun jerál).

“Médiku ho ró lubuk ida hamutuk ho ita-nia médiku sira husi Hospital Nasionál Guido Valadares, F-FDTL no PNTL sei fó konsulta ba ema hotu ne´ebé mak hakarak halo konsulta ba saúde durante loron hirak nia ne´e nia laran,” refere karta avizu ne´e.

Ajenda ka programa ba konsulta hanesan

Kinta, 14 dezembru 2017;

Tuku 14:30 (loro-kra´ik), hahú tratamentu ba veteranu sira (liu-liu sirurjia/operasaun hasai kilat-musan ka estillasu iha isin, másimu ema na´in 30) ne´ebé ezamina, selesiona no rekomenda husi HNGV (Hospitál Nasionál Guido Valadares).

Tanba ne´e, ba veteranu sira ne´ebé hakarak hasai kilat-musan ka estillasu diriji uluk ba HNGV, divizaun asuntu veteranu hodi halo ona rejistu. Rejistu hahú loron 11, 12 no 13.

Sesta, 15 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Kontinua tratamentu ba veteranu sira ne´ebé rekomenda husi HNGV (sirurjia/operasaun hasai kilat-musan ka estillasu), hahú tuku 09:00 dader, iha Portu Díli.

Sábadu, 16 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta ba populasaun iha Ataúro (sei uza elikoptéru tula médiku, ekipamentu no ai-moruk). Hahú tuku 08:00 to´o tuku 11:00 no loro-kraik tuku 14:00-17:00, iha Ataúro.

Domingu, 17 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta iha embaixada Xina iha Díli, liu-liu ba populasaun sira besik embaixada hanesan Kampu Alor no Ai-tarak laran. Hahú tuku 08:00 to´o tuku 11:00 no loro-kraik tuku 14:00-17:00, iha embaixada Xina.

Sei halo konsulta ba populasaun iha Ataúro. Hahú tuku 08:00 to´o tuku 11:00 no loro-kraik tuku 14:00-17:00, maibé sei konfirma loos iha, 16 dezembru.

Segunda, 18 dezembru 2017;

Konsulta ba populasaun. Dader tuku 08:00 to´o tuku 11:00 no loro-kraik tuku 14:00-17:00, iha Portu Díli.

Sei halo mós konsulta ba militár F-FDTL ho família no PNTL. Hahú tuku 08:00 to´o tuku 11:00 no loro-kraik tuku 14:00-17:00, iha Ministériu Defeza no Kuartel Jenerál F-FDTL, Fatuhada, Díli.

Tersa, 19 dezembru 2017;

Konsulta ba populasaun sei halo iha dader de´it. Hahú tuku 08:00 to´o tuku 11:00, iha Portu Díli.

Konsulta ba F-FDTL no PNTL. Hahú tuku 14:00 to´o tuku 17:00.

Kuarta, 20 dezembru 2017;

Konsulta ba F-FDTL no PNTL sei halo iha dader de´it. Hahú tuku 08:00 to´o tuku 11:00, iha fatin hanesan.

Entretantu, prezensa ró ospitál husi Repúblika Populár Xina mai Timor-Leste, ho naran ARCA DA PAZ ne´e, tanba konvite husi Timor-Leste hodi realiza misaun umanitária. Nune´e, bele hametin liutan relasaun entre instituisaun defeza no povu nasaun rua nian, Timor-Leste no Xina.

Vizita ró ospitál militár ARCA DA PAZ ne´e nu´udar vizita dahuluk mai iha Timor-Leste.

Jornalista: Rafy Belo | Editór: Manuel Pinto

Informasaun FRETILIN la simu proposta CNRT, deside ba opozisaun lalos

XANANA la husu saláriu ba VII Governu

Sekretariu Jeral Partidu Congresso Nacionál de Recontrução Timorense (CNRT) Francisco Calbuady Lay, hatete, CNRT rejeita informasaun ne’ebé espalla iha media sosial katak, CNRT ba opozisaun tanba FRETILIN la simu proposta rekomendasaun  ba pozisaun tolu hanesan Ministériu Finansa, Rekurusu Minerais no Ministériu Planeamentu Investimentu Estratéjiku (MPIE), tamba ne’e laloos.

Sekretariu Jeral Partidu CNRT, Francisco Calbuady Lay, esplika, informasaun ne’ebé espalla katak, CNRT ba opozisaun tanba FRETILIN la simu proposta rekomendasaun  ba pozisaun tolu ne’e lalos no laiha baze fundamental.

“Antes ne’e, Prezidente Partidu CNRT Kay Rala Xanana Gusmão hato’o proposta rekomendasaun ne’e, CNRT hili nanis atu sai opozisaun iha Parlamentu Nasional tanba lamanan maioria,”haktuir Francisco Kalbuadi Lay, liu hosi konferensia imprensa ne’ebé hala’o iha sede nasionál CNRT, Bairo sentral Dili, Tersa (05/12/2017).

Forma Saida Mak Governu-Dahituk Konsentra Hodi Reforsa Kooperasaun Internasionál?

Dezafius no Oportunidade

Hosi: Ambrósio Dias Fernandes (Rósio)* | opiniaun

Sétimu governu konstitusionál simu posse iha 15 Setembru 2017, hosi S.E Prezidente da Repúblika Dr. Francisco Guterres Lu-olo, hafoin S.E Dr. Mari Alkatiri sai Primeiru Ministru, S.E Dr. Aurélio Guterres nu’udar Ministru Negósiu Estranjéiru no Kooperasaun ba mandatu 2017-2022. Governu ofisialmente hahú dadaun servisu balun no sei aprezenta tan programa governu ba dala-rua ba Parlamentu Nasionál, iha biban ne’e hakerek-nain hakarak fó énfaze liu ba programa Ministériu Negósiu Estranjéiru no Kooperasaun (MNEK) nian, oinsá sétimu governu bele buka forma ne’ebé apropriadu atu reforsa no konsolida kooperasaun internasionál. Konstituisaun Timor-Leste artigu 8 no 115 fó kompeténsia tomak ba Governu, liu-hosi desizaun Konsellu Ministrus ba aprovasaun polítikas jerais molok MNEK ezekuta planus no polítika estérna Timor-Leste nian. Planu Estratéjiku Dezenvolvimentu Nasionál (PEDN 2011-2030) hatu’ur mós prinsípiu ba polítika estérna hodi estabelese relasaun mútua ho ema no nasaun hotu-hotu, liu-liu nasaun viziñu sira hanesan Austrália, Indonézia, ASEAN, CPLP no Ázia Pasífiku (A Million Friends and Zero Enemies).

Depoizde Prezidente Repúblika promulga tiha Dekretu Lei Númeru 35/2017, Lei Orgânica Do VII Governo Constitucional, hakerek-nain konxiente katak, governu atuál hasoru dezafiu oin-oin kona-ba impasse polítika ne’ebé seidauk remata, klaru ida ne’e sei afeta ba ideas no polítikas ne’ebé hakerek-nain aprezenta, maibe fiar katak governu atuál ka futuru governu bele tau iha konsiderasaun.

Karta Xanana Ba PM Alkatiri Nu’udar Kompadre

DILI, (TATOLI) - Primeiru Ministru Sétimu Governu Mari Alkatiri rekoñese katak Prezidente Partidu CNRT, Kay Rala Xanana Gusmão hakerek karta ida ba nia, maibé karta ne’e Xanana hakerek hanesan kompadre.

Ho ida ne’e nu’udar kompadre ba Xanana Gusmão, Mari Alkatiri sei hein nia kompadre Xanana to’o iha Timor mak sira na’in rua ko’alia ba malu.

“Karta nee segredu entre ha’u ho Xanana Gusmão. Karta husi kompadre ida ba kompadre seluk entre ami na’in rua mak hatene, ami rua sei ko’alia bainhira hasoru malu,” Primeiru Ministru Dr. Mari Alkatiri informa ba jornalista sira iha selebrasaun natal ksolok no tinan foun 2018 governu ho korpu diplomátiku sira, iha Lauhata, Likisá, Kuarta (06/12).

PJR-KAK Lansa Livru Jornalizmu Investigativu

DILI, (TATOLI) - Prokuradór Jerál Repúblika, José Ximenes inklui autoridade prevensaun no kombate KKN (Korrupsaun, koluzaun no nepotizmu) lansa módulu treinamentu jornalizmu investigativu, prodúz husi CEPAD-Sentru Estudu ba Dame no Dezenvolvimentu, ne´ebé utiliza iha treinamentu ba jornalista sira, durante loron tolu, 19-21 Setembru 2017.

Módulu ho títulu Habiit Koñesimentu Mídia ba Prevene Korrupsaun iha Timor-Leste ne´e, lansa iha Salaun Delta Nova, Dili, Kuarta (06/11), iha ámbitu komemorasaun loron mundiál ba korrupsaun, sei monu iha Sábadu (09/12), organiza husi CEPAD, Husi Ita Ba Ita.

Hafoin lansamentu, módulu ne´e entrega diretamente ba reprezentante jornalista, husi mídia imprime no eletrónika, la inklui Ajénsia Notísias Timor-Leste-TATOLI no online, www. Tafara.tl.

Módulu treinamentu jornalizmu investigativu ne´e kompostu husi pájina 34 ho konteúdu hanesan; definisaun korrupsaun, impaktu korrupsaun, instituisaun xave ba kombate korrupsaun, papél mídia iha jornalizmu investigativu.

Violensia Domestika ‘Dezeña’ Tribunal Lorloron

DILI: Violensia ne’ebé akontese entre feto no mane hanesan la hotu hela de’it. Ida ne’e bale hatudu liu husi audensia julgamentu ne’ebé Tribunal Distrital Dili hala’o lorloron.

Tuir dadus ne’ebé iha, kuaze lorloron TDD sempre halo julgamentu ba kazu violensia domestika.

Prezidente Asosisaun Mazislatura Judisiariu Timor-Leste (AMJTL), Antonino Goncalves konsidera kazu violensia domestika ne’e mosu barak tanba ekonomia uma laran no deskonfia malu.

Tuir nia, uluk kazu violensia domestika ladun maibé daudauk ne’e kazu ne’e barak tebtebes ona. “Violensia domestika uluk kuaze ladun maibé agora ne’e barak demais ona. Kazu violensia (domestika) tama mai iha tribunál ne’e tanba ekonomia uma laran, deskonfia malu,” dehan Prezidente AMJTL ne’e iha nia knar fatin, TDD, Tersa (05/12).

Liga Árabe konvoka reuniaun emerjénsia hodi ko'alia estatutu Jeruzalén nian

Iha loron-kuarta ne'e Liga Árabe konvoka ona reuniaun emerjénsia ida hosi ministru sira Negósiu Estranjeiru sira hosi rejiaun ne'e hodi ko'alia kona-ba intensaun Estadus Unidus nian hodi rekoñese Jeruzalén hanesan kapital Israel nian.

Konvokasaun hosi reuniaun ne'e husu hosi Jordánia, hafoin pedidu ida hosi Palestina, no hafoin Prezidente Estadus Unidus nian, Donald Trump, komunika ba líder árabe balun nia hanoin hodi muda nia embaixada hosi Telavive ba Jeruzalén.

Trump telefone ona iha loron-tersa ne'e ba liurai-mane Abdullah II hosi Jordánia, ba prezidente ejípsiu, Abdelfatah al Sisi, no ba prezidente hosi Autoridade Palestinianu nian, Mahmud Abbas, hodi hatete ba sira kona-ba desizaun ne'ebé karik sei halo ofisial iha loron-kuarta ne'e iha tuku 13:00 oras lokal.

Ativista sira hosi Amnistia Internasional denunsia violasaun ba direitu hosi ema metan sira iha Brazil

Ativista sira hosi Amnistia Internasional konsentra, iha loron-kuarta ne'e, iha Ministériu Justisa Brazil nia oin hodi protesta hasoru violasaun sira ba direitu ema nian hosi populasaun metan, maioria iha nasaun.

"Ami eziji direitu ba moris livre ida hosi prekonseitu sira no violénsia", hatete iha dokumentu ida ne'ebé entrega hosi Amnistia Internasional ba Ministériu Justisa, hodi haktuir relatóriu oioin ne'ebé retrata nível aas hosi violénsia ne'ebé maka ema metan no mulatu sira hetan, ne'ebé reprezenta besik 55% hosi populasaun brazileiru.

Tuir informasaun sira ne'e, joven metan sira hamutuk rihun 23 resin ema oho tinan-tinan iha nasaun, ekivale ba 70% hosi ema sira ne'ebé lakon nia moris iha asaun sira violénsia nian.

Papa defende manutensaun hosi estatutu Jeruzalén nian

Papa Francisco husu ona, iha loron-kuarta ne'e, respeitu ba estatutu Jeruzalén nian no "sabedoria ho prudénsia", iha tempu ne'ebé Prezidente Estadus Unidus nian prepara hodi rekoñese sidade hanesan kapital Israel nian.

"Ha'u labele hakmatek ho ha'u nia preokupasaun maka'as hasoru situasaun ne'ebé maka mosu iha loron hirak ikus ne'e" kona-ba Jeruzalén, papa hatete no la haktuir diretamente anúnsiu hosi Donald Trump.

"Ha'u husu ba ema tomak atu kompromete hodi respeita estatutu sidade nian, konforme ho rezolusaun sira hosi ONU", nia subliña durante audiénsia semanal, ba fiar-na'in millaun resin, iha Vatikanu.

Vladimir Putin anunsia katak nia kandidatu ba prezidensial rusu tinan 2018

Prezidente rusu, Vladimir Putin, anunsia iha loron-kuarta ne'e katak sei kandidata aan ba mandatu dahhat iha prezidensial sira ne'ebé previstu ba loron 18 Marsu 2018 iha Rúsia.

"Ha'u anunsia ha'u nia kandidatura ba kargu prezidente Rúsia nian", Putin hatete durante enkontru ida ho operáriu sira hosi fábrika automóvel GAZ iha Nijni Novgorod, iha Volga, ne'ebé transmiti diretu hosi televizaun.

"Ha'u hetan fatin di'ak ida no momentu di'ak ida" ba anúnsiu, nia hatete, no operáriu sira basa-liman maka'as.

Vladimir Putin kumpri ona mandatu prezidensial rua susesivu, entre tinan 2000 no 2008. Hafoin ne'e, tanba konstituisaun bandu hodi kandidata fali, nia kaer knaar sira nu'udar primeiru-ministru bainhira aliadu Dmitri Medvedev, iha kargu prezidente nian, aumenta mandatu prezidensial ba tinan neen. Iha tinan 2012, bainhira Medvedev hakotu nia mandatu, Putin kandidata fali no eleitu fali nu'udar prezidente.