OJE 2016 Prioridade ba ZEESM

DILI - Orsamentu Jeral Estadu ba tinan 2016 hamutuk 1.5 I 72 Milloens inklui emprestimu, neebe sei prioridade ba iha Zona Espesial Ekonomia Sosial Mekadu (ZEESM).

Membru Parlamentu Nasional husi bankada CNRT, Arao Noe de Jesus Amaral hatete, OJE 2016  1.5 i 71 Milloens, hasai tiha emprestimu mak 1.4 ba leten,agora prioridade liu ba Orsamentu Jeral Estadu nee maka ba ZEESM Oecusse maka 217 milloens dolar.

Hau hakarak hatete lolos deit katak, Orsamentu Jeral Estadu ba tinan 2016 iha 1.5 I 72 Milloens inklui emprestimu, I hasai tiha emprestimu mak 1.4 ida ba leten, agora prioridade liu ba Orsamentu Jeral Estadu nee maka ba ZEESM Oecusse maka dozentus I dizasete milloens de dolar nee katak husi orsamentu total ho emprestimu 1.5 I 72 nee maka dozentus dizasete milloens ba deit Oecusse,” dehan deputadu Arao ba jornalista sira iha PN, Dili, Segunda (30/11/2015).

Nia hatete, orsamentu sira seluk mak aloka ba dezemvolvimentu tasi mane, neebe programa nee mai kedas husi 2010,  agora komesa halo ona preparasaun, konstruksaun ba auto Estrada husi ponte iha Suai neebe tau orsamentu 10 milloens para atu halo, hanesan mos kontru sira seluk mak halo reforma Administrasaun Publika neebe programa principal atu halo.

Iha fatin hanesan membru PN husi bankada Frente Mudanca, Jorge da Conceicao Teme hatete, prioridade ba OJE 2016 iha item salariu vensimentu sae, program sira hanesan area tematika hanesan Edukasaun, Saude, Sosial no SEM nian tun. Informsaun kompletu iha STL Jornal no STL Web, edisaun Tersa (01/12/2015). Carme Ximenes

Suara Timor Lorosae

Dezemvolve Oe-Cusse, Taur Preokupa Reseita Ba Estadu

TAIBOCO - Prosesu Dezemvolvimentu neebe mak lao iha Oecusse oras nee fasil liu, tamba simu no gasta osan ba projeitu neebe mak lao maibe susar mak hatama reseita ba estadu iha tinan oin mai.

Tuir Prezidente Republika Taur Matan Ruak Katak wainhira vizita sentral eletrisidade sei lori dezemvolvimentu iha Oecusse, maibe povu iha munisipiu 12 kesi kabun, povu aseita no hakarak osan barak aloka duni ba Oecuse no oituan ba ba sira, tamba husi Oecusse mak Timor Leste moris.

Hau hanesan Prezidente Republika hau apoiu projeitu nee masmu hau hatene agora nee gampang liu tamba simu osan no gasta osan deit, maibe defisil mak imi oecusse hatama osan ba estadu ou laiha nee ita lakon. Poir liu tan imi lamanan,” dehan Taur liu husi Dialogo komunitaria ho Povu suku Taiboco, Postu Administrativu Pante Makasar, Oecusse.

Xefi Estadu hatete Problema prezidente nian mak povu Oecusse prontu hetan benefisiu husi projeitu neebe mak lao ou povu sai Hare nain, kuandu povu penonton oras nee estadu lori dezemvolvimentu tan nee povu tenki partisipa iha dezemvolvimentu.

Candido Suni nudar Fasilitador hatete, poltika ba tinan lima mak Estrada, Eletrisidade, Bee mos, Edukasaun no saude inkliu dezemvolvimentu seluk, tan nee estadu presiza fo atensaun. Informsaun kompletu iha STL Jornal no STL Web, edisaun Tersa (01/12/2015). Timotio Gusmao

Suara Timor Lorosae

Governu La bele Lohi Povu Mina Sei Iha, Juvinal: Mina Kitan Maran Ona

DILI - Governu la bele lohi povu katak mina Kitan sei iha, maibe mina kitan agora maran ona, nee prezudika atu dezenvolvimentu no povu nia moris iha pais ida nee.

Lia hirak nee hatoo husi Peskizador Lao hamutuk Juvinal Dias, ba STL iha nia knar fatin, Bebora, Dili, Segunda (30/11/2015).

Iha future mina sei la iha, maske sira husi Ministru Petrolium ho Timor Gap dehan katak Kitan kontinua, nee sira nia informasaun mos la los ida, tamba kitan atu para ona. Sira la bele kontinua lohi povu katak mina sei barak hela, mina Kitan la iha ona, naran maka hakere iha neeba, maibe nia produsaun menus los ona,” hateten Juvinal.

Nia haklean tan katak se mina la iha ona, governu tenki dezenvolve rekursu seluk, Eduksaun, Saude tenke forte para atu bele iha kualidade ema neebe diak, agrikultura tenki hamoris para iha produsaun, turismu tenki halo luan no industria kiik iha rai laran tenki haforsa, TL la bele lakon oportunidade hela deit hodi tau matan ba buat neebe la klaru.

Tuir Prezidente Konsellu Konsultivu Fundu Petrolifero (KKFP) Mericio Akara katak informasaun Mina posu Kitan nee tinan oin la produs tamba maran ona, tamba nee uza kalkulasaun dezain nee la uza ona rendementu husi kitan, sei uza deti rendementu husi Bayu Undan. Informsaun kompletu iha STL Jornal no STL Web, edisaun Tersa (01/12/2015). Joao Anibal

Suara Timor Lorosae

Lei Parpol fo Vantajen ba Partidu Kiik

DILI - Lei Partidu Politik neebe aprova husi Parlamentu Nasional (PN) foin lalais nee, no haruka ona ba iha Presidenti Republika Taur Matan Ruak atu promulga, sei fo vantajen ba partidu kiik sira.

Membru Parlamentu Nasional husi bankada CNRT, Francisco da Costa hatete, Lei parpol neebe PN haruka ba ona iha PR Taur atu promulga, sei fo vantajen ba partidu kiik sira, tamba lei nee sita artigu ida hatete dehan partidu ida hakarak rejistu iha Tribunal tenke priensia 20 mil.

Lei nee hau bele dehan fo vantajen ba partidu kiik sira, tamba lei nee sita artigu ida hatete dehan, partidu ida hakarak rejistu iha Tribunal tenke priensia 20 mil,” dehan deputadu Francisco ba jornalista sira iha PN, Dili, Segunda (30/11/2015).

Nia hatete, partidu ida iha 20 mil apoiantes signifika katak, nia bele tama ona iha Parlamentu nasional, tamba nee vantajen boot ba partidu kiik sira.

Iha fatin hanesan membru PN husi bankada PD, Paulino Monteiro hatete, Knar Parlamentu nian aprova ka laaprova, maibe iha momentu nee sira aprova ona, agora haruka ba Presidenti Republika nia kompetensia atu estuda. Informsaun kompletu iha STL Jornal no STL Web, edisaun Tersa (01/12/2015). Carme Ximenes

Suara Timor Lorosae

Violensia Domestika Aas, Taur Fo Numeru Kontaktu Ba Povu

OECUSSE - Problema violensia Domestika neebe aas iha Reziaun Administrativa Espesial Oecusse no Ambeno, halo Prezidente Republika Taur Matan Ruak fo ninia numeru kontaktu ba povu atu nune mane halo vialensia hasoru feto bele kontaktu.

Prezidente Republika Taur Matan Ruak fo sai nia numeru Kontaktu ba povu, wainhira halao dialogu komonitaria iha suku Taiboco, Postu Administrativu Pante Makasar, katak kuandu iha Mane balun neebe halo violensia hasoru feto bele kontaktu ba Prezidente.

Hau husu ba inan feton sira kuandu iha mane sira halo violensia hasoru imi bele halo kontante hau nia numeru kontantu, Prezidente fo nomeru kontaktu 77230*** bele haruka SMS,” dehan Taur iha Sede Suku Taiboco.

Nia hatete wainhira halo Vizita fatin balun, sidadaun balun kestiona katak uluk prezidente sei halo kampaina loke telephone, sae tiha Prezidente telephone mate, maibe prezidente dehan loke telephone oras 24 tamba buka votus, agora taka Tamba atu hare ba dezemvolvomentu nasaun.

Iha fatin hanesan Justina Elo hatete nia parte senti kontente tamba Prezidente bele vizita sira hodi fo ninia nomor kontaktu ba feto sira, neebe mak sempre hetan violensia husi mane sira. Informsaun kompletu iha STL Jornal no STL Web, edisaun Tersa (01/12/2015). Timotio Gusmao

Suara Timor Lorosae

Prosesu Tenderizasaun Supply Base Iha Cacat Hukum

DILI - Prosesu tenderizasaun ba prozetu Suai Supply Base, husi Sosiadade Sivil sira konsideira iha cacat hokum, tamba gasta osan barak, maibe nina retornu ekonomiku nee la iha justifikasaun.

Lia hirak nee hatoo husi Peskizador Lao Hamutuk Juvinal Dias, ba STL iha nia servisu fatin, Bebora, Dili, Segunda (30/11/2015).

Klaru iha buat balun ami konsideira katak cacat hukum iha prosesu tenderizasaun ba prosesu Suai Supply Base, primeiru ami mos hare katak prozetu supply Base ida nee, gasta osan barak liu, besik Bilaun ida resin, maibe ninia retornu ekonomiku nee la iha justifikasaun,” hateten Juvinal.

Nia haktuir katak Timor Gap ho Ministeru Petrolium, seidauk fo informasaun ida ba publiku oinsa atu bele hetan osan husi gastus hirak nee, sira fo deit mehi katak sei fo bilaun ba biliaun, maibe oinsa bilaun nee bele mai.

Informasaun barak konaba deskonfia kompania Hyundai, ninia patraun balun involve kolusaun iha Korea, konaba komisaun ba merkaduria neebe justu ho servisu aprozinamentu publiku nia fo ona pena ba Hyundai, atu la bele hetan kontratu husi governu durante tinan rua oin mai.

Iha parte seluk Diretur Ezekutivu Asosiasaun HAK Manuel Monteiro hateten orgaun 4 iha estadu TL nia laran kontra malu bebeik e bebeik hakur liu lei, Kostitusaun RDTL preve katak prinsipiu, separasaun poder nee klaru, maibe iha pratika implementasaun nee ukun nain sira haksoit liu lei. Informsaun kompletu iha STL Jornal no STL Web, edisaun Tersa (01/12/2015). Joao Anibal

Suara Timor Lorosae