Kampaña eleitorál no juventude nia papél atu defende interese povu nian

Celestino Gusmão* | Díli | opiniaun

Staff La’o Hamutuk ba asuntu ekonomia, Governasaun, direitus umanus no demokrasia

Kampaña polítika mak forma ida husi komunikasaun polítika ida-ne’ebé hala’o husi kandidatu ida ho nia ekipa ka partidu polítika sira durante tempu determinadu, ho objetivu atu hetan apoiu polítiku (votu) husi sidadaun sira. Liu husi kampaña, votante sira bele deside partidu ne’ebé mak merese hetan sira-nia votu. Kampaña polítiku parte importante husi edukasaun popular, tanba bele hamosu diálogu entre kandidatu ka partidu no povu kona-ba asuntu fundamentál sira ne’ebé liga ho dalan ba transformasaun sosiál. Kampaña eleitorál ne'ebé di’ak tenke hato’o informasaun klaru no loloos kona-ba pozisaun ba asuntu xave sira ba povu no tenke inklui diálogu ho povu.

Uza sasukat ida-ne’e, relatóriu observasaun oin-oin fó sai katak eleisaun parlamentár tinan ida-ne’e, di’ak liu kompara ho eleisaun prezidensial no eleisaun sira antes ne’e. Partidu Polítiku sira realiza diálogu barak ho povu iha fatin oin-oin inklui halo talk show no debate iha televizaun sira. Diálogu mosu bainhira iha konversa entre parte rua: lider Partidu Polítiku sira ne’ebé ko’alia sira nia programa no votante ka sidadaun sira ne’ebé husu pergunta kona-ba asuntu ne’ebé sira seidauk komprende ka partidu seidauk kobre. Durante talk show no debate entre partidu polítiku sira, Partidu sira hatán pergunta esensiál sira ne’ebé moderadór husu, nune’e partisipante, haree na’in no rona na’in sira bele komprende.  

Kompara ho eleisaun parliamentáriu, eleisaun prezidensiál tinan ida-ne’e, tempu la sufisiente atu kandidatu sira ko’alia kle’an liu sira-nia vizaun, misaun no programa polítika ba apoiante no votante sira. Husi tempu uitoan ne’ebé iha, polítiku sira mós la uza másimu nudár oportunidade ba edukasaun atu lori kompriensaun ba povu. Infelizmente dala barak kandidatu sira hatún malu de’it hodi kompara sé mak halo di’ak no sé mak la halo di’ak ba rai ida ne’e. Maske jerálmente nune’e, buat pozitivu ida mak kuaze kandidatu hotu husi eleisaun prezidensiál partisipa iha talk show no debate sira.

Ko’alia saida de’it durante periodu kampaña husi kandidatu no polítiku sira, nudár forma husi liberdade espresaun ni’an. Lei la sensura (bandu) kandidatu sira atu ko’alia saida de’it, maibé kampaña ne'ebé di’ak loloos tenke foka ba programa polítika saida mak kada kandidatu no partidu polítiku sira iha atu bele ajuda koñesimentu votante sira nian ba buat importante husi eleisaun no sira nia moris.

Buat ida ne'ebé presiza tau matan mós iha tempu kampaña mak aproveitamentu partisipante sira nian. Maske partidu sira halo ona esforsu hodi lori votante sira ba komprende asuntu importante sira, maibé esforsu ida-ne’e seidauk hetan aproveita másimu husi joven no estudante sira. Joven no estudante uitoan de’it mak partisipa iha diálogu no debate sira ne’ebé temi iha leten. Joven barak liu partisipa iha kampaña eleitorál nakloke sira maibé barak liu husi sira mak bá hatudu lian boot motor no karreta nian, bá hatudu sira-nia espresaun liu husi lori bandeira no símbolu partidu sira nian iha públiku duke bá rona ho atensaun programa polítika ne’ebé partidu polítiku sira ko’alia.

Sidadaun sira barak mak labele partisipa iha partidu oin-oin nia kampaña tanba sei eziste toman ka bolu malu “ai-kakeu”. Liafuan ida-ne’e refere ba ema sira ne’ebé disponivel ba partisipa iha eventu kampaña partidu seluk nian, la’ós ida-ne’ebé antes nia hola parte ba. Ideálmente, povu bele hetan espasu atu rona, konfirma no hato’o sira hanoin ba partidu polítiku ne'ebé de’it kona-ba buat ne’ebé sira hanoin di’ak ba sira-nia futuru.

Timor-Leste adopta demokrasia reprezentativu, sistema governasaun ida-ne’ebé fó kbiit ba povu atu hili reprezentante sira ne’ebé serbisu governasaun nian. Sistema governasaun ida-ne’e fó podér boot ba ukun-na’in sira hodi planeia no deside nasaun nia vida. Sira bele deside, promove ka la promove partisipasaun másimu povu nian iha prosesu dezenvolvimentu, tanba ne’e povu labele husik de’it lider sira deside buat hotu konforme sira nia hakarak. Sidadaun hotu tenke eduka an, eduka malu no akompaña nafatin reprezentante sira iha prosesu foti desizaun.  Polítiku sira mós iha devér atu maximiza partisipasaun sidadaun sira nian iha prosesu foti desizaun, liu husi mekanizmu ne'ebé transparente no edukativu.  

Dala barak iha Timor-Leste, lider sira mak sai fali sentru ba desizaun no realiza valór, prinsípiu no programa polítika sira. Tuir loloos realizasaun ne’e tenke bazeia ba desizaun koletivu no orienta husi statuta no manuál partidu polítika ida-idak nian.

Povu tomak inklui juventude sira, hotu-hotu tenke hamriik no foti pozisaun hodi asegura katak ukun-na’in sira reprezenta duni direitu no interese povu nian, la’ós defende sira-nia interese de’it.

Seidauk tarde atu hadi’ak no hasa’e kualidade demokrasia Partisipativa iha Timor-Leste, hodi evita elite sira de’it mak deside povu nia moris. Tenke hadi’ak sistema fornesimentu informasaun ba públiku, tanba too agora maioria informasaun ne’ebé disponivel la sufisiente, husi informasaun sira ne’ebé disponivel iha de’it ho lian Ingles no Portugés, no seidauk iha mekanizmu adekuadu atu ajuda públiku komprende informasaun sira ne'ebé iha.

Hakat hotu ne’ebé ita-nia ukun-na’in sira halo tenke bazeia ba koñesimentu no realidade ita-nia povu nian, nune’e bele asegura katak la esklui povu nia partisipasaun, direitus no interese. Partidu polítiku sira mós presiza realiza regulármente formasaun polítika iha partidu laran ba militante sira, iha nivel nasionál no area rural sira hodi sidadaun sira bele hetan informasaun adekuadu kona-ba partidu nia baze polítika ba libertasaun loloos povu nian.

Juventude no estudante sira mak reprezenta orgullu no futuru nasaun nian. Joven sira mós iha kbiit atu deside nasaun nia futuru, liu husi partisipasaun ativu iha lala’ok estadu nian hodi asegura katak estadu nia prezensa nudár solusaun ba povu hotu nia problema.

Viva juventude!

A Luta Kontinua!   

Timor-Leste Sei La Hatodan ASEAN

DILI, (TATOLI) – Vise-ministru Negósiu Estranjeiru no Kooperasaun, Roberto Soares hatete adezaun Timor-Leste hodi sai membru ASEAN (Association of Southeast Asian Nations) la’ós atu sai naha todan, sai obstakúlu ka atu tane liman ba organizasaun aziátika maibé atu kontribui ho nia potensialidade.

“Halo Timor-Leste nia prestíjiu, nia naran mós morin no boot liutan liliu hodi asegura ita-nia indepedénsia, ita-nia soberania no ita-nia integridade teritoriál”, hatete nia ba jornalista sira hafoin partisipa komemorasaum tinan 50 ASEAN nian iha embaixada Filipina, Farol, Dili, ohin.

Nia informa, tinan ne’e, membru ASEAN sira halibur hamutuk iha Filipina, halo diskusaun ida ne’ebé mak kle’an mós ba Timor-Leste nia dezeju hodi adere ba organizasaun rejionál ne’e.

Sira haree no halo análize ida kle’an ba estudu independente ne’ebé husi nasaun ASEAN sira ne’ebé mak haruka mai hodi haree Timor-Leste nia prontidaun iha pilár importante tolu atu sai ba membru ASEAN.

KI Identifika Infrasaun Balansu iha Publikasaun Mídia

DILI, (TATOLI) – Prezidente Konsellu Imprensa (KI), Virgílio da Silva Guterres informa observasaun KI durante kobertura mídia iha eleisaun parlamentár identifika infrasaun ba balansu (cover both sites) tanba laiha konfirmasaun ho fonte sira ne’ebé sai objetu krítika husi fonte seluk.

“Porsaun kobertura, mídia balun fó kobertura barak liu ba partidu balun”, hateten Prezidente KI liuhusi konferénsia imprensa iha edifísiu KI Kintál Boot, ohin.

Mídia fó espasu barak liu ba partidu boot no laduun fó oportunidade ba partidu ki’ik sira. Nune’e mós ba publisidade, boot tebes ba partidu sira ne’ebé mak iha rekursu finanseiru maka’as.

Tanba asuntu ne’e seidauk iha lei hodi regula publisidade partidu polítiku, KI foti hanesan referénsia hodi kontinua sai baze advokásia atu rekomenda ba governu no parlamentu lejislatura foun atu haree, halo revizaun ka hamosu lei ne’ebé bele regula.

Ho kestaun sira ne’e, presiza konsellu redasaun ida ne’ebé forte no indepéndente husi influénsia hothotu iha kada kanál mídia atu garante lia loos no públiku nia direitu ba asesu informasaun.

RTTL | DIRETO

RTTLep Live TV

Volume Estudantes Tuir Aula Depende Ba Merenda Escolar

Merenda escolar sai fator determinante ba iha prezensa estudantes nian iha aula hodi tuir prosesu aprendizajen, atrai labarik sira tama eskola ho regularmente.

Koordenador Ensino Baziku Filial Rumbia, Abilio Pereira da Conçeicão hateten iha fulan neen liu ba (Janeiru-Junho) frekuensia estudantes iha aula tuun maka’as, liu –liu barak mak falta tanba laiha merenda eskolar.

Tanba ne’e, nia sujere programa merenda eskolar tenke kontinua, tanba bainhira para fo impaktu bo’ot tebes, ida ne’e bele kauza sira bele repete tan klase.

“Merenda eskolar ne’e hanesan besi asu hodi dada labarik sira mai eskola, tanba ita hatene familia ida-rua, han dala ida ou dala rua iha loron ida entuan ajuda tebes labarik sira mai eskola frekuentemente,” nia hateten, iha Kaikoli, Dili.

Solar Panel Mak Energia Alternativu iha Timor–Leste

Xefe suku Lausi, Adelaide de Carvalho hateten solar panel mak hanesan energia alternativu ida ba populasaun iha Timor –Leste, liu –liu sira ne’ebe iha area remotas, tanba barak seidauk asesu eletrisidade.

Nia dehan, iha aldeia Erabuti suku Lausi munisipio Aileu, komunidade uma kain 47 hili opsaun uza solar panel hodi hala’o servisu iha tempu kalan, liu –liu ba labarik sira atu estuda, tanba eletrisidade seidauk tama to’o iha sira.

Nia informa, total populasaun ne’ebe hela iha aldeia Erabuti hamutuk 320 no sira hili sosa solar panel uza.

Tanba ne’e, nia sujere ba governu atu ajuda solar panel ba komunidade sira ne’ebe hela iha area remotas liu no do’ok husi sidade, e sira mos iha direitu atu hetan naroman iha tempu kalan.

“Agora dadaun, komunidade sira ne’e sosa solar panel ne’ebe Cineza sira fa’an ne’e mak sira uza hela,” nia hateten via telephone.

Demokrasia Lao Diak, Opozisaun Tenke Metin

DILI – Demokrasia iha rai ida nee atu lao diak maka opozisaun tenke forte, tanba nee maka lider istoriku nain rua neebe haknaar iha Partidu rua hanesan CNRT no PLP, Xanana Gusmao no Taur Matan Ruak hili ona dalan hodi sai opozizaun, hodi bele kontrola servisu governu, nee hatudu demokrasia neebe diak.

Kestau nee fo sai husi Diretur Camara Comersiu Industria TL, CCI-TL Nuno Trindade ba STL, Segunda (07/08/2017) iha nia knaar fatin Akait.

“Hau hanoin CNTR  no PLP hili dalan sai opozisaun iha parlamentu Nasional nee diak, atu bele konstrolu diak liu servisu governu nian, no partidu sira neebe maka atu kaer ukun nee sei implementa buat neebe diak, no tenke hadia dezenvolvimentu iha rai laran ho diak atu nunee bele lori povu ba moris diak,” dehan Nuno.

Nia mos hatuir tan katak, partidu ida neebe kaer ukun, setor privadu prontu fo apoiu tomak no esperansa setor privadu nian maka, governu foun neebe maka atu mai tenke foka prioridade neebe iha, atu nunee bele dezenvolve diak liu tan ekonomia iha rai ida nee bele lao diak.

Iha fatin hanesan, Emprezaria Feto TL Kathleen F.H. Goncalves hatutan, partidu sei deit maka ba tur iha governu, importante maka lori povu ba moris diak, no hadia dezenvolvimentu iha rai laran bele lao diak. Madalena Horta

Suara Timor Lorosae

Forma Governu Bolu Ema Independente, Independente Tenke Kotuk-Oin

DILI - Forma governu inkluzaun partidu Fretilin atu bolu mos ema indepeneden nee diak, maibe naran katak labele independen deit iha oin, independente tenke iha kotuk oin hotu hodi ukun  ho fuan.

Lia fuan hirak nee hatoo husi Deputadu PD Paulino Monteiro ba STL Segunda (07/08/2017) iha Parlamentu Nasional katak, deklarasaun Marii Alkatiri katak forma governu atu bolu ema independen, ida nee hanoin diak, tanba partidu mais votadu mak atu tau pozisaun balu husi ema idependente nee diak, maibe labele independente iha deit oin husi kotuk lae ida nee ladun diak.

Tuir hau haree ema Timor maioria iha hotu partidu, maibe buat neebe importante mak ema tenke hatene lori aan hodi halao servisu.  Kona ba bolu ema independen mos diak, maibe tenke independen iha oin no kotuk hotu labele independen deit iha oin kotuk lae,” katak Deputadu Paulino.

Nia hatete, ema bele independente ka bele mai husi partidu maibe tenke hatene aan atu halao servisu iha nia fatin ou halao nia knar. Bele independen ka partidu hanesan deit, laiha diferensa, naran katak ema mak tenke koloka nia aan diak tuir nia servisu ou nia knaar.

Nunee mos liu husi via telefone Inocencio Xavier hanesan Peskizador Ajar hatete, Fretilin forma governu atu komvida mos ema independente ba tuur iha governu, nee fila fali ba partidu Fretilin neebe mak manan maioria simples. Guilhermina Franco

Suara Timor Lorosae

Híbrido de Timor Selebra Tinan 90

DILI, (TATOLI) – Ministru Estadu Koordenadór Asuntu Ekonómiku (MEKAE) no Ministru Agrikultura no Peska (MAP), Estanislau Aleixo da Silva hatete Híbrido de Timor, ohin loron selebra tinan 90 ba deskobrimentu peritu sira-nian kona-ba híbrido iha rai-laran.

“Híbrido ne’e ohin loron utiliza iha rai barak, halo filafali renovasaun ba sira-nia kafé rasik tanba híbrido ne’e rezistente ba moras ida ne’ebé hamate kafé  iha rai Sri Lanka ho Kolómbia ho moras ida bolu naran Hemileia Vastatrix, fungu ida ne’ebé hamate kafé”, Estanislau informa iha Palásiu Governu foin lalais ne’e.

Híbrido iha Timór ne’e identifika husi sientista portugés iha tempu ne’ebá katak kafé balun ne’ebé mate no iha balun lamate, no iha Timor-Leste iha kafé hun ne’ebé rezistente ba moras kafé nian, nune’e sientista sira halo kruzamentu kafé hun rua mak arábika no robusta ne’ebé oras ne’e nia germoplasma (fini) iha hela Instituto de Investigação Científico Tropical (IICT) Lisboa, iha Oeiras.

Opsaun Rua Ba Reforma Lejislativa

DILI, (TATOLI) - Komisaun Reforma Lejislativa (KRL) divulga ona relatóriu espesializadu opsaun legál no institusionál périodu 2017-2022 nian, ba faze implementasaun polítika no estratéjia reforma lejislativa ba périodu 2017-2022.

Tuir relatóriu ne’ebé Ajénsia Tatoli, asesu ohin sita katak KRL hamosu rekomendasaun rua hanesan aprovasaun opsaun rua ba faze implementasaun polítika no estratéjia reforma lejislativa ba périodu 2017-2022.

Seluk, rekomenda katak relatóriu ne’e iha ligasaun ho proposta polítika no estratéjia reforma lejilativa ba périodu ne’e.

Relatóriu ne’e divulga katak rekomendasaun ne’e mosu tanba bazea ba konkluzaun rua ne’ebé KRL rasik aprezenta.

PJR Simu Ona Notisifikasaun Husi Kondenadu Cairo-Agusto

DILI - Minsteriu Publiku simu ona notifikasau husi Tribunal Rekursu ba kondenadu eis Sekretariu Estadu Obras Publika Domingos Cairo no Agusto Engles hanesna funsionariu publiku iha obras publika.

Lia hirak nee hatoo husi nee Prokurador Jeral Republika (PJR) Jose Ximenes hafoin remata enkontru seminal ho Presidente Republika Francisco Guterres Lú Olo iha palasiu Pesidensial Bairo Pite, Segunda (7/8/2017).

“Ita simu ona karta notifika neebe maka Tribunal Rekursu notifika ona ba iha kondenad nain rua hanesan kondenado eis sekretariu estadu Obras Publiku Domingos Cairo no Agosto Engles neebe maka nudar funsionariu publiku iha Obras Publika. Neebe maka Tribunal deside kada ema ida hetan pena prizaun tinan tolu (3) fulanfulan tolu (3),” dehan nia.

Hare ba kestaun nee tanba feria judisiariu hela, maka prokurador servisu ho turnu hodi nafatin hare ba servisu Tribunal Distrtal, nunee mos liu-liu ba tribunal Suai para bele emite mandatu kondusaun hodi nunee kondenadu sira bele kumpri.

Nunee mos lakleur tan husi Ministeriu Publiku informa lakleur tan halo julgamentu ba sidadaun Portuges nian neebe maka sei halo Julgamentu iha loron 11 Agostu neebe maka sei rona testamonia balun tan. Natalino Costa

Suara Timor Lorosae

CNRT Opozisaun, Maibe Hola Parte Iha Estabilidade-Interese Nasional

DILI – Partidu Congresu Nasional Rekontrusaun Timorense (CNRT), hasai ona desizaun ba opozisaun, maibe cnrt mos hola parte iha estabilidade no tau aas intese nasional, tanba ida nee sai hanesan fator determinante.

Tuir Deputadu Francisco da Costa husi Bankada CNRT hatete, CNRT nudar partidu segundu mais votadu, klaru ke tenke tau aas interese nasional no estabilidade, neebe keta haluha unidade nee mak faktor determinante. Tanba partidu hotu hamriik nia prinsipiu atu ba kaer ukun, hodi dezenvolve rai nee no ba interese povu nia diak.

CNRT halo desizaun iha komferensia nasional deside ona katak sai opozisaun, ida nee klaru ona, maibe nia tenke hola parte iha buat 2 hanesan estabilidade nasional no mos oinsa tau aas interese nasional,” katak Francisco ba STL Segunda (07/08/2017) iha Parlamentu Nasional.

Nia hatete, bele pozisaun ba opozisaun maibe CNTR hola parte mos iha buat 2 hanesan tau aas interese nasional no mos estabilidade, sa tan hanesan Xanana ida nee nia prinsipiu fundamental kedas.

Iha parte seluk liu husi via telefone Reitor IOB Augusto da Conceicao hatete, pozisaun PLP ho CNRT nian klaru ona ba opozisaun, maibe garante katak estabilidade iha nasaun lao diak nafatin.Guilhermina Franco

Suara Timor Lorosae

Fretilin debate formação de Governo timorense,e ainda quer falar com Xanana Gusmão -- SG

Díli, 07 ago (Lusa) - O secretário-geral da Fretilin, partido timorense mais votado, disse hoje que quer dialogar com Xanana Gusmão, no arranque das negociações sobre o futuro Governo, por considerar que é "uma figura incontornável" que não pode estar fora do processo.

"Continuo a achar que devo insistir num encontro com ele (Xanana Gusmão) o mais brevemente possível. Respeito todas as decisões que foram tomadas (pelo CNRT, segundo partido mais votado), mas sei que ele é uma figura incontornável que não pode estar fora", disse Mari Alkatiri à Lusa.

"Só amanha é que começamos a falar com os outros partidos e não podemos ir com ideias fixas. Temos que ter abertura particularmente com o senhor Xanana Gusmão, o meu compadre", sublinhou.

Alkatiri falava à Lusa depois de uma reunião de três horas dos 15 elementos da Comissão Política Nacional (CPN) da Frente Revolucionária do Timor-Leste Independente (Fretilin), que venceu as legislativas de 22 de julho em Timor-Leste.

Polícia Judiciária de Macau investiga morte de menina e pai após salto de prédio

Macau, China, 07 ago (Lusa) -- A Polícia Judiciária de Macau disse hoje estar a investigar a morte de um homem e da filha de dois anos, encontrados junto a um edifício residencial em Coloane.

À Lusa, a PJ disse acreditar que o homem saltou do edifício, apesar da investigação ainda estar a decorrer, mas desconhece se o homem atirou a filha ou se saltou com ela ao colo.

O incidente aconteceu no domingo após um violento conflito conjugal num apartamento do complexo residencial One Oasis, na ilha de Coloane.

De acordo com a emissora pública de Macau TDM, o homem atacou a namorada, mãe da menina, com uma faca, causando-lhe ferimentos nas costas, pescoço e braços.

No decorrer da agressão, a mulher fugiu para a entrada do prédio e foi aí, segundo a própria, que viu o namorado cair.