CNRT La Konta PD, PN Sei Hili kompozisaun Prezidente Foun

DILI - Bankada CNRT iha Parlamentu Nasional haruka karta ba Bankada Partidu Demokratiku (PD) hodi hasai PD iha bloku koligasaun parlamentar, tan nee tempu badak Parlamentu sei hili Kompozisaun Meja Parlamentu Nasional foun, hodi troka Vicente Guterres ho nia estrutura.

Tuir Xefi Bankada CNRT Natalino dos Santos katak Bankada CNRT haruka karta ofisial ba Bankada PD hodi fo hatene CNRT la konta ona PD iha bloku koligasaun Parlamentar too Legislasaun remata.

Hau lori bankada nia naran hetan kompetensia husi CPN atu komunika ba aliadu sira katak bloku Parlamentar la eziste ona, hau sei anunsia ba Partidu haat iha Parlamentu hodi informa bloku koligasaun Parlamentar laiha ona,” dehan Natalino ba Jornalista Kuarta (13/04/2016) iha Parlamentu Nasional.

Nia hatete koligasaun iha Parlamentu entre partidu neebe hetan asentu parlamentar hodi forma bloku, CNRT hanesan Maioria haruka ona karta ba PD katak CNRT lakonta ona ho PD iha bloku koligasaun Parlamentar.

Hatan kona ba Kompozisaun Parlamentu Nasional Natalino hatete kompozisaun meja Parlamentu Nasional tempu badak sei hili foun tamba bloku parlamentar laiha ona.

Iha fatin hanesan Prezidente Partidu Demokratiku atual Vice Prezidente Parlamentu Nasional Adriano Nacimento hatete PD nia prinisipiu hakarak kria kultura demokrasia iha Timor Leste, tan nee problema hotu-hotu tenki liu husi dalan dialogu. Informasaun kompletu iha STL Jornal no STL Web, edisaun Kinta (14/4/2015). Timotio Gusmao

Suara Timor Lorosae

Sidadaun La Brani Aprezenta Krime Korupsaun

DILI - Sidadaun Timor Leste la brani aprezenta krime Korupsaun ba seitor Justisa, maske sira komprende lalaok krime korupsaun iha rai laran no brani koalia korupsaun buras, maibe nunka aprezenta faktus ba publiku.

Tuir Deputadu Bankada PD Joao Adriano katak sidadaun hotu-hotu koalia korupsaun iha Timor Leste buras teb-tebes, maibe sira la brani aprezenta evidensia hodi aprezenta ba instutusaun justisa hodi lori ba tribunal.

Sidadaun hotu koalia korupsaun buras iha ita nia rai maibe sira la aprezenta evedensia hodi bele prosesu too iha tribunal tan nee korupsaun buras nee hanesan lia anin deit,” dehan Adriano ba STL Kuarta (13/04/2016) iha PN.

Nia hatete sidadaun sira neebe mak hatene ema balun halo korupsaun hodi dezvia osan estadu labele tauk halo keixa ba tribunal, atu nune bele prosesu Tuir dalan justisa no lei neebe vigor iha nasaun Timor Leste.

Nunee mos deputadu Bankada CNRT Agustinho Lay hatete kazu korupsaun neebe mak lao presiza hare didiak husi ajenda institusaun estadu neebe mak deskonfia komete krime korupsaun, tamba kazu krime nee akontese iha nasaun hotu-hotu.

Liu husi relatoriu annual Komisaun Komisaun Anti Korupsaun Aderito Tilman hatete iha tinan 2015 KAK simu delegasaun kompetensia husi gabineti sentral kombate korupsaun no krime organizadu hamutuk prosesu 22, prosesu 1 husi prokuradoria distrital baucau nune total hamutuk 23. Informasaun kompletu iha STL Jornal no STL Web, edisaun Kinta (14/4/2015). Timotio Gusmao

Suara Timor Lorosae

F-FDTL Prontu Fo Seguransa Ba Komunidade

DILI - Brigadeiru Jeneral Filomeno Paixao afirma, arte marsiais nee laos F-FDTL nia problema, maibee F-FDTL prontu fo seguransa iha rai laran.

Kestaun nee Brigadeiru Jeneral Filomeno Paixao hatoo, relasiona ho aktividade artemarsia neebe maka deskonfia halao fali sira nia aktividade iha rai laran.

Arte marsiais nee laos ami nia problema, mais ami prontu para atu fo apoia  seguransa ba komunidade sira,” dehan Brigaderiu Filomeno ba jornalista sira, hafoin remata enkontru ho PR Taur Matan Ruak iha palasiu PR Nicolau Lobato, Kuarta (13/04/2016).

Brigadeiru Jeneral Filomeno afirma tan katak, kuandu Ministeiru Interior husu ba iha Konsellu Ministru, F-FDTL hein Suprendente hatun diretiva, sira prontu para atua.

Iha parte seluk membru Komisaun B (PN), neebe trata asuntu Defesa e Seguransa, deputadu Cesar Valente hatete, artemarsias sira naok tempu nee laos aktividade, nee bele dehan hahalok neebe maka lakontribui ba desizaun Estadu nian.

Nia hatete, autoridade seguransa Estadu nunka hakiduk ba tipu de ameasas, laos sadik malu, mais la fo fatin ba se deit atu kria instabilidade iha nasaun ida nee, Forsa Armadas no PNTL hari para atu garante estabilidade seguransa ba sidadaun hotu-hotu iha kualker momentu. Informasaun kompletu iha STL Jornal no STL Web, edisaun Kinta (14/4/2015). Carme Ximenes

Suara Timor Lorosae

Asuntu Ezonerasaun, Filomeno Paixao Prontu Hein Desizaun

DILI - Brigadeiru Jeneral Filomeno Paixao hatete, asuntu ezonerasaun nee adiantadu liu ona iha Governu, I Governu sei hato proposta foun ba Presidente Republika Taur Matan Ruak, tamba nee hanesan sidadaun prontu hein desizaun neebe maka fo sai.

Kestaun nee Brigadeiru Filomeno Paixao koalia ba jornalista sira, hafoin remata enkontru ho Prezidenti Republika (PR), Taur Matan Ruak iha palasiu PR Nicolau Lobato, Kuarta (13/04/2016).

Ohin iha enkontru ho Presidente Republika Taur Matan Ruak, lakolia konaba asuntu ezonerasaun Xefe Estadu Maiyor F-FDTL, Major Jeneral Lere Anan Timor nian, maibee konaba desizaun hau hein, I prontu para atu servisu hamutuk,” dehan Brigaderiu Jeneral Filomeno Paixao.

Nia dehan hanesan ema militar tenke iha posizaun ba neebe deit, I asuntu Ezonerasaun nee nunka afeita ba estabilidade iha F-FDTL nia laran, tamba Forsa sira preparadu didiak ona.

Entertantu iha biban nee mos Brigadeiru Jeneral Filomeno hatete, Jeneral Lere Anan Timor lamai hasoru Presidente Republika, tamba Jeneral Lere atende reuniaun iha Palasiu Governu.

Iha parte seluk membru Komisaun B (PN), neebe trata asuntu Defesa e Seguransa, deputadu Cesar Valente hatete nee resposta neebe demostra responsabilidade, no dedikasaun hanesan Komandante. Informasaun kompletu iha STL Jornal no STL Web, edisaun Kinta (14/4/2015). Carme Ximenes

Suara Timor Lorosae

SUARA TIMOR LOROSAE - divulgasaun

SUARA TIMOR LOROSAE - Lee mos

Divulgasaun

Austrália rekorre estratéjia globál hodi buka tuir ema ne’ebé hasees-an hosi taxa

Altu funsionáriu Austrália nian ida  iha ohin defende  resposta globál ba sira ne’ebé halai hosi taxa, iha sekuénsia "Papéis Panamá nian ", ne’ebé iha ona  investigasaun ida hamutuk nasaun 28 atu rekolla dadus sira.

Planu  Komisáriu ba Impostu Austrália nian, Chris Jordan, sei diskute hamutuk iha reuniaun servisu  fiskál nian hosi nasaun sira Organizasaun ba Kooperasaun no Dezenvolvimentu Ekonómiku (OCDE), informa  jornál Australian Financial Review.

Jordan afirma katak kolaborasaun entre nasaun neen monta ona iha 2012 atu halo investigasaun ba empreza boot sira iha  mundu komérsiu eletróniku nian ne’ebé konstitui protótipu ida iha investigasaun "Papéis  Panamá nian", maski ninia eskala ne’e lahanesan.

OCDE konvoka iha ohin reuniaun  espesiál ida iha grupu JITSIC, ne’ebé agora prezide  hosi Austrália hodi  reúne responsável sira administrasaun fiskál sira hamutuk nasaun 46, ho nia objetivu atu  reaje hasoru risku evazaun fiskál nian tuir  eskala internasionál liuhosi kolaborasaun ativa ida no lalais liu no efikáz iha troka informasaun sira entre jurisdisaun diferente.

Enkontru OCDE ne’e , iha Paris, buat ne’ebé badahuluk sei hala’o hosi administrasaun tributária sira maka analize hamutuk, efeitu hosi "Papéis Panamá nian".

Investigasaun jornalístika boot iha istória, fó sai semana ida ona, envolve Konsórsiu Internasionál Jornalista Investigasaun nian (ICIJ, iha sigla ingleza), ho nia sede iha Washington, no deskobre ona naran hosi polítiku sira 140 iha mundu tomak, entre sira nain 12 antigu no seluk líder sira mundiál agora nian .

Investigasau bazeia ba informasaun ne’ebé fó sai no hetan ona sira hamutuk  millaun 11,5 ligadu ba besik dékada haat atividade empreza panamiana Mossack Fonseca nian, especial liu ba iha jestaun kapitál no patrimóniu, ho informasaun sira kona-ba  empreza liu rihun 214 'offshore' iha nasaun no  territóriu liu 200.

Hosi  Papél Panamá nian(Panama Papers, iha inglés) hanesan fó sai tiha ona, iha investigasaun  refere katak empreza rihun resin kria 'offshores' no paraízu fiskál atu ema atus resin administra sira nia patrimóniu, entre sira ne’e liurai Arábia Saudita, elementu besik liu Prezidente russu Vladimir Putin, prezidente UEFA, Michel Platini, no bin  hosi liurai Juan Carlos no tia liurai Felipe VI  España nian, Pilar de Borbón.

SAPO TL ho Lusa

Trabalhistas australianos negoceiam fronteiras marítimas com Timor-Leste se forem Governo

Díli, 13 abr (Lusa) - Os trabalhistas australianos, na oposição, garantiram hoje que se chegarem ao Governo nas próximas eleições se comprometem a negociar com Timor-Leste as fronteiras marítimas entre os dois países.

A ministra sombra dos Negócios Estrangeiros do partido, Tanya Plibersek, considerou que retomar as negociações é "definitivamente o correto a fazer em termos morais", reiterando assim uma posição que o partido assumiu no início deste ano.

"Além de ser uma questão moral, contribuiria com toda a certeza para restaurar o relacionamento bilateral para uma proximidade de que deveria existir", afirmou.

Os comentários de Plibersek surgem depois de Timor-Leste ter comunicado à Austrália que desencadeou um Procedimento de Conciliação Obrigatória (PCO) nas Nações Unidas para obrigar Camberra a sentar-se à mesa das negociações para definir as fronteiras marítimas.

Oficialmente, o Governo australiano rejeita retomar as negociações com Timor-Leste para definir, de forma permanente, a fronteira marítima entre os dois países, considerando suficientes os acordos temporários em vigor.

"Não vamos iniciar mais debates e negociações porque consideramos que o balanço atual é o correto", disse na terça-feira o ministro dos Recursos australiano, Josh Frydenberg, em declarações à rádio ABC.

Num comunicado divulgado na segunda-feira, o Governo timorense considerou que "a conciliação obrigatória é a única via disponível para trazer a Austrália à mesa das negociações" porque os sucessivos governos australianos se têm recusado a negociar fronteiras marítimas com Timor-Leste.

"Estabelecer fronteiras marítimas permanentes é uma questão de prioridade nacional para Timor-Leste, sendo o último passo para o alcance da nossa soberania como Estado independente", disse o primeiro-ministro Rui Maria de Araújo, citado nesse comunicado.

Apesar dos acordos temporários de partilha dos recursos do Mar de Timor, continua a não haver fronteiras permanentes entre os dois países, com a Austrália a retirar-se dos procedimentos de resolução internacionais o que, insiste Díli, limita "os meios de Timor-Leste fazer cumprir os seus direitos ao abrigo do direito internacional".

Para Plibersek a Austrália tem que responder aos pedidos de negociações com Timor-Leste, um país com quem o relacionamento se tem agravado por causa desta postura de Camberra.

"As pessoas de Timor-Leste ficaram muito contentes por a Austrália ter tido um papel tão importante em ajudar Timor-Leste a alcançar a independência. Mas desde aí a relação tem estado sob grande pressão", disse.

"As pessoas sentem que uma das nações mais pobres da nossa região, um país muito pequeno comparado com a Austrália, sentem que a Austrália deliberadamente adia a finalização da questão das fronteiras", afirmou Plibersek, ouvida pela rádio ABC.

Plibersek disse que os timorenses têm exigido "justiça" para este assunto e que a Austrália "se submeta a arbitragem internacional se o assunto não se poder resolver bilateralmente".

"Estamos a dizer que a China e outras nações se devem submeter a arbitragem em temas de disputas, especialmente com base na Convenção da Lei do Mar. É um pouco irónico se não estivermos preparados para fazer o mesmo", afirmou.

ASP // JPS

INVESTIMENTO EM TIMOR-LESTE EM DEBATE EM DÍLI EM JUNHO

A Conferência Internacional de Investimento de Timor-Leste vai decorrer em Dili dias 6 e 7 de Junho próximo, devendo a abertura oficial ser presidida pelo ministro Kay Rala Xanana Gusmao, anunciaram as entidades organizadoras.

Organizado pela empresa australiana Informa Australia, que conta com o apoio oficial do governo de Timor-Leste e da agência TradeInvest Timor-Leste, a conferência terá como um dos pontos de interesse a apresentação do primeiro Guia de Investimento, actualmente em elaboração.

O guia, a ser elaborado pela EY Portugal, uma empresa associada da Ernst & Young Global Limited, nos termos de um contracto assinado com a agência timorense “representa uma aposta da TradeInvest no investimento externo como alavanca para o crescimento económico e desenvolvimento sustentável do país, ao mesmo tempo que promove o território junto de potenciais investidores estrangeiros.”

Os tópicos em debate na conferência incluem o papel do Timor Gap no desenvolvimento económico e social do país, a experiência da produtora de cerveja Heineken, o projecto portuário da baía de Tibar e o papel a ser desempenhado pelas parcerias público-privadas, entre outras.

Entre os participantes contam-se o presidente da Trade Invest Timor-Leste, Arcanjo da Silva, José Lobato, director residente da Conoco Phillips, o embaixador da Austrália em Timor-Leste, Peter Doyle, o director-geral da Heineken Azia Pacific, o presidente do Australia Timor-Leste Business Council, Denis Fernandes, o director-geral da SDV East Timor, Grupo Bolloré, Rafael Ribeiro e Miguel Frasquilho, presidente da AIECP – Portugal.

Macauhub / TL

Teste Aihan Importasaun Iha LabNas, DJ HNGV: Presiza Baze Legal

Laboratorium Nasional (LabNas) iha kapasidade atu halo teste ba aihan importasaun sira, maibe tuir Diretor Jeral (DJ) Ospital Nasional Guido Valadares (HNGV), Jose Antonio, katak presiza iha baze lega ida.

Tuir nia, presiza duni halo teste ba aihan importasaun sira hanesan aifuan, latarias, na’an lata no bebida sira, tanba iha aihan balun kontamina ona ho kimiku ne’ebe bele estraga ema nia saude. 

“Laboratorium nasional iha kapasidade halo teste ba aihan importasaun sira, maibe labele halo teste lai, tanba laiha politika ida atu fo dalan ba sira tun ba merkadu hodi teste aihan sira ne’e,” DJ HNGV dotor Zeto hateten, iha Dili. 

Nia hateten, Ministerio Komersio Industria e Ambiente (MKIA) tenke servisu hamutuk ho Ministerio Saude atu bele iha politika ou diploma ida hodi fo autorizasaun ba iha ekipa laboratorium tun ba baze halo teste. 

Durante ne’e, nia hateten, laboratorium nasional halo deit teste ba ema sira ne’ebe deskonfia hemu veneno, klarifika lolos hahan ne’ebe sira konsumu kontamina ho veneno ga la’e. 

Entretantu Diretora Ezekutivu organizasaun Hamutuk Ita Ajuda Malu (HIAM) Health, Rosaria Martins da Cruz, preokupa ho situasuan ida ne’e tanba ohin loron tipu aihan barak tama mai rai laran hakerek ho lingua ne’ebe povu la komprende. 

Tanba ne’e, nia husu, ba Timor oan sira atu kuda aihan lokal sira hodi konsumu, minimiza konsumu aihan importasaun sira (latarias), tanba la garantia ba ema nia saude diak ga la’e. 

“Hahan ne’ebe agrikultor sira produs sei la estraga Timor oan nia saude, tanba produsaun sira ne’e organiku hotu laiha unsur kimiku ida ne’ebe oho Timor oan,” nia hateten.

Nia dehan, ohin loron Timor oan barak mak mate ho idade ne’ebe ki’ik, tanba sofre moras kroniku oi-oin ne’ebe kauza husi aihan sira ne’ebe la saudavel.

The Dili Weekly

IFJ sei Halo Kampaña Internasionál ba Prosesu Legál hasoru Jornalista Oki

Dili Abril 12 2016. Radio Liberdade Online - Federasaun Jornalista Internationál (IFJ) hato’o ninia preúkupasaun no tristeza relasióna ho prosesu legál hasoru Jornalista Diáriu Timor Post, Raimundo Oki no Eis Diretór Timor Post, Lourenco Martins. Organizasaun jornalista mundiál ne’e mós promote sei halo Kampaña internasionál hasoru prosesu legál ne’ebé Ministériu Públiku aplika ba jornalista Timor-Leste ne’e ho nia dirijente.

Jim Nolan nu’udar Konsultór Legál ba International Federation of Journalists (IFJ) hato’o lia hirak ne’e hafoin akompaña, Jornalista Oki no Eis Diretór Post Segunda (11/4) iha Edefisiu Ministériu Públiku, Colmera-Dili.

Ba jornalista Radio Liberdade Online, Sr. Nolan hateten IFJ sei halo esforsu oinsa atu legálmente justifika loloos Lei kriminál nian ne’ebé uza hasoru jornalista sira ne’ebé hala’ó atividade jornalizmu iha nasaun foun ne’e.

“Federasaun Jornalista Internasionál preúkupa tebes ho prospek prosesu legál hasoru Oki no díariu ida-ne’e iha kazu ne’e. Ami fiar katak, absolutamente ami sei justifika lei kriminál nian ne’ebé uza hodi akuza jornalista sira ne’ebé dadauk ne’e halaó hela sira nia serbisu,” Nolan Haktuir.

Konsultór Legál ne’e mós hateten IFJ sei halo Kampaña hasoru prosesu legal ne’e hodi fó liman ba-malu no enkoraja jornalista hothotu iha rejiaun ne’e atu luta hasoru prosesu legál ba jornalista sira iha Timor-Leste.

“Loos duni, IFJ sei halo Kampaña hasoru prosesu legal ne’e  no sei kontinua fó liman ba-malu no enkoraja jornalista sira atu halo kampaña riguroju hasoru akuzasaun legál ne’e,” dehan Reprezentante IFJ ne’e.

Nia haktuir-tan katak nasaun hothotu iha obrigasaun atu prezerva liberdade imprensa iha idaidak nia rain rasik tamba ida-ne’e bele fó garantia ba transparansia no boa governasaun.

“Ne’e importante purke iha nasaun ne’ebé deit ema sira esforsu oinsa atu preserva liberdade imprensa tamba garante transparansia no boa governasaun no ida-ne’e nu’udar fundasaun ba nasaun ne’ebé deit,” nia esplika.

IFJ triste no preúkupa tamba Ministériu Públiku kriminaliza kazu ne’e hodi uza Kódigu Penál, Artigu 285: Denúnsia Kaloníoza laos Kódigu Sivil kona-ba aktu defamasaun. Ne’e signifika katak Timor Post hato’o informasaun falsu liu-hosi ninia públikasaun.

Entertantu, Ministériu Públiku iha Segunda (11/4) ne’e aplika ona termu rezidensia ba Jornalista Oki no Eis-Diretór Timor Post, Lourenco Martins hodi hein prosesu legál tuir mai.

Primeiru Ministtru Rui Maria de Araujo lori Timor Post ba Ministériu Públiku relasióna ho notisia diáriu ne’e nian, edisaun 10 Novembru 2015, hateten Rui Maria Araujo ne’ebé nu’udar asesór ba Ministériu Finansia iha tempu ne’ebá diskonfia fó projetu ba kompaña internasionál husi Indonezia atu halo instalasaun ba data center iha Ministériu Refere.

Relasióna ho salan iha públikasaun notisia ne’e, Redasaun Timor Post fó ona direitu resposta no koresaun no Diretór Timor Post públikamente husu deskulpa ba PM Rui Araujo, maibé nia nafatin lori kazu ne’e prosesu legál.

Iha parte seluk, sosiadade sivil no pratikante sira mídia nian laaseita bainhira kazu Timor Post ho PM Araujo nia ne’e lori bá tribunál tamba tuir sira, ida-ne’e sei fó presendente aat ba prosesu harii demokrasia, liuliu garantia ba transparansia no boa governasaun iha railaran.

Sira sujere kazu refere di’ak-liu rezolve liu-hosi dalan mediasaun, nune’e lapresiza lori bá tribunál tamba mediasaun dalan ida-ne’ebé efetivu-liu, baratu no lahan tempu barak. 

Rádio Liberdade Dili

CNRT Hamosu Mosaun Sensura, Hanorin Sidadaun Ukun Diak

DILI - Partidu neebe hetan votus Maioria iha elisaun Parlamentar 2012, oras nee iha prosesu hodi hamosu mosaun sensura ba meja Parlamentu Nasional, nune hanorin sidadaun sira atu ukun tuir lei neebe vigora.

Tuir Deputadu Bankada CNRT Arao Noe katak Mosaun sensura iha prosesu no bele akontese iha tempu badak, maibe labele fo komentariu detailu ba publiku tamba sei iha prosesu nia laran.

Mosaun Sensura neebe iha prosesu nia laran, Mosaun sensura nee hanorin sidadaun sira hodi defende interese nasional la bele halo interese privadu iha partidu laran no ukun tenki tuir lei,” dehan Arao ba STL, Tersa (12/04/2016) iha Parlamentu Nasional.

Arao hatete kuandu tur iha kadeira hodi ukun, maibe kontradis fali programa no planu partidu inkliu la submete ba planu estrateziku partidu nian tenki asumi responsabilidade.

Iha fatin hanesan Deputadu Bankada Fretilin Osorio Florindo hatete mosaun sensura neebe partidu CNRT ahalo ba deputadu sira, nudar individual lamete planu no programa partidu CNRT nian. Informasaun kompletu iha STL Jornal no STL Web, edisaun Kuarta (13/4/2016). Timotio Gusmao

Suara Timor Lorosae

Kriteria Sai Membru ASEAN Iha 4

DILI - Vise Ministru Negosiu Estranjeiru Roberto Soares afirma, bazeia ba makna karta ASEAN nian kriteiru atu sai membru ASEAN nee iha 4.

Kriteiru Sira nee maka hanesan lokalizasaun geografika Timor Leste nian ASEAN iha ka lae,  estabelsismentu relasaun diplomatika ho pais ASEAN hotu, protidaun Timor Leste nian atu sai membru ba ASEAN no kapasidade ka abilidade Timor Leste atu bele partisipa iha ASEAN nee iha ka lae.

Kriteiru 4 nee ita priensia hotu ona, tamba nee maka iha tinan 2011, ita ofisialmente aprezenta ita nia aplikasaun formal ba ASEAN hahu kedas ita aprejenta ita  nia aplikasaun nee ,”  dehan Vise MNE Roberto, ba jornalista sira hafoin remata entrega karta kredensial ba PR Taur, iha Palasiu PR Nicolau Lobato, Dili, Tersa (12/04/2016).

Nia hatete, ASEAN sira estabelese ona mekanismu rua hodi avalia Timor Leste ninia protidaun, mekanismu rua nee maka ida iha Nivel de negosiu Estranjeriu, no ida seluk iha nivel teknik grupu traballu para atu avalia Timor Leste nia protidaun husi aspektu tolu neebe maka importante hanesan aspektu Ekonomia, Politik no Seguransa, inklui mos sosial I klutura. Informasaun kompletu iha STL Jornal no STL Web, edisaun Kuarta (13/4/2016). Carme Ximenes

Suara Timor Lorosae

Projetu ZEEMS Tempu Badak, Povu Lahetan Benefisiu Ekonomia

DILI - Projetu Pilotu Zona Ekonomia Espesial Merkadu Sosial (ZEEMS) Oe-cuse la fo benefisiu ekomonia ba povu iha tempu badak, liu-liu projetu boot hanesan Portu no Aero Portu ho estandar Internasional neebe dezemvolve oras nee.

Tuir Deputadu Bankada Frente Mudansa Jorge Teme katak publiku hatene no akompania prosesu dezemvolvimentu iha Oecuse lao hanesan Mega projeitu Aero Portu, Portu, Irigasaun, hotel ho estandar internasional, maibe projetu hirak nee la fo benefisiu retornu ekonomia ba povu.

Benefisiu husi Projetu ZEESM nee fo benefosiu tempu naruk, oras nee ita koalia kona ba portu, Aero portu, hotel nee la fo kresementu ekonomiku direta ba ita nia povu ohin loron,” dehan Jorge ba Jornalista Tersa (12/04/2016) iha Parlamentu Nasional.

Hatan konaba estudu viavilidade, Jorge hatete laiha estudu viavilidade no projetu neebe mak lao bazea deit ba desizaun politika, tamba politiku sira mak disidi hodi implementa mega projetu nunee laiha vantazen ba povu no tenki hein tempu naruk.

Iha fatin hanesan prezidente Komisaun E Asuntu infrastrutura, Transporte no komonikasaun Pedro da Costa hatete Projetu ZEEMS nia implementasaun neebe lao loke luan estrada, irigasaun, Aero Portu no portu inkliu Hotel ho kategoria estandar internasional. Informasaun kompletu iha STL Jornal no STL Web, edisaun Kuarta (13/4/2016). Timotio Gusmao

Suara Timor Lorosae

PN Preokupa TNI Hakat Liu Fronteira Tama Area Timor Leste

DILI - Reprezentante povu iha Parlamentu Nasional (PN) preokupa Tentara Nasional Indonesia (TNI) hakat liu fronteira entre Timor Leste ho Indonesia, hodi tama Area Timor Leste ninan no futu Manu hamutuk ho povu Timor iha Area Fronteira.

Tuir Deputadu Francisco de Andrade liu husi sesaun Plenaria Tersa (12/04/2016) iha PN hatete movimentasaun militar Indonesia nian iha fronteira, maske Timor Leste Agora laos ona pertense ba Indonesia.

Ita hare Timor Leste hanesan fali nasuan Indonesia, Hau ba iha Suai hau hare  Militar Indonesia nain hat ho kareta kopleta para iha batugade hamutuk ho komunidade joga futu manu iha neebe rame los,” dehan deputadu Francisco.

Nia husu Ministru Defeza no Ministru Interior presiza hare iha lei ruma mak preve hodi militar Indonesia tama tama iha Timor, deputadu nee mos koalia nia parte konsege koalia ho povu balun katak polisia UPF mos lori farda kompletu tama iha Area Indonesia nian.

Hatan Preokupasaun nee Sekretariu Estadu Asuntu Parlamentar Maria Terezinha Viegas hatete aktividade Militar Indonesia neebe hakat liur fornteira, sei informa ba iha Ministeriu Interior hodi bele hola atensaun. Informasaun kompletu iha STL Jornal no STL Web, edisaun Kuarta (13/4/2016). Timotio Gusmao

Suara Timor Lorosae

Angola ho Mosambike ladún iha kresimentu iha sékulu ne'e

Nasaun luzófonu Angola ho Mosambike iha tinan ne'e sei iha kresimentu ne'ebé ki'ik liu iha sékulu ne'e, haktuir hosi informasaun ne'ebé fó sai hosi Fundu Monetáriu Internasional, iha nia relatóriu kona-bá Perpetivu sira hosi Ekonomia Mundial. 

Relatóriu, ne'ebé fó sai iha loron-tersa iha Washington, haree katak Angola sei aumenta de'it 2,5% no aumenta ba 2,7% iha tinan tuirmai, nune'e kompara ho média ida hosi 10,3% entre tinan 198 no 2007 no kresimentu ida ne'ebé sempre hosi 5% ba leten, deskonta tinan tolu ne'ebé tuun tanba krizi finanseiru mundial, entre tinan 2009 no 2011.

Mosambike sei rejista kresimentu hosi PIB iha orden 6%, folin ne'ebé ki'ik liu iha tinan 20 ikus ne'e, afeta hosi folin matéria importante sira ne'ebé tuun no hosi adiamentu sira ba esplorasaun rekursu naturál sira, liuliu ba gás natural.

Maibé, Mosambike konsege mós aumentu dobru média nian hosi nasaun sira Áfrika subsarianu nian (3% iha tinan ne'e), rejiaun ida ne'ebé impaktu hosi matéria importante sira tuun liuliu hosi petróleu, ne'ebé senti maka'as tebes.

Espansaun ekonomia angolanu iha tinan ne'e iha de'it désimu ida hosi folin ne'ebé ki'ik liu iha tinan 20 ikus ne'e, no iha relasionamentu liuliu ho folin internasional hosi petróleu ne'ebé tuun ne'ebé hamosu aumentu neineik iha ekonomia no krizi finanseiru ida.

"Nasaun esportadór sira petróleu hosi Áfrika subsarianu agora sei aumentu 2% iha 2016, ne'ebé reprezenta revizaun ida ki'ik iha pontu persentuál 2,1 relasionadu ho previzaun fulan-Outubru", hakerek hosi matenek-na'in sira hosi FMI iha relatóriu ne'ebé fó sai iha loron-tersa ne'e iha Washington.

Aumentu hosi PIB.....2016.....2017

Angola..................2,5.....2,7

Brazil.................-3,8.....0,0

Cabo Verde..............2.9.....3,5

Guiné-Bissau............4,8.....5,0

Guiné Ekuatorial.......-7,4....-1,9

Mosambike..............6,0.....6,8

São Tomé & Prínsipe.....5,0.....5,5

Timor-Leste ............5,0.....5,5

(Fonte: World Economic Outlook)

SAPO TL ho Lusa

Brazil ho Guiné Ekuatorial hanesan nasaun luzófonu úniku ne'ebé tuun iha tinan ne'e

Brazil ho Guiné Ekuatorial sei hanesan nasaun luzófonu rua úniku ne'ebé maka tinan ne'e iha diminuisaun, haktuir ho informasaun sira ne'ebé fó sai iha loron-tersa ne'e hosi Fundu Monetáriu Internasional, iha nia relatóriu kona-bá Perspetivu hosi Ekonomia Mundial.

Relatóriu, ne'ebé fó sai iha loron-tersa iha Washington, haree katak Brazil hasoru diminuisaun foun ida hosi 3,8% iha tinan ne'e, halo dezempregu ba média ida ho 9,2% iha tinan ne'e no agravamentu ba 10,2% iha 2017, no inflasaun sei tuun neineik iha tinan ne'e - hosi 9 ba 8,7%.

Guiné Ekuatorial, ne'ebé iha fulan ne'e hala'o eleisaun prezidensiál ne'ebé kritikadu tebes hosi opozisaun tanba laiha liberdade, sei iha diminuisaun maka'as iha fatin luzófonu: 7,4% no tau hamutuk ho diminuisaun hosi Produtu Internu Brutu (PIB) kuaze 2% iha 2017.

Analista sira hosi FMI hatete katak diminuisaun iha Brazil "hamosu impaktu sira iha empregu no iha rendimentu real sira, no laiha serteza internu sira limita nafatin kapasidade hosi Governu hodi formula no hala'o polítika" rekuperasaun ekonomia nian.

Hafoin tinan rua tama iha diminuisaun, ekonomia boot liu iha Amérika-Súl sei fila ba kresimentu iha tinan oinmai, maibé média anual sei besik ba zero, hatete hosi FMI ne'ebé alerta ba "grau ida ne'ebé la loos" ne'ebé haleu hosi previzaun sira ne'e.

Diminuisaun iha Brazil "sai hanesan razaun prinsipál sira ne'ebé motiva ona revizaun iha kresimentu mundiál ne'ebé ki'ik iha atualizasaun ikus" hosi previzaun sira iha fulan-Janeiru iha tinan ne'e.

FMI defende katak Governu tenki "perzerva nafatin iha esforsu sira hodi hametin orsamentu hodi hametin rekuperasaun ida iha konfiansa no iha investimentu", no rekoñese katak "hanesan espasu iha medida temporáriu sira iha despeza limitadu maka'as hanesan medida fiskál importante sira iha prazu badak".

Maski nune'e, dezafiu importante liu maka hasoru ho "rijidez no direitu sira ne'ebé hetan hamutuk ho despeza" hamutuk ho implementasaun hosi "reforma estrutural sira ne'ebé aumenta produtividade no kompetividade, inklui programa konsesaun ba infraestrutura sira hanesan importante hodi hametin kresimentu potensial".

Aumentu hosi PIB.....2016.....2017

Angola..................2,5.....2,7

Brazil.................-3,8.....0,0

Cabo Verde..............2.9.....3,5

Guiné-Bissau............4,8.....5,0

Guiné Ekuatorial.......-7,4....-1,9

Mosambike..............6,0.....6,8

São Tomé & Prínsipe.....5,0.....5,5

Timor-Leste ............5,0.....5,5

(Fonte: World Economic Outlook)

SAPO TL ho Lusa