MEMBRU KONSELLU SUCO MAK HILI XEFI SUCO NE’E HAMORIS SISTEMA MONARKIA

Hakerek Na’in: Moisés Vicente

“Governu liu-husi KM (Konsellu Minístru) aprova ona proposta lei kona-bá eleisaun lideres komunitáriu. Iha proposta lei ne’e hateten katak, eleisaun xefi do suco sei hili husi membrus Konsellu Suco nian. Eleisaun indireta. La’os hili direita husi populasaun sira”. (Jornál Matadalan SEMANÁL, 05-11 Agostu 2015).

        

Iha planu kalendariu CNE (Comissão Nasional Eleisões) ho STAE (Secretariado Técnico de Administração Eleitoral) dehan katak iha fulan Outubru tinan 2015 sei hala’o eleisaun xefi do suco. Maibé Konsellu Minístru mak muda no eleisaun komunitáriu ne’e sei realiza iha tinan oin fulan Outubru 2016. Ho razaun tanba governu introduz ona modelu ba eleisaun suku nian ne’ebé pasa ona iha Konsellu Minístru no Konsellu Minístru haruka ona ba PN (Parlamentu Nasional). Nune’e governu hein de’it bainhira mak PN bele agenda hodi deskuti kona-bá modellu eleisaun suku nian ne’e.

RDTL (Repúblika Demokrátika Timor-Leste) nu’udar nasaun foun, hahu’u nia polítika administrativa transitóriu iha misaun Nasoens Unidas UNTAET (United Nations Transitional Administration in East Timor) nia okos durante tinan rua ho balun nia laran no ikus mai iha loron 20 fulan Maio tinan 2002, Timor-Leste hetan  soberania total liu husi Polítika Restaurasaun Independensia.

Tuir hau nia observasaun nudar sidadaun babain, hau la konkorda proposta lei eleisaun xefi suco ne’ebé mai husi governo liu husi Konsellu Minístru hodi aprova lei ne’e. Iha ne’ebé iha lei ne’e hili Xefi Suku ho modalidade foun. Povu sei hili halo votasaun ba Xefi Aldeia, depois Konsellu Suco maka hili Xefi Suco. Husu ba orgaun Parlamentu Nasional labele aprova proposta lei eleisaun Xefi Suco nian ne’e.

Eleisaun xefe suku tenke hili liu husi pakote mak diak liu, laos uja fali sistema hili indireita. Ne’e orsida serbisu Administrasaun Públiku lori ba dezastre nian. Entretantu, nasaun barak iha mundu to’o ohin loron sei halo funu maka’as atu bele hetan direitu no liberdade ka demokrásia, maibé iha Timor-Leste polítika na’in sira komesa halo ona desijaun balun hodi dudu ses tiha valor demokrásia ba fatin seluk.

Sistema eleisaun foun ne’e hakarak konjuga ho sistema kultural Timor-Leste, maibé ninia defikulidade mós ita lahatene agora ne’e se los mak bele reprezenta xefi suco. Seraque ita ba fali kotuk uitoan, tanba ita nia luta ba libertasaun ita kontra mós buat balun ne’ebé ita sente sai hanesan defikuldade ba ita, liu-liu ita kontra sistema monarkia, ita kontra mós hanesan konseitu kona-bá liurai.

Saida mak sistema monarkia? Monarkia dalen ho Bahasa Indonesia hatete nune’e “Monarki merupakan sistem pemerintahan atau sejenis pemerintahan tertua yang ada di muka bumi ini yang telah dan sampai sekarang masih diaplikasikan dibeberapa negara tertentu. Monarki secara terminologi, dilihat dari bahasa Yunani yaitu monos yang berarti satu dan archein yang berarti pemerintah. Dalam bahasa Inggris, Monarki berasal dari kata monarch yaitu raja. Secara singkat sistem pemerintahan Monarki adalah kekuasaan politik dimana raja atau ratu sebagai pemegang kekuasaan dominan Negara”. 

  

Iha sanak seluk, Diretur Ezekutivu AJAR (Asia Justice and Right’s), José Luis Oliveira hatete katak “Agora lei eleisaun ida ne’e mai limita fali povu nia direitu atu ejerse ba rai soberania ne’e, limita fali husi xefe aldeia sira. Ida ne’e derotasaun ida. Ita durante periodu lobuk ida hakat ba oin ona em termus demokrásia, povu mak hili ninia lider komunitáriu rasik, agora ita hakiduk fali ba kotuk. Ita hili de’it mak xefe aldeia no xefe suku ita lahili”. (Diariu Timor Post, loron Kinta, 27/08/2015).

Rekomendasaun ba orgaun soberanu Parlamentu Nasional husu ba deputadu bankada balu ou bankada oposisaun FRETILIN tenke vota kontra lei ne’e. Diak liu implementa sistema ne’ebé uluk implementa liu husi pakote ne’e diak liu la liu husi partidu politika, bainhira liu husi membru konsellu suku mak hili fali xefi suku ne’e hatudu katak xefi suco laiha poder ou laiha kompentensia.

Ikus liu, husu ba orgaun soberanu Prezidente da República, maibé karik lei eleisaun xefi suco ne’e pasa nafatin husu ba Prezidente da República la bele aprova lei eleisaun xefi do suco ne’e. ****

Referénsia:

Comissão Nacional das Eleisões (CNE) Preokupa ho Proposta Lei Eleisaun Suku. http://www.jndiario.com/2015/07/29/cne-preokupa-lei-eleisaun-suku/. Asesu iha loron 16 Agostu 2015.

Proposta Lei ba Eleisaun Sukus Seidauk Hetan Aprova. http://www.jndiario.com/2015/07/16/proposta-lei-eleisaun-suku-seidauk-aprova/. Asesu iha loron 18 Agostu 2015.  

Proposta Lei Eleisaun Suku Fó Biban ba Liurai. http://matadalan.com/proposta-lei-eleisaun-suku-fo-biban-ba-liurai/. Asesu iha loron 18 Agostu 2015.

Governu Muda Sistema Eleisaun Xefe Suku. Asesu iha Jornál Timor Post, 27 Agostu 2015.

Governu Sei Implementa Eleisaun Indeita ba Xefe Suku. Asesu iha loron 27 Agostu 2015.

Governu muda sistema eleisaun ba xefe suku. http://www.diariutimorpost.tl/berita-governu-muda-sistema-eleisaun-xefe-suku.html. Asesu iha loron 27 Agostu 2015.

Eleisaun Indeita Governu Halo Traisaun ba Demokrásia. Asesu iha Jornál Timor Post, 28 Agostu 2015.

Muda Sistema Eleisaun Xefe Suku?. Asesu iha loron 28 Agostu 2015.

FRETILIN Konsidera Proposta Lei Xefe Suku Anti Demokrasia. http://timoragora.blogspot.pt/2015/09/fretilin-konsidera-proposta-lei-xefe.html. Asesu iha TIMOR AGORA, 3 Setembru 2015.        

Parlamentu Nasional Adia Eleisaun ba Xefe Suku. Asesu iha Jornál Suara Timor Lorosae, 4 Setembru 2015.

Lei Eleisaun Suku Deputadu ‘Curhat’ Ba Povu. Asesu iha Jornál Timor Post, 7 Setembru 2015.

Akademista Husu FRETILIN Tenke Veta Lei Eleisaun Indereita. http://www.diariutimorpost.tl/berita-akademista-husu-fretilin-tenke-veta-lei-eleisaun-indireita.html. Asesu iha Jornál Timor Post, 8 Setembru 2015.

Intervista pesoal ho Dos Santos, Bendito. Iha loron 8 Setembru 2015.

Parlamentu Nasional Adia Eleisaun Xefe Suku. Asesu iha Jornál INDEPENDENTE, 8 Setembru 2015.

Komunidade la Simu Membru Konsello Suku Caikoli. Asesu iha Jornál Suara Timor Lorosae, 10 Setembru 2015.

Reseita Estadu nian tuun iha 1.º trimestre, maibé despeza aumenta

Reseita la’os-petrolífera alkansa ona dolár milloens 72,74 (euros milloens 64,79) iha semester dahuluk, menus 4% lahanesan iha períudu omólogu 2014 nian, tuir informasaun hosi Governu. 

Iha duni períudu refere, gastu ne’ebé iha hamutuk dolár milloens 460,4 (euros milloens 410), ne’e reprezenta 14,2% liu, lahanesan ho períudu tinan kotuk, bainhira atinjia de’it dolár milloens 403,17 (euros milloens 359).

Hosi gastu ne’ebé rejista iha trimestre dahuluk tinan ne’e, fatia bot koresponde ba “trasferénsia” – dolár milloens 204,2 (euros milloens 181,84) –inklui mós dolár milloens 130 (euros milloens 115,78) ne’ebé transfere ba Rejiaun Administrativa ho Zona Espesiál Ekonomia Sosiál Merkadu (ZEESM) Oecussi.

Gasta ba bens no serbisu aumenta ba dolér milloens 131,19 (euros milloens 119,5).

Défisi ne’ebé hetan hosi reseita petrolífera, liu-liu hosi transferénsia Fundu Petróleu Timor-Leste, maka dolár milloens 387,67 (euros milloens 345,38), liu fali 18,36% lahanesan iha 2014, tanba iha períudu 2014 ho de’it dolár milloens 327,52 (euros milloens 291,79).

SAPO TL ho Lusa 

Base ne’ebé iha 1999 uza hosi timor-oan sira iha Austrália, agora bele uza hodi simu refujiadu síriu

Baze militár Puckapunyal, Austrália ne’ebé iha violénsia pós-referendu 1999 simu refujiadu timor-oan rihun resin, agora sei bele uza hodi simu refujiadu síriu balun hosi rihun 12 ne’ebé iha. 

Baze ne’ebé koñsidu hanesan "Pucka", lokaliza ho kilómetru 10 ba oeste Seymour, Victoria, baibain ezérsitu australianu sira uza hodi fó formasaun.

Daniel Andrews, primeiru ministru estatál, sujere opsaun ne’e, bazeia ba desizaun hosi Governu nasionál ne’eb’e semana kotuk fó sai katak Austrália sei simu refujiadu Síria rihun 12, maibé hosi Irak ladauk hatene bainhira maka refujiadu sira ne’e to’o.

Iha karta ne’ebé haruka ba xefe Governu, Tony Abbott, Andews dehan katak sira-ninia estadu “prontu atu ajuda simu refujiadu sira, hanesan tempu uluk”.

Ezemplu ida maka akontese durante violénsia iha fulan setembru-1999, hafoin Timor-Leste rona rezultadu hosi konsulta populár, ba ukun rasik-aan, no hosi akontesimentu refere maka baze refere simu refujiadu timor-oan sira.

Dehan ona katak, iha inísiu dékada ne’e, baze refere uza ona hodi simu refujiadu kozovares.

Peter Mares, investigadór hosi Institute for Social Research, Universidade Swinburne esplika ba ABC austrália katak iha 1999, timor-oan sira hetan vistu temporáriu ba kurtu-prazu, to’o situasaun iha Timor-Leste di’ak.

“Ema hotu bele tama no sai hosi baze ne’e, ema sei laka’er no sei simu ajuda finanseira kiik ida”, esplika hodi hatutan tan katak medida ne’e sei bele aplika ba refujiadu síriu sira.

SAPO TL ho Lusa 

Empréstimu hosi banku iha Timor-Leste to’o fulan-juñu ho montante dolar millaun 188,8

Banku haat ne’ebé hala’o serbisu iha merkadu Timór ne’ebé to’o iha fulan-juñu, emprésta ho valór totál besik dolar millaun 188,8 (euro millaun 167,3), fó sai Ministériu Finansas. 

Dadus ne’ebé prepara hosi Diresaun Jerál Estatístika Ministériu Finansas Timor-Leste, konfirma katak volume totál kréditu ne’ebé fó maka besik 8,2% kompara ho períudu hanesan iha tinan kotuk.

Kondisaun ne’e fó hanoin sistema finanseiru timoroan nian atu banku haat bele opera maka: banku timoroan nian Banco Nacional de Comércio de Timor-Leste (BNCTL), banku portugés BNU (hosi grupu Caixa Geral de Depósitos), indonéziu Mandiri no australianu ANZ.

Empréstimu individuál sira reprezenta kuaze ho totál metade, sori balun liu fali metade maka ba setór konstrusaun nian.

SAPO TL ho Lusa - Foto: Samuel Soares @SAPO TL

Polísia Sientífika investiga ona website ne’ebé krítika no “trata” Governu

Polísia Sientífika Investigasaun Kriminál (PCIC) timor-oan nian, sei halo investigasaun kona-ba pájina ida iha internet ne’ebé halo krítika maka’as kontra lideransa polítika iha rai laran no investigasaun ne’e halo bazeia ba pedidu Governu nian, tuir konfirmasaun hosi diretór nasionál instituisaun ba Lusa. 

Hermenegildo da Cruz dehan katak, nia rasik fó autorizasaun ba ninia investigadór sira hodi hala’o “investigasaun klean kona-ba website Timor Ha’u Nian Doben”, pájina web ne’ebé ezisti desde 2010 no iha tinan hirak ikus ne’e sai hanesan web fó dalan atu ema halo krítika kontra Governu.

“Bazeia ba investigasaun ne’ebé, ami identifika katak website ne’e iha objetivu atu provoka, fó sai informasaun provokativa nomós atu kria situasaun ne’ebé hatauk, hodi kria instabilidade. Fó sai informasaun nomós ataka kontra autoridade Estadu nomós hasoru lideransa istórika iha ita-ninia nasaun”, dehan.

Investigasaun ne’e hala’o bainhira Governu prepara ona saida maka atu defini lei “hodi regula media on-line ilegál sira”, hanesan foin daudaun sekretáriu Estadu Komunikasaun Sosiál, Nélio Isaac esplika ba imprensa.

"PCIC iha kbi’it no iha autoridade hodi investiga violasaun kona-ba korespondénsia ka telekomunikasaun iha rede komunikasaun sosiál”, dehan diretór PCIC, hodi refere ba artigu 6.º hosi dekretu lei ne’ebé kria PCIC.

Tuir esplikasaun hosi Hermenegildo da Cruz, hala’o investigasaun ne’e “hodi identifika oinsá maka autór ida de’it hosi website ne’e bele uza naran oioin” nomós buka hatene “fatin ne’ebé nia uza website, liu-liu iha Timor-Leste, Melbourne-Austrália, ho Kalifórnia, Estadus Unidus”.

Husu kona-ba investigasaun ne’e, bele determina limitasaun ba liberdade espresaun, diretór PCIC dehan katak ida ne’e sei defini iha lei foun foun kontra siberkrimi ne’ebé prepara daudaun.

“Tanba ne’e ami presija lei kona-ba siberkrimi ida ne’ebé envolve mós na’ok identidade ka krimi seluk, inklui fó sai informasaun ne’ebé provoka ka kria ajitasaun ho instabilidade. PCIC iha kompeténsia ati investiga ida ne’e”, dehan, hodi esplika katak pájina hirak ne’e hosi nasaun seluk ka la’os iha Timor-Leste, tanba ne’e maka PCIC sei atua “ho kolaborasaun hosi autoridade nasaun seluk”.

“Oras ne’e daudaun PCIC hahú halo investigasaun ba website refere no akompaña mos komunikasaun iha Timor-Leste, atu nune’e bele identifika website ne’ebé iha intensaun atu provoka, inklui rede sira ne’ebé uza ID falsu, bosok ka brankeamentu kapitál”, dehan, no hatutan katak informasaun ne’ebé PCIC hetan sei haruka ba iha prokuradór jerál, José Ximenes.

Husu atu fó komentáriu kona-ba investigasaun ne’e, Zizi Pedruco, responsável ida mós hosi Timor Ha’u Nian Doben dehan ba Lusa katak Austrália hakfodak ho investigasaun ne’e, tanba konsidera nu’udar hahalok intimidasaun.

“Karik sira hakarak ha’u ne’e se bele husu ba primeiru ministru ka governante sese de’it. Sira balun uza ami-ninia pájina hodi fó benefísiu ba sira-aan. Ladifisil atu identifika ha’u ne’e se”, dehan.

“Ha’u sente ida ne’e nu’udar kampaña intimidasaun ida, atu ami nonok, maibé mo’e, tanba foin daudaun ne’e, ita maka fó sai ba indonézia atu halo hanesan ne’e kontra timor-oan sira”, dehan.

Dehan katak Timor-Leste laiha “opozisaun kredível”, esplika tan katak informasaun hirak ne’ebé fó sai mai hosi fonte oioin no la’os proteje Governu.

“Sente katak ami sei lapublika somente salva de’it Governu? Ami iha prova, dokumentu hothotu, nonok la’os opsaun ida”, nia kestiona.

Timor-Leste hanesan nasaun ida ne’ebé rede sosiál, liu-liu facebook nomós plataforma komunikasaun hanesan whatsapp, espalla barak liu iha munisípiu hothotu, hosi asesu internet.

Ne’e siknifika katak iha asesu ne’ebé fasil liu ba internet duké orgaun komunikasaun sosiál konvensionál, tanba ne’e maka rede sosiál ka plataforma seluk sai hanesan espasu importante hodi hala’o diálogu no debate, inklui polítika.

Ida ne’e hanesan mós tendénsia komun ida ba rejiaun, maski Indonézia nasaun dahaat iha mundu ne’ebé ninia utilizadór facebook (liu milloens 60,3), hafoin Estadus Unidus, India no Brazil.

SAPO TL ho Lusa