TMR-Naimori Hasoru Malu Ho Xanana, Horta: Diak Liu Koalia Iha Timor

DILI - Eis Prezidente Republika atual Ministru de Estadu e Konsileiru Para Seguransa Nasional, Jose Ramos Horta hateten, Prezidente Partidu PLP ho Konsileiru partidu Khunto Jose Naimori hasoru Prezidente partidu CNRT hodi koalia nee importante, maibe positive diak liu koalia iha rai laran.

Nee diak importante, ita hotu hotu kolia bele kompleta tan, maibe hau lahare, hau rona sim mais positive diak liu mai kolia iha ita nia rai laran nee,” dehan Eis PR Horta, ba STL, iha Palasiu Governu, Kinta (23/11/2017).

“Eis Prezidente RDTL nee hakarak Xanana hanesan lider no aman ba nasaun, tenke hatudu nia karakter hanesan aman, hodi koalia ho xefi Governu Mari Alkatiri. Tanba antes nee Taur Matan Ruak ho Xanana hirus malu hodi hasai lia fuan kroat ba malu, maibe nia konsege koalia, nee hatudu Xanana nia karakter prontu atu koalia.

Iha parte ketak Prezidente Partidu Demokratiku Mariano Assanami Sabino hateten ema hotu iha liberdade hasoru malu, kontaktu malu, tanba nee nia laiha komentariu konaba asuntu nee. 

Carme Ximenes/ Maria Lay | Suara Timor Lorosae

Polítiku Na’in sira tenke Hases hosi Deklarasaun ne’ebé Pániku

Hodi kalan  (loron 22 Novemberu) Menistru Defeza-Seguransa José Sequeira "Somotxo" deklara katak, "karik iha problema ruma mosu iha nasaun ne’e, militar ho polísia sei lahalo intervesaun, hodi nune’e membru parlamentu nain 35  hosi oposizaun bele atende”. Ho tristeza boot estetmentu ida ne’e kria pániku tebtebes katak Institusaun Seguransa sei lahalo sira nia responsabilidade ba seguransa atu proteze povu iha Timor-Leste. Estetmentu ida ne’e liga ba membru parlementu nain 35 hosi AMP ne’ebé iha bloku oposizaun nia responsabilidade kona-bá seguransa  ba iha públiku, tamba membru legislador sira ne’e lasimu programa governu.

 Fundasaun Mahein (FM) hato’o ho lian maka’as katak estetmentu hirak ne’e hatudu laiha responsabilidade no husu atu forsa seguransa tenke halo nia kna’ar atu mantein seguransa públiku ba tempu tomak.  

FM triste tebes rona Ministru Defeza ho Seguransa ko’alia katak asuntu seguransa ba povu bele sai negosiu/bargaining ne’ebé bele utuliza iha partidu polítiku laran. Estetmentu hanesan ne’e risku tebes no hamosu pániku públiku, no iha biban bele hamosu komfilitu ne’ebé bele akontese. Ministru lolós tenke haforsa prontudaun hosi autór seguransa nia atu fó proteza ba povu iha oras 24 nia laran iha loron ida. 

Husu para polítiku sira labele aplika manobra polítiku maka maka’as liu, lideransa Timor oan tenke buka solusaun ne’ebé orienta ba interese nasional. Hanoin katak seguransa seguru ne’e sai hanesan parte ida importante ba sidadaun sira, polítiku nain sira persiza buka meius atu kontinua hakmatek, hodi buka aprosimasaun ne’ebé simplis, akomodativu no fó esperansa diak atu bele fó solusaun ba tensaun polítika ne’ebé la’o daudaun no halo promosaun ba harmonizasaun entre komunidade.

Polítiku sira iha Timor-Leste tenke estuda hosi resistensia ba ukun rasik an durante tinan 24 liu ba. Iha momentu ne’ebá FALINTIL luta ba objetivu atu liberta patria la’ós ba interese partidaria. Sira sakrifika an ba ukun rasik an no laiha salariu, no hasoru dezafiu barak ho oin-oin tamba ba povu tomak nia diak. Lideransa polítiku sira agora tenke banati tuir sakrifika an ne’ebé hatudu iha resistensia no fó perioridade ba povu nia prosperidade as liu ambisaun pesoal.

Atu bele kria opiniaun públiku ida ne’ebé produktivu, FM husu ba autór polítika sira hotu atu bele kria estementu ne’ebé mak orenta ba paz ho responsabilidade no mos foka ba interese nasional. Lideransa polítiku sira tenke hatene katak sira nia estetmentu fó suporta no halo promosaun ba kria hakmatek no la’ós pániku públiku, ne’e sorin ida. Iha sorin seluk, FM husu mos ba mídia sira atu labele haboot demais notísia ida ne’e. Titlu dahuluk  ne’ebé laiha responsabilidade diak hanesan " karik mosu problema, F-FDTL ho PNTL sei halo Intervensaun" ezezerasaun ba notísias ne’e bele fó biban boot katak autór seguransa ne’e hakruk no implementa ona estetmentu hosi Ministru Defeza no Seguransa nia ne’e. ba povu bain-bain husu atu kontinua nafatin kalma no labele haboot rumores ne’ebé nakonu ho tauk. Ikus liu, FM husu ba Institusaun Seguransa fó prioridade ba interese povu tuir mandatu konstitusaun. Nasaun nia diak tenke tau as liu hotu hosi agenda partidaria nia.

Data, 23 Novembru 2017

Rua Comoro, Fomento I, Dili, Timor-Leste

E-mail: nelson@fundasaunmahein.org / direktor.mahein@gmail.com

Web: www.fundasaunmahein.org

Tel: +(670) 78316075

Alkatiri Konsidera Opozisaun Uza 35 Kadeira Hadau Poder

DILI – Primeiru Ministru Mari Bin Amude Alkatiri konsidera opozisaun neebe maka nee existe iha parlamentu uza kadeira 35, atu buka ukun maibe la hatadu sentidu estadu neebe maka diak ba povu no rai ida nee.

Hau hanoin hotu hotu hatene katak situasaun politika lao diak laiha insidensia boot insidente kiik, maibe ekonomiku maka ladun diak iha redusaun barak kedan termus de dinamika ekonomiku tamba ema komesa osan laiha ona nee ita hatene tamba saida nee, tamba oposizaun lakopera, oposizaun lahatene hanoin uituan ita nia povu, opozisaun buka deit poder  no uza deit 35 votus kadeira nee para atu hadau poder, nee maka ita nia oposizaun agora iha,” dehan PM Marii ba jornalista sira hafoin Remata enkontru ho Prezidente Republika Francisco Guterres Lú Olo, iha Palasiu Prezidensial Bairru Pite, Kinta (23/11/2017).

Tuir Xefe governu Mari Alkatiri katak oposizaun la aseita orsamentu urjensia neebe maka husi parte governu aprezenta ba PN, hodi korespode ba nesesidade estadu nee nian, liu-liu devidas sira no kestaun seluk.

Tuir Xefe Governu nee relasiona ho kestaun husi komisaun 7 neebe maka iha Parlamentu, kause nee komanda husi partidu Oposizaun sira, komisaun ida Fretilin nia deputada maka xefia ka preside.

Koalia kona ba funsionamentu Parlamentu, dadaun nee oposizaun maka domina, ida deit maka funsiona tamba komisaun ida Fretilin maka lidera.

Natalino Costa | Suara Timor Lorosae

Foto: GMN - Grupo Media Nacional

GMN TV | Jornal Nacional

GMN TV

Mosaun Sensura Latuir Razaun Tekniku Juridiku no Konstitusional

DILI - Bloku Opozisaun parlamentar neebe aprezenta Mosaun sensura hodi kontra VII governu konstitusional, Xefi Governu Mari Alkatiri konsidera latuir razaun tekniku juridiku no konstitusional.

Hatan ba mosaun sensura neebe maka husi husi parte oposizaun aprezenta, Primeriu Ministru Mari Alkatiri hateten mosaun sensura neebe maka aprezenta husi oposizaun latuir razaun tekniku juridiku konstitusional.

Agora sira dehan programa seidauk neebe rezeitadu primeira vez depois iha uluk mosaun sensura nee tamba saida,” dehan Mari Alkatiri ba jornalista sira hafoin Remata Enkontru ho Prezidente Republika Francisco Guterres Lú Olo, iha Palasiu Prezidensial Bairru Pite, Kinta (23/11/2017).

Tuir Mari katak aprezentasaun mosaun sensura neebe maka husi parte partidu Oposizaun aprezenta nee kontradisaun boot, programa seidauk aprovadu sira aprezenta mosaun sensura.

Hatan konaba nia parte atu ba halo deskusaun iha parlamentu, Xefe Governu Mari Alkatiri hateten too oras nee nia parte seidauk simu karta ofisial husi Prezidente Parlamentu Nasional atu ajenda bainhira maka nia ba parlamentu hodi halo deskusaun ba kestaun nee.  

Natalino Costa |  Suara Timor Lorosae

Politika Hamosu Inflasaun Ekonomia ba TL

DILI - Situasaun politika neebe lao iha rai laran oras nee bele fo impaktu ba inflasaun ekonomia iha rai laran. Tanba nee maka husu ba lideransa nasional no lideransa politika sira atu hamutuk solusiona problema.

Lia fuan hirak nee hatoo husi Reprejentante Mate Restu 12 Novembru Abono Ram Cabean ba STL iha Komite 12 de Novembru Eis-Komarka Balide Dili Kinta, (23/11/2017). Nia dehan tan katak ekonomia neebe lao oras nee lasufsiente ba povu atu moris diak mezmu iha investor neebe investe maibe laiha osan ida nee nia valor laiha.

“Ida nee tenki haree didiak tanba hau laos ema ekonomista. Ita haree katak ekonomia iha Timor laiha sustentailidade. Mezmu ita investe mais laiha rseitas. Ita sou sosa deit maibe osan atu tama fali laiha ida nee influensia ba inflasaun rai laran,”nia kualia.

Observador Politika husi Universidade Nasional Timor Lorosae (UNTL) Camilo Ximenes relasiona ho polimika neebe akontese ema seluk aproveita situasaun nee hodi buka lukru ba sira nia an. Realidade iha lojas ka kios sira komesa mosu ona hanesan sasan balun iha dos tuir lolos iha kaixa nia laran neen maibe kuandu loke lima deit ida nee presija intervene.

Diretor Kompania Nimia Construction. Lda Epifanio Faculto dehan Inisiativa VII Governu Konstitusional neebe lidera husi Premeiru Ministru Mari Alkatiri ho intensaun diak atu halo diversifikasaun ba ekonomia no hakman husi fundus petroliu ida nee intensaun diak atu beele aumenta sirukasaun osan iha TL. 

Justinho Manuel | Suara Timor Lorosae

Karta Xanana Responde Ona Espekulasaun Iha TL

DILI - Karta Xanana neebe haruka ba Prezidente Republika Francisco Guterres Lú Olo, responde ona espekulasaun neebe durante nee lao iha sosiedade nia leet, hodi solusiona problema rai laran.

Lia fuan hirak nee hatoo husi Observador Politika husi Universidade Timor Lorosae (UNTL) Camilo Ximenes ba STL iha nia knar fatin Caicoli Dili Kinta, (23/11/2017). Na dehan, situasaun hanesan nee signifika atu koko Prezidente Republika atu koloka nia an ba iha fatin lolos.

“Tuir ami nia haree katak karta Xanana no tuir mai konfrensia inprensa neebe halo lider Xanana, Taur Tatan Ruak no Naimori Bucar hasoru malu iha Singapura foin lais nee responde hotu ona espekulasaun neebe durante nee iha Timor. Maibe Prezidente maka sei hili dalan eleisaun antisipada ou fo fiar ba partidu manan segundu mais votadu maibe sei iha konsekuensia moos,”nia kualia.

Tanba nee tempu ona atu Prezidente uja nia kompetensia neebe garante iha konstituisaun laran. Relasiona ho politika nee katak Parlamentu Nasional husi parte opozisaun rejeita ba Orsamentu Ratifikativu (OR) neebe VII Governu hatoo ba PN.

Abono Ram Cabean reprezentante mate restu husi 12 de Novembru dehan iha karta Xanana neebe hatoo ba PR Francisco Guterres Lú Olo nee konfidensial. Tanba nee maka kontudu husi karta Xanana nia PR labele anunsia ba publiku konaba kestaun refere. Maibe iha nafatin esperansa katak sei iha solusaun diak husi Prezidente Republika. 

Justinho Manuel | Suara Timor Lorosae

Oposição e sociedade civil timorense contestam declarações de ministro sobre forças segurança

Díli, 23 nov (Lusa) - Os principais partidos da oposição e organizações da sociedade civil timorense criticaram hoje comentários do ministro da Defesa e Segurança que acusam de estar a tentar politizar as forças de segurança do país, num momento de grande tensão política.

Em causa estão declarações que José Somotxo proferiu na terça-feira aos jornalistas depois de um encontro com o Presidente da República, Francisco Guterres Lu-Olo. "Se ocorrerem grandes problemas no nosso país devido à situação política, os militares e a polícia não vão intervir, para que os 35 membros do Parlamento [da oposição] possam eles resolver as coisas", afirmou.

Os comentários foram hoje criticados pelo Congresso Nacional da Reconstrução Timorense (CNRT), maior partido da oposição, que num curto comentário publicado na sua página do Facebook considera que o ministro "não entende as suas competências e responsabilidades".

O CNRT diz que Somotxo "não parece ter conhecimento da separação de poderes" que existe entre os vários órgãos de soberania.

Chuvas provocam deslizes e inundações que afetam 25 famílias na capital timorense

Díli, 23 nov (Lusa) - Pelo menos 25 famílias foram afetadas por deslizes de terra e inundações na aldeia de Carungulan, na zona oriental da capital timorense de Díli, que deixaram várias casas cheias de lama e entulho, segundo uma avaliação preliminar das autoridades.

Ruben de Sousa Mendonça, técnico social do Ministério de Solidariedade Social (MSS), disse à Lusa que esse é o rescaldo preliminar conduzido na zona do suco (freguesia) de Metiaut e que o Governo vai já preparar auxílio de emergência para as famílias.

"Foram 25 famílias afetadas. Perderam muitos dos seus bens e as suas casas ficaram cheias de água e de lama", explicou à Lusa durante uma visita que uma equipa do MSS efetuou ao local com responsáveis do suco.

Não houve vítimas a lamentar e não está ainda contabilizado o valor total dos danos provocados.

Hong Long Fisheries, Lda: Krime Transnasional Halo Infiltrasaun Iha Timor –Leste

Komunikadu Imprensa

Hong Long Fisheries, Lda:

Krime Transnasional Halo Infiltrasaun Iha Timor –Leste

Iha inisiu tinan 2017, Fundasaun Mahein (FM) relata ona atividade peska husi Hong Long Fisheries, Lda ne’ebé kaer espesie sira protejidu hanesan Tubaraun. Hong Long Fisheries, Lda hanesan empreza Xineze ida ne’ebé hetan lisensa peska husi Ministériu Agrikultura no Peska iha tinan 2016. Liu deit fulan tolu atividade peska husi empreza ida ne’e nian sai polêmika boot iha sosiedade Timor-Leste tamba kaer espesie sira protejidu tuir lei Timor-Leste nian hanesan temi daudauk iha leten ne’e. Governu Timor-Leste hola medida imediatamente ba prátika ne’e no kria ekipa konjunta ida hodi halo investigasaun hasoru Hong Long Fisheries, Lda. Rezultadu husi investigasaun ne’e la fó sai públiku no la iha transparansia ba prosesu sira hasoru empreza refere. La kleur deit Hong Long Fisheries, Lda fila fali ba tasi-mane hodi halo atividade peska no la kleur deit mos komete kazu ne’ebé hanesan kaer espesie Tubaraun ho tonelada 225 husi ró 15 Hong Long Fisheries, Lda nian.  

Parte oin-oin iha Timor-Leste reazen maka’as ba prátika ne’e no halo ona investigasaun hasoru Hong Long Fisheries, Lda no hetan kobertura ida ne’ebé intensivu husi media nasional no internasional sira. Investigasaun la’o tiha ona no atividade ró peska husi Hong Long Fisheries, Lda daudaun ne’e suspende hela. Maibé to’o agora seidauk iha desizaun final ba kazu ne’e.

Hetok sai polêmika liu kona-bá sé maka na’in lólos ba empreza Hong Long Fisheries, Lda. Dokumentu ka lisensa peska ba Hong Long Fisheries, Lda naklekar iha media sosial konfirma faktu kontroversial ida no alega katak iha buat ruma ne’ebé bele deskonfia antes no durante Hong Long Fisheries, Lda hetan lisensa peska nian. To’o agora seidauk iha informasaun ofisial ruma hodi hato’o katak na’in lólos ba empreza refere. Maske ema hotu hatene katak empreza refere husi Xina.

Relatóriu FM nia deskobre katak empreza Hong Long Fisheries, Lda nia estatutu hanesan ró peska estranjeiru maibé faktu interesante ida ne’ebé FM hetan katak na’in ba empreze refere ema sidadaun nasional ka Timor-Leste tuir dokumentu ka lisensa peska ne’ebé FM asesu. Ne’e buat ne’ebé estrañu tebes no interasante tebes atu buka hatene prosesu sira hodi hetan lisensa peska nian, enkuantu hatudu iha públiku katak ne’e empreza estranjeiru nian maibé dokumentu relata oin seluk katak na’in ba empreza refere ema sidadaun nasional ka Timor-Leste. Prosesu hasoru peska Tubaraun seidauk ramata no interesante tebes ba autoridade sira seguransa no justisa loke investigasaun foun kona-bá lisensa peska ba Hong Long Fisheries, Lda. FM la iha ona dúvida kona-bá konflitu de interese ba lisensa peska nian no maneira seluk hodi hetan lisensa maka fa’an lisensa peska ba parte terseiru (Hong Long Fisheries, Lda) hodi hetan benefisiu ekonómiku ruma. Prátika sira nune’e proibidu tebes tuir Dekretu Lei Governu No. 6/2004, 21 Abril 2004, Baze Jeral Rejime Juridiku ba Jestaun ho Ordenamentu Peska ho Akikultura, artigu 30 katak lisensa peska komersial labele alienadu ka sai objetu atu aluga, ka hamonu obrigasaun ruma ka hamosu direitu seluk ne’ebé fó benefisiu ba ema seluk (third parties). Nune’e iha regra aplikável sira hodi regula no bele haree fila fali empreza nia lisensa ka ho lian seluk suspende lisensa ba  Hong Long Fisheries, Lda.

Relatóriu FM nian mos deskobre katak Hong Long Fisheries, Lda nia ligasaun besik ho empreza Pingtan Marine Enterprise Ltd. Dokumenta mos katak ró peska 15 Hong Long Fisheries, Lda nian hanesan propriedade empreza Pingtan Marine Enterprise Ltd  nian no ida ne’e la’os dokumentu segredu ida no públika momos iha sítiu empreza refere nian. Faktu sira nune’e, fo klaru liu tan Hong Long Fisheries, Lda nia na’in lólos maka empreza Xineza nian no la’os buat falsu ida hakerek iha lisensa peska ne’ebé deklara nu’udar na’in ba Hong Long Fisheries, Lda. Signifika katak Hong Long Fisheries, Lda hetan lisensa peska liu husi dalan fraude ka bosok.

Faktu importante seluk ne’ebé FM hetan katak Pingtan Marine Enterprise Ltd involve iha peska ilegal no krime transnasional sira iha mundu hanesan trafiku umanu, servisu forsadu no fraude de investidor sira. Faktu ne’ebé besik liu, viziñu Indonézia bandu ona Pingtan Marine Enterprise Ltd ho nia afiliasaun negosiu ne’ebé utiliza husi Pingtan Marine Enterprise Ltd labele halo atividae peska iha sira nia tasi. Komete mos fraude de investidores ne’ebé akuza ona husi Tribunal Federal Estadu Unidus Amerika nian iha loron 24 Novembru 2014. Nune’e mos involve iha kazu omesidu ida iha tasi Fiji nian iha tinan 2015. Inklui ró Hong Long Fisheries no Pingtan Marine Enterprise prende tamba deskonfia halo peska ilegal ba ikan Tubaraun iha Galapagos Marine Reserve iha loron 13 Agustu 2017.

Buat sira nune’e, lólos Ministériu Agrikultura no Peska tenke buka hatene antes hasai lisensa peska ba Hong Long Fisheries, Lda no empreza refere mos subar ninia erru sira ne’ebé komete iha rai seluk. Maibé informasaun sira nune’e la’os buat segredu ruma no notisia públiku. Dalaruma Ministériu Agrikultura no Peska lakohi buka hatene no dalaruma hatene mos maibé desvia husi ida ne’e. Ida ne’e hatudu momos ona iha lisensa peska ba Hong Long Fisheries, Lda katak na’in ba empreza refere ema sidadaun nasional ka Timor-Leste maske públiku hatene katak empreza refere estranjeiru nian. Faktu ne’e hatudu kona-bá fraude ka bosok hodi hetan lisensa peska nian.

Iha sorin seluk empreza Pingtan Marine Enterprise Ltd utiliza Hong Long Fisheries, Lda hodi hetan lisensa peska foun iha Timor-Leste. Tamba empreza Pingtan Marine Enterprise Ltd nia istoria nakonu ho atividade kriminal iha nasaun sira ne’ebé empreza ne’e hala’o nia atividade peska ba. Nune’e dalan ida atu tama iha Timor-Leste liu husi fraude ka bosok no utiliza parte seluk hodi hetan lisensa peska nian.

Tamba ne’e Timor-Leste presiza mellora nia kapasidade hodi halo jestaun ba peska nian, lisensiamentu, regulamentu, kontrolu no kapabilidade seguransa marítima nian hodi asegura riku soin sira iha tasi. Ida ne’e potensia ida ba Timor-Leste tenke koloka hanesan prioriodade ba dezenvolvimentu nasional hodi hetan benefisiu ekonómiku ida sustentavel.

Rekomendasaun

1 - Lisensa peska husi Hong Long Fisheries, Lda tenke kansela permanente, tamba Hong Long Fisheries, Lda la onestu no falla hodi taka ninia relasaun besik ho “parent company”, Pingtan Marine Enterprises (no sira nia afiliasaun ba empreza sira) nomos sira nia istoria kriminal.

2 - Ró 15 husi Hong Long Fisheries, Lda ne’ebé maka kaer ikan tenke prende no hapara hodi uza iha Timor-Leste ba dezenvolvimentu peska industrial domestika.

3 - Ba daudauk ne’e, sai prioridade, setor seguransa Timor-Leste tenke kompleta ho kapasidade ró patrulla no vijilânsia ka fiskalizasaun ne’ebé adekuadu no sustentavel hodi premite protesaun soberania tasi Timor-Leste nian.

4 - Ministériu Agrikultura no Peska ne’ebé fó lisensa ba Hong Long Fisheries,á Lda tenke investiga no prosesa tuir lei ba iha kazu ne’ebé liu dadauk ne’e.

Fundasaun Mahein (FM), 23 Novembru 2017

GMN TV | Jornal Nacional

GMN TV

Xanana halo deklarasaun iha rai liur, PM Alkatiri: “Ha’u lakohi responde”

Primeiru Ministru (PM) nudar mos Sekretariu Jeral partidu FRETILIN, Mari Alkatiri, lakohi atu responde ba deklarasaun ne’ebe mak lideransa masimu Aliansa Maioria Parlamentar (AMP) sira halo iha Singapura, Domingu, foin lalais ne’e.

Prezidenti partidu CNRT, Kayrala Xanana Gusmão, hasoru malu ho prezidenti PLP, Taur Matan Ruak no mos Konseleiru masimu partidu KHUNTO, José dos Santos “Naimori Bucar”, iha Singapura, hodi lejitima ejistensia AMP nian no mos halo mensajen paz ba povu Timor Leste atu moris hakmatek.

Liu husi deklarasaun konjunta ne’ebe afirma husi Kayrala Xanana Gusmão ne’e hato’o mos sira nia apresiasaun ba desizaun Prezidenti Republika (PR), Francisco Guterres “Lú Olo” kona-ba lejitimidade VII Governu Konstitusional no reafirama mos katak, nudar lideransa politika, sira sempre prontu kontirbui ba interese nasional.

“Relasiona ho deklarasaun Prezidenti CNRT Xanana Gusmão nian kona-ba situasaun politika iha rai laran, ha’u la responde deklarasaun ne’e tanba Prezidenti partidu CNRT hala’o fila fali konferensia iha rai liur,” afirma Primeiru Ministru Mari Alkatiri, hodi responde jornalista sira iha Hospital Nacional Guido Valadares (HNGV),  Kuarta (22/11/2017).

Alkatiri lia tun dehan, wainhira prezidenti partidu CNRT, Kayrala Xanana Gusmão hamutuk ho Taur Matan Ruak no José Naimori Bucar, halo deklarasaun iha rai laran karik, nia bele responde ho posivel tomak, maibe halo fali iha rai liur (Singapura-<strong><em>red</em></strong>) maka la bele duni atu responde.

Iha konferensia lideransa AMP nian ne’e,  Xanana hamutuk ho nia “alin” Taur Matan Ruak ho José Naimori Bucar deklara mos katak, AMP ne’ebe involve CNRT,  PLP ho KHUNTO  prontu atu responde ba situasaun sira ne’ebe karik sei mosu.

Tuir xefi Governu,  se wainhira presidente partidu CNRT, Partidu PLP ho KHUNTO hasai deklarasaun  iha Rai laran karik, iha posiblidade atu bele responsta. ety

GMN – Grupo Média Nacional

Reitór UNTL: Kualidade Ne’e Prosesu Ida

DILI, (TATOLI) - Reitór Francisco Miguel Martins akresenta iha Ministériu Finansa (MF), Ai-tarak laran, Díli, Kuarta (22/11) katak UNTL (Universidade Nasionál Timor Lorosa’e) serbisu hela ba kualidade, maibé kualidade ne’e prosesu ida, prosesu ida ne’ebé mak nunka hotu.

“Kualidade ensinu superiór ne’e relativa,” hateten reitór UNTL, Francisco Miguel Martins, iha semináriu kona-ba ensinu superiór no empregu, organiza husi Ministériu Edukasaun no Kultura (MEK) ne’ebé hala’o ho objetivu katak eleva kualidade edukasaun ensinu superiór nu’udar fatór xave ba aumenta empregabilidade graduadu sira nian.

Tanba ne’e, tuir reitór ne’e, nu’udar ezemplu UNTL halo investimentu ba kualidade profesór sira nian maske iha doutoramentu pursentu lima no mestradu pursentu 95 iha área oi-oin.

“Ita sei presiza tan forma dotór espesialista sira husi área oi-oin hodi eleva kualidade,” nia realsa.

Reitór universidade públika ne’e reforsa, Kualidade ne’e prosesu ida. Kualidade ne’e sei la monu husi lalehan, moris husi rai-laran mai, prosesu ida ne’ebé mak bele eleva sempre no kontinua bainhira presiza liuhusi kontribuisaun barak, fasilidade barak.

Entretantu, iha abertura semináriu ne’e, Primeiru-ministru, Marí Alkatiri iha nia intervensaun hateten katak Timo-Leste presiza hadi’a sistema edukasaun.

Notísia relevante; http://www.tatoli.tl/2017/11/tl-presiza-hadia-sistema-edukasaun/

Jornalista: Rafy Belo | Editór: Manuel Pinto

Foto: Reitór Universidade Nasionál Timor-Lorosa´e (UNTL), Francisco Miguel Martins.

Sentrál Elétrika Komoro La Funsiona

DILI, (TATOLI) - Sentrál Elétrika Komoro, Dili oras ne’e la halo ona operasaun hodi fornese enerjia eletrisidade ba konsumidora sira iha Kapitál Dili no Munisípiu Likisá tanba substitui fali hosi Sentrál Elétrika Hera no Betanu.

Diretór Nasionál ba Produsaun Enerjia Elétrika, Ministériu oras Públika, Inácio de Jesus Leite informa asuntu ne’e ba Jornalista sira horisehik iha edifísiu EDTL, Komoro.

Nia dehan tan sentrál EDTL Komoro fahe ba sentrál tuan no foun, sentrál iha jeradór hamutuk   5 ho marka MA , kada jeradór ho kapasidade 5.5 megawatt.

Enkuantu, sentrál tuan hamutuk jeradór 6 ho marka nigata 2, nigata 1, cater pillar no seluk tan ho kapasidade 3 to’o 4.7 megawatt.

ʺJeradór tuan iha sentrál tuan sira oras ne’e la funsiona tanba ne’e presiza manutensaun, maski jeradór sira ne’e la at,ʺ Inácio de Jesus Leite relata.

Tanba hein manutensaun sentrál tuan la fornese ona eletrisidade ba konsumidór sira iha Dili no Likisá hahú Novembru 2011 no sentrál foun mós la funsiona sura hosi fulan Agostu 2012.

“Jeradór sira presiza manutensaun hodi halo leilaun ba públiku bainhira governu deside atu halo leilaun,” Inácio esplika planu ba oin nian, hodi hatutan, Sentrál foun sei hetan manutensaun husi Kampaña internasionál Xina CSI mezmu Kampaña refere entrega ona sentrál EDTL foun Komoro ba governu iha tinan 2013.

Jornalista: Agapito dos Santos | Editór: Manuel Pinto

Fontes Radio Liberdade

Missão da CPLP na Guiné Equatorial só observou o ato eleitoral - secretária-executiva

Lisboa, 22 nov (Lusa) -- A secretária-executiva da CPLP respondeu hoje às críticas da oposição da Guiné Equatorial aos observadores eleitorais da comunidade lusófona explicando que a missão chegou tarde e só conseguiu observar o próprio ato eleitoral, tendo relatado um clima de tranquilidade.

Maria do Carmo Silveira explicou ainda que "a missão (de observação eleitoral da CPLP) vai preparar o seu relatório, no qual constarão, certamente, algumas observações e algumas recomendações para a melhoria do ato eleitoral no futuro", concluiu Maria do Carmo Silveira.

A secretária-executiva da Comunidade dos Países de Língua Portuguesa falava aos jornalistas no final de uma reunião com o primeiro-ministro de São Tomé e Príncipe, Patrice Trovoada, em Lisboa.

O Partido Democrático da Guiné Equatorial (PDGE) - do Presidente Teodoro Obiang -, no poder há 40 anos, venceu as eleições legislativas, para o Senado e municipais de 12 de novembro.

Portugal e Cabo Verde preparam projeto de mobilidade inter-estados para a CPLP

Lisboa, 22 nov (lusa) - Portugal e Cabo Verde vão apresentar em breve à CPLP um projeto para a mobilidade inter-estados e estão a estudar uma parceria "especialíssima" para a livre circulação de pessoas, revelou hoje o Presidente cabo-verdiano.

Jorge Carlos Fonseca fez o anúncio desta iniciativa dos dois países, a apresentar à Comunidade dos Países de Língua Portuguesa (CPLP), ao lado do homólogo português, Marcelo Rebelo do Sousa, por quem foi recebido ao fim da tarde no Palácio de Belém.

A audiência com Marcelo foi o primeiro ato oficial da visita de Estado que o Presidente de Cabo Verde iniciou hoje a Portugal.

JSD // ANP

Komemora 28 Novembru, governu gasta US$400.000

Ministru Administrasaun Estatal (MAE), nu’udar mós Prezidente Komisaun Organizadora 28 Novembru 2017, Valentim Ximenes, informa, Governu gasta Orsamentu Jeral Estadu (OJE) $400.000 hodi komemora 28 Novembru iha Munisípiu Covalima.

“Mais ou menus serca de $400.000 maka ita uza ba komemorasaun 28 Novembru iha Suai-Covalima no restu hela ba Munisípiu seluk, entre Munisípiu seluk ne’e Díli maka númeru boot liu, tanba Díli maka kapital nasaun,” Ministru MAE ba jornalista sira hafoin remata informa preparasaun komemorasaun aniversariu proklamasaun independensia 28 Novembru iha Suai-Covalima no Munisípiu sira ba Prezidente Repúblika (PR), Francisco Guterres ‘Lu-Olo’ iha Palasiu Prezidensial, Bairo Píte, Díli, Segunda (20-11-17).

Nia esplika, MAE fahe osan sira ne’e tuir nesesidade Munisípiu ida-idak nian, haree ema barak ka oitoan, maibé tanba agora konsentra iha Suai-Covalima, entaun osan barak liu maka iha Suai-Covalima.

Deskute Mosaun Sensura, Aniceto Sei Haruka Karta Ofisial ba Governu

DILI - Relasiona ho Mosaun Sensura neebe maka husi parte Bloku Oposizaun aprezenta hodi kontra governu, Prezidente Parlamentu Nasional sei ajenda data hodi deskuti kestaun nee ho governu.

Lia hirak nee hatoo husi Prezidente Parlamentu Nasional Aniceto Guterres ba Jornalista sira, hafoin remata enkontru ho Prezidente Republika Francisco Guterres Lú Olo, iha palasiu Prezidensial Bairru Pite, Kuarta (22/11/2017).

“Agora tempu atu deskuti nee maka prezisa atu hare tempu hodi konsentra ho governu, tamba  deskusaun mosaun sensura nee hakarak ka lakohi tenke ho Presenza Primeiru Ministru,” dehan Prezidente PN Aniceto.

Tuir Aniceito katak mosaun sensura nee liga ho governu neebe tuir konstituisaun, hodi implika ba demisaun governu, atu deskuti mosaun sensura parlamentu sei halo konsetasaun tempu ho governu, hodi hare bainhira maka atu deskuti kona ba mosaun sensura nee.

Alem ida nee Prezidente Parlamentu mos relata konaba servisu funsionamentu Parlamentu ba Prezidente Repubbllika, liu-liu Orsamentu Ratifikativu neebe sei iha prosesu no iha tempu badak sei halo deskusaun iha PN. 

Natalino Costa | Suara Timor Lorosae

MUTL Lamenta Politika BOP Iha PN, Larefleta ba Situasaun

DILI - Movimentu Universitariu Timor Leste (MUTL) lamenta tebes ho politika Bloku Opozisaun Parlamentar (BOP) halao iha Parlamentu Nasional. Tanba labazeia ba sira nia deklarasaun katak sei sai opozisaun konstrutivu no edukativu.

Lia fuan hirak nee hatoo husi Portavos MUTL Noe Bernardino Ximenes ba STL iha Salaun Canossiana Becora, Dili Kuarta, (22/11/2017). Nia reansa tuir tan katak, parte BOP hatoo nia politika liu husi monsaun sensura ida nee konsidera hanesan risku ba funsaun sosial no impede makina estadu.

Ami sente triste teb-tebes uinhira haree konaba situasaun politika neebe lao oras ne iha TL. Uluk partidu CNRT dehan ona katak sei halo politika opozisaun konstrutivu no edukativu no parte PLP dehan pronto atu sai opozisaun ho kualidade, maibe laiha realidade maibe nee politik deit,”nia kualia.

Krizi politika neebe mosu oras nee bele loke dalan ba krizi finansa iha estadu failhadu. Tanba laiha instituisaun ida neebe beele kontrola funsionamentu sistema governasaun neebe diak no solidu.

Tuir Retor Universidade Dili (UNDIL) Estevao da Costa Belo nia hanoin katak demokrasia beele deputadu halo politika iha parlamentu nasional no larefleta ba situasaun atual. Realidade seluk hatudu momos ba sosiedade katak mosaun sensura neebe hatoo husi parte BOP laimplika mos ba situasaun rai laran no lahamosu instabilidade. 

Justinho Manuel | Suara Timor Lorosae

Emprezariu Sai Motor ba Dezenvolvimentu TL

DILI - Prinsipiu emprezariu nasional maka atu kria relasaun diak nafatin ho emprezariu Internasional sira ho objetivu atu sai nafatin motor ba dezenvolvimentu nasional.

Lia fuan hirak nee hatoo husi Diretor Kumpania Nimia Construction. Lda Epifanio Faculto dehan situasaun politika neebe lao iha TL, oras nee la afeita ba emprezariu nasional no internasional atu halao nia funsaun hanesan emprezariu no sai indepedente nafatin atu halao nia misaun nudar parseiru governu.

“Situasaun politik nee nia inpaktu boot ba aktividades tantatu nasional no estranzeirus. Ita Timor oan tenki iha korazane ba malu. Haree ba reasaun politika neebe mak akontese dadauk nudar emprezariu tatoli ba emprezariu estranzeiru katak Timor nee mezmu iha polimika maibe iha matoridade atu rezolve problema,” nia kualia.

Tanba nee nia husu nafatin ba emprezariu Timor oan hotu atu servisu hamutuk no unidade nafatin atu kontribui ba povu no nasaun liu husi dezenvolvimentu nasional. Nunee moos fo nafatin emajen diak ba emprezariu internasional atu mai investe iha Timor.

Tuir Retor Universidade Dili (UNDIL) Estevao da Costa Belo katak politika neebe akontese nee konsidera politika konstituisional no lakonsidera ida nee sai hanesan krizi militar nee oinseluk. Tanba parte emprezariu laiha problema tanba sira nia misaun maka sai parseiru ho governu atu kontribui ba dezenvolvimentu. 

Justinho Manuel | Suara Timor Lorosae