Timor-Leste solidário com França condena "atos criminosos" dos atentados em Paris

Lisboa, 14 nov (Lusa) -- O governo de Timor-Leste expressou hoje condolências ao povo francês pelas mortes "causadas por atos criminosos" nas últimas 24 horas, juntando-se à comunidade internacional na condenação dos ataques em Paris.

Através de comunicado emitido pelo seu porta-voz, o governo timorense afirma-se solidário com França.

"Neste momento, o primeiro-ministro de Timor-Leste está junto do Presidente da República Francesa, François Hollande, e do primeiro-ministro, Manuel Valls, manifestando o seu apoio ao governo e a todas as equipas médicas e de segurança, que estão a dar o seu melhor para lidar com esta situação extremamente trágica", lê-se no documento.

"Os nossos sentimentos estão com o povo da França e com todos os envolvidos nestes eventos traumáticos. Neste momento difícil, permanecem nos nossos pensamentos e orações", escreve o primeiro-ministro, Rui Maria de Araújo.

Pelo menos 127 pessoas morreram e 180 ficaram feridas, 80 das quais em estado crítico, em diversos atentados em Paris, na sexta-feira à noite, segundo fontes policiais francesas.

Oito terroristas, sete deles suicidas, que usaram cintos com explosivos para levar a cabo os atentados, morreram, segundo as mesmas fontes.

Os ataques ocorreram em pelo menos seis locais diferentes da cidade, entre eles uma sala de espetáculos e o estádio nacional, onde decorria um jogo de futebol entre as seleções de França e da Alemanha.

A França decretou o estado de emergência e restabeleceu o controlo de fronteiras na sequência daquilo que o Presidente François Hollande classificou como "ataques terroristas sem precedentes no país".

AH // SB

Traficante de droga de Hong Kong condenado à morte na Indonésia

Jacarta, 14 nov (Lusa) -- Um tribunal indonésio condenou à morte, na sexta-feira, um residente de Hong Kong por traficar 860 quilogramas de metanfetamina cristal no início do ano.

Wong Chi-ping foi apanhado com outras pessoas em janeiro, enquanto coordenava o tráfico da droga da Malásia para a Indonésia.

As autoridades indonésias, que monitorizavam há três anos o suposto 'cabecilha' por detrás do negócio, afirmaram que Wong Chi-ping fazia parte de uma rede global de tráfico de droga.

A Indonésia aplica uma das mais duras leis do mundo contra crimes de droga e tem vindo a impulsionar a sua campanha contra o narcotráfico sob liderança do Presidente Joko Widodo, um forte defensor da aplicação da pena capital para traficantes.

Sob a sua presidência foram executados 14 condenados por tráfico de droga, 12 dos quais estrangeiros.

DM // MP

Responsável indonéziu hakarak atu “piranhas” no tigre sira mós hein prizaun, aleinde lafaek

Ema hamnasa responsável indonéziu ida iha rede sosiál sira ba proposta atu harii prizaun ida ba trafikante droga sira iha illa ida no hein hosi lafaek sira, propoin mós “piranhas” no tigre sira atu prizioneiru la bele halai.

Bainhira esplika idaeia iha semana ne’e atu lafaek sira sai hanesan guarda prizionál, xefe ajeénsia indonézia nian ba luta kontra narkótiku (BNN), Budi Waseso, deklara katak, kontráriu ho ema, réptil sira fó tentativa ba korrupsaun trafikante sira ne’ebé hakarak halai.

Impresiona ho reasaun hosi ideia ne’e, Waseso hatutan katak, aleinde lafaek guarda prizionál, hakarak mós atu haree tigre no “piranhas”.

"Bele uza mós “piranhas” no, tanba númeru funsionáriu prizionál ne’ebé uitoan, ita mós bele tigre sira", deklara Waseso, sita hosi 'media' lokál sira.

Portavós BNN nian ida, Slamet Pribadi, konfirma horisehik proposta ne’e no hatán ba dúvida sira kona-ba projetu Waseso nian: "Hanesan proposta séria ida, la’ós buat halimar ida. Tráfiku droga hanesan krime estraordináriu, no tanba ne’e mak luta [antidroga] mós tenke estraordinária".

Indonézia iha ema dezena mak kondena ba mate tanba tráfiku droga.

Maski iha lei ne’ebé bandu narkótiku iha Indonézia ne’ebé aat liu iha mundu, droga sirkula sein problema iha prizaun sira. Detidu, guarda no polísia sira mak regularmente detidu tanba infrasaun, liu-liu korrupsaun.

SAPO TL ho Lusa

Ema 120 resin mate, entre sira ne’e na’in haat terrorista

Ema 120 resin mate, entre sira ne’e na’in haat terrorista, iha atake iha sesta-feira kalan iha sentru Paris nian no iha imediasaun Estádio de França, haktuir autoridade franseza sira.

Prezidente fransés, François Hollande, dezloka ba sala espetákulu, Bataclan, ne’ebé konkista hosi reféns no ema dezena mak mate.

Primeirou-ministru, Manuel Valls, no titulár sira hosi pasta Interiór, Bernard Cazeneuve, no Justisa, Christiane Taubira mak akompaña xefe Estadu fransés.

Tuir fonte polisiál, suspeitu na’in tolu hanesan responsável hosi atake iha Bataclan mate  durante asaltu mak halo hosi polísia hodi liberta reféns.

Konsidera ema ida seluk hanesan bombista suisida, mame iha esplozaun ida iha imediasaun Estádio França, haktuir polísia.

Iha sekuénsia atake hirak ne’e mak  akontese iha loron-sesta kalan iha sentru Paris nian besik Estádio França, xefe Estadu fransés deklara "estadu emerjénsia" no hakotu hodi taka fronteira.

SAPO TL ho Lusa

Dignifika Juventude Herói Da Pátria Liu-Husi Rekoñese Istória Pasadu No La Nonok Ba Korupsaun

Dili, Radio Liberdade Online-  Loron 12 de Novembru sai hanesan loron istóriku ho akontesimentu masakre bo’ot ida ne’ebé ita hanaran Masakre Santa Cruz, wainhira iha tinan 1991, Juventude Timor-Leste ho aten barani fakar sira nia ra’an ba objetivu ida, ukun rasik-an. 

Nune’e ho kbi’it no korajen tomak ne’ebé Juventude Timor-Leste iha mak determina destinu nasaun ida ne’e, maske hasoru dezafius bo’ot iha akontesimentu ne’e to’o soe isin lemo rai, maibé Juventude sira nafatin ho prinsípiu ne’ebé metin hodi luta kontra invazaun Indonézia to’o hetan liberdade total.

Tanba ne’e hanesan Nasaun ne’ebé independenti no livre ona husi konflitu, nafatin konsidera hodi komemora atu fó valorizasaun ba loron “12 de Novembru-Masakre Santa Cruz”, hanesan loron espesiál ba Juventude Lorico Asuwain sira, tanba liu husi loron ida ne’e mak Timor-Leste termina ninia destinu ba ukun rasik-an. 

Sergio Filomeno Marque hanesan Sobrevivente ba Masakre 12 de Novembru hato’o nia sentimentu orgullu tanba iha komemorasaun tinan ne’e hetan partisipasaun másimu husi Juventude sira.

“Ita orogulhu tamba partisipasaun Joventude sira foun ne’e ke barak, entaun signifika Joven sira komesa fo valorijasaun,”  Ekspresa Sergio.

Sobrevivente ne’e mós hatutan katak kontribuisaun sira nian la’os para de’it iha tempu luta ba Independénsia, maibé ho Nasaun demokrátiku agora ne’e mós sira nafatin fó kontribuisaun liu husi ideias no mós ajuda enkoraja jerasaun foun sira hodi nafatin iha sentimentu nasionalizmu ba Nasaun foun ida ne’e, “Permeiru ita kontribui ita nia idea, ita nia hanoin, rona shefi aldeia mos kontribui ona, servisu ruma iha aldeia ami halo karik ne’e kontribuisaun tiha ona, buat bo’ot liu mak lalaok Governasaun lao ladun diak karik ita rekomenda dehan maijumenus situasaun povu ida ne’e hanesan ne’e, persija hadia,  kontribuisaun seluk mak kontribui fijika, la kolen atu hakbesik joben sira oinsa mak hari pas, hari unidade, sosialija ispiritu nasionalismu ba ita nia joven sira.”

Kontribuisaun povu no Juventudi sira nian importante tebes ba Dezenvolvimentu Nasionál, tanba ho ita nia kontribuisaun bele halo mudansa pozitivu ba prosesu ida.

Relasiona ho komemorasaun ida ne’e Família husi Vítima ba Masakre 12 de Novembru Getrudes Soares de Carvalho espera tebes ba Governu hodi bele buka tuir ruin Vítima nian ne’ebé maka seidauk hetan to’o ohin loron, “Nudar familia, la ejiji buat barak, husu Governu halo esforsu ajuda buka ruin sira ne’e, la atu hatodan Governu, maibe ajuda haruka forensic ne’e mai nafatin para atu kontinua buka materuin sira ne’e.”

Iha parte seluk sobrevivente André Rangel Gomes mós husu ba Nai Ulun sira atu laran luak tau matan ba povu sira nia halerik, no mós bele rezolve ba injustisa ne’ebé akontese iha nasaun ida ne’e, “Ba ema ne’ebe mak tur iha Lideransa, tur iha Governu mos tur iha Estadu tengki lori ispiritu povu Maubere nian hodi lao, hodi hare, para dejenvolve ita nia rai, liu liu labele tur nonok, tur ho hakmatek deit hare ba kaju hanesan korupsaun ho kaju bar barak ne’ebe ke viola veterandus ho os sobrevivensia.” 

Photo from : Facebook Prezado Ximenes

Rádio Liberdade Dili

Atu Hatene Progresu Ejekusaun Orsamentu, Komisaun F Halo Audensia Publiku Ho Ministeriu Saude

Dili, Radio Liberdade Online_Komisaun F  ne’ebe mak trata asuntu Saude, Jeneru, Desporto no Edukasaun halo audensia publiku ho Ministeriu Saude .iha sala konfrensia Parlamentu Nasional 11/11/15.

Presidente komisaun F,  Virjilho Hornai hateten katak objectivu husi audensia publiku ne’e katak, “Parlamento atu husu sira nia progresu ezekusaun osamento anterior, ita kolia uluk kona ba osamento 2015 nian, ninian progresu ezekusaun ne’e hira, tamba Miniteriu ninia osamento sira ne’e husi dirasaun ida-idak, depois ita hare akumuladu ba iha Ministeriu ninian, halo nusa, pois ita husu katak  osamento ida 2015 ou osamento ida lao dadauk ne’e ninia defisiensia ou ninia kekuragan ne’e saida no nia problema ne’e iha ne’ebe ? ita buka inteira ida ne’e para atu osamento ida ne’ebe mai fali 2016 ne’e, ita atu diskusi ne’e, ita bele ajusta ona kondisoens ne’e, para atu nune osamento ida mai fali ne’e bele fo milora tan ou hadia.“

Virjilho haforsa tan katak osamento ba Ministeriu Saude iha tinan 2016 sei  iha redusaun 14 Milioens e osamento tinan 2015 iha 56 Milioens.

“Mais ohin ami husu iha redusaun osamento ne’e, sei fo  ezersisiu ba  Ministeriu ninian ba iha atendementu saude publiku ga lae? entaun sira dehan la iha, tamba sira halo redusaun ba kompras aimoruk, tamba stoc anterior e stoc ida agora ne’e sei barak hela entaun sira bele kompleta tan balun deit.“ isplika Virgilio.

Virgilio hatutantan katak, “redus osan ida ba iha fornese aihan ba pasiente sira ho nia familia, uluk ne’e dehan sura deit kama pasiente toba ou la toba mos sura deit kama, katak kama iha fatin ida ne’e hira e la sura pasiente ne’ebe mak ba halo tratamento ou baiza iha ne’eba tamba kompania sira sura deit kama entaun Ministeriu Saude hadia ona katak lae so selu pasiente sira ne’ebe mak mai baisa ou halo tratamento pois mak cas aihan ba nia.”

Alein ne’e Presidente komisaun F  hateten katak labele iha redusaun  osamento ne’e fo konsekuinsia ba atendementu ne’ebe mak Ministeriu Saude fo ba populasaun.

Rádio Liberdade Dili

ALERTA FM: PNTL Presiza Garante Siguransa Natal no Ano Novo 2015?

La’os buat foun, akontesementu konflitu no oho malu entre timor-oan iha kapital Dili no Munisipiu sira wainhira atu tama no depois loron natal no tinan foun nian. Kazu asalta no oho malu entre foinsae sira, foinsae sira ho autor siguransa nomos ho ema estranjeirus. Tuir monitorizasaun Fundasaun Mahein – FM hahu husi tinan 2012 to’o 2015 hatudu katak iha periodu antes no depois loron natal no tinan foun sempre mosu konflitu entre grupu geng iha Timor-Leste no asaltu husi ema deskuiñesidu sira. Situasaun hirak ne’e hamosu trauma no komunidade senti la seguru.

Ezemplu kazu konflitu no asaltu malu lubuk ida ne’ebé mosu entre fulan Setembru no Dezembru 2012. Grupu diskuiñesidu ataka padre nia rezidensia iha Igreja Motael iha loron 28 Setembru 2012, joven ida hetan sona iha Comoro iha loron 27 Setembru 2012, no loron 29 Setembru 2012 joven ida hetan sona iha Bairo-Pite, asaltu Uma Reitor Dili Institute of Technology iha lorn 28 Setembru 2012. Konflitu Grupu Arte Marsial – GAM iha loron 10 fulan Dezembru tinan 2012 iha kapital Dili hodi rezulta joven ida mate no estragus sasan barak komunidade nian, sunu uma no kareta.

Iha tinan 2013, konflitu no asaltu entre foinsa’e no ho autor siguransa kontinua akontese iha dalan-sira kapital Dili no Munisipiu sira iha Timor-Leste. Kazu sustifikadu ida, iha loron 29 Dezembru 2013 grupu deskuiñesidu halo asaltu no tá kanek membru polisia Eskuadra Baguia Sarjentu Armindo da Cruz. No, depois tinan foun, ema deskuiñesidu oho joven ida iha ponte Bekora, iha loron 04 Janeiru 2014. Nune’e mos kazu oho malu brutal iha periodu natal no tinan foun (30 Dezembru) 2014 ne’ebé joven na’in 3 hetan tá iha kakorok no joven ida mate hetan sona husi ema deskuiñesidu depois loron tuir mai, iha Munisipiu Baucau.

Kazu konflitu no asaltu husi grupu diskuiñesidu besik no depois periodu loron natal no tinan foun kontinua akontese to’o ohin loron. Kazu konkretu maka iha inisiu fulan Novembru 2015, hahu mosu tan ona kazu asaltu malu brutal iha tempu kalan, iha kapital Dili no Munisipiu Manatuto. Akontesementu sustifikadu ida maka grupu deskuiñesidu ataka joven ida ne’ebé foin fila husi treinu joga bola iha loron tersa (10/11), iha area Delta Tres, Dili. Asaltu ne’e, joven ida hetan sona iha kotuk-laran no tá iha liman karuk. Depois liu loron ida joven ne’e mate hafoin hetan tratamentu iha Hospital Nasional Guidu Valadares – HNVG – Dili. Akontesementu brutal iha loron hanesan, membru siguransa privadu ida hetan hana iha kabun ho rama-ambon husi ema deskuiñesidu na’in rua ne’ebé lori motor no taka oin ho masker metan.

Nune’e mos kazu rua ne’ebé akontese iha Munisipiu Manatuto, antes loron finadu joven ida hetan asaltu husi grupu deskuiñesidu iha area entre Munisipiu Manatuto ho Administrador Postu Laleia. Iha asaltu ne’e grupu deskuiñesidu foti vitima nia osan hamutuk Dollar Rihun Ida Amerikanu. Grupu deskuiñesidu kontinua hala’o atividade asaltu iha loron 5 Novembru hasoru sidadaun estranjeiru (Indonezia) iha area no dirasaun ne’ebé hanesan. Rezultadu husi akontesementu ne’e, vitima husi nasaun viziñu ne’e hetan tá iha liman parte loos no karuk. Grupu diskuiñesidu mos lori motor marka Revo ho matrikula TL 3736. Husi kazu rua ne’ebé FM relata to’o ohin loron autor siguransa seidauk iha kapturasaun ba suspeitu.

Relasiona ho akontesementu brutal hirak ne’e, mosu pergunta no rumores iha komunidade nia leet, tanba sa konflitu no asaltu malu ne’e kontinua mosu? Karik grupu KIBATA mosu fali ona? Polisia Nasional Timor-Leste – PNTL iha ne’ebé? Karik instituisaun PNTL bele garante siguransa no paz iha periodu natal no tinan foun 2015? Pergunta ida ne’e sadik no provoka timor-oan ida-idak atu sai no nu’udar autor ba siguransa no ajente ba paz no estabilidade iha rai-laran.

Ho ida ne’e, Fundasaun Mahein hakarak rekomenda maka hanesan tuir mai ne’e;

1. Rekomenda ba Polisia Nasional Timor-Leste – PNTL atu halo patrollamentu rutina no reativa postu mobile iha kapital Dili. Ho nune’e bele asegura siguransa iha komunidade nian leet, partikularmente movimentu komunidade iha tempu kalan.

2. Rekomenda ba PNTL iha Munisipiu sira atu halo patrollamentu iha Estrada publiku sira hodi nune’e evita numeru asaltu husi grupu diskuiñesidu ba komunidade ne’ebé halo movimentu ba-mai.

3. Rekomenda ba Autoridade Lokal, lider juventude ho veteranu hodi serbisu hamutuk ho Ofisial Polisia Suku – OPS iha ida-idak nia suku. Hodi nune’e bele hametin paz no estabilidade iha bairo-laran.

FM ALERTS: A Need to Ensure Security for Christmas and New Year’s 2015?

Conflicts and murders among Timorese people are not a new thing in Dili and the municipalities around Christmas and New Year’s. In the past, there have been attacks on and killings of young people, security actors, and against foreigners. According to Fundasaun Mahein’s (FM) monitoring, during the Christmas and New Year time period and afterwards, conflict among local groups (gangs) occur frequently in Timor-Leste, and involve increased attacks on strangers and unknown parties in local communities. Theseincidents traumatize communities and make local citizens feel insecure.

For instance, a number of conflicts took place in mid of September and December 2012. In one incident, an unknown group attacked the residence of the priest in Motael Church on September 28th 2012. A young man was stabbed in Comoro on September 27th 2012, and another stabbing of a young man took place in Bairo Pite on September 29th 2012. There was an assault on the residence of the rector of DIT (Dili Institute of Technology) in September 2012. Conflicts between martial art groups (GAM) occurred multiple times in December 2012 in Dili, and resulted in the death of one young man and the destruction and burning of community property, including houses and vehicles.

n 2013, conflicts arose between local youth and security actors in the streets in Dili and municipalities of Timor-Leste. For example, on December 29th 2013, an unknown group assaulted and stabbed a PNTL member of Baguai station, Sergeant Armindo da Cruz, and after New Year’s Day the unknown group killed a young man on Becora Bridge on January 4th 2014. Brutal cases arose again near Christmas and New Year’s Day in 2014, when on December 30th 3 youths were attacked and stabbed in their necks, with one dying the next day in Baucau.

Conflicts and assaults from unknown groups in the time period around Christmas and New Year’s Day continue to occur. One known recent incident occurred in early November of 2015, in which two groups assaulted each other in night altercations in Dili and Manatuto. Yet another indicent arose on Tuesday, November 10th, in which an unknown group attacked and stabbed a young man who was returning from his football training in Delta 3, Dili. The victim died from his injuries despite treatment at the National Hospital Guido Valadares (HNGV) in Dili. Another assault occurred the next day, November 11th, when a private security member was shot in the throat by two unknown people on a motorbike with faces covered with black masks.

Two further cases took place in Manatuto. Near All Saints Day, a young man was assaulted by an unknown group in Manatuto and near the administrator of the Laleia post area. In this incident, the gang took the victim’s money, totaling one thousand dollars. This same group then assaulted an Indonesian citizen on November 5th in the same area. During the assault, the victim was injured in both his hands. The group was riding a motorbike (REVO-TL 3736). In these two cases, related by FM, security actors have not yet captured the suspects.

There are emerging questions and rumors amongst local communities regarding these brutal incidents. Why do conflicts and assaults continue to take place? Is the KIBATA group re-appearing? Where is the PNTL? Can the PNTL ensure security and peace during this Christmas and New Year’s? These questions challenge every Timorese people to become security actors and agents for peace and stability for this nation.

Fundasaun Mahein recommends:

1. The National Police of Timor-Leste (PNTL) hold a routine patrol and establish reactive mobile posts in Dili in order to ensure security and safety for the community, especially for citizens’ engagements and activities at night.

2. The PNTL in the municipalities hold patrol in public roads in order to limit the number of assaults from gangs on local citizens.

3. Local authorities, youth leaders, and veterans cooperate with Police Official Villages (OPS) in each village in order to strengthen peace and stability in each suburb.

Fundasaun Mahein

Lere Mate-Moris Hamutuk ho FRETILIN

Maijór Jenerál FALINTIL-Forsa Defeza Timor-Leste (F-FDTL), Lere Anan Timur hateten katak nia lakohi halo konfuzaun jerasaun foun sira. Tanba ida ne’e, nia sei la harii partidu ida. Bainhira reforma, sei ba nafatin FRETILIN de’it.

“Karik Prezidenti Taur maka harii maibé ha’u hateten loloos katak ha’u laiha partidu. Uluk iha tinan 1975-1987, ha’u iha FRETILIN (membru Komité Sentrál FRETILIN). Sé aban bainrua ha’u sai hosi militár ha’u ba FRETILIN. Ha’u la ba partidu seluk,” Lere tenik ba jornalista sira iha Jardin Sebastião Gomes, Motael, Díli, Kuarta (11/11/15), relasiona ho informasaun katak nia hamutuk ho Prezidenti Taur harii ona partidu foun.

Nia haktuir, sira ne’ebé agora loke partidu sira ne’e halo ita nia án hanesan karau no hanesan bibi loloos. Orsida dudu ba mai lahatene sira atu hili sé. Halo ita nia povu ne’e sai konfuzaun.

Lere tenik katak ema bele sosa nia ho osan miliaun ka sosa ho saida mós nia sei la tuir. Ninia partidu maka partidu ida ne’ebé nia fakar nia ran ba. (*)

Matadalan

La’os Tabele Maibé Hadomi Povu no Partidu

“La’os ami mai tanba de’it hakarak tabele de’it avo xavi nia partidu ne’e lae? Maibé ami mai partidu ne’e tanba hadomi imi hanesan ami hadomi ami nia án rasik no iha buat ruma mai husu didi’ak de’it ne’e maka ema ida de’it. Iha partidu ne’e ha’u lakohi ema ulun fatuk rua mak mai iha partidu ne’e lakohi, hakarak ulun fatuk ida de’it. Tanba ne’e tenke prepara an didi’ak mak mai iha partidu ne’e hodi prepara 2017 nian”.

Prezidente Partidu Istóriku, Partidu Assosiasaun Sosial Demokrata Timorense (ASDT) Francisco da Silva hato’o lia hirak ne’e ba Jornalista sira iha sede nasionál ASDT, Lecidere, Dili (3/10/2015), bainhira ramata enkontru dahuluk Konsellu Ezekutivu Nasional (KEN) partridu ASDT nian.

Francisco ínforma, estatutu partidu ASDT nian sei la muda buat ne’ebé iha tiha ona partidu laran. Bainhira estrutura partidu ne’e ba hasoru malu ho CNE no Tribunal rekursu mós, sira husu nafatin keta muda estatutu ruma partidu nian. Nia dehan Estrutura foun ne’e kontinua  de’it saida maka saudozu  Xavier tau hela iha estatutu refere.

Nia hatutan katak bainhira iha serimonia ka aktividade ruma maka nia hanesan Prezidente Partidu nian maka la marka prejensa entaun vise prezidente ou sekretáriu jerál partisu nian sei marka prezensa.

Iha enkontru ne’e, estrutura ASDT fahe kna’ar ba malu hanesan vise prezidente na’in hitu (7) hanesan Agapito Ferreira , Evaristo Trindade Salsinha, Domingos Juvencio da Costa, João dos Santos “Ramcabiam”, Jose Soares Boavida, Filomeno Bianco no Samuel Barbosa, ne’ebé idak-idak kobre iha nia area.

Alein de ne’e numeia mós sekretáriu rejiaun na’in lima maka hanesan, Lorenço da Costa, Domingos de Paulo, Clementino Amaral, Candido Soares, António Quefi, nune’e hodi kompleta estrutura nasionál partidu ASDT nian period tinan  2015 to’o 2020.

“Presidente partidu ASDT ne’e sei la hare ba kor A, B ka C maibé hare de’it ba ema ne’ebé iha interese hakarak atu hadi’a no dezenvolve povu no rai doben ida ne’e mak ha’u nia hakarak. No ha’u lakohi partidu sira fahe malu diak liu hare malu hanesan uma ida  de’it maske partidu FRETILIN, PSD,PD CNRT no ASDT se fahe malu buat hotu ladun diak,” deklara Francisco.

Iha fatin hanesan Sekretáriu Jeral Partidu CNRT, Deonisio Babo hatete, Aban bain rua atu partidu ASDT mak manan ka partidu seluk mak  manan mós mesak ema timor oan  hotu de’it naran povu fo fiar mai ita naran kaer ukun rai ida ne’e ukun ho didiak no desenvolve povu ida ne’e  maka importante.

 “ha’u kontente teb-tebes tanba ohin esplika hosi simpatijantes no militantes katak ami realiza reaniaun konselu ezekutivu nasional ida ne’e, ami tau osan oi-tuan hamutuk hodi bele organiza enkontru ne’e maka importante. la presiza lori fali osan barak  no la presiza lori sasan barak ida ne’e espritu durante luta 24 anos ema la fo osan ida no ema ida maibé konseke hetan idependensia ,” Deonisio babo apresia.

Deonisio babo Haktuir Nasaun Timor-Leste la’os foin ukun-án maibé kleur tiha ona iha 28 de Novembru 1975. Bainhira saudozu proklamadór Francisco Xavier do Amaral hamutuk ho saudozu Nicolao Lobato dos Reis no maluk sira sel-seluk tan. Hafoin mak restaurasaun iha 20 de Maiu 2002 iha tasi tolu.

Nia realsa, iha konstitusaun  RDTL iha artigu 5 hatete katak estadu ida ne’e respeita prinsípiu da desentralizasaun administrativa nian. Desentralizasaun administrativa katak atu hatete ba poder lokál labele metin iha Díli  maibé tenké to’o iha munisípiu no to’o Postu Administrativu hotu.

Babo hatutan tinan oin iha elisaun, kompetisaun sei makas ne’e duni husu partidu sira atu organiza án halo didi’ak. Elisaun mai maka partidu ASDT forte iha Munisípiu Aileu, Ainaro ka Same maka munisípiu mai oin Governadór ne’e sei hili hosi partidu ASDT rasik.

Iha biban ne’e Sekretáriu Jerál Norberto pinto, esplika 2015 Kongresu Extraordinário Nasionál (KEN) iha salaun CNE, Ne’e duni estrutura foun ida ne’e pronto atu kompete iha 2017 no la promote maibé  promote de’it mai ita hotu hamutuk hodi hare rai ne’e kria desenvolve, estabilidade, paz no unidade.

Iha biban ne’e mós Estrutura foun ne’e sei la obriga ema atu hili ASTD maibé hili ASDT, hili domin, dame kaer metin unidade nasionál no ukun rasik an. “tanba saída mak ha’u dehan hanesan ne’e tanba ASDT (Asosisaun Sosial Demokratika Timorense) lian ida ne’ebé mai tiha ona 1974,”  Norberto esplika.

Nia dehan Hahú hosi 2001 ASDT seidauk halo eru ida ba nasaun no liu hosi avo xavi hanesan fundador proklamador, presidente hatete dehan hanesan ne’e “se mak hamutuk ho ha’u desiplinadu kaer metin ukun rasik an no kaer metin unidade nasional”.

Resultadu kongresu nasionál loron 18 Jullu 2015 ne’ebé maka hetan ona legalidade notifikasaun hosi tribunal rekursu ida ne’e ofisialmente sei hamrik metin hanesan aprovadu partidu ASDT periodu 2015 to’o 2020.

Aproveita oportunidade ida ne’e estrutura foun deklara ba públiku tomak katak hodi fahe serbisu tomada vise-presidente, sekretáriu rejiaun no kordenadór munisípiu sira. No iha tempu badak nia laran mós sei realiza kongresu ba munisípiu tolu (3) hanesan Aileu, Ermera, Likisa.

Nia dehan problema ne’ebé durante ne’e mosu interna partidu laran, estrutura foun ida ne’e la’os, estrutura suspeitu maibé ami estrutura vítima. “ha’u adjuntu jeral rasik 2012 to’o 2015. Ohin ha’u asumi fila fali knar sekretari jeral la’os ha’u nia hakarak maibé vitima hosi munisipiu sanulu resin rua 12 inklui zona espesial oe-cusse liu hosi militante sira basea artigu 18 koalia bele halo kongresu extraordinario tempu saida de’it”. (MJ8)

Matadalan

Abio Salsinha Naik Haji

Iha Timor, Abilio Soares Salsinha “naik daun” [famozu] iha muzika. Iha Indonézia nia buka-naran iha industria filme. Iha Timor, nia iha sentimentu solidariedade ás tulun uma kreda hodi fó Estátua Sta. Maria ba Igreja Liquisa no fó Ai-Kruz Santa ba kapela iha Asumanu. Iha Indonézia, nia halimar iha filme Naga Bangor, Madun, no Tukang Bubur Naik Haji.

Abio Salsinha naik haji? Naran Katólika, eh, nia bele ba naik haji. Ne’e iróniku tebes. Maibé, ida ne’e mak sai Abio nia esperiénsia. La’os nia naik haji tebes maibé nia so hala’o de’it nia papel (peran) nu’udar master of ceremony (MC) iha telenovela “Tukang Bubur Naik Haji” hodi halimar hamutuk ho ema autor seluk ne’ebé nota bene Musulmanu puru. Aleinde ne’e, nia mós sai autor-auxiliáriu nu’udar preman iha filme Naga Bangor no halimar mós iha filme Madun iha MNCtv ho RCTI.

“Ha’u nia partisipasaun iha filmazem hirak ne’e, senti kontente tanba atu tama iha ne’ebá la’os buat ne’ebé fásil. Ha’u orgullu boot teb-tebes tanba halimar filme sira hanesan Tukan Bubur Naik Haji, Madun, Naga Bangar, depois ha’u mós sai manajer ba Ficky Prasetio nian. Nu’udar timoroan ida ha’u fanu tan foin sa’e sira atu banati tuir dalan ne’e,” dehan Abilio Salsinha ba jornalista sira iha Aeruportu Internasionál Nicolao Lobato, Comoro, Díli, Kinta (22/10/2015) hafoin fila hosi Jakarta, Indonézia.

Abio ne’ebé moris iha Suku Asumanu, Postu Administrativu Liquiça, Munsípiu Liquiça ne’e haktuir, defisil tebes bainhira atu involve mós iha indústria filme iha Indonézia nian. Maibé, importante liu maka hakilar katak timoroan mós bele duni, tanba ne’e nia konsege halimar filme lubuk ida iha televizaun privadu iha Indonézia.

“Agora daudaun semana rua tenki fila mai deskansa tiha no sei fila-fali. Kona-ba adaptasaun halimar filme ne’e buat ida ne’ebé iha ema profesionál teb-tebes iha ne’ebá. Maibé, ema hanoin katak, ha’u ne’e iha palku ida ne’ebé importante. To’o iha ne’ebá, ha’u konsege adaptasaun, la iha treinamentu. Sira bolu ha’u ba kedas. Ba sai ‘preman’ mós ha’u ba, no sira nunka fó hanorin ha’u acting liu hosi treinu ruma, la’e,” nia haktuir kona-ba durante involve iha prosesu shoting filme ne’e ho neon ksolok.

Kona-ba ninia partisipasaun iha flme “Naga Bangor” importante no pozisaun hanesan bandidu (preman), iha Tukan Bubur Naik Haji mós importante loos iha ne’ebá. Maibé, iha prosesu shoting filme, iha ‘adegan’ balun ne’ebé akontese miss communication ho sutradara wainhira prosesu shoting hala’o.

Ba prosesu antes to’o iha ne’ebá, nia konfesa katak, hahú dahuluk iha tinan 2013, maibé to’o iha ne’ebá ba kanta iha serimónia ne’ebé hanaran “Facebooker” ninian iha ANTV. Nia ‘”naik daun” no “Naik Haji” iha Indonézia ho ninia esforsu rasik ho apoiu tomak (sponsor) hosi ninia família no mós ninia feen-kaben rasik ne’ebé fó motivasaun ba nia durante ne’e.

Iha Indonézia, aleinde nia halimar filme, nia mós kanta múzika sira hanesan “Maria La jadi, Rai Timor Lorosa’e” no mós múzika lian Maláiu balun. Iha biban ne’ebá, mídia 10 maka halo konferénsia imprensa ba nia liu-liu ko’alia kona-ba divertimentu iha Timor-Leste ninian.

Bukae saida maka hetan iha ne’ebá? Nia hatete, orgullu boot ho buat ne’ebé nia hetan iha ne’ebá tan ne’e nia hakarak tebes atu investe ba timoroan sira. “Ha’u nia prinsípiu primeiru maka ha’u hakarak esperiénsia ne’ebé maka ha’u hetan mai investe iha TL, liu-liu ba foin sa’e sira. Sé maka halai ba mundu divertimentu hanesan filme, múzika no seluk tan, saida maka ha’u iha hakarak nakloke án ba sira,” nia dehan.

Tuir nia, timoroan ba futuru tenki bele, tanba ne’e nia mehi uluk kedas atu sai duni realidade. Nia haktuir, iha filme hirak ne’e, iha episódiu barak maka sira (Indonézia) hakarak mai atu halo no shoting filme iha TL ho intensaun atu kria relasaun di’ak entre rai rua ne’e.

Nia hatutan, durante semana rua (2) iha Indonézia kuandu ema temi Timor-Leste iha mídia bara-barak, nia tuur triste hodi tanis. Maibé, nia dehan, tanis ho kontente tanba ema hotu-hotu hateten katak timoroan ida mós bele. Timoroan bele, tanba timoroan ida hosi rai Tokodede, Liquiça, bele “go internasional”. Maibé, keta haluha, tanba de’it “Naik Haji” maka troka naran sai fali “Haji Abdulah” no haluha tiha Timor-Leste, ida ne’e maka sai problema. (João dos Santos Soares)

Matadalan

Fretilin Transmite Valor Prinsipiu ba Jerasaun Foun

DILI - Partidu Frente Revolosionariu Timor Leste Indepedensia (Fretilin), trasmiti valores prinsipiu ba jersaun foun sira, liu husi formasaun politika Fretilin ba joventude sira.

Lia hirak nee hatoo husi Sekertariu Jeral Partidu Fretilin, Mari Alkatiri, ba Jornalista sira, hafoin remata abertura, ba primeira formasaun politika ba joventude Fretilin, iha Comite Central Fretilin (CCF), Comoro, Dili, Sesta (13/11/2015).

Partidu libertasaun nasional tenki agora buka halao hela estrategia metodologia foun atu trasmiti valor prinsipiu ba jerasaun foun sira nebe la moris iha tempu rejistensia, portugues no Indonesia e balun indepedensia tiha maka foin moris karik, presiza duni halo servisu para bele grantia katak sakrefisiu neebe ita nia heroi sira halo liberta rai ida nee, tenki iha kontinuidade, ba jerasaun foun sira,” hateten Alkatiri.

Hafoin abertura ba formasaun politika Joventude Fretilin nee mos Sekjen Fretilin Alkatiri konta hikas istoria funu husi 1974 too mai 1999, atu nune formadu sira bele hatene klean konaba lalaok luta Timor Leste nia.

Iha fatin hanesan Formandos Regina Rodriques da Silva Borges hanesan joventude ida nia orgullu tebes, tamba iha oportunidade diak ba sira  hodi tuir formasaun politika nee. Informasaun kompletu iha STL Jornal no STL Web, edisaun Sabado (14/11/2015). Joao Anibal

Suara Timor Lorosae

Rekursu Calisto Sei Iha Prosesu

DILI - Rekursu arguidu Calisto Gonzaga neebe provadu komete krime abuzu poder no sekuastro ba ema nain lima husi Tribunal Distrital Dili sei iha prosesu nia laran.

Rekursu arguiduCalisto Gonzaga sei iha hela prosesu nia laran, neebe too agora seidauk lori ba iha tribunal rekursu tanba sei hein hela husi parte ministeriu publiku nian. Maibe parte defesa nian hatama ona, depois MP hatama mak foin haruka ba iha TR.

Antes nee defensor publiku Sergio Quintas neebe fo assistensia ba arguidu Calisto Gonzaga hatete, parte defesa hatama rekursu ba Tribunal Rekursu, hodi kontra desizaun neebe fo sai husi Tribunal Distrital Dili (TDD).

Haree ba prosesu ida nee komplikadu oituan tanba ami tenki estuda didiak kona ba akordaun juiz nian. Neebe too ultimu mak ami hatama rekursu atu kontra desizaun TDD,” dehan Quintas.

Nia hatete, parte defesa hakarak halo rekursu tanba desizaun tribunal nian tinan ida nee laiha diferensia ho tinan kotuk 2014. Maske halo tiha ona esforsu makas hodi aprezenta testamunha nain hira iha tribunal. Maibe juiz titular la konsidera nafatin deklarasaun testamunha nian, nee  mak  defesfa ladun  satisfas.  Neebe sei halo rekursu hodi kontra desizaun nee.

Ho ida nee mak nia dehan katak la iha defrensia entre  desizaun uluk ho agora nee,tanba nee  nia sei halo rekursu ba Tribunl Rekursu atu tau justisa iha nia fatin. Sekarik arguidu la komete krime tenki absolve, sekarik iha momentu nee ba mak arguidu komete krimi pasisensia tenki toma responsabilidade kriminal. Informasaun kompletu iha STL Jornal no STL Web, edisaun Sabado (14/11/2015). Domingas Gomes

Suara Timor Lorosae

OGE 2016 Latuir Jornada, Lu-Olo Husu Justifikasaun

DILI - Orsamentu Geral Estadu (OGE) 2016 neebe sestu governu Konstitusional Aprezenta ba Parlamentu Nasional (PN), latuir Jornada Orsamental Billaun 1.3 maibe aumenta ba Billiaun 1.455 tenki Justifika ba Publiku.

Tuir Prezidente Partidu Fretilin Francisco Guterres LU-OLO nia parte Pasoal hare orsamentu neebe mak iha 1.4 nee presiza justifikasaun liu husi orsamentu tinan kotuk, ninia ejekusaun laos persentazen maibe rejultadu neebe mak iha.

Pesolamente ba hau hare ba orsamentu tinan ida agora presiza hetan justifikasaun makas liu husi orsamentu tinan kotuk ninian laos deit ninia persentazen maibe hare husi rejultadu neebe mak iha,” dehan Lu-OLO ba STL, Kinta (12/11/2015) iha Semiteriu Santa Cruz.

Nia hatete presiza hare Rejultadu Ejekusaun Orsamentu tinan kotuk nian, hodi hare ba iha proposta orsamentu tinan ida nee ninian ba orsamentu Geral estadu tinan 2015 ho montante 1.5 ital dolar amerikanu.

Iha fatin ketak Xefi Bankada Partidu Demokratiku Maria Lurdes Bessa hatete ejekusaun OJE 2015 hatudu ejekusaun real neebe bele duni konkretiza, desde kedas iha tinan kotuk (2014) ejekusaun nunka atu too 100 %. Informasaun kompletu iha STL Jornal no STL Web, edisaun Sabado (14/11/2015). Timotio Gusmao

Suara Timor Lorosae

Pe. Juvito: Demokrasia TL Sei Lao Ulun Tun Ain Sae

DILI - Joventude loriku Asuwain sira fo aan ba mate, too Timor Leste (TL) hetan liberdade no demokrasia, maibe demokrasia ohin loron sei lao ulun tun ain sae, tamba nee tenki tau atensaun.

Lia hirak nee hatoo husi Pe. Juvito de Araujo, liu husi reflesaun ba loron 12 Novembru, iha Santa Cruz, Kuarta (11/11/2015).

Ba martir sira neebe foo aan tomak ba rai Timor ho nia povu, bolu sira nee martir. Tamba sira mai fo sasin ba kauza ida, buka lia los, justica tamba kauza ida nee maka sira nia ran fakar, neduni ita la proklama sira iha altar leten, maibe maromak fo nia laran luak nee hatene tiha ona saida maka ida nee, ita hirak nee iha sentimentu klean tebe-tebes hatene saida maka lia los, justica direitus umanus, liberdade no saida maka demokrasia, neebe demokrasia ohin loron lao sei ulun tuna ain sae hela,” hateten Pe. Juvito.

Iha fatin hanesan Prezidente Komite 12 Novembru Grigorio Saldanha hateten iha reflesaun nee padre koalia demokrasia ulun tun ain sae nee los.

Nune mos Sekertariu Jeral Partidu Fretilin Mari Alkatiri katak Fretilin lori demokrasia mai iha TL nee, hodi kore povu husi nakukun ba naroman, tamba ne ohin loron demokrasia lao tuir dalan neebe los. Informasaun kompletu iha STL Jornal no STL Web, edisaun Sabado (14/11/2015). Joao Anibal

Suara Timor Lorosae