DESIZAUN TRIBUNAL BA JOÃO CÂNCIO-TARCISIO LALOOS

Desizaun ne’ebé Tribunal Distrital Dili, foti ona ba eis Ministru Edukasaun, João Câncio no Diretur Tarcisio laloos, tanba akuzasaun ne’ebé Ministériu Públiku halo ba ema nain rua ne’e, laiha provas.

Jurista Manuel Tilman esklarese katak, kazu ne’e verifikadu katak, projetu ne’e nia orsamentu planeadu no Primeiru Ministru rasik mak aloka US$ milaun 2, ninia enkomenda mós iha ho valor US$ 1.410, no kontratu mós hatete klaru ona, i sira nain rua kumpri kontratu ne’e.

Nia relata, osan ne’e Governu aloka ba projetu ne’e, to’o deit sasan tula to’o mai Portu Dili, atu halo instalasaun ne’e, laiha osan inklui atu fó formasaun ba ema sira ne’ebé servisu iha TV edukasaun ne’e mós laiha.

“Se la prova hanesan ne’e, pelemenus ha’u nia kliente, tenkiser absolvidu. Se la absolvidu, Tribunal Rekursu mós tenke fundamenta didiak, tanba ha’u nia kliente kumpri duni lei,”relata Manuel Tilman ba jornalista sira, iha nia kna’ar fatin Hotel Garden Beach Dili, Kinta (27/8).

Tanba ne’e, Tilman promete sei halo rekursu ba ninia kliente, Tarcisio hodi bele liver husi akuzasaun sira ne’e hotu.

“Ha’u mós advogadu la’os ba eis Ministru João Câncio, maibé ba nia Diretur Tarcisio. Ha’u laiha komentáriu ba Sr. João Cancio, maibé ba ha’u nia kliente Tarcisio ne’e, ha’u hanoin diviaser absolvidu,”katak Tilman.

Eis deputadu ne’e haktuir lala’ok kazu ne’e dehan, iha tinan 2009 iha programa Governu nian kona-ba atu hari’i buat ida bolu, TV Edukasaun, maibé osan laiha.

Mais komu iha tempu ne’eba, Parlamentu Nasionál aprova orsamentu ida ne’ebé bo’ot kedas, maibé la konsege ezekuta hotu. Entaun Tilman esplika, komu osan ne’e la konsege ezekuta hotu, Primeiru Ministru Xanana Gusmão rasik, mak hatete ba Ministru sira, atu osan ne’e labele hatama fali ba kofre Estadu, osan ne’e bele gasta ba buat ruma.

“Entaun Xanana rasik dehan, se Ministériu ida ne’ebé mak iha projetu ruma urjente no importante, bele aprezenta. Tanba ne’e mak, eis Ministru João Câncio, haree katak, TV Edukasaun ne’e importante, entaun nia aprezenta ba Primeiru Ministru Xanana,”katak Tilman.

Entaun Tilman dehan, iha momentu ne’eba, Primeiru Ministru Xanana konkorda, hodi asina kedas CPV ne’e, atu aloka distina US$ milaun 2 iha Ministériu Finansas, ba projetu ida ne’e.

Ne’eduni Tilman dehan, ida ne’e legal, tanba laiha krime ida iha ne’eba. Mai fali iha fulan Setembru, eis Ministru João Câncio rasik ho asesores sira iha ministériu edukasaun, prepara kontratu ida hodi hili kompañia ida ne’ebé mak mai atu ezekuta projetu ne’e.

Entaun Tilman esklarese, iha momentu ne’eba, sira hili Australia, tanba sira iha esperensia kona-ba TV edukativu ba avorijin sira. entaun prosesu ne’e la’o to’o iha ne’e, sira asina kontratu mós legal.

“Se asinatura ne’e asina emprezensa ou la asina emprezensa, atu sai serve para anula tiha kontratu ne’e, buat ne’e Ministériu públiku bele halo. Maibé ministériu públika lahalo ida ne’e. entaun se sira lahalo ida ne’e, buat ne’e la’o legal,”relata Tilman.

Nia hututan, iha kontratu ne’e nia laran mós hatete katak, bainhira kuandu asina ona kontratu, ministériu edukasaun tenke haruka lista sasan sira ne’e ba, no kuandu enkomenda ne’e aprovadu ona katak, sasan sira ne’e nia folin mak US$ 1.410, maibé tenke selu uluk 50% tuir kontrtu ne’ebé iha.

Tilman esklarese, tuir mai, bainhira kuandu sasan sira ne’e hola hotu ona, no antes atu hatama iha roo hodi tula mai Dili, tenke haruka uluk osan 25%. Bainhira sasan sira ne’e mai Dili, ministériu atu ba foti, tenke selu uluk osan ultima parte   nian, tanba akordu mak hatete ona hanesan ne’e.

Bianhira kuandu lori tiha sasan sira ne’e ba ministériu edukasaun, mak sira foin deskobre katak, sasan sira ne’ebé haruka mai husi Australia ne’e, segunda maun, la’os primeira maun.

“Entaun se karik iha krime, osan ruma kuandu selu 50% ne’e, eis Ministru ka eis Diretor, konbina ho sira iha Australia katak, ami selu agora 50%, maibé persetazen ruma tenke tau hela iha ami konta ruma iha Australia, tanba osan atu selu ne’e, ministériu finansas mak selu, la’os sira nain rua. Se hanesan ne’e duni, mak bele krime,”afirma Tilman.

Maibé Tilman dehan, ida ne’e laiha provas husi Ministériu Públik katak, sira simu osan ruma, tanba haruka ona osan 50% ba selu sasan sira ne’e. Tilman dehan, iha akuzasaun ne’e mós lahate katak, kuandu transporte haruka sasan sira ne’e mai, sira simu persentazen balu.cos

Jornal Nacional

MEMBRU POLISIA 100 EXPULSO ONA HUSI PNTL

Ministru Interior, Longuinhos Monteiro, hatete, durante ezisti Polisia Nasional Timor Leste (PNTL) membru polisia nain atus ida mak ‘pecat’(Expulso,red ) ona husi Instituisaun PNTL.

“Atus ida resin mak pecat (expulso, red) ona tanba kontra regras no disiplinar Polisia nian, tinan lima ne’e ha’u hatene ema besik atus ida resin ona,”Longuinhos Monteiro ba Jornalista sira iha Akademia Polisia, Komoro, Kuarta (26/08/2015).

Longuinhos hatete, prosesu expulsu ne’e, la’os dehan ohin halo aban expulsu, prosesu ne’e la’o hanesan prosesu normal, lor-loron loke la’o nafatin, liu fali Tribunal sira.

Nia reforsa, prosesu ne’e kontinua la’o nafatin, tanba dezenvolve polisia sira la’os fasil.

“Ita dezenvolve buat ida la’os fila bikan loron ida, loron aban oin seluk,” dehan Longuinhos.

Longuinhos kompara hanesan nasaun Indonesia Ukun –an tinan 70 ona, sira nian polisia mos sei konfronta maka’as, mas iha area balun dezenvolve, dezenvolve la’os ohin presiza buat ida aban presiza buat seluk.

Tanba ne’e, Longuinhos rekñnese katak, iha Timor mos hanesan, Governu, Polisia Komando Jeral nian hatene sempre diskuti ba malu hatete bebeik, maibe buat hotu depende ba planu aktividades no depende mos sistema finanseira.

“Ita komprende ami hatene, por ezemplu Polisia husu 27 milloens agora atu asegura aktividades tomak, husi parte Governu ha’u nian dehan imi nia osan la to’o, 24 miloins deit envlope fiscal mak la’o hanesan ne’e,” Longuinhos hatete.

Nia dehan, Minsteriu Finansas mak fahe orsamentu, aprezenta proposta atu halo aktividades ida hanesan ne’e maibe fo 10 mil USD, maibe dehan iha 5 mil deit agora aktividades 10 mil hatun fali ba 5 mil ne’e iha konsekuensia ka lae. Eus

Jornal Nacional

MANUEL TILMAN: KUIDADU MAUHU TUR IHA KI

Mauhu ne’ebé sai espiaun Governu hodi deskobre segredu servisu jornalismu nian, labele ba tu’ur iha Konsellu Imprensa (KI).

Jurista no Ekonomista Manuel Tilman hatete katak, ema ne’ebé mak merese atu ba tu’ur iha KI ne’e, ema professional husi jornalista duni, la’os ema polítika.

“Parlamentu atu hili mauhu ida (ema polítiku), nia la’os jornalista, maibé mau hu atu ba bis-bisu ba Sekertariu Estadu nia tilun hodi ba bis bisu fali ba Ministru Dr. Agio nia tilun dehan, jornalista sira aban mai intervista lalika fó,”dehan Manuel Tilman ba jornalista sira iha nia kna’ar fatin Hotel Garden Beach Dili, Kinta (27/8).

Nia mós fó hanoin ba jornalista sira katak, buat ne’ebé mak perigu liu iha Konsellu Imprensa ne’e mak, ema husi nain ba media sira ne’e.

“Perigu ne’e iha ne’e, ema husi nain ba media sira ne’e, tanba osan bele manda imi hotu. Konsellu Imprensa ne’e, ita labele tau fali anju ida hodi defende servisu jornalista nian, tenke ema jornalista professional duni, tanba regra mak hanesan ne’e duni,” katak Manuel Tilman.

Tilman dehan, juis ho prokurador persija duni atu tau matan ba servisu jornalista sira nian, maibé la persija atu ba tu’ur fali iha Konsellu Imprensa ne’e, hodi lidera fali jornalista sira. maibé Tilman dehan, se persija duni, bele tau juis ida iha ne’eba, tanba juiz sira hatene regras no lei.

“Ba ha’u di’ak liu ema jornalista professional duni, ne’ebé susesu ona iha media ida, maibé labele tau fali ema ida ne’ebé loke jornal ida ohin, aban taka fali tanba kompetensia ida laiha, no jornal ne’e la folin,”katak Manuel Tilman.

Nia afirma, jornalista independente ne’e, tenke hurlele duni ukun nain sira para sira isin moris, sei jornalista afabor deit ne’e, la’os jornalista, tanba servisu jornalista ne’e, servisu professional no uniku.

Maibé Tilman dehan, jornalista sira mós tenke kumpri regra no lei, liu-liu kona-ba privasidade ema nian ne’e, tenke kuidadu.

Tilman dehan, tuir nia hanoin, ema polítika mós la persija atu ba tu’ur iha Konsellu imprensa ne’e, tenke ema ne’ebé iha duni kuñesementu kona-ba servisu jornalismu nian.

“Ida ne’e para kuandu problema ruma mosu, nia tenke define no presebe. Juis sira ne’e persebe reforma formalidade legal deit, no prokurador mós atu akuza se iha Konsellu Imprensa,”esklarese Tilman.cos

Jornal Nacional

KOMPENSASAUN BA VITIMA PERTAMINA KONFIDENSIAL

Sales representative PT. Pertamina Timor Leste, Hariadi hatete, kompensasaun ba familia vitima Agostinho Carvalho (matebian), ho Joanico M. Lobato (matebian), ne’ebe ahi han iha pertamina Pantai Kelepa iha fulan kotuk ba orsamentu ne’e konfidensial.

“Pemberian santunan sudah kita berikan sekitar dua mingu yang lalu ke pihak keluarga pak Agostinho dengan pak Joanico dan untuk biaya-biaya pemakaman dan upacara adatnya kita sudah selengarakan,” Hariado informa ba jornalista sira iha nia servisu fatin Pantai Kelapa, Segunda (24/08/2015).

Nia hatutan, nominal orsamentu kompensasaun ba familia matebian Agostinho ho familia Joanico, PT. Pertamina deside la bele fo sai tanba konfidensial. Importante maka kompensasaun ne’e halo bazeia ba lei SEPFOPE no hetan aseitasaun husi familia vitima sira.

Nia dehan, kona ba atu hatama fali familia matebian nian atu servisu iha ne’e, ida ne’e seidauk iha desizaun.

Nia informa tan katak, oras ne’e dau-daun trabalhador ne’ebe maka serbisu iha pertamina hamutuk 45, 95 % husi Timor Leste no husi Indonesia iha deit ema nain 5. mia

Jornal Nacional

LA DIGNIFIKA ONA LORON KONSULTA POPULAR…?!

Jornal Nacional - editorial

Dia 30 Agusto kada tinan, governu sempre komemora loron konsulta popular maibe ba tinan 2015 nee governu laiha ajenda espesial hodi komemora loron referendum 30 agusto ba dala 16 nebe monu iha Domingo mai nee.

La halo komemorasaun ba loron konsulta Popular ba tinan ida nee hamosu opiniaun publika katak governu komesa atu haluha ona vontade no espiritu patrotisimu no nasionalizmu nebe povu hatudu iha tinan 16 ba kotuk nee atu lakon dadauk ona.

Agora kestaun mak loron 30 Agustu nee nudar loron feriadu nasional hodi rekoñese no reflesaun ba momentu historiku nebe povu timor hatudu 30 agusto 99, povu tomak ho korazen no fiar an, la tauk intimidasaun, ameasas hodi hakat ba sentru votasaun hodi hili ukun rasik an maske iha presaun laran.

Dia 30 Agustu nudar loron historiku iha pagina historia Timor Leste nia, tanba iha loron nee , povu tomak, jovens, ferik no katuas sira moris iha situasaun presaun nia laran maibe sira berani vota ba determinasaun patria Timor Leste husi okupasaun military Indonesia ho apoiu Polisia Indonesia no pro otonomia nebe armadu.

Situasaun 30 Agusto 1999 ho situasaun 30 Agusto 2015 diferensia bo’ot. Ohin Povu Timor Leste moris iha ambiente liberdade, nasaun Timor Leste soberanu tamba alkansa ona ninia indepedensia nebe sosa ho ran no ruin.

Nudar sidadaun diak, agradese ba Nasoens Unidas tamba ninia esforsu tomak hodi realize Konsulta Popular nee no mos ba povu tomak, li-liu ba lideransa organisaun resistensia, Frenti Armada, Frenti Klandistina no mos Frenti Dipomatika nebe halo esforsu bo’ot too Timor Leste hetan ninia objektivu final, ukun rasik an.

Los duni, luta povu nia ba patria remata ona, ohin loron povu moris libre, Timor Leste sai ona nasaun indepedente no soberanu maibe oinsa moris povu no nasaun ninia desenvolvimentu durante tinan 16 nia laran?

Karik povu moris prospero ona ka sei iha injustisa social iha sosidade Timorense nee? Dezenvolvimentu Timor Leste nia lao oinsa ona? Orsamentu Jeral Estadu nebe tinan-tinan Parlamentu Aprova nee ninia resultadu oinsa ona?

Nunee mos oinsa mentalidade ema Timor nian hodi priense ukun rasik an nebe sosa ho sofrementu, ruin no ran nee? Dala barak iha presepasaun balu mosu katak iha ambiente ukun an nia laran nee la presisa sakrifisiu ona? Balu tuur ejiji deit ba estadu atu estadu fo saida maka nia fo durante resistensia nee, ‘ kompensasaun’?

Situasaun sira hanesan nee halo ita impresta lia fuan Jhon Kenedy, Presidente Norte Amerikano nian nebe hatete ‘labele husu Estadu saida mak Estadu atu fo ba o maibe husu ba o nia an rasik saida mak o atu fo ba Estadu?

Priense ukun rasik an nee laos tuur nonok deit, laos tuir hein deit sai mak estadu atu fo ba ita maibe tenki halo sakrifisiu liu tan atu ita bele subervive ita nia an no subervive nasaun nee ho desenvolvimentu.

Moris iha ambiente ukun rasik an nee diak ka at, kontenti ka triste, nee realidade ida nebe ita ida- idak infrenta rasik, hakarak ka lakohi nee mak moris iha nasaun ida nebe indepedente, ita labele ses husi realidade nee.*

PN LAMENTA GOVERNU LA SELEBRA LORON KONSULTA POPULAR

Loron Konsulta Popular 30 Agostu nudar loron historiku iha pajina historia Timor Leste nian, tanba iha loron nee, povu tomak, jovens, ferik no katuas sira moris iha situasaun presaun nia laran maibe ho aten berani hakat ba sentru votasaun hodi vota ba ukun rasik an.

Domingo mai ne’e, Loron konsulta popular 30 Agusto kompleta tinan 16 (30/8/1999 – 30/8/2015) maibe governu la fo prioriedade tamba laiha ajenda ba selebrasaun loron determiniasaun ne’e.

Governu laiha programa espesifiku hodi selebra loron 30 Agunsto nee maibe Governu iha programa deslutu nasional nebe sei halao fali iha loron 4 fulan Setembru nebe nudar loron anunsiu resultadu referendum nian.

Governu laiha ajenda ba selebrasaun loron 30 Agusto nee halo membru parlamentu sira lamentasaun ba governu tamba loron nee importante no istoriku nebe presiza tebes atu governu selebra.

“Loron konsulta popular ida ne’e importante teb-tebes mai ita povu no Nasaun Timor Leste, tanba sai loron historiku ne’ebe povu ida-idak hakat ba urna hodi fo ninia votus e ninia rejultadu maka povu hili ukun rasik an, TL sai Estado no Soberano. Tantu tuir kalendariu dia 30 de Agusto ne’e loron nasional tuir lolos ne’e ita tenke selebra nafatin loron historiku ida ne’e,”hateten deputadu bankada, Ilda Maria da Conçeicão ba JN-Diario (27/8) iha PN.

Nunee mos deputado bankada CNRT, Arao Noe hatete loron referendum 30 Agusto nee importante teb-tebes ba povu no Nasaun Timor Leste, tanba loron 30 fulan Agusto tinan 1999 povu tomak determina Independensia TL liu husi eleisaun ne’e.

“Hau hanoin tinan barak liu mai kotuk ne’e loron ida ne’e loron ida que ba Timor Leste ne’e loron importante ne’ebe lori povu sira tomak ba vota para ita bele hetan ukun an,”deklara deputadu bankada CNRT, Arão Noe.

Konaba autor krime pasca referendum no depois de resultau referendum fo sai, membru Parlamentu husi bankada CNRT no bankada FRETILIN nee hatete ema ne’ebe mak komete krime iha momentu ne’eba ninia prosesu tenke lao nafatin tuir lei.

“Labele haluha katak justisa tenke lao ba ema sira ne’ebe mak kriminozu , mas ba ema sira ne’ebe que halai ba sorin tanba impaktu husi politika maka sira hakarak halai ba iha ne’eba sira hakarak fila mai, laiha problema, mas autores sira tenke responsabiliza ba sira ninia aktus ne’ebe halo ema barak lakon vida mate to’o oras ne’e,”afirma deputadu Arão Noe.

Nunee mos deputado Ilda Maria hatutan “Ema ne’ebe mak komete krime nia prosesu tenke lao nafatin, tanba ema balu agora nia fuan sei moras hela, agora ema sira ne’ebe mak uluk halo krime agora lao ba mai as-ves mai provoka tan fali ema sira ne’ebe mak uluk vitima”.

Tantu krime ne’ebe akontese iha momentu ne’e komisaun CAVR ho CVA servisu hamutuk ho Indonesia rekomenda kazu lubuk atu prosesa ba tribunal liu-liu ba sira ne’ebe halo asaun krime grave.

Iha parte seluk, Vise Ministru Comercio Industria e Ambiente (MCIA) Nino Pereira hateten, hateten bai- bain iha loron konsulta popular MCIA sempre organiza feira, tanba liu husi feira bele promove produtu nasional.

“Ita hakarak kontinua fanun atensaun husi komunidade sira katak ita nia povu ninia kreatividade bele produs ona produtu ne’ebe ita haree katak liu- liu valor ekonomiku nian tanba ne’e ita nudar Timor oan valoriza ita nia produtu rasik,”hatutan Nino Pereira.

Feira produtu lokal ne’ebe MCIA bai- bain organiza, nia dehan, mai husi partisipantes grupu industria, koperativas, grupu agrikultor ne’ebe durante ne’e sira halo parseria ho MCIA.

“Ami nia pos grup ne’e mai husi Munisipiu 13 inklui mos imprezas balun durante ne’e kuandu iha atividades feira sira sempre hola parte,”esplika Nino.

Nune’e nia dehan, oras ne’e dadauk Timor-Leste tama ba faze ukun an hodi konstroi nasaun, entaun persiza ema hotu nia partisipasaun liu husi kualker aspetu.

“Espiritu nasionalismu no ita nia espiritu patriotismu importante tebes ba nasaun RDTL, entaun liu husi loron konsulta popular ita Timor oan bele hametin ita nia unidade nasional no hametin paz no estabilidade,”dehan Nino.Car/bal

Jornal Nacional

PNTL Prosesu Ona Estranjeru Nain 58 Nebe Tama Ilegal

DILI - Sidadaun estranjeiru nain 58 ho roo 4 neebe hetan kapturasaun hosi Forsa Naval, oras nee tama ona iha Servisu Investigasaun Kriminal (SIK) hodi halo investigasaun.

Tuir Komandante Jeral PNTL Komisariu Julio da Costa Hornay katak, iha semana nee nia laran Forsa Naval sira halo operasaun ba iha tasi no kaer sidadaun Alor nain 58 ho Roo hat, no ema sira nee tama ona iha prosesu investigasaun nia laran.

Ita fo agradese ba iha Forsa naval sira neebe maka kaer ona ema ilegal sira nee, no too agora ita mos seidauk iha akordu ida konaba batas tasi entere Alor ho Timor nian, tan nee sira kuandu tama ilegal tenke kaer duni sira hodi halo prosesu investigasaun, tamba sa maka sira tama ilegal, no ema sira nee mos dukumentus laiha hotu, tan nee parte Imigrasaun maka sei hare ba kestaun nee,” dehan Komandante Jeral PNTL Komisariu Julio ba Jornalista sira, Sesta (28/08/2015) iha Kuartel Jeral PNTL.

Nia informa, prosesu investigasaun nee lao maka foin bele hare oinsa atu deporta fila fali ema sira nee, tamba nee prosesu ba sira nain 58 nee parte imigrasaun maka sei hare sira nia dukumentu.

Iha fatin hanesan xefi interino Operasaun SIK Mozinho Correa hateten, iha loron ida rua ba kotuk Forsa Naval kaptura duni roo hat, maibe too ohin loron seidauk too mai iha investigasaun tan nee seidauk hatene ema sira nee mai atu halo saida. Informasaun kompletu iha STL jornal no STL Web, edisaun Sabado (29/8/2015). Madalena Horta

Suara Timor Lorosae

Konsulta Popular Determina TL Nia Indepedensia

DILI - Primeiru Ministru (PM) Rui Maria de Araujo, liu husi mensajem ba povu tomak konaba loron konsulta popular, loron neebe determina distinu TL nia indepedensia, agora kontinua haforsa moral no haforsa politika hodi serbisu ba indepedenia ida nee lao ba oin.

Menjasem nee fo sai husi PM Rui katak loron konsulta popular nee loron ida neebe povu tomak deside distinu TL. Agora povu TL deside ona iha tinan 1999, ba tinan ida nee TL selebra 16 anos aniversariu, Xefi Governu nia hanoin Timor oan ida-idak tenki hanoin saida maka nia halo ba Timor, depois nia vota atu sai indepedensia, iha ambitu indepedensia TL nia nee Timor oan tenki hanoin ona saida ona maka Timor oan  ida-idak halo.

Porque Timor oan rasik maka vota ba indepedensia nee, ema ida la haruka atu vota ba indepedensia, etan indepedensia, saida ona maka halo ba indepedensia ida nee, buat diak ka aat nee hotu-hotu tenki hanoin. Depois apartir ba oin buka forsa liu tan, liu-liu forsa moral  forsa politika hodi serbisu diak liu tan ba indepedensia ida nee,” hateten PM Rui, liu husi konferensia imprensia, iha Aero Portu Nicolao Lobato, Comoro, Dili, hafoin fila husi Indonesia, Sesta (28/08/2015).

Xefi Governu nee mos hatutan tan katak ba loron konsulta popular ida nee, Governu sei la halo seremonia ofisial, maibe sidadaun ida-ida halao seremonia ba nia aan rasik hodi hanoin saida ona maka  Timor oan ida-idak kontribui ba indepedensia ida nee. Informasaun kompletu iha STL jornal no STL Web, edisaun Sabado (29/8/2015). Joao Anibal 

Suara Timor Lorosae

Enkontru PM Rui-Jokowi, Finalisa Fronteira Tereste Fin de 2015

DILI - Primeiru Ministru (PM) Rui Maria de Araujo, halao enkontru ho Prezidente Republika (PR) Indonesia Joko Widodo (Jokowi) diskuti konaba fronteira tereste, iha ona konkordansia sei finalisa iha finde 2015, depois kontinua diskuti fornteira maritima entre Timor Leste ho Indonesia ninia.

Tuir espelikasaun husi PM Rui, neebe halo vizita ofisial durante loron rua iha Indonesia, hodi halo enkontru ho PR Indonesia konba enkontru pribadu ho mos enkontru bilateral. Depois enkontru mos ho Prezidente Parlamentu Nasional Indonesia e vizita mos ba Sekertariadu ASEAN.

Husi enkontru bilateral nee iha ona konkordansia atu finalize fornteira tereste final 2015 ita tenki finalize ona ho ida nee, depois iha mos konkordansia hahu halo ona diskusaun konaba fronteira maritima, maibe pontu importante neebe esklarese iha enkontru bilateral nee maka fronteira maritima ninia delimitasaun entre Timor Leste ho Inodnesia tenki halo ho fase ho direitu internasional, liu-liu fo baze ba konvensaun Nasoes Unidus nia konaba tasi,” hateten PM Rui, liu husi konferensia imprensia, iha Aero Portu Nicolao Lobato, Comoro, Dili, hafoin fila husi Indonesia, Sesta (28/08/2015).

Iha parte seluk Observador Politika Angelmos de Araujo hateten Governu TL ho Indonesia iha politika neebe diak atu rezolve Problema fronteira tereste ho Maritima. Informasaun kompletu iha STL jornal no STL Web, edisaun Sabado (29/8/2015). Joao Anibal

Suara Timor Lorosae

Sedu Liu Governu Haluha Loron Historiku 30 de Agostu

DILI – Loron 30 de Agostu hanesan loron ida neebe mak importante tebes no sai hanesan loron historiku TL nian, tanba iha loron nee mak povu Timor Leste tomak deside distinu rai ida nee hodi sai hanesan nasaun indenpendente haketak an hosi Indonesia.

Maibe iha tinan ida nee Governu laiha programa hodi komemora ou selebra loron historiku ida nee. Tuir membru Organijasaun Non Govermental Asia Justice and Rights (AJAR), Inocencio Xavier, ba STL iha ninia servisu fatin Farol Sesta (28/08) hatete triste tebes tanba sedu liu governu haluha loron importante ida nee.

Loron 30 de Agostu hanesan loron historiku no importante tebes tanba iha loron nee mak Timor oan hotu determina distinu nasaun ida nee maibe triste tebes wainhira governu la komemora loron importante ida nee hodi halo aktividade balu atu bele fo valor ba povu iha loron importante ida nee ho ida nee ita konsidera sedu liu governu haluha loron importante ida nee,” hatete Inocencio.

Nia hatutan Timor Leste iha istoria funu nian neebe mak barak tebes no loron neebe mak importante barak, maibe loron 30 de Agostu 1999 loron ida neebe mak importante hanesan ho loron sira seluk tanba loron 30 de Agostu loron ida neebe mak povu tomak hamutuk hodi finalidade Luta Timor Leste nian sai ukun rasik an.

Iha fatin hanesan Diretor Ezekutivu Asosiasaun HAK, Manuel Monteiro, mos hatete katak Nasaun no sidadaun ida neebe mak diak maka ida neebe la haluha ninia istoria, maibe wainhira se loron istoria nasaun nian maka lakomemmora maka konsidera hanesan laiha espritu nasionalismu. Informasaun kompletu iha STL jornal no STL Web, edisaun Sabado (29/8/2015). Thomas Sanches

Suara Timor Lorosae

Preço do crude é só "uma das preocupações" do Governo timorense - PM

Díli, 28 ago (Lusa) - O impacto da queda no preço do crude nas receitas do Estado timorense é apenas "uma das preocupações" económicas do Governo que está interessado em garantir uma cada vez melhor execução dos gastos públicos, disse hoje o primeiro-ministro.

"Há preocupações diárias não só por causa disso mas por muitas outras coisas", disse, questionado pela Lusa sobre o impacto económico da queda do preço do petróleo, principal receita do Estado.

Rui Maria de Araújo explicou que este tema está a ser atualmente analisado pelo Ministério das Finanças e pelo Banco Central que "estão a fazer relatórios sobre isso" e, só depois, o Governo determinará como vai atuar.

"Vamos esperar pelos relatórios", disse, escusando-se a confirmar se haverá ou não algum orçamento retificativo.

Apesar disso Rui Araújo insistiu que o Governo tem outras preocupações, nomeadamente a forma como gasta o orçamento atual e a qualidade dos planos e das obras.

"São preocupações que existem. A questão não é só dinheiro, mas executar com qualidade aquilo que já temos", afirmou.

ASP // DM.

Indonésia vai implementar acordo para facilitar movimentos fronteiriços timorenses - PM

Díli, 28 ago (Lusa) - O primeiro-ministro timorense disse hoje que a Indonésia se comprometeu a implementar, em breve, um acordo bilateral que permita aos timorenses obter vistos de chegada nos postos fronteiriços indonésios, facilitando assim o acesso ao enclave de Oecusse.

"Do lado timorense não há problemas. Um dos acordos que já se fez e não foi ainda implementado pela Indonésia é ter visto à chegada para os timorenses que querem atravessar a fronteira", disse Rui Maria de Araújo.

"O Governo indonésio manifestou prontidão de tentar resolver o assunto o mais rapidamente possível", afirmou.

Rui Maria de Araújo falava aos jornalistas à sua chegada a Díli depois de uma visita oficial de dois dias à Indonésia, a primeira desde que tomou posse em fevereiro, durante a qual se reuniu com o Presidente indonésio e com o secretário-geral da ASEAN.

O complexo e caro processo burocrático que os timorenses necessitam de cumprir para poder obter vistos na Indonésia, nomeadamente no que toca à travessia por terra para o enclave de Oecusse cria grandes dificuldades a cidadãos e empresas timorenses.

"Em Timor-Leste já temos este modelo para os indonésios e para os portugueses, por exemplo que podem pedir visto na chegada à fronteira em Batugadé. Mas nós não conseguimos fazer isso do lado indonésio", disse.

"Esse assunto foi falado e há disponibilidade do lado indonésio de resolver", disse, explicando que o acordo inclui facilidade no transporte de mercadorias.

O chefe do Governo timorense disse que durante os encontros na Indonésia se analisaram este e outros assuntos bilaterais variados, com destaque para questões como a delimitação das fronteiras entre os dois países.

No caso das fronteiras terrestres, disse, o processo de delimitação está praticamente concluído, devendo nas fronteiras marítimas o acordo ser feito de forma faseada.

"É mais simples ao norte e mais complexo na zona sul, por isso chegaremos a acordos de forma faseada", explicou, sublinhando que o objetivo é ter a questão das fronteiras terrestes concluída até ao final do ano.

O primeiro-ministro disse ainda que transmitiu ao Presidente indonésio Joko Widodo um convite do chefe de Estado timorense, Taur Matan Ruak, para visitar Timor-Leste.

ASP // DM. - Foto: EPA@ António Sampaio