Mosu Konfrontu Iha PN Tanba Lakonkorda Malu, Emosional Domina

DILI - Tuir sosiedade sivil husi Lao Hamutuk katak mosu konfrontu politika iha Parlamentu Nasional, tanba problema lakonkorda malu. Maibe husu dalan diak maka buka konsensus ba malu atu defende direitu povu.

Lia fuan hirak nee hatoo husi Peskizador ONG Lao Hamutuk Juvinal Diaz ba STL iha Aula Canossa Becora Dili Tersa, (21/11/2017). Nia dehan orgaun PN nudar orgaun ida neebe reprezenta povu nia aspirasaun no lori povu nia lian iha neeba. Agora funsaun neebe sira halo iha neba kualia fali interese politika.

“Maibe husu moos atu iha politika diak atu hadia povu nia moris diak, balansu programa governu nian atu nunee lori povu nee ba moris diak. Hau nia haree iha Parlamentu nudar orgaun ida, atu deputadu sira reprezenta povu nia spirasaun laos atu halo politika defende lider no halo politika partidu,” nia koalia.

Tanba povu ida nee presiza duni ema deputadu sira neebe serve atu aprezenta sira nia lian iha Parlamentu. Maibe realidade deputadu sira halo politika halo fali interese politika partidu no interese ba deit lider parpol. Tanba nee liu husi kritikas sira nee atu deputadus sira halo nia funsaun ho diak.

Diretor Ezekutivu Fundasaun Mahein (FM) Nelson Belo katak realidade prosesu politika neebe durante nee lao iha PN ida nee demokratizasaun maka hatudu konkorda malu ou lae bainhira atu foti dezisaun ruma. Maibe oinsa atu beele kria pas no estabilidade no kontinua nafatin tane as integridade iha areia idak-idak nia.

Justinho Manuel | Suara Timor Lorosae

Imagem extraída por TA de vídeo GMN TV em Jornal Nacional. Tensão no Parlamento Nacional entre deputados.

OR Lapasa, Akademiku Konsidera BOP Tau Interese Pessoal

DILI - Relasiona ho Orsamentu Ratifikativu neebe maka governu aprezenata foin lalais nee ho karakter urjente iha Parlamentu Nasional, lakonsege passa, akademiku konsidera BOP laiha interese nasional maibe nakonu ho interese pesoal.

Tuir akademiku husi Institute Of Business (IOB) Juviao Xavier katak liu husi plenaria Parlamentu Nasional halo deskusaun ba Orsamentu Ratifikativu ho karakter Urjensia, maibe lakonsege passa siha plenaria, tamba Bloku Oposizaun Parlamentar (BOP) vota kontra Orsamentu Ratifikativu, neebe maka governu apresenta ba PN ho karakter urjensia.

“Ida nee  ita fo todan ba estadu ida nee no ba povu ida nee  nee signifika katak sira latau interse povu nian ka interese nasional,  nee ita bele nota  husi parlamentu nee katak sira tau interese pessoal  barak liu,” dehan Juviao ba jornalista sira iha Becora,  Tersa (21/11/2017).

Nia dehan Osamentu ratifikativu nee enkuantu lapassa ona iha parlamentu serrteza fo risku ba nasaun, tamba politiku sira komesa tau interese politiku duke interese nasional hodi debate.

Akdademiku nee konsidera OR neebe maka dadaun nee governu aprezenta ba PN nudar orsamentu adesional, oinsa atu kompleta hodi responde ba nesesidade povu.

Iha fatin hanesan Diretur ezekutiva FONGTIL Arsenio Perreira katak husi parte sosiadade sivil nia hare kona ba Orsamentu ratifikativu neebe maka la passa iha Parlamentu, nee tamba kestaun politika. 

Natalino Costa | Suara Timor Lorosae

Opozisaun Labele Sakrifika Povu Nia Moris

DILI - Sosidade Sivil iha rai laran husu ba Oposizaun iha Parlamentu Nasional (PN) atu labele sakreiika povu nia moris ba interese politika, maibe tenke halo politika neebe los hodi rejolve povu nia problema.

Membru ONG Ajar Inocensio Xavier hateten, Opsizaun labele sakrifika instrumenta kondisaun povu nia situasaun, agora ba sira nia interse politiku, maibe tenke halo politika ida lolos para atu kore sai problema povu, ida nee maka importante.

labele orsamentu iha hela mos ita boot sira dehan laiha, nunee mos oposizaun osan laiha mos ita boot sira dehan iha hela nee mos ladun los, laiha dehan laiha, iha dehan iha nee maka justu, neebe buat sira neebe maka ita boot sira halo ba maibe tenke nafatin garante paz no estabilidade iha rai laran,” dehan Inocensio, ba STL iha PN, Dili, Segunda (20/11/2017).

Nia dehan, Orsamentu Ratefikativu nee atu ajusta ba nesesidade neebe maka iha, maibe oposizaun vota kontra nee oposizaun nia direitu, maibe labele sakrefika povu ida nee, tanba povu iha rai ida nee moris terus hela, labele ba halo terus tan sira.

Iha parte ketak Jose da Silva hanesan observador nasional, husu ba ukun nain sira atu tur hamutuk rejolve povu nia moris, laos buka maka injulta malu hodi hadau kadeira ba malu. 

Carme Ximenes | Suara Timor Lorosae

Líderes parlamentares timorenses adiam agendamento de moção de censura ao Governo

Díli, 20 nov (Lusa) - Os líderes das cinco bancadas do Parlamento timorense adiaram para a próxima semana uma decisão sobre o agendamento do debate da moção de censura que a oposição maioritária anunciou na segunda-feira contra o Governo.

Fonte parlamentar explicou à Lusa que os líderes deliberaram hoje, durante uma reunião, contactar o Governo para perceber a sua disponibilidade para ir ao debate no plenário da moção de censura.

A mesma fonte explicou que a reunião dos líderes das bancadas confirmou apenas para 04 de dezembro o arranque do debate do recurso que a oposição apresentou também na segunda-feira contra a tramitação do Orçamento Retificativo.

O regimento prevê que os deputados possam recorrer de qualquer decisão do presidente e, neste caso, a oposição contesta a admissão a tramitação da proposta de lei do Orçamento Retificativo que a oposição contesta por considerar que o Governo não apresentou atempadamente o programa do executivo.

Estudantes e mochileiros estrangeiros são vítimas de exploração laboral na Austrália -- estudo

Sydney, Austrália, 21 nov (Lusa) -- Os estudantes estrangeiros e os mochileiros que trabalham na Austrália são vítimas de uma exploração laboral "endémica e grave" em diversas indústrias da Austrália, indicou um estudo hoje publicado no país oceânico.

Quase 30% dos estudantes internacionais e dos mochileiros que trabalham no país ganham por hora cerca de 12 dólares australianos (7,72 euros) ou menos, quando o salário mínimo legal previsto para o trabalho ocasional na Austrália é de 18,29 dólares australianos (11,7 euros) por hora, enquanto quase metade afirmou receber 15 dólares ou menos (11,32 euros).

A Austrália conta mais de 900 mil imigrantes com vistos temporários que representam até 11% do mercado laboral.

O estudo publicado abrange 4.322 migrantes de 107 nacionalidades diferentes, entrevistados de forma anónima entre setembro e dezembro de 2016 através da Internet em 13 idiomas. Mais de metade declarou-se como estudante, enquanto um terço afirmou ser mochileiro.

GMN TV | Jornal Nacional

GMN TV | Komunikadu Bloku AMP

Governu timoroan laiha osan hodi trata pasiente na'in 20, balun ho estadu todan, iha estranjeiru

Governu timoroan laiha osan hodi transfere pasiente timoroan sira na'in 20 ba hospital sira iha estranjeiru, balun ho situasaun todan, haktuir hosi opiniaun tékniku ida ne'ebé maka Lusa hetan asesu. 

Opiniaun tékniku, ne'ebé prepara hosi Ministériu Saúde, refere katak iha tusan sira ne'ebé akumula ba hospital sira ne'ebé maka lakohi simu tan ema moras sira no hatete katak iha semana liubá National University Hospital iha Singapura rekuza ona pasiente na'in 10 hosi pasiente na'in 13 ne'ebé maka Timor-Leste haruka.

Unidade ne'e aseita de'it pasiente na'in tolu hosi na'in 13 tanba hanesan konsulta seguimentu nian ho "implikasaun finanseiru ki'ik duké rihun 10 tuir pasiente ida-idak".

"Hospitál Nasional Universitáriu Singapura ho Hospital Sanglah fó sai ona komunikasaun ida hodi informa ba MS katak sei la simu tan pasiente foun sira bainhira la selu despeza sira ne'ebé iha atrazu - maibé, sira kontinua fó atensaun ba pasiente sira ne'ebé maka halo daudaun tratamentu", refere hosi dokumentu ne'e.

Lu-Olo hanoin hikas rezisténsia, husu uniaun no kritika sé maka "buka kadeira sira

Prezidente timoroan fó hanoin hikas uniaun ne'ebé maka lori ba vitória rezisténsia nian hasoru okupasaun indonéziu hodi kritika, iha diskursu ida ba forsa defeza nian, sira ne'ebé maka "hamonu ona maun-alin" sira hodi okupa kadeira sira iha poder. 

"Ita la'ós buka kadeira sira, la hatún maun-alin sira hodi okupa kadeira sira. Iha tempu ne'ebá, ita ne'ebé serve nasaun no povu hatete katak rekompensa maka bele hanesan kadeia ka lakon moris", hatete hosi Francisco Guterres Lu-Olo.

"Ita rezisti no manán ona tanba ita fó liman ba malu, entre maun-alin sira, hodi serve nasaun. Kombatente sira ho povu proteje malu maka'as. Nune'e maka ita manán no nune'e maka Falintil [Forsa Armada sira ba Libertasaun Nasional Timor-Leste nian] no povu lori aas ita nia identidade timoroan", nia afirma.

Lu-Olo ko'alia bainhira loke semináriu ida kona-ba direitu ema nian no misaun hosi Forsa Defeza Timor-Leste nian (F-FDTL), organiza hamutuk ho Provedoria Direitu Ema nian no Justisa, komando hosi F-FDTL, Ministériu Defeza ho Seguransa no Casa Militar hosi Prezidénsia Repúblika.

Sosiadade Sívil Garante PR Sei Rezolve Tensaun Polítika Rai Laran

DILI, (TATOLI) – Forum Organizasaun Naun Govermentál Timor-Leste (FONGTIL) garante Prezidente Repúblika, Francisco Guterres Lú Olo, sei rezolve tensaun polítika ne’ebé oras ne’e akontese tuir konstituisaun RDTL haruka.

Prezidente Konsellu Interinu FONGTIL, Joaquim Soares, hato’o preokupasaun ne’e relasioná ho tensaun polítika ne’ebé akontese iha uma fukun Parlamentu Nasionál relasiona ho formasaun governu konstituisionál dahituk.

ʺSosiedade sívil preokupa tebes ho tensaun polítika sira ne’ebé la’o iha  Parlamentu Nasionál, entre setimu governu konstitusionál no Parlamentu Nasionál ne’ebé oras ne’e ita akompañaʺ, nia iha Bekora, ohin.

Maibé organizasaun ne’e fó nafatin konfiansa ba Xefe Estadu atu uza podér konstitusionál atu bele ultrapasa situasaun polítika ne’ebé akontese.

Joaquim mós fó opiniaun ba Prezidente Repúblika tau uza nafatin podér konstitusional hodi halibur lidér partidu polítiku, lidér nasionál atu kria pás no armonia hodi hetan konsensu. Tanba lidér sira hamutuk maka bele lori dezenvolvimentu ba Nasaun ne’e.

Jornalista: Agapito dos Santos | Editora: Rita Almeida

Foto: Sosiedade Sívil sira partisipa asembleia jerál FONGTIL ne'ebé hala'o iha salaun Kanosiana Bekora, ohin. Foto mídia PR

27 no 29 Novembru, Toleránsia Pontu

DILI, (TATOLI) - Governu Timor-Leste liuhusi Primeiru Ministru, Marí Alkatiri hatún ona despaisu toleránsia pontu iha 27 no 29 Novembru, relasiona ho Komemorasaun Loron Proklamasaun Independénsia Timor-Leste, 28 Novembru.

Primeiru Ministru hatún despaisu iha tersa (21/11) ne’e bazeia ba Lei nú. 10/2005, 10 Agustu, ho ninia redasaun tuir lei Nú.3/2016 loron 25 Miau, ne’ebé estabelese loron feriadu nasionál sira, loron ofisiál ba komemorativa no toleránsia pontu.

Despaisu ida ne’e, indika ba ba funsionáriu sira, ajente ministériu sira, ajente Sekretária Estadu sira nomós ba Institutu no Organizmu Integradu sira iha Administrasaun Indireta Estadu nian.

Jornalista: Xisto Freitas | Editór: Manuel Pinto

Foto: PM Mari Alkatiri

Mosaun Rejeisaun Husi Opozisaun PN ba Programa VII Governo Teste Pratika Consituisaun RDTL

(Artigo ida ne’e refere liu ba VII Governo Minoria Ne’ebé Mak Ukun)

Husi: Moisés Vicente* | opiniaun 

Hare ba situasaun polítika rai laran nian, hafoin eleisaun Parlamentar no tama iha faze forma Governu da hituk (VII), República Democrátika de Timor-Leste hasoru tan dala ida situasaun krusial ne’ebé bolu ita tomak atu fó oin hodi buka lisuk solusaun ba, atu hamutuk tahan netik anin bo’ot ne’ebé hu hadulas dadaun ita. Fontes: Konferensia Imprensa Husi Junta das Organizações da Resistençia para a Defesa da Soberania Nasional, Balide, Sesta 27 de Outubru de 2017. Iha ita nia Lei-Inan Constituisaun República Democrática de Timor-Leste 2002 (C-RDTL) artigu 1 alinea 1. Repúblika Demokrátika Timór-Leste katak Estadu ida-ne’ebé demokrátiku, soberanu, ukun-an no ida-mesak, harii husi povu nia hakarak no iha respeitu ba dignidade ema moris ida-idak nian. Nomos iha artigu 2 alinea 1. Soberania haktuur metin iha povu, ne’ebé hala’o soberania ne’e tuir Lei-Inan haruka. Alinea 2. Estadu hakruuk ba Lei-Inan no lei-oan sira. Alinea 3. Lei-oan sira no hahalok seluk  tan husi Estadu no kbiit autoridade lokál sira-nian foin sai válidu wainhira sira la’o tuir duni Lei-Inan haruka.

Polémika programa VII Governo nian ne’ebé la passa iha Parlamentu Nasionál tuir lolós hanesan teste ida ba ita nia Constituisaun da RDTL, ne’e hatudu katak Governu ida la bele hari’i ho kadeira ne’ebé la to’o 50%+1 ou koligasaun minoria ida. Ezersísiu constitusionál hatudu ona husi Mosaun Rejeisaun ba programa VII Governu Parlamentu Nasional: 19 Outubru 2017 no hetan afavór 35 deputados no vota kontra 30 deputados, komesa dadaun dezafia kontinuidade Governo ida ne’e ninia ezisténsia. Mosaun Rejeisaun ne’ebé aprezenta hetan apoiu husi Oposisaun Maioria Parlamentar Deputadu 35 kadeiras nu’udar evidénsia forte kona-bá importansia Governu no Parlamentu maioria ida hodi apoia funsionamentu Governo ida nian ba tinan lima (5) nia laran. Tanba ne’e maka presiza tebes Governo ida tenke mai husi votu barak liu (50%+1) ou koligasaun ida ne’ebé maka maioria iha Parlamentu Nasionál atu vialibiliza Governasaun ida maka estável no forte ne’ebé hakerek ona iha artigo 106 constituisaun da RDTL esplika katak 1. Primeiru-Ministru hili husi partidu ida ne’ebé iha votu barak liu ka husi aliansa partidu sira-ne’ebé iha nia ema barak iha Parlamentu no iha nomeasaun hosi Prezidente-Repúblika, wainhira rona tiha partidu polítiku sira ne’ebé iha reprezentante sira iha Parlamentu Nasionál. 2. Membru Governu sira seluk, Prezidente-Repúblika mak sei hili liu husi Xefe-Ministru ou Primeiro Ministro nia proposta.

Mosaun Rejeisaun ne’ebé passa mós sai razaun forte atu alerta fó hanoin hikas ba ita nia Prezidente Repúblika katak, indijitasaun Primeiru Ministru hodi forma Governu Minoritáriu ne’e desizaun la prudente no la kuidadu, hodi nune’e Prezidente Repúblika ho konsiénsia tomak sakrifika ona Governu ida ne’e ba situasaun risku nia laran. VII Governu iha dalan leut, risku no bele monu. Maibé seidauk tarde atu viabiliza hikas, dalan mak hahú hikas komunikasaun no haloLobby simultaneamente ho líder polítika partidu sira ne’ebé agora iha Oposisaun-Aliansa Maioria Parlamentár (O-AMP) hodi nune’e ba segundo ronde aprezentasaun programa bele passa. Komunikasaun ida ne’e la bele mai husi Prezidente Repúblika deit, maibé tenke inísia husi líder partidu Governo nian hodi viabiliza sira nia governasaun. Hafoin Bloku Partidos Maioria Parlamentár submete no vota afavór ba mosaun rejeisaun ba VII Governu nia programa, espekulasaun no ejijénsia militante sira husi Partidu FRETILIN maka hakarak halo eleisaun antesipada.

Husi sorin seluk, Sekretariu Jeral Partidu FRETILIN, Dr. Mari Alkatiri hakarak halo referendum ba programa Governu nian no nia rasik jura no deklara katak sei la fila ba Parlamentu Nasionál atu aprezenta programa ba daruak nian. Artigo 109 constituisaun da RDTL apresiasaun ba Governu nia Programa) 1. Programa Governu nian sei hato’o ba Parlamentu Nasionál atu hetan apresiasaun, no Parlamentu la funsionál karik, tenki konvida ka konvoka sira ba asuntu ida-ne'e. 2. Debate programa Governu nian labele liu loron lima, no to’o remata, grupu ida-idak iha Parlamentu bele husu atu la simu, eh Governu bele husu votu konfiansa ida. 3. Atu la simu programa Governu nian, tenke iha apoiu mai husi maioria deputadu husi sira- ne’ebé sei hala’o hela knaar. (A rejeição do programa do Governo exige a maioria absoluta dos Deputados em efectividade de funcoes). Tenik maun Xanana Gusmão hodi hatutan, “Se’e governo monu ka governo sa’e, ne’e laos problema paz no estabilidade nian. Ida ne’e problema konstituisaun ninian. Ida ne’e problema demokrasia ninian.” “Governo monu ne’e problema Konstituisaun” Fontes: Nitizen jurnalizm/Grupo Media Nacional TV-GMNTV). Tuir pesoal hakerek na’in nia hanoin ita hotu atu konkorda malu atu la konkorda malu tuir constitusaun, maibé la’os atu inimigu ba malu no paz malu ba.

Antes fó conclui hakerek na’in foti hanoin balu husi Pe. Julio Crispin Ximenes Belo nia idea dehan kona-bá Eleição Antecipada katak, wainhira relaciona ho situação actual República Democrática de Timor-Leste nian, ita bele concidera nudar hipótese ida ho probabilidade suficiente, tanba molok to’o ba decreta Eleisaun Antisipada, Presidente República sei halo exercício constitucional lubuk ida, (1) halo uluk demissão ba VII governo, quando segunda apreciação ba programa governo la passa iha PN tan dala ida [art. 112.º (d) conjuga ho art. 86.º (g)]; (2) Rona tiha partido político sira ne’ebé hetan assento iha Parlamento Nasional (Governo monu, oposição mos remata, hela de’it bancada parlamentar sira) hodi hahu processo formação VIII governo, ne’ebé tem que hahu nafatin ho critério principal rua no critério determinante ida ne’ebé consagrado iha art. 106.º (n.º 1, 1.ª parte) KRDTL (katak indigita PM sei la liu husi artigo seluk, liu nafatin husi art. 106.º); mak iha loron 60 nia laran, la consegue forma VIII governo, PR Dissolve (bubarkan) PN [art. 86.º (f) conjuga ho art. 100.º KDRTL]. (3) Dissolve tiha PN, mak PR decreta Eleisaun Antisipada hodi aplica regras eleição nian (observa art. 65.º conjuga ho art. 7 KDRTL hodi cumpre art. 2.º n.º 1 no art. 1.º n.º 1 KRDTL) estipulado iha lei eleição parlamentar nian. Nunee halo eleição anticipada, la’os solução diak (kaer ba princípio menus malum) maibé solução ikus (kaer ba princípio último ratio) hodi tane aas nafatin regras democráticas tuir KRDTL.

*Artigo ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opinião pesoál. Hakerek Na’in Alumni Faculdade de Direito, Universidade da Paz, Díli, (2008). Iha sujestaun ruma bele haruka iha e-mail: moisesvicente.mahein@gmail.com.

GMN TV | Jornal Nacional

GMN TV