Veteranus enkontru ho PR eleitu, Lu-Olo: “Ha’u mak lakon, naran veteranus mós hotu ona”

Prezidenti Repúblika eleitu ba periodu 2017-2022, Francisco Guterres ‘Lu-Olo’, segunda (27/03), enkontru ho reprezentante veteranu sira husi Munisípiu hotu hodi fó agradesimentu ba veteranu sira nian apoiu ne’ebé fó ba nia iha eleisaun Prezidensial.

Francisco Guterres ‘Lu-Olo’ eleitu ho votus 57,08% iha eleisaun Prezidensial 20 Marsu, nu’udar kandidatu ne’ebé mak hetan votus persentajen boot liu husi husi Kandidatu na’in walu hitu seluk, hanesan António da Conceição ‘Kalohan’ 32,47%, no kandidatu na’in nen seluk hetan porsentajen ne’ebé ki’ik liu.

Iha nia intervensaun, Lu-Olo hateten katak, eleisaun Prezidensial ne’ebé liu husi mós veteranu sira nian esforsu hamutuk ho FRETILIN, CNRT no mós partidu polítika sira seluk, konsege duni lori nia ba Palasiu Prezidensial Aitarak Laran.

ALIN LAEK: XANANA, TAUR-ALKATIRI HAKARAK HALO MUDANSA

Veteranu Custodio Belo alias ‘Alin Laek’ hatete, Kay Rala Xanana Gusmão, Taur Matan Ruak no Mari Alkatiri hakarak halo mudansa ba objetivu moris di’ak povu nian.

Reprezentante veteranu, Custodio Belo alias ‘Alin Laek’ afirma, durante ne’e, Xanana Gusmão, Taur Matan Ruak, Alkatiri krítika no hatudu liman ba malu ne’e, la’os atu hatun malu, maibé atu halo mudansa.

“Ha’u fiar katak, imi na’in hat (4) ne’e mak karik, iha tempu ida ne’e, imi na’in hat bele fila fali ba ida-idak nia fatin, partidu bele ketak-ketak, programa ketak-ketak, kontra malu, mas hakarak halo mudansa. Ha’u nia opiniaun ha’u hili ita bo’ot ba Prezidenti Repúblika periodu 2017-2022, ha’u hili maun Xanana ba Prezidenti Parlamentu Nasionál, ha’u hili maun Taur ba Primeiru Ministru. Karik aban bainrua mak akontese hanesan ne’e karik, halo mudansa, ita la presiza dehan, ida ne’e A, ida ne’e B,” dehan Alin Laek iha nia intervensaun, bainhira enkontru ho Prezidenti eleitu, Francisco Guterres ‘Lu-Olo’ iha Comite Central da FRETILIN (CCF) Comoro Dili, Segunda (27/3).

PN La Fo Importansia Debate Lei Anti Korupsaun

DILI – Reprezentante povu iha uma fukun Parlamentu Nasional (PN) terseiru legislatura lafo importansia hodi debate lei Anti Korupsaun, tamba too oras nee seidauk halo diskusaun no halo aprovasaun.

Tuir Diretur Interinu Luta Hamutuk Jose Alves da Costa katak komitmentu PN hodi halo diskusaun aprova lei anti korupsaun, maibe too agora seidauk halo diskusaun iha plenaria.

Ita rona lei anti korupsaun laos foin tama iha fulan hirak nia laran, maibe tinan ona no lei nee mos ejijensia publiku, maibe ita nia deputadu sira ladun fo importante maske sira nia mandatu besik remata ona,” dehan Jose ba STL Tersa (28/03/2017) iha nia knar fatin.

Tribunal Komesa Julga Dirijentes HNGV

DILI – Tribunal Distrital Dili hahu halo julgamentu ba 2014, arguidu Luis de Fatima nuudar ofisial Tesoureira ba Reiseitas Hospital Nasional Guido Valadares (HNGV) nian no arguidu Fransisco Pereira do Rego, nuudar administrador iha Hospital Nasional Guido Valadares (HNGV) neebe iha kompetensia jere, dirije no arganiza admistrasaun Finansas, lojistiku no Rekursus umanus tamba deskonfia USD$75.645.35 ba proveitu rasik.

Tuir akuzasaun husi Ministeriu Publiku neebe mak Tribunal lee sai katak iha tinan 2014, arguidu Luis de Fatima nuudar ofisial Tesoureira ba Reiseitas Hospital Nasional Guido Valadares (HNGV) nian no arguidu Fransisco Pereira do Rego nuudar admistrador iha Hospital Nasional Guido Valadares neebe iha kompetensia jere, dirije no arganiza admistrasaun Finansas, lojistiku no Rekuesus umanus.

Halo Korupsaun Hatudu Laiha Nasionalismu, Patriotizmu Ba TL

DILI - Korupsaun mosu tanba ema ida rasik lasente ema seluk nia terus ho situasaun neebe iha. Ita hatene katak ita sempre kaer ba valor kulturais, historia, relijiaun tanba nee se mak halo korupsaun moris sei laburas sei goza minute balun.

Tuir Prezidente Konsellu Nasional Juventude Timor Leste (CNJTL), Maria Dadi Magno hatete katak, povu barak ohin loron seidauk sente independensia liu-liu fator ekonomia.

Ita konsidera ema neebe halo korupsaun ema neebe laiha vontade diak ba ita nia rain ida nee, laiha nasionalizmu no laiha patriotizmu,” dehan Prezidente CNJTL, Maria ba STL iha nia knar fatin, Farol-Dili, Tersa (28/03/2017).

Prezidente CNJTL haktuir, korupsaun nee mosu tanba oportunidade, tanba buat ruma neebe obriga nia atu halo la ho responsabilidade tanba nee hakatak friza.

Iha fatin ketak, Vise Prezidente Komisaun A-PN trata asuntu lei konstituisaun, poder lokal, anti korupsaun, Arao Noe esplika, korupsaun nee ema hotu kontra tanba nee mak iha tinan 2010 harii Komisaun Anti Korupsaun (CAC) mesmu nia funsaun hanesan polisia investigadora ida iha area korupsaun nian. Raimundo S. Fraga

Suara Timor Lorosae

LEE MÓS IHA SUARA TIMOR LOROSAE

Laiha Konsensia, Difisil Kombate Lixu

DILI - Atu hahilas Sidade Dili nian furak presiza kontribuisaun masimu husi komunidade kona-ba kamoos (kebersihan). Maibe, too agora konsensia komunidade kona-ba kombate lixu sei minim nee duni susar atu hahilas Sidade Dili nia furak.

Liahirak nee hatoo husi Xefe Suku Fatuhada Marcelino Soares ba STL iha nia knar fatin Sede Suku Fatuhada, Segunda (27/3/2017).

Tuir Marcelino katak, bainhira sidadaun laiha konsesia ida nee difisil atu kombate lixu neebe mak oras nee kontinua naklekar.

Atu resolve problema lixu iha kapital Dili sidadaun sira tenke iha konsesia. Tanba konsesia nuudar save hodi bele kombate lixu neebe dadaun sai preokupasaun.

Ahi ne’ebé mate estraga tiha ekipamentu importante hothotu - Timor Telecom

Timor Telecom ohin hateten katak ahi elétrika ne’ebé mate horikalan iha fatin hotu, estraga ona “ekipamentu importante”, tanba ne’e maka mosu “fallansu ba serbisu komunikasaun” hosi operadór bot Timor-Leste nian, durante oras barak. 

Iha komunikadu ne’ebé haruka ba Lusa diresaun TT “husu deskulpa ba problema ne’ebé mosu”, hodi esplika katak zona Caicoli hanesan mos “sede sentrál hosi empreza nian” mos, horikalan ahi elétrika mate, tanba ne’e afeta sira-ninia serbisu.

"Maski TT iha alternativa hodi hamoris elétrika, liu hosi bateria no jeradór, maibé ekipamentu barak maka hetan estragu, tanba ne’e durnte oras barak serbisu komunikasaun lakonsege la’o”, tuir komunikadu fó sai.

Empreza ne’e esplika katak “sira uza ona rekursu hothotu ho imediatu, hodi troka no konfigura hikas ekipamentu hirak ne’ebé envolve”, ho nune’e maka konsege hala’o hikas serbisu internet, voz ho 3G durante ohin dader madrugada.

Kompradór kapitál Oi iha Timor Telecom ezije repozisaun ba situasaun empreza

Emprezáriu Abílio Araújo, ne’ebé interese ba kapitál Oi iha  Timor Telecom hatete iha ohin katak  ezije repozisaun situasaun empreza nian, inklui nível rekursu umanu, ne’ebé iha bainhira oferta ne’e autorizadu  ona hosi  justisa brazileira.

Abílio Araújo, responsável grupu Investel, konsidera katak reestruturasaun ne’ebé foin lalais ne’e hala’o  iha Timor Telecom, inklui redusaun ba kuadru diretivu, halo TT "  lakon  pozisaun iha merkadu" Timor-Leste.

"Kuadru sira agora lakorresponde ba situasaun empreza bainhira halo avaliasaun ba Timor Telecom, iha  outubru tinan kotuk, prosesu submisaun ba proposta akizisaun partisipasaun oioin OI nian", haktuir ba Lusa.

"Tanba ne’e ha’u husu ba Oi halo repozisaun ba kuadru ne’ebé uluk eziste ", refere nia.

Hafoin fulan barak hein  juiz hosi tribunal 7.ª Vara Empresarial da Comarca da Capital do Estado do Rio Janeiro autoriza ona iha loron 11  fulan- marsu pedidu hosi  Oi atu faan ninia  partisipasaun iha Timor Telecom.

Taur Husu Timor Oan Hamutuk Kombate Korupsaun-Impunidade

DILI – Prezidente Republika Taur Matan Ruak husu Timor oan tomak, hodi kombate korupsaun no impunidade iha rai laran liu-liu insitusaun relevante, tamba povu hakarak dezenvolve.

Prezidente Republika Taur Matan Ruak liu husi Diskursu Segunda (28/03/2017) wainhira Partisipa iha seremonia Aniverariu PNTL ba dala 17, iha Sentru Fromasaun PNTL, Comoro  husu Timor oan tomak atu hamutuk kompate korupsaun.

Hau husu Ita hotu tenki hamutuk hodi prevene no kombate korupsaun ho impunidade atu asegura distutuisaun ida neebe justu, ita nia riku soin iha rai laran,” dehan Taur.

Nia hatete Timor oan hotu atu hetan rikusoin neebe mak justu iha Timor Leste inkliu dezenvolvimentu neebe justu tamba lei fo dalan ba PNTL no tribunal atu halao sira nia knar hodi kombate korupsaun.

Governu Presiza Toma Konsideirasaun Ba Projetu Sentral Eletrika

DILI – Reprezentante povu iha uma fukun Parlamentu Nasional (PN), husu ba governu atu toma atensaun ba kompania neebe kaer projetu sentral eletrika, iha Betano no Hera nee atu labele hamate ahi iha tempu eleisaun Parlamentar neebe sei mai iha tempu badak.

Hau hanoin governu tenke halo desizaun ho kuidadau atu nunee prosesu elisaun ou prosesu kampania nee ahi labele mate atu nunee fo pasu ba ema seluk atu uza fali ajudika seluk iha tempu kampania, tan nee husu ba governu atu estuda didiak konsekuensia bain hira atu gasta osan ba kompania internasional neebe kaer hela projetu sentral eletrika iha Betanu no Hera,” informa Deputadu Osorio Florindu liu husi sesaun plenaria Segunda (27/03/2017) iha PN.

PARABENS BA PNTL…!!!

Jornal Nacional Diário, editorial

Polisia Nasional Timor Leste, segunda feira ohin, loron 27 Marsu selebra aniversario ba dala XVII (27 Marsu 2000 – 27 Marsu 2017). Serimonia ofisial aniversario instituisaun seguransa interna nee halao Kuartel Geral, Polisia Nasional Timor Leste nian, Dili.

Aniversario nee, laos atu festeiza deit,  importante atu instituisaun seguransa nasaun nian nee halo reflesaun ba ninia empeñamentu durante tinan 17 nia laran atu bele refleta esperensia, dezafius no susesu sira nebe instituisaun nee iha ninia esistensia.

Nudar sidadaun nebe diak, hato’o parabens ba komando jeral Polisia Nasional Timor Leste nebe festeza sira nia loron harii instituisaun polisia nian ba dala XVII. Aniversario atu orgulho saida mak instituisaun nee halo ba nasaun, li-liu garante lei no ordem no seguransa ba sidadaun sira.

Polisia Nasional Timor Leste nee esiste tinan 17, la signifika perfeitu ona, maibe presiza hadia an nafatin, li-liu formasaun no kapasitasaun atu nunee sai polisia ida nebe profesional iha ninia empeñametu loron ba loron.

Laiha duvida, publiku sempre halo komparasaun ba atuasaun Polisia Nasional Timor Leste (PNTL) ho Falintil – Forsa Defeza Timor Leste (F-FDTL) maibe haluha tiha katak konstituisaun atribui kompetensia nebe la hanesan.

Polisia ninia papel importante atu defende legalidade demokratiku no garante sidadaun sira nia seguransa internu no prevensaun kriminal tenke halao ho respeitu ba diretus humanos no  F-FDTL asumi responsabilidade garante independensia nasional, integridade teritorial, liberdade no populasaun nia seguransa hasoru agresaun ruma ka ameasa externa  no respeitu orden konstitusional.

Atu asegura kompetensia nebe konsituisaun fo tamba nee dala balu polisia halo atuasaun asves viola lei, uza forsa atua problema ruma. Ne’ebe iha maneira atuasaun nee dala balu la satisfaz sidadaun nian maibe nee mak knar seguransa nian.

Polisia nudar instituisaun Estadu nian nebe garante seguransa sidadaun sira nian maibe dala balu mos violensia mai husi kedas oknum instituisaun seguransa sira ho hafoer polisia ninia naran diak iha publiku.

Tan nee, iha ambitu aniversario nee, atu refleta saida mak polisia sira halo diak no saida mak polisia halo ladun diak iha komunidade nia let, hodi nunee iha futuru labele repete tan.

Los duni, maske polisia nia atuasaun dala balu la satisfatoriu, atua problema ruma sempre uza forsa maibe jeralmente publiku apresia servisu polisia nian, tamba susesu fo seguransa ba festa demokrasia, eleisaun presidensial hodi nunee povu tomak eserse sira nia direitu voto.

Dala ida tan, parabens ba membro polisia tomak nebe durante nee dedika an hodi garante seguransa nasaun nian no mos seguransa ba nia sidadaun sira nebe sai nudar direitu ida nebe garantido iha konstituisaun Republika Demokratika Timor Leste.*

ANIVERSARIU PNTL DALA 17, CESAR VALENTE: PRESIZA HADIA SERVISU PNTL

Reprezentante povu iha uma fukun Parlamentu Nasional (PN), Cesar Valente ne’ebé trata asuntu  Defesa no  seguransa hateten katak, ho loron  aniversariu Polisia Nasional Timor Leste (PNTL) ba dala 17 ne’e komando jeral PNTL presiza hadia buat barak iha institusaun refere.

“Ita nia Polisia Nasional Timor Leste  27 marsu (ohin) ne’e aumneta tan tinan ida ba institusaun ne’e buat barak presiza duni sira hadiak liu liu komando jeral hau hatete bebeik ona katak tenki seriu foti desizaun, foti desizaun labele hare ba ema nia oin labele koali hakruk hateke ba sira nia mata laran mak koalia tanba ne’e institusaun estadu  laos sira nia privadu nebe  labele husik iha ema balun kleur demais iha departementu balun hodi halo institusaun ne’e sai tiha fali fatin ida nebe ema hotu hotu hare hanesan buat ida nebe halo sidadaun sira la tau fiar institusaun ne’e “ informa Deputadu Cesar valente ba Jornalisita sira iha PN, Sesta (24/3/17)

“Palku Politik Timor” Xanana Nafatin Iha Influensia Boot

DILI - Sosiedade akademika konsidera katak Eis Guerileiru FALINTIL, Kay Rala Xanana Gusmão nia influensia politika nafatin boot iha palku politika Timor Leste nian iha tempu ohin loron.

Tuir Observador Politika-UNDIL, Francisco Mausoro hatete katak, hakarak ka lakohi situasaun ohin loron neebe lao iha Timor Leste Xanana nafatin fator determinante iha influensia palku politik Timor Leste nian.

Iha eleisaun 2001 nia (Xanana-Red) manan iha primeira volta, lori Horta no Taur manan, ikus liu Lu-olo hatudu Xanana iha influensia boot iha ita nia palku politiku Timor,” dehan Observador Politika-UNDIL, Mausoro ba STL iha nia knar fatin, Kampus-UNDIL, Mascarinhas-Dili, Segunda (27/03/2017).

Observador Politika haktuir, haree fali ba eleisaun parlamentar 2017 nee ita presiza haree ho klean nia dominante hodi determina eleisaun ka lae, se ita siik deit nee susar. Mausoro arguemnta, tanba eleisaun parlamentar partidu politiku liu 30 mak sei kompete no eleisaun prezidensial nee vota ema maibe eleisaun parlamentar nee vota partidu.

Iha fatin ketak, Deputadu Bankada CNRT, Agostinho Lay dehan, Xanana hanesan Prezidente Partidu CNRT hakarak ka lakohi eleisaun parlamentar nee nia sei koalia makas liu tan.

Entertantu, Diretor Ezekutivu FONGTIL (Forum Organizasaun Naun Governamental Timor Leste), Arsenio Pereirra “Lavare” hatete, eleisaun prezidensial neebe akontese foin lalais nee hatudu mudansa konjuntura politika. Raimundo S. Fraga

Suara Timor Lorosae

Parpol Lakonkore Eleisaun Parlamentar 2012, Labele Konkore Tan 2017

DILI – Partidu Politiku (Parpol) neebe lakonkonkore iha eleisaun parlamentar 2012 signifika katak iha eleisaun 2017 sira labele konkore, tanba lei foun partidu politiku nian lafo dalan.

Tuir Prezidente Komisaun Nasional Eleisaun CNE, Alcino de Araujo Baris hatete katak, tanba nee mak partidu politiku neebe mak Tibunal Rekursu notifika mai iha CNE hamutuk 31 maibe, CNE iha hanoin atu averigua.

Ami tenke buka averigua fali katak partidus politiku sira neebe uluk lakonkore iha eleisaun 2012, tuir lei lakonkore dala ida, periode tuir mai labele tuir,” dehan Prezidente CNE, Alcino ba jornalista sira hafoin remata konferensia imprensa iha media senter CNE, Caicoli-Dili, Sabadu (25/03/2017).

Prezidente CNE, Alcino haktuir, partidu sira neebe latuir iha eleisaun 2012 mak iha eleisaun 2017 labele tuir tan tanba nee, se sira hakatak partisipa fali iha eleisaun iha tinan ida nee mak halo fali inskrisaun foun.

Iha fatin ketak, Observador Politika-UNTL, Camilio Ximenes Almeida esplika, partidu politiku barak eziste iha Timor Leste tanba ita nia konstituisaun mak dehan multi partidarizmu. Raimundo S. Fraga

Suara Timor Lorosae

KI Kiritika Media Tanba Konteudu Notisia La foka Substansia Elpres

DILI – Konsellu Imprensa (KI) hamrik hodi promove liberdade espresaun, liberdade imprensa no independensia ba meius komunikasaun social, husi kualker influensia individu, grupu no interes politiku no ekonomiku sira.

Tuir Prezidente Konsellu Imprensa (KI), Virgilo Guteres hatete katak, tuir avaliasaun no monitorizasaun Konsellu Imprensa (KI) nian nota katak, kobertura orgaun komunikasaun social ba Eleisaun Prezidensial (Elpres) ladun parsial no ekelibriu ba kandidatura hotu-hotu.

Kobertura eleitoral, media fo espasu boot liu ba figura politiku apoiante, konteudu notisia la foka ba susbstansia Eleisaun Prezidensial (Elpres),” dehan Prezidente KI, Virgilo liu husi konferensia imprensa neebe halao edifisiu KI, Marcarinhas-Dili, Segunda (27/03/2017).

Prezidente KI haktuir, tanba nee mak iha implikasaun ba publiku sira barak ladun hatene konaba kandidatu seluk sira nia hanoin. ba kandidatu hanesan Francisco Guteres “Lu-olo” ho Antonio da Conceição “Kalohan” hetan porsaun boot liu.

Iha fatin ketak, Observador Politika-UNDIL, Francisco Mausoro esplika, hanesan ema akademiku nia haree ba atividade kobertura media nian ba iha Elprez lao diak no laiha problema. Raimundo S. Fraga

Suara Timor Lorosae

Hasai ona ema millaun resin hosi Queensland tanba siklone

Autoridade australianu hasai ona ema millaun resin, inklui turista sira, hosi Nordeste Austrália hodi antesipa siklone Debbie, ne'ebé karik sei hanesan siklone violentu liu ne'ebé maka to'o iha rejiaun ne'e iha tinan hirak ikus ne'e.

Siklone ne'e forma hela iha loron hirak ne'e nia laran iha largu hosi Estadu Queensland no karik sei to'o kontinente australianu iha loron-tersa dadeer, hatete hosi Gabinete Meteorolojia lokal iha loron-segunda ne'e.

Iha loron-segunda kalan iha Queensland, siklone Debbie hetan klasifikasaun ba kategoria haat (kategoria lima hanesan violentu liu).

Populasaun sira hosi Estadu Queensland (iha Nordeste Austrália) hetan ona avizu kona-ba risku sira ne'ebé iha ligasaun ho tempestade ne'e, ida ne'ebé violentu liu dezde siklone Yasi iha tinan 2011.

Clientes da Timor Telecom sem quaisquer comunicações há mais de hora e meia

Dili, 27 mar (Lusa) -- Os clientes do principal operador de telecomunicações de Timor-Leste, a Timor Telecom, estão desde as 20:30 locais (12:30 em Lisboa) sem telefones móveis, acesso à Internet ou telefones fixos.

Desde essa hora que as comunicações, quer pela rede móvel quer pela rede fixa, da Timor Telecom deixaram de funcionar, não havendo, até ao momento, qualquer explicação para o sucedido.

A Lusa confirmou que o sistema de telefones dos outros dois operadores no território, o indonésio Telkomsel e o vietnamita Telemor, estão a funcionar normalmente.

A Lusa deslocou-se à sede da Timor Telecom, em Díli, que neste momento está encerrada, não sendo -- por isso - possível contactar qualquer responsável da empresa.

A Timor Telecom pertence maioritariamente à Telecomunicações Públicas de Timor-Leste, SA (54%) e ao Estado timorense (20%).

NVI // PJA

PARQUE JURÁSSICO DESCOBERTO NA AUSTRÁLIA COM LIGAÇÕES A PORTUGAL

A jazida foi encontrada no noroeste da Austrália, uma zona onde se conheciam até agora muito poucos vestígios de dinossauros. Na investigação, há referência às pegadas da Lourinhã.

Na investigação feita pelos cientistas da Universidade de Queensland, são também feitas várias referências aos vestígios encontrados em Portugal, na Lourinhã.

O paleontólogo Octávio Mateus, professor na Faculdade de Ciências de Lisboa e colaborador do Museu da Lourinhã, diz que esta investigação também ajuda a compreender melhor as pegadas portuguesas.

As 150 pegadas encontradas são de 21 espécies diferentes do período do Cretáceo Inferior, que é relativamente desconhecido naquela região do globo.