Debate ParPol jornalista mak modera

DILI (TATOLI) –Prezidente Interinu CNE, Duarte Tilman informa katak, Comissão Nacional das Eleições (CNE) diside ona atu jornalista senior mane ida ho feto ida mak sei modera debate Partidu Politiku (ParPol), iha semana ida ne’e nia laran.

“Moderadór ba debate partidu polítiku sei mai hosi jornalista ne’ebé esperiénsia ona, entre feto ida no mane ida (latemi nia naran) atu bele iha iguldade jéneru,” Duarte Tilman informa ba Agensia TATOLI iha salaun CNE, Segunda (12/06).

Debate partidu polítiku sira sei akontese entre loron, Sabdo, 17  no Domingo, 18 Jullu iha salaun Lalini Larigutu, edifisiu Comissão Nacional das Eleições (CNE).

Debate bele akontese entre loron ne’ebé determinadu, maibe sei hein sorteiu hosi tribunál rekursu.

Debate vizaun, misaun no programa politiku ne’e mos sei fo sai kanál Radio Televizaun Timor-Leste (RTTL) atu sidadaun sira akompanha.

Enkuantu, modelu debate, partidu polítiku sira sei aprezenta programa, vizaun, misaun no sei iha debate entre debatór hosi partidu polítiku hotu.

Modelu debate ne’e, atu fasilita votante sira hodi deside iha loron ne’ebé markadu eleisaun nian, nune’e kampaña partidu polítiku sei realiza iha 20 Juñu no eleisaun lejislativa sei akontese 22 Jullu. 

Jornalista: Zezito Silva | Editor: Manuel Pinto

Foto: Duarte Tilman | TATOLI

Lia-portugés la’ós fasil

DILI (TATOLI) - Sekretáriu Estadu Komunikasaun Sosiál (SEKOMS), Nélio Isaac Sarmento hatete projetu konsultóriu língua ba jornalista sira atu ajuda jornalista sira iha koñesimentu kona-ba lia-portugés,atu nune’e ajuda populasaun oinsá mak halo publikasaun infomasaun hodi provoka atu hatene lalais portugés.

“Klaru katak buat ne’e la’ós fasil. Ita tenke la’o neineik maibé ita espera katak loron ida buat ne’ebé ita hakarak sei sai realidade,” Nélio Isaac hatete iha Palásiu Governu hafoin entrega sertifikadu ba jornalista sira, ohin.

Lia-portugés, inportante ba timoroan, tanba iha informasaun no dokumentu barak iha país ida ne’e sempre ho lia-portugés.

Nune’e papél jornalista nian mak tenke fó informasaun ne’ebé di’ak kona-ba intensaun husi lei ida atu nune’e populasaun bele hatene, maibe ida ne’e mos jornalista sira tenki hatene lia-portugés.

“Jornalista sira tenke hatene uluk portugés para bele entende intensaun husi lei, ne’ebe haerek ho lia-portugés, So nune’e jornalista sira fó informasaun ba ita-nia komunidade karik informasaun ne’ebé loloos hodi ema bele komprende liután,” eis xefi redasaun Televisaun Timor-Leste ne’e fo hanoin.

Hodi hatutan ba formandu sira ne’ebé akaba ona kursu nivel B1 no simu ona sertifikadu ne’e, sei kontinua nafatin ho nivel ne’ebé sa’e no to’o loron ida bele prátika portugés ne’ebé di’ak tebes ba Timor-Leste liuliu ba instituisaun mídia sira ne’ebé mak sira serbisu ba.

Jornalista hamutuk 24 husi orgaun komunikasaun sosiál hanesan Timor Post na’in-ualu, Rádiu Televizaun Timor-Leste na’in-hitu, Konsellu Imprensa ida, Matadalan rua, Grupu Média Nasionál tolu, no SEKOMS tolu, simu sertifkadu iha kursu nivel B1 hafoin tuir formasaun intensiva durante fulan rua ho oras 200. Formasaun ne’e kria liuhusi kooperasaun entre SEKOMS ho Governu Portugál através Instituto Camões.

Jornalista: Maria Auxiliadora | Editór: Manuel Pinto

Foto: Jornalista 24 husi órgaun komunikasaun sosiál simu sertifikadu hafoin turi kursu nivel B1. Sertifikadu ne'e entrega husi reprezentante embaixadór de Portugál, Luís Cunha, SEKOMS, Nélio Isaac Sarmento no formadór sira mak Cláudia Taveira no Manuel Oliveira. Foto/António Gonçalves.

TL Sei Menus Mediku Espesialista

Diretor Klinika Ospital National Guido Valadares (HNGV), Flavio Brandão hateten servisu espesialista durante ne’e sei dependensia ba mediku espesialista husi estrangeiru tanba Timoroan sei menus.

Atu kore aan husi dependensia ne’e, nia hateten governu tenke investe no fo prioridade ba formasaun espesialidade.

“Espesialista ita sei presiza maka’as, numeru ne’ebe iha agora seidauk bele independente, ita sei do’ok,” nia hateten iha nia knar fatin Bidau, Dili. 

Agora dadaun ne’e, nia dehan, iha espesialista nain 30 husi nasaun Cuba, Cina no Australia inklui Timor oan nain 12 mak hala’o hela servisu atendimentu ba pasientes iha ospital national.

Nia hateten, espesialista Timor oan sira ne’e iha area inan isin rua, pedeatria, operasaun, ruin, kulit, histopatologia, kardiologia ou kurasaun, matan no neurologia. 

Formasaun espesialidade balun bele halo iha rai laran, hanesan nia hateten iha area pedeatria no matan nian tanba mediku espesialista husi nasaun seluk barak iha ne’e bele transforma sira nia matenek ba Timor oan sira. 

“Kustu bo’ot liu bainhira halo formasaun iha rai liur, maibe iha rai laran mediku sira hatene liu moras no situasaun ne’ebe iha no kustu ki’ik,” nia hateten. 

Nia dehan, ospital national koalia ona ho Universidade National Timor Lorosa’e (UNTL) atu estabelese formasaun post graduasaun ba area pedeatria nian. 

Iha parte seluk, Prezidente Komisaun F (saude, edukasaun, kultura, veteranus e igualidade jeneru),Virgilio da Costa Hornai hateten hanesan nasaun governu tenke hanoin ona atu fo prioridade forma mediku espesialista. 

Enkuantu mediku jeral, nia dehan laiha duvidas tanba numeru barak liu ona, so ke mediku espesialista sei minimu liu. 

“Ita bele halo kotratu ho mediku espesialistas husi rai liur, maibe ita labele hela ho situasaun ida ne’e,” nia hateten.

Nia dehan, orsamentu jeral do estado kada tinan parlamentu nasional aloka osan hodi dezenvolve rekursu humanus iha rai laran, maibe depende ba politika governu nian.

The Dili Weekly

TDD Rejeita Vitima VD Hakarak Dame ho Arguidu

DILI - Tribunál Distritál Dili (TDD), liuhosi audensia julgamentu ba kríme violénsia domestika, tersa (06/06), la autoriza vitíma ho arguidu ne’ebé hakarak dame malu, no dada kazu hosi Tribunál.

Juiza prosesu singular, Julmira Auxliadora, ne’ebé prejide audensia, konsidera VD hanesan kríme públiku, tanba ne’e bainhira parte vitíma ho arguidu atu hili dalan dame, lei la autoriza hodi fó dalan atu dame malu, tenke prosesu tuir dalan justisa ne’ebé maka iha ona.

Iha kazu ne’e vitíma Adelia Maria da Costa ne’ebé maka hanesan feen hosi arguidu MJS, hakarak dada kazu no lakohi prosesa arguidu ba Tribunál maske kazu ne’e tama ona iha prosesu julgamentu.

Tribunál esplika, kazu VD hanesan kríme públiku entaun Tribunál iha obrigasaun atu prosesa tuir lei artigu 145 ninian hosi kodigu penál.

Lei mós la fó dalan ba kríme ne’e atu vitíma dada filafali kazu. Kríme VD la hanesan kríme semi públiku ne’ebé fó dalan vitíma atu dada kazu.

“Iha ita-nia artigu ne’ebé iha ba kríme públiku, ezemplu hanesan kríme violénsia domestika ne’e lei la fó dalan atu vitíma dada filafali kazu, naun ser kríme semi públiku,” esplika Tribunál ba vitíma Adelia iha sala audensia laran.

Iha biban ne’e, Tribunál mós kontinua hala’o julgamentu ba kríme VD ne’ebé maka komete hosi arguidu MJS.

Tribunál lei sai faktu ne’ebé ministériu públiku akuza ba arguidu katak, arguidu ho vitíma moris hanesan feen ho la’en iha oan na’in 2. Iha loron 23 fulan-Janeiru 2013 oras tuku 11:00 kalan, iha subdistritu Vera Cruz, suku Villa Verde, aldeia Moris Foun, vitíma arguidu nia kaben telefone ba arguidu nia alin mane ida atu mai tula vitíma nia oan moras iha uma atu nune’e lori ba fó vitíma nia banin sira haree.

Entretantu hafoin Tribunál le sei akuzasaun Ministériu Públiku, Tribunál labele rona deklarasaun arguidu tanba arguidu agora daudaun laiha Timór no servisu ona iha Inglatera.

Tanba ne’e Tribunál rona de’it deklarasaun hosi vitíma, katak faktu sira ne’e loos hotu motivu hosi kazu ne’e akontese tanba de’it arguidu vitíma nia la’en deskonfia ka ciumento demais liubá vitíma ho arguidu nia alin mane.

“Kazu ne’e ha’u haluha faktu barak ona, maibé ha’u sei hanoin de’it mak ha’u-nia laen baku ha’u, tanba de’it nia rona ha’u telefone ba nia alin pois nia ciumento fali ha’u,” deklara vitíma ba Tribunál.

Depois rona deklarasaun Tribunál submete kedan ba alegeasaun ikus, tanba ne’e ministériu públiku husu ba Tribunál atu aplika pena administrasaun tanba razaun antes ne’e arguidu ho vitíma simu fali malu hanesan feen ho la’en, no fó sala ba malu ona tuir kultura.

Nune’e mós parte defeza husu ba Tribunál atu absolve arguidu tanba razaun arguidu durante ne’e kolabora ho Tribunál.

Depois rona alegasaun, Tribunál adia audensia kazu ba loron 9 fulan-Juñu oras tukun 9:00h deder atu lé akordaun ikus. Audensia ne’e prezide hosi juis singular, Julmira Auxliadora, parte MP reprezenta prokuradór Nelson Belo, defeza arguidu hetan asistensia legál hosi defesór públiku, Sebastião Magno. (jxy)

Timor Post

CNRT Mak Bele Dezenvolve TL, Militante Fretilin-FM 240 Afilia

DILI – Partidu Congreso Nacional Reconstrução Timorense (CNRT) simu tan afiliasaun husi partidu Fretilin no mos Frente-Mudansa 240, hamutuk CNRT dezenvolve Timor Leste.

Iha biban nee mos estrutura Organizasaun Juventude Partidu (OJP), Organizasaun Mulher Partidu (OPM), Klibur Profesional (KP) husi suku Manleuana kompostu husi aldeia 10 simu tomada pose.

Tuir Prezidente Komisaun Diretiva Nasional (CDN), Dionisio Babo Soares katak, iha Timor Leste so partidu CNRT mak bele hadia povu nia moris diak liu husi dezenvolvimentu nasional.

Partidu ida nee manan laos ba kaer ukun deit, maibe hadia rai nee, hodi hadia povu nia moris, iha programa para bele dezenvolve rai ida nee,” dehan Dionisio liu husi diskursu hafoin simu afiliasaun iha Manleuana-Dili, Sesta (09/06/2017).

Dionisio haktuir, partidu CNRT eziste lao atu buka kadeira deit, maibe iha planu tanba nee mak husu ba povu hotu atu vota ba CNRT atu garante paz no estabilidade nasional.

Iha fatin hanesan, Koordenador Jeral Partidu CNRTMunisipiu Dili, Luis Caldeira esplika, hanesan estrutura munisipiu Dili hatoo paraben ba estrutura sira neebe simu pose espera katak eleisaun parlamentar mai CNRT bele manan iha suku Manleuana. Raimundo S. Fraga/Tomas Shances

Suara Timor Lorosae | Foto: Antonio Gonçalves | TATOLI

PM Rui Presta Homenajen Ba Saudosu Guido Valadares

LIQUIDOE – Primeiru Ministru Rui Maria de Araujo ho ekipa, halo vizita ba rate saudosu Guido Valadares, iha suku Bareleu, Postu Administrativa Liquidoe, Munisipiu Aileu, hodi presta homanajen.

Vizita neebe Xefi Governu ho ekipa halao iha loron Sabdu (10/06/2017). Antes ba vizita Saudosu Guido Valadares, Xefi Estadu halo vizita uluk ba eskola Ensinu Basiku Filial Fahisoe, Ensinu Basiku Filial Namolesso hodi hare direitamente difikuldade neebe maka eskola hirak nee infrenta durante nee.

Hafoin presta homenajen ba saudosu Guido Valadares, PM Rui ba jornalista sira katak, apoveita presta homenajen ba Martires nee, hanesan emfermeiru neebe didiak nia aan  tomak iha prestasaun de servisu ba saude, mesmu iha funu laran nia husik hela nia familia.

Tanba saudosu nee nia didikasaun servisu tomak intrega ba kauza libertasaun ninian, no mos hanesan ema neebe halao nia servisu hanesan profesinal saude ida, nee maka iha kedan Primeiru Governu Konstitusional Governu deside atu lori nia naran tau ba ospital nasional neebe oras nee dadaun ita koinese hanesan ospital Guido Valadare,” dehan PM Rui ba jornalista sira, iha simiteiru saudosu Guido Valadares, Postu Administrativa Liquidoe, Munisipiu Aileu, Sabdu (10/06/2017).

Responde konaba tanba sa saudosu nee la ba hakoi iha simimeiru jardim de herois, Xefi Governu hateten, Saudosu nia familia desde restaurasaun independensia hakarak atu lori ba hakoi iha jardim de herois, maibe populasaun iha Postu Administrativa Liquidoe  maka husu atu mantein iha nee.

Iha fatin hanesan Tomas de Oliveira hanesan koordenador Partidu FRETILIN Postu Administrativa Liquidoe hateten, Saudosu Guido Valadares mate iha Besilau, bainhira nia tun ba Dili atu ba foti aimoruk. Carme Ximenes

Suara Timor Lorosae

OECUSSE | População de enclave timorense menos isolada com lançamento de nova ponte

Lifau, Timor-Leste, 12 jun (Lusa) - A população da zona ocidental do enclave timorense de Oecusse está a partir de hoje menos isolada, beneficiando da Ponte de Noefefan, inaugurada no fim de semana e que atravessa a ribeira de Tono, intransitável na época das chuvas.

Considerado já um dos projetos mais emblemáticos do programa de desenvolvimento da Região Administrativa Especial de Oecusse-Ambeno (RAEOA) a ponte - de 360 metros de comprimento, 20 metros de altura e com três arcos - foi inaugurada pelo Presidente da República Francisco Guterres Lu-Olo.

Um investimento de 17 milhões que permite que a população da metade ocidental do enclave tenha um acesso mais rápido e seguro à capital da RAEOA, Pante Macassar, de onde partem as principais ligações - por mar, ar e terra - para o resto de Timor-Leste.

A ligação entre as duas zonas do enclave, separadas pela ribeira de Tono, não era sempre fácil, especialmente na época das chuvas - entre novembro e abril - em que a travessia chegava a tornar-se impossível.

Mais de 3.600 famílias residentes na parte ocidental do enclave podem agora ter acesso à capital e aos seus serviços, incluindo acesso a escolas e ao Hospital de Referência, enquanto o Estado passa a ter mais acesso para o desenvolvimento de outros serviços nessas zonas, incluindo eletricidade e água e saneamento, destacam as autoridades da RAEOA.

Para o chefe de Estado, Francisco Guterres Lu-Olo, a ponte é o símbolo de um projeto mais amplo de desenvolvimento que pretende "corrigir" a injustiça dos primeiros anos depois da independência, em que o enclave foi deixado na periferia.

Lu-Olo recordou que foi no enclave, mais propriamente na praia de Lifau, que começou a história de Timor-Leste, já que foi ali que chegaram, há 500 anos, os primeiros navegadores e missionários portugueses.

Oecusse, disse, merece um tratamento especial na Constituição de Timor-Leste mas só nos últimos dois anos, com o projeto de desenvolvimento da RAEOA se começou "a fazer justiça" garantindo que a região "deixa de ser enclave, deixa de estar isolada".

O Presidente recordou que, além do isolamento, o enclave sofria outros problemas, inclusive naturais, que "entravavam o desenvolvimento" como é o caso de "chuvas abundantes que provocavam cheias que separavam as populações".

No intuito de corrigir estes problemas, disse, o Governo apostou no fortalecimento das ligações com o enclave, o que implicou investir no primeiro avião timorense, num navio - recentemente lançado em Portugal - e na nova ponte.

"Para quebrar o isolamento de Oecusse apostamos nos meios de transporte, garantindo rapidez e mobilidade. A mobilidade é uma condição sine qua non de cidadania. Modernizar Oecusse reforçando a cidadania era investir na mobilidade", disse.

"A ribeira de Tono, outrora, isolava populações. Mas, a partir de hoje, graças a esta ponte, passa a ser um elo de ligação entre as populações. A ponte Noefefan, sólida e elegante, quebrou para sempre o isolamento das populações, que sofreram décadas de isolamento durante a época de chuvas", disse Lu-Olo.

O Presidente da República recordou que a ponte se insere num projeto mais amplo que representa "uma nova filosofia" e um "novo modelo de desenvolvimento" que apostou na criação de uma Zona Especial de Economia Social de Mercado (ZEESM) onde têm vindo a ser construídas várias infraestruturas básicas.

"A ZEESM de Oecusse poderá assim servir de referência para outros polos de desenvolvimento a serem estabelecidos no território de Timor-Leste, a médio e longo prazo.

Estou convicto que Timor-Leste escolheu o caminho certo, rumo ao desenvolvimento socioeconómico integrado e sustentável", afirmou.

ASP // FPA | Foto: Ponte Noefefan | TATOLI | Xisto Freitas

Sismo atinge capital da Indonésia

Jacarta, 12 jun (Lusa) -- Um sismo com magnitude entre 5,6 e 6,3 atingiu hoje a principal ilha da Indonésia e foi sentido em Jacarta, sem informação de danos ou vítimas.

A Agência de Gestão de Desastres Nacionais indicou que o sismo afetou partes da ilha da Java, incluindo a capital, e que residentes de algumas cidades deixaram as suas casas em pânico.

O Serviço Geológico dos Estados Unidos deu conta de um sismo com magnitude de 5,6, a 97 quilómetros da cidade de Cibungur e a 10 quilómetros de profundidade. Já a Agência de Meteorologia, Climatologia e Geofísica da Indonésia infirmou que o sismo teve magnitude de 6,3, ainda que sem potencial para causar um tsunami.

A Indonésia, o maior arquipélago do mundo, é suscetível a sismos e tsunamis devido à sua localização sobre o chamado "Anel de Fogo" do Pacífico.

Em 2004, um forte sismo no Oceano Índico gerou um tsunami que matou mais de 230 mil pessoas numa dúzia de países, a maioria na província indonésia de Aceh.

ISG//ISG

Elabora hanoin servisu tribunál Deolindo hasoru Lú-Olo

DILI (TATOLI) – Prezidente Tribunál Rekursu, Deolindo dos Santos, ohin, Segunda (12/06) hasoru malu ho Prezidente Repúblika, Francisco Guterres “Lu-Olo” hodi elabora ideia sira kona-ba servisu tribunál nia hodi servi públiku di’ak liu tan.

“Ha’u reune ho prezidente repúblika nu’udar programa mensál hodi koalia kona-ba servisu tribunál nian no elabora ideias oinsa tribunál bele servisu di’ak liu tan hodi servi públiku ba futuru,” Prezidente Tribunál Rekursu, Deolindo dos Santos ba jornalista sira hafoin enkontru ho Prezidente Repúblika, Lu-Olo iha Palacio Prezidensiál, Aitarak Laran, ohin.

Iha enkontru ne’e, Prezidente Tribunál Rekursu, Deolindo dos Santos ho Prezidente Repúblika, Francisco Guterres “Lu-Olo” fulan ida dala ida nu’udar programa mensál.

Enkuantu Prezidente Tribunál Rekursu aprezenta mós lista kandidatura partidu polítiku ba prezidente repúblika ne’ebé tribunál foti desizaun horseik kona-ba sira ne’ebé ladauk priénse kritériu. No tribunál fo prazu loron rua hodi kompleta, maibé to’o ohin loron mak sira la kompleta signifika la konkore ona kampaña no eleisaun lejisltativa.

Kampaña ba partidu polítiku sira sei monu iha 20 Juñu no eleisaun parlamentár sei realiza iha 22 Jullu. 

Jornalista: Zezito Silva | Editór: Manuel Pinto

Foto: Prezidenti da Repúblika Francisco Guterres Lú-olo (liman-los) ka’er liman ho Prezidenti Tribunál Rekursu, Deolindo dos Santos, iha Palasio Prezidensial, Bairo-Pite, Segunda (12/06). FOTO Mídia PR.

MAUN ALIN NO INAN FETO SIRA HOSI OE-CUSSE-AMBENO

PORTO (TATOLI) - Iha loron 9, fulan juñu, no  loron sanulu (10), ita-nia prezidente  Dr. Francisco Guterres LÚ-Olo halo nia vizita ba dala uluk no sei halo inagurasaun ba obras sira ne’ebé Autoridade Rejiuan Espesiál, (Zona Ekonómika) hala’o iha tempu hirak ne’e nia laran.

Kona-ba akontesimentu sira ne’e, atan ha’u hato’o Parabéns ba Governu Sentrál (Dili), ba Autoridade  Espesiál ho nia Prezidente Dr. Mari Alkatiri no Staff, no ba Povu tomak hosi rai  doben Oe-Cusse-Ambeno.

Ha’u ba Oe-Cusse dala uluk iha fulan outubro tinan 1967. Tempu ne’ebá, amu lulik  Leão da Costa, Oe-Cusse oan, atu selebra nia misa dahuluk. Ami seminaristas ba ho ró-áhi Arbiru. Ha’ú kontente bele sama rai Oe-Cusse. Maibé ami hela loron ida deit.

Sai tiha Administradór Apostóliku Dioseze Dili iha tinan 1983,  ha’u ba vizita Oe-Cusse, iha loron 14-15, fulan juñu,  tinan 1983.

Ami to’o iha Kota Pante Makasar tuku 11.00. Loron manas, rai mós manas. Maluk Oe-Cusse simu atan ha’u ho sira-nia “tebe dai no hananu tuir  adat”, hodi dere gongo no badili. Iha “kata sambutan”, reprezentante hasa’e lia hodi dehan:

“Amu Bispo, ami Povu Oe-Kusi rona “isu” katak Pemerintah hakarak halo rai Oe-Cusse hanesan Kecamatan ida, no integra ba Kabupaten Kefamenanu, NTT. Ami  lakohi sai Kecamatan iha  Kabupaten Kefamenanu nia okos.  Boot sira hosi Kupang lori ida ne’e ba oin, ami povu Oe-Cuse, sei hamriik hotu, no muda hotu ba Natar Bora (Costa Sul) atu harii Oe-Cusse foun ida iha rai boot.

Iha ha’u nia hatan, uluk knanain ha’u husu deskulpa ba “bapa-baba, ibu-ibu no hadirin sira”,  hafoin  ha’u katak hodi dehan:

– “Maun alin sira mak husu uluk atu integra ba Indonézia iha tinan 1975. Maibé, iha tempu ne’ebá, ema kala obriga imi  ho  kro’at no imi mós moris iha  terus no susar laran. Ho ha’u-nia vizita ida ne’e, ha’u hakarak hatudu katak ita mesak rai Timor Lorosa’e nian. Hahú hosi Tutuwala to’o Oe-Cusse, hahú hosi Ataúro ba Suai, iha tasi mane, ita rai ida de’it, ita emar ida deit: Timor Lorosa’e!

Hahú tinan ne’ebá to’o tinan 2000, ha’u ba Oe-Cusse dala barak. Ha’u gosta ema Oe-Cusse; ha’u mós gosta rai Oe-Cusse (Pante Makasar; Oe-Silo, Passabe no Bauknana no Nítibe); ha’u gosta rona Lia Baikenu, maske la hatene ko’alia.

Povu Oe-Cusse povu ida ne’ebé iha nia dignidade; iha nia kultura, iha nia lisan ka “adat no istiadat”; maibé, sira mós  iha  sira  relijiozidade maka’as.

Iha tinan 1999, sira terus barak. Balun halai ba foho; barak mate; balada (karau vaka) barak mohu; maibé sira metin nafatin iha sira-nia partiotizmu no fiar sarani. Razaun mak Oe-Cusse oan sira mak ita timor tomak nia abut no bei-ala. Ita-nia kapitál hahú iha Lifau.

Maibé, iha aspetu dezenvovimentu  ekonómiku no sosiál, ita-nia maluk sira hetan susar rai Oe-Cusse ni-nia situasaun hanesan enklave.

Malae mutin sira, durante tinan atus haat resin, ladun interesse; bapak mós la interese.

Maluk Oe-Cusse oan sira riku duni, liuliu ho balada karau no ai-kameli, maibé, atu lori ba Dili, hodi fa’an iha Praça mak susar.

Iha tempu independénsia, Governo Timor-Leste loke matan hodi fó atensaun ba Rai doben Oe-Cusse-Ambeno. Ohin, Prezidente Lú-Olo halo inagurasaun ba buat oin oin. Ita hein, dezemnolvimentu ne’e bele to’o mós Oe-Silu, Passabe no Baukanana/Nitibe.

Atan ha’u hosi dook, hato’o Parabéns ba Povu Oe-Cusse-Ambeno tomak; ba Autoridade sira. Maibé, ha’u, iha momentu ida ne’e, lakohi  haluha alin LAFU ne’ebé, iha fulan outubro, tinan 1999, ho aten brani ba to’o Dili, atu husu intervensaun  INTERFET nian hodi ba  liberta no salva Enclave Oe-Cusse, ne’ebé milisia no militár hosi rai seluk estraga daudaun.

Na’i Feto  “Nossa Senhora do  Rosário”, no Santo António haraik tulun, hakmatek, ksolok,  no kmanek wa’in basuk   ba maun alin no Inan feto tomak iha rai doben Oe-Cússe-Ambeno.

Porto, 9 de junho de 2017

Dom Carlos Filipe Ximenes Belo