Julga Iha Portugal, TDD No Coment, Desizaun Lao Nafatin

DILI - Tribunal Distrital Dili (TDD) lakohi fo komentariu kona ba informasaun arguida Emilia Pires nian neebe publika iha media internasional Lusa katak arguida hakarak tranfere fali nia kazu ba iha juiz Portugal mak halao julgamentu ba nia.

Tuir tribunal katak, TDD lakohi fo komentariu kona ba informasaun nee. Tanba seidauk iha pedidu ruma mak tama mai, kuandu tama ona mak tribunal foin bele foti desizaun. Maibe tribunal kontinua nafatin ho julgamentu hodi tama ba desizaun final, maske arguida iha fatin seluk.  Neebe desizaun hotu sei foti iha julgamentu nia laran.

Tribunal halao julgamentu ba ema barak ona, laos foin halo ba arguida Emilia Pires. Neebe tribunal sei lao nafatin ho julgamentu neebe iha too leitura akordaun,” haktuir tribunal iha TDD, Segunda, Mandarin (21/11/2016).

Krime nee akontese iha Timor Leste laos iha Portugal, neebe laos atu ba julga iha Portugal. Sekuandu hanoin hanesan nee hahu iha primeira julgamentu lakohi husu para julga iha Portugal deit, agora atu tama ona ba desizaun mak foin atu husu. Maibe ida nee sekuandu iha ona pedidu tama mai tribunal mak foin bele foti desizaun.

Tribunal hatutan, responsavel kriminal nee ida-idak nian, laos advogadu mak atu responsavel. Nee hakerek ona iha konstituisaun RDTL nian. Nee orsida tama iha sirkuntansia atenuantes (hal-hal yang memberatkan dan meringankan). Penal nee, ema ida-dak mak responsavel nia krime. Sekuandu Sivil nee kolega bele ajuda, ou aman no maun bele ajuda. Informasaun kompletu iha STL Jornal no STL Web, edisaun Tersa (22/11/2016). Domingas Gomes

Suara Timor Lorosae

Governu Gasta Osan Barak Ba Funsionariu Tuir Kursu Iha Estranjeiru

DILI – Durante nee Governu gasta ona Orsamentu Jeral Estadu barak ba funsionariu publik sira hodi ba tuir formasaun ou treinamentu iha rai liur, maibe bainhira sira fila mai Governu lauza.

Prezidente Partidu PARENTIL Flavio Pereira Lopes hateten, Governu gasta Orsamentu Jeral Estadu barak, hodi haruk delegasaun funsionariu ba tuir kursu ou treinamentu iha nasaun seluk, fila mai tebe ses tiha la uza, uza fali foun, tanba relasaun partidarias, familiar, biologis, mais servisu lahatene.

Ita nia Governu gasta osan barak, hodi haruk ita nia delegasaun funsionariu sira ba tuir kursu iha nasaun seluk, fila mai lauza tebe ses tiha, uza fali foun, maibe lahatene halo servisu,” dehan Flavio ba STL, iha nia servisu fatin Pantai Kelapa, Dili, Segunda (21/11/2016).

Nia dehan, iha tinan 2000 too 2016, jogu foer iha sistema Governu, troka direitor, Xefi Gabinete no Xefi Departementu sira ho estrateziku irasional, finji haruka ida tuan ba eskola iha nasaun seluk to remata fila mai, foun ida ba troka ba tur ona iha posizaun refere.

Iha fatin ketak membru PN husi bankada Fretilin Paulo Moniz Maia hateten, Governu durante nee haruka publik sira ba tuir formasaun iha rai liur nee para kapasita tan sira nia kapasidade, hodi bele mai halao servisu iha rai laran, maibe sira fila fali mai maka Governu lauza nee Governu maka bele responde. Informasaun kompletu iha STL Jornal no STL Web, edisaun Tersa (22/11/2016). Carme Ximenes

Suara Timor Lorosae

Dois timorenses brilham em concurso de música indonésio

Díli, 21 nov (Lusa) - Dois cantores timorenses, Maria Vitoria e Gerson de Oliveira, estão a causar sensação num concurso musical de uma televisão indonésia que está a concentrar as atenções em Timor-Leste, onde a onda de apoio aos artistas continua a crescer.

Os dois jovens fazem parte de um grupo de seis que se apresentou à edição deste ano, a segunda, do Dangdut Academia Asia, transmitido pelo canal de televisão indonésio Indosiar, que nos últimos tempos é o mais visto em Timor-Leste.

A participação dos jovens, cujos talentos já eram conhecidos em Timor-Leste, tem suscitado dezenas de milhares de partilhas de vídeos, fotos e comentários de apoio nas redes sociais, tendo o líder histórico timorense, Xanana Gusmão, chegado a participar de surpresa numa das galas.

Os dois jovens, que em alguns momentos respondem em tétum às perguntas dos apresentadores - necessitando de tradução para indonésio, a língua em que cantam nas galas - estão a conseguir também grande apoio do público na Indonésia.

Foram escolhidos depois de um processo de pré-seleção que decorreu em Timor-Leste com um concurso sem precedentes no país, onde participaram dezenas de cantores timorenses, alguns dos quais já animam festas e têm mesmo videoclips e álbuns amadores gravados.

Como exige o concurso, têm que interpretar temas musicais num dos estilos mais famosos da Indonésia, o dangdut, que é seguido também em vários países da região incluindo Singapura, Malásia e Brunei.

Especialistas notam que o dangdut vai buscar as suas influências a outro dos estilos musicais mais famosos na indonésia o kroncong que, por sua vez, nasceu das influências musicais trazidas para a região por navegadores portugueses.

No caso do kroncong há mesmo quem compare o seu tom, melodia e formato a uma mistura entre o fado e as músicas taraab, da África oriental que foi evoluindo criando o dangdut que, por sua vez, é quase uma mistura entre música do cinema indiano e música latina.

Apelidados de princesa e príncipe do dangdut em Timor-Leste os dois jovens têm nos próximos dias mais testes do júri e do público e, se passarem, poderão cantar na grande final do espetáculo.

ASP // VM

PR timorense reconduz chefias militares para mais um ano de mandato

Díli, 21 nov (Lusa) - O Presidente da República timorense reconduziu hoje por mais um ano os três principais comandantes das Falintil - Forças de Defesa de Timor-Leste (F-FDTL), dando seguimento a uma proposta aprovada no início deste mês pelo Governo.

A decisão de Taur Matan Ruak, anunciada hoje em comunicado de imprensa, confirma a extensão por mais um ano, até 06 de outubro de 2017 dos mandatos do major-general Lere Anan Timur, como chefe do Estado-Maior General das Forças Armadas, do brigadeiro-general Filomeno da Paixão de Jesus, como vice-chefe do Estado Maior General das Forças Armadas, e do coronel Falur Rate Laek, como chefe do Estado Maior das Forças Armadas.

Recorde-se que o mandato dos três responsáveis já tinha sido estendido por mais um ano até 06 de outubro último depois de uma revisão ao Estatuto dos Militares das Forças Armadas feita pelo Governo após a polémica que marcou no início deste ano a sucessão no comando das F-FDTL.

"Sua Excelência, o Presidente da República e Comandante Supremo das Forças Armadas na defesa da coesão e do prestígio das F-FDTL congratula-se com a reposição da legalidade na chefia de topo das F-FDTL, pela qual, aliás, sempre pugnou, depois de alterado o Estatuto dos Militares das Forças Armadas (...) e de cumpridas todas as formalidades legais", nota o comunicado.

A nota hoje divulgada pela Presidência dá ainda conta de outras nomeações nas chefias das F-FDTL, nomeadamente a do tenente-coronel Marcelino Ximenes (Rizai), como comandante da Componente da Força Terrestre e do capitão-de-fragata Adão de Brito como comandante do componente da Força Naval Ligeira.

Foram ainda nomeados o tenente-coronel Celestino Pinto (Daileba), como comandante do Componente de Formação e Treino e o tenente-coronel Benedito Dias Quintas (Punu Fanu) como comandante do Componente de Apoio e Serviço.

Se não houver alterações adicionais ao Estatuto dos Militares das Forças Armadas esta renovação será a última possível dos mandatos de chefe do Estado-Maior das Forças Armadas (CEMGFA), Lere Anan Timur, e do seu número dois, Filomeno da Paixão de Jesus.

O processo de sucessão na liderança das F-FDTL ficou marcado no final do ano passado e início deste ano por grande polémica entre o Governo e o Presidente da República, Taur Matan Ruak.

Em junho, o executivo aprovou um decreto-lei que alterou o Estatuto dos Militares das Forças Armadas para ampliar por um terceiro mandato, de forma extraordinária, o comando das forças de Defesa (F-FDTL).

"Esta primeira alteração foca-se na renovação do mandato do chefe do Estado-Maior, que até ao momento estava limitado a dois mandatos. Com esta aprovação, pode, de forma excecional e provisória, ser renovado para um terceiro mandato", explicou o Governo na altura.

A alteração ao estatuto dos miliares, de 2014, foi necessária para enquadrar juridicamente a decisão do Presidente da República de aceitar a proposta do Governo para renovar os mandatos da atual chefia militar "em nome da estabilidade nacional" e para não "instrumentalizar politicamente as Forças Armadas".

Esta proposta do Governo, confirmada pelo chefe de Estado, previa a extensão do mandato do chefe do Estado-Maior das Forças Armadas (CEMGFA), Lere Anan Timur, e do seu número dois, Filomeno da Paixão de Jesus, "por um ano, até ao limite máximo de dois anos, de forma a preparar a sua sucessão".

A proposta do Governo produziu efeitos a partir de 06 de outubro de 2015, ou seja, quando terminou o mandato dos dois responsáveis, tendo a prolongação terminado no domingo.

Caberá ao novo Governo e chefe de Estado, saídos das eleições do próximo ano, determinar a sucessão nas F-FDTL depois de 06 de outubro de 2017.

ASP // DM

VETERANUS LA EZISTE ONA IHA F-FDTL

Xefi Estadu Maior das Forsas Armadas FALINTIL Forsa Defeza Timor Leste (F-FDTL), Maijor Jeneral Lere Anan Timur hatete katak, veteranus agora la eziste ona iha F-FDTL nia laran.

“Agora hot-hotu membru Forsa Defeza Timor Leste, tanba veteranu sira atu reforma hotu ona,” dehan Lere Anan Timur ba jornalista sira iha Palácio Prezidénsia Repúblika Aitarak Laran Díli, hodi hatán ba pergunta Jornalista sira nian ne’ebé husu konaba presiza harii órgaun FALINTIL ida atu bele sai sumbriña ba veteranu sira ne’ebé veteranus FALITIN sira wainhira reforma husi F-FDTL.

Lere Anan Timur hatutan katak, veteranus sira agora ba hotu ona reforma, hela joven de’it, joven tenki sai militar loloos, tanba tama iha militar ne’e, laiha ema ida atu obriga.

“Sé lakohi dehan katak, ha’u hakarak veteranus nafatin, ba Sosial trata surat ba forsa rezerva,” katak Lere Anan Timur.

Nia hatutan, reforma ne’e, la’os problema, maibé problema mak jerasaun foun sira tenki kaer metin instituisaun.

Nia esklarese, buat ne’e sai preokupasaun ema hotu nian, jerasaun foun tenki prepara-an hodi hatutan no kuidadu instituisaun F-FDTL.

“Uma ida karik, fondasi ami tau ona, agora jerasaun foun mai atu hatutan ne’e, tenki nasionalismu maka’as,”katak Lere Anan Timur.

Nia afirma, jerasaun foun liliu forsa armada nasionalismu tenke maka’as, hadomi rai doben TL ne’e, hadomi povu, no hadomi instituisaun.

Tuir informasaun ne’ebé mak Jornal ne’e rekoella katak, forsa veteranus sira prontu atu reforma, maibé Estadu presiza kria órgaun FALINTIL ida atu bele enkaixa veteranus sira iha órgaun iha órgaun ne’e, wainhira reforma husi F-FDTL.

Maibé to’o ohin loron Estadu seidauk bele kria órgaun FALINTIL, tanba Lei konaba kriasaun Konsellu Veteranus seidauk iha. No tanba kuandu iha Lei Konsellu Veteranus mak bele estabelese mós órgaun FALINTIL.cos

Jornal Nacional

LAIHA KOORDENASAUN, IMPAKTU BA KUALIDADE PROJETU

Xefi delegasaun Komisaun Eventual (KE), Parlamentu Nasional (PN), atual deputadu Manuel Castro, hatete, liña koordenasaun husi reprezentante Ministeriu Obras Publikus, Transportes no Komunikasoens (MOPTK), Munisípiu Ermera, ho tekniku Ajensia Dezemvolvimentu Nasional (ADN) no mos kompañia nain durante implementa projetu iha Munisípiu Ermera rasik la dun diak, fo impaktu direta ba kualidade projetu.

“Ha’u hanoin sira presiza hadia serbisu ne’e ho diak, importante liu maka koordenasaun, tanba realidade hau haree iha terenu husu ba reprezentante MOPTK katak kompañia se mak kaer obra ne’e sira rasik mos lahatene, nune’e mos ba tekniku ADN nian,”hateten xefi delegasaun ba monitorizasaun dividas Estado ne’e wainhira tun direta ba fiskalizasaun iha Munisípiu Ermera, Kinta (17/11/2016).

Tanba ne’e, tuir reprezentante povu husi bankada FRETILIN ne’e katak, kuandu laiha liña koodernasaun diak entre parte sira ne’e hotu maka impaktu tebes ba iha kualidade projetu sira ne’ebé mak implementa.

“Ha’u husu ba liman ain Governu nian iha terenu atu hametin relasaun diak liu tan hodi nune’e bele kontrolu projetu sira ne’ebé mak implementa iha munisipiu Ermera rasik,”dehan Manuel Castro.

Tuir deputadu Manuel Castro katak, wainhira Komisaun Eventual tun ba halo fiskalizasaun iha Munisipiu Ermera rasik nota katak, projetu rehabilitasaun estrada husi Ermera Antiga mai Postu Administrativu ne’ebé mak kaer husi kompañia Suai Indah ninia durasaun tempu kleur tebes ona, maibe seidauk finaliza, ne’e tanba laiha kontrolu masimu husi Governu no ADN sira.

“Kona ba projetu Ponte liga ba Ermera-Hatulia mos hanesan, husu ba Governu atu gare duduaj dezenho ne’ebé mak iha, ami hare la’os dezeho, maibe hanesan esbosu ida deit, laiha asinatura husi instituisaun nein ADN mos la fo verifikasaun ida, tanba ne’e maka ami husu responsabilidade Governu nian,”kestiona Castro.

Iha fatin hanesan, Koordenador ADN, Munisipiu Ermera, Joaquim da S. Pinto dehan katak, durante ne’e sira iha koordenasaun diak.

“Ami durante ne’e sempre iha linha koordenasaun diak entre reprezentante Governu nian iha Munisipiu Ermera rasik nune’e mos kompañia sira ne’ebé mak kaer projeto rasik, realidade wainhira ami simu relatoriu hodi tun mai iha terenu atu verifika iha mudansa entre relatoriu ho iha terenu, kuandu ida ne’e akontese maka ami foti kedas medidas,”klarifika Koordenador ADN Munisípiu Ermera.

Nia dehan, tanba ho liña koordenasaun diak maka durante ne’e tekniku ADN nian sobu ona projetu lubuk ida ne’ebé mak implementa husi kompañia sira laiha kualidade no mos balu la tuir dezeñu ne’ebé mak iha ona.

Tuir observasaun JNDiário nian bainhira akompaña KE halo fiskalizasaun ba iha projetu emerjensia ne’ebé mak hamosu dividas iha Munisípiu Ermera nota katak, liña koordenasaun entre reprezentante MOPTK, ADN no kompañia sira menus tebes, tanba realidade delegasaun KE nian husu informasaun relasiona ho projetu sira ne’ebé mak iha difisil sira atu esplika, pior liu tan maka Governu nia razaun ketak, ADN nian ketak nune’e mos kompañia. Entretantu, ekipa ba fiskalizasaun ne’e mai husi Deputadu Manuel Castro hanesan xefi delegasaun no deputadu José Luis Guterres, akompaña ho tekniku komisaun ninian. Durante fiskalizasaun akompaña mos husi repezentante MOPTK, nune’e mos tekniku ADN nian.mia

Jornal Nacional

LERE: DEMOKRASIA TL LA’O SABRAUT LOS

Xefi Estadu Maior das Forsas Armadas FALINTIL Forsa Defeza Timor Leste (F-FDTL), Maijor Jeneral Lere Anan Timur dehan, demokrásia iha Timor Leste (TL) la’o sabraut tebes, tanba Timoroan sira la intende loloos, saida mak demokrasia ne’e.

Demokrasia ne’e mai husi lia fuan rua, Demos (Poder) ho Kratein (Povu). Tanba ne’e Demokrasia ne’e, poder iha povu nia liman ka povu mak iha poder liu. Maibé poder ne’e la’os arbiru deit, sempre iha nia limitasoens.

“Ate ita nia Prezidenti ho Primeiru Ministru mós ita tolok ne’e, ida ne’e demokrásia ida sabra’ut ninian,” katak Lere Anan Timur ba jornalista sira iha Palácio Prezidénsia Repúblika Aitarak Laran Díli, foin lalais ne’e, hafoin hasoru malu ho Xefi Estadu Taur Matan Ruak hodi informa konaba servisu instituisaun nian.

Lere Anan Timur hatutan katak, demokrásia ne’e, demokrásia duni, mas iha limitasaun. Demokrásia ne’ebé mak aas liu iha mundu ne’e mak Timor ona.

“Ha’u mak Primeiru Ministru, hasai dekretu lei ida, sé mak tolok Primeiru Ministru, kaer hatama tiha kadeia,” esklarese Lere Anan Timur.

Lere haktuir katak, demokrásia iha TL ne’e aas liu, tanba buat hotu ema bele ko’alia, maibé la sukat.

Nia afirma, TL nasaun ida ne’ebé demokrátiku liu iha mundu, tanba laiha violasaun direitus humanus.

Lere hatutan, ohin loron ema ne’ebé uluk lakohi ukun-an mós hari’i partidu, no uluk lakohi ukun-an mós, agora ba tu’ur fali iha Governu.

“Maibé ita kuandu servi ona Estadu, tenki servi ho nasionalismu. Ohin loron ita hotu akompaiña, di’ak ne’e husi ne’ebé no aat ne’e husi ne’ebé,” tenik Lere.

Tanba ne’e, Lere Anan Timur dehan, presiza edukasaun sívika ba sidadaun TL, li-liu joven sira kona-ba saida mak sidadania ne’e.cos

Jornal Nacional

DESKONFIA EMILIA PIRES HALAI, PN HUSU DEFEZA RESPONSABILIZA

Reprezentante povu iha Parlamentu Nasional (PN), husu ba parte defeza husi arguida eis Ministra Finansas, Emilia Pires nian tenki iha responsabilidade ho atitude arguida  nian ne’ebé deskonfia halai ba mai husi Australia ba Portugal.

Tuir Xefi bankada Partidu Demokratiku (PD), Maria Lourdes Bessa, katak, peokupasaun ne’e hot-hotu nian, tanba ne’e maka husu defeza atu toma responsabilidade lalais hodi nune’e labele hamosu diskriminasaun.

“Ne’e preokupasaun ita hotu ninian no responsabilidade ita hotu nian liu-liu orgaun ne’ebé responsabilidade ba kestaun ida ne’e, tantu husi Governu, Tribunal nune’e mos arguido rasik. Mas kuandu nia halai ne’e responsabilidade Defeza nian, ne’ebé ami hein prosesu ne’e bele la’o hodi nune’e labele hamosu diskriminasaun iha sistema justisa,”hatete Maria Lourdes Bessa ba Jornalista sira iha PN, Sesta (18/11/2016).

Iha fatin hanesan, Xefi Bankada Frenti-Mudança (FM), José Luis Guterres, garante katak, arguida Emilia Pires sei la halai dok, tanba Estadu Timor Leste iha kooperasaun diak ho nasaun viziñu sira liu husi Interpol (International Police).

“Ha’u fiar katak Emilia Pires sei fila, tanba nia moras diak ona. Ha’u hatene tanba ha’u la’os nia advogadu, maibe uluk ami servisu hamutuk katak nia iha aten brani para fila mai hasoru justisa. Ita nu’udar eis Governante ka sidadaun normal ida ita labele aas liu fali lei, perante justisa ita hotu hanesan,”dehan nia.

Jos’e Luis Guterres dehan katak, diak liu arguida Emilia Pires koopera deit ho justisa, nune’e bele hatudu ba povu katak justisa ne’e vale ba ema hotu.

Antes ne’e, tuir Advogadu Privadu, arguida eis Ministra Finansas, Emilia Pires nian, José Pedro Camões, hatete, nia kliente ba halo tratamentu saude iha Australia no nia kontinua ba Portugal hodi haree diak liu tan ba nia saude ne’e. José Pedro Camões, hatete katak, nia kliente sei koopera nafatin ho justisa.

Kazu ne’ebé komete husi arguida eis Ministra Finansas, Emilia Pires ho eis Vise Ministra Saúde, Madalena Hanjam, kona-ba deskonfia halo korupsaun bainhira sosa kama ba Hospital sira iha Timor-Leste.mia

Jornal Nacional

La’o Hamutuk Konsidera Governu Fraku Halo Planu

DILI, (ANTIL) – Proposta Orsamentu Jerál Estadu (OJE) 2017 ne’ebé governu aloka ho montante tokon $77,  inklui tokon $14 ba projetu Suplay Base, tokon $15 ba Aero Portu Suai no tokon $35 ba auto-estrada, nu’udar frakeza governu hodi halo planu. 

“Frakeza governu nian mak planu, ita haree iha projetu sira hanesan tasi mane ne’e planu fraku tebes”, peskizadór Organizasaun Naun Govermentais, La’o Hamutuk, Juvinal Dias ba ANTIL iha nia servisu fatin Faról, Sesta, (18/11).

Aleinde planu orsamentál, planu seluk tuir nia mak planu reseita no ekonómiku. Ho nune’e, La’o Hamutuk husu atu projetu boot sira tenke avalia hodi ajuda governu halo poupansa orsamentál hodi aloka ba buat ne’ebé nu’udar nesesidade prioridade, maibé labele gasta osan barak.

Tuir nia, projetu suplay base kuandu gasta osan barak maibé kontratu laiha vistu hosi tribunál kompaña, Hyundai sai ona hosi kontratu no laiha ona kampu minarai iha Tasi Timor, tanbasa mak projetu ne’e kontinua, tenke avalia.

“Bayu Undan atu maran tan, Kitan laiha tiha ona, ita la-presiza tau tan osan ba projetu suplay base,” Juvinal Dias fó hanoin.

Nune’e mós kona ba projetu ZEESM (Zona Espesiais Ekonomia Sosiál Merkadu), Juvinal kestiona, se governu tau osan barak saida mak sei bele hetan hosi ZEESM iha futuru, merkadu iha ne’ebé no fornese saida, presiza halo avaliasaun tanba seidauk hatene se Indonezia mós harii tiha ospitál di’ak ida iha Atapupu ou Alor, bele ka la’e Indonézia sira mai iha ospitál Oe-Cusse.

“Ita tenke halo avaliasaun, ita labele halo buat hotu ho mehi de’it,” Juvinal akresenta.

Avaliasaun importante hodi haree posibilidade kontinuasaun ba projetu ne’e ka la’e. Kuandu la’e, hapara hodi investe fila fali ba setór edukasaun, saúde no agrikultura. Tanba sistema edukasaun ohin loron fraku tebes ho nune’e estadu iha obrigasaun atu tau matan, nune’e mós saúde ho agrikultura.

Entertantu iha proposta OJE 2017 ne’ebé governu propoin ona ba Parlamentu Nasionál hamutuk tokon $1.387 fahe ba infra-strutura fiziku tokon $549 kuaze pursentu 40 ne’ebé aloka ba eletrisidade tokon $77, estrada no ponte tokon 206 plus Oé-cusse, Portu, Aeroportu tokon $40 hosi 40 ne’e tokon $33 ba iha Oé-cusse, bee no saniamentu tokon $54, AND tokon $19, tokon 77 ba infra-strutura no planu seluk tan.

Orsamentu ba governasaun nian iha tokon $244, pursentu 18 aloka ba ezekutivu tokon $38, lejislativu tokon $42, judisiál tokon $35 no administrasaun tokon $128.

Orsamentu ba servisu públiku hamutuk tokon $202, pursentu 15, aloka ba edukasaun tokon $128, saúde tokon $73. Orsamentu ba subsidiu hamutuk tokon $208, pursentu 15, aloka ba veteranu tokon $105, joven tokon $11, sosiedade sívil tokon $11, seguransa sosiál tokon $55 no protesaun sosiál seluk tokon $27.

Orsamentu ba Dezenvolvimentu governu tau osan hamutuk tokon $89, pursentu 6, aloka ba ekonmia tokon $55, agrikultura tokon $22, ZEESM tokon $12 (tokon $160 tan ba ZEESM aloka ba setor seluk inklui tokon $75 ba infraestruktur).

Orsamentu seguransa iha tokon $78, pursentu 6, fahe ba F-FDTL tokon $27, PNTL tokon $47 no seguransa seluk tokon $4. Nune’e orsamentu sel-seluk iha tokon $17, pursentu 1 hodi aloka ba kontinjénsia tokon $12 no seluk tan tokon $6. (jornalista: Manuel Pinto; editora: Rita Almeida)

Foto: Peskizadór La'o Hamutuk, Juvinal Dias. Foto ANTIL

2016, ME Fó Ona Bolsa Estudu ba Timoroan Na’in 209

DILI, (ANTIL) - Ministériu Edukasaun fó ona bolsa estudu ba timoroan na’in 209, durante tinan 2016,  hodi estuda iha rai li’ur ba área oioin. Dadus ida ne’e fó sai husi Vise-Ministra Edukasaun I Asuntu Ensinu Pré-eskolár no Báziku, Dulce de Jesus, hafoin despede ho bolseiru sira ne’ebé atu ba estudu iha Universidade Sabbah, Malázia no Universidade Tailándia, iha Ministériu Edukasaun, Vila verde, Díli, Sesta (18/11).

 Entre bolseiru sira-ne’e, ema na’in 163 ba iha nasaun sira hanesan Malázia, Tailándia, Filipina, Portugal, Cabo Verde nomós Moçambique. ” Ita fó bolsa kompletu, nune’e mós bolsa parsiál, katak ita selu de’it sira nia billete, fundasaun ruma ka ajénsia ruma mak selu sira (bolseiru) nia estudu,” informa Vise-Ministra Edukasaun I ne’e.

Bolseiru ikus ne’ebe despede iha Sesta liuba, hamutuk ema na’in 23 kompostu husi na’in 15 hodi ba kontinua sira nia estudu iha Malázia, Universidade Sabbah, na’in hitu ba halo sira nia mestradu iha Tailándia no ida atu halo doutoramentu.

Bolseiru sira ne’ebé estuda iha Malázia, foti area oioin hanesan, disiplina inglés, matematika, psikolojia nomós siénsia mariña inklui enjenária. “Ita espera katak, estudante sira ne’ebé Governu Timor-Leste fó bolsu estudu, bele hala’o sira-nia kna’ar ho di’ak, kumpre regra sira ne’ebé ita hatuur tiha ona,” vise ministra edukasaun dehan.

ME kontinua manten kooperasaun di’ak ho universidade sira iha rai liur, inklui universidade sira-ne’ebé mak Timor-Leste seidauk iha adidu edukasaun ka asistente adidu edukasaun no nasaun sira ne’ebé seidauk iha embaixada Timor-Leste, hodi kontinua halo ligasaun ho universidade.

Kona-ba tempu estudu ba bolseiru sira, Vise-Ministra Edukasaun Asuntu Ensinu Pré-eskolár no Báziku, Dulce de Jesus informa, ME sei ajusta ho regra universidade sira nian, katak, balun bele hakotu sira-nia kursu iha tinan tolu nia laran, tinan haat nomós tinan lima no balun bele liutan. “Ita ajusta ho regra ne’ebé aplika iha universidade idaidak,” nia afirma.

Kona-ba futuru hafoin remata estudu, Vise Ministra dehan, Governu Timor-Leste fó oportunidade ba timoroan ne’ebe iha kapasidade atu kontinua estudu. Hafoin remata estudu, nia hatutan, idaidak iha   responsabilidade atu kria serbisu ka haforsa sira-nia an. Tanba  Governu la promete atu bainhira remata estudu, Governu simu sira hotu serbisu iha instituisuan Governu.

Maske nune’e, Governu la husik responsabilidade. “ Governu iha nafatin komitmentu, katak, atu simu sira hothotu ba serbisu iha instituisaun ba governu. Ita espera katak, ema ne’ebé mai ho abilidade, nia sei ajuda Governu atu mellhora liutan situasaun rai laran,@ Vise ministra dehan tan.

Serimónia despedida bolseiru sira, partisipa direta husi embaixadora Malázia ba Timor-Leste, Citra Devi A.Pramiah no Embaixadór Tailándia, Patchanee kithavorn inklui inan-aman ka familia husi bolseiru sira. (Jornalista:Rafy Belo/Editór: Otelio Ote)

Foto: Vise-ministra Edukasaun I, Dulce de Jesus

Eis-ministra hakarak delegasaun hosi prosesu judisiál Timor-Leste nian ba Portugal

Eis-ministra Emília Pires, ne’ebé sei atu halo julgamentu iha Timor-Leste, husu ba tribunál Portugal delegasaun hosi ninia prosesu, tanba deskunfia sistema judisiál timor-oan ladun iha kapasidade ka vontade atu asegura justisa. 

Rekerimentu ne’ebé Lusa hetan asesu ba, eis-ministra Finansa ne’e lakohi atu impede Tribunál Dili foti desizaun – kona-ba sentensa ne’ebé sei bele hatene to’o finál tinan ne’e – maibé dehan rekursu hirak ne’e sei julga iha tribunál portugés.

Alénde konsidera katak, kumpri duni kondisaun hothotu ne’ebé haktuir ona iha lei ba transmisaun prosesu penál, maibé rekerimentu fó sai deklarasaun Emília Pires nian, iha duni tribunál laran no liur katak, ninia prosesu krimi marka ona ho violasaun sistemátika hosi ninia direitu fundamentál.

Hanesan buat ne’ebé tuir testu hatudu katak sistema judisiál Timor-Leste laiha “kapasidade ka vontade atu asegura iha duni justisa”.

Objetivu maka hafoin Tribunál Dili lee sai tiha desizaun maka rekursu hothotu sei julga iha instánsia judisiál portugés nian, tanba tuir rekerimentu, Emília Pires hala’o hela tratamentu iha Portugal no ladauk bele determina loron atu nia fila hikas mai Dili.

Rekerimenru ne’e, aprezenta ona ba Embaixada Timor-Leste nian iha Lisboa, tersa-feira liu ba, no agora embaixada maka sei responsabiliza atu hato’o mai Tribunál Dili kona-ba audiénsia fun ba iha prosesu refere, ne’ebé marka ona ba 25-novembru.

Haktuir hikas katak Emília Pires ho eis-visi-ministra Saúde, Madalena Hanjam hetan akuzasaun tanba iregularidade hosi sosa kama ospitál nian ne’ebé halo fali kontratu ho empreza hosi Emília ninia laen nian, hodi ikus mai sira na’in tolu bele fahe malu osan dolár rihun ualu, hosi negósiu refere.

Tuir lolos julgamentu ne’e hala’o hodi rona ninia sentensa, maibé adiamentu hosi juis koletivu sira maka halo, hodi larona deklarasaun ikus hosi Emília nian, tanba nia halo viajen bá rai liur.

Defeza fó sai ona direitu atu marka prezensa hodi hato’o deklarasaun ikus – hanesan buat ne’ebé to’o oras ne’e Tribunál Dili kontinua insisti – hodi husu atu laatraza tan leitura sentensa nian, tanba kontinua marka data.

Emília Pires, ne’ebé hala’o operasaun iha Austrália 5-novembru, oras ne’e daudaun iha hela Portugal hodi hala’o tratamentu médiku adisionál – faktu ne’ebé Tribunál mos hatene ona, hanesan fonte defeza hosi Emília nian dehan ba Lusa.

Pedidu “transmisaun hosi pedidu penál” ne’e define ona iha lei timor-oan 15-2011, kona-ba Koperasaun Judisiária Internasionál Penál, ne’ebé prevé katak prosesu krimi iha Timor-Leste “bele delegada iha Estadu estranjeiru ida ne’ebé sira aseita”.

Hosi kondisaun hothotu ne’ebé ezizi ba ida ne’e, konta mos ho aspetu sira hanesan tempu ba pena nian ho másimu posivel ka arguidu iha nasionalidade hosi Estadu estranjeiru _ Emília Pires iha nasionalidade portugeza, alénde hanesan timor-oan ida.

Fó hanoin fali katak iha marsu-2015, molok hala’o julgamentu – ne’ebé hahú iha outubru tinan kotuk – Emília Pires asumi ninia direitu petisaun hodi haktuir ba autoridade Timor-Leste sira katak nia hanesan alvu hosi “violasaun sistemátika no grave” hosi ninia direitu hotu no “desizaun arbitrária nomós imkompriensivel” ba prosesu ne’e.

Direitu petisaun ne’ebé Lusa hetan asesu iha tempu ne’ebá, Emília Pires dehan katak nia tauk “ho patente inkapasidade ka laiha vontade hosi sistema judisiál nian” hodi impede hetan prosesu ne’ebé justu no ekilibradu, tanba politiza kazu “hodi hatauk” hanesan “dalan simbólika ba afirmasaun poder hosi tribunál sira.

Akuza mos komunikasaun sosiál sira, halo violasaun ba segredu justisa nian, lahalo kobertura objetivu kona-ba prosesu hothotu.

“Ema ne’ebé asumi no asumi ona kargu públiku sei bele hasoru agresaun hosi sistema judisiál hanesan hamo’e no insulta iha media, maski hatene katak iha Timor-Leste laiha krimi difamasaun, akuza beibeik, distorse no halo manipulasaun ba faktu lolos ne’ebé iha ho propózitu úniku hodi estraga ema ninia onra no lafó sai ba públiku”, tuir saida maka hakerek.

Iha duni fulan marsu ne’e mos, durante entrevista ida ba Lusa fulan hitu antes, hala’o julgamentu, Emília Pires dehan katak tribunál hothotu hakarak uza hanesan “vingansa” kontra Governu no sira dehan katak sei kondena ho prizaun tinan 10.

Iha delegasaun ikus, iha 20-setembru ikus ne’e, Ministériu Públiku fó sai ona buat hotu hanesan prova no husu pena prizaun tinan sanulu ba eis-ministra rua ne’e.

SAPO TL ho Lusa 

PR timor-oan prolonga ba tinan ida tan mandatu xefia militar

Prezidente Repúblika timoroan iha ohin prolonga tan ba tinan ida prinsipál komandante Falintil - Forças de Defesa de Timor-Leste (F-FDTL) na’in tolu, tuir proposta ida ne’ebé aprova iha inísiu fulan ne’e hosi Governu.

Desizaun Taur Matan Ruak nian, anunsia iha ohin liuhosi komunikadu imprensa, konfirma hanaruk tan ba tinan ida, to’o  06 outubru 2017 mandatu hosi  major-jenerál Lere Anan Timur, hanesan chefe Estado-Maior General das Forças Armadas, brigadeiru-jenerál Filomeno da Paixão de Jesus,  hanesan vice-chefe do Estado Maior General das Forças Armadas, no koronel Falur Rate Laek, hanesan chefe do Estado Maior das Forças Armadas.

Rekorda katak  mandatu ba responsável na’in tolu hanaruk tiha ona ba tinan ida to’o 06 outubru ikus ne’e hafoin  halo revizaun ida ba Estatutu Militar Forsa Armada hosi  Governu hafoin  polémika ne’ebé akontese iha inísiu tinan ne’e kona-ba  susesaun iha komando F-FDTL.

"Sua Excelência, Prezidente Repúblika no Komandante Supremu Forsa Armada iha defeza ba koezaun no  prestíjiu F-FDTL  nian kongratula ho repozisaun legalidade  iha xefia aas sira F-FDTL nian, ne’ebé  sempre defende hafoin, hafoin  hetan alterasaun  ba Estatutu Militar Forsa Armada (...) no kumpre ona formalidade legál sira hotu", haktuir  komunikadu ne’e.

Turi  nota ne’ebé ohin fó sai  hosi  Prezidénsia halo moos  nomeasaun seluk iha xefia sira F-FDTL nian, liliu tenente-koronel Marcelino Ximenes (Rizai), hanesan komandante Komponente Forsa Terrestre  no kapitaun-de-fragata Adão de Brito  hanesan  komandante komponente Forsa Naval Ligeira.

Hetan nomea moos  tenente-koronel Celestino Pinto (Daileba), hanesan komandante Komponente Formasaun no Treinu no tenente-koronel Benedito Dias Quintas (Punu Fanu) hanesan  komandante Komponente ba Apoiu no Servisu.

Karik laiha  alterasaun adisionál balun ba Estatutu Militar Forsa Armadas renovasaun ne’e sei sai hanesan posibilidade ikus  hosi mandatu xefe Estadu-Maior das Forças Armadas (CEMGFA), Lere Anan Timur, no ho ninia vise, Filomeno da Paixão de Jesus.

Prosesu susesaun iha lideransa F-FDTL marka ona  iha finál tinan kotuk no inísiu tinan ne’e sai polémika boot ida entre Governu no Prezidente Repúblika, Taur Matan Ruak.

Iha  juñu, ezekutivu ne’e aprova dekretu-lei ida  ne’ebé altera Estatutu Militar Forsa Armada hodi hanaruk ba mandatu datoluk, ho forma estraordináriu, komando forsa Defeza (F-FDTL).

"Alterasaun dahuluk ne’e foka liu ba renovasaun mandatu xefe Estadu-Maior, ne’ebé to’o agora limita  deit ba mandatu rua. Ho aprovasaun ne’e, bele, ho forma esesionál no provizóriu, sei renova ba mandatu datoluk", esplika Governu iha momentu ne’ebá.

Alterasaun ba estatutu miliar, iha 2014, nesessáriu duni hodi enkuadra ho juridiku desizaun Prezidente Repúblika nian aseita proposta Governu atu renova mandatu atuál xefia militar "reprezenta ba estabilidade nasionál" no atu labele "instrumentaliza politika Forsa Armada".

Proposta Governu nian ne’e, konfirma liuhosi xefe Estadu, prevé estensaun ba mandatu xefe Estadu-Maior das Forças Armadas (CEMGFA), Lere Anan Timur, no ninia vise, Filomeno da Paixão de Jesus, "ba tinan ida, to’o limite máximu tinan rua, ho forma atu prepara ninia susesaun".

Proposta Governu nian produz efeitu hahú iha 06 outubru 2015, ka, bainhira  remata mandatu hosi responsável na’in rua, sei iha prolongasaun ne’ebé termina iha domingu ne’e.

Kabe ba Governu no xefe Estadu foun, iha  eleisaun tina oin mai, determina ba susesaun iha F-FDTL hafoin  06 outubru 2017.

SAPO TL ho Lusa

Ema na’in sanulu-resin-lima lakon hafoin kargeiru vietnamista soke barku indonéziu

Soke-malu ida entre kargeiru Vietnam no barku indonéziu halo ema na’in 15 lakon iha largo  provínsia indonézia Java Oriental, informa autoridade sira.

Kargeiru MV Thaison 4 no barku  KM Mulya Sejati, ne’ebé lori ema 27, soke malu iha kalan ne’e, haktuir  líder Anjénsia Mitigasaun Dezastre, Joko Loedivono.

Imprensa lokál sita testamuña ne’ebé  esplika oinsa barku indonézia nian monu bainhira soke hosi  kotuk kargeiru ne’e, maka agora atraka iha sidade Lamongan hodi halo investigasaun. Kargeiru, ne’ebé maka lori fariña tapioka, atu diriji ba portu Tanjung Perak, iha kapitál Java Oriental, Surabaya.

Vítima sira hotu iha barku Indonéziu nian. Autoridade sira konsege salva ema 12 ne’ebé maka lori ona ba ospitál.

Iha prosesu buka tuir ba sira ne’ebé lakon hetan apoiu hosi marinñ, ne’ebé destaka ona ró funu nian rua, hatete Loediyono.

Asidente maritima sira komuns tebes iha Indonézia, ne’ebé maka ró sira sai hanesan meiu transporte popular no baratu.

SAPO TL ho Lusa

10 Dezembru, Eventu boot Promove Tais Timor iha CCD

Diariu Timor Post.tl/ - Iha tempu besik, sei halao lansamentu ba tais Timor iha sentru konvensaun de Dili (CCD), eventu ne’e sei hola parte hosi artista famozu barak hosi Indonézia. Hakarak partisipa reserva lalais imi nia tikete.

Informasaun ne’e diariutimorpost.tl/asesu hosi rede Pájina ofisial Facebook Tais Timor ready to wear fó sai data fixu ba lansamentu ne’e halao iha loron 10 Dezembru ne’e.

Hosi pájina ne’e, hatutudu artista famozu timoroan ne’ebé oras ne’e dadauk sai komentador iha Dangdut Académia Ázia, Anito matos (MEMI ) mós halo anunsia direita hosi Indonesia hodi konvida públiku atu hola parte iha eventu ne’e.

Aleinde MEMI, iha mós feto foun Timor-Leste espoza Raul Lemos, kantora famozu Indonesia, Krisdayanti mós halo anunsia hanesan hodi konvida ninia fans sira iha Timor-Leste atu ba asiste eventu ne’e.

Interasante, sei mai mós hosi Indonesia Artista Sandra Dewi ho Raline Shah mós liu hosi filmajen badak hodi konvida publiku iha Timor-Leste atu asiste eventu ne’e.  

Hakarak buka informasaun kompleta klik no vizita liña ne’e: https://www.facebook.com/taisready2wear2017/?notif_t=fbpage_fan_invite&notif_id=1479630120729488

JOGO HONRA 12 NOVEMBRU: A.S. PONTA LESTE MANAN ASSALAM FC HO SOKOR 4-0

Jogu Honra 12 Novembru: A.S Ponta Leste Manan Assalam FC Ho Skor 4-0, Lorenco Ximenes Hetan Premiu Viatura Tamba Eleitu Nudar Melhor Jogador

Salvio Online, A.S Ponta Leste no Assalam FC, nudar finalista husi Copa 12 Novembru 2016,  hetan previlejiu husi organizasaun Copa 12 Novembru hodi halao tan jogu ho naran JOGO DA HONRA, nebe halao iha Estadiu Munisipal Dili, loron 19 Novembru 2016.

A.S Ponta Leste no Assalam FC joga final Copa 12 Novembru 2016 iha loron 10 Setembru 2016. Momentu neba, A.S ponta Leste manan Assalam FC ho skor 1-0, hodi lori klubu parte leste nian nee sai kampiaun ba dahuluk iha kompetisaun ofisial iha TIMOR-LESTE.

PREDIKSAUN: FO PREDIKSAUN BA MARVI NIA PARTISIPASAUN IHA DAA2

Iha konfrontasaun daruak, nebe halao iha sabadu 19 Novembru nee, dala ida tan A.S Ponta Leste repete nia triumfu, maibe agora ho skor boot 4-0.

Iha primeira parte, A.S Ponta Leste Lidera jogu ho Skor 1-0. Golu 3 seluk jogador sira husi A.S Ponta Leste marka iha segunda parte.

LEE MOS IDA NEE: MASKE TERSENGGOL, INUL DARATISTA APRESIA GERSON OLIVEIRA NIA PRESTASAUN IHA DAA2

Assalam FC nebe la hetan ona reforsu husi jogador no treinador estranjeiru tenki rekonhese A.S Ponta Leste nia forsa.

Alem manan Assalam FC no sai kampiaun ba JOGO DA HONRA, A.S Ponta Leste mos senti honradu tamba ninia jogador nain 1 ho naran Lourenco Ximenes eleitu nudar melhor jogador no simu premiu viatura ida husi komisaun organizadora.

Foto: Jogador A.S Ponta Leste, Lourenco Ximenes, eleitu nudar melhor jogador ba Jogo da Honra, hetan premiu viatura ida husi komisaun organizadora (imajen fb lourenco ximenes)

PARCERIA HO SALVIO ONLINE

Produsaun Menus Tanba Povu Agrikultor Simu Ona Osan Veteranus

DILI – Produsaun iha rai laran menus tanba povu agrikultor sira baruk atu halo toos ho natar, tanba simu osan Veteranus no Terseira idade. Ho problema sira nee hotu halo produsaun rai laran menus.

Kestaun nee fo sai husi Reprezentante povu iha uma fukun Parlamentu Nasional (PN) Deputadu Domingos de Carvallho ba STL Kinta (17/11/2017) iha nia knar fatin PN.

Durante ami nia fiskalizasaun iha baze hare katak rai bokur barak maka too oras nee sei abandona hela, no governu halo ona esforsu hodi hadia irigasaun sira nee maibe realidade ira nia povu agtikultor sira maka baruk atu halo toos ho natar, tanba nee maka loron loron ita importa nafatin fos husi rai liur mai,” dehan Deputadu Domingos.

Nia dehan, kada tinan governu gasta osan boot ba hadia irigasaun, no fasilita Traktor no handdtraktor ba povu agrikultor sira, maibe realidade sira lakohi uza oportunidade nee ho diak oinsa atu halo natar no toos, tanba fulan-fulan simu osan husi idozu no veteranus, tan nee susar atu servisu.

Iha fatin hanesan Deputada Brigida Coreia mos dehan, produsaun iha rai laran menus tanba povu agrikultor sira baruk atu servisu, dala ruma sira halo duni toos ho natar maibe halo sukat atu han ba tinan ida nian. Informasaun kompletu iha STL Jornal no STL Web, edisaun Sesta (18/11/2016). Madalena Horta

Suara Timor Lorosae