LEI RAI APROVADU, SEI BENEFISIA SÉ….?!

Jornal Nacional Diário, editorial

Proposta lei rai nian nebe prepara desde segundo lejislatura maibe kaduka tiha hafoin eleisaun jeral 2012. Lei rai nian nee, foin aprova iha terseiru lejislatura, 2017, hafoin debate nebe naruk iha komisaun A Parlamento Nasional ba asuntus konstitusionais, justisa no poder lokal.

Lei rai nian nebe Parlamento Nasional aprova ona nee sei lori ba Presidente Republika hodi promulga antes tama iha vigor. Maibe tuir konstituisaun, se Presidente Republika senti duvida artigu balu iha lei nee, maka sei konsulta ho Tribunal Rekursu atu haree ninia aspetu konstitusionalidade.

Marvi “Hau Nafatin Maria Ida Uluk”

Artista Maria Vitoria,  ho naran koñesidu Marvi,  kontinua fali nia estudu iha ensinu  sekundária São Pedro Comoro no hetan tratamentu hanesan mos ho estudante sira seluk.

Marvi hateten nudar estudante nia kontinua lao tuir regulamentu sira ne’ebé estabelese  iha eskola são pedro no hatudu nafatin nia an nudar estudante babain.

 “Maske hau sai ona artista famozu maibe hau lakohi hatudu hau nia an nudár ema famozu hau nafatin hatudu hau nia simplesidade hanesan Maria ida uluk hau lakohi simu tratamentu espesial” Tenik Marvi ba Jornalista Radio Liberdade iha eskola São Pedro Comoro  Tersa Feira, 07/2/17.

Artista Marvi mos Konfesa katak nia tau liu preoridade  ba nia estudu  hafoin mak ba iha nia kareira.

“Kareira  bele lori ita susesu  maibe hau tau importansia ba edukasaun se karik iha tempu eskola  ema  bolu hau ba kanta hau kansela tiha  no hau tenki tau estudu mak Preoridade” tenik Marvi.

Deskonfia Kazu Emilia, PN Hasai Rezolusaun Duni Juiz Portugues

DILI – Iha tinan kotuk liu ba, Parlamentu Nasional (PN) hasai rezolusaun hodi duni juiz Portugues sira sai husi Timor durante 24 oras, tanba deskonfia Juiz sira nee hatene kazu korupsaun neebe maka arguida Emilia Pires ho nia aleadu sira iha membru Governu komete.

Tanba deskonfia Juis sira nee hatene Emilia Pires ho nia aleadu sira komete iha korupsaun, Governu neebe Xefia husi PM Xanana Gusmao iha momentu neeba, haruka Parlamentu Nasional hasai resolusaun hodi duni Juiz Portugues hirak nee husi Tribunal.

Iha Biban ida nee deputadu sira lais tebes, hasai resolusaun hodi duni sai Juiz hirak nee sai husi Timor durante 24 oras. Alende hasai rezolusaun hodi duni Juiz sira, Parlamentu Nasional mos hasai resolusaun hodi kaer Mauk Morok, no ikus mai mai Mauk mate iha bala musan.

Maibe iha kazu Emilia Pires, ukun nain no Parlamentu Nasional, nunka iha hanoin atu hasai resolusaun ruma ba kaer Emilia Pires iha Portugal. Nunee halo arguida nee ikun naruk, hodi husu atu transfere nia kazu ba julga iha neeba, tanba tuir arguida nee katak, Tribunal iha Timor laiha kapasidade julga nia kazu.

TL-Korea Hametin Koopersaun Hodi Tau Matan Ba Ekonomia

DILI – Governu Timor Leste (TL) ho Koreia kontinua hametin koopersaun hodi tau matan ba ekonomia, Politika no sosiu Kultura hodi lori nasaun TL ba futuru ho susesu.

Tuir Ministru Negosiu Estranjeiru e Kooperasaun Hernani Coelho katak foin primeiraves governu Korea haruka reprezentante ida mai Timor hodi hasoru Primeiru Ninistru ho Ministru Negosiu Estranjeiru Timor, nee sinal diak ida konaba relasaun diplomatikus.

Tanba nee Vise Ministru Negosiu Estranjeiru Korea nee mai hodi koalia konba koopersaun, iha ita nia diskusaun  ita koalia iha  area setorial Ekonomia nia, ita fo ideia jerais saida maka importante konba Timor nia hanoin, bele kontribui ba dezenvolvimentu iha interese komum rai rua ninia, iha area politika nune mos iha area sosiu kultural nee inklui eduksaun ho buat seluk tan,” hateten Coelho, ba Jornalista sira, hafoin remata enkontru ho Vice MNE Koreia H.E. Limsungnam, iha Pantai Kelapa, Dili, Kuarta (08/02/2017).

Okupa rai estadu iha tempu naruk, sei hetan titulu ba rai, Sertifikadu rai Portugues-RI balu la vale

Vise Prezidenti Komisaun A, ne’ebé trata asuntu lei no poder lokal, Arão Noe, informa katak, povu ne’ebé mak durante ne’e okupa rai Estadu durante tinan barak ona, Estadu sei atribui titulu rai ba sira hodi sai na’in ba rai ne’ebé mak sira okupa.

Maibé ema ne’ebé mak fa’an rai Estadu, sei selu fali multa ba Estadu, no ema ne’ebé hola rai ne’e, lei proteje.

Arão Noe husi bankada CNRT ne’e afirma katak, lei rai ne’e, fó solusaun ba okupante rai ka sasan ema seluk nian ka Estadu nian desde 1975 to’o 1998, no 1999 to’o agora.

“Ida ne’e katak, ema sira ne’ebé okupa rai to’o 1998 ba kotuk, nia iha rejime espesial ida katak, kona ba uzu kapiaun especial,  ka ba ema sira ne’ebé uza tempu naruk ona, nia iha direitu atu hetan titulu ba rai, mesmu rai ne’ebé nia okupa ne’e, Estadu nian, ou ema ne’e laiha rai, durante ne’e okupa hela ema nia rai hodi halo tos, natar no halo uma iha rai ne’e nia laran to’o tempu naruk, ida ne’e bele rekoñese ninian,”relata Arão Noe ba JN-Diário iha Parlamentu Nasionál, Tersa (07/02).

PR TAUR KONTRA HANORIN LIAN MATERNA, BOOT NIA OAN APRENDE INGLES HO PORTUGUES

Prezidente Republika (PR) Taur Matan Ruak, deklara katak, nia kontra profesor atu hanorin estudantes ho lian materna iha eskola, tanba ema ki’ik nia oan hanorin ho lian materna, maibe bo’ot nia oan hanorin Ingles ho Portugues.

“Hau kontra hanorin labarik sira ho lian materna, tanba labarik sira ne’e importante tenke hatene lian Portugues tanba Portuges maka hanesan lian ofisial la’os ba inventa fali hodi hanorin labarik sira ho lian materna,” alerta PR Taur Matan Ruak, liu husi dialogu komunitariu iha Suku Mali –Ubu, ne’ebe konsentra iha Salaun Igreja Nossa Senhora das Dores Hauba, Postu Administrativu Bobonaro, Munisipiu Bobonaro, Tersa (07/02/2017).

Taur konsidera katak, lian Ingles ho Portugues maka nudar katana kroat ba sidadaun sira nia futuru no bele dezenvolve nasaun, la’os lian materna.

Lúcia Lobato Fila Ba Agrikultura

Tinan barak lakon hosi públiku, teki-teki Eis Ministra Kuartu Governu Konstitusionál, Lúcia Brandão Lobato mosu iha natar iha Welaluhu, Manufahi, ne’ebá. Maske ho antesidénsia estudu nu’udar doutora da lei maibé nia koko halo serbisu iha área agrikultura.

Nia foin involve iha área agrikultura besik tinan rua, maibé nia hadomi liu tiha ona serbisu ida ne’e (agrikultura). Tanbasá? Tuir mai akompaña entrevista eskluzivu ne’ebé jornalista Jornál Matadalan (MTD) halo ho Eis Ministra Lúcia Lobato (LL) iha nia rezidénsia, Bidau Tahu-Laran, Sábadu (21/1/17).

(MTD): Hafoin ita boot sai hosi prizaun, atividade saída de’it maka ita halo?

(LL): Tinan ida ho balun ha’u husik família sira mesak. Depois de ha’u nia aujénsia tinan ida ho balun, agora iha uma ha’u tenki haree uma laran, hamoos uma, hadi’a mós sasán, halo serbisu hanesan dona de kaza ne’ebé ha’u hamutuk ho ha’u nia oan sira fulan neen (6) resin atu halo serbisu oan sira iha uma laran nian.

Estranjeiru Bandidu Envade Timor Leste

DILI - Publik preokupa ho prezensa, ema estranjeiru bandidu sira neebe maka oras nee envade aktividade ekonomika Timor Leste.

Realidade hatudu katak, ema estranjeiru bandidu sira hanesan Xineza, Indonezia, Nepal, Filipina no seluk tan loke ona aktividade negosiu kiik iha Munisipiu 13. Ema hirak nee balu mai kahur mas, hada blok, faan bakso, loke loja faan $ 1.00 shoop, loke alfayati, sona trambulan no faan sasan iha motor tama sai aldeia no bairu laran.

Membru PN husi bankada FRETILIN Antonio dos Santos 55 hateten, oras nee trabaladores estranjeiru bandidu sira hanesan Xineza, Indoneisa no seluk seluk tan maka okupa husi sidade ba to iha area remotas hirak nee hotu kedan, hodi halao aktividade servisu hanesan faan sasan, hada fatuk, hada blok, kahur masa no seluk tan.

Timor Oan Nain 5 Sai Vitima Ba Futu Lia ajensia PELNI-Emigrasi Indonesia

DILI – Timor oan nain lima neebe sai vitima ba futu lia ajensia PELNI (Pelayan nasional Indonesia) no Emigrasi Indonesia liu-liu Lombok NTB mak hanesan Fernando Alves, Abrao Soares, Antonio Rebelo, Apolinario Amaral no Bartolomeu Alves no hetan detensaun durante loron 4 no kalan 3 iha prizaun preventiva Matarap, Indonesia.

Tuir Emprezariu Roo Atauro Express, Lourencio de Oliveira katak ajudante nain lima nuudar anak buah ABK (kariawan) neebe mak lori roo hamutuk ho kapitaun no ho Indonesia nain rua ka nain tolu hanesan nee, sira sae doka iha Lombok.

Hau nia hakarak hatene mak nee se procedure ami tuir hela tamba sa mak hau labarik sira nee sai korban no halo detensaun ba labarik nain lima durante loron hat kalan tolu. No ami husu tulun iha emigrasi iha nee liu ema nia aman Teo nee nia mak telefone no konfirma fila fali hodi haruka fila hodi deportasi,”dehan nia ba jornalista sira, iha Farol edifisiu KBRI, Tersa (07/02/2017).

Falsifikasaun Dokumentus Jogador Naturalizasaun, Tribunal Halo Investigasaun

DILI - Kazu konaba jogador naturalizasaun nain 12 husi sidadaun Brazil neebe joga liu husi ekipa nasional Timor Leste, foin dadauk AFC (Asian Football Confederation) identifika katak sira nee sidadaun Brazil laos Timor Leste.

Tuir Dekanu Fakuldade Direitu-UNDIL, Justino Sopalo Ximenes katak, hanesan akademika husu ba Tribunal tenke halo investigasaun ba kazu falsifikasaun dokumentus.

Problema AFC identifika jogadores balun nee mai husi nasaun seluk, Timor halo fali falsifikasaun dokumentu, nee liu husi servisu prosesu ida, tribunal investigasaun mak foin hatene nia falsifikasaun dokumentus,” dehan Dekanu Fakuldade Direitu-UNDIL, Justino ba STL iha nia servisu Fatin Kampus-UNDIL, Mascarinhas-Dili, Tersa (07/02/2017).

Dekanu Fakuldade Direitu-UNDIL, Justino haktuir, koalia konaba kazu FFTL koalia mos kazu kontextu naturalizasaun, se iha lei imigrasaun lei numeru 9/2003 hatete katak oinsa mak atu bele rekruta sidadaun neebe mak profisional atu bele fo nia kontribuisaun.

PR HARUKA LPV BA TR ATU HAREE KONSTITUSIONALIDADE

Prezidenti Komisaun A Parlamentu Nasional (PN), trata asuntu konstitusionais, justisa, adminitrasaun públika, no poder lokal, Arão Noe, hatete katak, Lei Pensaun Vitalisia (LPV) ne’ebé mak Prezidenti Repúblika (PR) Taur Matan Ruak, haruka ona ba Tribunal Rekursu (TR), atu bele haree konstitusionalidade.

“Tuir konstituisaun ita hatene orgaun ida-idak iha  kompetensia hanesan PN halo lei, Prezidenti Repúblika nia kna’ar mak atu promulga ka sei  la promulga haruka ba Tribunal Rekursu apresia kuandu detekta iha inkonstitunalidade ruma. Tanba ne’e uzu kompetensia Prezidenti nian agora haruka ba TR atu halo anunsia em relasun ba materia. Hein katak iha tempu badak bele iha desizaun ida, nune’e preokupasaun públiku sira nian durante ne’e bele rezolve,”deklara Arão Noe ba Jornalista sira iha PN, Segunda (6/2/17).

ONG konsidera karta aberta hosi Xanana Gusmão hanesan interferénsia polítika iha justisa

Karta aberta ne'ebé maka Xanana Gusmão defende eis-ministra na'in rua, ne'ebé kondenada hosi Tribunal Díli nian, hodi kritika sistema judisial Timor-Leste nian, reprezenta dalan ida ba interferénsia polítika iha sistema judisia, defende hosi organizasaun timoroan ne'ebé la'ós governu nian.

Avaliasaun ne'e halo hosi Justice System Monitoring Program (JSMP), organizasaun ne'ebé monitoriza justisa iha Timor-Leste no analiza ona karta polémiku ne'ebé asina iha loron 25 Janeiru hosi atual ministru Planeamentu no Investimentu Estratéjiku.

"JSMP kondena maka'as postura polítika ne'ebé kontinua interfere iha sistema. Prátika ne'e ameasa maka'as ita nia independénsia judisial no viola prinsípiu hodi haketak kbiit sira ne'ebé hatete iha Konstituisaun Timor-Leste nian", konsidera hosi Luis de Oliveira Sampaio, diretor ezekutivu JSMP nian iha komunikadu ne'ebé haruka ba Lusa.

Eis-ministra justisa timoroan defende investigasaun ba alegasaun sira ne'ebé Xanana Gusmão halo

Eis-ministra Justisa timoroan Lúcia Lobato afirma ona iha loron-tersa ne'e katak Ministériu Públiku tenki investiga alegasaun oioin ne'ebé Xanana Gusmão halo kona-ba iregularidade sira ne'ebé halo hosi responsável aas sira hosi justisa iha Timor-Leste.

Lúcia Lobato komenta nune'e, iha deklarasaun sira ba Lusa, konteúdu hosi karta aberta ida ne'ebé Xanana Gusmão haruka ba eis-ministra Finansa, Emília Pires, hafoin nia hetan kondenasaun ba kadeia tinan hitu tanba partisipasaun ekonómiku iha negósiu.

"Iha faktu ne'ebé Xanana hatudu iha karta ne'ebé tenki hetan investigasaun. Xanana Gusmão temi atitude hosi líder aas na'in rua hosi justisa iha ita nia nasaun, prezidente Tribunal Rekursu ho prokurador-jeral", nia afirma.

"Hanesan indísiu sira. Ha'u la fiar katak Xanana temi sira na'in rua nia naran iha karta bainhira laiha prova. Importante maka hatene oinsá foti medida sira hodi investiga saida maka akontese ho doutor na'in rua ne'e", nia konsidera.

Iha karta, ne'ebé maka Lusa hetan asesu, Xanana Gusmão halo krítika maka'as ba sistema judisial timoroan nian no halo akuzasaun sira kona-ba deskonfia kazu sira hosi abuzu ba fundu públiku sira maibé la aprezenta informasaun loloos ne'ebé bele komprova.

ONU questiona credibilidade de investigação birmanesa sobre abusos contra minoria rohingya

Banguecoque, 07 fev (Lusa) -- A ONU questionou hoje a credibilidade da comissão governamental birmanesa que investigou a violência contra a minoria muçulmana rohingya, após denunciar que as ações das forças de segurança são passíveis de se considerar "limpeza étnica".

Adama Dieng, enviado especial da ONU para a prevenção do genocídio, mostrou-se "chocado e alarmado" com o relatório, divulgado na semana passada, pelo Alto-Comissariado da ONU para os Direitos Humanos, que denuncia uma série de abusos perpetrados desde outubro, altura em que o exército lançou uma grande ofensiva no estado de Rakhine (oeste) após ataques mortíferos de rebeldes contra postos fronteiriços.

Esses abusos incluem execuções sumárias, violações, desaparecimentos forçados, tortura e tratamento desumano ou detenção arbitrária, de acordo com o relatório que indica que centenas de membros da comunidade rohingya terão sido mortos.

ONU insta Tailândia a parar de usar lesa-majestade ao serviço de repressão política

Banguecoque, 07 fev (Lusa) -- A Tailândia deve parar de utilizar a lei contra a lesa-majestade como um instrumento de repressão política, defendeu hoje a ONU, destacando o caso de um estudante detido por ter partilhado no Facebook um artigo sobre o novo rei.

A advertência foi desencadeada pelo caso de Jatupat Boonpatararaksa, um ativista pró-democracia que foi detido em dezembro por ter partilhado no Facebook um perfil do novo rei da Tailândia, Maha Vajiralongkorn, escrito pela BBC em tailandês.

Milhares de tailandeses partilharam o mesmo perfil mas Jatupat Boonpatararaksa -- crítico proeminente da junta militar conhecido pela alcunha de "Pai" -- foi a única pessoa a ser acusada até ao momento, naquele que constitui o primeiro caso de lesa-majestade desde que Maha Vajiralongkorn Bodindradebayavarangkun assumiu o trono a 01 de dezembro, poucas semanas depois da morte do seu pai, que reinou na Tailândia durante 70 anos.

Moçambique e Indonésia querem incrementar cooperação no comércio, agricultura e transportes

Maputo, 07 fev (Lusa) -- Moçambique e Indonésia querem incrementar a cooperação nos domínios do comércio, agricultura e transportes, anunciou hoje em Maputo a ministra dos Negócios Estrangeiro e Cooperação do país asiático.

Retno Marsudi, que falava após um encontro com o Presidente moçambicano, Filipe Nyusi, disse que a Indonésia possui uma forte experiência em processos de industrialização, principalmente no setor agrário, e que pode ser partilhado com Moçambique.

"A agricultura é uma área com forte potencial para ser desenvolvida em Moçambique e nós podemos colaborar com país em pelo menos dois itens: nas estratégias industrialização e na capacitação de mão-de-obra", declarou a ministra, destacando o algodão como um dos principais interesses do seu país em Moçambique.