ESTADU TENKE INVESTIGA MM NIA MATE

Direitor Ezekutivu Asosiasaun Hak, Manuel Monteiro Fernandes hateten, Orgaun Estado tenki forma komisaun indepedenti ida hodi halo investigasaun klean ba motivu Paulino Gama “ Mauk Moruk “nia mate.

“Ha’u nia pozisaun filme Mauk Moruk mate hanesan violasaun direitu humanus wanhira akontese direitu humanus orgaun Estado ne’e tenki forma komisaun indepedenti ida halo investigasaun klean hodi hatene Mauk Moruk nia mate nia motivu ne’e halo nusa? I nia mate los duni hanesan rumores nebe ita rona katak mauk moruk tiru mak forsa sira tiru mate nia ka lae? keta nia rende tiha mak depois forsa sira tiru mate nia ida ne’e hanesan misteriu hela ”afirma Manuel Monteiro Fernandes ba Jornalista sira iha Edifisiu Centru Jornalista Investigasaun Timor Leste (CJITL) Praia dos Coqueiros Dili Sabado ( 10/10/ 2015).

Atu halo investigasaun ba MM nia mate ne’e orgaun Estado tolu ne’e mak halo investigasaun hanesan Prezidente Repubika, Parlamentu Nasional, no Governu.

“Nain tolu ne’e tenke forma komisaun eventual ida hodi halo investigasaun indepedenti bele ba husi Igreza, sira bele halo nomeasaun ba igreza , sosiedade sivil nomos parte akademiku ninian halo investigasaun klean,”dehan nia.

Tanba ne’e, Monteiro dehan, Mauk Moruk nia mate labele nonok deit hanesan ne’e.

“Ita haree iha 2008 Alfredo mate ema hanoin hotu ona mas depois Mauk Moruk mosu ho kritika hanesan ne’e nafatin injustisa depois mak Mauk Moruk mate laiha investigasaun, Mauk moruk foun bele mosu,”dehan nia.car

Jornal Nacional

Dialogu Mata Dalan ba Familia Unidade

Dili, Radio-Online - Asia Pacific support Collective Timor-Leste (APCSTL) serbisu hamutuk ho Triangle fo formasaun ba formador sira  husi instuisaun hirak  ne’ebe durante serbisu iha area prenvensaun no tratamentu ba Vitima violensia domestika.

Relasiona ho tema treinamentu  “liu husi  dalan dialogo  Familia Unidade ”, Administrador, Postu Vera Cruz, Manuel Gusmão hateten,  tema ne’e  importante duni tamba Timor-Leste hanesan nasaun foun ida,  prezisa  sensebilizasaun ba iha rural liliu ba suku sira no eskola  ne’ebe mak seidauk asesu ba informsaun hodi sira bele komprende diak konaba  violensia domestika (VD) no Violensia bazeia ba jéneru (VBJ) tamba konsidera hanesan krime publiku.

 “hau rekomenda atu halo sosializasaun mos iha area  rural liliu sira  ne’ebe mak seidauk asesu ba informsaun, tamba problema sira ne’e mosu ita haree iha fatin rural sira, alen ida ne’e mos tenki halo sensibilizasaun ba iha eskola sira , atu muda sira nia attitude ba sira bele minimiza violensia sira” tenik Administrador, segunda feira, 12/10/2015, iha edifisiu Triangle.

Iha fatin hanesan, fasilitador,   Laura Soares Abrantes, liu husi treinamentu ne’e, oinsa atu kolabora diak liu tan ho instituisaun sira hanesan ne’ebe durante ne’e, serbisu maka’as ba iha area prenvensaun bazeia ba jeneru no tulun vitima sira, atu serbisu hamutuk atu hametin liu ligasaun serbisu ho rede prevensaun no rede referral ba vitima sira.

“liliu ba instituisaun sira ne’ebe durante ne’e serbisu ba iha area prenvensaun bazeia ba jeneru, oinsa atu halo sosializasaun hodi nune’e bele minimiza violensia bazeia ba jeneru no violensia domestika” Tenik Soares.

Elejinha Soares,  reprezentante  organizasaun Feto Hadomi Familia,  hanesan partisipante iha formasaun ne’e hateten,  liu husi treinamentu ne’e bele  kapasita diak liu sira konesementu hodi nune’e bele hatutan tan ba komunidade sira ne’ebe mak seidauk asesu ba informsaun liliu oinsa atu  kria dialogo ne’ebe uma laran no sociendade.

Rádio Liberdade Dili

PROFESSORES 800 HATAMA KARTA REFORMA

DILI - Direitur Jeral Koorperativu Ministériu Edukasaun, Antoninho Pires Informa katak, oras ne’e dau-daun Professores hamutuk na’in atus ualu resin (800+) mak hatama ona karta reforma ba iha Ministériu Edukasaun.

“Oras ne’e dadaun ita identifika profesores atus ualu resin mak tama iha idade reforma, ne’ebé sira rasik mak hatama ona karta ba Komisaun Funsaun Públiku, katak sira hakarak  reforma ona, maibé tuir ami nia haree sira ne’ebé mak idade to’o mais nia iha forsa atu kontinua ami husik,” Antoninho ba jornalista iha Edifisiu Ministériu Edukasaun,Villa-Verde, segunda, (12/10).

Diretur ne’e sublina katak, iha parte Ministériu Edukasaun haree ona kestaun ida ne’e hodi halo reforma ba professores sira ne’ebé  tama iha idade reforma nian atu fó tempu ba professores sira atu deskansa. 

Aleinde ne’e Direitur jeral Koorperativa Ministériu Edukasaun Antoninho Pires deklara, Ministériu Edukasaun sei fó reforma ba professores sira ne’ebé mak la iha ona forsa atu hanorin ou kondisaun la favorese ona atu ezerse sira nia funsaun, ba sira ne’ebé mak kondisaun sei saudavel (forte) entaun sira kontinua nafatin sira nia kna’ar hanesan ema edukador.

Tuir nia katak, professores sira ne’ebé maka kondisaun la favorese ona sira tenki fila-fali ba halo sira nia aktividades hanesan vida sivil, atu nune’e fó fali oportunidade ba ema seluk, razaun pozitiva maka bazea ba sira nia kondisaun rasik ne’ebé maka la kondis ona tanba idade avansadu liu ona.(Lj4)

Timor Post

DISKONFIA UZA OSAN FALSU IHA KASINU, SIKN KAPTURA XINEZA 1

DÍLI - Diskonfia uza osan falsu hodi selu ema ne’ebé maka ba joga iha kasinu, Serbisu Investigasaun Kriminál Nasionál (SIKN) kaptura patraun xineza na’in ida ho inisiál YGH iha área Fatuhada.

Komandante SIKN, Superintendenti Ludgerio Lay informa, iha Segunda (12/10) tuku 16:00 Otl, sira nia parte simu keisa katak iha área Fatuhada ne’e uza osan falsu hodi selu ba ema ne’ebé maka ba joga kasinu ne’e.

“Momentu ne’e kedas ita husu autorizasaun ba Ministériu Públiku (MP) no MP orienta kedas hodi ba atua imediatamente. Ita to’o iha fatin konsege kaer duni patraun xines ne’e,” dehan Ludgerio ba jornalista sira iha Kuartel Jerál PNTL, Kaikoli, Tersa (13/10).

Nia hatutan, sira ba lori kedas sasán ne’ebé maka nu’udar evidénsia no mós lori kedas patraun ne’e ba iha polísia hodi halo identifikasaun, maibé saida maka sira hala’o ne’e bazeia ba orientasaun MP nian.

“Ita hala’o tuir orientasaun Ministériu Públiku nian no ita detein xineza ne’e tanba nia maka ita kaer iha fatin kedas ita konsidera hanesan flagrante deleitu ba ita. Tanba ne’e maka ita detein nia. Ami ba kaptura sira iha tuku 18 Otl kalan,” dehan Ludgerio.

Nia hatutan, kona-ba atu teste osan ne’ebé maka rekolla iha lokál de krimi ne’e sei koordena ho Banku Sentrál tanba SIKN rasik seidauk iha mákina teste kona-ba osan ne’e falsu ga lae? Maibé osan ne’ebé maka ema lori mai hato’o keisa ne’e falsu duni.

Nia dehan, osan ne’ebé maka SIKN prende iha kasinu ne’e ho montante $10.000,00 resin, no sei hala’o teste ba osan ne’e atu nune’e bele hatene loloos osan ne’e falsu ga lae.

“Ita diskonfia falsu maibé buat hotu tenki liu-hosi teste ba maka ita haree tanba ita mós laiha ekipamentu (alat) ita tenki serbisu hamutuk ho parte kompetenti hodi apoia ita,” dehan Ludgerio.

Nia hatutan katak, buat hotu ne’ebé maka prende iha terenu relata hotu ba MP tanba nia maka na’in ba prosesu tomak.

Tuir observasaun Timor Post nian iha terenu katak momentu membru SIKN nian tama ba fatin ne’ebé maka deskonfia uza osan falsu selu ba ema ne’ebé maka manán, haree patraun ho xineza balun joga namanas hela kasinu ne’e, no hala’o pasarevista durante oras balun nia laran lori kedas osan no na’in ba kasinu ne’e ba edifisiu SIKN Kaikoli.(Way)   

Timor Post

KOMEMORA TINAN 500 PORTUGAL TAMA OE-CUSSE, PNTL PREPARADU FO SEGURANSA

DÍLI - Preparasaun ba komemorasaun tinan 500 Portugal tama iha Oe-Cusse (Lifau), oras ne’e dadauk Polísia Nasionál Timor-Leste (PNTL) prepara ona ekipa seguransa hodi asegura eventu boot ne’ebé maka sei realiza iha Lifau. 

“Ita prepara hela ekipa ida atu dezloka ba iha Oe-Cusse, tanba komandante operasaun rasik involve direta iha ekipa ba preparasaun. Ohin (horsehik-red) mós prepra hela despaisu ba ofisisais PNTL na’in rua ba Oe-Cusse,” informa Segundu Komandante PNTL, Komisáriu Faustino da Costa ba jornalista sira iha ninia kna’ar fatin, Segunda (12/10).

Segundu Komandante ne’e hatutan ofisisais PNTL na’in rua ne’ebé hetan despaisu ne’e maka sei tuir inkontru ne’ebé sei realiza iha 15 fulan ne’e iha Oe-Cusse.

Nia hatete kona-ba membrus hira maka sei fó seguransa ne’e komandu PNTL sei haree ba eventu ne’ebé maka sei realiza no komandu sei halo estimasaun membru hira maka sei koloka ba eventu ne’ebé maka sei realiza.

“Ida ne’e baibain katak ami depende ba eventu ne’ebé maka iha antes no mós depois de seremónia ida ne’e maka ita foin halo estimasaun—ema hira maka atu koloka no mós ita ninia konvidadus hira maka atu mai no parte ne’ebé-ne’ebé maka merese fó seguransa,” dehan Komandante ne’e.

Maske nune’e, nia informa, relatóriu ne’ebé maka komandu simu katak seguransa sei koloka iha pontu entrada nian ne’ebé mai hosi tasi, rai maran no aeru nian ne’ebé maka mai ho aviaun. Oras ne’e dadauk komandu destaka ona Unidade Bataliaun Órden Públiku (BOP) no mós Unidade Fronteira ne’ebé maka iha Oe-Cusse, no fatin sira ne’ebé maka komandu destaka ona hodi kompleta antes komemorasaun ne’e realiza.

“Ida ne’e hanesan faze dahuluk antes realiza eventu boot ne’e iha Oe-Cusse.” nia afirma.(Way)

Timor Post - Foto Jardim OeCusse la Konsege hari

Primeira parte hosi julgamentu eis-ministra nian termina ho kontradisaun

Primeira parte hosi julgamentu eis-ministra Finansas, Emília Pires ne’ebé termina horisehik ho kontradisaun foun hosi testemuña akuzasaun nian no polémika kona-ba asesu ba gravasaun no ata audiénsia nian. 

Polémika mosu hafoin iha semana kotuk defeza lakon ba tribunál kópia hosi gravasaun no ata loron dahuluk julgamentu nian, ne’ebé hahú iha loron 05 outubru, ne’ebé hetan rekuza iha tersa-feira.

Tribunál rejeita pedidu no afirma katak sei fornese gravasaun no atas iha julgamentu ikus, buat ne’ebé defeza kontesta, oferese duni hodi disponibiliza meiu tékniku hodi ajuda atu realiza kópia.

Tribunál rekuza no defeza insiste katak ida ne’e viola regra bázika ne’ebé prevee iha kódigu prosesu penál, bele hamosu dúvida kona-ba karik tribunál subar buat ruma iha prosesu ne’e.

Maski iha krítika, tribunál mantein desizaun, sein aprezenta kualker esplikasaun téknika ka jurídika, halo Emília Pires nia defeza avansa ho rekursu ne’ebé konsidera "violasaun maka’as ba direitu defeza".

Iha prosesu ne’e, koarguida mak Emília Pires no eis-vise-ministra Saúde Madalena Hanjam tanba alegada irregularidade sosa kama ospitalár atus iha kontratu adjudikadu hosi kontratu diretu ho eis-ministra Finansas nia kaben nia empreza, ho supostu konspirasaun entre sira-na’in tolu ba negósiu, ho valór dólar rihun 800.

Iha momentu ida seluk hosi sesaun tersa-feira nian, Ministériu Públiku aprezenta rekerimentu ida ne’enbé husu foto oioin ne’ebé halo parte iha prosesu, hanesan prova hosi akuzasaun.

Pedidu ida ne’ebé tribunál rejeita no defeza kontesta, no konsidera "preokupante" katak Ministériu Públiku la iha no la hatene prova sira ne’ebé Ministériu Públiku rasik inklui iha hahalok sira ne’e.

Hanesan mós ho ida ne’ebé akontese ho testemuña barak hatete ona, sesaun tersa-feira nian marka ho kontradisaun foun hosi testemuña akuzasaun nian, Leão Borges, eis-diretór nasionál Administrasaun Lojístika no Aprovizionamentu hosi Ministériu Saúde no diretór Komisaun Aprovizionamentu hosi Ministériu Saúde (CAMS).

Borges komesa delara katak prosesu ajuste diretu prepara eskluzivamente hosi gabinete vise-ministra - pozisaun Ministériu Públiku -, maibé depois hetan kontradisaun bainhira konfronta ho dokumentu ne’ebé asina hosi nia rasik.

Espesifikamente, konfronta ho despaxu loron 08 fevereiru 2012, hosi Emília Pires ba Madalena Hanjam, ne’ebé primeira konfirma katak eis-primeiru-ministru, Xanana Gusmão, autoriza atu uza Fundu Kontinjénsia hosi sosa kama.

Despaxu ne’e asina hosi Hanjam iha loron 12 fevereiru, ne’ebé remete ba responsável oioin iha Ministériu Finansas, inklui Leão Borges, ne’ebé asina iha loron rua tuir mai, no haruka atu "prosessa tuir prosedimentu ne’ebé iha".

Kona-ba dokumentu ne’e, Leão Borges konfirma kona-ba saida maka nia simu, ida ne’ebé fó orden ba nia hodi halo prosesu, no labele reklama, hanesan saida maka halo ona ne’e, tanba karik lahalo ne’e maka visi-ministra maka sei halo prosesu ajuste ne’e diretu.

Deklarasaun ne’ebé kritika hosi defeza Hanjam nian, ne’ebé argument katk iha tribunál seluk no hasoru komportamentu Leão Borges nian, hasai sertidaun ida hodi fó instrusaun ba prosesu kriminál tanba deklarasaun falsu hosi testemuña.

Julgamentu hetan suspensu no sei hala’o fali iha loron 26 outubro, marKa sesaun haat to’o loron 29 outubru.

Hosi testemuña akuzasaun na’in 24, na’in sia maka fó ona sira-nia testemuña.

Entre sira ne’e falta notável timoroan sira balun. Aleinde Xanana Gusmão – ne’ebé konfirma ona ba tribunal katak sei fó nia testemuñu prezensialmente – sei bolu mós, entre sira seluk, eis-prezidente Repúblika, José Ramos-Horta, eis-primeiru-ministru Mari Alkatiri, eis-ministru Saúde Sérgio Lobo no deputada Fernanda Lay.

SAPO TL ho Lusa 

CPLP felisita Governu foun iha Guiné-Bissau nebe hahú ona knaar sira

Iha loron-kuarta ne'e, CPLP felisita ona Governu foun Guiné-Bissau nian, lidera hosi Carlos Pereira, nebe hahú ona knaar, kongratula ho diálogu konstrutivu entre órgaun soberania sira nebe hakotu problema durante fulan rua lahó governu.

Iha komunikadu ida, Komunidade hosi Nasaun sira Lian Portugés nian (CPLP) felisita mós partidu polítiku sira no organizasaun sira hosi sosiedade sivil, tanba partisipasaun iha diálogu hodi hetan solusaun negosiadu sira, iha kuadru konstitusionál nia laran no iha respeitu ba prinsípiu demokrátiku sira no Estadu Direitu nian.

"CPLP fó korajen ba autoridade governamentál sira hodi kontinu programa reforma sira nebe hala'o tiha ona, hodi hetan estabilidade ida nebe dura kleur, nebe promove dezenvolvimentu ekonómiku no sosiál nasaun no povu Guiné-Bissau nain", bele le iha dokumentu.

Organizasaun luzofonia renova ona "kompromisu no empeñu" hodi, iha artikulasaun ho parseiru internasionál sira, apoia Guiné-Bissau iha mobilizasaun ba apoiu importante sira ba susesu hosi reforma sira nebe hala'o daudaun.

Governu foun Guiné-Bissau nian simu pose iha loron-tersa no hodi troka governu ida nebe demitidu hosi Prezidente José Mário Vaz, tanba laiha kompatibilidade ho antigu primeiru-ministru Domingos Simões Pereira, nebe hanesan mós líder hosi Partidu Afrikanu Independénsia hosi Guiné no Cabo Verde nian (PAICV).

CPLP iha membru sira - Angola, Brazil, Cabo Verde, Guiné-Bissau, Guiné Ekuatoriál, Mosambike, Portugal, São Tomé ho Prínsipe no Timor-Leste.

SAPO TL ho Lusa

Apenas 28 mil emigrantes votaram nas eleições legislativas de Portugal

Lisboa, 14 out -- Apenas 28 mil emigrantes, dos cerca de 242.000 eleitores inscritos no recenseamento dos círculos eleitorais da Europa e Fora da Europa, votaram nas eleições legislativas de 04 de outubro.

O número, que corresponde a cerca de 11,5% do total, representa cerca de menos 5 mil votos em relação às legislativas de 2011, segundo Jorge Miguéis, secretário-geral-adjunto da administração eleitoral.

O cenário pode ser justificado pelo "mau funcionamento dos serviços postais nalguns países" e pelo impacto da greve dos funcionários dos correios do Brasil, país que representa 60% do universo dos eleitores (cerca de 101.000), referiu.

De acordo com Jorge Miguéis, até ao momento não chegou qualquer voto de Timor-Leste, enquanto a zona de Macau/China registou o maior crescimento de participação, com mais de 3.000 votantes.

A contagem dos votos dos emigrantes está a ser hoje feita no pavilhão municipal do Casal Vistoso, em Lisboa.

No local estão 160 pessoas, distribuídas por 32 mesas de voto: 15 para o círculo Europa e 17 para o de Fora da Europa.

Para as eleições legislativas, ao contrário das presidenciais e europeias, o voto é feito via correspondência, sendo aceites os boletins de voto que chegarem até ao dia de hoje e que tenham o selo postal de, no máximo, 04 de outubro.

Os dois círculos da emigração atribuem quatro deputados, dois por cada círculo.

Nas legislativas de 2011, o PSD conseguiu os dois mandatos fora da Europa e um da Europa e o PS o outro mandato da Europa.

SCA // EL

Timor-Leste prevê recrutar mais de 600 efetivos para as Forças Armadas

Luanda, 14 out (Lusa) - As Forças Armadas de Timor-Leste preveem recrutar mais de 600 efetivos, para juntar aos cerca de 3.000 operacionais atuais distribuídos por três componentes, em lugar dos tradicionais ramos aéreo, terrestre e naval.

A informação foi transmitida à Lusa pelo Chefe do Estado-Maior das Forças Armadas timorenses, o coronel Falur Rate Laek, à margem do 17.º encontro de saúde militar da Comunidade dos Países de Língua Portuguesa (CPLP), que decorre até quinta-feira em Luanda.

"Agora estamos a caminho dos 3.000 efetivos e está autorizado para termos os 3.600", apontou o oficial, esclarecendo que não se prevê a criação dos tradicionais ramos das Forças Armadas em Timor-Leste.

"Não vamos ter ramos, não há necessidade. Somos um país pequeno, um povo pequeno, vamos ter uma uniformização das forças", disse.

As forças armadas timorenses, as mais jovens dos países que integram a CPLP - explicou o oficial -, vão manter assim as componentes naval, força aérea ligeira, terrestre, apoio e serviços, e formação e treino.

"As nossas maiores necessidades são de meios. Estamos na fase de construção [das Forças Armadas], o nosso problema são os recursos e o pessoal", sublinhou o coronel Falur Rate Laek, destacando a cooperação com Portugal, Estados Unidos da América e Austrália neste processo.

"Os restantes países da CPLP também nos vão ajudar", rematou.

No encontro de Luanda, que arrancou na quarta-feira, participam delegações militares de Angola, Portugal, Brasil, Timor-Leste, Guiné-Bissau, Guiné Equatorial, Cabo Verde, São Tomé e Príncipe e Moçambique.

Em cima da mesa está a criação de uma força conjunta de saúde militar, entre as forças armadas dos países da CPLP, para intervir, nomeadamente, em cenários de catástrofe.

PVJ // VM