Prado, Pensaun Vitalisia no regalias seluk ba deputadu sira iha PN

Informasaun públiku ne’ebé rona loron-loron husi Deputadu/a no Povu bain-bain

Celestino Gusmão* | Díli | opiniaun

Istorikamente, iha 2007-2008, Polítika benefisia an mosu iha Parlamentu Nasional, maske iha momentu ne’ebá, ita nia rai enfrenta krize militár no Polítika, Polítiku sira apreveita povu nia ta’uk no terus sira aprova lei pensaun vitalisia no hola karreta Pajero ba membru Deputadu sira. Iha momentu ne’ebá Polítika sira hanoin, ita iha rezerva mina no gas barak, kuandu hotu sei bele fera foho sira iha Timor hodi fa’an osan mean no mutin hodi selu ba deputadu/a no eis titulares estadu nia sira seluk. Front Mahasiswa Timor-Leste foti prosesu kontra Polítika ida ne’e, ikus mai estudante besik atus ida mak hetan tiru no hatama ba sela hodi akuza ba tribunál ho lia falsu oin-oin. Fini ba kontra Polítika kontén ne’e hahú iha momentu ne’ebá, ohin tama ona iha agenda sosiedade tomak nia, ate eis Prezidente Repúblika maun boot TMR mós lori ba Kampaña luta kontra pensaun vitalisia, ema barak agora kontinua luta.

Deputadu no deputada sira hatete, ami reprezentante lejítimu povu Timor nian, ami eleje liu husi mekanizmu eleitorál ida lejítimu no tuir lei. Ami halo servisu barak ba ita nia rai, ami halo lei atu asegura direitu no interese ita nia povu nia, ami halo fiskalizasaun hodi asegura katak Governu no impresario sira la halo kolaborasaun hodi dezvia rekursu públiku ba sira nia interese no ami halo ona desizaun Polítika barak hodi mantén nasaun ne’e nia estabilidade no seguransa permanente.

Ami sakrifiika ami nia matenek hodi servisu de’it ba povu iha PN, ami nia maluk barak utiliza sira nia matenek ba buka moris di’ak ho harii aliserse di’ak ba sira nia família nia futuru, ami nia maluk sira utiliza sira nia moris livre ho deskansa no goza moris iha hakmatek nia laran. Ami ema ne’ebé merese hanaran suisídiu klase, ami merese konsidera ema ne’ebé estadista hodi kontinua hakarak tau matan ba ita nia rai. Ami merese ba pensaun vitalisia, karreta loloos la’ós Prado maibé tenke Hummer. Só ida ne’e mak bele dinignifika titular ida estadu ida ne’e sira nia dignidade iha nasaun ida ne’e nudár símbolu ba prospriedade povu Maubere nian.

Se povu la fornese regalias sira ne’ebé mensiona iha leten, sei hamenus motivazaun matenek sira nia atu partisipa iha vida polítika iha futuru, nomos ema barak lakohi halo polítika atu ba sai deputadu tanba sira nia sakrifisiu laiha garantia ba sira nia moris di’ak. Karreta Prado ne’e PN halo ona espesaun no analiza katak kustu ba manutensaun montante liu fali hola karreta foun. Tanba ne’e deside ba leilaun ba kargu polítika ne’ebé só fó de’it ba iha deputadu sira tanba sira mak kaer kargu polítiku hodi lakohi loke asesu ba públiku atu partisipa. Polítiku sira mós hatete, osan husi pensaun vitalisia no karreta Prado, ki’ik liu kompara ho orsamentu ba edukasaun saúde no projetu boot sira ne’ebé sei ajuda povu kiak sira.

Sosiedade sivíl, estudante no povu nia hanoin, Ukun na’in sira reprezenta povu, la’ós ba troka fali ida ne’ebé nia reprezenta. Sira halo servisu simu ona osan ho goza regalias barak tebes hahú husi simu saláriu US$2.500.00 (rihun rua atus lima) to US$4.750.00 kada fulan. Sira halo lei rasik ba hetan karreta Pajero-Prado karik iha futuru Hamer, Kombustivel kada semana US$50.00, manutensaun karreta kada fulan ho favor osan US$600.00 sira hetan mós pirdien US$85.00 kada loron kuandu sira halo servisu fiskalizasaun komisaun no hasoru eleitoradu sira, sira mós hetan pulsa US$100.00 kada fulan hodi fasilita ba sira nia servisu, sira mós hetan fasilidade hanesan laptop folin karun no kadeira luxu iha Parlamentu Nasional.

Ikus mai sira rekere pensaun vitalisia tan, sira reprezenta povu ka substitui povu hodi hetan dalan ba atinje priviléjiu sira ne’ebé temi iha leten? Ita bele sukat sira nia produtividade, ita bele sukat sira nia Polítika di’ak ba ita nia rai. Lei hirak mak sira hasai kosar mak prodús? Teste hira mak sira halo hodi asegura katak OGE kada tinan afavor duni ba povu vulneravel sira? Intensionalmente sira halo ida ne’e tanba sira hanoin Povu ki’ik sira laiha abilidade atu kestiona sira nia polítika at. Intensionalmete halo Polítika at atu halibur riku no fó kondisaun ba sira nia a no família. Ba Povu pratika ida ne’e nudár korrupsaun Polítika tanba legaliza aktu kontén iha lei no regulamentu sira, hodi hipnotiza povu, ida ne’e nudár pratika obscurantism foun ba ita nia povu.

Leilaun signifika tenke tuir prosesu konkursu ida, tenke liu husi prosesu inspesaun independente ida hodi fó sai relatóriu kredivel ida hodi asegura katak la iha prejuizu ba estadu kona-ba karreta ne’e di’ak ka ladi’ak no evita konflitu ba interese iha prosesu laran. Povu nia Wakil sira lohi ona nia ketua, lohi ona sira nia boos ne’ebé haruka sira reprezenta sira iha PN hodi asegura servisu Governu nian iha atendimentu públiku. Se tan mak ita garantia atu asegura polítika di’ak ba ketua sira? Deputadu sira hatene katak iha 2015 posu mina naran Kitan maran ona, menus tinan 5 tan Bayu Undan sei maran, ita nia osan iha fundu petrolíferu sei hela de’it istória kuandu ita nia rai kontinua ho aktu kontén hanesan ne’e.

MUTL halo manifestasaun liu dala rua kontra Polítika pensaun vitalisia, sira hasoru lider barak inklui hasoru Prezidente Partidu Fretilin, atuál Prezidente Repúblika Sr. Dr. Francisco Guteres “Luolo”, iha momentu ne’ebá, Luolo hatete, bele halo lei ida para revola tiha pensaun vitalisia, atu halo Revogasaun inisiativa tenke mai husi deputadu sira. Finalmente, halo duni revizaun ba lei ne’e maibé povu konsidera revizasaun ne’e nudár pratika karik rai rahun de’it.

Maun Taur dehan, sira halo at barak tiha ona, ita mós nonook barak tiha ona, agora tempu ba ita atu ko’alia no hatudu sira nia bosok. Sira moe mak laiha duni, hatete maun TAUR iha Kampaña eleitorál iha Tasi tolu.

Abracos. Abaixo Pensaun Vitalisia e Abaixo Karreta luxu.

*Celestino Gusmão - Hakerek na’in nudár ativista ba direitus umanus no membru ba aliansa nasionál Timor-Leste ba tribunal internasionál (A-N-T-I) no staff iha La’o Hamutuk.

MEUTL Ezijé Kansela Leilaun Karreta ba Deputadu

DILI: Movimentu Estudante Universitáriu Timór Leste (MEUTL), ezije atu kansela leilaun karreta Prado ba deputadu sira.

Portavós MEUTL, Miguel Arcanjo Moniz da Silva konsidera polítika leilaun karreta Prado ne’e traisaun ba povu no prinsípiu fundamentál ne’ebé uluk povu tomak nia objetivu luta libertasaun nasionál.

“Ne’e ami konsidera hanesan korrupsaun legál, tanba membru deputadu na’in 65 vota kontra sira nia konxiénsia rasik”, tenik nia.

Nia esplika, membru parlamentu nasionál aprova rezolusaun leilaun karreta Prado ba sira nia aan rasik, ne’ebé fó impaktu ba ezekusaun OJE iha futuru.

Ne’e duni, husu atu kansela lalais rezolusaun ne’e, atu membru parlamentu nasionál foun bele utiliza nafatin karreta sira ne’e, tanba karreta sira ne’e kuaze sei iha kondisaun di’ak.

FRETILIN-PLP Konkorda Koligasaun

DILI, (TATOLI) - Partidu Frente Revolusionáriu Timor-Leste Independente (FRETILIN), ho Partidu Libertasaun Populár (PLP) konkorda malu ona ba koligasaun maibé sei diskute téknikamente kona-bá koligasaun hodi forma VII governu konstitusionál no ignora formatu insidénsia parlamentár inklui governu inkluzaun.

“Ami rua ko’alia naruk uitoan maibé ami konkorda malu katak di’ak liu hosi ne’e ba oin atu diskute de’it kona-bá koligasaun,” Sekretáriu Jerál FRETILIN, Mari Alkatiri ba jornalista sira hafoin enkontru iha Otél Novo Turizmu, ohin.

Mari Alkatiri dehan diskusaun kona-bá formatu koligasaun FRETILIN ho PLP sei diskute hosi aban no bainrua ba oin.

“Aban bainrua ami diskute tékniku ba koligasaun,” Alkatiri realsa tan.

Iha fatin hanesan  Prezidente Partidu PLP, Taur Matan Ruak reforsa katak, PLP konkorda atu diskute kona-bá koligasaun.

Finaliza Plataforma PR Sei Hili PM Lidera VII Governu

DILI, (TATOLI) - Partidu Frente Revolusionáriu Timor-Leste Independente (FRETILIN), ho Partidu Libertasaun Populár (PLP) Ohin, Kuarta (16/8) sei tuur hamutuk hodi diskute plataforma governasaun ne’ebé ikus mai nia rezultadu entrega ba Prezidente Repúblika hodi hili Primeiru Ministru ba VII Governu.

“Bainhira diskusaun ba plataforma governasaun foun ne’e finál ona, sei aprezenta ba Prezidente Repúblika, nune’e bele nomeia Primeiru Ministru,” Sekretáriu Jerál FRETILIN Mari Alkatiri ba jornalista sira iha Palásiu Prezidente Nicolau Lobato, Bairru-Pité, foin lalais ne’e.

Diskusaun plataforma governasaun entre FRETILIN ho PLP, ohin sei hala’o iha Otél Novo Turizmu, iha tuku 15H00.

Leilaun Kareta Prado Korupsaun

DILI - Sosiedade sivil konsidera lelaun kareta prado, neebe durante nee uza husi membru parlamentu, hanesan korupsaun tanba uja rezolusan hodi fo benefisu ba sira nia an.

Korupsaun iha forma oin oin korupsaun laos foti deit osan. Maibe bainhira ita kria ka ita manipula regras politika atu fo benefisu nee korupsaun. Ami bolu leilaun prado nee korupsaun, tanba deputadu benefisiariu sira uja sira nia poder politiku, hanesan deputadu iha parlamentu nasional halo lei, halo rezolusaun atu fo benefisiu ba sira nia an. No uja sasan nee ba sira nia an, nee aktu korupsaun presija iha mekanizmu legal ida, liu husi komisaun anti korupsaun atu halo investigasaun,” hateten Peskijador Lao Hamutuk Juvinal Dias ba Jornalista sira, iha Colmera Kuarta, (16/08/2017).

 Nia sublinha, korupsaun legal utiliza forma legal, lei ka rezolusaun buat neebe sira halo, atu bele fasilita hodi hetan sasan sira neebe legal. Ba interese sira nia privadu no halakon, estadu nia sasan ka nia osan.

Iha fatin hanesan, Direktur Ezektivu HAK Manuel Monteiro hateten, koligasaun sosiedade sivil nian, la para deit iha konferensa da imprensa nee, maibe sei kontinua prosesa kazu nee ba oin. 

Terezinha De Deus/Carmen Ximenes | Suara Timor Lorosae

Prosesu Lelaun Kareta, Baseia Kompetensia Propriada Parlamentu

DILI - Relasiona ho polemika lelaun kareta neebe maka husi parte Parlamentu Nasional halo, hamosu preokupasaun iha publiku maka Prezidente Parlamentu Nasional Aderito Hugo konsidera, leilaun kareta neebe Parlamentu Nasional halo nee baseia ba kompetensia  Propriada Parlamentu.

Publiku iha direitu ita respeita opiniaun publiku nasaun nee garantia espresaun nentidade hotu-hotu iha rai laran ida nee, ba kestaun lelaun kareta nee konsidera baseia ba kopetensia Propriada Parlamentu nasional,” dehan Hugu ba jornalista sira hafoin remata enkotru ho Prezidente Republika Francisco Guterres Lú Olo iha palasiu Prezidensial Bairo Pite, Kuarta (16/8).

Sosiedade Sivil Kontra PN Lelaun Kareta Prado

DILI – Konsellu administrasaun parlamentar iha Parlamentu Nasional, deside atu halo lelaun ba kareta prado 65, neebe durante nee uza husi membru parlamentu III lezislativa.

Asuntu lelaun kareta neebe PN halo, maka koligasaun sosiedade sivil asosiasaun HAK, lao hamutuk, AJAR, ACBIT, JSMP kontra total leilaun kareta prado nee.

Deklarasaun nee hato husi Porta Voz Juvinal Dias ba Jornalista sira iha konferensa da imprensa iha Colmera Kuarta, (16/08/2017).

“Ami konsidera katak, desizaun parlamentu nasional ida nee, nakonu ho konflitu interese, iha abuzu poder koluzaun korupsaun no fo potensia boot ba estadu, atu lakon valor sira neebe lolos, estadu bele hetan bainhira mekanismu leilaun sira nee tuir prosedementu sira neebe preve ona tuir jestaun no alineasaun ba patrimoniu movel sira estadu nian,” hateten Juvinal.

Mari Alkatiri é o nome mais apontado para chefiar o próximo Governo timorense

Primeiro chefe de Governo depois da restauração da independência de Timor-Leste em 2002, Alkatiri continua a ser visto como um dos políticos e gestores mais hábeis do país

Mari Alkatiri, atual secretário-geral da Fretilin, é o nome mais consensual para próximo primeiro-ministro de Timor-Leste, entre os dirigentes dos três partidos que devem viabilizar o executivo, disseram hoje à Lusa fontes partidárias.

Vários dirigentes do Partido Libertação Popular (PLP) e do Kmanek Haburas Unidade Nacional Timor Oan (KHUNTO) manifestaram já a sua preferência pelo atual líder da Frente Revolucionária do Timor-Leste Independente (Fretilin), o partido mais votado nas legislativas de 22 de julho.

Primeiro chefe de Governo depois da restauração da independência de Timor-Leste em 2002, Alkatiri continua a ser visto como um dos políticos e gestores mais hábeis do país e, por isso, "com a força" para liderar o período complexo que Timor-Leste tem pela frente, disse à Lusa fonte do PLP.

Fretilin e PLP acordam discutir coligação para próximo Governo timorense

Díli, 16 ago (Lusa) - Os líderes da Fretilin e do PLP concordaram hoje avançar nas conversações para a formação de um Governo de coligação em Timor-Leste, sendo ainda necessário concretizar o formato e a composição do futuro executivo.

"Havia as opções de incidência parlamentar, coligação ou inclusão e depois destas nossas conversações foi decidido avançar para o modelo de coligação", afirmou aos jornalistas Mari Alkatiri, secretário-geral da Frente Revolucionária do Timor-Leste Independente (Fretilin), no final de um encontro com uma delegação do Partido Libertação Popular (PLP), liderada por Taur Matan Ruak, presidente da formação.

"Há vários modelos de casamentos, de comunhão de bens, de comunhão de adquiridos, de separação de bens. Vamos agora conversar", disse Alkatiri, líder do partido mais votado nas legislativas de 22 de julho.

O secretário-geral da Frente Revolucionária do Timor-Leste Independente (Fretilin) admitiu à Lusa que há bastantes pontos de encontro nos programas e objetivos dos dois partidos.

Amnistia denuncia aumento de traficantes de droga mortos pela polícia na Indonésia

Jacarta, 16 ago (Lusa) -- A Amnistia Internacional (AI) denunciou hoje o aumento dos mortos na Indonésia em operações da polícia contra o tráfico de droga e alertou para o risco de o país tentar copiar a campanha realizada nas Filipinas.

Segundo a organização não-governamental de defesa dos direitos humanos, pelo menos 60 suspeitos de tráfico de droga foram mortos pelas forças de segurança desde janeiro deste ano, o triplo do registado em 2016, quando o total foi de 18.

"Este impactante aumento dos assassínios ilegais por parte da polícia faz seriamente soar os alarmes", disse o diretor da AI na Indonésia, Usman Hamiden, em comunicado.

"Apesar de as autoridades terem a obrigação de dar resposta ao crescente consumo de drogas no país, disparar contra pessoas (...) nunca é uma solução", acrescentou Hamiden.

Governu Foun Kontinua Fiar Xanana Negoseia Fronteira Marítima

DILI: Governu foun seidauk hamriik, maibé kuandu partidu mais votadu, FRETILIN, konsege forma, sei kontinua fó konfiansa ba Xanana Gusmão, Negosiadór Prinsipál Fronteira Marítima hodi asume nafatin ninia responsabilidade.

Sekretáriu Jerál FRETILIN, Mari Alkatiri hateten, VII Governu Konstitusionál sei apoiu másimu Xefe Negosiadór, Kay Rala Xanana Gusmão, hodi luta ba fronteira marítima to’o hetan ninia rezultadu.

“Governu sei apoiu totál ba ekipa negosiasaun. Sé mak lidera ne’e, maun Xanana ho Ministru Agio Pereira. Sira tenke kontinua to’o fim”, dehan nia, iha Palasiu Prezidensiál, Ai-Tarak Laran, horisehik.

Nia hatutan, negosiasaun ne’e fulan rua tan remata ona. Ne’e duni, pozisaun ne'ebé Xanana Gusmão lidera ne’e tenke mantein luta ba prosesu ne’e.

Deputadu PN Konsidera Prado Leilaun Ho $8.000 Normál

DILI: Deputadu Parlamentu Nasionál (PN) konsidera folin karreta prado ne’ebé leilaun ho $8.000 ne’e normál, tanba veíkulu ne’e barak laiha ona kondisaun.

Deputada Bendita Magno hatete, durante tinan lima utiliza karreta ne’e hodi tama sai fatin halo fiskalizasaun. Tanba ne’e, karreta ne'ebé utiliza ne’e balun aat ona no balun xoke mós deputadu sira mak hasai rasik osan hodi halo manutensaun.

“Ami gasta ona osan barak liu fali ona duke karreta nia folin. Atu hatete de'it, balun ne'ebé xoke, sira tenke hasai sira nia osan hodi hadi’a”, tenik nia, iha Uma Fukun PN, horisehik.

Nia hatutan, folin leilaun ho montante $8.000 ne’e atu boot liu ka ki'ik liu, maibé ne’e konsekuénsia ne'ebé tenke simu, tanba hanesan povu mak eleje mai tuur iha Parlamentu Nasionál tenke simu.

Situasaun Ameasa, Familia Bolseiru Cavo-Verde Hatoo Keisa Ba PN

DILI – Oras nee dadaun situasaun seguransa ba bolseiru Timor oan iha Cavo-Verde kontinua iha ameasadu, familia triste hodi hatoo keisa ba  Parlamentu Nasional (PN), no husu atu evakua bolseiru ba nasaun seluk.

Preokupasaun nee hatoo husi Tuir familia bolseiru Auxilio Pascal katak, hanesan familia sira sente laran triste tanba, problema nee mosu ministru uza nia profisionalismu atu rezolve problema nee  lae, maibe fo fali opasun 2 ba labarik atu hili mantein no fila mai Timor.

"Ami familia hakarak atu governu Timor-Leste liu husi Ministeriu Edukasaun  halo evakua lalais baa mi nia oan sira, ba eskola iha nasaun CPLP seluk, tanba ami lakohi oan sira sai vitima,” katak Auxilio iha enkontru bainhira hasoru mlau ho Komisaun F, Segunda (14/08/2017) iha Parlamentu Nasional.

Normal Xanana, Alkatiri Koalia Ho Prezidente Republika

DILI - Akademika iha rai laran konsidera Prezidente Partidu CNRT Xanana Gusmao no Sekertariu Jeral Partidu Fretilin Mari Alkatiri, neebe ba hasoru malu ho Prezidente Republika Francisco Guterres Lú Olo nee normal, tanba sira ba kolia asuntu interese nasional.

Tuir Akademika UNTL Camilio Ximenes hateten, Normal kuandu lider sira hanesan Prezidente CNRT Xanana Gusmao ho Sekjer Partidu Fretilin Mari Alkatiri neebe hasoru malu, iha neeba mos ema sei lahatene sira haosru malu, no kolia saida.

Neebe ita rona posibilidade sira nain rua Xanana Gusmao tenki hetan konfiansa nafatin husi Fretilin para atu halo negosiasaun ba fronteira maritima, ita lahatene konfiansa nee lao oinsa nee kestaun politika sira tau ba iha neeba,” dehan Camilio ba STL, iha UNTL, Dili, Tersa (15/08/2017).

Maibe ema hotu rona tiha ona iha sinal neebe maka positivu husi partidu rua neebe maka atu ba nee signifika katak, naroman nee mosu duni ona, hela inkontru aban nee presiza saida maka sira atu kolia ba malu, hodi nunee sira labele diskorda malu, konkorda malu hodi forma Governasaun neebe maka diak.

Iha parte ketak Prezidente PDC Antonio Ximenes hateten kuandu sira haosru malu, nia fiar estabilidade sei lao diak, tanba Taur, Xanana, Lere hanesan hanesan eis girileira, Prezidente Republika hanesan eis Prezidente Parlamentu no mos eis komandante Falintil. 

Carme Ximenes | Suara Timor Lorosae

Rezultadu Formasaun Governu, Kabe Ba Negosiasaun Parpol

DILI - Rezultadu formasaun governu too agora seidauk hatene los, maibe kabe ba negosiasaun Parpol 5, tanba nee lakleur tan sei rona rezutadu.

Tuir Deputadu husi Bankada PD Adriano Joao hatete, rezultadu ba formasaun, ida nee kabe ba parpol sira nia negosiasaun. Tanba agora dadaun parpols sira sei hasoru malu hodi koalia kona ba oinsa atu forma governu.

Parpol neebe manan maioria simples, labele forma diretamente, tanba sira sei halo debate kona ba substansia kompozisaun konstituisaun VII governu nian rasik, no mos asuntu balu neebe mak kona ba mudansa kompozisaun governu,” katak Deputadu Adriano ba STL Tersa (15/08/2017) iha Parlamentu Nasional.

Nia hatete, ema hotu hatene parpol 5 neebe ultrasa bareira, sira lakohi atu mosu eleisaun antisipada ida nee, signifika katak sira atu asegura governu no mos iha parlamentu.

Nunee mos Deputadu Bankada Fretilin Paulo Moniz hatete, Formasaun governu ema rona dia 25 no 26 Agusto nee tenke iha ona governu foun.  Atu partidu se deit koliga hodi forma seidauk hatene, maibe iha tempu badak nia laran partidu mais votadu sei bolu partidu seluk koliga forma governu, hodi ezerse sira nia dever hanesan membru governu atu halao dezenvolvimentu iha nasaun Timor-Leste. 

Guilhermina Franco / Jacinta Sequeira | Suara Timor Lorosae

RHTO Husu Governu Foun Implementa Programa Integradu

DILI - Ra’es Hadomi Timor Oan (RHTO) husu ba governu foun atu tau iha implementasaun programa no planu nebe integradu ba defisientis sira.

RHTO iha esperansa katak governu foun bele hari ho aspirasaun povu ninian, lori duni preokupasaun ema hotu nian,liu-liu defisientis sira nia.

Uluk  tempu kampania partidu ida-idak nian, maibe agora partidu nebe manan nee povu maka manan, partidu nebe maka mais votadu nee tenki lidera, no reprejenta duni povu nia lian, povu ninia halerik, no prekupasaun”dehan Diretor ezekutivu RAES Hadomi Timor Oan (RHTO) Joaozito dos Santos ba STL iha Edifisiu RHTO Lahane Dili, Tersa (15/08/2017).

Joaozito, hateten RAES hanesan organizasaun neebe maka akumula preokupasaun ema ho defisientis sira, iha hanoin, atu husu ba governu tenki tau matan mos ba asuntu defisiensia nian, tamba kestaun defisiensia nee hanesan kestaun direitus humanus.

Iha fatin ketak, reprejentante uma fukun parlamentu nasional,deputadu Eladio Faculto hateten Iha Lei artigu 21 deklara ona katak sidadaun nebe iha defisiensia  fiziku eh mental iha mos direitu no obrigasaun nebe hanesan ho sidadaun sira seluk,I estadu wainhira bele promove protesaun ba sidadaun siea nebe  iha defisiensia   tuir lei haruka.

*EST2 | Suara Timor Lorosae