Timor-Leste Kongratula Sekjer ONU Eleitu

DILI, (ANTIL) – Timor-Leste (TL) liuhusi Ministru Negósiu Estranjeiru no Kooperasaun, Hernâni Coelho kongratula Sekretáriu Jerál (Sekjer), António Guterres husi Portugal ne’ebé eleitu iha eleisaun dahituk hodi lidera Organizasaun Nosoens Unidas (ONU).

“Ita kongratula no sente mós orgullu tanba, ita-nia maluk ida sidadaun ida husi nasaun amiguComunidade dos Países da Língua Portuguesa (CPLP) ida sai ba ka’er kargu ida importante iha asembleia jerál”, Ministru Hernâni Coelho ba ANTIL iha salaun Xanana Gusmão, Institutu Defeza Nasionál (IDN) – Palásiu Governu, Kinta, (6/10).

Vantajen ba TL, nia hateten, António Guterres koñese di’ak liu problema, dezafiu no oportunidade TL nian. Nune’e mós Portugal nasaun ida ne’ebé sempre la’o hamutuk ho TL iha prosesu luta libertasaun prinsipalmente depois dékada 90 iha prosesu krusiál TL iha referendu.

Portugal iha papel ida boot tebes mós ba TL, nune’e, Sekretáriu Jerál foun eleitu, TL ba nia la’os buat ida foun.

Coelho hateten, kualidade Eis-primeiru-Ministru Portugal (1995-2012), António Guterres hodi sai ba Sekretáriu Jerál ne’e vantajozu tebes. Tuir nia, António Guterres iha kualidade téknika, pesoál no esperiénsia ho nune’e durante prosesu eleisaun atu hili kandidatu foun, nia mak nu’udar kandidatu úniku ida ne’ebé ninia rezultadu votu kontra sempre rua mai karaik.

“Ne’ebé hatudu tiha ona katak oportunidade ida ba nia atu liu. Tanba ne’e ita mós orgullu,” apresia tan, ministru MNEK, Hernâni Coelho.

Eleisaun dahikus atu hili kandidatu foun hodi sai Sekretáriu Jerál ne’e hala’o iha Kinta, (6/10) tuir oras Estadus Unidu Amérika (EUA) nian. Eleisaun ne’e, Eis-Altu Komisáriu Nasaun Unida ba Refujiadu sira, António Guterres mak eleitu hodi sai nu’udar Sekretáriu Jerál ONU nian ho votus afavor 13, abtensaun rua no laiha veto. (jornalista: Rafy Belo; editora: Rita Almeida)

Foto: Ramos Horta, Antonio Guterres no Mari Alkatiri. Foto espesial

Nasaun Produtór Kafé 50 Iha Mundu Nia Inan Mak “Híbrido de Timor”

DILI, (ANTIL) – Peskizadór no dosente hosi Universidade Nasionál Timor Lorosa’e (UNTL), Fakuldade Agrikultura, Departamentu Agronomia Lúcio Marçal Gomes hatete, nasaun produtór kafé hamutuk 50 iha mundu nia kafé inan mak “Híbrido de Timor”.

Ba ANTIL iha Kampus Sentrál, Kinta, (6/10), peskizadór ne’e haktuir, tinan 1917-1927 bainhira xá no kafé kona ferrujen no iha tempu ne’ebá, ai-horis rua ne’e afeita no ema hotu dezanima tanba, laiha dalan seluk atubele hetan solusaun hodi rezolve, peskizadór sira la’o to’o iha Timor-Leste no haree katak iha TL ai-horis ne’e hetan mós ferrujen.

“Maibé kuandu sira to’o iha aldeia Mata Nova, suku Fatubesi, postu administrativu Hatolia, munisípiu Ermera, iha fatin ki’ikoan ida naran malus fuik ne’ebé moris hela kafé hún rua, ida naran arábika no ida fali naran robusta, depois haree, moras ne’e la-kona entaun peskizadór sira tenta no halo kruzamentu entre kafé arábika no robusta”, Lúcio konta.

Tuir siénsia ne’ebé iha, arábika iha 44 kromosoma no no robusta iha 22 labele halo kruzamentu tanba, iha diferensa ida ne’ebé dook. “Maibé natureza Timór nian, grasa Maromak nian buat rua ne’e bele kruza hodi hetan nia oan no hanaran kafé “Híbrido de Timor”, Lúcio dehan.

Kafé “Híbrido de Timor”, komesa iha 1927 ema haree katak nia bele reziste kona-ba moras ida ne’ebé mundu tomak tauk. Ho prosesu tinan 30 iha Timor de’it, inan hún boot iha Mata Nova, peskizadór sira halo viveiru iha Ramera depois halo tan viveiru iha Brigada-Fatukeru, atu koko de’it katak moris ka la’e?

Akompaña prosesu durante tinan 30 (1927-1957). Husi ida ne’e, peskizadór sira haruka kafé kilo 5 liuhusi Sociedade Agrícola Pátria de Trabalho (SAPT), iha tempu portugés, tanba kompañia ne’e mak boot iha Fatubesi, atu halo esportasaun kafé Timór ba Portugál, entaun submete mós kafé Timór iha loron 8 Agostu 1957.

 “Haruka kafé ne’e ba no simu husi  profesór ida ne’ebé mós hanesan Presidente do Instituto de Investigação Científico Tropical (IICT) Lisboa, iha Ouiras. “Fatin ida ne’e, hanesan fatin ba peskizadór ferrujen. Nia tau kafé ne’e iha green house no lakuda ba rai maibé tau iha vaju boot atu haree ninia rezisténsia, tanba iha Timór ne’e trópiku muda ba Portugál sub-trópiku, rai ida ne’ebé malirin tebes atu haree de’it nia rezisténsia maibé grasa Maromak nian kafé ne’e reziste nafatin”, peskizadór ne’e relata.

“Iha 1960 kafé ida ne’e mak sira fahe ba sentru sira iha nasaun produtór kafé Ángola, Mozambique, Brazíl, Kosta Rika, Kolombia inklui fahe mai to’o Indonézia no to’o ohin loron nasaun produtór hamutuk 50 iha mundu nia kafé inan mak kafé “Híbrido de Timor”, Lúcio subliña.

Iha 2011, kuandu Lúcio Gomes bá halo kursu mestradu iha Portugál no aprezenta proposta atu peskiza kona-ba kafé, Universidade Évora hatete laiha espesialista ida ko’alia kona-ba kafé. “Sé ita-boot ko’alia kona-ba kafé sé mak orienta”, nia relata.

Maibé iha profesór ida ema Irake ne’ebé hatete iha IICT Lisboa ne’ebé ko’alia kona-ba ferrujen. “Se bele ita rua vizita took no iha ne’ebá halo diskusaun no ikus iha dokumentu kafé hún tolu ne’ebé agora sei moris hela husi “Hibrido de Timor”, liuhusi ida ne’e, halo ligasaun ho institutu”, Lúcio haktenik.

Ho kooperasaun liuhusi asina protokolu ida, iha loron 5 Maiu 2011 depois iha Janeiru 2012 reitór Universidade Évora mai Timor-Leste hamutuk ho peskizadór Lúcio no bainhira filafali bá Portugál ho asina protokolu ho Universidade Évora no East Timor Coffee Institute-Ermera (ETCI) Ermera. Hafoin asina protokolu reitór Universidade Évora mai Timor-Leste.

“Haree tiha ha’u husu reitór atu haruka peskizadór husi Universidade “Evora atu bá haree kafé ne’e bazeia ba informasaun husi IICT”, nia husu. Lúcio Gomes hatutan, iha 2012 profesór ho naran Pedro Damião ho dosente Vicente Paul Correia organiza ba haree kafe inan ne’e.

“Sira lori mapa 1927 nian ba hamutuk ho tiu Agosto ne’ebé uluk sei ki’ik hamutuk ho malae sira ne’ebé halo viveiru ba kafé ne’e,  iha Mata Nova hodi halo konfirmasaun no to’o ikus hodi hetan kafé inan ne’e”.

Atu konfirma di’ak katak kafé hún mak ne’e, peskizadór sira hasai nia tahan, sanak, kulit, musan no abut hodi haruka bá Portugal hodi halo teste DNA iha IICT hodi hatene katak kafé inan mak iha Mata Nova no rezultadu hatudu kafé nian inan mak ne’e duni.

Nune’e, iha 2014 UNTL hamutuk ho ETCI halo plaka ida ho tau iha fatin Mata Nova hodi tau planta protejida nune’e halo peskiza ba kafé no tesi sanak lima depois hafahe ba ualu no kuda, agora kafé ne’e funan ona. (jornalista: Maria Auxiliadora; editora: Rita Almeida)

LEJISLATURA FOUN KARETA FOUN…!!!

Jornal Nacional, editorial

Parlamentu Nasional terseiru lejilatura nee aprova tan osan 3 milloens dolar amerikanu hodi tau iha Orsamentu Jeral Estadu 2017 nian ba parlamentu hodi sosa kareta luxu no Laptop ba deputado kuartu lejislatura mai.

Razaun nebe deputado sira justifika mak  antes mandatu  terseiru lejislatura nee termina tenki rai osan ba deputado sira kuartu lejislatura mai hodi sosa kareta no laptop tamba membru PN foun mai (2017-2022) presiza transporte no laptop atu uza ba halao servisu.

Maske mosu ideia pro no kontra, deputado balu dehan kareta Luxu, Prado nebe dadaun nee deputado sira uza sei halo lelaun tan nee deputado foun mai presiza osan hodi sosa kareta luxu foun hodi uza ba servisu no balu dehan mandatu terseiru lejislatura nee atu remata ona presiza halo reflesaun gastus durante nee.

“Ita iha tempu ida ,.. tempu karau bokor nian liu tiha ona, agora tempu karau krekas nian, se ita haree ba biblia Estado ninian fo mata dalan ba ita atu kaer tuir mos ida ne’e….,” Francisco Branco.

Kareta no laptop ba kada membru Parlamentu nee laos foin akontese maibe nee sai ona fenomena ida ka abitu ida nebe akontese orgaun lejilativu rai doben ida nee nian.

Parlamentu primeiru lejilatura iha dominante FRETILIN nian kala laiha osan hodi sosa kareta no laptop ba deputado sira maibe komesa iha segundu lejilatura no terseiru lejilatura nee goza ona osan husi Fundo Minarai nian tan nee deputado sira mos lakohi lakon, buka sae mak kareta didiak deit no folin karun’ gensi dong’.

Agora duvida mak oinsa kareta luxu prado nebe uluk sosa ho folin US$60.000 – US$ 70.000? resposta  lelaun tiha deit ba deputado sira. Folin hira ? baixo US$8000, crzy men.

Fenomena lejilatura foun, kareta foun nee diak, deputado ida hetan konfiansa husi partido tuur iha parlamentu too tinan 10 ka tinan 15 , kada tinan lima – lima simu kareta foun, laptop foun, fasilidade tuan lelaun folin baratu.

Maneira sira hanesan hatudu orgaun lejilativu laiha politika poupansa finansa estadu nian. Ohin loron nee Timor Leste iha problema finanseiru, folin mina mundial tun, fundo minarai mos tun, dezempregu laresolve, povu kiak mukit, deputado sira goza sasan luxu.

Kareta nebe dadaun deputado sira atual uza nee sei diak, bele uza tan tinan 10 too 15 maibe atu uza ba privado, tenki rai osan ba deputado foun sira mai hodi sosa foun.

Osan atu halo desenvolvimentu laiha, governu halai tun sae, deve tun sae maibe ita nia lejilador sira halo lejilasaun mak hanoin gasta deit laharee ba realidade nebe nasaun no povu nee infrenta dadaun nee.*

Lee liu iha TA

LEJISLATURA BA DALA-IV, PN PROPOIN MILLOENS 3 SOSA KARETA HO LAPTOP

DOM VIRGÍLIO: TIMOROAN HOTU TENKI KONTRIBUI BA PAZ NO DAME

Bispu Diocese Díli, Dom Virgílio do Carmo da Silva, SDB  husu ba Timoroan tomak, hotu-hotu tenki haka’as-an hodi kontribui ba paz no dame iha nasaun doben ida ne’e.

“Nu’udar sarani, nomós nu’udar Timoroan, ita hotu haka’as-an atu kontribui ba paz ho dame”, hateten Dom Virgílio do Carmo da Silva ba Jornalista, hafoin partisipa kongresu of East-Asia Oceano Salesian Family ba dala 11, iha Centro Convençõens Díli (CCD) Kuarta (5/10).

Dom Virgílio da Silva haklaken katak, atu garante paz ho estabilidade labele hein deit Polisia Nasional Timor Leste (PNTL), ho Falintil Forsa Defeza Timor Leste (F-FDTL), maibé hotu-hotu iha knar atu responsaliza ba  paz ho dame.

“Ha’u husu ba foinsa’e sira, Timoroan hotu, ita hatene katak, iha Díli laran ne’e, ita nia jovens ho labarik ne’e barak liu. Sé joven ho labarik hot-hotu iha hanoin di’ak konaba rai doben ida ne’e, entaun tenki fó liman ba malu, atu lori rai ne’e ba oin,”Dom Virgílio apela ba Timoroan hotu.

Dom Virgílio da Silva husu nafatin ba jovens, alunus, nomos ba sira ne’ebé maka servisu, ida-idak haree hala’o ninia knar no komprimisu.

“Sé ita maka lakohi hala’o ita nia knar ho komprimisu, ita ba buka atu ransu tuur iha estrada fuma, buka gdroga buka buat sira ne’e hotu, entaun  ita maka kontribui ba iha instabilidade iha ita nia rai laran,”Dom Virgílio salienta.

Tuir Dom Virgílio da Silva katak, haree ba en jeral situasaun iha iha rai laran ne’e kalma, maibe iha kazu ida rua ne’ebé dalaruma mosu hanesan ema hana malu, sunu uma, tuda kareta, ne’e individu ida-rua iha kotuk.

“Ita haree en jeral, situasaun ne’e kalma, iha kazu ida rua ne’ebé dalaruma mosu ita rona ema hana malu, ema sunu uma, ema tuda kareta, ne’e iha individu ida rua iha kotuk, dalaruma lanu, karik situasaun polítika nian provoka entaun sei mosu nafatin buat sira ne’e hotu. Maibé ha’u husu ba sarani hot-hotu katak, nu’udar Timoroan, sé kuandu hadomi rai ida ne’e, entaun buka atu hadia,” Dom Virgílio da Silva apela.eni 

Jornal Nacional

DESKONFIA KOMETE KRIME ANGARIASAUN FUNDU BA CNRT • TRIBUNAL NOTIFIKA KALBUADI

Tribunal Distrital Dili (TDD) notifika ona Francisco Kalbuadi Lay, atual Ministru Turismu, Arte no Kultura kona-ba iregularidade balun ne’ebé deskonfia komete krime iha prosesu angariasaun fundu ba partidu CNRT iha tinan 2012.

Ho notifikasaun TDD nian ne’e, Kuarta (5/10/2016), Francisco Kalbuadi Lay, ne’ebé akompanhia husi nia advogadu Fernando Carvalho, hakat ba Parlamentu Nasional (PN) komisaun G hodi presta deklarasaun atu submete ba levantamentu imunidade.

Ministru Francisco Kalbuadi Lay to’o iha edefisiu PN ho kareta Estado numeru matrikula 12 G, tuku 09:00  dader Otl, depois hasoru malu kedas ho Prizidente Komisaun G, atual deputado bankada CNRT, Agostinho Lay ho membru komisaun G nian balun.

Iha audensia ne’e partisipa mos ho Prezidente Komisaun A, trata asuntu lei, administrasaun publika, justisa, poder local no anti korupsaun, deputada Carmelita Caetano Moniz.

Hafoin audensia, Jornalista sira  ne’ebé mak hein hela Ministru Francisco Kalbuadi Lay, atu halo entrevista, maibe Ministru rasik rezeita atu fo informasaun, maske jornalista sira nafatin hakbesik ba nia.

“Hau lakohi koalia,” hateten Ministru Kalbuadi Lay ho oin hamanasa no hakat ba sae kareta ne’ebé akompanha ho nia eskoltu sira.  Prezidenti Komisaun G, Agostinho Lay, esklerese katak, komisaun G simu karta husi Tribunal Distrital Dili atu halo levantamentu imunidade ba Ministru Francisco  Kalbuadi Lay.

“Komisaun G halo audensia ho ministru Turismu, tuir notifikasaun ne’ebé tribunal haruka mai ami atu halo suspensaun kargu ba Ministru Kalbuadi, tanba akuza ministru komete aktu kriminal ida iha tinan 2012, kona ba agariasaun fundu ba partidu CNRT. Infleismente, hau ladun hatene diak se bele husu iha tribunal,” dehan Prezidente komisaun G, Agostinho Lay.

Deputado CNRT ne’e hatutan, komisaun G halo prosesu normal tuir notifikasaun ne’ebe tribunal haruka, ne’ebé Komisaun halo audensia ho Ministru Turismu ho ninia defensoria para heta informasaun faktus ruma bazeia ba notifikasaun ne’ebé iha.

“Atu halo levantamentu imunidade ne’e tenke rona mos husi ministru, tribunal hateten katak arguidu ne’ebé ami rona informasaun ami haruka karta ba Ministru hodi mai halo audensia, komisaun nia kompetensia halo pareser, atu foti desizaun iha plenaria,” esplika Agostinho Lay.

Agostinho dehan, karta notifikasaun tribunal haruka ba komisaun G iha semana kotuk, ne’ebé iha tempu badak komisaun sei hato’o relatorio pareser ba meja PN hodi halo lavantamentu imunidade.

Tuir informasaun ne’ebé JN-Diário hetan katak, kazu ne’e Comissão Nacional das Eleições mak ba hato’o keixa.mia

Jornal Nacional

Parlamentu ho orsamentu dolár milloens 17,7 ba tinan 2017

Parlamentu Nasionál aprova ona ninia planu asaun no orsamentu ba tinan 2017, ho dolár milloens 17,7, no fatia bot aloka ba despeza oras ne’e daudaun.

Tuir Parlamentu Nasionál fó sai katak, orsamentu ne’e aprova ho votu a favor 43, kontra laiha (zero) no abstensaun ida no aumenta milloens 2,53 ka 17% kompara ho tinan 2016.

Despeza ba oras ne’e daudaun tuun 4%, lahanesan tinan kotuk tanba kresimentu 500% hosi despeza kapitál, liu-liu tanba sosa kareta, ekipamentu informátika no komunikasaun, no ida ikus ne’e ba migrasaun gravasaun sesaun format dijitál.

Tuir konta ne’ebé iha iha, despeza ba oras ne’e daudaun ho valór milloens 13,98, fahe entre gastu ho saláriu nomós vensimentu milloens 5,1, bens no serbisu milloens 7,9 no transferénsia rihun 930.

Despeza kapitál ba tinan oin hamutuk milloens 3,72, inklui kapitál menór milloens 3,6 no kapitál dezenvolvimentu rihun 96.

Durante diskusaun orsamentu no tuir komunikadu Parlamentu nian, “deputadu balun kestiona kona-ba efisénsia hosi serbisu administrasaun parlamentár no enkoraja funsionáriu sira sai dilijente no tenke serbi didi’ak ka halo serbisu di’ak ba Parlamentu Nasionál”.

Planu Asaun ba tinan 2017 trasa nu’udar prioridade atu implementa reforma Parlamentu Nasionál nian, inklui planu estratéjiku ba 2017-2022, planu asaun apoiu ba polítika internasionál estadu no planu abertura no transparénsia nomós lei orgánika foun ida.

Promove atu sidadaun sira halo parte maka’as ba iha debate kona-ba proposta lejislativa prinsipál, hahú ho funsionamentu hosi radio parlamentár atu hala’o transmisaun diretu nomós hametin jestaun parlamentár.

SAPO TL ho Lusa 

Eskolla Guterres " hanesan tributu" ba méritu no kualidade iha lideransa - PM timoroan

Primeiru-ministru timoroan, Rui Araújo, iha ohin haksolok ho nomeasaun ba eis-primeiru-ministru portugés Antonio Guterres hanesan favoritu ba sekretáriu-jerál ONU nian, nia konsidera katak"hanesan tributu ida " ba "importánsia méritu no kualidade iha lideransa".

"Eleisaun ba doutór António Guterres hanesan tributu ba transparénsia iha prosedimentu ba importánsia méritu no ba kualidade lideransa nian maka  ONU presiza tebes atu halakon torturasaun ne’ebé afeta umanidade", haktuir  Rui Araújo, liuhosi  mensajen ne’ebé haruka ba ajénsia Lusa.

"Parabéns António Guterres, parabéns ba Estadu no povu Portugés. Konta ho apoiu Timor-Leste nian ba saida deit maka atu mai", nia afirma.

Guterres hatudu  iha kuarta-feira ne’e hanesan favoritu ba sekretáriu-jerál Organizasaun Nasoins  Unidas (ONU)  hosi Konsellu Seguransa ba Assembleia-jerál, ne’ebé sei  aprova ninia naran iha loron hirak nia laran.

Konsellu Seguransa anunsia katak  portugés sai "vensedór klaru" iha votasaun, simu votu  enkorajamentu 13 no abstensaun rua, ida hosi sira maka  membru permanente ida hosi Konsellu Seguransa na’in lima ho direitu iha veto.

Órgaun, ho poder veto, sei  aprova ohin votasaun formál ida ne’ebé hatudu  naran António Guterres ba Assembleia-Jerál Nasoins Unidas, hodi nune’e formaliza eleisaun susesór ba Ban Ki-moon.

SAPO TL ho Lusa

Ramos-Horta haksolok “ho ema hotu ninia desizaun di’ak” hodi eskolla António Guterres

Antigu prezidenti Timor-Leste no Nobel da Paz José Ramos-Horta horseik hatudu ninia sentimentu ksolok “ba ema hothotu ninia desizaun di’ak” hodi hili António Guterres nu’udar favoritu ba kargu sekretáriu jerál Nasoins Unidas nian. 

Horisehik, fó sai ona eis-primeiru ministru portugés, António Guterres hanesan favoritu ba sekretáriu jerál Organizasaun Nasoins Unidas (ONU) nian, hosi Konsellu Seguransa ba Asembleia Jerál, ne’ebé maka iha loron hirak tuir mai, sei aprova ninia naran.

Konsellu Seguransa nian horisehik fó sai ona katak portugés ne’e maka sai nu’udar “manan-na’in lolos” hosi votasaun ne’ebé hala’o, hafoin hetan votu enkorajamentu 13 no abtensaun rua, no hosi votu hirak ne’e, ida hosi membru permanente lima Konsellu Seguransa ho direitu vetu.

“Parabéns António Guterres! Parabéns Portugal! Parabéns Konsellu Seguransa! Parabéns ONU! Desizaun di’ak hosi parte hothotu!” tuir reasaun hosi eis-dirijente timor-oan nian ne’e, hatudu liu hosi karta ne’ebé haruka ba ajénsia Lusa.

Konsellu Seguransa ne’ebé iha poder ba vetu, ohi sei aprova liu hosi votasaun formál ida hodi indika António Guterres ninia naran ba iha Asembleia Jerál Nasoins Unidas, hodi nune’e formaliza eleisaun susesór Ban Ki-moon nian.

SAPO TL ho Lusa 

PNTL La-Autoriza Membru Sai Broker

DILI, (ANTIL) – Komandu Polísia Nasionál Timor-Leste (PNTL) sei prosesa membru, inklu pessoál balun iha Corpu Seguransa Pessoál (CSP) ne’ebé diskonfia sai broker maibé presiza faktu no keixa hosi komunidade sira.

Segundu Komandante Jerál PNTL, Komisariu Faustino da Costa hateten, komunidade no sosiedade sivil presiza hato’o keixa ba komandu kona-ba membru CSP ne’ebé maka diskunfia sai broker, nune’e komandu bele prosesa membru ne’e hodi foti desizaun ruma.

Ba jornalista sira foin lalais ne’e, Komisariu Faustino esklarese, komandu PNTL laiha informasaun kona-ba membru CSP sai broker iha instituisaun governu balun hodi hetan lukru, maibé se ida ne’e akontese maka husu ba komunidade no sosiedade tomak atu hato’o keixa nune’e bele prosesa ema sira ne’e tanba, regra PNTL la-autoriza pessoál ida sai fali broker.

To’o oras ne’e komandu sidauk simu informasaun pessoal CSP involve sai hanesan broker maske mídia no sosiedade sívil fó sai no kestiona kona-ba ida ne’e, aliende ne’e komandu mos hetan kontaktu balun hosi prezidente komisaun B parlamentu ne’ebé maka trata asuntu seguransa defeza no negosiu estranjeiru David Diaz Ximenes Mandati konaba asuntu ne’e maibé ofisialmente seidauk iha karta ruma ne’ebé maka hateten katak membru A, B ou C tanba, ne’e karik iha bele hato’o keixa para loke prosesu.

Segundu komandante ne’e esplika tuir manuál kona-ba CSP define katak kada fulan 6 tenke halo rotasaun ba membru CSP ne’ebé maka eskolta ba alta entidade, maibé komandu PNTL entfrenta duni katak dala ruma susar oituan tanba, membru governu sira sempre husu atu ema sira ne’e mantein razaun, toman malu no haree malu hanesan maun alin ou inan aman ho oan.

Problema ne’ebé maka PNTL infrenta maka desde tinan 2000 no 2001 kuandu sai polísia membru balun sai eskoltu ba alta entidade to’o agora seidauk iha rotasaun maske komandu hasai ona ordem atu halo rotasaun hodi troka membru sira ne’e, maibé kestaun sentimentu familiár maka difikulta atu halo rotasaun.

Antes ne’e, prezidenti komisaun B trata asuntu defesa seguransa David Dias Ximenes Mandate mak kestiona hodi diskunfia membru CSP balun sai broker. Maibé bainhira parte kompetente hakarak aprejenta faktu, nia parte prontu atu kolabora. (jornalista: Manuel Pinto; editor: Gantry Meilana)

Foto: Segundu Komandante PNTL, Komisariu Faustino da Costa. Foto espesial

Prosesu Karta Kondusaun Ladun Efisiente

DILI, (ANTIL) – Komandante Tránzitu Polísia Nasionál Timor-Leste (PNTL), Inspetór Xefi António Soares observa, prosesu atu hetan karta kondusaun iha Timor ladun efisiente.

“Ami sira servisu iha parte tránzitu ne’e ami haree katak, prosesu karta kondusaun ne’e buat ida ne’ebé ladun efisiente”, Inspetór Xefi ba ANTIL iha nia servisu fatin Kaikoli foin lalais ne’e.

Pratika ohin loron, ema ba foti karta kondusaun tuir test teoria no prátika loron ida rua hetan ona karta kondusaun to’o ikus sira rasik la-kumpriende sinais tránzitu tanba, mehi atu hetan karta kondusaun tenke iha eskola.

“Ami labele foti desizaun, ami so hato’o de’it, foti desizaun kabe ba kompeténsia nai ulun sira mak bele haree kestaun ne’e”, António Soares realsa.

Dirasaun Nasionál Transporte no Terrestre tenke haree ona posibilidade atu kria eskola ba karta kondusaun maibé, bainhira la fó importansia susar atu minimiza vitima ba asidenti.

“Dala barak ami prende ema iha estrada públiku iha karta kondusaun, maibé to’o iha ami nia fatin ami husu sinais tránzitu ema ne’e rasik la-hatene”, haktuir hodi lamenta kondisaun ne’e.

Loloos labele akontese, tanba normalmente ema iha karta kondusaun katak ema ne’e professionál. Atu estabelese eskola ba karta kondusaun, polísia liuhosi parte tránzitu propoin ona hanoin ba parte kompetente, maibé atu realiza ou la’e fila fali ba ministériu relevante mak toma desizaun. (jornalista: Manuel Pinto; editora: Rita Almeida)

Konsellu Seguransa hein hili Guterres ho aklamasaun iha loron-kinta

Prezidente hosi Konsellu Seguransa ONU nian hatete ba jornalista sira, bainhira hakotu votasaun daneen hosi Konsellu Seguransa nian ba sekretáriu-jeral, ne'ebé organizmu ne'e hein rekomenda "ho aklamasaun" António Guterres nia naran loron-kinta.

"Ohin, hafoin ami nia votasaun daneen, ami iha favoritu loloos ida no nia naran maka António Guterres. Ami desidi avansa ho votu formal ida aban dadeer [loron-kinta] no ami halo ho aklamasaun", Vitaly Churkin hatete ba jornalista sira.

Hafoin oras ida ho balun enkontru nian, ba dala uluk iha istória organizasaun nian embaixadór na'in 15 hosi nasaun sira ho fatin iha Konsellu Seguransa ko'alia ho jornalista sira hodi fó sai naran portugés nian.

"Señór no señora sira, imi sai sasin ba parte istóriku ida. Nunka halo tuir dalan ida ne'e. Ne'e hanesan prosesu selesaun ida importante tebes", hatete hosi embaixador rusu.

Hafoin ne'e, embaixadora hosi Estadus Unidus iha ONU hatete katak nasaun 15 ne'ebé hanesan membru hosi Konsellu Seguransa desidi hamutuk ho António Guterres tanba prova sira ne'ebé nia fó iha nia kareira no durante kampaña.

"Ema sira hakarak hamutuk ho ema ida ne'ebé hatudu impresaun iha prosesu tomak nia laran no impresiona ona iha nível oioin serbisu nian", hatete hosi Samantha Powell ba jornalista sira.

António Guterres manán iha votasaun ikus ne'e ho votu "fó korajen" hamutuk 13 no laiha opozisaun ida.

Hafoin votasaun lima ne'ebé votu sira hosi membru 15 hanesan indiskriminadu, votu sira hosi membru permanente sira (Xina, Rúsia, Fransa, Reinu Unidu ho Estadus Unidus) destaka ba dala uluk, bainhira iha posibilidade katak iha opozisaun balun.

António Guterres manán ona votasaun dalima ne'ebé halo dahuluk ba kargu, ne'ebé akontese ona iha loron 21 Jullu, 05 Agostu, 29 Agostu, 09 Setembru no 26 Setembru.

Hafoin rezolusaun aprova iha loron-kinta hosi Konsellu Seguransa, Guterres nia naran sei ba aprovasaun iha Asembleia Jeral ONU nian.

Sekretáriu-jeral foun hosi organizasaun sei troka Ban Ki-moon no hala'o nia knaar iha loron 01 Janeiru 2017.

SAPO TL ho Lusa

Prezidente Filipina hatete Obama atu " ba iha infernu"

Prezidente Filipina, Rodrigo Duterte, haktuir iha horisehik ba Prezidente norte-amerikanu, Barack Obama, atu  "ba iha infernu", ameasa  atu hakotu aliansa iha dékada  ho Estadus Unidus  hodi ba hamutuk ho Xina ba Rússia.

Mosu lia-fuan hirak ne’e  iha momentu ne’ebé maka  Filipina no Estadus Unidus hahú sira nia  manobra militar anuál hamutuk, ne’ebé  Duterte aviza ona bele sai hanesan ikus ba ninia prezidénsia, iha resposta ba krítika hosi Estadus Unidus ba ninia funu sangrenta hasoru krime.

"Ha’u lakon respeitu hosi Amérika", haktuir Duterte, kestiona ba diskursu kona-ba apelu sira hosi Estadus Unidus, Nasoins Unidas no Uniaun Europeia ba  Filipina atu respeita direitus umanus.

"Señor Obama, bele ba infernu", nia hatutan.

Duterte moos konsidera  norte-amerikanu hanesan "ipókrita" no afirma katak  to’o loron ida nia sei hakotu ho totál aliansa entre nasaun rua, ne’ebé  inklui akordu ba defeza mútua.

"Kleur ka lalais iha ha’u nia  mandatu, bele hakotu lasu ho Amérika. Ha’u  Prefere hamutuk  ho Rússia ba  Xina. Maski lakonkorda ho ninia ideolojia, sira respeitu ba ema. Respeitu ne’e importante", nia haktuir.

Líder filipinu, ne’ebé  assume kargu iha  30  fulan  juñu, sai hanesan prioridade prinsipál iha ninia mandatu durante tinan neen nia laran maka halakon droga ilegál hosi sosiedade  ne’ebé "oho ema tuir  hakarak" toxikodependente millaun tolu hodi alkansa ninia objetivu.

To’o  agora, ema liu 3.000 mate hosi funu hasoru krime, tuir númeru ofisiál, enkuantu grupu direitus umanus alerta iha  eskuadraun mate nian ne’ebé forma hosi vijilante sira hodi oho-ema no lafunsiona ona Estadu ho direitu.

Maski mosu  retórika maka’as, Duterte afirma nafatin katak nia laviola kualkér lei ruma, ne’ebé  polísia hamate tanba defeza no sira seluk barak ne’ebé mate  rezulta hosi funu entre gange sira.

SAPO TL ho Lusa

LEJISLATURA BA DALA-IV, PN PROPOIN MILLOENS 3 SOSA KARETA HO LAPTOP

Konselhu Administrasaun Parlamentu Nasional (PN), liu husi relatoriu pareser Komisaun C propoin orsamentu US$ 3.000,000 atu sosa kareta ho laptop ba membru PN IV Lejislatura nian.

Iha diskusaun ne’ebe hala’o iha PN, Tersa (4/10/2016), mosu pro-kontra iha plenaria tanba membru PN balun lakohi atu sosa tan ona laptop ho kareta ba periodu ida ne’e.

Deputadu bankada FRETILIN, Francisco Miranda Branco esklarese katak, tinan 2016 hanesan tinan ikus liu ona ba III lejislatura, tanba ne’e nia husu atu halo reflesaun oitoan ba gastus finansas publikas, hahu husi PN no to’o ba iha instituisaun Estadu TL ninian.

“Ita iha tempu ida ne’ebe hau sempre hateten katak tempu karau bokor nian liu tiha ona, agora tempu karau krekas nian, se ita hare ba biblia Estado ninian fo mata dalan ba ita atu kaer tuir mos ida ne’e, hau atu dehan karik TL laiha riku soin hanesan minarai, maka ita lapersija deputado ida iha kareta ida, lapersija ema ida iha lap top ida, tanba ita ba husu emprestimu sosa kareta ka sosa lap top, tanba ne’e hau hanoin ita presijamente tenke halo balansu ba gastus huhu husi PN no ba instituisaun Estado tomak TL ninian,” dehan deputado Francisco Branco iha diskusaun debate Orsamentu privativu PN nian.

Deputadu Francisco Branco husu ba plenaria atu elimina tiha deit sosa kareta ho lap top ba deputadu ida-idak. Taba uluk, sosa kareta ida-idak razaun fundamental ida maka pontualidade, maibe realidade sempre kestiona, ne’ebe ho razaun fundamental ba pontualidade ne’e fo mai atu avansa proposta ida katak atu labele sosa tan kareta no lap top ona.

Deputado Branco mos halo komparasaun iha nasaun India, deputado sira laiha kareta, ba serbisu sa’e bus deit, maibe sira nia dignidade iha nafatin no laiha ema ida mak kestiona sira nia dignidade.

Xefi bankada FRETILIN, Aniceto Guterres kontra katak, xefi departamentu deit mos iha kareta rasik, tanba sa mak deputado laiha, ka deputado tenke sa’e motor ba serbisu.

“Xefi departamentu deit mos kareta iha, depois halo nusa deputado sa’e fali motor, ne’e problema? Entaun tenke muda politika atribui kareta ne’e ba se-se deit, hakarak kombate tenke hot-hotu, ne’ebe iha konferensia lideres bankadas kona ba kareta ne’e ami dehan katak orsamentu tinan 2017 halo previzaun tau hotu ba, depois deputado foun sira mai mak hola desizaun atu sosa ka lae,” hateten Deputadu Aniceto.

Deputado bankada PD, Virgilio Guterres, dehan katak, lakonsege tau osan ba deputado foun sira, tanba adopta politika poupansa.

“Hau mos kontra proposta, deputado balu hanoin katak, deputado foun ne’ebe atu mai ita lakonsege hola kareta ba sira ho hanoin katak poupansa ba despezas Estado tomak, lahola kareta foun ne’e parte ida husi politika poupansa entaun hau atu sujere deit katak, ita deputado atual agora kareta ho lap top rai fali ba sira, hodi nune’e sira mai uja,” hateten deputadu Virgilio.

Deputado Virgilio akresenta tan katak, xefi departamentu ida iha kareta, tanbasa mak deputado ida hola desizaun politika ba vida nasaun nian laiha dereitu atu goja regarias Estado nian.

“Ne’ebe hau hanoin tenke ser rasasinu ita ninia pensamentu ba servidor Estado ne’ebe tenke dignifika,” dehan Virgilio.

Hatan ba preukupasaun deputado sira nian, sekretario Jeral PN, Mateus X. Belo dehan katak, ne’e hanesan proposta deit, ne’ebe lori ba deskute hamutuk iha plenaria kuandu deputado sira lakohi atu aprova mos laiha problema, tanba nia hanesan halo planu deit mais atu foti desizaun husi plenaria.

Prezidente PN, Aderito Hugo da Costa, dehan katak, iha elaborasaun inisiu orsamentu privativo PN nian hamutuk $ 20 resin milloens, depois aprejentasaun iha reunioens hatun ba montante $ 17.697.mia

Jornal Nacional

PR TAUR VIZITA ONA SUKU HOTU IHA MUNISÍPIU 8

Prezidenti Repúblika (PR) Taur Matan Ruak, vizita ona Suku lubuk ida iha Munisípiu 8 hanesan, Ainaro, Ermera, Covalima, Manufahi, Manatuto, Aileu, Bobonaro no Oe-Cusse.

Tuir promesa ne’ebé Xefi Estadu ne’e halo ba nia-an rasik katak, durante nia mandatu hanesan Prezidenti Repúblika katak, nia hakarak   vizita hotu suku 442 iha Timor laran tomak.

Agora dadauk sei hela Suku 6 iha Munisipiu Lospalos mak Xefi Estadu ne’e seida’uk vizita, Suku ida iha Viqueque, Suku ida iha Baucau, no Liquiça, inklui Suku balun iha Díli laran.

Xefi Estadu la sente kolen, hakur mota, tun-sa’e foho, toba iha anin no udan laran, tanba deit hadomi povu hodi lori povu ba moris di’ak.

Durante vizita Xefi Estadu nian ba Suku hotu iha Timor laran tomak, nia husu ba povu atu serbisu hamutuk, hodi luta kontra kiak no mukit, tanba Timor Leste hetan ona independensia, maibé moris diak seidauk hetan.

“Ha’u mai tuku imi nia odamatan dala ida tan, husu imi atu ita la’o hamutuk ba buka moris diak. Ha’u mós mai fó obrigadu ba imi, ba terus no susar imi sofre  iha funu laran, tanba imi mak ami moris, no tanba imi mak nasaun moris, imi mak heroi nasaun ida nee nian,”hateten PR Taur Matan Ruak, bainhira dialogu ho povu iha Suku-Suku iha Timor laran tomak.

Taur Matan Ruak dehan, bainhira buka moris diak, povu tenki kuidadu saúde, haruka oan sira ba eskola, hadia ekonomia uma laran, no serbisu hamutuk ho autoridade lokal sira hodi atinji objetivu ne’ebé povu TL mehi.

Maske programa ne’e diak, tanba povu mós kontenti tebes ho vizita Xefi Estadu ne’e nian, maibé sei mosu kritika oi-oin husi parte lider polítika balun, tanba la konsideira esforsu ne’ebé Prezidenti Repúblika nian ne’e hodi heree rasik kondisaun no situasaun ril povu TL nian, li-liu iha Suku sira ne’ebé mak la asesu ba dezenvolvimentu. Maibe politika nain sira nia hanoin ne’e, kontráriu ho situasaun povu nian, tanba povu kontinua ejiji ba Xefi Etadu ne’e atu kontinua vizita sira iha área rural kada fulan.

Povu mós ejize ba ukun nain sira seluk, atu la bele tu’ur deit iha ace laran, hodi hatene kritika de’it ema seluk, maibé tenki la’o hanesan Xefi Estadu ne’e, hodi haree direitamente kondisaun moris povu nian iha área rural.

Iha vizita ne’e mós, povu halerik ho mataben ba PR Taur Matan Ruak, tanba TL ukun aan tinan 14, maibé sira seidauk senti benefisiu husi ukun aan ida ne’e, no durante ne’e, ukun nain ida nunka hakbesik aan ba sira hodi rona sira nia halereik.

Alende ne’e, povu iha área rural mós louba tebes PR Taur Matan Ruak hodi dehan, iha mundu ne’e, Prezidenti Repúblika povu  so haree de’it nia klamar husi televisaun, maibé Prezidente Timor Leste nian oin seluk, tu’un direitamente ba povu iha área rural, hodi haree kondisaun moris povu nian.

 “Ami louba ho ami nia Prezidenti, tanba Prezidenti ida ne’e mak úniku hadomi duni povu ida ne’e, tanba nia mai husi povu no fila ba povu. Tanba ne’e ohin loron ami kontenti simu ami nia Prezidenti, maibé ami hato’o mós sentimentu tristi ho mataben ba ami nia Prezidenti kona-ba ami nia susar no terus ne’ebé ami infrenta durante ne’e,”hateten Frederico de Araújo husi Suku Maununu, Munisipiu Ainaro.

Nun’ee mós komunidade  Moises da Costa husi Suku Holarua dehan, sira tanis ba Prezidenti Repúblika, tanba tempu Portuguese niaan, foin primeiraves Prezidenti vizita sira nia Suku.

Nia hatutan, durante ne’e, sira tanis ba dezevolvimentu, tanba sira haree dezenvolvimentu ne’e la’o de’it iha nasionál.cos

Jornal Nacional

ISABEL FERREIRA: FAMILIA FÓ IMPAKTU POZITIVU BA NASAUN

Primeira Dama, Isabel Ferreira esplika katak, familia nu’udar embriu ki’ikoan ida iha sosiedade nia laran, no sé grupu ne’e la’o di’ak ona, entaun bele fó impaktu di’ak no pozitivu ba nasaun.

“Foin dadauk ami halo aktividade talk show ida konaba familia forte nasaun forte, ita nia haoin hakarak halo bebeik atividades ida ne’e, i hakarak mós halo kampaiña sensibilizasaun ba Timoroan tomak. Husi relijiaun ne’ebé de’it ema hatene katak, familia mak hanesan embriu ki’ik oan ida iha sosiedade nia leet. Se karik grupu ki’ik oan ne’e la’o di’ak ona, moris iha dame, domin, lialos no paz iha mundu nia laran, bele fó impaktu pozitivu ba iha sosiedade no mós ba nasaun,” esplika Primeira Dama, Isabel Ferreira ba JN-Diário (04/10), iha Paço Episcopal Lecidere-Díli, wainhira hala’o vizita kortézia ba fatin refere hodi koalia konaba programa ‘familia forte nasaun forte ho parte igreja nian.

Isabel Ferreira hatutan katak, programa familia forte nasaun forte ne’e tinan-tinan sempre hala’o iha munisípiu tolu mak hanesan Díli, Baucau no Bobonaro. No fó mós sertifikadu ba inan sira ne’ebé selebra loron Bodas de Prata no Bodas de Ouro, no ba oin sei hala’o nafatin kampañia de sensibilizasaun ba Timoroan tomak hodi hatene konaba programa ne’e, no husi relijiaun ne’ebé de’it hatene katak, familia mak membru kiikoan ida iha sosiedade nia leet.

Nia hateten katak, parte igreja nian em prinsípiu fó apoiu tomak ba programa ne’e, tamba foin dadauk halo tiha ona iha Díli iha dia 15 fulan Maiu, Baucau hala’o iha fulan Jullu no Maliana hala’o iha Agustu. I ida ne’e hanesan mós papel igreja nian hodi prepara sarani sira atu bele moris iha família ne’ebé paz, domin no hakmatek atu nune’e bele banati tuir hanesan família Nazare nian.

“Iha tinan ida ne’e ita halo semináriu tolu husi Díli, Baucau no Maliana, no atividade talk show depende ba programa televizaun nian, hanesan programa ita nia bainaka wainhira iha tempu livre mak ami foin priense. Munisípiu seluk ami seidauk hala’o atividade ida ne’e tamba ita sei hala’o tuir Diocese,” Isabel Ferreira afirma.

Nia dehan tan katak, atividades semináriu ne’e normalmente hala’o la ho kustu ne’ebé bo’ot, tamba realiza ho tempu badak no sei la fó implikasaun ba finanseira, no wainhira aktividade ne’e remata sei entrega sertifikadu ba sira ne’ebé tuir semináriu ne’e no sertifikadu ne’e rasik sei asina husi Prezidenti da Repúblika.ías/mj3 

Jornal Nacional

MANUTENSAUN NAKROMA GASTA $500 MIL

Vice ministru obras publicas transportes e comonicacões (MOPTC), Inacio Moreira deklara, manutensaun ro Nakroma gasta $500 mil.

“Hau hakarak fo hatene deit katak, ita aloka mais ou menus $2 miloens hodi halo operasaun ba ro nakroman, operasaun hanesan sosa konbustivel, selu ba tripolante, ko-tripolante no mos ba timoroan ne’ebe maka servisu iha  ro laran, inklui osan balu maka ita aloka hodi halo manutensaun,”dehan vice e ministru Inacio Moreira ba JN-Diario iha CCD, Tersa (4/10).

Inacio esplika katak, publiku la bele intende sala katak, $2 miloens ne’e halo hotu ba manutensaun ro nakroman, la bele jeneraliza, ne’e la los.

“Hau komprende prokupasaun husi kolega no emprezariu balun katak, la lojika wainhira $2 miloens hodi halo manutensaun ba ro nakroman, maibe ita haree katak operasaun ro nakroma loron loron  sempre halo operasaun, iha 2011 ita nia ro nakroma halo manutensaun ho dezastre bo’ot,”nia haktuir.

Tanba pasajeiru sira hodi tula fali truk hodi Dili liu husi fronteira to’o ba iha Oequsse, lolos ida ne’e maka la bele akontese maibe oras ne’e dadauk ro nakroman loron loron sempre halo operasaun Dili ba Atauro ho Oequsse normal hela. Ety

Jornal Nacional

MP timorense deduziu acusação contra dois portugueses retidos em Díli há dois anos

Díli, 05 out (Lusa) - O Ministério Público timorense deduziu acusação, pelos crimes de peculato, branqueamento de capitais e falsificação documental, contra um casal de cidadãos portugueses que está retido em Díli há dois anos.

A acusação foi assinada pela procuradora timorense Angelina Joanina Saldanha no passado dia 29 de julho mas os arguidos, Tiago Guerra e a sua mulher Chang Fong Fong Guerra, só foram notificados na terça-feira, confirmaram hoje os próprios à Lusa.

Coarguido no mesmo processo e acusado dos mesmos crimes está o cidadão norte-americano Bobby Boye, um ex-conselheiro do setor petrolífero que defraudou o Governo timorense e que, em outubro de 2015, foi condenado por um tribunal federal norte-americano a seis anos de prisão e a devolver mais de 3,51 milhões de dólares a Timor-Leste.

Na acusação, à qual a agência Lusa teve acesso, a procuradora considera os três arguidos responsáveis pela autoria material em concurso real e na forma consumada dos três crimes.

Como provas, além de documentos contidos no processo, o MP timorense apresenta quatro testemunhas incluindo o ex-vice-ministro das Finanças, Rui Hanjam, dois outros funcionários do Ministério das Finanças e a atual ministra, Santina Cardoso.

A procuradora defende a manutenção das medidas de coação, considerando até que "se reforçaram os pressupostos que determinaram a aplicação" dessas medidas.

Pede ainda que os três arguidos sejam condenados a pagar uma compensação civil no valor do que dizem ser as perdas do Estado timorense, que totalizam 859.706,30 dólares.

No caso do crime de peculato e de branqueamento de capitais as pena máximas previstas no Código Penal timorense são de 12 anos de cadeia e para o crime de falsificação de documentos a pena máxima é multa ou três anos de prisão.

"É revoltante. Depois de lermos esta acusação, que demorou dois anos a ser feita, comprovamos que não tem qualquer fundamento ou qualquer prova", disse à Lusa Tiago Guerra que chegou a estar preso preventivamente à espera.

"Sabendo agora do que somos acusados temos a certeza de que são acusações sem qualquer base ou fundamento. A acusação mostra que não há qualquer motivo para nos terem mantido aqui dois anos com a nossa vida em suspenso, longe dos filhos e do resto da família", disse.

Tiago Guerra sustenta que os crimes de que são acusados não são fundamentados e mostra-se surpreendido, entre outros aspetos, pela acusação de peculato, crime que segundo o código penal timorense se aplica apenas a funcionários públicos.

"Vamos estar preparados para nos defender, assim que tivermos acesso às provas e materiais apreendidos atualmente pelo Ministério Público, aos autos bem como ao resto do processo", garantiu.

Fong Fong Guerra admite estar "muito assustada" e considerou que o casal está a ser julgado neste processo porque as autoridades timorenses "não conseguiram capturar o Bobby Boye em Timor-Leste".

"Estamos a ser postos aqui no mesmo saco que alguém que defraudou o Estado", disse.

"Nós não cometemos nenhum destes crimes. Por isso sempre pensámos que depois da investigação que se ia arquivar o processo. Como pode haver acusação se não cometemos qualquer crime?", questionou.

O Tribunal de Díli terá que ser pronunciar sobre a acusação, se a aceita ou se a devolve ao Ministério Público e, caso a aceite, marcará a data do arranque do julgamento.

Tiago Guerra e a mulher só foram ouvidos pelo MP em junho último, mais de 20 meses depois de ser detido, estando há quase dois anos impedido de sair do país e com termo de identidade e residência.

Tiago Guerra foi detido para interrogatório a 18 de outubro de 2014, passou três dias na esquadra da polícia de Caicoli e a 21 do mesmo mês foi ouvido no Tribunal de Díli, quando o juiz ordenou a sua prisão preventiva, entrando na cadeia de Becora, onde ficou preso até 16 de junho do ano passado.

Desde aí está, como a mulher, com Termo de Identidade e Residência (TIR) e impossibilitado de sair do país.

No pior cenário, se o processo avançar para julgamento e mesmo sem considerar eventuais penas de prisão, o casal poderá ficar ainda vários anos impedido de sair de Timor-Leste até que se conclua o julgamento e eventuais recursos.

ASP // VM

Conselho de Segurança espera eleger Guterres por aclamação na quinta-feira

"Hoje (quarta-feira), depois da nossa sexta votação, temos um favorito claro e o seu nome é António Guterres. Decidimos avançar para um voto formal amanhã de manhã [quinta-feira] e esperamos fazê-lo por aclamação", disse aos jornalistas Vitaly Churkin.

Depois de uma hora e meia de encontro, pela primeira vez na história da organização os 15 embaixadores dos países com assento no Conselho de Segurança vieram falar aos jornalistas para anunciar o nome do português.

"Senhoras e senhores, estão a testemunhar uma cena histórica. Nunca foi feito desta forma. Este foi um processo de seleção muito importante", disse o embaixador russo.

Momentos depois, a embaixadora dos Estados Unidos junto da ONU disse que os 15 países membros do Conselho de Segurança decidiram unir-se em volta de António Guterres devido às provas que deu na sua carreira e durante a campanha.

"As pessoas queriam unir-se em volta de uma pessoa que impressionou ao longo de todo o processo e impressionou a vários níveis de serviço", disse Samantha Powell aos jornalistas.

António Guterres ficou à frente desta última votação com 13 "encoraja" e não recolheu nenhum veto.

Depois de cinco votações em que os votos dos 15 membros eram indiscriminados, os votos dos membros permanentes (China, Rússia, França, Reino Unido e Estados Unidos) foram destacados pela primeira vez, sendo assim possível perceber se havia algum veto.

António Guterres venceu as cinco primeiras votações para o cargo, que aconteceram a 21 de julho, 05 de agosto, 29 de agosto, 09 de setembro e 26 de setembro.

Depois de a resolução ser aprovada na quinta-feira pelo Conselho de Segurança, o nome de Guterres segue para aprovação na Assembleia Geral da ONU.

O novo secretário-geral da organização substitui Ban Ki-moon e entra em funções a 01 de janeiro de 2017.

AYS // VM – LUSA

Ramos-Horta aplaude "sábia decisão de todos" na indicação de António Guterres

Díli, 05 out (Lusa) - O antigo presidente de Timor-Leste e Nobel da Paz António Ramos-Horta aplaudiu hoje "a sábia decisão de todos" na indicação de António Guterres como favorito para secretário-geral das Nações Unidas.

O antigo primeiro-ministro português António Guterres foi hoje indicado como favorito para secretário-geral da Organização das Nações Unidas (ONU) pelo Conselho de Segurança à Assembleia-geral, que deverá aprovar o seu nome dentro de alguns dias.

O Conselho de Segurança anunciou hoje que o português é o "vencedor claro" da votação, recebendo 13 votos de encorajamento e duas abstenções, uma das quais de um dos cinco membros permanentes do Conselho de Segurança com direito de veto.

"Parabéns António Guterres! Parabéns Portugal! Parabéns Conselho de Segurança! Parabéns ONU! Sabia decisão de todos!", considerou o antigo dirigente timorense numa reação por escrito enviada à agência Lusa.

O Conselho de Segurança, que tem poder de veto, deverá aprovar na quinta-feira uma votação formal a indicar o nome de António Guterres para a Assembleia-Geral das Nações Unidas, formalizando assim a eleição do sucessor de Ban Ki-moon.

NVI // PJA

Denúncias de violência doméstica em Macau disparam no primeiro semestre

Macau, China, 05 out (Lusa) - As autoridades de Macau receberam 96 queixas de violência doméstica no primeiro semestre de 2016, mais do que os casos denunciados o ano passado, aumento que relacionam com o debate gerado com a nova lei que entrou hoje em vigor.

Segundo os dados oficiais hoje divulgados, houve 80 denúncias de violência doméstica em Macau no ano passado, envolvendo 82 vítimas.

No primeiro semestre as queixas foram 96, envolvendo 97 vítimas.

A presidente do Instituto de Ação Social, Celeste Vong, citada pela Rádio Macau, atribuiu este aumento ao efeito da lei de prevenção e combate à violência doméstica de Macau, aprovada na Assembleia Legislativa (AL) de Macau a 20 de maio, que entrou hoje em vigor e ao abrigo da qual a violência doméstica passa a ser um crime público.

Celeste Vong disse que as autoridades esperam que as denúncias continuem a aumentar, na sequência da entrada em vigor da lei e da elaboração de um guia de resposta à violência domeatica destinado a diversas entidades e instituições.

Por outro lado, foi criada em novembro do ano passado, ainda antes da aprovação da lei, uma linha de apoio às vítimas.

A lei que entrou hoje em vigor, que passou por um longo processo legislativo, com avanços e recuos, tipifica o crime de violência doméstica, definindo-a como "quaisquer maus tratos físicos, psíquicos ou sexuais que sejam cometidos no âmbito de uma relação familiar ou equiparada", caindo a definição anterior, aprovada na generalidade mais de um ano antes, que limitava os atos de violência doméstica àqueles que têm "consequências que não sejam leves".

Essa destrinça entre ofensas "leves" e "graves" gerou polémica no hemiciclo e no seio da sociedade civil, uma vez que as primeiras eram entendidas como crime semipúblico e, portanto, dependentes de queixa por parte da vítima, e as segundas como crime público.

A lei, prometida pelo Governo pelo menos desde 2008, no quadro de anos de ?slogans' de uma política de "tolerância zero" à violência doméstica, prevê penas de até 12 anos de prisão - que pode chegar a 15 anos em caso de morte da vítima - em linha com o Código Penal.

Apesar da 'vitória' no que toca ao crime público, as diferentes associações da sociedade civil não conseguiram que fossem incluídos os casais do mesmo sexo. No entanto, mesmo sem uma inclusão expressa no articulado, o Governo garantiu que irá proteger eventuais vítimas de violência no seio de uma relação homossexual, segundo consta no parecer da 1.ª Comissão Permanente da AL, que analisou o diploma na especialidade.

Aquando da aprovação na especialidade, o Governo indicou que a execução dos trabalhos de prevenção e combate àviolência doméstica vai ser avaliada no prazo de três anos com vista à sua eventual revisão.

Num comunicado hoje divulgado, as autoridades de Macau realçam o "profundo significado cultural" da nova legislação, referindo estar em causa a promoção de uma nova atitude da sociedade e das instituições em relação à violência doméstica.

MP// CC