LEI PARLAMENTAR SEIDAUK PROMULGA, CNE SEI HALO KONTESTASAUN FORMAL BA PR

Prezidente Comissão Nacional de Eleições (CNE), Alcino de Araújo Barris, hatete, sira sei halo kontestasaun formal ba Prezidente Repúblika (PR), Taur Matan Ruak, tanba alterasaun lei parlamentar balun impede kompetensia CNE nian.

Eleisaun Parlamentar sei hala’o iha fulan Julho, tinan ne’e. Tanba ne’e, Prezidente CNE sei hato’o preokupasaun ne’e ba PR Taur atu toma konsiderasaun.

 “Oras ne’e lei eleisaun parlamentar nian aprova ona, Prezidente  Repúblika (PR) seidauk promulga, ha’u hanoin CNE sei halo kontestasaun formal ba PR, atu husu fali ba Tribunal Rekursu (TR) atu halo fiskalizasaun preventiva kona ba alterasaun, tanba buat balun ne’ebé atribui ami nia kompetensia lei,”Prezidente CNE, Alcino de Araújo Barris, hatete  ba jornalista sira iha nia servisu fatin CNE, Colmera, Dili, Kinta (23/3/2017), relasiona ho komunidade balun la konsege ezerse nia direitu iha eleisaun prezidensial periodu 2017-2022 iha dia 20 Marsu tinan 2017 ne’ebé dekreto do Governu nian haruka sidadaun idak-idak ezerse nia direitu iha fatin ne’ebé nia resensia ba.

POVU BARAK LA VOTA…!!!

Jornal Nacional Diário - Editorial

Eleisaun Presidensial tinan 2017 nee termina ona. Kandidatu nain 8 nebe konkore iha eleisaun Presidensial nee, ikus mai povu deposita sira nia konfiansa ba kandidatu Presidente Republika husi Partido FRETILIN, Francisco Guterres ‘Lu-Olo’ sai Presidente Timor Leste nian ba periodo 2017 – 2022 tamba hetan votos 57,08 %, baseia ba resultado provisorio eleisaun presidensial nian nebe STAE publika.

Ho prezentajen 57,08 nee hatudu katak Lu-Olo ultrapasa ona bareira eleitoral 50+ 1, hodi nunee garante ona Lu-Olo sai Presidente Republika Demokratika Timor Leste nian ba tinan lima oin mai.

Eleisaun presidensial nee nudar festa demokrasia, nebe povu hotu hotu iha dever no obrigasaun atu partisipa iha eleisaun presidensial maibe na realidade eleisaun presidensial ba tinan 2017 nee vontade povu nian partispa eleisau nee minimu tebes.

GOVERNU HO PN BUKA SOLUSAUN FRAKEZA ELEISAUN

Parlamentu Nasional (PN) ho Governu sei halo diskusaun hodi identifika frakeza sira ne’ebé mak akontese iha prosesu eleisaun prezidensial, foin lalais ne’e.

Prezidenti Republika (PR), Taur Matan Ruak, mos preokupa kona-ba lalaok eleisaun ne’ebé porvolta 32,8% eleitores la partisipa iha eleisaun ne’e.

Prezidenti Parlamentu Nasional, Adérito Hugo da Costa, hateten, iha tempu badak PN ho Governu sei halo diskusaun hodi buka solusaun.

“Ami haree tok oinsa  halo identifikasaun ba situsaun ida ne’e para depois buka solusaun,” hateten Aderito Hugo, ba Jornalista sira hafoin enkontru ho Prezidenti Republika iha Palasiu Prezidensial, Kinta (23/03/2017).

 Iha fatin hanesan, Primeiru Ministru Rui Maria de Araujo husu ba sidadaun hotu-hotu tenke lori kartaun eleitoral hodi halo aktulizasaun iha Servisu Tekniku Administrativu Elietoral (STAE) para nune’e to’o loron eleisaun bele iha desizaun bele fasilita vontade popular ba eleisoens.

LEI ELEITORAL ‘OBSTAKLU’ BA VONTADE POPULAR, PRESIZA HADIA IHA ELEISAUN JERAL

Fator rua mak sai obstaklu boot ba povu atu partisipa masimu iha eleisaun presidensial, foin lalais ne’e.

Fator rua determinante ne’e mak hanesan lei eleitoral ne’ebe Parlamentu Nacional (PN) aprova ba asegura eleisaun nian la fo espasu ba povu atu vota livre  iha kualker fatin votasaun no seluk fali mak kondisaun giografikamente ne’ebe obriga sidadaun tenke fila ba vota iha ida-idak nia suku ka nia knua.

Husi total votantes rejistadu 743.150, maibe provolta 69% deit mak ejerse nia direitu demokrasia no eleitor nain 238,420 (32,8%) la ba vota.

“Ema hot-hotu hakarak ba partisipa, maibe tenke ho kondisaun, se ema hot-hotu iha kareta no motor laiha buat ida, maibe estudante sira ne’ebe maioria mai husi foho oinsa sira atu partisipa, lei eleitoral tenke define lolos, eleisaun jerais lolos tenke uja siklu uniku, katak sidadaun livremente vota iha ne’ebe deit,” hateten Valentim Ximenes hodi resoponde JN-Diario iha Dili, Kuarta (22/3/2017).

Xineza Hamnasa Povu TL

DILI - Governu loke merkadu livre, Xina domina iha Timor Leste, halo povu TL tenke sae ba rai lolon no halerik, tanba Xina ho nia negosiu hanehan povu kiik sira.

Lia hirak nee hatoo husi Ekonomista Julberto da Costa Belo, ba STL, iha nia knar fatin Tasi Tolu, Dili, kinta (23/03/2017).

Ita hare povu agora dollar, sae hotu on aba rai lolos, iha sidade agora Xina dumina hodi halo sira nia negosiu, tanba nee hau hanoin hau hanoin lolos nee Xina mai atu fo serbisu ba Timor oan sira, laos sira mai atu kompete fali ho Timor oan, lolos nee parte governu tenke kontrola atu nunee labele fo pasu liu ba Xineza atu mai faan sasan rahun iha rai laran,” hateten Julberto.

UNETL Sosializa Programa Iha DIT

DILI – Uniaun Nasional Eskuteru Timor Leste (UNETL), halo sosializasaun programa no misaun ba estudante iha Dili Institute Of Technology (DIT).

Hafoin hasoru malu ho estudantes no reitoria DIT, liu husi intervista, Prezidente UNETL, Idelta Maria Rodrigues hatete, sira iha kolaborasaun diak ho DIT, maibe ida nee ba dala uluk, mai halo sosializasaun UNETL nia programa ho misaun ba universidade, nomos iha rezultadu pozetivu katak, loron 10 Maio Dies Natalis DIT sira sei lansa agrupamentu DIT.

Loron 10 fulan Maio Dies Natalis ba DIT ami sei lansa agrupamentu DIT nian iha dia 10 de Maio, hau hanoin ida nee mak objetivu prinsipal, tanba hatene katak, kaminerus joven barak mak iha nee, presiza tebes-tebes atu prepara sira, no presiza atu halo atividade oi-oin, nunee sira bele hatene liu mundu eskuteru iha nivel nasional nomos eskuturu iha nivel mundial nian,” dehan Idelta ba jornalista iha knua DIT Aimutin Dili, Kinta (23/03/2017).

Confederação Asiática de Futebol “chumba” passaportes de nove internacionais por Timor-Leste

A Confederação Asiática de Futebol (AFC) anunciou hoje que os passaportes de Timor-Leste de nove jogadores brasileiros foram considerados inválidos.

Segundo a AFC, os passaportes de Diogo Rangel, Felipe Bertoldo, Jairo Neto, Junior Aparecido Guimora de Souza, Patrick Fabiano, Paulo Martins, Paulo Helber, Ramon Saro e Rodrigo Silva foram considerados "nulos e sem efeito" pelo ministério da Justiça de Timor-Leste.

O organismo que tutela o futebol asiático acrescentou ainda que todos os filiados da AFC foram notificados desta informação, já que os jogadores brasileiros representam vários clubes do continente.

Todos os jogadores em causa representaram a seleção de Timor Leste em 2015 em jogos de qualificação asiática para o Mundial2018.

Lusa, em SAPO TL

Lu-Olo venceu presidenciais "bem organizadas e pacíficas" em Timor-Leste -- UE

A missão de observação eleitoral (EOM) da União Europeia enviada a Timor-Leste reconheceu hoje, com base em resultados preliminares, a vitória de Francisco Guterres Lu-Olo nas presidenciais de segunda-feira, que classificou como "bem organizadas e pacíficas". 

"A 20 de março, o povo de Timor-Leste acorreu em elevado número para votar nas eleições presidenciais; a 22 de março, o secretariado técnico da administração eleitoral anunciou como vencedor o senhor Francisco Guterres Lu-Olo, com base nos resultados preliminares; os resultados definitivos serão divulgados a 02 de abril", indicou hoje a UE em comunicado.

A EOM, chefiada pela eurodeputada Izaskun Bilbao Barandica, concluiu hoje que "as eleições foram bem organizadas e pacíficas, elogiando as autoridades eleitorais por um processo bem gerido e inclusivo", numa nota preliminar citada no comunicado da UE.

Konfederasaun Futebol Aziátiku "prende" passaporte internasional na'in sia hosi Timor-Leste

Konfederasaun Futebol  Aziátiku (AFC) iha horisehik anunsia katak passaporte Timor-Leste hosi jogadór brazileiru na’in sia konsideradu inválidu.

Tuir AFC, passaporte hosi  Diogo Rangel, Felipe Bertoldo, Jairo Neto, Junior Aparecido Guimora de Souza, Patrick Fabiano, Paulo Martins, Paulo Helber, Ramon Saro no Rodrigo Silva konsideradu "nulu no laiha efeitu" hosi  ministériu Justisa Timor-Leste.

Organizmu ne’ebé tutela futeból aziátiku hatutan tan katak filiadu hotu AFC nian hetan  notifikadu liuhosi  informasaun ne’e, tanba jogadór brazileiru hirak ne’e  reprezenta klube oioin kontinente ne’ebá nian.

Jogadór hirak ne’e hotu reprezenta selesaun Timor Leste iha  2015  iha  jogu kualifikasaun  aziátiku ba Mundial2018.

SAPO TL ho Lusa

Loron-loron ema millaun 20 hemu bee kontaminadu ho substánsia kankru nian

Ema millaun 20 ne'ebé kiak iha Bangladexe hemu nafatin bee kontaminadu ho arséniu, liutiha dékada rua hafoin hetan substánsia ne'e, afirma hosi organizasaun la'ós governu nian Human Rights Watch (HRW).

"Bangladexe la adopta etapa báziku no konkretu sira hodi hasai arséniu hosi bee ne'ebé konsidera hanesan bee-moos hosi ema kiak millaun resin iha zona rural sira", hatete hosi investigador organizasaun nian, Richard Pearshouse, ba ajénsia France Presse. "Situasaun hanesan aat tebes no hanesan ho tinan 15 liubá", nia lamenta.

HRW kalkula katak bee kontaminadu oho, tinan-tinan, sidadaun hamutuk 43.000 resin, iha nasaun ida ne'ebé iha populasaun hamutuk millaun 150 resin.

Kontaminasaun ne'e hahú iha tinan 1970, bainhira governu fura posu millaun resin hodi fó bee ba populasaun sira iha zona rural sira lahó konsiderasaun katak bee ne'e iha kontaminasaun hosi arséniu ho dalan natural.

Organizasaun Mundial Saúde (OMS) konsidera kontaminasaun ba bee iha Bangladexe hanesan "kazu hosi venenu ba populasaun sira".

Expozisaun krónika ba arséniu iha relasaun ho moras sira ne'ebé mosu hanesan kankru iha aten, mamiik ho kulit, nune'e mós sintoma sira iha fuan nian. Sidadaun millaun resin hosi nasaun ne'e iha asesu limitadu ba kuidadu sira saúde nian.

SAPO Lifestyle – Foto: Calcutta, Índia. Foto@ Piyal Adhikary /EPA

Sa’e ba na’in lima númeru ema mate - polísia

Pelumenus ema na’in lima mate iha atentadu horisehik  iha  parlamentu britániku nia oin no hakanek ema  40, haktuir xefe unidade antiterrorista polísia Londres, Mark Rowley.

Tuir  Mark Rowley, sivil na’in tolu mate, polísia ida nomós atakante ida, ne’ebé hetan tiru hosi  forsa seguransa.

SAPO TL ho Lusa

Austrália sei hametin liu tan seguransa besik ba parlamentu iha Camberra

Primeiru ministru australianu, Malcolm Turnbull, ohin hateten katak sei aumenta tan prezensa polisiál iha parlamentu Camberra hafoin atentadu iha Londres hamate ema na’in lima, inklui atakante nomós ema na’in sanulu maka kanek. 

“Austrália-oan sira bele hatene lolos katak ami-ninia ajénsia ohin loron iha – hanesan mos lorloron – serbisu hela de’it atu halo Austrália-oan sira sente seguru”, dehan Turnbull iha konferénsia imprensa.

“Ami hatene kona-ba vulnerabilidade hosi fatin konsentrasaun bobot no risku ne’ebé reprezenta atakante solitáriu nu’udar terorista iha Londres”, tenik primeiru ministru Austrália, hodi hato’o ninia solidariedade ba Reinu Unidu.