Suku 7 iha Liquiçá Selebra Loron Restaurasaun Independénsia iha Loidahar

LOIDAHAR, 20 maiu 2019 (TATOLI) - Komunidade hosi Postu Administrativu Liquiçá Vila, Munisípiu Liquiçá,  kompostu hosi suku 7 selebra loron Restaurasaun Independénsia Timor-Leste ba dala 17 iha sede Suku Loidahar, segunda ne’e.

Suku 7 refere mak hanesan Dato, Loidahar, Darulete, Lukulai, Assumano, Hatuquessi no Leotala.

Xefe Suku Loidahar hanesan uma-na’in ba tinan ida ne’e, Domingos dos Santos, sente orgullu ho selebarasaun ba tinan ida ne’e tanba bele realiza iha nia suku.

 “Hanesan xefe suku sente orgullu no onra boot ida tanba loron Restaurasaun Independénsia ba dala-17 bele realiza iha ami-nia suku. Ne’e primeiravez postu 7 iha Liquiçá nian selebra loron boot iha suku. Ne’e para komunidade mós bele hatene istória kona-ba loron nasionál no rona direta mensajen Xefe Estadu nian,” Domingos ba Agência TATOLI iha sede Suku Loidahar, ohin.

Nia husu katak ba oin selebrasaun nasionál sira tenke kontinua desentraliza iha suku sira liuhusi dalan rotasaun hosi suku ida ba suku seluk iha kada tinan.

Iha fatin hanesan, Xefe Suku Assumano, Bernardino Martins, subliña loron ne’e importante tebes, entaun povu presiza rona mensajen nasaun nian.

“Selebrasaun ne’e presiza kontinua hosi suku ida ba suku seluk, nune’e bele anima komunidade. Dala barak selebra de’it iha kapitál munisípiu, maibé Liquiçá nian hahú selebra iha suku,” dehan xefe suku ne’e.

Tuir observasaun, komunidade hosi suku 7 partisipa iha komemorasaun ne’e ho entusiazmu tebes. Entretantu, selebrasaun nível munisipál nian hala’o iha Suku Vatuboro, Postu Administrativu  Maubara, Munisípiu Liquiçá, ne’ebé inspetur serimómia dirije hosi Vise Ministru Saúde, Bonifâcio Maukoli. Maibé, nível Postu Administrativu Bazartete nian selebra iha Suku Fahilebo.

Jornalista: Evaristo Soares Martins | Editór: Xisto Freitas

Imajen: Imajen hasa’e bandeira nasionál nu’udar símbolu komemora loron Restaurasaun Independénsia RDTL. Foto espesiál

Presiza Iha Diálogu Entre Governante No Povu Solusiona Ki’ak

DILI, 20 maiu 2019 (TATOLI) – Kestaun ki’ak no mukit iha rai laran sai preokupasaun ba Prezidente Repúblika, Francisco Guterres Lú Olo, iha serimónia komemorasaun Restaurasaun Independénsia Timor-Leste ba dala 17 iha Palásiu Prezidente Nicolau Lobato, Bairru Pité, Dili, ohin.

Atu solusiona ki’ak no mukit ne’e, nia hateten, presiza iha diálogu ativa entre povu, governante no líder nasionál sira.

“Problema sira ne’e ezije diálogu. Liuhosi diálogu nakloke ho partisipasaun ativa sidadaun sira nian mak ita bele hetan konsensu no dalan ba solusaun adekuadu ba nasaun nia problema,” dehan Prezidente Lú Olo.

Nia haktuir, futuru rai ida ne’e nian komprometidu tanba labarik ho otas la to’o sanulu resin haat ho porsentu 46 (46%) moris iha liña pobreza nia okos tanba kauza hosi produsaun, produtividade no kualidade ai-han menus.

“Taxa dezempregu sei aas teb-tebes iha ita-nia rai. Ohin loron, joven maioria tenke buka empregu iha rai-li’ur,”  konsidera prezidente.

Tuir Xefe Estadu katak problema falta ai-han, empregu, bee-moos no eletrisidade ka laiha asesu ba servisu saúde no tratamentu médiku, bele sai fatór ne’ebé bele hamenus pás sosiál no estabilidade.

“Maluk barak no ha’u rasik ko’alia beibeik kona-bá diversifikasaun ekonómika. Ekonomia ida ne’ebé diversifikadu ba Timor-Leste. Signifika depende ba agrikultura, indústria kriativa, manufatura, komunikasaun no teknolojia no produsaun hosi empreza-sira ho eskalaun ki’ik, médiu, ne’ebé mak sei dudu kreximentu, haluan oportunidade empregu no promove rikeza,” nia esplika.

Diversifikasaun ida ne’e, Lú Olo tenik, sei rezolve problema-sira hanesan ki’ak no dezigualdade.

“Hahú kedas hosi kriasaun mundu ne’e, agrikultura sai instrumentu importante tebes iha dezenvolvimentu umanidade. Ezemplu, hosi nasaun barak hatudu ona oinsá agrikultura fó kontribuisaun ba kreximentu ekonomia. Agrikultura mós kontribui ba hamenus ki’ak no hamlaha iha nasaun barak, sai bee-matan ba dezenvolvimentu setór sira seluk no kontribui maka’as ba konservasaun biodiversidade iha fatin-fatin,” nia subliña.

Iha Timor-Leste, nia haklaken, liu porsentu 70 (70%) hosi populasaun mak hela iha área rurál no kuaze porsentu 60 (60%) moris hosi halo to’os, halai natar, kaer ka haki’ak ikan no fa’an ai-fuan, maibé produsaun ba han-hemu nian de’it no ladauk orienta ba esportasaun.

“Ha’u haliis liu ba polítika hasa’e investimentu iha área agrikultura tanba husi rai mak maioria povu hetan rendimentu ba família sira-nia moris loroloron,” afirma prezidente repúblika.

Lee mós notísia: http://www.tatoli.tl/2019/05/pr-ho-pas-mak-ita-bele-halao-dezenvolvimentu/?fbclid=IwAR0tnsxVgXeFYVm848kKBwn3id9oS0Bgdr4vUzhOaOmolj8bjH9wbI1jXwk

Jornalista: Julia Chatarina | Editór: Rafy Belo

Imajen: Presidenti da Republika Francisco Guterres Lu Olo pasarevista Formatura wainhira sai inpetur ba aniversariu loron restourasaun da Indpendensia 20 Maiu ba dala 17 iha Palacio Presidenti Bairopite, Dili 20 Maiu 2019,Imajen/Antonio Goncalves

Liberdade La’os De’it Hasa’e Bandeira

DILI: Presidente Repúblika Fransisco Guterres Lú Olo konsidera liberdade la’os de’it hasa’e bandeira no kanta Hinu Nasionál. Hetan liberdade lolos katak sidadadaun hotu-hotu bele moris ho dignu.

“Ha’u hakarak hatete katak Liberdade la’os deit hasae ita-nia Bandeira ka kanta ita-nia Hinu Nasional. Hetan liberdade loloos inklui mós katak sidadaun hotu-hotu iha ita-nia rai doben bele partisipa iha prosesu tomak demokrasia no dezenvolvimentu nian. Katak sidadaun hotu-hotu bele moris dignu, bele hetan asesu ba edukasaun ho kualidade no fasilidade ne’ebé adekuadu, bele iha asesu ba servisus saúde, gratuitu ka la selu, ho kualidade no efikáz, bele hadiak sira -nia ekonomia iha sistema ida ne’ebé sustentável, ekuitativu no justu,”dehan Xefe Estadu ne’e iha jantar hamutuk ho veteranu no mártir sira, iha Palásiu Nobre Lahane, 19 Maiu 2019.

Xefe Estadu ne’e hatete, bainhira sidadaun ida-idak bele moris ona ho kondisaun ne’ebé di’ak liu, mak bele sente katak Estadu no sidadaun hotu-hotu tané aas imi (veteranu no martír sira), nu’udar Kombatentes Libertasaun Nasional, no imi-nia familia tomak, ne’ebé la hasees-an husi dever serve Pátria no Povu tinan ba tinan.

Nia rekoñese katak ohin loron luta-nain barak sei moris hela iha kondisaun mukit tebetebes. Balu sei moris ho kilat musan iha sira-nia isin-lolon. Balu halerik tanba saúde ladi’ak no seidauk simu tratamentu. Balu seluk preokupa ho oan sira-nia edukasaun. balun fali uma laiha.

Kombatente-sobrevivente sira, ne’ebé halo funu durante tinan 24, iha Frente Armada, la’ós barak. Barak mak mate ona.

“Ha’u hatene katak Kombatentes barak moris ho trauma funu nian maibé Estadu Timor-Leste seidauk harii to’o ohinloron kondisaun ba sira-nia tratamentu”.

Tanba ne’e, nia husu entidade relevante sira atu identifika no tetu lalais kombatente idak-idak ninia situasaun ohinloron, iha aspetu hothotu.

Jose Sarito Amaral | Independente

Timor-Leste enfrenta desafios, incluindo pobreza, que são risco para estabilidade - PR

Díli, 20 mai 2019 (Lusa) - Timor-Leste continua a enfrentar grandes desafios que podem pôr em risco a estabilidade do país, com muitos timorenses, incluindo quase metade das crianças, a viver ainda em situação de pobreza e miséria, disse hoje o Presidente timorense.

"O futuro deste país está comprometido quando 46% das nossas crianças com menos de 14 anos vivem abaixo da linha de pobreza", afirmou Francisco Guterres Lu-Olo nas comemorações oficiais do 17º aniversário da restauração da independência.

"A produção, a produtividade e a qualidade alimentar têm vindo a degradar-se A taxa de desemprego continua elevada no nosso país e a maioria dos nossos jovens procura emprego no estrangeiro", disse.

Lu-Olo falava nas comemorações oficiais do 17º aniversário da restauração da independência de Timor-Leste, que decorreram hoje no Palácio Presidencial em Díli e onde estiveram as principais dignidades do Estado.

Num discurso com vários alertas sobre a futura estabilidade nacional, Lu-Olo referiu-se ao problema da escassez de bens alimentares, de oportunidades de emprego, de água e eletricidade, ou a falta de acesso a serviços de saúde e tratamento médico, que "podem ser fatores de risco para a paz social e a estabilidade".

Ultrapassar estes desafios, disse, requer "diálogo aberto, com a participação ativa dos cidadãos", procurando "estabelecer consensos e identificar soluções adequadas para os problemas da nação".

Lu-Olo retomou o tema da diversificação económica, especialmente apostando num crescente apoio ao setor agrícola, o maior empregador em Timor-Leste, onde "cerca de 60% da população" depende do setor.

"Além do seu papel na redução da pobreza e da fome em muitos países, a agricultura é a base para o desenvolvimento de outros setores e contribui significativamente para a conservação da biodiversidade", disse.

O chefe de Estado referiu-se especialmente ao café, de cuja produção dependem mais de 38 mil famílias, representando um rendimento anual do setor a ultrapassar os 22 milhões de dólares, com uma produtividade baixa que pode ser aumentada.

"Quero deixar um apelo ao Governo, para que reforce os esforços no sentido de incentivar os pequenos produtores nacionais a aumentarem a produtividade de modo a poderemos reduzir as importações de bens alimentares", disse.

"Não esqueçamos que, ao importarmos, estamos a retirar dinheiro do Tasi Mane para 'afogá-lo' no Tasi Feto", disse, referindo-se respetivamente ao mar do sul, de onde são provenientes as receitas petrolíferas e ao mar do norte, por onde chegam as importações.

Lu-Olo apelou ainda a que o Governo se esforce para investir o Fundo Petrolífero do país de forma mais sustentável, acelerando as "reformas que podem otimizar e impulsionar a competitividade e estimular o potencial de crescimento e a capacidade de resposta da economia perante um choque".

Em particular, disse, o executivo deve trabalhar para criar um "ambiente geral de negócios que facilite o investimento e as atividades comerciais no nosso país", com reformass que incidam também no mercado de trabalho e na tributação.

Nas comemorações de hoje o Presidente condecorou dez veteranos da luta contra a ocupação indonésia com o Colar da Ordem de Timor-Leste e 15 com a Medalha da Ordem de Timor-Leste, dos quais 15 a título póstumo.

"Estes veteranos deixaram tudo para trás. Deixaram as suas casas, o seu bem-estar, as suas famílias, para cumprirem um sonho coletivo", afirmou.

Sob o tema "Reforçar a Unidade e Garantir a Estabilidade para o Desenvolvimento Nacional", as comemorações deste ano servem, disse o chefe de Estado, para assinalar a importância da unidade, da paz e da estabilidade para o desenvolvimento nacional.

"Sabemos que é necessário reforçar a unidade para garantirmos a estabilidade e, assim, continuarmos a desenvolver o nosso país. No entanto, esta unidade tem de estar assente em regras, princípios e valores. Uma unidade reforçada pelo princípio da inclusão, em que ninguém é excluído", afirmou.

O chefe de Estado recordou o "legado de valores e princípios que os pais desta Nação deixaram" e que hoje importa defender "como herança para as gerações futuras".

E relembrou o "pequeno grupo de nacionalistas informalmente liderado pelo saudoso Presidente Nicolau Lobato, antes da queda do regime de Salazar a 25 de abril de 1974 em Portugal" que começou a fomentar a "consciência nacional" que levou à independência do país, restaurada há 17 anos.

Um processo que começou por reconhecer o "património cultural que une" os timorenses e a sua "identidade própria, sabedoria e força", num quadro de luta contra o colonialismo e que hoje permite consolidar a pátria.

ASP // FST

Macau tem orgulho em ser a plataforma para o investimento chinês nos países lusófonos - Banco da China

Macau, China, 20 mai 2019 (Lusa) - A diretora-geral do Departamento de Instituições Financeiras do Banco da China em Macau disse hoje à Lusa que Macau "tem orgulho em ser a plataforma" de investimento chinês em Portugal e nos mercados lusófonos.

"Temos muitos recursos para apoiar o investimento nos países de língua portuguesa, e o Governo de Macau quer muito ajudar as empresas locais e chinesas porque pensam que é nossa responsabilidade, nós temos orgulho em ser a plataforma de investimento direcionado para Portugal", disse Wendy Sun Min.

Em entrevista à Lusa na filial do Banco da China em Macau, a responsável pelo relacionamento do banco com as instituições financeiras internacionais vincou que as empresas chinesas e portuguesas têm "muitas vantagens" um usar Macau como plataforma de investimento e exemplificou com a China Construction, uma das maiores empresas chinesas no setor da construção civil e obras públicas.

"Macau tem muitas vantagens, por exemplo a China Construction expandiu a sua atividade para Portugal e o diretor-geral em Portugal dantes trabalhava em Macau", exemplificou.

Wendy Sun Min indicu que "uma das coisas boas de Macau é que, como há muitas pessoas que falam chinês e português, se as empresas quiserem investir em países de língua portuguesa, vão precisar de alguém que fale a sua língua e também português, e é mais fácil encontrar estes profissionais em Macau por causa das relações históricas, tornando Macau numa plataforma para as empresas chinesas investirem nos países lusófonos".

Após mais de 400 anos sob administração portuguesa, Macau passou a ser uma Região Administrativa Especial da China a 20 de dezembro de 1999, com um elevado grau de autonomia acordado durante um período de 50 anos.

MBA/MIM // EJ

Oinsa Implikasaun FM ba Regime Kontratu Kampu Minarai Bayu Undan no Greater Sunrise

Husi: Teodoro M. Mota | opiniaun

Regime kontratu iha kampu minarai Bayu Undan (BU) no Greater Sunrise (GS) kontinua deit nia regime uluk iha tempu Indonesia no Australia, wainhira 2002 Timor Leste (TL) restaura independensia. TL mak nain ba rekursu substitui Indonesia. Nunee kontratu sira uluk konverte husi Timor Gap mai iha JPDA (joint petroleum development area), depois de tratadu tasi timor 2002 asina. Kampu BU hahu deskoberta iha tinan 1995 ho rezervatoriu gas no kondensadu. Estimasaun 550 MMbbls milioens barrels hidrokarbunetu liquidu no gas 4 tcf (trillion cubic feet). Kampu BU lokalija iha tasi timor area de dezenvolvimentu petrolifero konjunta ou joint petroleum development area/JPDA.

Kampu BU hahu produs liquidu iha 2004 no gas hahu produs 2006. Tuir informasaun husi ConocoPhillips nudar kompanya operador iha BU katak estimasaun kampu BU nia life time to'o tinan 2022 sei la ekonomis (kustu operasaun boot liu kustu rekoperasaun). Kampu BU kontribui ona receitas ba kofre estadu purvolta $ 30 billioens dollares amerikanu. Husi receitas $ 30 bilioens, $ 15 bilioens mak uja ona ba despeza publiku depois de independensia 2002 ate to'o agora no futuru. Nunee fundu petroleum (FP) agora dadaun rai iha banku federal US purvolta $ 16,98 billioens dollar amerikanu. Receitas husi kampu BU 99,9% mak finansia OJE kada anum ba seitor dezenvolvimentu hotu-hotu iha TL.

Enkuantu produsaun gas husi kampu BU prosesa iha darwin LNG ou norte Australia. Tuir akordu tratadu anterior, Australia benefisiariu husi dezenvolvimentu kampu BU. Australia unilateralmente reklama kontrolu ba kadoras BU tomak inkluindu impostu. Australia mos unilateralmente apoia ka faan gas helium. Gas ida nebee importante tebes ba iha area defeja ninian no prosesa iha darwin LNG. Maibe faan gas helium la hetan konhesementu ou nunka atu fahe ho receitas ba TL. Nunee mos Australia benefisia husi lei karantina. Signifika equipamentus nebee tama no fornese ba kampu BU nee tenke liu husi ou sujeita ba Australia, inklui 90% fornese bems de servisu ba operasaun BU mai deit husi Australia.

Regime kontratu kampu BU tuir kontratu nebee iha agora dadaun. Rendimentu fahe ba parte rua:

1. Royalty katak depois faan mina no gas, osan fahe kedan molok deduksaun ba kustus. Nemak hanaran royalty ou first tranche petroleum (FTP). Royalty 10%, husi 10% sei fahe tutan ba governu TL no Australia ho percentajem 90%:10%. 90% mai TL no 10% ba Australia tuir akordu tasi timor.

2. Lukru. Lukru iha BU mai husi produtu rua mak liquidu no gas. Liquidu fahe 50%:50%, katak 50% ba governu no 50% seluk ba kontraktor. Governu 50% sei fahe tutan ba governu TL no Australia ho percentajem 90%:10%. Enkuantu lukru husi faan Gas fahe 60%:40%. Tuir tratadu tasi timor 40% ba governu TL no Australia. Husi 40% fahe tutan 90% ba TL no 10% ba Australia. Enkuantu 60% ba kontraktores sira. Receitas husi kampu BU mai husi lukru, royalty, no impostu.

Rejime kontratu kampu GS depois de fronteira maritima (FM) asina iha 06 marsu 2018. Saida mak greater sunrise (GS)?. GS mak kampu minarai nebee lokalija iha tasi Timor no klaim husi governu TL ho Australia. GS identifika iha tinan 1974. Kampu GS kompostu husi kampu gas rua mak; Sunrise no Troubadour ho potensia rezervatoriu gas purvolta 7.7 tcf (trillion cubic feet), no mina purvolta 300 millioens barrels kondensadu. Hare ba dadus hatudu rezerva gas iha kampu GS boot liu gas kampu BU. Komersialidade kampu GS depende ba rezerva mina no gas, presu, no demanda gas iha merkadu. Investimentu kustu ba projeitu; explorasaun, perfurasaun, produsaun, fatin prosesamentu produtu ate to'o marketing (kustu downstream no upstream) purvolta $ 10.5 to'o $ 12 billioens dollars.Tuir informasaun husi Timor Gas ep., Eng. Francisco Monteiro, potensia mina TL emjeral inklui kampu greater sunrise ho potensia mina equivalente 6,3 billioens barel petroleum nebee bele produs to’o 50 anos ho valor osan $ 378 billioens dollars. Potensia nee bele reprezenta fundu explorasaun nebee sei konsume $ 223 billioens dollars ba nesesidades sira hanesan kestaun teknika, dezenvolvimentu, manutensaun, operasaun no benefisiu fiskal no rendimentu publiku liu $ 47 billioens dollars (Fontes informasaun; Timor Gap ep., Eng. Francisco Monteiro deklarasaun iha noticias sapo.tl, edisaun 18 abril 2019, horas 19:12).

Efektividade fronteira maritima (FM) wainhira ratifika ona husi parlamentu Australia no TL signifika kampu minarai Kitan, BU 100% tama iha area TL. Implikasaun FM hamosu regime espesial foun iha kampu GS, maibe fo vantajem boot ba TL. Iha kontratu laran karik pipeline gas mai TL sei fahe rendimentu 70% mai TL no 30% ba Australia. Redimentu husi royalty 10% (5% ba governu no 5% ba kontraktores). Husi 5% ba governu sei fahe tutan ba governu TL no Australia ho percentajem 70%:30% signifika 70% mai governu TL no 30% ba governu Australia tuir akordu regime spesial foun iha kampu GS. Enkuantu 5% seluk ba kontraktores.

Rendimentu seluk ba TL sei mai husi investimentu kustu kapital. Kustu kapital mak tuir kontratu refere hare liu ba kustu peskijas hotu nebee hahu husi explorasaun geolojia, seismiku, ou buka minarai no gas husi inisiu to'o hetan petroleum ou deskobre mina no gas. Kustu kapital tuir maneira kontratu nebee iha kuandu wainhira kompanya investa osan ona hodi buka mina no gas, estadu tenke selu 100% hafoin aumenta tan 127% hanesan kreditu investimentu (investment credit ou IC). Nee maneira kontratu uja hodi atrai ekonomikamente ba kontraktores sira hodi investa iha ita nia rai. Ho partisipasaun 56.56% TL nia iha dezenvolvimentu kampu GS. Signifika TL mos sei benefisia husi instrumentu IC 100 + 127%.

Regime kontratu iha kampu GS depois de FM. Rendimentu upstream, pipeline gas mai TL. Rejultadu sei fahe 70% ba TL no 30% ba Australia. Downstream exceptu karik international oil company (IOC) ruma hakarak investa entaun konserteja 100% mai TL. Fahe lukru iha kampu GS tuir kontratu sei fahe 50% ba governu (husi 50% nee sei fahe 70% ba TL no 30% ba Australia) no 50% seluk ba kontraktores. Kontratu fahe rezultadu sei aplika mos ba produsaun produtu liquidu no gas iha kampu GS. Nemak realidade no lalaok regime kontratu iha kampu GS depois de FM asina. Ho partisipasaun TL iha kampu GS sei hetan benefisiu dobru liu tan ba receitas TL. Rendimentu ba TL iha GS sei mai husi royalty, lukru, impostu, no reimbolsa ba kustu kapital.

Implikasaun FM depois asina iha dia 06 marsu 2018 fo benefisiu boot ba TL, tamba kampu minarai bayu undan, kampu minarai kitan, kampu bufalo, no kampu laminaria carolina 100% tama hotu mai iha area TL no timor mak nain ba rekursu, nunee receitas husi kampu hirak nee 100% tama hotu ba kofre estadu.

Molok asina FM kampu bufalo ho laminaria pertense ba Australia. Depois de realijasaun FM tuir kontratu sei posibilija empregador ou fornesementu bems de servisu iha kampu BU, GS, bufalo, laminaria carolina sei mai husi timor oan, tantu konaba lei karantina, supply equipamentus, apoiu lojestiku bele mai husi TL. Signifika ho realijasaun FM, kontratu anterior balu sei autentikamente la fungsiona, no sei konverta kontratu hirak nee tuir akordu foun nebee governu TL ho Australia konkorda ona, nunee mos nafatin garantia kondisoens equivalente para la bele prejudika kompanya operador no joint venture. Ikus mai TL mak maioria sei benefisia entermu de fahe rezultadu ou rendimentu, royalty, impostu, reimbolsa kustu kapital 100 + 127%, fornesementu bems de servisu 90% sei mai husi TL ou sujeita liu husi TL, fornesementu equipamentus no apoiu lojistika, karantina sei liu husi TL, nunee ikus mai sei estimula ita nia ekonomia no garantia sirkulasaun osan iha rai laran, kria kampu servisu, transfer skills no teknolojia ba jovem no foin sae, hamosu enterpreneurship, hamosu kompetividade, hamoris seitor edukasaun, saude, agrikultura, peskas, turismu, hotelaria no ect ikus mai sei fo independente ekonomia ba TL wainhira pipeline gas mai TL. God bless TL.

Referensia

[1] http://noticias.sapo.tl/portugues/info/artigo/1531899.html

[2] Internet web:http://web.anpm.tl/

[3] TVTL, GMNTV no Radio (8 Dezembru 2018): “Semináriu nasional kona-ba asuntus relasionadus ho fronteiras marítimas no nia impaktu ba atividades petrolíferas”, Sentru Konvensaun Dili (CCD).

[4] TVTL, GMNTV no Radio (8 Janeiru 2019): “Aprezentasaun husi Chefi negosiador, ANPM, Timor Gap ep., kona-ba asuntus relasionadus ho fronteiras marítimas no sosa asoens conocophillips no shell energy”, Parlamentu Nasional (PN).

[5] Internet web:https://www.facebook.com/TimorSeaBoundary/

[6] Atlantic LNG (2007). Web: http://www.atlanticlng.com/

[7] Internet web:https://www.timorgap.com/databases/website.nsf/vwall/home

[8] internet web; http://gmntv.tl/en/economia/2019/05/explorasaun-kampu-gs-sei-fo-servisu-ba-timor-oan-10-000/?fbclid=IwAR0gzQUKbZh6zxMHkabdjdZiQSVp5SFc2SKkhTn8HsxbtPrtYSnfKhQZX2g

[9] internet web; http://www.tatoli.tl/2019/05/31-marsu-2019-fundu-pertoleu-sae-ba-biliaun-us1698/

Promesa Polítika “Hasai Povu Hosi Mukit” Tenki Sai Realidade

LOSPALOS, 18 maiu 2019 (TATOLI) - Populasaun hosi Suku Loré I no Suku Loré II, Postu Administrativu Lospalos, Munisípiu Lautém, husu ba líder polítiku sira atu ba iha prátika promesa polítika “hasai povu sai hosi mukit” hodi hetan moris di’ak ho dignu.

Suku Loré II ho aldeia tolu, Ililapa, Hatukupa no Nuhalapa ho totál familia uma kain 1.357 durante tinan 20 liu ona sente moris izoladu tebes hosi dezenvolvimentu infraestrutura hanesan povu sei moris iha mukit, estrada aat, susar asesu  edukasaun, saúde no la asesu ba informasaun hosi mídia kona-ba prosesu dezenvolvimentu  iha Timor-Leste.

“Ami povu presiza liu mak promesa nai polítiku iha governu atu lori povu ba moris di’ak, asesu ba dezenvolvimentu no moris di’ak tenki sai realidade.  Labele mai ko’alia de’it, maibé realidade laiha,” dehan Administrador Postu Administrativu Lospalos, Tadeu da Costa, bainhira hala’o enkontru ho Sekretáriu Estadu Komunikasaun Sosiál (SEKOMS), Merício Juvinal “Akara” iha sede Suku Loré II, sábadu (18/05).

Nia dehan, povu hotu nia hanoin sei fresku hodi lembra promesa líder polítiku liuhusi sosializasaun Planu Estratéjiku Dezenvolvimentu Nasionál (PEDN) 2011-2030 iha tinan 2009 katak liberta povu moris hosi nakukun hodi dada eletrisidade tama suku realiza ona, maibé iha Loré povu sei kontinua preokupa mak estrada aat difikulta povu no transporte públiku atu lori produtu ba fa’an iha merkadu.

Problema seluk tan, Tadeu haktuir, mak povu susar atu asesu informasaun liuhusi kanál mídia imprime no televizaun, tanba atu haree no akompaña notísia Televizaun Timor-Leste (TVTL) só populasaun ne’ebé iha parabola mak bele asesu.

“Ami husu no hakarak liu maka povu tenki asesu ba informasaun hosi televizaun hodi povu bele akompaña informasaun no mídia sira mós bele mai rekolla povu nia preokupasaun hato’o ba Estadu,” nia hatete.

Iha fatin hanesan, Xefe Suku Loré II, Armando de Jesus hato’o agradese tanba durante Timor-Leste ukun aan, foin primeiravez mak Sekretáriu Estadu Komunikasaun Sosiál, Maricio Akara vizita ba sira nia suku hodi halo enkontru sosializa programa VIII Governu ba povu no nia povu nia preokupasaun.

“Durante ita ukun aan, foin primeiravez membru governu ida mai vizita ami nia suku no ko’alia ho ami kona-ba programa governu no rona mós povu nia problema sira hodi hato’o ba líder sira,” nia dehan.

Armando husu atu governu rezolve uluk mak problema estrada aat, nune’e povu no estudante sira ba eskola bele la’o lori tempu besik ho transporte no problema seluk ne’ebé povu hasoru mak sei hela iha kondisaun uma ne’ebé la dignu, tanba laiha kbiit atu halo uma ho kalén.

“Ami nia povu balun sei moris terus no ki’ak liu laiha kbiit atu halo sira nia uma, no balun to’o agora sei hela iha uma duut. Dalaruma povu sira hirus ami tanba suku ne’e izoladu tebes hosi dezenvolvimentu,” nia preokupupa.

Responde ba preokupasaun ne’e, Sekretáriu Estadu Komunikasaun Sosiál (SEKOMS), Merício Juvinal “Akara”, tenik agora dadaun VIII Governu hahú hadi’a neneik ona estrada no ponte hosi Dili, Baucau, Lospalos no sei to’o mós ba suku sira iha Timor laran tomak inklui Suku Loré I no Loré II.

“Problema estrada aat ne’e, ita nia Ministériu Obra Públika (MOP) kria hotu ona planu dezenvolvimentu atu hadi’a estrada hotu inklui estrada Loré ne’ebé ami liu haree aat hotu ona sei hadi’a,” Akara haklaken.

Nia promote katak iha tempu ruma sei lori Ministériu Obra Públika (MOP) atu haree estrada aat iha Lautém tomak hodi bele hato’o ba governu tau iha polítika para bele hadi’a.

Aleinde estrada, nia hatutan, governu sei kontinua hadi’a programa bee-moos ba povu, fasilidade, kualidade edukasaun no infraestrura, saúde no seluk-tan.

Iha enkontru ho povu, Akara introdúz mós “Programa Naroman Ba Suku” mai ho ninia misaun koopera ho mídia desentraliza informasaun, katak tenke lori informasaun to’o aldeia no suku hotu atu povu asesu no akompaña dinámika polítika, ekonomia no dezenvolvimentu TL.

Vizita Sekretáriu Estadu ho nia espoza no ekipa ba suku simu hosi populasaun no lia na’in sira ho dansa tradisionál tuir kultura Lautém hodi hamulak husu matak no malirin ba timoroan tomak atu moris iha dame.

Jornalista: Eugénio Pereira | Editór: Xisto Freitas

Imajen: 1) Administradór Postu Administrativu Lospalos, Tadeu da Costa, hato’o nia deskursu iha sede Suku Loré II, sábadu (18/05). Imajen Tatoli/Eugénio Pereira; 2) Sekretáriu Estadu Komunikasaun Sosiál (SEKOMS), Merício Juvinal “Akara”, hala’o enkontru ho populasaun iha sede Suku Loré II, Postu Administrativu Lospalos, Luatém, sábadu (18/05). Imajen Tatoli/Eugénio Pereira

Sidadaun 25 Sei Simu Kondekorasaun Hosi Prezidente Repúblika

DILI, 18 maiu 2019 (TATOLI) – Sidadaun nasionál 25 sei simu kondekorasaun hosi Prezidente Repúblika (PR), Francisco Guterres Lú Olo, iha ámbitu selebrasaun tinan 17 loron restaurasaun independénsia.

Xefe Estadu sei atribui orden Timor-Leste nu’udar forma rekoñesimentu no valorizasaun husi Estadu ba sira-nia kontribuisaun iha funu durante okupasaun Indonézia, eskluzivamente halo funu iha Frente Armada durante tinan-24.

Tuir nota komunikadu ne’ebé TATOLI, I.P simu hosi mídia PR ohin haktuir, kondekorasaun ne’e bazeia ba dekretu Prezidente Repúblika númeru 18/2019, hodi rekoñese no valoriza  sidadaun nasionál ne’ebé dedika án no sara án tomak liberta pátria husi okupasaun estranjeira.

Sidadaun sira ne’ebé hetan kondekorasaun  “Kolar Orden Timor-Leste” mak kolaboradór Xefe Estadu Maiór José Agostinho Sequeira ‘Somotxo Matar Mimiraka’,  Primeiru Komandante Rejiaun no Sekretáriu Rejiaun II Américo Ximenes ‘Sabika Besi Kulit’.

Prezidente Repúblika fó kondekorasaun “Kolar Orden Timor-Leste”, a títulu póstume ba Xefe Estadu Maiór Reinaldo Freitas Belo ‘Kilik Wai Gae’, Kolaboradór Xefe Estadu Maiór Afonso Henrique Monteiro ‘Kaluwai’.

Komandante Rejiaun Haksolok Venancio ramos Amaral Ferraz,  Primeiru Komandante Rejiaun IV Virgilio dos Anjos ‘Ular Rihik’,  Adjuntu Polítiku Militár Rejiaun III Felisberto Maria dos Santos ‘Solep Solep’, Adjunta Políku tiku Militár Rejiaun III Etelvina Fernandes Belo ‘Bi-doli-mau’, Komisáriu Polítiku José Maria do Rosário Albano da Costa, Adjuntu Polítiku Militár Rejiaun III Diogo Bonaparte Soares ‘Lorsan’.

Sidadaun ne’ebé hetan kondekorasaun “Medalla Orden Timor-Leste” ba Segundu Komandante Manuel Freitas ‘Lenicai’, Komandante Pelotaun Fernando Bere-Du’u Gusmão,  Komandante Orlando Jerónimo da Costa ‘Serasa’, Komandante Seksaun João Cabral ‘Mau Wairia’, Soldadu António da Costa ‘Derak’,  Soldadu Lourenço da Silva Freitas ‘Parli’, Soldadu Armando Viegas ‘Atchatei’.

Xefe Estadu mós sei kondekora “Medalla Orden Timor-Leste”, a títulu póstume ba Primeiru Komandante Sextu Kompañia Rejiaun Haksolok Januário Xavier ‘Lekas’,  Primeiru Komandante Kintu Kompañia Rejiaun Nakroman Filomeno da Silva ‘Mer Sabala’,  Primeiru Komandante Destakamentu Norte/Rejiaun Haksolok Henrique de Oliveira ‘Sama Lae’, Komandante Kompañia Roberto das Neves ‘Txaibada’, Asistente Polítiku Militár Rejiaun Haksolok Regina Xavier ‘Mahon’, Komandante Seksaun Cesário Ximenes ‘Liter’, Soldadu Domingos Pinto ‘Funu Kiak’ no Soldadu Agostinho Sarmento ‘Mautino’.

Orden Timor estabelese ho dekretu lei númeru 20/2009 atu rekoñese sidadaun estranjeiru no nasionál ne’ebé fó sira-nia kontribuisaun ba Timor-Leste liuhusi asaun ne’ebé lori mudansa ba Timor-Leste no umanidade.

Edisaun: Rita Almeida

Imajen: Prezidente Repúblika, Francisco Guterres Lú Olo, bainhira kondekora funu na’in FALINTIL iha loron proklamasaun independénsia. Imajen dokumentasaun mídia PR

PR Fó Indultu Parsiál Ba Prizioneiru 15, La Inklui Eis Governante

DILI, 19 maiu 2019 (TATOLI) - Prezidente Repúblika (PR), Francisco Guterres Lú Olo, ezerse ninia kompeténsia konstitusionál fó indultu parsiál hodi hamenus pena prizaun tinan ida ba prizoneiru na’in-15 iha loron Restaurasaun Independénsia ba dala 17.

Desizaun indultu ne’e bazeia ba Dekretu Prezidente Repúblika númeru 19/2019 no 20/2019 no Xefe Estadu mós uza nia kompeténsia eskluziva, hafoin rona Governu, fó indultu parsial ba prizioneiru sira hanesan Miguel Barreto, Pedro Ferreira Miranda, Abílio de Jesus, Aleixo de Jesus, Cornélio Rodrigues, Aniceto do Nascimento, Martinho Afonso, Augusto Coli Asi, João Lopes, Leandro de Fátima, Carlos Perreira, Olívio Maia, Almério de Araújo, Adelino de Jesus dos Santos no Maximiano Fraga.

Tuir artigu 85, alinea 1 husi Konstituisaun Repúblika hateten katak Prezidente Repúblika de’it mak bele fó indultu ka hamenus kastigu, hafoin rona Governu.  Parlamentu Nasionál mak iha poder atu halo lei kona-ba direitu, liberdade no garantia ba sidadaun ida-idak.

Definisaun saida mak indultu no hamenus kastigu haktuir iha Kódigu Penál ne’ebé aprova ho Dekretu-Lei númeru 19/2009 no Lei númeru 15/2016 mak regula kondisaun no prosedimentu atu fó indultu ka hamenus kastigu. Prezidente Repúblika halo nia kompeténsia tuir de’it lei haruka.

Iha Prezidente Repúblika ninian mensajen kona-ba fó indultu ka perdaun ba sidadaun kondenadu sira hateten: “Lei dehan katak bainhira iha razaun umanitária, ne’ebé afeta kondenadu ka iha relasaun ho kondenadu, hafoin autoridade sira komprova ona, Prezidente Repúblika bele karik fó perdaun ka hamenus kastigu ida-idak. Prezidente Repúblika bele mós fó indultu ka hamenus kastigu ba kazu balu, ne’ebé lei fó dalan, hafoin hatene loloos katak sidadaun kondenadu sira kumpri tiha ona, pelu menus, tempu kastigu tersu ida, iha komportamentu di’ak enkuantu dadur hela no bele integra fali iha sosiedade, sei la sai ameasa ba sosiedade no sosiedade sei simu ho di’ak.”

Iha ninian mensajen ne’ebé Agência Tatoli asesu iha domingu ne’e (19/5/2019), Prezidente Repúblika hateten katak bainhira iha razaun umanitária ne’ebé komprova ona, Xefe Estadu bele fó perdaun ka hamenus kastigu tuir ninia konxiénsia rasik kona-ba saida mak justu ba kazu ida-idak. Maibé,  bainhira  laiha razaun umanitária ida, tuir Lei númeru 5/2016, la fó dalan ba Prezidente Repúblika atu fó indultu ka hamenus kastigu ba krimi sériu no perigozu ba ita-nia sosiedade.

Xefe Estadu esplika, krime sira ne’ebé Lei bandu atu  fó indultu ka hamenus kastigu mak terorizmu, organizasaun terrorista ka asosiasaun kriminoza, oho ema ka hakanek ema ka afeta liberdade ema nian, no sentensa tama prizaun to’o ka liu tinan ualu, tráfiku grave ba droga, ba ema no armamentu, korrupsaun, pekulatu, brankeamentu kapitál, hariku án ilejítimu, krime violentu, koasaun hasoru orgaun konstitusionál, halo serbisu ka kolabora ho forsa armada inimiga, sabotajen defeza nasionál, viola segredu Estadu no traisaun diplomátika. Maibé, bainhira iha razaun umanitária, bele fó indultu.

Edisaun: Xisto Freitas

Imajen: Prezidente Repúblika, Francisco Guterres Lú Olo. Imajen Mídia PR

Lee mós:

Prezidente Repúblika Sei Hamenus Kastigu Tinan Ida Ba Dadur Sira

DILI, 18 maiu 2019 (TATOLI) – Xefe Estadu, Francisco Guterres Lú Olo, sei halo desizaun liuhosi dekretu Prezidente Repúblika hodi hamenus tempu kastigu tinan ida ba dadur sira ne’ebé governu submete liuhosi Ministériu Justisa, hodi hetan perdaun iha ámbitu komemorasaun loron restaurasaun independensia ba dala-17. Atu hatene kle’an razaun ne’e, tuir mai TATOLI, I.P hatun … Continue reading