GMN TV | Jornal Nacional

GMN TV | 27:54

Vendedór Fa’an Sasán La Konfortavel

DILI, (TATOLI) - Deputadu Josefa Alvares Pereira sente ‘Triste’ tanba vendedór sira la sente konfortavel bainhira fila liman iha merkadu, indikadór ida mak autoridade munisípiu halo Atuasaun ida demaziadú liu.

“Tuir dekretu lei nú 33 /2008, Administradór Distritu ho ninia funsionáriu sira iha kompeténsia halo Atuasaun hygiene no orden públiku, maibé Atuasaun husi autoridade ne’e demaziadú,” Josefa Alvares Pereira lamenta kestaun ne’e iha Plenária, Segunda (02/10).

Ho atitude Demaziadú Deputada bankada FRETILIN ne’e husu ba governu atu tau atensaun ba fasilidade merkadu hodi fasilita vendedór sira fa’an sasán ho konfortavel.

“Tenke iha medida adekuadu ho merkadu ne’ebé di’ak uitoan, fasilidade di’ak, atu nune’e sira mós bele sente konfortavel fa’an sira nia modo tanba sira tenke dezenraska buka osan,” Josefa realsá.

Governu Adia Reuniaun Konsellu Ministru

DILI, (TATOLI) – Ministru Prezidensia Konsellu Ministru, Adriano do Nascimento informa, tanba serimonia tomada pose membru governu ba faze daruak iha Palásiu Prezidensia Bairo Pite ne’ebe sei akontese tersa, (3/10) aban, nune’e reuniaun Konsellu Ministru adia ba loron kuarta, (4/10).

“Kuarta membru governu hothotu sei tuir hodi diskute konaba programa setimu governu”, dehan nia iha Palásiu Governu, ohin.

Tanba tuir planu governu sei submete programa ba Parlamentu Nasionál hodi diskute no aprova iha tempu besik.

Jornalista: Agapito dos Santos | Editora: Rita Almeida

Foto: Ministru Prezidensia Konsellu Ministru, Adriano do Nascimento.

CNRT Deskonese, Agio Tama Governu, Estabilidade Governativa

DILI — Partidu Congresu Nacional Rekonstrusaun Timor Leste (CNRT), liu husi Conselho Politika Nacional (CPN) deskonese nia kuadru neebe tama iha setimu governu konstituisional.

Partidu CNRT mos deskonese  Eis Ministru Estadu Prezidensia Konsellu Ministru, Hermenegildo Augusto Cabral Pereira, sei kaer pasta hanesan Adjuntu Primeiru Ministru, no Prezidensia Konsellu Ministru iha setimu governu, tanba seidauk simu karta ofisial husi mais votadu Fretilin.

Tuir Segundu Vise Prezidente Partidu CNRT, Virgilio Smith, partidu simu orentasaun atu deklara ba publiku konaba kuadrus partidu nian neebe envolve   iha governu.

“Ami atu hato ba kuadrus, militantes CNRT nian iha baze katak bazea ba kompromisiu partidu nian neebe hatoo ona iha eleitoral dehan ona katak partidu CNRT lama maioria apsoluta iha eleisaun jeral, partidu sai deit opozisaun iha parlamentu nasional. Nunee moos bazea ba rezultadu konferensia partidu nian liu husi rezulusaun katak partidu CNRT se sai deit opozisaun,” dehan Virgilio liu husi Konfrensia Imprensa neebe halao iha sede CNRT iha Bairo Gerilhos Dili, Sabadu, (30/9/2017).

Komandante Militar Lahalo Politika Ministru Defesa

DILI - Xefe Estadu Maijor Jeneral Lere Anan Timor nuudar komandante militar Forsa Armada Falintil Forsa Defeza Timor Leste (F-FDTL) mak atu prepara rekursu umanus forsa nian maibe atu halo politika maka Ministru Defeza no Seguransa.

Lia fuan hirak nee hatoo husi Observador Politika Universidade Nasional Timor Lorosae (UNTL) Camilo Ximenes ba STL iha Eis-Sede CNRT Balide Dili Sesta, (29/9/2017).

“Hau Hanoin katak hanoin husi komandante militar nia lahalo politika mezmu iha planu diak. Mezmu planu neebe diak sei lori ba Konselus Ministrus pasa ka lae. Tanba nee nuudar forsa armada atu asegura estabilidade. Maibe iha hanoin atu halo politika ba forsa armada maka Ministru Defeza no seguransa nia parte,”nia afirma.

Tuir nia katak mezmu militar bele iha hanoin no planu maibe liu husi proposta sira nee pasa hotu iha Konselus Ministrus ka lae.Tanba nee atu defende planu no hanoin sira nee iha KonselusMinistrus maka MinistruDefeza no Seguransa Jose Agostinho Sequira Somotxo. Ministru maka bele defende ema ida rua nia hakarak atu bele anunsiu ba publiku kona ba hakarak sira nee maibe submete hotu ba kestaun politika Ministeiru nian.

Lider Politiku Tenki Tau Ses Interese Privadu

DILI - Povu tomak hatene konaba komprimisiu lider politiku dehan sei tau as interese nasional no sei tau ses interese privadu. Maibe realidade hatudu katak lideransa sira tau fali interese privadu no partidu iha oin ida nee sai preokupasaun boot.

Lia fuan hirak nee hatoo husi Diretor Ezikutivu Hak Manuel Monteiro Fernandes ba STL iha nia servisu fatin Farol Dili Segunda, (2/10/2017). Nia dehan tan katak, hamosu diferensa ideia politika ida nee maka hanaran fuan husi demokrasia. Laos nee deit demokrasia maka halo liders politika sira involve an iha partidu A, B no partidu C.

Lalaok demokrasia maka hanesan nee duni tanba ita sistema demokrasia hodi hamoris partidu barak. Maka funan husi demokrasia nunee lider sira balun hola parte iha partidu A no B no C talves sira nia mehi lahanesan uluk. Mehi uluk dehan liberta patria mehi ba libertasaun do povu nee talves iha mehi ketak-ketak,”nia kualia.

Mehi partidu politika sira iha oras nee dadaun lahanesan mehi lideransa politika implementa iha tenpu rejistensia too ba ukun an. Hanesan peretus husi Biblia kualia dehan dalan barak atu ba Lalehan no sei depende moos ba ema nia lalaok moris iha mundu. Agora kompara ho lideransa rejistensia politika ukun depende moos ba hahalok governasaun.

Diretor Ezekutivu Luta Hamutuk Jose da Costa Alves dehan referensia uluk iha tempu rejistensia lideransa sira hamutuk ho prinsipiu ida atu liberta rai no povu. Maibe moos ikus mai erois sira balun mate tanba deit diferensa ideia no diferensia politika sira iha momentu neeba. 

Justinho Manuel | Suara Timor Lorosae

Organização Meteorológica Mundial apoia Timor-Leste com sistemas de avisos climatéricos

Díli, 02 out (Lusa) - A Organização Meteorológica Mundial está a apoiar cinco países da região da Ásia e Pacífico, entre eles Timor-Leste, a desenvolver sistemas de alerta antecipados que os ajudem a lidar melhor com eventos climatéricos e atmosféricos.

O programa envolve Fiji, Ilhas Salomão, Papua Nova Guiné, Timor-Leste e Vanuatu e pretende ajudar um Fundo Verde de Clima (GCF, na sigla em inglês) direcionado especialmente para os sistemas de alerta climatérico.

Em comunicado, a OMM explicou que o programa pretende responder ao impacto que as alterações climáticas estão a ter, tornando os riscos meteorológicos mais extremos e difíceis de prever, o que constitui "uma ameaça" para estes e outros pequenos países insulares em desenvolvimento.

"Esta Instalação de Preparação de Projetos é essencial na conceção de uma iniciativa liderada por projetos, de propriedade e sustentada por países, que atinja um impacto climático e de desenvolvimento real nestas cinco ilhas altamente vulneráveis", disse a diretora do departamento de Desenvolvimento e Atividades Regionais da OMM, Mary Power.

PR timorense assina novo decreto de nomeação de membros do Governo, mais duas mulheres

O Presidente timorense assinou hoje um novo decreto de nomeação de membros do Governo que vão tomar posse na terça-feira, ampliando a lista divulgada com a entrada de mais duas mulheres.

O novo decreto, já publicado em Jornal da República, revoga o documento publicado na passada sexta-feira, que apresentava alguns erros, incluindo no título de um dos ministros, e adiciona dois novos elementos ao elenco governativo.

No total são nomeados 21 novos membros do executivo que depois da cerimónia de tomada de posse, marcada para terça-feira perante o chefe de Estado, Francisco Guterres Lu-Olo, na Presidência da República, se vão juntar aos 12 elementos do Governo liderado por Mari Alkatiri, já empossados.

O decreto confirma o título correto de Agio Pereira, militante do Congresso Nacional da Reconstrução Timorense (CNRT, na oposição) e que vai ocupar o cargo de ministro-adjunto do primeiro-ministro para a Delimitação de Fronteiras.

Novidade na lista dos nomeados é a inclusão de Adaljiza Magno como vice-ministra dos Negócios Estrangeiros e Cooperação e de Laura Lopes como secretária de Estado da Igualdade do Género e Inclusão Social.

Nurima Alkatiri: “Ha’u-nia Mehi atu Kontribui…”

BA ema balun karik naran Nurima seidauk familiar, maibé se aumentan tan ho nia apalidu, Alkatiri, konserteza ema sei koñese nia ne’e see. Balun karik sei sig tun-sa’e, maibé balun bele hatene momoos ona.

Sim, feto ida ho naran kompletu Nurima Ribeiro Alkatiri nudar oan feto boot Mari Alkatiri, atual Primeiru Ministru.

Iha periodu ida ne’e, Nurima hetan fiar husi ninia partidu, FRETILIN hodi tuur iha Uma Fukun Parlamentu Nasionál.

Nurima dehan, nia nunka iha mehi atu sai deputada, maibé nia hakarak de’it atu fó kontribuisaun hodi dezenvolve rai no povu ida ne’e.

“Hau nunka iha mehi atu sai deputada, mais ha’u-nia mehi mak atu kontribui ba ita-nia rai,” dehan Nurima iha dadalia ho jornalista jornál INDEPENDENTE iha sala Bankada FRETILIN, Parlamentu Nasionál, Kuarta (27/09).

Meza Parlamentár Fó Kompeténsia ba KAP Atu Hola Kareta

DILI, (TATOLI) – Meza Parlamentu Nasionál (PN) fó kompeténsia ba Konsellu Administrasaun Parlamentár (KAP) atu foti desizaun sosa kareta foun ba membru deputadu sira iha lejislatura da-haat.

“Liuhosi diskusaun ne’ebé naruk, maioria bankada parlamentár fó fila kompeténsia mai meza parlamentu atu halo implementasaun ho desizaun polítika hodi apoia Konsellu Administrasaun kona-ba sosa kareta”, dehan Prezidente PN, Aniceto Guterres iha uma fukun, ohin.

Maibé Konsellu Administrasaun Parlamentár tenke foti desizaun ho rigór atu dignifika PN liuhosi sira nia implementasaun hola kareta.

“Ita la iha deliberasaun iha ne’e tanba maioria dehan la presiza halo konfirmasaun, entaun entrega fali mai meza hafoin ami asume responsabilidade atu halo implementasaun ho rigór hodi dignifika parlamentu nasionál”, esplika Aniceto.

SERVE Seidauk Atribui Sertifikadu Investidór Ba Hong Long

DILI, (TATOLI) - Diretór Ezekutivu SERVE, Florêncio Sanches  informa katak, Kompañia Hong Long Fisheries husi Xina ne’ebé oras ne’e governu suspende nia atividade iha portu Karavela SERVE seidauk fó sertifikadu investidór tanba hein desizaun Konsellu Ministru.

“Sertifikadu investidór seidauk fó sai tanba kompañia tenke kumpre buat balun tanba investimentu kompañia nia ne’e boot liu millaun U$20, nune’e parte kompetente tuur hamutuk hodi lori ba Konsellu Ministru, infelizmente seidauk hasai desizaun,” Florêncio hatete iha Matadouru, ohin.

Ba atividade peska ne’ebé kompañia ne’e hala’o iha Kosta Súl hetan ona legalidade husi Servisu Rejistu no Verifikasaun Emprezariál (SERVE) tanba kumpre ona Lei Sosiedade Komersiál, Kódigu Rejistu Komersiál no Lei SERVE rasik, maibé seidauk hetan sertifikadu investidór.

Sertifikadu investidór seidauk fó, tanba kompañia tenke kumpre regras ne’ebé sei hasai bazeia ba parte kompetente tuur hamutuk iha Konsellu Ministru.

CNRT Preokupa Tempu PR Veta Lei Poder Lokal-Eleisaun Munisipal

DILI - Bankada CNRT preokupa tempu Prezidente Republika (PR) veta lei Poder lokal-eleisaun munispal, tanba tuir konstituisaun 30 dias PR atu haree hodi veta no promulga. Maibe ba lei 2 nee ultrapasa tiha loron.

Preokupasaun nee hatoo husi Deputadu CNRT, Patricino Fernandes liu husi sesaun plenaria katak, sira preokupa kona ba lei 2 neebe prezidente veta.

Ami sente preokupa tanba tuir konstituisaun artigu 88 pontu 1 hatete, prezidente iha tempu 30 dias hodi bele ezerse funsaun ba veta no promulga lei, maibe haree ba lei neebe PR veta nee ultrapasa tiha ona loron, ida nee bele dehan katak viola tempu,” hatete Deputadu Patricino iha sesaun plenaria Segunda (02/10/2017) iha PN.

Nia informa, sente triste tanba politika desentralizasaun nee uluk kedas iha kuatru governu konstitusional, komesa buka ona meius oinsa haree lei 2 nee, hodi kumpri mandatu konstitusional.

Hatan ba preokupasaun nee, Deputadu Bankada Fretilin Antoninho Bianco liu husi sesaun plenaria hatete,  kona ba lei 2 neebe mak Prezidente Republika veta nee, iha neeba mensajen klaru ona. Iha diploma struturamente atu instala estadu, liu husi poder lokal atu haforsa, buat neebe mak lao tiha ona.

Entretantu Prezidente Komisaun A Carmelita Moniz, iha sesaun plenaria hatete,  kona ba lei neebe mak PR veta ho razaun klaru tebes iha mensajen PR nian, neebe iha mos despaisu ba komisaun A hodi halo depresiasaun  ho karater urjenti, mezmu ke tuir instrumentu 90 dias para haree hikas fali. 

Guilhermina Franco | Suara Timor Lorosae

Dionisio: Rezeita Involve Governu, Hakruuk Ba Desizaun Partidu

DILI - Informasaun ba lista VII governu neebe involve mos kuadrus partidu CNRT, inklui mos Deputadu Dionisio Babo. Maibe Babo rezeita informasaun, tanba nia parte hakruuk ba desizaun partidu ba opozisaun.

Liafuan rezeita nee hatoo husi Deputadu Bankada CNRT Dionisio Babo katak, kona ba kuadrus CNRT balu tama iha lista VII governu nia parte lahatene buat ida tanba ba halao hela servisu iha rai liur foin fila.

Hau nudar prezidente CDN (Comisaun Diretiva Nasional) partidu CNRT, neebe pozisaun partidu nian ba opozisaun nee hau tenke respeitu desizaun partidu nian,  tanba nee labele halo espekulasaun. Tanba nee hau tenke hakruuk ba desizaun partidu nian,” katak Dionisio ba jornalista iha intervista Segunda (02/10/2017) iha PN.

Aleinde nee informasaun  katak prezidente partidu CNRT mos hela parte iha governu  hodi mantein kargu nafatin kargu ministru Plneamentu Investimentu Dionisio hatete,  nia lahatene tanba nia prezidente partidu agora dadaun halao hela servisu kona ba Fronteira Maritima iha rai liur neebe nia parte lahatene ba informasaun sira nee.

Iha fatin hanesan Deputadu CNRT Jacinto Viegas relata, Partidu nia deklarasaun klaru ona iha media katak sei laautoriza nia membru ida ba involve governu. Neebe pozisaun klaru se mak involve individual, partidu larekonese inklui bankada CNRT iha Parlamentu. 

Guilhermina Franco | Suara Timor Lorosae