É errado puxar a CPLP para "negócios sujos" - ex-secretário-executivo

Lisboa, 24 out (Lusa) -- O primeiro secretário-executivo da Comunidade dos Países de Língua Portuguesa (CPLP), Marcolino Moco, considerou que a ideia de puxar a organização para os negócios "é errada", sobretudo para os "negócios sujos", que permitiram a entrada da Guiné Equatorial.

"Há uma ideia que eu considero errada, puxar a ideia da CPLP para os negócios, sobretudo negócios sujos, como estes que permitiram que a Guiné Equatorial entrasse, o tal problema da doença endémica que é o petróleo", disse Marcolino Moco, em entrevista à agência Lusa.

Questionado sobre como vê hoje a organização da qual foi o primeiro secretário-executivo (entre 1996 e 2000), Marcolino Moco considerou que "a CPLP fez, faz e fará sentido", mas criticou o rumo que está a tomar.

"O mundo ocidental só vê negócios e não resistiram à entrada de outro país ditatorial", afirmou o também ex-primeiro-ministro angolano (1992-1996), referindo-se à entrada como membro de pleno direito na CPLP da Guiné Equatorial, em julho de 2014.

Marcolino Moco considerou que a CPLP "faz sobretudo sentido no domínio cultural", defendendo que a organização devia "promover debates sobre a democracia ou promover a educação".

Neste sentido, o ex-secretário-executivo sugeriu a criação de uma universidade da CPLP para "defender a língua portuguesa em colaboração com as línguas locais em África e em Timor-Leste".

Integram a CPLP Angola, Brasil, Cabo Verde, Guiné-Bissau, Guiné Equatorial, Moçambique, Portugal, são Tomé e Príncipe e Timor-Leste.

VM // PJA

Moçambique e China assinam acordo na área da defesa

Pequim, 23 out (Lusa) - Os ministros da defesa moçambicano, Salvador Mtumuke, e chinês, Chang Wanquan assinaram um Acordo de Assistência Logística às Forças Armadas de Moçambique, no âmbito de uma visita de trabalho a Pequim.

Uma nota de imprensa do Ministério da Defesa de Moçambique divulgada hoje refere que o acordo é válido para o biénio 2015-2016 e resulta da visita que Mtumuke realizou à China, que terminou hoje.

"Os dois titulares da pasta da defesa reiteraram a necessidade de elevar as trocas de visitas de alto nível da componente política e das Forças Armadas dos dois países e discutiram a necessidade de incrementar a troca de informações no interesse comum", indica a nota.

Na ocasião, prossegue o comunicado, a China manifestou a disponibilidade de continuar a apoiar Moçambique na formação de quadros de diferentes especialidades das Forças Armadas de Defesa de Moçambique nas academias militares chinesas, incluindo a formação de pessoal de saúde militar ao nível de licenciatura e especialistas.

O comunicado adianta ainda que os dois ministros expressaram a vontade de partilha de experiências em participação em operações de apoio à paz.

Na china, Salvador Mtumuke visitou unidades militares do ramo da Força Aérea e do exército chinês, para além da Quarta Universidade de Saúde Militar, uma das mais prestigiadas instituições de ensino de medicina e pesquisa científica.

PMA // JMR

Guiné-Bissau quer ser "plataforma de acesso" da China e países lusófonos à África Ocidental

Macau, China, 24 out (Lusa) -- A Guiné-Bissau quer assumir-se como "plataforma" de acesso das empresas chinesas e dos países de língua portuguesa ao mercado de 300 milhões de pessoas da Comunidade Económica de Estados da África Ocidental (CEDEAO), disse hoje um governante guineense.

Uma delegação guineense liderada pelo secretário de Estado com a pasta da Economia, Degol Mendes, terminou hoje uma visita a Macau, na China, no âmbito da 20.ª Feira Internacional de Macau (MIF, na sigla em inglês), um encontro de negócios que contou este ano com a maior participação portuguesa e de países lusófonos de sempre.

Numa conferência de imprensa, Degol Mendes explicou que foi a Macau apresentar a Guiné-Bissau como "plataforma" de acesso à CEDEAO, mas também como um país que acabou de superar uma crise política dentro das normas constitucionais, em que, ao contrário do passado, as forças armadas se mantiveram imparciais, num processo que disse ser prova do "amadurecimento democrático" e de "consolidação democrática evidente e irreversível".

Segundo garantiu, as perspetivas para a economia guineense este ano, que definiu como "muito estável e dinâmica", mantêm-se otimistas, apesar da crise política, estimando um crescimento superior a 5%.

Degol Mendes explicou que um dos objetivos do Governo guineense é realizar um encontro empresarial no país em 2016 que junte o mundo lusófono, a China e a CEDEAO e um dos propósitos desta ida a Macau foi tentar garantir a presença de uma centena de empresas chinesas em Bissau no próximo ano, o que afirmou ter sido conseguido.

Segundo os dados fornecidos aos jornalistas, o interesse do investimento chinês pela Guiné-Bissau tem crescido: em 2013 havia dez empresas com capital da China no país e hoje são 56, com maior presença nos setores da agricultura, pescas e construção.

"Todos os dias somos abordados por investidores chineses na tentativa de concretizarem os seus investimentos. (...) Esperamos que a visita de empresas chinesas [à Guiné-Bissau] em 2016 permita um aumento significativo do investimento chinês", disse o secretário de Estado.

Ainda antes de 2016, uma delegação da província chinesa de Jiangsu visitará a Guiné-Bissau na próxima semana para identificar possíveis áreas de investimento e cooperação, revelou Degol Mendes.

MP//ISG

TINAN LIMA, POPULASAUN TL AUMENTA 100 MIL RESIN

Jornal Nacional - editorial

Ministeriu Finansas, Dirasaun Statistika Kuarta feira liu ba fo sai resultadu preleminariu sensu uma kain 2015 . Dadus nebe halibur durante sensus nee hatudu katak total populasaun Timor Leste ema nain 1.167,242.

Sensu 2015, nudar sensu ba dala tolu ona, sensu ba dalauluk halao iha tinan 2004 ho total populasaun 923.198 no iha 2010 nebe total populasaun 1.066. 582. Husi numeru nee hatudu katak kada tinan lima – lima populasaun Timor Leste aumenta ema nain rihun atus ida resin (100 mil)

Maske nunee resultadu sensus 2015 nian nee iha reduzasaun tamba husi tinan 2004 ba 2010 iha aumenta ema nain 143.283 maibe husi tinan 2010 ba 2015 populasaun aumenta ema nain 100.660.

Ho numeru populasaun nebe iha nee kada tinan iha bebe 20.000 mak moris, tan nee governu liu husi Ministeriu Saude tenki halo esforsu makaas iha programa planemantu familiar atu oinsa bele minimiza taxa natalidade nian.

Sensus populasaun nee governu halo kada tinan lima- lima ho objetivu atu halibur dadus konaba total populasaun, nivel ekonomia, nivel edukasaun, saude no mos atu hatene total populasaun desempregu atu nunee governu bele trasa planu tuir ba dadus nebe halibur husi sensus.

Dadus sira nee sai nudar base ba estadu, li-liu governu atu oinsa traza planu desenvolvimentu ba tinan lima nian. Tan nee iha sensus sempre ejiji atu kada sidadaun fo informasaun nebe lolos, la bele fo informasaun falsu.

Resultadu sensu 2015 nian nee iha numeru populasaun tun kompara ho sensu tinan lima liu ba. Nee signifika katak sidadaun komesa konsiente ona planemanetu familiar nian tamba antigamente rata – rata kada kabenain iha oan nain 7 maibe ho situasaun ekonomia mundu ohin loron nian, rata – rata kada kabenain ida iha oan nain 4.

“Agradese tebes ba populasaun tomak nebe mak laran luak partisipa iha sensus 2015 tamba populasaun la partisipa karik, sensus nee la lao”, “dokumentu resultadu sensus nee iha ba ita ida idak ninia servisu lor-loron nian” PM Rui Maria de Araújo, JN-Diario edisaun 22 de Outubro 2015.

Los duni senhor, presiza duni povu ida nee merese agradesementu, sensus nee susesu tampa partisipasaun populasaun nian, liu husi fornesementu informasaun nebe kada sidadaun infrente lor-loron nian.

Agora kestaun mak dadus nee populasaun fornese ona maibe oinsa governu halo planu nee bele koresponde duni ba nesesidade nebe povu infrenta nee ka lae? tamba kada sensus povu aprezente sira nia kondisaun moris, kondisaun ekonomia maibe planu nebe governu trasa la koresponde ba nesesidade nebe povu iha.*

TOTAL FUNSIONARIUS PÚBLIKU 60 MIL

Prezidente Komisaun Funsaun Publika (KFP), Faustino Cardoso informa katak, total Funsionariu Publiku (FP) hamutk 60 mil. Husi total ne’ebé refere funsionariu permanente hamuutuk 27 mil no kontratadu hamutuk 33 mil, entretantu professores atus 7 kategoria reforma.

“Agora FP Timor-Leste ne’e ho total miliaun 27 resin, kuandu ita konta ho ajente da administrasaun publika ne’ebe la tama kategoria funsionariu permanente ne’e hamutuk por volta milliaun 33 resin. Faustino Cardoso ba JN-Diário hafoin assina Memorandum of Understanding (MoU) iha salaun MSS, Caicoli-Dili, Kinta (22/10).

Iha biban ne’e Fautino Cardoso espelika liu tan katak, dadaun ne’e KFP sei kaer rejime ne’ebe ho natureza tranzitoria, maibe sei aimplementa rejime definitivu ho karatkter obrigatoriu katak, wainhira funsionariu ne’ebe maka tama ona idade 60 tenke reforma.

“Lei konaba reforma tranjitoriu ne’e foin hahu iha 2012 ho numeru 6/2012, maibe funsionariu barak maka seidauk hatene didiak konaba regras, sistema, mekanizmu konaba oinsa atu bele goja direitu reforma ne’e, tanba ne’e maka KFP sei prepara estratejia oinsa haklaken liu tan regras ida ne’e liu husi dalan oi-oin,”hatutan nia.

Mekanizmu ne’ebe KFP uja hodi halo reforma ba FP hanesan pesoal ida-idak ne’ebe kategoria tama reforma tenki hatama sira nia rekerimentu, depois KFP hare’e sira nia dadus iha sistema baze de dadus.

“Tanba KFP iha buat ida naran Sistema Informação Gestão Administração Publica (SIGAP) ne’ebe funsionariu hotu-hotu ninia dadus ne’e iha ne’eba depois kontinua ho MF liu husi PAYROL halo pagamentu ba funsionariu sira ne’e, depois ho rekerimentu ne’ebe sira hatama mai KFP sei prosesa haruka ba iha MSS, husi MSS maka emiti sertifikadu reforma ka pensaun ba funsionariu reformadu sira,”teni Faustino cardoso.

Espelika nia katak, iha baze de dadus sei haree FP sira ninia servisu hahu sa tinan to’o iha sa tinan, nia tuir treinamentu saida, ninia vensimentu kada fulan hira e sae ka tuun.

Reforma ne’e signifika FP ne’ebe atu goja ninia restu moris ne’e la simu ona vensimentu 100%, maibe nia sei simu apenas pursentu 75 husi salariu mediu ne’ebe maka nian hetan durante ninia vida profesional nudar FP.

“To’o ohin loron FP ne’ebe maka kategoria idade 60 ba leten ou kategoria ba reforma ne’e por volta atus 7 maka hato’o ona sira nia pedidu reforma nian mai KFP, maioria sira husi parte edukasaun hanesan profesores sira iha teritoriu laran tomak,”hateten prezidente KFP ne’e.

Ba futuru Governu nian kompromisiu ho ninia politika sei hamosu sistema seguransa sosial ida ne’ebe komprensivu, kobre ba setor publiku nune’e mos ba setor privadu, hodi nune’e bele asegura nafatin direitu antigidade funsionariu ne’ebe maka hakarak migra husi setor publiku ba setor privadu sei lakon ninia direitu antigidade. Ves

Jornal Nacional

POSIBILIDADE TL SOSA MATERIAL FUNU HUSI RI

Delegasaun husi PT PINDAD (Persero) Republik Indonesia (RI), Kinta (22/10) aprezenta material funu modernu oi-oin ba Governu Timor-Leste (TL) atu nune’e iha posibilidade bele sosa.

Hafoin aprezenta ba Governu TL liu husi Primeiru Ministru Rui Maria de Araújo, Ministru Interior, Longuinhos Monteiro hateten, delegasaun husi PT PINDAD Indonesia mai halo enkontru ho PM Rui, nune’e delegasaun ne’e mos sei iha diskusaun klean ho Ministru Defeza no Interior TL atu haree oinsa maka iha posibildiade parseria ho PT PINDAD ba futuru atu bele sosa sira nia produtu.

Nune’e mos Longuinho Monteiro informa, Prezidente Indonesia Joko Widodo fo kedas instrusaun atu sektotores hotu tenki iha koperasaun diak hodi hametin relasaun ho estrutura Govermentais Timor Leste nian.

“PT PINDAD ita hotu koñese kompañia bo’ot ida halo fabrika armamentu sira mai hodi hatutan kontinua habelar mekanismu ne’ebe depois sei iha intendimentu diak entre PT PINDAD, Ministerio Interior ho Defeza,” tenik Longuinhos Monteiro.

Longuinhos Monteiro dehan, posibilidade Governu sei sosa armamentu husi PT PINDAD, maibe Governu TL sei haree no diskuti klean kona-ba armamentu saida mak TL presiza.

“Ita haree merkadu komun iha ita nia rejiaun diferensia entre presu, buat sira ne’e hotu bele sai mos hanesan tarligador ida karik aban bairua iha akordu intendimentu ruma diskusaun mai oin depois ita haree ida ne’e,”dehan Longuinhos.

Iha fatin hanesan, Marketing PT PINDAD Indonesia, Wija Yanto hateten, sira hasoru PM RuI Araújo hodi aprezenta kona ba material funu ne’ebé sira produs ona.

“Ami hato’o ba Primeiru Ministru (PM) Rui Maria de Araújo kona-ba kilat versi foun, ami mos aprezenta kareta funu ba Polisia ho forsa nian,”esplika Marketing PT PINDAD Indonesia, Wija Yanto ba Jornalista iha Palasiu Governu hafoin aprezenta material funu hirak ne’e ba PM Rui no Ministru Interior, Longuinhos Monteiro.

Wija Yanto informa liu tan katak, nia seidauk bele esplika detallu ba públiku kona ba kilat hirak ne’e tipu oinsa tanba ne’e kestaun tekniku. Maibe sira nia parte sei diskute asuntu ne’e hamutuk ho autoridade TL iha Ministerio Defeza ohin Sesta (22/10).Avi

Jornal Nacional

FETO MÓS BELE SAI TÉKNIKU ENGENERIA

Atu sai tékniku engenaria, la’os deit mane maka hili tékniku, maibé feto mos lakohi lakon atu hili fakuldade teknik Engenaria.

Graziela Maria de Fatima da Costa, oras ne’e dadaun eskola iha Universidade da Paz (UNPAZ) foti Fakuldade Engenaria Departamentu Teknik Sipil.

“Ha’u foti Departamentu Téknik Sipil ne’e tanba ha’u hanoin katak, durante ne’e mane maka bele foti teknik, maibé hau mós lakohi lakon ho mane katak, tanba iha ha’u nia ideia rasik katak, ha’u mós bele,” hateten nia ba JN-Diário iha Kampus UNPAZ, Sábadu (17/10).

Nia hateten katak, maski sente todan, maibé ho pasensia kontinua estuda, tanba sukat ho ninia kapasidade rasik katak bele sai feto ida ne’ebé mak iha valór ba nasaun no estadu.

“Ha’u foti departamentu teknik sipil ne’e, ha’u sente todan maibé kuandu dosente sira haruka ami halo dezeñu uma, ami tenki halo duni dezeñu. Dala ruma ami servisu halo dezeñu iha kalan to’o fali loron, no haluha atu han,”katak Graziela.

Feto foinsa’e ne’ebé mak antes ne’e hili dalan ba vida relijioza ne’e, maibé lakonsege sai realidade ne’e maski ema barak sente katak, eskola iha nivel superior ne’e todan, maibé ba nia lasente todan, tanba desizaun foti departamentu teknik sipil ne’e ninia desizaun rasik.

“Komesa husi semester 1, agora tama ona ba semester 3 ne’e, trabalho ne’ebé dosen fo ba ami maka hanesan, pinta uma sederhana, to’o uma mewah berlantai, maibé, ha’u esforsu nafatin, tanba ha’u hakarak sai ema ne’ebé matenek, atu lori nasaun ida ne’e ba dezenvolvimentu nasionál, tanba futuru ne’e iha ita nia liman rasik,”tenik Graziela.

Graziela mai husi familia ida ne’ebé simples, ho vida agrikultura, maibé Graziela kaer metin nia prinsípiu katak, maski inan aman ho vida agrikultura, maibé Graziela Fatima esforsu a’an nafatin, atu sai ema ida ne’ebé diak iha futuru oin mai.

Graziela Fatima, oan ba dala 8 husi maun alin na’in 10, feto 6 mane 4. Oan husi aman Fernando da Costa ho inan Anita da Costa.

Graziela remata nia eskola Primaria Manehat iha tinan 2008, iha tinan 2012 remata eskola Ensinu baziku Sentral Publiku Abat-Oan, no remata Eskola Sekundaria Annur Dili, iha tinan 2014. Graziela Fatima, mai husi Suku Manehaat, Aldeia Issadan, Postu Administrativu Natarbora, Munisípiu Manatuto.eni

Jornal Nacional

BNN: X-RAY IHA AEROPORTU TL LA DETEKTA DROGA

Kepala Badan Narkotika Nasional (BNN) Provinsia Nusa Tenggara Timur (NTT) Indonesia, KOMBESPOL Sulistiandriat Moko, detekta katak, makina X-REY ne’ebe maka uza iha Aeroportu Internasional Nicolau Lobato, susar atu detekta droga tanba makina ne’e tuan no presiza troka.

“Ita hatene iha ona kazu balun ne’ebe maka detekta ona kazu droga ne’e balun tama mai tau iha Telefone laran no hau mai haree situasaun iha aeroportu ne’e halo nusa, ita tenki rekuinese makina X-REY ne’ebe maka agora uza ne’e la bele detekta ona droga tanba ne’e hau husu ba Governu Timor Leste atu troka foun hodi nune’e bele detekta sirkulasaun droga tama no sai husi TL. Basa, modus operasaun ba sirkulasaun droga agora ne’e oi-oin deit,” dehan Sulistiandriat Moko, ba Jornalista sira iha Aeroportu Internasional Nicolau Lobato, Kinta (22/10/2015).

Sulistiandriat Moko vizita TL tanba foin lalais mós ekipa husi TL kompostu husi Alfandega, Polisia Nasional Timor Leste (PNTL) ba Kupang Indonezía halao diskusaun kona ba Droga no krimi organizadu sira iha area fronteira rai rua ne’e nian.

“Hau mai iha ne’e ho objetivu atu hametin diak liu tan komunikasaun no fahe informasaun ba malu ho parte kompetenti hosi nasaun ne’e nian hodi bele evita droga no krimi organizadu seluk atu tama Timor Leste no mós Indonezía,” dehan Xefi BNN ne’e.

Nia hatutan, se hare hosi makina X-REY ne’e maka la bele detekta ona droga ne’e presija uza fali meus seluk ne’ebe maka hafasil Alfandega no mós Polisia sira ne’ebe maka servisu iha Aeroportu ne’e hodi detekta sirku;lasaun droga tama TL liu hosi aeroportu.

Kepala BNN-NTT ne’e akompaña husi Xefi Alfandega Aeroportu Nicolau Lobato, Alberto Saxes no mós Polisia balun hodi ba haree makina X-REY no fasilidade servisu Alfandega nian. Eus

Jornal Nacional

TAUR MATAN RUAK: LA ALTERA LEI PV, BUNUH DIRI

SUAI - Prezidente Repúblika, Taur Matan Ruak, afirma, bainhira Parlamentu Nasionál la halo alterasaun ba lei pensaun vitalísia antes eleisaun 2017, maka fo impaktu bo’ot ba partidu polítiku haat ne’ebé hetan asentu iha uma fukun.

“Sira la halo entaun sirabunuh diritanba tama eleisaun sira mai ko’alia saida ou sira altera ou sira mai ko’alia ho imi mas lahetan votus,” Taur afirma lia hirak ne’e bainhira hala’o diálogu ho komunidade iha suku Depos, postu administrativu Suai, munisípiu Covalima, loron hirak liu ba.

Taur hatete, nu’udar xefe estadu lakohi impoin ajenda  Parlamentu Nasional hodi deskuti no altera lei pensaun vitalísia  tanba PN mós orgaun soberanu ida, maibé tuir nia PN presiza tau atensaun ba kestaun ne’e.

Taur subliña, estadu iha rai ne’ebé de’it tenki fó rekoinesimentu ba nia sidadaun ne’ebé mak fó ona nia kontribuisaun ba estadu maibé  la’ós  hanesan pensaun vitalísia  ne’ebé dadauk ne’e ho montante boot tebes.

Taur haktuir, Prezidente PN, Vicente Guterres rasik ho lider bankada Parlamentar hosi partidu CNRT, FRETILIN, PD no FM promote ona ba xefe estadu hodi halo alterasaun antes tama eleisaun jeral 2017. Tanba ne’e xefe estadu husu ba populasaun tomak pasiénsia  hodi hein promesa PN nian.

“Sira hotu konkorda hodi halo alterasaun ba lei ne’e. Laiha bankada ida mak kontra,” Taur haktuir.

Durante diálogu  iha suku Debus, komunidade sira husu kona-ba ejijensia públiku nian hodi halo alterasaun ba pensaun vitalísia.

Julio Alves hanesan veteranus ida husu ba xefe estadu atu husu ba PN hodi halo alterasaun ba lei pensaun vitalísia  tanba lei refere fó benefisia maka’as ba grupu  elit sira.

Nia mós husu, osan ba pensaun vitalísia  nian ba eis titulares sira ne’e hamenus para aumenta fali ba pensaun veteranus sira nian.

“Husu ba Prezidente Repúblika hodi hato’o ba Parlamentu Nasional altera lei Pensaun Vitalissia, tau matan ba veteranus sira,” dehan Julio Alves.

Nune’e mós Prezidente Konselhu Juventude munisípiu  Covalima, Tomas Maia fó apoiu tomak ba Movimentu Universitariu Timor-Leste (MUTL) ezije  ba PN para altera lei pensaun vitalísia.

Lu-Olo Konkorda

Prezidente Partidu FRETILIN, Francisco Guterres Lu-Olo konkorda atu Parlamentu Nasionál diskuti fila-fali lei pensaun vitalísia hodi halo alterasaun, tanba tuir nia lei ne’e bele muda liuliu ba eis membru parlamentu no governu sira ne’ebé idade produtivu labele hetan lai pensaun vitalísia.

Iha CCF Komoro, Dili, Kuarta (21/10), Lú-Olo subliña, di’ak liu Prezidente Parlamentu Nasionál, Vicente Guterres ba hasoru malu ho manifestante sira atu halo diálogu.

Entretantu Movimentu Universitariu Timor Leste (MUTL), haruka ona petisaun ba Parlamentu Nasional (PN), hodi husu ba deputadu sira para altera lalais lei pensan vitalísia  ne’ebé maka durante ne’e sai prekupasaun ema hotu nian.

“Sira nia petisaun mai ona, sira nia petisaun ne’e mai ko’alia kompletu maske dadus balu lalos,” Vise Prezidenti Parlamentu Nasional, Adérito  Hugo da Costa ba jornalista sira iha PN, Kuarta (21/10).

Deputadu hosi partidu CNRT ne’e dehan, atu hasoru malu ho manifestante sira depende ba iha konferénsia  lider bankada.

“Depende ba iha konferénsia  lider bankada, lider bankada sira seidauk enkontru tanba rajaun servsiu barak,” Deputadu ne’e haktuir.

Iha fatin hanesan, Deputadu Virgílio da Costa Hornay hatete, pensaun vitalísia  ne’e la’ós  úniku  problema ne’ebé bele pertuba situasaun.

“Parlamentu Nasional (PN), haree katak la’ós  problema pensaun vitalísia  maka sai ajenda importante, maibé prioridade ne’ebé ita sei fó importansia uluk maka kona-ba lei rai, lei KAK, lei eleisaun poder lokal, lei partidu politíkus,” Deputadu ne’e dehan.

Nune’e mós Prezidenti Bankada CNRT, Natalino dos Santos, hatete lei pensaun vitalísia  ne’e, deputadu sira hato’o tiha ona proposta alterasoens ne’ebé hatama tiha ona iha Parlamentu Nasional hein prosesu para atu debates.  (dgx/lj13/lj20/jos)

IJE HAHU INVESTIGA KAZU NATURALIZASAUN

DILI - Inspesaun Jerál  Estadu (IJE) hahú loke investigasaun ba Diresaun Nasionál Rejistu Notariadu ne’ebé hasai pasaporte no bilhete indentidade ba jogador Brazileiru na’in  hitu (7) ne’ebé oras ne’e tama iha ekipa selesaun nasionál Timor-Leste nian.

“Depois hetan orientasaun hosi Primeiru Ministru, ami forma ona ekipa ida hodi loke investigasaun. Agora ami sei rekolla dokumentus no dokumentus balun sei iha Diresaun Nasionál Rejistu Notariadu mak seidauk kompletu. Ami sei hein hela dokumentu sira ne’e”, Inspetór Jerál  Estadu (IJE), Francisco de Carvalho ba Timor Post iha salaun Ministériu Solidariedade Sosial (MSS), Kaikoli, Kinta, (22/10).

Timor Post

ALEIXO COBRA SAI PILATUS BA FFTL NIA KAZU

DILI - Relasiona ho kazu ne’e, Vise Prezidenti Federasaun Futeból Timor-Leste (FFTL) asuntu relasaun internasionál informa tan, rejimentu interna FFTL bandu atu lori jogadór naturalizasaun nian mai joga iha Timor-Leste (TL). Entretantu, Inspesaun Jerál  Estadu hahú loke investigasaun ba Diresaun Nasionál Rejistu Notariadu.

”Ita tuir regulamentu ne’e buka jogadór ne’ebé mak nia iha ligasaun ran, Timor-oan mak bele mai joga iha ita nia nasaun, la’ós  bolu fali jogadór naturalizasaun”, Aleixo Cobra hatete ba diariu ne’e iha ninia servisu fatin, Kinta, (22/10).

Nia dehan, durante ne’e laiha koñesementu kona-ba jogadór naturalizasaun. “Ha’u mak tenki hatene uluk, maibé ne’e laiha. Derepenti sira mai dehan jogadór sira ne’e Timor-oan, entaun la-buat ida, sira Timor-oan bele joga de’it”, katak tan.

Emprezáriu ne’e realsa, la’ós obrigatóriu  ba FFTL buka jogadór hosi rai seluk mai defende TL, sira ne’ebé nu’udar  membru ezekutivu nunka hatene kona-ba asuntu jogadór naturalizasaun tanba laiha desizaun koletivu.

”Ha’u servisu iha federasaun tinan 10 ona, ha’u la-defende ema ida, ha’u defende federasaun. Kuandu sé mak sala nia tenki ba hatan, la’ós  halo sala, ema seluk mak atu ba hatan ne’e la-loos”, nia afirma.

Nia hatutan tan, ”ha’u servisu kle’ur ona iha ne’eba, ha’u hatene buat barak mak la-la’o, tanba ne’e ema ne’ebé mak halo sala, di’ak liu nia sai duke estraga fali federasaun, tanba nasaun ne’e harii ho ruin no ran”.

Tanba ne’e nia husu para halo investigasaun profundu ba jogadór naturalizasaun sira ne’e para bele hatene sé mak halo buat sira ne’e bele mosu, nune’e bele lori ba hatan iha justisa, tanba ema hotu tenki hakruk ba lei ne’ebé mak vigora iha nasaun ida ne’e.

Aleixo Cobra dehan, rekomendasaun Sekretariú Jerál  FFTL, jogadór naturalizasaun ne’e maske moris iha Brazil, maibé abo, inan no aman Timor-oan.

”Loloos ha’u mak ba trata ema sira ne’e mai, ha’u iha kompetensia ba trata sira ne’e, la’ós  sekretariu jerál  nia kompetensia, ne’ebé ha’u hatene katak naturalizasaun ne’e laiha, sé iha naturalizasaun duni, ema sira ne’e orijinál Brazileiru duni, hatan ba tribunál, sulan kadeia”, afirma tan.

Katak tan, ”jogadór ne’e maun sira hili tia mai mak hatete katak jogadór mak ne’e ona, oke joga ba, mas ha’u hatete naran Timor-oan, lohi to’o padre hotu, e justisa mak bele identifika sé mak loos, sé mak sala”.

Aleixo dehan, kazu sira ne’e hanesan parte exekutivu ne’ebé kompetensia ba asuntu estranjeiru la’ós  fase lima ba problema sira ne’e, mas durante ne’e exekutivu sira seluk laiha koñesementu ba jogadór naturalizasaun e hatene de’it mak jogadór sira ne’e Timor-oan.

Aleixo mos informa, tuir nia hatene labarik jogadór na’in  hitu ne’ebé lori hosi Brazil mai hamutuk ho ekipa selesaun nasionál hodi defende ba nasaun ida ne’e, balu hatete katak sira ne’e ema Brazil la’ós  sidadaun Timor.

”Agora labarik sira ne’ebé Brazil sira lori mai, nia hatete dehan ha’u ema Brazil, lohi sa”, tenik tan.

Nia reafirma, segredu barak mak arkivu ona iha tribunál. Tanba ne’e, nia husu ba Sekjer FFTL atu hatudu Prezidente FFTL para assume responsabilidade ba informasaun ne’ebé sai polemika iha públiku nia le’et.

”Ha’u nonok demais ona, agora mak tenki ko’alia para públiku tenki hatene, federasaun ha’u defende to’o mate, ema nauk-ten ha’u la-defende, ema mafiozu ha’u la-defende”, afirma tan.

Realsa tan, “ha’u sei hatete ba Amandio para hatudu Francisco, Francisco nunka kastigu, sulan nia ba kadeia, agora ha’u konfronta nia sa, ha’u hakarak haree nia to’o ne’ebé”, Aleixo deklara.

Emprezariu Timor-oan ne’e realsa, FFTL ne’e harii ho ruin no ran, ema hotu nia terus, la’ós  tanba ema ida rua nia kosar ben de’it.(way/flo/oki)

Timor Post

Proteze Riku Soin Tasi, UPM Hapara Negosiante Faan Ahu Ruin

DILI - Lei fo kompetensia ba Unidade Polisia Maritima (UPM), hodi halo protesaun no prevensaun ba ambiente tasi, tamba nee UPM halo operasaun hodi hapara negosiante sira faan ahu ruin iha area Bidau Santana.

Tuir Segundu Komandante Unidade Maritima João Cesar da Silva katak sira halo opersaun ba fatuk Ahu ruin sira neebe komunidade hili hodi faan, sira hatama hotu iha Tasi laran, sira nia opersaun nee laos foin halo, maibe opersaun nee iha fulan kotuk sira halao ona.

Tamba ami hare komunidade sira kee ahu ruin iha Tasi laran, lori mai tau hotu iha tasi ninin hodi halo negosiu, ami halo opersaun hapara tiha, maibe sira kontinua nafatin kee, agora ami halo opersaun boot, hahu husi Bidau Santana too Meti Aut, hodi foti Ahu ruin sira neeebe komunidade foti tau iha tasi ninin hodi faan, ami foti hatama hotu iha tasi laran,” hateten João.

Polisia Maritima sira nee halo opersaun bazeia ba sira nia dekretu lei No. 9/2009, 18 Fevereiru, iha artigu 32, alinea D hateten katak fo kompetensia ba sira atu halo protesaun no prevensaun ba ambente tasi nia. Nune mos iha Kostitusaun RDTL artigu 61, koalia konaba meu ambiente.

Iha fatin hanesan Xefi Suku Bidau Santana Fransisco de Asis Freitas hateten husi Turismu avizu bebeik ona, katak buat ida tasi laran nee kompetensia sira nian. Informasaun kompletu iha STL Jornal no STL Web, edisaun Sabado (24/10/2015). Joao Anibal

Suara Timor Lorosae

Bobby Boye Naok, Tenke Selu Dupla

DILI - Tuir justisa ema ida naok nia tenke selu dupla, tamba nee Bobby Boye neebe lohi ou naok ona Timor Leste nia osan tenke selu dupla.

Membru Komisaun B, Parlamentu Nasional (PN) asuntu Estranjeiru, Defesa e Seguransa Nasionais, deputadu Cesar Valente hatete, tuir justisa ema ida naok nia tenke selu multa dupla, tamba nee Bobby Boye nebe naok ona Timor Leste nia osan tenke selu dupla.

Bobby Boye tenke selu dupla ba osan neebe mak nia naok, maibee prontu nia fo fali ita nia osan lolon deit mos naton ona, mais prosesu nee ita tenke hare,” dehan deputadu Cesar ba STL, iha PN, Dili, Sesta (23/10/2015).

Deputadu Cesar afirma tan katak, hanesan ema politiku uluk kuandu nia naok liu loron 3 sira detekta kedas iha FIA nia dokumentus katak, assessor Estadu Amerikanu ida nebe servisu iha Finansas, hare konaba akordu sira ba tasi Timor nian halai sai ho osan.

Iha fatin hanesan Membru PN husi bankada CNRT, Cristovao Barros hatete, problema nee akontese iha Timor, Governu fo fiar ba Bobby Boye atu ajuda Timor, maibee nia uja sala fiar neebe Estadu Timor fo. Informasaun kompletu iha STL Jornal no STL Web, edisaun Sabado (24/10/2015). Carmen Ximenes

Suara Timor Lorosae

Taur: “Prezidente Tuir Mai Ema Terus Nain”

SIBONI - Prezidente Repúblika Taur Matan Ruak fiar katak, Sidadaun neebe mak asumi kargu hanesan Prezidente Republika iha tinan 2017 mai, sei mai husi ema neebe uluk terus ba nasaun  ida nee.

Taur hatete tempu Portugues nian Prezidente malae husi Portugual, iha tempu hafoin proklamasaun Independensia iha tinan 1875, Prezidente primeiru mak, Francisco Xavier do Amaral, segundu Nicolau Lobatu no iha restaurasaun Independensia 2002, Prezidente Kay Rala Xanana Gusmão, Prezidente tuir José Ramos Horta no Prezidente ba dala lima mak Taur Matan Ruak.

Prezidente Primeiru Francisco Xavier do Amaral, Segundu Nicolau Lobato tiru malu to’o mate, terseiru ita nia maun Xanana Panglima Perang, kuartu ita nia maun Ramos Horta no qintu  Prezidente wakil Panglima Perang no Prezidente neebe tuir mai ema neebe terus ba rai ida,” dehan Taur ba komunidade iha suku Sabuli, Postu administrativu Bobonaro, municipiu Bobonaro, Sesta, (23/10/2015).

Nia husu ba veteranus sira neebe mak nia dadus sei iha problema,a xefe estadu hanesan mós komandante ou responsabilidade masimu ikus iha tempu rezistensia hamutuk ho Komandanteda luta Libertasaun Nasional, Xanana Gusmão sei halo esforsu rezolve veteranu nian.

Iha fatin hanesan liu husi Sesaun husu no hatan Candido Maia Manuel hatete, Estrada ladiak halo povu kiik sira labele lori produtu lokal neebe mak povu hetan ba merkadu labele tamba labele selu transporte neebe karun liu povu ninia kapasidade. Informasaun kompletu iha STL Jornal no STL Web, edisaun Sabado (24/10/2015). Timotio Gusmao

Suara Timor Lorosae

Problema Edukasaun-Saude Akompaina Dezemvolvimentu

SIBONI - Edukasaun no saude iha Nasaun Timor Leste sai problema boot tebes, neebe akompaina prosesu dezemvolvimentu neebe lao iha rai laran, tan nee estadu esforsu hodi rezolve maske lori tempu narauk.

Tuir Prezidente Republika Taur Matan Ruak hatete Problema Edukasaun Problema ida neebe mak todan tamba rezidensia ba profores laiha, sala ba estudante sira laiha, balun alunus barak liu nee akontese iha teritoriu Timor laran tomak.

Ita iha problema barak probema edukasuan, saude nee akompania dezemvolvimentu Timor ninian, Estadu esforsu hadia maibe sei lori tempu,” dehan Taur Durante Dialogu ho komonidade suku Siboni, Postu Administrativu Bobonaro, Munisipiu Bobonaro.

Nia hatete hadia eskola nee sempre aumeta tamba kada tinan labarik sira neebe mak moris barak nune aumenta eskola mak tan kompara ho dezemvolvimentu sira seluk, tan nee povu tenki hein ho pasensia.

Iha fatin hanesan Povu Suku Sibuni, Falisiano Berelaka Maia hatete suku Sibuni iha rikusoin hanesan marmer, Fatuk mean, gas, karau Timor, kuda no risoin sira seluk neebe estadu presiza dezemvolve hodi kontribui ba Dezemvolvimentu. Informasaun kompletu iha STL Jornal no STL Web, edisaun Sabado (24/10/2015). Timotio Gusmao

Suara Timor Lorosae

Rekursu Calisto Sei Iha Prosesu

DILI - Rekursu arguidu Calisto Gonzaga sei iha prosesu nia laran, seidauk tama iha meja administrador Tribunal Distrital Dili (TDD).

Tuir official justisa neebe lakohi temi naran hatete, rekursu nee sei iha hela prosesu nia laran. Tanba parte rua hanesan defensor no ministeriu publiku seidauk hatama hotu mai iha seksaun krime nian. Sekuandu parte rua nee hatama ona, mak seksaun krime nian sei lori ba iha meja administrador TDD hodi haruka ba iha Tribunal Rekursu.

Nia hatutan, maske parte defesa hatama uluk ona maibe parte Ministeriu Publiku seidauk hatama ninian. Neemos seidauk bele lori ba iha meja administrador, kuandu parte rua nee hatama hotu ona foin bele halo despaisu nee ba iha juis administrador.

Antes nee tuir Defensor Publiku Sergio Quintas neebe fo assistensia ba arguidu Calisto Gonzaga hatete, iha loron 16 fulan nee sira sei hatama rekursu ba  Tribunal Rekursu hodi kontra desizaun neebe fo sai husi Tribunal Distrital Dili (TDD).

Haree ba prosesu ida nee komplikadu oituan, tanba nee ami tenki estuda didiak kona ba akordaun juiz nian. Neebe too ultimu mak ami hatama rekursu atu kontra desizaun TDD,” dehan Quintas.

Tuir DP nee katak, leitura akordaun nee rona iha loron (25/09/2015), nee la sura husi neeba maibe sura husi notifikasaun tribunal nian mai nia hanesan defensoriha loron (01/10/2015). Entaun rekursu nee dekore iha loron nee hotu iha (16/10/2015). Husi loron nee, tempu sei barak ba nia atu halo rekursu.

Liu husi leitura akordaun tribunal nian iha loron (25/09/2015), arguidu Calisto Gonzaga provadu komete krime naun partisipasaun ho sekuestru tribunal aplika pena prizaun tinan 08 fulan nen (6) no selu kustu judisiariu U$ 40. Informasaun kompletu iha STL Jornal no STL Web, edisaun Sabado (24/10/2015). Domingas Gomes

Suara Timor Lorosae

Solusaun Saida Hasoru Peska Ilegal Iha Area Tasi Timor-Leste?

Foin dadauk ne’e media nasional sira hato’o katak Timor-Leste kaer tan Ró ahi peska nian hamutuk hat (4). Ró sira ne’e kaptura husi forsa F-FDTL Komponente Naval iha area tasi Metinaro nian iha loron 28 Agostu tinan 2015. Deskonfia Ró peska ilegal ho material peska nian ho nia kru ema hamutuk nain 58 husi sidadaun Indonezia dadaun ne’e detein no hein hela prosesu investigasaun.

Bazeia ba estudu ne’ebé iha katak desde tinan 2006 deteta Ró hamutuk 30 no tinan 2011 aumenta 25 maka kaer ikan ho ilegalmente iha tasi parte leste no ba kosta sul nian. Ró peska ilegal sira ne’ebé mai naok ikan iha tasi Timor mai husi Thailandia, Xina no maoria mai husi Indonezia.

Tanba sa Timor-Leste nia tasi no rekursu sira iha tasi laran kontinua ameasadu ho ema ilegal sira? Antes ne’e Prezidenti Republika Taur Matan Ruak fo atensaun katak Timor-Leste kontinua lakon ikan iha tasi laran. Dadus ne’e iha istima katak kada tinan Timor-Leste lakon U$ 36 miliaun ba ikan ne’ebé peskador ilegal sira naok. Autoridade sivil ba Defeza no Seguransa nian bei-beik hateten Timor-Leste sei latolera ameasa saida deit maka hasoru suberania nasional no riku soin iha tasi. Nune’e Ministru Estadu, Koordenadór Asunto Ekonómiku no Ministru Agrikultura no Peska, Estanislau da Silva fo sai iha media Indonezia katak sei halo mout ka tiru rahun tiha Ró peska ilegal ne’ebé tama iha Timor-Leste. FM nia hare aktividade kontrabandu sira seluk, peska ilegal, tranportasaun sasan ilegal, ai, droga sei utiliza dalan tasi nian. Desizaun tiru rahun Ró peska ilegal ne’e atu halo tauk peskador ilegal no aktividade ilegal seluk tama mai Timor-Leste?

Portantu kestaun seluk FM nia monitorizasaun nota katak liña fronteira ne’ebé seidauk klaru mos sai dezafiu ida ba autoridade siguransa sira define area operasaun nian. Ida ne’e problema sufistikadu ne’ebé Timor-Leste infrenta iha area marítima. Timor-Leste liga fronteira tasi ho Indonezia no Australia. Iha rekursu oin-oin ikan, ahu ruin no rekursu tasi sira seluk ne’ebé tempu ona Timor-Leste tenki asegura.

FM nia hanoin presiza polítika no desizaun ida ne’ebé klaru atu asegura risku sira ne’ebé afeita tasi Timor nian husi aktividade ilegal sira. Prosesu investigasaun ba autor peska ilegal sira tenki ho rigor. Hasae kapsidade autoridade seguransa tasi nian forsa naval F-FDTL no mos PNTL, hadia infrastrutura no fornese ekipamentus operasional ne’ebé sufisienti atu hasae nivel seguransa diak iha tasi laran.

What is the Solution for Stopping Illegal Fishing within Timor-Leste’s Borders?

The national media recently reported that Timor-Leste’s F-FDTL naval forces detained more than four (4) cat a Metinaro-area beach on August 28th, 2015. The boats were suspected of carrying fishing material with 58 people from Indonesia. The suspects are currently being detained and awaiting an investigation process.

A survey reports that since 2006, Timor-Leste has detected 30 boats, including 25 boats in 2011, engagingin illegal fishing in the eastern and southern areas of Timor-Leste’s waters. The boats and illegal fishermen originated from Thailand and China, and many of them were found to be from Indonesia.

Why are Timor-Leste’s seas and resources under threat of illegal fishing? Previously, the President of the Republic, Taur Matan Ruak, has said that Timor-Leste continues to lose its fishing resources year by year. Data on illegal fishing for the past few years estimates that every year Timor-Leste loses US $36 million of fish and resources stolen by illegal fisheries. Civil authorities of security and defence have steadily maintained that Timor-Leste will not tolerate any such threats against national state sovereignty, nor against Timor-Leste’s richness in maritime resources. Therefore, the State Ministry Coordinator of Economic Issue and Ministry of Agriculture and Fisheries, Estanislau Aleixo da Silva, declared to Indonesian media that TL will destroy any illegal boat that enter Timor-Leste’s boundaries. However, in FM’s opinion, foreigners and criminals will continue to use the sea as an alternative method for shipping contraband, illegal fishing, and the transport of wood and drugs. Is the decision to destroy illegal boats intended to frighten illegal fisheries and criminals engaged in other illegal activity away from Timor-Leste?

FM’s monitoring noted that Timor-Leste’s undefined maritime borders remain a challenge as well for TL security forces in defining their operational areas. It is a complex issue that Timor-Leste faces in its maritime area. Timor-Leste shares maritime borders with Indonesia and Australia, and there are a variety of resources (fish, coral, etc.) that need to be secured by Timor-Leste.

FM posits that the country needs to formulate a clear policy and decision to address the risk of illegal fishing in the Timor Sea. The investigation process of those complicit in the activities of illegal fisheries must be rigorous. TL must increase the capacities of its maritime security, particularly the F-FDTL naval forces and PNTL. Furthermore, the country should improve its security infrastructure and provide sufficient operational equipment to improve its security of the sea.

Fundasaun Mahein