Portugés detidu iha Dili horikedas outubru 2014 haree hikas nia oan sira ba dala uluk

Tiago Guerra, sidadaun portugés retidu iha Dili horikedas outubru 2014, no nia kaben, Chan Fong Fong Guerra, horisehik simu sira-nia oan na’in rua, ne’ebé sira la haree fulan 14 ona, iha aeroportu Dili, , hasoru malu ne’ebé ho emosaun maka’as.

Oan sira hosi kazál ne’e, Tomás no Matias, tinan 11 no 9, to’o hosi Portugál horisehik akompaña hosi avó paterna hodi pasa natál iha Dili, iha ne’ebé sira-nia inan-aman la bele sai no Tiago Guerra kumpre prizaun preventiva fulan ualu, entre outubru 2014 no juñu 2015.

Seidauk iha akuzasaun formada, kontinua konfiska kazál ne’e nia dokumentau, konjela nia konta no impede atu sai hosi Timor-Leste, moris ho hetan ajuda hosi familiár no belun sira.

Sira la konsege despede ho sira-nia oan iha fulan-outubru, primeiru Tiago no tuir fali Chan Fong Fong, detidu iha Dili, no labarik sira nian avó sira mak lori sai, bainhira sei iha Timor-Leste iha momentu ne’ebá.

"Iha momentu ne’e buat hotu konfuzaun tebes. Ha’u haksolok tebes oras ne’e tanab bele hakohak ha’u-nia oan sira. Maibé ansiozu tebes", hatete ba Lusa Tiago Guerra, emosionadu ho hasoru malu hikas ho nia oan sira.

"Ami la hetene bainhira mak iha akuzasaun ka bele iha kualkér evolusaun iha prosesu ne’e. Ami ko’alia kona-ba fulan 14 no evolusaun únika mak Tribunál Rekursu mak rekoñese buat balun ne’ebé ami alega ona", nia hatete.

Família ne’e hasoru malu fali horisehik iha sala VIP aeroportu Dili nian, ne’ebé labarik ho sira-nia avó tama tanba iha intervensaun hosi eis-Prezidente Repúblika José Ramos-Horta ne’ebé mós halo viajen iha vou mak hanesan.

"Ha’u haksolok tebes haree inan-aman hasoru malu ho sira-nia oan. Ha’u akompaña prosesu ne’e tinan ida ona. Ha’u koñese señór Tiago Guerra kleur ona. Nia ema ne’ebé onesta, sempre servisu hodi ajuda Timor-Leste", hatete Ramos-Horta ba Lusa.

"Ha’u preokupa ho kazu ne’e, liu-liu envolve labarik sira traumatizada ho situasaun hirak ne’e. Ha’u hein katak Prokuradoria-jerál Repúblika no tribunál sira halo buat ne’ebé tenke halo ho lalais hodi hetan konkluzaun ba kazu ne’e".

Akuza Tiago Guerra "halo prátika iha autoria materiál krime brankeamentu kapitál" no desizaun oioin ne’ebé foti iha investigasaun, ne’ebé sei hala’o, nunka fó hatete ba kazál.

Ne’e kazu konjelamentu ba konta iha Timor-Leste, Makau no Portugál katak kazál foin iha koñesimentu bainhira iha problema ho pagamentu ba ipoteka ida.

"Ha’u-nia oan sira mai mós tanba tulun hosi belun sira no família. No ami hetan sorte tanba bele hetan luxu iha situasaun ne’e. Família ida hamutuk la’ós luxu ida, ne’e kuestaun direitu umanu, maibé ida ne’e luxu duni", nia hatete.

Chan Fong Fong, ne’ebé iha fulan 14 ikus ne’e hanesan inan hosi dook de’it, ko’alia ho nia-oan sira liuhosi internet de’it, hatete katak "difísil" hela "dook hosi sira" durante tempu barak.

Hafoin kumpre prizaun preventiva durante fulan ualu iha kadeia Bekora, iha Dili, Tiago Guerra haree Tribunál Rekursu altera nia medida koasaun, no aplika Termo Identidade no Rezidénsia ba nia hodi la bele sai hosi nasaun.

Iha akórdaun ne’ebé altera iha medida koasaun, Tribunál Rekursu konsidera katak komete irregularidade ne’ebé prejudika defeza hosi arguidu.

Partikularmente, subliña testu ne’ebé ajénsia Lusa hetan asesu, tanba iha desizaun kona-ba renovasaun ba prizaun preventiva mak aplika iha fulan-abril (kumpre prizaun preventiva iha fulan neen dahulu) ignora prova sira ne’ebé aprezentada hosi arguidu.

Juís koletivu konsidera katak komete "irregularidade" ne’ebé afeta ho "gravidade boot" direitu defeza arguidu nian tanba despaku ne’ebé aplika prizaun preventiva la tetu kestaun hosi faktu no direitu alegada hosi arguidu, no haluha "totalmente, dever fundamentasaun" nian.

"Prova sira ne’ebé aprezentada hosi arguidu la iha ida mak juís konsidera ka analiza", nota, no tenke iha Rekursu "hodi prenxe ofisiozamente irregularidade mak iha", fó sai kona-ba pretendida renovasaun prizaun preventiva no nia substituisaun ba medida koasaun seluk.

Kazu Tiago Guerra hamosu onda solidariedade nian iha rede sosiál, ho kampaña sensibilizasaun ne’ebé halo hosi familiár no belun sira no mosu asaun diplomátika oioin no polítika iha Timor-Leste no Portugál.

SAPO TL ho Lusa

Estudante timoroan sira hosi Kursu Tékniku Laboratóriu simu ona sertifikadu sira

Prepara aan hodi fó apoiu ba futuru laboratóriu sira fízika no kímika nian ne'ebé sei harii iha Fakuldade Siénsia Ezata hosi Universidade Nacional de Timor Lorosa'e sai hanesan propózitu tinan nian hosi formasaun ne'ebé hetan ona hosi estudante timoroan na'in rua iha departamentu Kímika no Fízika hosi Universidade Aveiro.

Sertifikadu sira ne'ebé hatudu formasaun ne'e entrega ona hosi dosente sira hosi departamentu rua ne'e, Ana Fernandes no Luís Cadillon, iha loron 10 Dezembru dadeer, iha Reitoria Universidade Aveiro nian.

Iha ámbitu hosi akordu ne'ebé halo iha 2013, entre Universidade Aveiro ho Universidade Nacional de Timor Lorosa'e, Kursu Tékniku ba Laboratóriu ne'ebé maka estudante timoroan na'in rua frekuenta ona, iha tinan letivu 2014/2015, halo parte hosi projetu boot ida ne'ebé envolve formasaun hosi rekursu ema nian hosi Fakuldade Siénsia Ezata hosi Universidade ne'e, haktuir hosi profesór Domingos Cardoso ho Universidade Aveiro.

Iha área Fízika, timoroan Carlito dos Santos frekuenta ona kursu ida apoiu nian ba laboratóriu ne'ebé inklui mós dalan oioin hodi permiti ba nia aprende hahú hosi organizasaun ba laboratóriu ida to'o organizasaun ba aula prátika sira. "Esperiénsia ida ne'ebé sei iha utilidade hodi fó apoiu ba laboratóriu sira ne'ebé sei harii iha área fízika nian iha fakuldade hosi siénsia ezata sira", esklarese hosi Prof. Luís Cadillon.

Iha área Kímika, formasaun hosi Jonio Correia maka organizadu ho baze hosi estadia oioin hosi durasaun variável iha seksaun importante oioin hosi departamentu kímika nian, liuliu iha armazén, iha laboratóriu sira aula nian, liu mós hosi parte tomak instrumentasaun nain, hosi organizasaun ba laboratóriu sira, esperimentasaun ba serbisu prátiku sira kímika nian. Tuir dosente, Prof. Ana Fernandes, nia objetivu maka permiti hodi akompaña prosedimentu sira hosi tékniku sira "hodi nia rasik bele hatene halo ho ema sira ne'ebé dedikadu ba tópiku ida-idak".

Jonio Correia ho Carlito dos Santos konsidera katak formasaun ne'ebé sira hetan iha Universidade Aveiro durante tinan ida fó ba sira know-how sufisiente hodi organiza no akompaña prosedimentu tomak relasionadu ho instalasaun no jestaun hosi laboratóriu sira, nune'e mós sira bele akompaña aula prátika sira hosi kímika no fízika nian hosi lisensiatura iha Siénsia Ezata sira.

Haree imajen sira seluk IHA-NE'E

Fonte: Jornal Online hosi Universidade Aveiro - Fotografia: Vitor Teixeira

Akordu prevee atu limita akesimentu globál ba grau selsius 1,5

Prezidénsia franseza hosi Simeira iha Paris horisehik aprezenta ba reprezentante sira hosi nasaun 195 projetu hosi akordu finál kona-ba alterasaun klimátika hodi haree kona-ba akesimentu globál menus hosi grau selsius 2 no limita ba 1,5.

Ministru Negósiu Estranjeiru fransés, Laurent Fabius, uma-na’in hosi simeira ne’e, propoin akordu klimátiku ne’ebé prevee verba dólar rihun millaun 100 (euro rihun millaun 90,9) ba nasaun sira mak iha hela dezenvolvimentu hahú hosi tinan 2020.

"Ami besik to’o ona dalan nian rohan no, provavelmente, iha inísiu hosi dalan ida seluk", tenik ministru Negósu Estranjeiru fransés, iha sesaun plenária, ho lian la sai no kuaze tanis, hafoin agradese ba nia antesesór Manuel Pulgar-Vidal no tanba ida ne’e ema basa liman ba nia.

Laurent Fabius prezide konversasaun iha Paria besik semana rua ne’ebé termina horisehik ho negosiasaun durante kalan tomak no konsege entrega akordu ba ministru sira, ne’ebé agora deside atu aprova ka la’e.

SAPO TL ho Lusa

Malásia tem cerca de 50 mil simpatizantes do grupo extremista Estado Islâmico

Banguecoque, 13 dez (Lusa) -- A Malásia tem cerca de 50 mil simpatizantes do grupo extremista Estado Islâmico (EI) e a possibilidade de se radicalizarem é algo que não se pode ignorar, segundo o ministro dos Transportes, informam hoje os 'media' locais.

"Estaremos em problemas se apenas 1% destes simpatizantes se radicalizar e começar a atacar", disse Liow Tiong Lai, este sábado, durante a intervenção que proferiu durante um seminário sobre segurança nacional, de acordo com o Malay Mail.

"Opor-se ao extremismo com moderação é uma tarefa que não deve ser tomada de ânimo leve. Nós, como coletivo, devemos estar comprometidos nesta tarefa", sublinhou o ministro.

As autoridades malaias entendem como simpatizantes do EI aqueles que partilham a ideologia do movimento mas sem desempenharem um papel ativo.

Os corpos de segurança da Malásia detiveram mais de uma centena de pessoas suspeitas de colaborar com o EI, enquanto cerca de meia centena de malaios se juntaram à luta 'jihadista' na Síria e no Iraque, e dez morreram em combate, segundo dados oficiais.

A Malásia tem uma população de quase 30 milhões de habitantes, dos quais 61% são muçulmanos.

DM // DM