GMN TV | Jornal Nacional

GMN TV | Grupo Média Nacional

Kazu viatura MOPTC, Diogo: ”ha’u asina dokumentus, maibe viatura la entrega ba ha’u”

Tribunal Distrital Dili, Sesta (22/18) halao julgamentu daruak ba kazu krime pekulatu, administrasaun danoza ho falsifikasaun dokumentus ne’ebe deskunfia envolve eis Ministru Obras Públicas Transportes e Comunicasões (MOPTC), Gastão de Sousa ho Martinho Gusmão.

Alende ne’e, envolve mos arguidu Gastão de Sousa nia oan, Jordão Maria de Jesus da Silva Sousa,  Ferlio Afonso Bado Loi da Silva Sousa no funsionário públiku iha MOPTC, Diogo da Costa.

Iha audensia arguidu Diogo da Costa nudar eis xefi gabinete MOPTC deklara iha momentu ne’eba nia asina duni termo de entrega husi viatura haat (4) ne’ebe ADB fo ba MOPTC ho xapa matrikula 18-948 TLS, marka toyota land cruiser, viatura 19-754 TLS, marka toyota kijang innova, viatura 18-723 TLS, marka toyota rav 4 no viatura 18-947 TLS ho marka  toyota land cruiser prado, maibe kareta haat ne’e la entrega direitamente ba nia iha momentu asina ne’e.

“Ha’u so asina deit termo de entrega husi viatura haat ne’ebe husi parte ADB fo ba MOPTC ne’ebe uza hela xapa matrikula ADB nian, maibe sasan la entrega mai ha’u nia liman tanba antes ne’e kareta para ona iha MOPTC,”deklara arguidu ba tribunal.

Nia rekoñese nia uza duni viatura numeru matrikula 19-754 TLS ho marka toyota kijang innova wainhira iha autorizasaun husi Ministru  Gastão de Sousa, maibe wainhira kareta refere fo tiha ba arguidu Martinho Gusmão nia uza deit kareta privadu hodi hala’o servisu.

“Durante kareta ADB fo ba paroquia Manatuto, hau uza kareta privadu. Maibe nafatin hetan konbustivel husi ADB, tanba hetan autorizasaun verbal husi Fernando hodi hetan recibu ADB, hodi ense mina iha tiger fuel, nune’e wainhira mina la iha hau husu verbal ba Fernando ou nia mak fo deit,”deklara arguidu.

Iha audensia julgamentu ne’e arguidu Jordão Maria de Jesus da Silva Sousa ne’ebé  koñesidu ho “Jordy Sousa” lakoi fo nia deklarasaun hodi hili dalan nonok.

Antes ne’e iha loron 9 fulan Janeiru 2018, Tribunal Distrital Dili rona tiha ona arguidu Gastão de Sousa ba kazu refere.

Iha audensia arguidu deklara eis Primeiru Ministru Xanana Gusmão mak haruka, nune’e nia kumpri deit, nia mos hanoin, ne’e ba interese sarani paroquia Manatuto. Depois kareta ne’e mos laos lori osan Estadu mak sosa, maibe hetan apoiu husi Asia Development Bank (ADB).

Gastão haktuir, kareta ne’e Martinho Gusmão uza ba festa santuariu Santo Antonio iha paroquia Manatuto, durante tinan ida fulan tolu.

Manutensaun ba kareta ne’e husi MOPTC no orsamentu ne’ebe uza ba manutensaun mai husi osan restu ne’ebe ADB ho Governu RDTL asina akordu ba projetu finansiamentu  ho montante $ 46.000.000 ne’ebe atribui ba fundu ba rehabilitasaun no konstrusaun estrada.

Gastão hatutan kareta ida ne’ebe dehan nia uza ba privadu no fo ba nia oan sira ne’e la los, tanba hanesan Ministru nia iha direitu uza kareta rua, ida ofisial ida mak operasional.

No kareta operasional ne’e mos laos loron loron nia lori ba para iha uma, maibe kuandu tempu presiza deit mak nia lori ba para iha uma.

“Ha’u mos nunka fo ba hau nia oan nain rua atu uza kareta Estadu ne’e ba privadu, maibe haruka sira kuandu husu ajuda ba fase kareta no ba ense  mina, tanba sira nain rua mos iha kareta rasik,’’ koalia Gastão ba tribunal.

Tantu julgamentu ba kazu ne’e adia fila fali ba loron 26 fulan Fevereiru 2018, tuku 9.30 hodi rona deklarasaun husi arguidu seluk.

Ba kazu ne’e, Ministériu públiku akuza no rekere julgamentu iha prosesu komum bazeia ba artigu 236 numeru 48, numeru 2 alínea d, kódigu prosesu penál hasoru arguidu  Gastão Francisco de Sousa nudar Ministru Obras Públikas, Transportes no Komunikasaun (MOPTC), Diogo da Costa nudar funsionáriu publiku no Xefi Gabinete MOPTC, Jordão Maria de Jesus da Silva Sousa ne’ebé  koñesidu ho “Jordy Sousa”, oan husi Gastão de Sousa, Ferlio Afonso Bado Loi da Silva Sousa koñesidu ho “Viali”, funsionário Públiku iha Ministériu Negosiu Estranjeiru no Kooperasau (MNEC) no Martinho Gusmão nudar saserdote katóliku iha paroquia Santo António Manatuto.

Tuir akuzasaun, iha loron 28 fulan Fevereiru 2010 asina akordu entre Governu RDTL ho Asian Development Bank (ADB) ba projetu finansiamentu  ho montante orsamentu $ 46.000.000 ne’ebé atribui ba fundu ba reabilitasaun no konstrusaun estrada.

Projetu refere remata iha tinan 2012 no tenki entrega fila fali osan husi fundu ne’ebe la uza ho montante $ 82.776,77 dolares Amerikanu inklui viatura 8.

Entre viatura hirak ne’ebe MOPTC simu konsta viatura ho matrikula  18-948 TLS ho marka toyota land cruiser  no viatura ho numeru matrikula 19-754 TLS ho marka toyota kijang innova ne’ebe entrega ba arguidu Diogo da Costa.

Iha realidade fo koñesimentu deit ba viatura rua seluk ho matrikula 18-723 TLS ho marka toyota rav 4 no viatura 18-947 TLS ho marka  toyota land cruiser prado.

Hafoin simu viatura hirak ne’e, tuir instrusaun verbal husi arguidu Gastão de Sousa, la fo koñesimentu ba departamentu logistika no MOPTC konaba simu viatura hirak ne’e.

Konkordansia no kolaborasaun hirak ne’e ho intensaun hodi oinsa bele halakon rejistu viatura rua ne’e hanesan patrimoniu estadu nian.

Tuir planu ne’ebe sira halo ona maka iha loron 24 fulan Setembru 2012, arguidu Gastão komunika ba ADB kona-ba nia desizaun atu atribui viatura rua ho matrikula 18-948 no 19-754 ba unidade jestaun projetu nian, inklui manutensaun no abastesimentu kombustivel ne’ebe finansia husi ADB.

Maibe realidade hatudu katak, viatura ho matrikula 18-948 rai hela iha Gastão de Sousa nia rezidensia iha aldeia Becusi bawah, suku Becora.

Arguidu Gastão de Sousa mos permite arguidu nain rua Jordy no Viali hodi uza veikulu ba titulu pesoal durante sira nia paseiu iha sidade laran.

Iha data ne’ebe la konkretu, iha final fulan Abril ka meadu fulan Maio 2014, arguidu Martinho Gusmão solisita verbalmente ba arguidu Gastão de Sousa hodi husu ajuda viatura ida ba preparasaun serimonia komemorativa tinan 200 paroquia Manatuto nian, no iha loron 13 fulan Maio 2014 arguidu Gastão de Sousa entrega pesoalmente viatura ho matrikula 19-754 TLS ne’ebe uza hela ba titulu privadu hosi arguidu Diogo da Costa.

Arguidu Martinho Gusmão uza viatura refere durante tinan 1 fulan 3 no bainhira uza viatura refere Martinho Gusmão solisita dala 2 ba Gastão de Sousa hodi halo manutensaun  ba viatura iha loron 14 fulan Junho 2014 no loron 28 Agostu 2014 ne’ebe uza osan husi fundu ADB nian ho montante $ 532,34 dolar Amerikanu.

Bazeia ba akuzasaun hirak ne’ebe iha maka konsidera katak bens no ekipamentu hirak ne’ebe sira uza pertense ba Estadu, mezmu nune’e, sira aproveita patrimoniu publiku ba benefisiu propriu maske hatene katak aktu sira ne’e prezudika Estadu.

Nune’e, arguidu Gastão de Sousa hetan akuzasaun primeiru, husi MP ho krime pekulatu kontra artigu 295 numeru 1 ho 3 ba autoria material ho arguidu Diogo da Silva. Segundu, krime pekulatu ida seluk maka kontra artigu 295 numeru 1, 41 no 34 ba autoria material ho arguidu Jordy Sousa no Viali. Terseiru, krime administrasaun danoza kontra artigu 274, numeru 2 ho 3 ba kumplisidade ho arguidu Martinho Gusmão.

Arguidu Diogo da Costa MP akuza ho primeiru, krime pekulatu, iha artigu 295 numeru 1 ho 3 ba autoria material ho arguidu Gastão de Sousa, segundu nafatin ho krime pekulatu hosi artigu 295 no 41 no terseiru maka krime falsifikasaun dokumentu  kontra artigu 303 numeru 1, alinea A no 41.

Arguidu Jordy Sousa no Viali komete iha co-autoria material ne’ebe MP akuza ho krime pekulatu kontra artigu 295 numeru 1, 41 no 34 ba autoria material ho arguidu Gastão de Sousa.

Arguidu Martinho Gusmão komete ba kumplisidade material ne’ebe MP akuza ho krime administrasaun danoza kontra artigu 274 numeru 2 ho 3 ba kumplisidade ho arguidu Gastão  de Sousa.

Audensia julgamentu ne’e prejidi husi juiz koletivu, Albertina Neves, Antonio do Carmo, Zumiaty Freitas, Ministeriu Publiku reprezenta husi prokuradora Lidia Soares ho Jacinto Babo, arguido sira hetan asistensia legal husi defensor publiku Fernando Carvalho, Estaqui Guterres ho Cancio Xavier. Ita

GMN TV | Grupo Média Nacional

Xanana Seidauk Bele Asina Akordu FM

DILI: Primeiru Ministru (PM), Mari Alkatiri hatete, antes atu asina akordu Fronteira Marítima (FM), Xefe Negosiadór Prinsipál, Kay Rala Xanana Gusmão, tenke mai Timor hodi pose husi Prezidente Repúblika (PR).

Governu fó apoiu tomak ba servisu tomak ne’ebé ekipa negosiasaun fronteira tasi Timor halo hela. Maski nune’e, xefe ekipa ne’e hetan legalidade liu husi tomada de pose.

“Bainhira asina akordu fronteira marítima maka Xanana tenke simu pose lai”, dehan PM Alkatiri, hafoin suru-mutu ho Prezidente Repúblika, iha Palásiu Prezidensiál, BairruPité, horisehik.

Nia hatutan, akordu entendimentu fronteira ne’e to’o iha fulan Marsu nian Timor-Leste ho Austrália bele asina ona, maibé kona-ba akordu esplorasaun mina greater sunrise nian sei diskute hela.

Nia reforsa katak, bainhira Xanana Gusmão asina ona akordu maka tenke mai Timor hodi simu toma de pose. Nune’e bele diskute ninia estatutu, tan ne’e maka governu halo ona proposta ba alta autoridade.

“Ha’u rona de’it katak (Xanana) sai ona Prezidente Alta Autoridade ba Fronteira Marítima nian, maibé ha’u hakarak rona direita husi Xanana. Se halo tiha lei maka nia mai dehan lakohi fali halo nusa”, hateten Mari.

Nia akresenta, kuandu Xanana la konsege simu Pose husi Prezidente Repúblika maka halo adiamentu fali, tanba xefe Governu mós labele asina.

Antes ne’e, Embaixadór Austrália, Peter Doyle konfirmandu katak Austrália TimorLeste sei asina nota entendimentu foun kona-ba tasi Timor iha fulan Marsu. Nune’e, Austrália no Timor-Leste liu husi komisaun konsolidasaun hasoru malu iha Sidney hodi diskusaun asuntu ne’e.

Informasaun ne’ebé diáriu ne’e rekolla husi website ofisial Gabinete Fronteira Marítima Timor-Leste katak, Konsellu ba Delimitasaun Definitiva ba Fronteira Marítima monu iha Primeiru-Ministru nia okos no mós responsavel atu halo negosiasaun kona-ba delimitasaun permanente ba fronteira marítima ho Indonézia no Austrália.

Nune’e, Tuir Governu nia Rezolusaun No. 9 / 2016 loron 3 Fevereiru 2016, Konsellu Ministru hili Kay Rala Xanana Gusmão, hanesan Xefe Negosiadór no mós hanesan membru ida ba Konsellu.

Konsellu ba Delimitasaun Definitiva ba Fronteira Marítima kompostu ho PrimeiruMinistru no Xefe Negosiadór. Primeiru-Ministru mós bele konvida lider ka ulun na'in boot nasaun nian, husi pasadu no presente.

Ekipa negosiasaun, Xefe Negosiadór mak lidera, nia mak responsabiliza hodi hala'o negosiasaun sira ne’ebé relasiona ho fronteira marítima.

Gabinete Fronteira Marítima mak Sekretariadu ba Konsellu ba Delimitasaun Definitiva ba Fronteira Marítima.

Tuir Rezolusaun Governu No. 9 / 2016 loron 3 Fevereiru 2016, dezignada Negosiadór Prinsipál husi Ekipa Negosiasaun Tratadu nian ida ba Delimitasaun Definitiva Fronteira Marítima nian sira.

Konsellu-Ministru hili Kay Rala Xanana Gusmão hanesan Negosiadór Prinsipál husi Ekipa Negosiasaun Tratadu nian ida ba Delimitasaun Definitiva husi Fronteira Marítima nian ho Commonwealth Austrália no Repúblika Indonézia.

Konsellu Ministru mós define katak, Negosiadór Prinsipál hanesan responsavel husi definisaun estratéjia negosiasaun Konsellu nian ba Delimitasaun Definitiva Fronteira Marítima nian sira. 

Cristina Ximenes | Independente

Imajen AP

Peska Ilegál Barak Iha Tasi Timór

DILI, (TATOLI) – Ministru Estadu no Ministru Agrikultura no Peska (MAP), Estanislau Aleixo da Silva, hatete daudaun ne’e peska ilegál iha tasi Timor liu ró 30, maibé Timor-Leste laiha kapsidade atu kontrola.

“Uluk kuandu ró Hong Long hakaer ikan iha ne’ebá peska ilegál kuaze laiha ona, agora barak loos. Ita laiha kapasidade atu kontrola peska ilegál tanba ne’e mak Governu hola desizaun fó lisensa ba kompañia sira para hakail iha ita-nia tasi para prezensa ita-nia ró iha tasi laran bele hasees peska ilegál”, Esatanislau hatete iha Komoro, ohin.

Mas daudaun ne’e ró ilegál liu 30 ba leten no rede ne’ebé ema sira utiliza atu hakail ikan laiha koñesimentu husi parte MAP nian no hakail ikan sai de’it mós lahatene tanba hala’o atividade ho ilegál.

“Agora sira na’ok hela de’it ita lahetan osan ruma, maibé bainhira ita fó lisensa ema hakail ita ko’alia loos ema sira ne’e dehan peska ilegál kuandu ema sira ne’e hetan lisensa para peska iha ita-nia rai-laran. Hanesan governante tenke hola desizaun polítika estratéjika hodi proteje ita-nia rekursu, pelu menus ita fó lisensa ema hakaer, lori mai ita hatene saida mak sira hakail no oinsá mak atu kontrola”.

Ho prezensa ró ilegál ne’e, daudaun MAP Timor-Leste iha ona sistema para haree ró hira mak halo peska iha tasi-laran.

“Apoiu Japaun nian ita iha komunikasaun via satélite hatene movimentasaun ró nian ne’ebé iha ita-nia tasi-laran. Loroloron liuhusi ita-nia tasi mane ne’ebá ne’e ró barak ne’ebé hakail iha ita-nia tasi no lori ba rai seluk, ita-nia viziñu balun”.

Ho ida ne’e Governu hola ona desizaun no sei komunika, maibé importante mak tenke diversifika ekonomia no utiliza rekursu, kontrola no buka meiu.

“Tanba ne’e foin lalais Governu mós simu ró rua ne’ebé Austrália fó mai para ajuda kontrola. Ita-nia ró rua ne’ebé agora iha ne’e laiha kapasidade atu bá kontrola iha tasi-laran”.

Sobre ró husi kompañia Best Seafoodes ne’ebé Indonézia kaer, ministru Estanislau hatete tuir versaun Timor-Leste nian Indonézia kaer ró iha territóriu Timór nian.

“Iha ita-nia tasi, ne’ebé ha’u rasik hakerek karta ba sira no hasoru malu ho ministra Indonézia hodi hatete ba nian ita-nia versaun mas sé mak sei aprezenta formalmente mak ami-nia Ministru Negósiu Estranjeiru. Ne’e duni Ministru Negósiu Estranjeiru parese bá to’o ona iha Indonézia ko’alia ho Ministra Negósiu Estranjeiru Indonézia no sei rezolve tanba ita-nia fronteira tasi ho Indonézia seidauk ida, sira dehan sira-nian, ita dehan ita-nian, ha’u fiar katak sira kaer iha ita-nia tasi-laran, sira-nia ró funu mak tama mai kaer iha ita-nia rai-laran la’ós ita-nia ró mak viola”.

Jornalista: Maria Auxiliadora | Editora: Rita Almeida

Imajen: Ministru Estadu no Ministru Agrikultura no Peska, Estanislau Aleixo da Silva.

Notísia ne’ebé relasiona iha TATOLI:

http://www.tatoli.tl/2017/12/ro-peska-ilegal-iha-duni-tasi-timor-nian/

Jornál Sira Tenke Matenek Kompete ho Mídia Sosiál

DILI, (TATOLI) –  Xefe redasaun Mídia Nasionál KOMPAS, Indonézia, Budiman Tanuredjo, hatete dadaun ne’e mídia imprime tenke matenek hodi kompete mídia sosiál sira hanesan facebook, whatsapp, tweeter no seluk-tan.

“Iha isue (kestaun) neen importante ba mídia imprensa sira bele halo atu kontinua sobrevive ho ezisténsia mídia sosiál sira, iha tempu ohin loron no posibilidade ba oin”, dehan alumni Tékniku Nukleár, espesialidade Reaktór Nukleár, UGM (Universitas Gadja Mada), bainhira esplika kona-ba interupsaun dijitál ba estudante sekundáriu, universitáriu no jornalista sira iha Sentru Kultura Indonézia (PBI-sigla Indonézia) nian iha Mascaranhas, kinta, (1/2) iha ámbitu komemora tinan jornál STL ba dala 25.

Hatutan tan mídia imprensa tenke re-inventa fali konteúdu ne´ebé relevante ba leitór sira katak oferese informasaun ne’ebé bazea ba nesesidade no iha impaktu direta eh la’e ho lee na’in sira-nia realidade moris, sosiál, ekonomia no kultura ka konteúdu sira ne’ebé iha pertinensia ho leitór sira.

Re-dezeña formatu (re-design format); kompara formatu dezeñu lay out versaun uluk ho interese lee na’in sira ba konteúdu no imajen iha situasaun atuál, halo peskiza hodi hatene katak modelu jornál nia oin ne’e tuir tempu agora ka la’e.

Re-organiza sala redasaun no jestaun (re-organize newsroom and management); sala redasaun tenke muda atu responde ba tempu nia ezjizénsia, organiza foun fali lala’ok no funsionamentu redasaun no jestaun (planu, organiza, atua no kontrola).

Tuir mai,  re-deskobre fali sustentabilidade la’ós husi imprime (re-discover revenue streams-off print); buka sustenta funsionamentu mídia la’ós husi jornál ne’ebé mak imprime katak oinsá jestór produsaun buka estratéjia jestaun foun la depende liu ba publisidade, konsumidór sira ba nia sustentabilidade. Tenke hatene saida mak ema sira tau publisidade presiza, saida mak hakarak. Ida mak mídia tenke kria atividade rasik.

Hanoin fila-fali tipu publisidade no distribuisaun konteúdu (re-think advertising and content distribution); buka alternativu kona-ba publisidade no oinsá atu fahe konteúdu informasaun liuhusi rede sosiál sira ba públiku inklui estratéjia transformasaun mídia; inovasaun, planu no peskiza liuhusi estudu literáriu hanesan estratéjia transformasaun jornál estranjeiru sira.

Budiman fó ezemplu; siklu notísia no komunikasaun mídia (imprime, rádiu, televizaun, online) ne´e, information dept (informasaun kle’an); katak lala’ok ne’e mak entrada (entry), dezenvolvimentu (development), buka tuir (follow up) no konkluzaun (conclusion).

Entrada (entry); informasaun hotu kona-ba eventu kobertura, dezenvolvimentu (development) ne’e jornalista sira esplika tiha kona-ba eventu kobertura ne’e, antesidénsia (background) no relasaun ho tópiku sira seluk ne’ebé buka no aprezenta.

Tuir mai, buka tuir (follow up); atualiza notísia kona-ba eventu ne’ebé iha relasaun seluk ho tópiku ne’ebé aprezentadu, halo pergunta no buka resposta. Konkluzaun (conclusion); revizaun ba eventu, konsekuénsia no impaktu husi kobertura ne’ebé halo ona.

Nia esplika tan diferensa mídia konvensionál ne’e iha xefe redasaun ida hodi responsabiliza notísia,  halo verifikasaun, halo tuir kódigu étika jornalizmu no haree ba substánsia notísia. Enkuantu mídia sosiál ne´e mai husi individu ida-idak, viral lalais, la tuir kode étika no sensasionál.

Impaktu Mídia Sosiál

Mestradu Siénsia Polítika, UI (Universitas Indonesia), Budiman esplika tan implikasaun husi revolusaun dijitál ba indústria mídia imprensa mak trend oplah (tendénsia sirkulasaun) jornál mundiál tuun, trend sosiedade hanesan ábitu lee tuun, digital literacy (literasia dijitál) sa’e tanba utilizadór internet sa’e eksponensialmente no mídia sosiál sai alternativu.

Trend global hanesan mídia imprensa lubuk mak taka tanba movimentu go-green ameasa indústria surat-tahan menus ba indústria imprensa.

Re-definisaun notísia; jornál sai “yesterday news” (notísia horseik), jornál lakon kompetisaun ho televizaun no online satan ho mídia sosiál. Definisaun notísia televizaun ne’e akontesimentu ne’ebé akontese dadaun hela (live report).

Definisaun notísia online ne’e akontesimentu ne’ebé mak foin akontese no sei akontese hela (streaming). Definisaun jornál ne’e akontesimentu ne’ebé mak akontese horseik.

Nia kompara notísia husi mídia ida atu ba mídia seluk kuaze atu hanesan saida mak tenke halo? Multi Platform News Cycle: jornál, rádiu, TV, pájina internet no e-paper, rede sosiál ho notísia up to date (atualizada).

Re-dezeña, Comprehensive Reporting (reportajen komprensiva) katak husik hela yesterday news (notísia horseik), uza poténsia rekursu umanu hafoin halo kobertura ba konteúdu sira ne’ebé eskluzivu, diáriu, forma divizaun mídia sosiál no halo integrasaun ho sala redasaun (newsroom).

Ikus liu, Tanuredjo hateten mídia ne’ebé  iha tendénsia hodi públika notísia konflitu (diferente ideia), notísia krime no seluk tan maibé hirak ne’e hotu atu halo saida? jornalizmu tenke fila fali ba nia esensia fundamentál. Jornalizmu ne’e moris atu fó informasaun no eduka públiku no hala’o kontrolu sosiál hasoru poder sira.

Nune’e mós mídia tenke hala’o kna’ar peace jornalizmu (jornalizmu dame); oinsá diferensa ideia sira bele rezolve liuhusi mekanizmu dame hodi susesu.

Ho mídia sosiál ne’ebé la’o maka’as tebes, aumenta situasaun polítika sira, jornál bele públika saida de’it, maibé mídia tenke kaer metin ba prinsípiu jornalizmu dame no tenke halo verifikasaun ba konteúdu informasaun sira.

“Ida ne’e mak papel mídia”, nia subliña hodi kestiona; oinsá mídia luta hodi kontra fake news? (notísia falsa) Bainhira mídia sosiál públika informasaun ruma, papel mídia mak oinsá bele halo verifikasaun ba faktu sira ne’e , hetan faktu sira ne’ebé mak loloos, halo entrevista barak liutan ba ema sira, tuir mai fornese informasaun sira. Ida ne’e mak notísia sira ne’ebé verifikadu ona.

Imposivel mídia haree tuir notísia husi mídia sosiál ema ida-idak nian ne’ebé seidauk verifikadu, se ida ne’e akontese duni bele hamosu diferensa hanoin sira. Dala ida tan, jurnalizmu tenke book aan, verifika faktu sira, hetan faktu sira hodi fó sai ba públiku.

Ida ne’e mak responsabilidade mídia. “Notísia sira tenke hamosu movimentu sira, hamosu aktu solidariedade sira no estadu, hafoin misaun umanitária bele la’o. Mídia bele fó sai faktu, hato’o informasaun ba públiku; ema le’e no hatene hafoin kontribui”, haktuir tan bainhira ko’alia kona-ba poder mídia (the power of mídia).

Jornalista: Rafy Belo | Editora: Rita Almeida

Imajen: Xefe redasaun Media Nasionál KOMPAS, Indonézia, Budiman Tanuredjo. Foto espesiál

GMN TV | Jornal Nacional

GMN TV | Grupo Média Nacional

F-FDTL Sei Mantein Neutru iha EA

DILI, (TATOLI) – Nu’udar liman kro’at povu nian, Majór Jenerál FALINTIL-Forsa Defeza Timor-Leste (F-FDTL), Lere Anan Timur, hatete forsa tenke mantein nafatin pozisaun neutru iha eleisaun antesipada.

“FALINTIL-Forsa Defeza Timor-Leste (F-FDTL) ho Polísia Nasionál Timor-Leste (PNTL) iha kordenasaun no koperasaun hodi mantein seguransa iha rai-laran, atu sidadaun sira livre no hakmatek hodi hala’o nia direitu demokrátiku”, hatete Lere durante diskursu iha ámbitu selebrasaun transformasaun FALINTIL ba F-FDTL ba dala 17 iha Kuartél Fatuhada, ohin.

Tanba ne’e F-FDTL labele iha partidu polítiku maibé rona de’it ba órgaun soberanu kompetente sira.

“Forsa armada apartidáriu nafatin hodi sai loloos ba lutu Nasaun ho nia misaun própriu ba defeza esterna”.

Forsa armada la’ós matan delek ka sai analfabetu, forsa armada tenke hatene saida mak polítika, hatene saida mak loos no sala atu ema la fasilmente manobra.

Ezemplu ida mak polítiku sira barak aproveita atu alkansa sira nia interese no objetivu polítiku hanesan kazu iha Guiné Bissau no dadaun ne’e akontese iha Myanmar.

Tanba ne’e, forsa labele mete polítika, ba nia komandante sira, ofisiál sira no responsabilidade iha forsa laran maibé tenke aprende no hatene polítika, nune’e mós tenke hatene ánaliza perspetiva hotu no iha situasaun balun tenke fó hanoin duni, kria kondisaun di’ak, favorese situasaun hakmatek atu ema bele livre hodi hala’o kna’ar.

Forsa Armada tenke hala’o duni prevensaun tuir nia papél, la’ós hein atu reprime de’it, enkuantu halo prevensaun ho dedikasaun no matenek sei hetan respeitu no konfiansa hosi povu.

Jornalista: Zezito Silva | Editora: Rita Almeida

Imajen: Majór Jenerál F-FDTL, Lere Anan Timur, bainhira halo diskursu iha tinan transformasaun FALINTIL ba F-FDTL iha Kuartél Fatuhada, ohin. Foto António Goncalves

F-FDTL Labele Sadere Ba Partidu

DILI, (TATOLI) — Prezidente Repúblika no Komandante Supremu Forsa Armada, Francisco Guterres Lú Olo, hateten instituisaun FALINTIL-Forsa Defeza Timor-Leste (F-FDTL) labele sadere ba partidu polítiku ne’ebé de’it.

“Importante ba ita hotu hatene katak ita-nia instituisaun militár iha karáter nasionál no apartidáriu katak labele haliis ba partidu ne’ebé de’it”, Xefe Estadu deklara asuntu liuhusi ninia deskursu iha aniversáriu F-FDTL ba dala 17 iha Kuartel Jerál F-FDTL Fatuhada, sesta ne’e.

Nia hatete importante ba F-FDTL kaer metin prinsípiu no valór sira ne’ebé fó sentidu no hatutan ninia ezisténsia no konseitu kona-ba soberania no independénsia nasionál.

“Forsa Armada nu’udar riin prinsipál Nasaun ida ne’e nian, nu’udar eskola ba virtudes no ba sidadania, nu’udar instituisaun ne’ebé garante soberania no defeza ba ita-nia rai doben, hala’o funsaun sosiál importante ba vijilánsia, atu hasees no korrije fatór sira ne’ebé hamenus ita-nia dignidade no bolu beibeik atensaun atu tanen aas valores sira ne’ebé identifika ita, nu’udar timoroan”, afirma.

Lú Olo hatutan Nasaun ida iha mehi no hakarak tenke iha Forsa Armada ida ne’ebé hetan fiar hosi ema hotu, ho ekipamentu no kualifikasaun atu kumpre ho di’ak ninia misaun atu tau matan ba territóriu nasionál ida ne’ebé kompostu ho rai keta-ketak, tasi no lalehan.

“Ho laran ksolok tebes maka ha’u nu’udar Prezidente Repúblika no Komandante Supremu Forsa Armada nomós nu’udar sidadaun sei buka fó-hatene momoos no beibeik ba públiku kona-ba kapasidade F-FDTL nian, atu afirma-án nu’udar instituisaun ida ne’ebé haka’as-án beibeik hodi defende valór étiku umanu importante ba ita-nia Pátria. Valór sira ne’e maka espíritu sakrifísiu, dedikasaun, dixiplina, obediénsia no laran luak atu serve Timor-Leste, iha momentu ne’ebé de’it”, salienta.

Nu’udar instituisaun, Lú Olo afirma xefia militár labele nonok de’it ba mudansa sira ne’ebé akontese iha mundu. Katak, xefia militár iha direitu atu akompaña akontesimentu boot sira ne’ebé afeta vida polítika no sosiedade sivíl iha Timor-Leste no nakfila komportamentu, valór no mentalidade.

Nune’e nia dehan, importante tebes dignifika, reforsa no hasa’e kapasidade F-FDTL nian ho finansiamentu ba hasa’e kualidade infra-estrutura sira ba vida militár no ba sira-nia instrusaun no treinu.

“Timor-Leste tenke kontinua fó formasaun, treina no moderniza ninia Forsas Defeza, tuir kritérius nesesidade no efisiénsia. Tuir lei no hare’e ba Konseitu Estratéjiku ba Defeza no Seguransa, ne’ebé aprova ona, ha’u hanoin katak importante tebes kontinua hakerek dokumentus estratéjikus atu hasa’e kapasidade operasionál F-FDTL nian”, tenik eis komandante gerileiru.

Nia hateten nia sei haree hamutuk nafatin ho órgaun soberania sira seluk oinsá hadi’a no moderniza F-FDTL atu bele halo atuasaun ho susesu iha momentu ne’ebé de’it.

Jornalista: Xisto Freitas | Editora: Rita Almeida

Imajen: Prezidente Repúblika no Komandante Supremu Forsas Armadas, Francisco Guterres Lú Olo, bainhira hato’o nia deskursu iha aniversáriu F-FDTL ba dala 17 iha Kuartel Jerál F-FDTL, Fatuhada, Dili, ohin. Imajen Ajénsia Tatoli/António Gonçalves.

Prezidente Repúblika hakarak debate maka'as kona-ba "serbisu síviku nasional"

Prezidente Repúblika timoroan konsidera ona, iha loron-sesta ne'e, katak "labele evita" debate polítiku ho sosial boot ida iha Timor-Leste kona-ba "introdusaun hosi Serbisu Síviku Nasional" ida hanesan dalan hodi hametin formasaun hosi sidadania iha nasaun.

"Timor-Leste nia sobrevivénsia, hanesan nasaun ne'ebé maka ita senti orgullu tanba ita pertense, eziji ema ho formasaun síviku ida ne'ebé garanti nia empeñamentu iha ita nia seguransa, iha ita nia moris di'ak, iha manutensaun hosi ita nia identidade", afirma hosi Francisco Guterres Lu-Olo.

Francisco Guterres Lu-Olo ko'alia iha Díli, ba personalidade prinsipal sira nasaun nian, iha serimónia sira hodi selebra tinan 17 hosi Forsa Defeza Timor-Leste (F-FDTL) nian iha loron-sesta ne'e.

Komemorasaun ida ne'ebé akontese "iha momentu ne'ebé importante tebes iha vida nasional" ne'ebé kestiona fali kona-ba Timor-Leste haneasn Estadu soberanu "bele kaer nia responsabilidade sira" no ne'ebé nia konsidera ona hanesan importante ko'alia "importánsia hosi relasionamentu entre Instituisaun Militar ho Poder Polítiku".

Ba Prezidente, "xefia militar sira labele hanesan indiferente hasoru mudansa sira ne'ebé maka akontese iha mundu" no tenki "iha atensaun ba mudansa boot isra ne'ebé maka akontese iha vida polítika no iha sosiedade sivil iha Timor-Leste, iha nível komportamentu sira, valor sira ho mentalidade sira".

Prezidente afirma katak F-FDTL hanesan "baze fundamental hosi Nasaun, eskola hosi virtude sira ho sidadania ho garanti soberania no defeza teritóriu nian", F-FDTL kaer "funsaun sosial vijilánsia importante ida, hodi prevene no hadi'a fatór dekadénsia sira no bolu antensaun ba defeza indiskutivel hosi valor permanente sira hosi vokasaun timoroan nian".

"Pasajen hosi valor sira sidadania nian hanesan susar beibeik. Mudansa sira ne'ebé akontee iha família, iha eskola no iha F-FDTL, asaun sira ne'e afeta ba universu ida ne'ebé ki'ik tebes, hamosu interogasaun iha ita, preokupadu, kona-ba sé maka iha futuru halo formasaun ba sidadania ne'e", nia hatete.

"Tanba motivu ne'e maka ha'u entende katak debate polítiku ho sosial ida kona-ba introdusaun hosi Serbisu Síviku Nasional ida iha Timor-Leste tenki halo", nia konsidera.

Iha diskursu ida ne'ebé refere ba F-FDTL nia pasadu no ba nesesidade hodi hametin kapasidade tékniku sira ho humanu sira hosi instituisaun, Lu-Olo fó ona homenajem ba veteranu sira Falintil nian, grupu armadu hosi rezisténsia no matadalan hosi forsa sira Defeza nian.

Ba xefe Estadu, F-FDTL hanesan "sasin moris ida hosi domin pátriu no koezaun nasional", sentimentu ida "orgullu ba pasadu ida ne'ebé halibur" sidadaun sira ho tanba valor sira ne'ebé halo ona "Timor-Leste sai hanesan nasaun livre, soberana ho independente".

Nia hatete katak homenajen iha loron-sesta ne'e serve hodi fó "vizibilidade no públiku haree hosi kapasidade sira afirmasaun nian ba F-FDTL", estrutura permanente mobilizadu " hodi defende valor étiku sira ho valor humano importante sira" hosi nasaun, "hatudu iha espíritu sakrífisiu ne'ebé maka'as, abnegasaun, disiplina ho obediénsia, iha disponibilidade permanente ida hodi serve Timor-Leste".

Subliña "karáter nasional ho apartidáriu" hosi instituisaun, Lu-Olo hatete katak forsa sira defeza nian moris iha kontrolu sivil, hodi obedese ba órgaun sira soberania nian, maibé ne'ebé "prosesu hosi desizaun polítika ba asuntu sira Defeza ho Seguransa nian iha partisipasaun ativu hosi militar sira".

"Xefia militar sira bele no tenki fó konsellu ba lideransa polítika sira kona-ba aspetu tékniku sira ka doutrinal sira, liuliu bainhira iha relevánsia estratéjiku, hanesan de'it ezekutante sira ba orden hosi poder polítiku ne'ebé instituidu ho dalan legal. Nune'e, Forsa Armada sira iha responsabilidade sira ba Governu, ba Xefe Estadu no ba sosiedade sivil", nia afirma.

SAPO TL ho Lusa

Prezidente Lu-Olo hakarak modernizasaun téknika ho humanu hosi forsa Defeza

Forsa sira defeza timoroan nian tenki fortalese nia kapasidade sira, téknika ho humanu, iha ajenda ida hosi modernizasaun ne'ebé halo sira sai efisiente liu no bele hatán ba ezijénsia atual sira no iha futuru, hatete hosi Prezidente Repúblika timoroan iha loron-sesta ne'e. 

"Importante dignifika, reforsa ho fó tan kapasidade evidente sira afirmasaun nian ba F-FDTL, hodi garanti finansiamentu hosi rekualifikasaun hosi infraestrutura sira hosi tropa sira nia moris, hosi nia instrusaun no treinu, no ezekusaun, iha prazu nia laran, hosi programa sira hodi hetan ekipamentu sira", afirma hosi Francisco Guterres Lu-Olo iha loron-sesta ne'e.

"Timor-Leste tenki kontinua knaar hodi forma, treina ho moderniza nia Forsa sira Defeza nian, tuir kritériu sira hosi nesesidade no efisiénsia no labele haluha ba ezijénsia sira hosi tempu ne'ebé maka ita hasoru daudaun", nia hatutan mós.

Francisco Guterres Lu-Olo ko'alia iha Díli, ba personalidade prinsipal sira nasaun nian, iha serimónia sira hodi selebra tinan 17 hosi Forsa Defeza Timor-Leste (F-FDTL) nian iha loron-sesta ne'e.

Lu-Olo hatete katak aniversáriu hosi "institusionalizasaun FALINTIL-Forsa sira Defeza Timor-Leste nian" hanoin hikas "momentu istóriku hosi nia estabelesimentu iha Aileu, iha tinan 2001, hafoin luta naruk ida durante tinan 24 ne'ebé FALINTIL ho povu timoroan rezisti ho vontade no espíritu patriótiku, iha kondisaun sira ne'ebé susar tebes no lahó apoiu militar esternu".

Hanoin hikas pasadu, maibé hanoin iha prazu médiu no prazu naruk, xefe Estadu refere ba aprovasaun ne'ebé foin lalais halo ba Konseitu Estratéjiku hosi Defeza ho Seguransa Nasional no ba importánsia hodi avansa iha preparasaun hosi dokumentu estratéjiku estruturante sira "hodi hadi'a kapasidade operasional hosi F-FDTL nian".

Importante liu, iha kuadru hosi "reorganizasaun no modernizasaun" hosi forsa sira, maka "kompleksu problemátiku hosi rekursu ema nian", Lu-Olo hatete.

La'ós de'it hanesan "hadi'a kualifikasaun sira tékniku-profisional sira" maibé mós rezolve kestaun sira hanesan "asesu ba saúde, apoiu sosial komplementar, reajustamentu hosi sistema retributivu no kondisaun militar nian, progresaun iha kareira no adopsaun hosi medida sira seluk ne'ebé halo F-FDTL sai kompetitivu liu ho área sira seluk hosi sosiedade".

Xefe Estadu husik apelu ida ba militar sira atu situasaun atual "hosi difikuldade sira rekursu ema nian, finanseiru ho material sira" la sai hanesan motivu hodi la halo ksolok no hanesan liu "estímulu ida iha dezafiu sira hodi manán".

"Tanba ne'e, ha'u enkoraja imi ba serbisu no kultiva prinsípiu sira kultura militar nian, hanesan baze loloos hosi Instituisaun Militar forte ida, ne'ebé nesesáriu ba identidade no koezaun nasional nian", nia afirma.

"Ha'u haree ho konfiansa ba Timor-Leste nia futuru. Hanesan ho korajen no determinasaun hodi manán hosi ita nia povu maka ita halo ona istória no ho nia maka ita sei fó kontinuasaun ho afirmasaun ba Timor-Leste", nia hatete.

SAPO TL ho Lusa

Presidente da República quer debate alargado sobre “serviço cívico nacional”

O Presidente da República timorense considerou hoje que é "inevitável" um debate político e social alargado em Timor-Leste sobre "a introdução de um Serviço Cívico Nacional" como caminho para fortalecer a formação de cidadania no país.

"A sobrevivência de Timor-Leste, como país a que nos orgulhamos de pertencer, exige gente com uma formação cívica que garanta o seu empenhamento na nossa segurança, no nosso bem estar, na manutenção da nossa identidade", afirmou Francisco Guterres Lu-Olo.

Francisco Guterres Lu-Olo falava em Díli, perante as principais individualidades do país, nas cerimónias que assinalaram hoje o 17º aniversário das Forças de Defesa de Timor-Leste (F-FDTL).

Uma comemoração que ocorre "num momento particularmente significativo da vida nacional" em que se volta a questionar se Timor-Leste enquanto Estado soberano "está à altura das suas responsabilidades" e onde, considerou, importa discutir "a importância do relacionamento entre a Instituição Militar e o Poder Político".

Para o Presidente, "as chefias militares não podem ser indiferentes às mudanças que se operam no mundo" e devem estar "atentas às grandes transformações que se produzem na vida política e na sociedade civil em Timor-Leste, a nível de comportamentos, valores e mentalidades".

Como "pilar fundamental da Nação, escola de virtudes e cidadania e garante da soberania e defesa do território", afirmou o Presidente, as F-FDTL " exercem uma importante função social de vigilância, de prevenção e correção dos fatores de decadência e de chamada de atenção para a defesa incontestável dos valores permanentes da vocação timorense".

"A passagem dos valores de cidadania é cada vez mais difícil. As alterações que se verificam na família, na escola e nas F-FDTL, estas por passarem a incidir sobre um universo muito restrito, faz com que nos interroguemos, preocupados, sobre quem vai no futuro fazer essa formação de cidadania", disse.

"É por esse motivo que entendo que um debate político e social sobre a introdução de um Serviço Cívico Nacional em Timor-Leste, é inevitável", considerou.

Num discurso em que se referiu ao passado das F-FDTL e à necessidade de fortalecer as capacidades técnicas e humanas da instituição, Lu-Olo homenageou os veteranos das Falintil, o braço armado da resistência e precursor das forças de Defesa.

Para o chefe de Estado, as F-FDTL são um "testemunho vivo de amor pátrio e de coesão nacional", um sentimento de "orgulho por um passado que une" os cidadãos e pelos valores que fizeram "erguer Timor-Leste como nação livre, soberana e independente".

A homenagem de hoje, disse, serve para dar "visibilidade e público testemunho das capacidades de afirmação às F-FDTL", estrutura permanentemente mobilizada "para defender os valores éticos e humanos essenciais" do país, "traduzidos num elevado espírito de sacrifício, abnegação, disciplina e obediência, numa permanente disponibilidade para servir Timor-Leste".

Sublinhando o "caráter nacional e apartidário" da instituição, Lu-Olo disse que as forças de defesa vivem sob controlo civil, obedecendo aos órgãos de soberania, mas que "o processo de decisão política para os assuntos de Defesa e Segurança conta com a participação ativa dos militares".

"As chefias militares podem e devem aconselhar a liderança política sobre aspetos técnicos ou doutrinais, sobretudo quando têm relevância estratégica, sendo apenas executantes as ordens do poder político legalmente instituído. As Forças Armadas têm assim, responsabilidades perante o Governo, o Chefe de Estado e perante a sociedade civil", afirmou.

Lusa | em SAPO TL

Fundação Mahein: Forças Defesa timorenses devem dar prioridade ao componente naval

A organização timorense Fundação Mahein (FM) defendeu ontem que o desenvolvimento da capacidade operacional do componente naval deve ser a prioridade das forças de Defesa, ajudando assim a proteger os importantes recursos marítimos de Timor-Leste.

"As F-FDTL devem concentrar-se no desenvolvimento das capacidades que podem apoiar o desenvolvimento socioeconómico de Timor-Leste, proteger os seus recursos naturais e aumentar a sua cooperação internacional em matéria de segurança, mantendo um grau de capacidade de dissuadir a agressão externa", defendeu a organização em comunicado.

"Talvez a capacidade mais importante envolva o patrulhamento de águas territoriais. Neste ponto, a prioridade da F-FDTL deve ser o seu Componente Naval", defende a organização.

As Forças de Defesa de Timor-Leste (F-FDTL), que tiveram como precursor as Falintil, o braço armado da resistência timorense à ocupação indonésia, cumprem ontem 17 anos.

Por ocasião da comemoração, a FM recorda que os "incidentes de pesca ilegal no ano passado demonstraram que o controle de Timor-Leste sobre suas próprias águas territoriais é muito limitado".

Por isso, e para garantir a proteção do enorme valor económico dos mares, tanto na pesca como no turismo, é essencial defende a FM que o "desenvolvimento da capacidade operacional do Componente Naval seja a principal prioridade da organização no futuro".

Para a FM o 17º aniversário das Forças de Defesa de Timor-Leste (F-FDTL), comemorado ontem, deve ser um ponto de "reflexão" sobre o futuro da organização e sobre as melhores formas de servir a nação.

Um futuro, defende, que passa por crescente cooperação com as forças dos países vizinhos, "um aspeto fundamental da segurança nacional de Timor-Leste" e que é crucial para "a capacitação, familiaridade, desenvolvimento de capacidade e cooperação de segurança internacional".

Em particular a FM destaca a cooperação com as Força Defesa Australiana (ADF na sua sigla em inglês) e com as forças armadas indonésias (TNI) e a aposta em "parcerias estratégicas com uma ampla gama de países, particularmente aqueles ativos nas regiões do Sudeste Asiático e da Oceânia".

Entre outros aspetos a FM defende melhorias à capacidade de engenharia das F-FDTL "para auxiliar nos esforços de infraestrutura" e mais atenção a temas como a "manutenção da paz internacional", que daria mais experiência aos efetivos timorenses.

Lusa | em SAPO TL