PM Rui Lisensa Agio Asumi Kna’ar PM

DILI, (TATOLI) - Ministru Estadu Prezidensia Konselhu Ministru Agio Pereira hahu ohin, Kuarta (21/06) asumi ona kargu nu’udar Primeiru Ministru Interinu relasiona ho lisensa Primeiru Ministru Rui Maria de Araújo hodi partisipa kampaña Partidu Polítiku FRETILIN ba Eleisaun Parlamentár.

Tuir dadus ne’ebé Ajensia asesu husi Gabinete Primeiru Ministru,  orariu PM Rui sei tama servisu hanesan bai-bain iha loron Segunda to’o Tersa kada semana.

Enkuantu Kuarta to’o Sexta sei konsentra ba atividade partidu FRETILIN to’o kampaña eleisaun Parlamentár remata iha loron 19 fulan oin.

Entretantu, Ministru Estadu Kordenador ba asuntos ekonomiku no ministro agrikultura no pescas Estanislau da Silva, Ministro Estado Kordenador ba asunto da administrasaun estadu no justisa nomos ministro administrasaun estatal, Deonisio Babo, Vise Ministru komersiu insdustria no ambiente Nino Pereira, Vise MSS Miguel Manetelu mós foti ona lisensa ba kampaña.

Jornalista: Agapito dos Santos | Editór: Manuel Pinto

Foto: Agio Pereira ho Rui Maria de Araújo 

Bolseiru Barak Liu Iha Portugal-Brazil

DILI – Ministeriu Edukasaun (ME), rekoinese oras nee bolseirus sira neebe mak halao sira nia estudu iha rai liur, maioria iha Portugal no Brazil.

Tuir Direitor Jeral husi ME, Antoninho Pires, hatete, estudantes bolseiru sira nee maioria iha Portugal no Brazil. Tanba estudante sira neebe mak oras nee dadaun estudu iha rai liur,  hanesan iha Thailadia, korea do sul, maibe iha Malaysia nee estudante sira uituan deit, barak liu  mak iha Filipina no Thailandia, Indonesia sira bolseirus nee uituan deit, maibe Timor oan barak liu iha  Indonesia, Australia, Nova  Zelandia mos ninia numeru nee uituan.

Hau hanoin ita nian estudantes bolseiru sira nee maioria iha Portugal no Brazil. Tanba ita nian estudante sira neebe mak oras nee dadaun estudu iha rai liur, hanesan iha Thailadia, korea do sul, maibe iha Malaysia no  korea do sul nee ita nian estudante sira uituan deit, barak liu  mak iha  Filipina no Thailandia, Indonesia sira bolseirus  nee uituan deit, maibe Timor oan barak liu iha Indonesia, Australia, Nova Zelandia mos uituan, mesmu tempu iha Japaun, maibe agora dadaun ita bele dehan barak liu iha Europa, Portugal, Brazil barak liu mos iha Cuba, estudante uituan mos iha Mosanbique no Cabo Verde, Xina mos uituan deit,” dehan DJ ME Antoninho ba  STL  iha nian knar fatin Vila-Verde Dili Tersa (20/06/2017).

DJ ME, Antoninho akresenta, estudante sira neebe mak ohin temi nee liu husi bolsu estudu, nee governu mak fasilita tomak, maibe iha ida ou rua husi sira nian familia rasik mak fo, hanesan iha Filipina, Thailandia, balun sira nian inan aman rasik mak seluk sira nia eskola.

Iha parte seluk, deputadu husi bankada CNRT, Agostinho Lay, hatete, politika governu liu husi ME, neebe mak haruka bolseiru sira ba kontinua sira nian estudu iha estranjeirus nee, atu bele prepara rekursu umanus neebe mak diak ba aban bain rua ninia, tanba nee, husu nafatin ba governu katak, bainhira bolseiru sira nee remata sira nian estudu no fila-fali mai Timor sira tenke servisu duni iha instituisaun estadu ou governu. Jacinta Sequeira/Terezinha de Deus

Suara Timor Lorosae

TL Independensia Tinan 15, Povu kontinua Moris Kiak-Mukit

DILI - Timor-Leste independensia tinan 15 ona, maibe povu kontinua moris iha kiak no mukit nia laran, tanba agora sei nafatin mosu, korupsaun, familiarismu, no seluk tan hodi latau importansia ba povu nia moris iha nasaun ida nee.

Kestaun nee hatoo husi Veteranus Pedro Menezes katak, Timor-Leste ukun aan agora atu atinji ona 15 anus, ema hot-hotu buka meius atu dezenvolve nasaun nee. Maibe lider sira balu ladun iha inetese ba povu sira tanba nee kontinua moris iha kiak no mukit nafatin.

Ita nia independensia nee povu mak deside maibe lider sira laiha interese dezenvolve nasaun no laiha interese komum ba povu sira, tanba haree ba povu sira iha foho barak mak sei hakilar ba sira nia nesesidade baziku hanesan Estrada, Bee-Mos, Eletrisidade, Saude, Edukasaun no seluk tan. Karik governante sira iha hanoin ida deit mezmu partidu diferensa maibe tuur ona iha kadeira tenke iha hanoin ida hodi dezenvolve povu ho nasaun ida nee,” katak Veteranus Pedro ba STL Kuarta (21/06/2017) iha Kintal Boot.

Nia hatete, pior liu tan mak agora mosu familiarizmu ou nepotizmu, nee nia haree akontese barak los, tanba nee hanesan veteranus ida nia kritika hahalok ida nee tanba iha servisu mos buka familia deit, tanba nee kritika para atu hadia malu.

Iha parte Seluk, Deputadu Adriano do Nascimento husi Bankada PD hatete, haree ba dezenvolvimentu iha nasaun nee balu lao ona, maibe balu mos seidauk lao, tanba nee karik PD manan maoria iha Elpar sei fo komitmentu tomak hodi kaer planu stratejiku dezenvolvimentu neebe aprova iha ukun ANP nian, iha neeba iha lina jerais hotu ona, klaru ke PD mak povu fo fiar sei halo revizaun hodi implementa tuir komitmentu politiku neebe tau iha planu stratejiku dezenvolvimentu. Guilhermina Franco / Jacinta Sequeira

Suara Timor Lorosae

Ema Portugal Nain 64* Mate Tanba Inséndiu Floresta

DILI (TATOLI) – Governu Timor-Leste (TL) hato’o mensajen solidaridade ba governu no povo Portugal tanba inséndiu floresta iha Pedrogão Grande, Portugal ne’ebé akontese iha Domingu (18/6) no rezulta ema nain 64 mate.

Primeiru-Ministru, Rui Maria de Araújo hateten lakon vida ne’e trájika, povu Timor-Leste hanoin no sempre halo orasaun ba bin-alin iha Portugal.

Governu TL hato’o kondolensia ba família no kolega ne’ebé lakon ninian vida no hato’o mensajen hodi fó apóiu ba Prezidente Portugal, Marcelo Rebelo de Sousa no Primeiru-Ministru, António Costa iha tempu susar ne’e.

Governu TL mós rekonhese servisu bombeirus no intervensaun lokál balun iha Portugal ne’ebé infrenta problema maibé ho korajen bele liu kondisaun susar ne’e.

Jornalista: Julia Chatarina, Editór: Manuel Pinto

*Atualizasaun TA ba 64 mate | Foto iha Página Global

Vota ba CNRT “Manán” Dezenvolvimentu

KOVALIMA, (TATOLI) - Prezidente Partidu Congresso Nacional de Reconstrução de Timor-Leste (CNRT), Kay Rala Xanana Gusmão iha kampaña dahuluk loron 20 Juñu 2017 hatete, vota ba CNRT sei garante estabilidade no dalan ba dezenvolvimentu.

“Agora ukun-an estratéjia atu manán dezenvolvimentu. Loos duni CNRT nia ukun seidauk halo buat hotu-hotu. Ita sai tiha husi krize, povu tomak hakilar adeus konflitu, welcome dezenvolvimentu ida ne’e mak ita-nian agora bá oin,” Xanana realsa iha Kampu Ladi, Suai-Kovalima, horisehik.

Ba militante liu rihun resin ho hatais faru matak nu’udar símbólu Partidu CNRT, Xanana dehan nia hamriik iha joven sira-nia oin atu lori no tulun futuru nasaun sira-nian ne’e bá oin.

“Joven sira, imi komesa hanoin bainhira mak osan tama, tinan lima mai ne’e CNRT manán, manán ne’e ho imi-nia votu no tinan lima mai ne’e ba dezenvolvimentu onaM,” Xanana husu.

PLP Kontra Dezenvolvimentu Konsentradu

LAUTEM, (TATOLI) – Prezidente Partidu Libertasaun Popular (PLP), Taur Matan Ruak afirma, PLP mosu tanba lakohi dezenvolvimentu iha Timor-Leste konsentra de’it iha fatin ida, maibé hakarak dezenvolvimentu ba munisipiu sira hotu.

“Agora, PLP kontra modelu dezenvolvimentu, tanba mudansa konsentra de’it iha Oe-Cusse no tasi mane, maibé partidu ne’e eziste halo dezenvolvimentu ba munisípiu hotu,” Taur Matan Ruak hato’o ba Ajénsia TATOLI iha kampaña abertura PLP nian iha Postu Administrativu Lospalos, Tersa (20/06).

PLP mai no iha tanba hakarak povu hetan oportunidade no fahe riku hanesan la’ós balun de’it mak hetan no balun la’e.

Tanba ne’e bainhira povu vota ba partidu PLP, signifika vota ba mudansa, maibé se la vota mak lakohi transformasaun sei lahetan oportunidade no fahe riku hanesan ba munisípiu hotu.

Kondutor Barak Latau Importansia, Ba Sinaiz Tranzitu

DILI - Polisia Nasional Timor-Leste (PNTL) liu husi Unidade Polisia Tranzitu (Poltraz), konseder motorista barak latau inportansia ba sinaiz tranzitu. Tanba nee Poltraz kontinua halo kontrolasaun ba transporte publiku neebe kontra sinais tranzitu.

Tuir Komandante Poltraz Nasional, Inspector Xefe Polisia, Antonio L. C. Soares katak, kontrolasaun neebePoltraz halo haree liu ba iha fatin para nian. Tanba kondoutor sira neebe lori kareta pasajeiru hanesan Mikrolet sei nafatin latau importansia ba iha sinaiz tranzitu   iha ona Kapital Dili.

Kondoutor sira dalaruma haluha sinaiz tranzitu neebe tau ona iha dalan publiku bandu labele para mos dalaruma sira para deit. Nunee iha kruzamentu bainhira haree ema hamrik iha krizamentu mos sira para deit, ida nee mak konsidera kondutor sira lakumpre sinaiz tranzitu.

Tuir lolos sira para iha uma oan neebe monta iha dalan publiku sai hanesan fatin terminal ida ba iha pasajeirus.

Ami nia kontrolsaun sei nafatin lao hodi haree nafatin kondoutor sira neebe seidauk iha komprendesaun ba sinaiz de tranzitu,”katak Antonio ba STL iha Kuartel Jeral PNTL Caicoli Dili, Sesta (16/6/2017).

Tuir Antonio katak, tanba kondoutor sira nee sira nia entrese ba liu osan, nee duni sira laharee atu para iha fatin neebe los nee mak nebe, entaun bele dehan kondoutor sira lakohi atu kumpri sinais de tranzitu neebe marka ona iha estrada publiku.

Kondolensia Vitima Insediu Iha Portugal

DILI – Prezidente Republika, Francisco Guterres Lu Olo, Segunda (19/06/2017) nee, hatoo  nia solidaridade ba vitima insendiu florestal iha Pedrogao Grande, iha rejiaun Leiria, Portugal.

“Ho laran triste mak hau akompana insendiu florestal neebe akontese iha Pedrogao Grande. Hodi estadu ho povu Timor Leste nia naran, hau hakarak hatoo ami nia sentidas kondolensias ba familia enlutadas no solidaridade ba povu irmaun iha Pedrogao Grande. Ami harohan atu Nai Maromak bele haraik forsa ba vitima no familia afetada sira, hodi ultrapasa momentu difisil ida nee no kontinua sira nia moris hanesan babain,” dehan PR Lu-Olo liu husi komunikadu imprensa, neebe STL asesu Tersa (20/6/2017).

Insendiu florestal iha Pedrogao Grande, konsidera hanesan trajedia boot, iha Portugal, iha tinan 50 ikus, hahu iha Sabadu (17/06), 15:00 oras lokal.

Too komunikadu nee hasai, konta ona ema mate hamutuk 62, kanek 62 no familia neebe lakon sira nia hela fatin hamutuk 150. */Terezinha De Deus

Feto Tenke Respeita Uluk Nia Aan

DILI – Parte igreja katolika husu ba feto sira tenke respeita uluk nian aan, antes ema seluk atu respeita sira, liu-liu haree konaba sira nia hatais.

Preokupasaun nee hatoo husi  Vigariu  Jeral  Dioseze  Dili, Mgr. Jose  Antonio katak ema atu respeita feto sira, feto sira mos tenke respeita uluk sira nia aan, sira labele espoi demais hodi ema labele respeita sira, ida nee mak importante teb-tebes.

Nee ita bele dehan, ciri kas Timor nian nee buat ida hatete aat malu nee hanesan ema hemu bee kopu ida, maibe oinsa mak ita atu respeita malu, nomos konsidera ema neebe mak sai hanesan ita nian familia, depois buat ida  ita koalia konaba feto sira, ita husu ba ema atu respeita feto sira, maibe feto sira mos tenke respeita aan, sira labele espoi demais hodi ema labele respeita sira, ida nee importante teb-tebes,” hatete Mgr. Jose Antonio ba STL  iha igreja katedral Dili Segunda (19/06/2017).

Nia hatete, mane ida haree feto ida hatais hanesan nee, oinsa mak mane nee atu respeita feto nee, bainhira lao iha estrada, mane sira komesa hakfuik hotu, ida nee hanesan feto sira rasik mos la respeita sira nian aan rasik.

Pe, Jose Antonio, sublina, feto sira atu hatais tenke haree uluk, atu nunee ema seluk  bele respeita sira, tanba bainhira sira rasik mak la respeita sira nia aan, oinsa mak ema seluk atu bele respeita sira, tanba buat ida  respeita malu nee importante tebes, tantu iha familia uma laran ou iha sosiedade nia laran. Jacinta Sequeira/Terezinha de Deus

Suara Timor Lorosae

Militante Parpol Tenke Anti Violensia

DILI – Militante Partidu Politiku (Parpol) hotu tenke anti violensia hodi labele provoka malu no halo violensia ba malu iha tempu kampana.

Tuir Deputadu Bancada CNRT Arao Noe hatete, partidu hotu-hotu kompremetidu ona liu husi paktu unidade nasional neebe asina dala 2 hanesan iha ministeriu negosiu estranjeirus  organiza husi Ministeriu Interior, depois ida organiza rasik husi husi Prezidente Republika neebe asina paktu sira nee mezmu husi partidu sira balu lamarka prezensa asina maibe sira kompremetiodu, liu-liu ba partidu boot sira.

Mensajen neebe mak hau foti husi amu bispu nian momentu iha marsa da paz katak benvindu paz adeu violensia, moto ida nee parpol hotu sei tau importansia atu nunee bele halao paz iha rai laran. Ba ami CNRT kompremetidu, momentu halo kongresu ami kompremete katak militante cnrt tenke hakribi violensia, karik membru cnrt mak halo violensia CNRT rasik mak sei kaer ema nee entrega ba polisia,” katak Deputadu Arao ba Jornalista Tersa (20/06/2017) iha Parlamentu Nasional.

Nia hatete, se deit mak hakarak atu vota ba cnrt vota ho konsensia, alos tanba tauk militante atu hirus ka atu siak, tanba nee moto cnrt laioha violensia se mak halo nia responsabilidade rasik no cnrt sei apoiu ba seguransa atu haree ema neebe mak halo violensia.

Iha parte seluk,  Deputadu  Joao Adriano husi Bancada PD hatete, sira husu ba militante PD, atu labele provoka siutuasaun iha tempu kampana, tenke kria unidade, no kria paz  hodi bele kontribui ba dezenvolvimentu. Guilhermina Franco/ Jacinta Sequeira

Suara Timor Lorosae

FRETILIN Mak Bele Hadi’ak Governu

LIKISA, (TATOLI) - Sekretáriu Jerál Partidu FRETILIN Mari Alkatiri garante katak, so FRETILIN mak bele hadi’ak governasaun sai metin no buras liutan tuir sistema governasaun.

“FRETILIN manan sei hadi’ak, hametin no haburas liliu iha sistema governasaun tanba FRETILIN maka bele hadi’a,” Alkatiri garante iha kampaña dahuluk Partidu FRETILIN, Likisa, Tersa (20/06).

Setór sira ne’ebé  FRETILIN bainhira ukun fó liu prioridade atu hadi’ak mak hanesan setór saúde, edukasaun, agrikultura, ekonomia, tanba tuir FRETILIN nia haree ohin loron seidauk la’o di’ak.

Maibé atu realiza mehi Alkatiri ho FRETILIN, Nia husu ba militantes no simpatizantes inklui povu atu hili FRETILIN basa FRETILIN la’o ho politika orientadu la’ós politika ida promete de’it iha kampana.

Iha fatin hanesan Adjunto sekretáriu jerál partidu FRETILIN, José Reis gaba sekretáriu jerál Mari Alkatiri katak, Alkatiri iha kapasidade atu ka’er ukun iha governu tanba dezenvolve ona Oecuse liu hosi projeitu zona espesial ekonomia sosial no merkadu (ZEESM).

Entertantu Membru Comite Central FRETILIN (CCF) Rogerio Tiago Lobato husu ba Likisa-oan atu vota ba FRETILIN tanba FRETILIN iha politika di’ak atu dezenvolve timor leste.

Antes ne’e Mari Alkatiri sai nu’udar Primeiru Ministru ba governu konstitusionál da-huluk hodi ka’er pasta nu’udar xefi do governu durante tinan tolu resin (lakompleta mandatu) governu FRETILIN monu iha dalan klaran tanba krize politika nune’e xefi governu iha tinan sanulu resin ka’er hosi aktual Ministru Planiamentu no Investimento Estratejiku, Kay Rala Xanana Gusmão.

Jornalista: Agapito dos Santos | Editór: Manuel Pinto

SIKLU DEBATE | Kona ba konklusaun no rekomendasaun sira ba reforma

SIKLU DEBATE | HOTEL TIMOR | 22 - 27 - 28 - 29 JUÑU

PR timorense inaugura aeroporto Xanana Gusmão e defende diversificação económica

Suai, Timor-Leste, 20 jun (Lusa) - O Presidente da República timorense disse hoje que o investimento significativo do Governo no sul do país deve ser aproveitado com o fortalecimento dos setores agrícola e turístico, exigindo uma aposta ainda maior na formação de recursos humanos.

O chefe de Estado falava a cerca de 15 quilómetros da vila de Suai, localizada a cerca de 140 quilómetros sudoeste da capital, onde hoje inaugurou o Aeroporto Internacional Comandante-em-Chefe das Falintil Kay Rala Xanana Gusmão.

"Poder desenvolver rapidamente uma agricultura industrializada nesta área que possui grandes potencialidades agrícolas e, em simultâneo construir estradas adequadas e outras infraestruturas básicas para a satisfação das necessidades básicas do nosso povo", disse Francisco Guterres Lu-Olo.

Considerando a costa sul do país, em que se insere o projeto Tasi Mane, "uma espécie de nova fronteira" de Timor-Leste, Lu-Olo disse que apesar de "ser rica em recursos tem uma densidade populacional baixa".

TIMOR SOLIDÁRIO | Governo timorense expressa solidariedade com Portugal devido a incêndios

Díli, 20 jun (Lusa) - O Governo timorense expressou hoje pesar pela "catástrofe" e "perda de vidas" provocadas pelos incêndios florestais no centro de Portugal que causaram pelo menos 64 mortos, saudando o trabalho que tem sido feito pelos bombeiros.

"A perda de vidas é absolutamente trágica. Os pensamentos e as preces do povo de Timor-Leste estão com as nossas irmãs e irmãos de Portugal", disse Rui Aráujo, o primeiro-ministro timorense, numa mensagem divulgada no portal do Governo.

A nota refere que o "conhecimento do estado de catástrofe e perda de vidas causado pelos incêndios" levou o executivo a "enviar uma mensagem de solidariedade" ao Governo e povo portugueses.

"O Governo de Timor-Leste apresenta as suas condolências às famílias e amigos daqueles cujas vidas se perderam e envia uma mensagem de apoio ao Presidente Marcelo Rebelo de Sousa e ao primeiro-ministro António Costa, neste momento difícil", refere o comunicado.

"O Governo também deixa uma palavra de reconhecimento ao trabalho feito pelos bombeiros e outros elementos de intervenção local, que enfrentam com coragem condições extraordinariamente difíceis", sublinha.

MACAU SOLIDÁRIO | Santa Casa de Macau envia 200 mil euros para apoio às vítimas

Macau, China, 20 jun (Lusa) -- A Santa Casa da Misericórdia de Macau vai enviar 200 mil euros para a União das Misericórdias Portuguesas, com o objetivo de apoiar as vítimas dos incêndios que afetam Portugal, anunciou hoje a instituição.

Numa nota à imprensa, a Santa Casa de Macau manifesta "o mais profundo pesar e consternação pela enorme tragédia que se abateu sobre o concelho de Pedrógão Grande, com o devastador incêndio do passado fim de semana, que causou grande número de vítimas e avultados danos materiais, nas várias localidades atingidas".

Os 200 mil euros, "destinados ao apoio às vítimas e aos esforços de reabilitação e de auxílio às famílias mais afetadas pelos incêndios", serão canalizados para a União das Misericórdias Portuguesas, que fará a distribuição consoante as necessidades e gravidade, em todo o país.

O dinheiro será enviado na quarta-feira de manhã, disse à Lusa o provedor da instituição de Macau, António José de Freitas.

Esta iniciativa junta-se à da Casa de Portugal em Macau (CPM) que, na segunda-feira, abriu uma conta solidária para recolher donativos destinados a ajudar as vítimas do incêndio em Pedrógão Grande, que já matou 64 pessoas.

Austrália suspende operações aéreas após advertências russas

Sydney, Austrália, 20 jun (Lusa) -- A Austrália anunciou hoje a suspensão das suas missões aéreas na Síria, na sequência das advertências feitas pela Rússia que se seguiram ao abate inédito de um avião militar sírio por um caça norte-americano.

"Por medida de precaução, as operações das forças de defesa australianas na Síria cessaram temporariamente", anunciou um porta-voz do exército australiano em comunicado.

A Rússia advertiu na segunda-feira que os aviões da coligação internacional liderada pelos Estados Unidos que sobrevoem a margem oeste do rio Eufrates "serão monitorizados" e "considerados como alvos" pela defesa antiaérea e a aviação russas na Síria.

O alerta de Moscovo, que também decidiu suspender o canal de comunicação estabelecido com o Pentágono para impedir incidentes aéreos na Síria, surgiu depois de a coligação internacional ter confirmado que um caça norte-americano abateu, no domingo, um avião do exército sírio.

Foi a primeira vez que um aparelho do exército sírio foi abatido por um caça norte-americano.

No território sírio, a Rússia dispõe atualmente de sistemas de defesa antiaérea, estabelecidos nomeadamente na base aérea de Hmeimim, na região síria de Lataki, bem como de dezenas de caças e de bombardeiros que estão destacados desde finais de setembro de 2016 em apoio ao exército do Presidente sírio, Bashar al-Assad, um aliado tradicional de Moscovo.

DM (SCA) // VM