Oknum PNTL Liman Mamar ba F-FDTL, Komandu Rua Hatuun Ekipa, Investiga Kazu Maliana

DILI - Kazu membru Polísia Nasionál Timor –Leste (PNTL) Unidade Espesiál Polísia (UEP) hosi Bataliaun Ordem Públiku (BOP) baku membru FALINTIL-Forsa Defeza Timor –Leste (F-FDTL) komandu rua hatuun ona ekipa investigasaun konjunta hodi investiga kazu refere.

Komandante Jerál PNTL, Komisáriu Júlio da Costa Hornay dehan, kazu ne’e komandu rua hatuun ona ekipa investigasaun konjunta ba hala’o investigasaun, nune’e bele hatene loloos sé maka sala no loos iha kazu refere.

“Sira ekipa konjunta kazu Laulara nian maka kontinua de’it halo investigasaun, ami renova de’it despaisu,” Komisáriu Júlio informa ba jornalista sira iha Kuartél Jenerál, F-FDTL Fatuhada, Sábadu (20/8).

Nia hatutan, hamutuk tiha para investiga membru PNTL ho F-FDTL gosta baku-malu, depois maka foin foti medidas, tanba maka presiza tempu oituan hodi bele investiga.

Antes ne’e, Xefi Estadu Maiór Jenerál F-FDTL, Majór Jenerál Lere Anan Timor dehan, di’ak liu komandu PNTL hasai tiha membrus ne’ebé maka hakarak estraga instituisaun rua ne’e nia naran.

“Ha’u dehan de’it di’ak liu hasai tiha membru ne’ebé maka hakarak estraga instituisaun rua, iha F-FDTL hanesan ne’e ha’u hasai kedas,” dehan Lere ba jornalista sira iha Kuartél Jenerál, F-FDTL, Fatuhada, Sesta (19/8).

Lere hatutan, situasaun ida henesan komandu rua labele tolera ona hahalok membrus  nian, tanba instituisaun rua ne’e maka lutu ba nasaun, loloos tenke hatudu atetude ne’ebé maka di’ak, nune’e komunidade sira bele tuir.

“Komandu PNTL tenke toma medidas ne’ebé maka forte ba nia membru, nune’e labele pertubu komandu rua ne’e, Maliana nian, ha’u haruka ona grupu mistu ida ba para halo investigasaun, para mai halo nia prosesu, no tama ona ba agresaun fíziku lori ba Tribunál,” dehan Lere.

Nia esplika, ba oin maka karik membru F-FDTL maka halo hanesan PNTL nian nia sei hasai, komandu PNTL mós tenke halo hanesan ne’e, tanba akontesementu ba membru F-FDTL ne’e la’ós maka foin akontese, maibé akontese dala barak ona.

 “Iha Militár ita nia membrus balun mós sei joven ita lakohi para buat ruma akontese, uluk dehan Lorosa’e-loromonu agora fali dehan F-FDL ho PNTL, ha’u hanoin komandu PNTL tenke foti medidas forte la nesesáriu duni sai tiha, ha’u mós hanesan ne’e,” dehan Lere.

Jenerál Fitun Rua ne’e Lakohi para ema iha instituisaun nia laran estraga fali nasaun, ho ema ida rua nia hahalok, Kuandu membru F-FDTL maka konsiente ka lae komete krime rua nia hasai.

Kazu membru BOP baku membru F-FDTL ida iha Maliana, Munisípiu Bobonaro iha loron Kinta (18/8).

Maibé Jenerál Lere seidauk bele esplika detallu kona-ba kazu refere, tanba oras ne’e ekipa ida halo prosesu investigasaun.(way)  

Timor Post

FORSA ESPESIAL PREPARA BA AMEASAS TERORIZMU

DILI - Forsa espesiál ne’ebé maka harii hosi FALINTIL-Forsa Defeza Timor Leste (F-FDTL) prepara hasoru ameasas terorizmu ne’ebé maka karik iha futuru akontese iha Timor-Leste.

Xefi Estadu Maiór Jenerál FALINTIL-Forsa Defeza Timor Leste (F-FDTL), Majór Jenerál Lere Anan Timor dehan, forsa espesiál ne’e harii atu bele prepara ba ameasas terorista nia ne’ebé maka karik iha futuru akontese.

“Nia misaun ita nia polítiku sira maka deside ona katak anti terorista, defende nasaun ida ne’e maka ita nia objetivu,” dehan Lere ba jornalista sira iha Kuartél Jenerál F-FDTL, Fatuhada, Sábadu (20/8).

Nia hatutan, forsa espesiál foin maka nia númeru kiik oan ida, seidauk loos, tinan ida rua tan, forsa espesiál sei halo buat ruma agora sira sei treinu báziku hela.

Antes ne’e, eis Ministru Defeza Seguransa (MDS) Xanana Gusmão dehan, atu bele antisipa hosi ameasas terorismu nian ne’ebé maka hahú namanas iha mundu.

“Ita tenki prepara ba dezáfius mundu nian, tanba ne’e maka iha forsas no iha mós forsa espesiál ida,” dehan Xanana liu hosi nia diskursu ba serimónia entrega ekipamentu pezadu iha Kuartél Jenerál F-FDTL Fatuhada, Kuarta (10/8).

Nia hatutan, iha ema balun dehan besik ona eleisaun ne’e maka Xanana harii forsa espesiál ne’e, ema sira hanoin hanesan ne’e beik-ten, la akompaña evolusaun iha mundu ohin loron nian.

“Ema balun dehan forsa espesiál ne’e Xanana nian, tanba 2017 iha eleisoens, ema sira ko’alia hanesan ne’e ema beik-ten, tanba la kompriende estadu, la kompriende mundu, la kompriende dezáfius ne’ebé maka mosu oin nusá maka  Estadu Timor Leste bele responde ba iha ne’ebá,” dehan Xanana.

Nia hatutan, TL no mundu la livre hosi ameasas terorismu, ho ameasas oi-oin, tanba ne’e maka tenki prepara uluk antes buat ruma mosu, prontu ona bele hatán ho di’ak, forsa espesiál ne’e iha kompañia ida. (way)

Timor Post

Governu no rebelde komunista filipina hahú sesárfogu hodi retoma negosiasaun ba pás

Governu Filipina no  rebelde komunista nasaun nian deklara iha sábadu sesárfogu provizóriu ida, pasu préviu ida hodi  hahú fila fali, segunda-feira ne’e, iha Oslo, negosiasaun ba pás. 

"Sesárfogu ne’e sei kontinua tuir  tempu hodi bele garante pás no susesu iha negosiasaun ", haktuir  iha deklarasaun ba jornalista sira, Jesús Dureza, konselleiru hosi  Prezidente filipinu, Rodrigo Duterte.

Sesárfogu ne’e deklara hafoin iha sesta-feira ne’e Governu Duterte liberta líder komunista rua, Benito no Wilma Tiamzon, hodi partisipa reuniaun iha Oslo.

Besik rebelde komunista filipinu 22 hasai hosi prizaun, iha movimentu ne’ebé kria " klima ida  pozitivu ho konfiansa" hosi parte ezekutivu Duterte no hatudu hakarak tebes atu  alkansa pás ho rebelde sira.

Razaun ida ne’ebé maka halo negosiasaun ronda uluk  la’o kleur iha tinan tolu nia laran tamba Prezidente filipinu , Benigno Aquino (2010-16) lakohi, atu liberta negosiadór komunista sira.

Parte rua sei hahú fila fali  iha Oslo intensaun atu alkansa akordu pás nian ho programa negosiasaun ba deklarasaun sesárfogu permanente, amnistia ba prezu komunista sira no hametin  mekanizmu ne’ebé garante hakotu konflitu armadu maka la’o besik sékulu ida ne’ebé kauza ema mate liu 30.000.

SAPO TL ho Lusa

Padre britániku hetan detidu tamba abuzu menor iha aeroportu Londres

Padre britániku hetan akuzasaun ho abuzu seksuál ba labarik sira hetan  detidu iha aeroportu Luton, Londres, domingu ne’e, hafoin halai tinan lima.

Laurence Soper hetan  detidu iha domingu ne’e, maihosi Kosovo, tuir  komunikadu polísia nian.

Soper, ho tinan 72, akuzadu ho krime abuzu seksuál sia, ne’ebé akontese entre 1972 no 1986.

Ninia detensaun hakotu  batalla legál naruk entre Reinu Unidu no Kosovo, ne’ebé Soper hetan detidu iha maiu, liuhosi mandatu europeu ne’ebé emite hosi  Reinu Unidu.

Polísia iha Kosovu haktuir, iha momentu ne’ebá, katak ema ne’e  koñesidu hanesan "Padre Laurence" no aprezenta ninia naran kompletu hanesan Andrew Charles Kingston Soper.

Iha  inísiu fulan ne’e, tribunál Kosovu rekuza, ba daruak, entrega padre katóliku ne’e, argumenta katak  estatutu  limitasaun – ne’ebé  limita lori tempu hirak maka bele liu entre asaun legál no alegadu krime – maka  atinje tiha ona.

Padre ne’e konsidera halai  dezde 2011, akuza halo abuzu ba alunus na’in lima durante períodu ida ne’ebé nia fó  aulas  iha eskola privada katólika ida  iha Londres.

SAPO TL ho Lusa

Governo e rebeldes comunistas filipinos iniciam cessar-fogo para retomar negociações de paz

Banguecoque, 21 ago (Lusa) -- O Governo das Filipinas e os rebeldes comunistas no país declararam no sábado um cessar-fogo provisório, um passo prévio para a retoma, na segunda-feira, em Oslo, das negociações de paz.

"Este cessar-fogo vai continuar o tempo que for necessário para garantir a paz e o êxito das negociações", afirmou, em declarações aos jornalistas, Jesús Dureza, conselheiro do Presidente filipino, Rodrigo Duterte.

O cessar-fogo foi declarado depois de o Governo de Duterte ter libertado na sexta-feira dois líderes comunistas, Benito e Wilma Tiamzon, para participarem na reunião em Oslo.

Até 22 rebeldes comunistas filipinos saíram das prisões, num movimento para criar "um clima positivo e de confiança" por parte do executivo de Duterte e demonstrar o desejo de alcançar paz com os rebeldes.

Uma das razões pelas quais a anterior ronda de negociações fracassou há três anos foi a recusa do então Presidente filipino, Benigno Aquino (2010-16), de libertar negociadores comunistas.

Ambas as partes vão retomar em Oslo a intenção de alcançar um acordo de paz com um programa de negociação com vista à declaração de um cessar-fogo permanente, uma amnistia para os presos comunistas e a instauração de mecanismos que garantam o fim de um conflito armado que em quase meio século causou mais de 30.000 mortos.

FV // ROC

Deslocados no centro de Moçambique em longa agonia à espera do fim do conflito

Entre os traumas de violência política, Augusto Zambo, desespera com os desencontros no diálogo de paz em Moçambique enquanto a espera pela pacificação do país vista de um campo de deslocados "é um sofrimento excessivo".

Zambo, 43 anos, é um dos 1.611 deslocados no centro de acomodação de Mossurize, na província de Manica, centro de Moçambique, devido à crise política e militar e à seca que atinge a região.

"Fugimos de uma luta da qual não fazemos parte, mas somos as maiores vítimas", disse à Lusa Augusto Zambo, crítico do "fanatismo e ódio político", que levou algumas a raptos e assassínios na região e não raras as vezes, afirma, as vítimas não tinham nenhuma ligação às partes.

Lusa

Presidente do COI diz que brasileiros devem estar orgulhosos dos Jogos

O presidente do Comité Olímpico Internacional (COI), Thomas Bach, disse no domingo que os brasileiros devem estar orgulhosos da realização dos Jogos Olímpicos Rio2016.

Nós vos amamos, brasileiros. Obrigado pela calorosa hospitalidade. O Brasil unido animou o mundo nos últims 16 dias. Têm muitas razões para estar orgulhosos", disse o alemão, no seu discurso na cerimónia de encerramentos dos Jogos.

Para Bach, estes "Jogos Olímpicos foram a celebração da diversidade", confiando que os "valores olímpicos vai criar união dentro desta diversidade".

O presidente do COI agradeceu ainda aos atletas, pela sua "incrível prestação" e por terem mostrado "o poder para unir o mundo, competindo com respeito e vivendo juntos", e terem enviado "uma mensagem de paz para todo o mundo".

"Obrigado aos refugiados, que nos inspiraram com o seu talento. São um símbolo de esperança para refugiados para todo o mundo", referiu.

Bach entregou ainda aos cariocas a Taça Olímpica, criada a 110 anos por Pierre de Coubertin, 'pai' dos Jogos modernos.

Por fim, o presidente do COI declarou encerrados os Jogos da XXXI Olimpíada.

NFO // NFO

Padre britânico detido por abuso de menores em aeroporto de Londres

Um padre britânico acusado de abuso sexual de crianças foi detido no aeroporto de Luton, em Londres, no domingo, cinco anos depois de se ter posto em fuga.

Laurence Soper foi detido no domingo, vindo do Kosovo, de acordo com um comunicado da polícia.

Soper, de 72 anos, é acusado de nove crimes de abuso sexual, que terão acontecido entre 1972 e 1986.

A sua detenção põe fim a uma longa batalha legal entre o Reino Unido e o Kosovo, onde Soper foi detido em maio, através de um mandato europeu emitido pelo Reino Unido.

A polícia no Kosovo disse, na altura, que o homem era conhecido como "Padre Laurence" e apresentou o seu nome completo como Andrew Charles Kingston Soper.

No início do mês, um tribunal do Kosovo recusou, pela segunda vez, extraditar o padre católico, argumentando que o estatuto das limitações -- que limita quanto tempo pode passar entre a ação legal e o alegado crime -- já tinha sido atingido.

O padre encontrava-se em fuga desde 2011, acusado de abuso de cinco alunos durante o período em que dava aulas numa escola privada católica em Londres.

Lusa, em SAPO TL

Ahi Han Kantina Parlamentu Nasionál

DILI, (ANTIL) - Públiku Kapitál Dili iha dadersan oras 08.20 OTL hetan supreza ho ahi han ne’ebé akontese ba kantina Parlamentu Nasional.

Akontesementu ahi han ne’e konsege hamosu paniku husi funsionariu sira iha area Parlamentu Nasional no Ministeriu Finansas, inklui funsionariu sira ne’ebé haknar-an iha Palacio do Governo halai sai hotu ba areia parke kareta nian.

“Ha’u hakfodak, haree hosi janela komesa ahi suar sai, no ami hakat ba, ahi komesa boot ona,’’Inocencia de Araujo, Supervisór Kompaña Mukun Timur Di’ak (kompaña ne’ebé halao servisu limpeza,red.) fo sasin ba ANTIL, Segunda, (22/08), iha fatin akontesementu.

Maski nune’e, ahi konsege hamate husi ekipa Bombeiros Munisípiu Dili ne’ebé ba kedan fatin akontesementu hodi rega mate ahi durante minutu 30.

Tuir informasaun ne’ebé espalla, desde sesta lokoraik, fugaun gas ne’ebé iha sala laran haluha hamate hosi ema hirak mak halo servisu ba iha kantina ne’e.

Ahi han kantin Parlamentu Nasionál konsege halo movimentu transporte iha Parlamentu Nasionál oin engarafa tanba estudantes, funsíonarius, Polisia no Públiku hotu hakfodak ho akontesimentu ne’e. Laiha vítima kanek ba akontese ne’e, maibe kantina ne’e hetan estragus no mutuk, inklui makina foto kopia rua no sasan elektronika balun. (jornalista: Zezito Silva; editor: Gantry Meilana)

Foto: Publiku Kapital Dili hakfodak ho ahi han ne'ebe akontese iha Kantina Parlamentu Nasional, Segunda (22/08). Foto: Antonio Goncalves / ANTIL

Aderito Hugo: Ka’er Metin Disiplina

DILI, (ANTIL) - Prezidenti Parlamentu Nasional, Aderito da Costa Hugo konsidera instituisaun Forsa Defesa Timor-Leste nia origin mai hosi FALINTIL, tanba ne’e Forsa Defesa Timor-Leste (FDTL) tenki ka’er metin disiplina hanesan FALINTIL sira hatudu iha tinan 41 liu ba.

“Loron 20 Agostu loron importante ba povu Timor-Leste tanba iha loron ida ne’e iha tinan 41 liu ba timor oan sira hamrik reafirma sira nia pojisaun hodi fo apoiu ba desijaun Komite Central FRETILIN kona ba Insurisaun Jeral Armada iha Aiseremu, hodi harii forsa ba libertasaun ho isperitu patriotism no nasionalismu aas,” Aderito Hugo afirma iha nia diskursu official iha komemorasaun loron FALINTIL, 20 Agostu foin lalais ne’e.

Hugo dehan, FALINTIL iha tinan 41 liu ba hamrik metin hodi defende rai Timor hosi invasor sira ne’ebe mak hetan apoiu hosi mundu ida hatudu duni FALINTIL mak lutu no liman kroat povu nia hodi defende Timor oan sira.

“Ne’e signifika Forsa Defesa Timor-Leste nia origin mai hosi FALINTIL,” Aderito Hugo esplika tan.

Hodi husu ba forsa defesa Timor-Leste sira ka’er metin ba mandatu ne’ebe mak konstituisaun fo atu defende no salva guarda Republika Demokratika Timor Leste ho disiplina no submete ba hirarkia instituisaun.

Jornalista: Manuel Pinto / Editor: Gantry Meilana

Foto: Prezidenti Parlamentu Nasional, Adertito Hugo akompainha hosi komandante Parada hodi halo pasa revista ba parada antes hasa’e bandeira iha komemorasaun loron FALINTIL dala-41 iha Edifisiu Ministeriu Defesa Fatuhada, (20/08). FOTO ANTIL

Kampiaun Primeira Divisaun LFA Tebe Sai Aitana Hosi Tasa 12 de Novembro

DILI, (ANTIL) – Golu úniku João Pedro Freitas iha minutu 53, lori kampiaun Primeira Divisaun Liga Futebol Amadora (LFA) epoka 2015/2016 AD SLB tebe sai FC. Aitana hosi jogu Tasa 12 de Novembro, Sabadu (20/08), iha Estadiu Municipal Dili.

Golu João Pedro Freitas nian ne’e akontese, hafoin aproveita pasajen bola hosi ninia parseiru Danilson Araújo (11) ne’ebé halai hosi extremu karuk kuaze distánsia 12 hosi rede. Xutu ida ne’e ho velosidade maka’as no kruza entaun halo defeza no baliza hakat sala, nune’e rezulta golu.

AD. SLB hetan oportunidade barak atu hatama golu maibé kontra ataka hosi adversáriu maka’as liu entaun sira falla beibeik iha ezekusaun bola. Iha minutu 20, Danilson kedok bola hakat liu defeza no hakat liu tan baliza ne’ebé halai hasoru nia atu salva bola maibé lá biban hatama golu tanba ho pozisaun offside.

Minutu 29, João Pedro husik xutu ida ho velosidade maka’as ba guarda rede adversáriu maibé bola kesasar. Bola nakduir fali ba iha rede sorin parte liman karuk nian.

Dala ida tan, João Pedro hetan oportunidade livre iha minutu 37 maibé tanba mentál iha hela presaun nia laran entaun nia xuta ho hakfodak halo bola semo liu tiha rede.

Danilson mós hanesan. Tanba hakfodak ho presaun hosi adversáriu, nia mós lá konsege halo golu iha minutu 42 maske nia hetan oportunidade livre. Bola ne’ebé nia tidin semo liu tiha ninia tarjetu.

Hosi parte Aitana, sira mós hetan oportunidade lubuk atu hatama golu maibé sempre falla. Iha minutu 31, Salvador da Silva husik ninia xutu ida ba guarda rede maibé bola lá semo ba alvu. Bola nakduir fali ba rede sorin parte liman karuk.

Iha minutu 33, Alfredo Soares (16) aproveita bola kantu ida hosi ninia belun hodi tidin liu ba rede inimigu maibé bola ás oituan entaun lá rezulta golu.

AD. SLB kontinua tenta fó presaun no blokeia sira nia movimentu maibé sira konsege ultrapasa maske lá hahoris golu. Minutu 35, Edit Sávio (9) okupa pozisaun di’ak atu halo golu maibé tanba nia dada demais bola nune’e defeza mai hadau lalais hosi nia ain. Hosi tribun leten, adeptus Aitana ho kakorok badak naruk hodi fihir mai iha Edit ne’ebé atu lori esperansa ba Aitana. Maibé, oportunidade ne’e, Edit soe saugati. Fogu..! Aitana kala lakon duni.

Iha minutu 55, Hélder Valenti (15) koko tan baliza ho ninia xutu ne’ebé lais maibé baliza kaer toman lalais. Lá kleur, minutu 66, Salvador da Silva (10) remata baliza liu-hosi ninia xutu hosi extremu liman loos maibé falla. Baliza impede imediata. Pluit…Pluit…Pluit..! Minutu 90 terminadu. Tempu to’o ona Aitana lulun biti. SLB prepara án hasoru dezafiu iha terseira faze Tasa 12 de Novembro 2016.

Aitana FC (5-2-3)—Nuno Sarmento (23/baliza), Narsicio Martins (3/defeza), Galucho de Carvalho (4/defeza), Francisco Costa (2/defeza), Alfredo Soares (16/defeza), Hélder Valenti (15/médiu), Zenildo Mozil (12/médiu), Calistro Pereira (17/médiu), Salvador da Silva (10/médiu), Nélson Freitas (18/avansadu), Edit Sávio (9/avansadu). Jogadór suplente ne’ebé tún kampu maka hanesan Mario Sarmento númeru 8 pozisaun defeza troka númeru 17, Elias Ximenes númeru 32 pozisaun avansadu troka númeru 8, Florencio Pereira númeru 5 pozisaun defeza troka númeru 16 no Nilton Freitas númeru 11 pozisaun médiu troka númeru 10. Treinadór: João Samantha.

AD SLB Laulara (4-1-4-1)—Fernando da Costa (21/baliza), Julião Mendonça (3/defeza), Tomás Sarmento (24/defeza), Leopoldo A. Guterres (15/defeza), Armando Varela (13/defeza), Filomeno Junior (23/médiu), João Paulo (8/médiu), José Maria Oliveira (7/médiu), João Pedro Freitas (10/médiu), Danilson Araújo (11/avansadu), Jeremias Baptista (12/avansadu). SLB só troka ema na’in ida de’it. Nídio Ricardo Alves (5) pozisaun médiu troka númeru 24 (aleja iha minutu 35).Treinadór: José Martins.

Árbitru: Início Fernandes

Juiz linha 1: António de Carvalho

Juiz linha 2: Francisco Pereira

Jornalista: Xisto Freitas / Editor: Gantry Meilana – Foto: Jogadores SLB Laulara no Aitana hadau malu bola atu hadau vitótia. Foto ANTIL/Xisto Freitas

Ultramar Fraku iha Lini Tolu

DILI, (ANTIL) - Treinadór Atlético Ultramar, Gaspar Quintão da Silva dehan loloos sira mós halo golu maibé parte avansadu, médiu no defeza eskerda lá produtivu.

“Tolu ne’e maka impata Ultramár hakat ba vitória,” Gaspar dehan ba jornalista sira iha Estádiu Municipál Dili, Sesta (19/9), hafoin ramata jogu entre Cacusan CF no Atlético Ultramar.

Nia dehan katak nia sei hadi’a lini ne’ebé temi iha leten para bele joga produtivu nune’e bele lori vitória ba klubu no fans tomak.

“Lini antigu no atuál laiha diferensa. Tan ne’e, ha’u sei hadi’a failansu sira ne’e. Iha jogu tuir mai jatamente ami nia jogu sei iha mudansa,” Gaspar promete.

Nia fó parabéns ba ekipa kontra (Cacusan) tanba performance jogu di’ak teb-tebes. Tuir nia, kuaze 80% Cacusan domina bola.

Jornalista: Xisto Freitas / Editor: Gantry Meilana – Foto: Gaspar Quintão da Silva

Treinadór Cacusan Reseiu Jogadór Ultramar Nia Tékniku

DILI, (ANTIL) - Treinadór Cacusan CF, Clementino António Fernandes de Carvalho agradese ba jogadór sira tanba bele manán Atlético Ultramar ho rezultadu 2-0.

Clementino hato’o liafuan ne’e ba jornalista sira iha Estádiu Municipál Dili, Sesta (19/8), hafoin ramata jogu entre Cacusan no Ultramar.

Nia haktuir sira halo preparasaun durante fulan ida resin ba jogu ida ne’e tanba Ultramar klubu ida ne’ebé ho teknikamente di’ak tanba involve jogadores estranjeiru ne’ebé kualidade.

En-felizmente, Clementino dehan, sira nia jogadór médiu na’in rua maka lá joga tanba aleija. Karik jogadór rua ne’e joga, tuir nia, sira bele manán liu golu rua.

Iha jogu tuir mai, nia optimista katak sira sei kontinua hatudu rezultadu ne’ebé di’ak hodi fó satisfasaun ba klubu no adeptu sira.

Iha fatin hanesan, kapitaun jogadores Cacusan, Endo Tilman hateten nia sempre xama atensaun ba nia kolega jogadór sira iha kampu laran para joga tuir sistema ne’ebé treinadór monta ona.

Nia haktuir defikuldade ne’ebé sira hasoru bainhira kontra Ultramar maka jogadores Ultramar halimar bola long de’it entaun sira sempre atrapalla ba ida ne’e.

“Ami antisipa maka’as liu ba sira nia bola long tanba sira mesak alturas de’it,” Endo informa.

Jornalista: Xisto Freitas / Editor: Gantry Meilana - Foto: Clementino de Carvalho

TRABALLADOR 161 LAKON SIRA NIA SERVISU

DILI - Sindikatu Jeral Traballadores Timor Leste (SJT-TL) konsidera kompañia Gardamor viola lei traballu, tanba  halo demisaun ba Traballador na’in 161, la fó kompensasaun.

Traballador  security  161 ne’ebé kompañia Gardamor  demiti, mai hosi lokasi 10, kompostu lokasi Patrimoniu de Estadu Balide (Alfa 226 no 227), Lokasi Estatistik Dili (Alfa 228), Patrimoniu de Estadu Farol (Alfa 231), Lokasi Armagem Bebora (Alfa 230).

Iha mós Lokasi Patrimoniu Estadu Tasi-Tolu (Alfa 232), Lokasi Patrimoniu Obrigado Barak (Alfa 229), Lokasi Patrimóniu Estadu Liquica, Lokasi Patrimoniu Estadu Baucau, Lokasi Jacson Lay (Alfa 94) no Lokasi Timor Post (Alfa 104), ho totál trabalhadores 161  pessoas.

Tuir keixa ne’ebé SJT-TL simu hosi Traballador Security sira, katak maoria sira nia kontratu sei termina iha Fulan dezembru tinan 2016, maibé sira lamenta tan, kompañia gardamor hapara sira la fó kompensasaun. Ho rajaun sira nia kontra ho Kompañia seidauk termina.

SJT-TL konsidera asaun kompañia Gardamor demiti trabalhadores security 161  ne’e, hanesan problema seriu ida,  tamba rezulta traballador barak mak lakon sira nia servisu, konserteza mós sei afeita ba sira nia situasaun ekonomia iha sira nia familia.

“Ami husu ba ita bo’ot atu konsidera problema ne’e ho seriu, nune’e ita bo’ot ho laran kma’an marka tempu ba ita bo’ot nia a’an rasik hodi hahu deskute ona ho ami ba problema ne’e tuir Lei No.4/2012. Tan asaun demisaun Kompañia halo viola lei trabalho, tan ne’in fó kompensasaun ba traballador sira, Informa  Sekretario Jeral SJT-TL, Almeiro Vila Nova ba Jornalista iha nia servisu fatin, Kinta (18/08).

Almeiro hatete, kompañia Gardamor hakotu reasaun servisu ho trabalhador Sicuranca sira iha loron 13 Agosto tinan ne’e. Altura ne’ebé iha kedan asaun grave spontanitas hosi traballador iha lokasi Lokasi Estatistik Dili (Alfa 228), kaikoli nian. Nune’e ikus SJT_TL organiza maluk traballador sira ne’e hodi hatene sira nia servisu.

“Ami  ejiji ba Kompañia atu selu salariu ba trabalhador iha fulan Augustu ni’an to’o kontratu hotu. Selu indiminizasaun ba trabahadores sira, selu subsidi annual ba trabahadores sira,. Ami husu ba kompañia Gardamor atu selu kompensasaun tamba tempu servisu, tuir artigu 56, ba trabalhador sira nebe’e hala’o kna’ar kada periodu tinan Lima (5),”ejiji SJT-TL.

Tuir lei númeru 4/2012 alineia 15  katak, molok kompañia hasoru problema iha estrutura, Finansas, ekonimia, kompaÑia labele hapara kedan kontratu servisu ho trabalhadores sira. KompaÑia tenke halo esforsu atu redus salariu ba traballdor sira, mais ne’e laiha, kompañia hapara kedan sira. Ne’e hatudu kompañia viola lei traballadores.

Hatán ba prekupasaun SJT-TL, Diretór Ezekutivu Gardamor, Eduardo Belo Gatot hatete, loos duni iha trabalhadores 161 maka kompaña hapara hosi servisu.

Eduardo hatete, desizaun hapara traballador sira ida ne’e la’ós  kompañia nia hakarak maibé desizaun ne’e mai hosi Ministeriu Finansas (MF).

“Ne’e la’ós  tan kompañia nia hakarak, Mais redusaun ne’e mai hosi Ministériu Finansas  rasik. Tan ne’e empreza hanesan parseiru ho Ministériu Finansas. Tan ne’e redusaun kompañia halo bazeia ba pedidu hosi Ministériu Finansas nian,”hatete  eduardo.

Tuir nia,  antes ne’e, traballadores besik atus rua maka hala’o siguranca ba edifisio  Ministériu Finansas ho nia instalasaun sira. Maibé  agora MF maka husu kompañia halo redusaun ba numeru Traballadores, entaun Kompañia tenke kumpri.  

Eduardo hatutan, Kona-bá kompensasaun nia termu luan tebes, bainhira kompañia hapara sein rajaun, laiha buat ida, mais ne’e kompañia hapara tanba ministério Finansas maka husu nune’e kompañia tenke kumpri.

“Mais agora trabalhadores 161 ne’ebé kompañia para, 20 resin mai simu ona sira nia annual bonus.  Hanoin sindikatu mós hatene. Ne’e sira nia direitu. No trabalhadores balun mai tau naran ona, hein kompañia prepara servisu ba sira. Tan ne’e, Na’in ba kompania husu ba sindikatu sira atu kopera ho kompañia atu buka dalan rezolve problema ne’eb’e traballador sira infrenta,”responde Eduardo.

SJT-TL La simu Jurídiku

Portantu parte SJT-TL tenta beibeik ona atu hasoru nain ba kompañia gardamor maibé, nain ba gardamor haruka nia asesor juriku maka ba hasoru ho SJT maibé parte SJT lakohi simu ho razaun asesor jurídiku la’ós  nain ba kompañiahodi foti desizaun.

“Agora dadaun SJT-TL halo aprosimasaun ho nain kompañia Gardamor, tan tuir sindikatu problema ne’e resolve bainhira na’ain kompañia tur hamutuk ho sindikatu hodi resolve,”hatete Almeiro.

Kona-ba kestaun ne’e, Tuir Eduardo hanesan nain ba kompania hatete, loloos parta sindikatu tenke simu sira nia asesor hodi resolve kestaun ne’e tanba kmpañia rasik iha nia asesor jurídiku ne’ebé iha koñesementu kle’an ba lei.

Ba ha’u saida maka ha’u  nia asesor legál sira foti, ha’u kumpri, nusa maka sindikatu lakohi. Tan ne’e ha’u nafatin husu ba maluk sindikatu sira atu tur hamutuk hanesan Timor-oan hodi solusiona lalais problema refere,” hatete Eduardo.

Kona-ba ameasa greve, tuir Eduardo, asaun greve la’ós  solusaun maibé importante liu maka simu malu hodi rezolve problema ne’e.(max)

Timor Post

FO KARTAUN KINUR 4 NO SELEBRA ANIVERSARIU

Diarutimorpost.tl - Profisaun hanesan árbitu lafasil, satán lidera jogu klásiku sira, asvezes desijaun arbitrajen nian hamosu pro kontra no hamanas jogu nia tensaun.

Selebra Aniversariu http://www.diariutimorpost.tl/berita-lidera-jogu-klasiku-nivio-hetan-surpreza-iha-loron-falintil.html

Situasaun sira ne’e la akontese iha jogu entre FC Aitana kontra AD SLB Laulara, iha 20 de Agostu iha estadium Munisipal Dili.

Iha jogu segunda parte, jogador Joao Pedro hosi SLB Laulara hamosu erru hodi tebe subar jogador adversariu. Hare’e situasaun ne’e Nivio fernandes Arbitu ne’ebé lidera jogu refere halai direita mai hodi hasai kartaun.

Bainhira hasai kartaun iha jogador SLB laulara nain rua seluk halo protesta no hasai lia fuan mal, ou la kondis ho erru real. basá  João Pedro nudar autor halo erru rekunhese ninia sala.

Aliened hasai kartaun ba Joao pedro, Nivio mós fo kartaun ba Armando Varela Joao Paulo, no Jose Maria nudar kapitaun SLB nian. Total kartaun kinur 4 maka hasai hosi Nivio nia bolus ba ba SLB Laulara.

Nivio rasik hahu sai arbitu ba futebol iha tinan 2002 nia hetan ona sertifikadu arbitrazen baziku rua iha rai laran no rua iiha rai liur.

“Hau ema ida neutru asvezes problema iha família hau ladun hola parte I hau asvezes observa det,” afirma Nivio ba diariu ne’e konaba razaun nia desidi arbitrajen, hanesan ninia profisaun.

Iha biban ne’e nia deklara hanesan ema humanu la perfeitu sempre halo sala, durante lidera jogu, maibe hosi erru hirak ne’ebe akontese nia enkorajadu atu hadia aan nafatin.

Timor Post

Timoroan 570 Konfirmado Afeta Virus HIV

Tuir dadus Ministerio Saude nian iha tinan 2003 to’o Marsu 2016, hatudu katak timoroan nain 570 mak konfirmado afetadu Human Immunodeficiency Virus (HIV).

Dadus kontinua aas, tanba tuir Sekretario Geral Komisaun Nasional Kombate HIV/SIDA, Daniel Marçal, katak timoroan (feto no mane) liu –liu foinsa’e barak mak halo relasaun seksual ho ema barak.

Husi numeru ne’e, nia hateten ema nain 65 mak mate ona tanba sira moe e la ba fasilidade saude, entaun sira tama ona faze Acquired Immune Deficiency Syndrome (AIDS), laiha dalan seluk e tenke mate. 

“Tanba problema stigma no diskriminasaun, ema balun maske kona hela virus ne’e maibe subar tiha, tanba tauk entaun sira mate ho AIDS),” nia hateten hafoin halo sosializasaun ba komunidade suku Comoro, iha sede suku Comoro, Dili.

Tanba ne’e, nia enkoraja ema hotu ne’ebe hetan sintomas virus ida ne’e bele ba fasilidade saude atu halo konfirmasaun no tratamentu.

Husi numeru ne’ebe iha, hatudu katak virus ida ne’e espalha ona iha munisipio hotu e munisipio ne’ebe afetadu bo’ot liu mak Dili, Bobonaro, Baucau, Suai, Oe-Cusse no Ermera. 

Kona ba la promove kondom hanesan meus prevensaun ba virus ida ne’e, nia dehan komisaun haree ema barak uza kondom halo relasaun seksual, maibe realidade sira hetan virus ida ne’e. 

“Ne’ebe ami lakohi halo kampanha kona ba kondom nian, maibe haree liu oinsa hasa’e ema nia konsiensia no hanoin, muda sira nia hahalok,” nia hateten.

Alende ne’e,nia dehan komisaun mos halo ona kampanha edukasaun ba komunidades no estudantes iha munisipios, atu sira iha konesementu hodi hado’ok aan husi riskus. 

Responsabel klinika Bairo-Pite, Doutor Daniel Murphy hateten politika foun governu nian labazeia ba evidensia sientifika.

Politika governu nian haforsa ema atu kontrola-aan, abstinensia, fidelidade duke uza kondom.

“Kuandu halo relasaun seksual tenke uza kondom atu kontrola risku hanesan lahetan isin rua no lahetan HIV, maibe hau la rekomenda ema hotu ba halo seks beibeik, ne’e depende ba ema ida-ida,” doutor Dan hateten. 

Foin lalais, nia informa klinika identifika estudante ida ne’ebe matenek no bele sai lideransa iha futuru, maibe labele, tanba nia pozitivu hetan virus HIV ne’ebe labele kura.

Entretantu Prezidente Komisaun Nasional Kombate HIV/SIDA (KNKS) atual Ministru Administrasaun Estatal (MAE), Dionisio Babo Soares hateten governu sei tau atensaun maka’as liu tan ba programa prevensaun, informa ema hotu atu oinsa mak bele prevene aan husi virus ne’e.

 “Apela ba joven sira, inan-aman sira kuidadu didiak tanba ransu livre ida ohin  loron konsekuensia barak tebes lahanesan tempu uluk,” nia apela. 

Nia parte preokupa tebes, tanba virus ida ne’e detekta aas iha iha nasaun vizinho (Indonesia) hanesan iha Nusa Tenggara Timur (NTT) registu ona kazu rihun rua resin. 

Responde ba atividades protituisaun ne’ebe buras iha rai laran, nia dehan ne’e atividade illegal tanba ne’e responsabiliade polisia nian atu buka tuir no prosesa tuir lei. 

Virus human immunodeficiency hanesan virus ida ne'ebe mak estraga ema nia sistema immuno e virus ida ne'e jeralmente espalla liu husi relasaun seksual nebe mak laseguru, uza daun ka saringa nebe mak kontaminadu. 

Lahalo tratamentu, bele hetan SIDA e ikus mai mate.

The Dili Weekly

HIAM Health: Malnutrisaun Problema Seriu

Organizasaun Hamutuk Ita Ajuda Malu (HIAM Heatlh) husu governu atu labele haree problema malnutrisaun hanesan problema ki’ik ida iha Timor –Leste, tanba futuru Timor sei laiha kuandu gerasaun foun sira sofre malnutrisaun.

Diretora HIAM Health, Rosaria Martins da Cruz  hateten tuir peskiza Demography Health Survey iha tinan 2010 hatudu katak iha 58% maibe iha tinan 2013 tuir peskiza husi Timor-Leste food and nutrition survey nian tun kedas ba 50.2%.

Maske nune’e, nia nafatin husu governu atu fo prioridade no atensaun seriu liu tan ba problema ne’e, tanba malnutrisaun problema ne’ebe seriu no fo ameasas ba futuru Timor –Leste nian.  

“Ba fiziku ne’e la’os problema, maibe ba sira nia mentalidade no IQ (kakutak) ne’e mak problema bo’ot,” nia preokupa, iha nia servisu fatin Aimutin, Dili. 

Tanba tuir nia, labarik ne’ebe sofre ona malnutrisaun, nia dezenvolvementu intermus kakutak sai tarde liu kompara ho labarik ne’ebe saudavel, tanba malnutrisaun afeta direita ba labarik nia kakutak. 

Tanba ne’e, nia konsidera malnutrisaun problema seriu iha Timor –Leste, tanba esperiensia HIAM Health liu husi programa screening iha komunidades haree labarik idade (0-5) barak mak sofre ona malnutrisaun. 

HIAM Health mak organizasaun local ne’ebe durante ne’e servisu maka’as iha area edukasaun nutrisaun, no tau matan ba labarik malnutrisaun sira liu husi sentru rehabilitasaun. 

Tuir Timor –Leste food and nutrition survey (FNS) 2013, hatudu katak malnutrisaun tipu stunting (badak) aas iha munisipio Ermera ho presentagen 65% kompara ho munisipio seluk. 

Iha parte seluk Xefe Departamentu Nutrisaun Ministerio Saude, doutora Orlinda dos Reis Albino hateten problema malnutrisaun ne’e responsabilidade husi multi sektoral, la’os Ministerio Saude mesak. 

“Ita presiza reforsa liu tan intervensaun sektoral ne’ebe la’o ona atu ita bele redus taxa mortalidade ne’ebe kauza husi malnutrisaun,” nia hateten. 

Kada fasilidade saude, nia hateten iha ona koordenador nutrisaun ne’ebe iha responsabilidade halo akonselamentu ba inan sira no fahe informasaun kona ba diversifikasaun aihan ba komunidades. 

Nia informa, grupo aihan tolu ne’ebe presiza konsumu lor-loron mak aihan fo protesaun hanesan manu-tolun, na’an, fore keli, fore rai, koto no aihan fo forsa (batar, feuk, aifarina, fos/etu), tanba iha karbon inklui aihan haburas hanesan modo tahan no aifuan. 

Nia dehan, malnutrisaun la’os deit problema ba saude maibe sei fo mos impaktu ba dezenvolvimentu ekonomia nasaun nian, tanba estado sei hasai kustu bo’ot liu tan hodi halo tratamentu ba moras komplikasaun seluk.  

Iha tinan 2010, governu hasai deklarasaun ida naran deklarasaun Comoro ne’ebe asina husi ministerio xave sira (Ministerio Agrikultura e Peskas, Edukasaun, Saude, Infra-estruturas no seluk tan). 

Deklarasaun ne’e define klaru intervensaun ne’ebe kada ministerios presiza halo hodi hadia situasaun nutrisaun iha Timor –Leste, maibe implementasaun seidauk maximu. 

Primeiru Ministru, doutor Rui Maria de Araujo, iha nia diskursu foin lalais iha Timor-Leste Development Partnership Meeting, katak tinan oin (2017) governu sei fo prioridade ba setor agrikultura liu –liu atu kombate hamlaha no malnutrisaun iha Timor –Leste. 

The Dili Weekly