RESPONSABILIDADE VETERANUS SEIDAUK HOTU

Jornal Nacional - editorial

Veteranu sira kuandu sei iha tempo resistensia unido tebes hodi infrenta situasaun ida, luta ba ukun rasik an maibe depois de objetivu nee alkansa, ida idak tenki preokupa ba ida idak ninia moris.

Iha tempo resistensia, unidade nudar forsa uniku nebe veteranu sira iha hodi bele manan funu nee tamba iha funu laiha unidade maka fo uportunidade ba inimugu hodi estraga no baralha tiha funu nee.

Ohin loron, iha tempo ukun rasik an nee, veteranu ida idak ho ninia preokupasaun rasik, veteranu ida idak ho intrese rasik no mos vgida obriga veteranu sira tenki fahe malu hodi bele kontribui ba desenvolvimentu pais nian.

“Ita sira veteranus mós haluha malu ida-idak la’o ninian ona, sa tan ita nia povu sira, ita nia istória mós labele lakon, ita tenki hakerek dadauk ona,” Taur Matan Ruak.

Los duni senhor, veteranu sira agora nee, uluk sira sei iha FALINTIL, sempre unidade, rona malu, obdese ba superior maibe ohin loron nee ida idak lao ninian, ida idak preokupa ba ninia moris.

Agora kestaun Veteranus fahe malu nee tamba sa? Karik tempo mak obriga sira fahe nalu ka tamba projetu mak halo sira fahe malu, pior liu haree malu matan la mos?

Se koalia fahe malu tamba hakarak dedika an tan iha tempo ukun rasik an, dedika an hakarak sai heroi ba dala rua, heroi ba libertasaun patria no heroi ba desenvolvimentu, presisa apresiasaun husi estadu.

Responsabilidade veteranu la hotu hafoin konkista independensia, responsabilidade veteranu la hotu depois de libertasaun patria, maibe oinsa se patria libertada kuandu povu la libertadu.

Maske nasaun ukun an maibe ninia sidadaun seidauk ukun an lolos, povu kontinua moris kiak no mukit, falta edukasaun no saude mak ukun an nee laiha valor. Agora veteranu fahe malu atu sai advesariu nebe diak, nee diak ba demokrasia, diak ba desenvolvimentu. *

Lee mos Jornal Nacional

DROGA AMEASA TL

KUPANG - Droga oras ne’e sai ameasa ba sosiadade Timor-Leste (TL) ho Indonézia  liu-hosi fronteira Mota-ain ho Atambua.

Reprejentante Parlamentu Nasionál Komisaun F ne’ebé mak trata asuntu saúde no sosiais, deputadu Eládio  Faculto dehan, droga sai amesa ba nasaun rua. Tanba ne’e, presiza atu kombate li-liu area fronteira entre TL ho Indonézia.

“Ita iha Timor ne’e problema ida mak ita nia lei kona-ba droga seidauk iha hodi fó kompetensia ba instituisaun seguransa no instituisaun relevante seluk, atu kazu ne’ebé mak iha ligasaun ho droga. Maibé, oras ne’e ita uza hela lei Indonezía numeiru 22/2007 nian”, Eládio  ba Timor Post iha Kupang, Sábadu, (17/10).

Fila ba Timor, Faculto hatutan, sei lori pedidu ne’ebé mak hamosu iha diskusaun kona-ba droga nian iha Kupang ne’e ba governu atu haree kona-ba oinsá fó apoia finanseira ba parte polísia, migrasaun no alfândega sira iha aeroportu.

“Ita mós presiza sosa material sira ne’ebé mak bele detekta droga ne’e tau iha aeroportu no fronteira, nune’e bele detekta sirkulasaun droga tama sai ita nia nasaun”, Eládio katak.

Iha fatin hanesan Xefi Badan Nasional Narkotik (BNN) Provinsia Kupang, Sulistiandri Atmoko dehan, area fronteira oras ne’e sai ona lampu mean ba sirkulasaun droga, tanba ne’e presiza fó atensaun masimu hosi nasaun rua ne’e nian.

“Ita nia fronteira oras ne’e sai ona area sirkulasaun droga nian, ne’e perigu ita tenki kombate hamutuk”, Sulistiandri katak.

Nune’e mos, aprejentasaun Servisu Investigasaun Kriminál Nasionál (SIKN) ne’ebé mak lori hosi Ajente Prinsipal Gastaõ Soares dehan, osan ho droga sempre kait ba malu.

“Ita ko’alia kona-ba droga ne’e ita mós tenki ko’alia ona kona-ba osan. Tanba emabandar narkotiksira ne’e la’os ema bai-bain”, tenik nia.

Tuir nia, padraun droga sira bele sosa buat hotu. Atu kombate droga, governu presiza fakar osan ne’ebé mak bo’ot.

Nia hatutan, ema sé de’it mak servisu iha kualker instituisaun ruma ho salariu ki’ik, bainhira ema osan bo’ot hanesanbandardroga nian mai fó osan bo’ot, automatikamente nia simu ona. Tanba ne’e, husu ba governu sé bele haree ba kestaun ne’e nune’e bele kombate duni droga ne’e iha TL.

Iha fatin hanesan alfândega aeroportu internasionál Nicolao Lobato, Alberto Seixas dehan, dialogu internasionál ne’ebé mak ko’alia kona-ba prenvensaun droga entre nasaun rua Indonezía ho TL ne’ebé mak hamosu ona akordu ida iha liña fronteira Batugade nian hodi hametin servisu parte kompetente sira iha nasaun rua ne’e nian hodi servisu maka’as prevene no kombate trafiku droga ne’ebé mak durante ne’e tama sai iha fronteira tasi, lalehan no rai maran.

“Ha’u hato’o ona ba BNN no dirijente narkoba Kupang atu fahe esperensia ba servisu instituisaun kompetenti sira ne’ebé iha fronteira, liu-liu alfândega hodi kontrola sasan ne’ebé mak tama no sai liu-hosi portu, aeroportu no mós fronteira rai maran nian”, Alberto dehan.

Nia hatutan, sira parte BNN ho polísia la-servisu mesak, tenki iha komunikasaun ba malu hodi bele atua hamutuk ba modus operandu mafia internasionais ne’ebé infiltra iha aimoruk a’at ou droga, interese iha vizaun no objetivu ida de’it atu hametin lutu nasaun nian.

“BNN hatete mai ha’u katak, sira prontu atu ajuda ami alfândega TL karik diretór jeneral alfândega TL hato’o pedidu liu-hosi BNN Kupang hodi hato’o ba diretór jeneral alfândega Indonezía nian atu bele kapasita rekursu humanus ba detektasaun drogas”, Alberto katak tan.

Dialogu ne’e partisipa hosi delegasaun TL nian mak SIKN, alfândega, Fundasaun de La Amor (FDA), no parte Indonezía hosi Dirjen BNN, Sosial, Piskolog Yohanes Tamaluk, no konvidadus sira seluk eventu ne’e organiza hosi Yayasan Warna Kasik (YAWAKA). (way)

Timor Post

FUNSIONARIU DISKUTI MALU HO PM RUI

DILI - Funsionáriu  Tékniku Professionál ho inisiál  DS ne’ebé servisu iha Diresaun Nasionál Rejistu no Notariadu (DNRN), Ministériu Justisa (MJ) deskute malu ho Primeiru Ministru, Rui Maria de Araújo, bainhira xefe governu ne’e hala’o inspeksaun urjente ba fatin ne’eba.

Iha loron Segunda (19/10), Primeiru Ministru, Rui Maria de Araújo sai hosi Palasiu Governu iha tuku 09.00 otl, no to’o iha DNRN tuku 09.04 dader otl.

Tuir observasaun Timor Post, to’o iha edifísiu  DNRN nian, Primeiru Ministru ne’ebé maka akompaña hosi Inspetór Jerál Estadu (IJE), Fransisco de Carvalho vizita uluk ba iha fatin rejistu passaporte nian hodi komprimenta funsionáriu  no sidadaun sira ne’ebé maka ba trata passaporte.

Hafoin ida ne’e, Primeiru Ministru kontinua hakat ba andar leten hodi hasoru malu ho Diretora Diresaun Nasionál Rejistu Notariadu, Maria do Rosario Fátima Castro hodi ko’alia kona-ba progresu servisu iha DNRN nian.

Remata tiha sorumutu ho Diretora DNRN, Xefe Governu ne’e kontinua halo observasaun ba iha Departamentu Rejistu Públiku, no iha fatin ne’eba, Madre na’in ida tu’ur hein hela funsionáriu  sira atu trata dokumentu assosiasaun nian.

Nune’e iha tuku 09.09 dader otl, Ministru Justisa (MJ) Ivo Valente mós to’o iha sala Departamentu Rejistu Públiku nian hamutuk ho asessóra internasionál na’in ida (1).

Iha dada lia ho Primeiru Ministru, Madre ne’e hahú esplika ona kriteriu ne’ebé maka iha hodi halo tratamentu ba dokumentus assosiasaun nian.

Madre ne’ebé maka ko’alia  uza lingua Indonezia nian ne’e haktuir, nia mai iha DNRN atu trata dokumentus assosiasaun nian ne’e hamutuk dala hitu (7) ona, maibé seidauk iha rezultadu tanba hosi parte DNRN hatete, dokumentus hosi Madre nian seidauk prienxe kriteriu ne’ebé maka DNRN fó.

No iha biban ne’e, Primeiru Ministru detekta ona failansu hosi Departamentu Rejistu Públiku nian tanba fó kriteriu ba Madre sira atu halo rejistu ba assosiasaun, diferente ho kriteriu orijin ne’ebé maka iha.

Bainhira Ministru Justisa no Diretora DNRN tenta esplika hela ba Primeiru Ministru, mosu hosi kotuk mai Funsionáriu  Departamentu Rejistu Públiku nian ho inisiál  DS esplika ba Xefe Governu katak, kriteriu sira ne’e sala no komplikadu, tanba ne’e presiza halo muda lei (laesplika lei númeru hira).

Tanba iha inisiu Primeiru Ministru detekta ona kriteriu balun atu rejistu assosiasaun ne’e sala, no funsionáriu  ne’e lapreokupa ho Ministru Justisa no Diretora DNRN ne’ebé hamri’ik hamutuk ho Xefe Governu, no kontinua deskute malu ho Primeiru Ministru.

Sente katak funsionáriu  ne’ebé servisu iha Ministériu Justisa hahú hosi tinan 2000 to’o ohin loron ne’e ko’alia  ho lianguazen ne’ebé maka’as, Primeiru Ministru husu direita kedas ba iha Ministru Ivo Valente no Diretora Maria do Rosario Fátima Castro atu halo avaliasaun ba funsionáriu  ne’e.

“Señor Ministru no Diretora, halo favor halo avaliasaun ba funsionáriu  ne’e,” dehan Primeiru Ministru VI Governu Konstitusionál ne’e.

Konsidera orientasaun hosi Primeiru Ministru, iha momentu ne’e kedas Ministru Justisa, Ivo Valente husu funsionáriu  ne’e hodi nonok no labele ko’alia  hasoru Primeiru Ministru.

Haree ba linguazem hosi funsionáriu  Departamentu Rejistu Públiku ne’ebé ladun di’ak  hasoru Primeiru Ministru, Diretora DNRN Maria do Rosario Fátima Castro hatete, sei halo avaliasaun ba funsionáriu  refere.

“Ida ne’e mós fó atensaun ba Funsionáriu  Públiku hotu, dalaruma karakter orijin Timor nian maka sempre sai problema, nia linguazen ko’alia  maka ladun tau em ordem. Maibé ita tenkeser fó avaliasaun duni tanba atu ko’alia ba lideransa ida tenke sukat no responde ho di’ak,” afirma Diretora Maria.

Hadi’a  Manual Servisu

Iha oportunidade ne’e mós, Primeiru Ministru halo inspesaun ba iha Departamentu Arquivo Centrais, Departamentu Administrasaun, Cartorio Notarial Dili no departamentu seluk tan iha DNRN.

Remata tiha inspesaun, Primeiru Minstru hatete, DNRN hanesan fatin atendementu públiku, hahú hosi legaliza dokumentu, trata Billete Identidade, rejistu ba organizasaun no assosiasaun, rejistu nasionálidade.

Tanba ne’e, Primeiru Ministru dehan, inspesaun urjente ba iha DNRN ne’e atu haree besik liutan funsionamentu servisu nian, no iha inspesaun ne’e Xefe governu nota katak servisu balun la’o di’ak  no balun presiza hadi’a.

“Ita haree rasik ona katak, iha prosedementu balun ne’ebé lolos ne’e lapresiza halo todan demais, ezemplu Madre ida mai atu rejista nia Kongregasaun, Madre rasik hatete dehan nia ba mai dala 7 ona, no depois haree fali dokumentus sira ne’e ho detailus, Ministru no Diretora sira haree dehan iha failansu ida iha kriterius ne’ebé ita ezijé para madre sira halo,”haktuir Primeiru Ministru, Rui Maria de Araújo.

Ho kestaun hirak ne’e, Xefe Governu dehan, presiza atu haree no iha disponibilidade tomak hosi DNRN para atu melhora servisu ne’ebé iha.

“Ezemplu konkreta maka ema ne’ebé atu trata passaporte presiza selu no bainhira sira trata ona asuntu administrativu iha DNRN, sira presiza halai ba to’o iha banku atu selu,”katak PM Rui.

Tanba ne’e, Ministériu Justisa bele haree posibilidade oinsá  konvida banku mai loke sira nia fatin ida iha DNRN hodi bele fasilita servisu sira ne’e ho di’ak  liutan.

PM Rui realsa, Banku Nasionál Comersiu Timor-Leste (BNCTL) iha interesante atu harii fatin ida iha DNRN. Maibé, BCNTL hakarak la’ós  atu selu passaporte de’it, maibé atu halo mós aktividades bankaria sira seluk.

Tuir Diretora DNRN, Maria do Rosario Fátima Castro rekoñese katak, iha parte Departamentu Rejistu Públiku nian iha buat balun maka iha mudansa no mekanismu ne’ebé fasilita haree katak, manual servisu balun fraku no sei lalos.

“Entaun ida ne’e sujere no rekomenda atu diresaun ne’e atu bele haree para oinsá  hadi’a  di’ak  liutan kona-bacek list, liliu kona-ba assosiasaun no fundasaun sira ne’ebé atu halo sira nia estatuto, maibécek listbalun ne’e ita latau manuel em ordem, entaun ida ne’e iha duni failansu no rekomenda atu hadi’a ,”Diretora Maria promete.(tay)

Timor Post

TAUR PREOKUPA ATIVIDADE ILEGAL IHA FRONTEIRA

COVALIMA - Prezidente Repúblika (PR), Taur Matan Ruak, preokupa tebes ho atividade ilegál  no krime organizadu sira hanesan aktividade droga no tráfiku umanu iha fronteira.

Xefe estadu hatete, atividade ilegál sira ne’e la’o, mos tanba nesesidade populasaun sira nian mak obriga. Tanba ne’e, nia afirma, presiza tebes estadu iha kapasidade hodi kontrola iha rai laran, liu-liu iha fronteira.

“Ita buka dalan atu rezolve problema ne’e pior liu mak balun lori buat seluk keta droga, Prostitusaun, HIV/SIDA, kilat, grada nee dezafiu ida maibé  la’ós problema seguransa ninia de’it, ne’e nasaun tomak nian problema,” PR Taur Matan Ruak hatete  ba membru PNTL sira bainhira hasoru malu iha kuartel PNTL munisípiu  Covalima, Segunda, (19/10).

Kona-ba problema ne’e xefe estadu hatete  la’ós  preokupasaun ministériu  ida nian de’it maibé  presiza kooperasaun intrministerial, oinsá  mak bele kombate kazu krime sira ne’ebé mak hakat liu fronteira tama iha Timor-Leste.

Iha fatin hanesan liuhosi aprezentasaun relatóriu, Komandante Polísia  Nasonal Timor Leste (PNTL), Superintendente, Eugenio Pereira, relata, pontensial ba iha ameasa komonidade ne’ebé hela iha fronteira indikasaun movimentu komonidade ilegais ne’ebé hakat liu fronteira.

“Iha lina fronteira ami identifika iha kazu hanesan Inporta ekiamentu ilegalemente mak minarai no gazolina, kareta, motor ultra pasa fronteira ileggalmente, tráfiku  dogras, tráfiku  umanu no mós kazu seluk tan,”Komandante PNTL munisípiu  Covalima, Superentendente, Augenio Perreira informa liu hosi enkontru.

Iha oportunidade Prezidente CCITL munisípiu  Covalima, Julio do Carmo  hatete, emprezáriu  ne’ebé moris iha fronteira faan sasan hetan rendimentu di’ak  maibé governu implmeente tiha merkadu livre povu lahetan rendemetu, tanba sidadaun Indonesia lori sasan ho kareta mak hatama sasan, tama to’o suku no aldeia.

“Ita harii merkadu livre inan aman sira iha frontier sai vítima  labele moris tanba sidadaun indonézia  sira  ilegamente faan sasan iha nee, sira faan to suku, aldeia tanba  nee emprezáriu  kiik saipenontongiha ita nia nasaun,” Julio, hatete.

Timor Post

TAUR HUSU VETERANUS TENKI HALIBUR MALU

HATOBULICO - Prezidente Repúblika (PR), Taur Matan Ruak kontinua husu ba veteranus sira halibur malu tanba veteranus agora la hanesan iha tempu rezisténsia nia laran, tanba veteranus sira agora komesa haluha malu.

Asosiasaun Veteranus Munisípiu Ainaro dadauk ne’e halibur ona orsamentu hamutuk 130 mill hodi ezekuta ba programa koperativa  asosiasaun veteranus.

Xefi estadu hateten maske funu hotu ona maibe veteranus nia serbisu seidauk hotu kontinua fó kontribuisaun hodi dezemvolve Timor-Leste.

 “Ita sira veteranus sira mós haluha malu ida-ida la’o ninian ona, sa tan ita nia povu sira,”dehan PR Taur iha suku Mulo, Postu Administrativu Hatubuilico, Munisípiu Ainaro Dominggu (18/10), hafoin hala’o vizita ba semitériu saudozu Raul da Cruz Tilman “Tigri Kablaki”.

PR Taur dehan, nasaun no povu ida ne’e, sei lahula veteranus sira nia terus no susar ne’ebé infrenta durante tinan 24 nia laran hodi liberta povu no rai ida ne’e.

PR Taur esklarese, maske funu hotu tiha ona, maibé veteranus nia serbisu seidauk hotu, tanba povu sei moris iha terus no mukit nia laran.

Xefi Estadu husu veteranus sira labele ejiji de’it direitu maibe oinsá maka kontinua serbisu maka’as para bele lori moris di’ak ba povu no nasaun.

Iha fatin hanesan Prezidente Asosiasaun Veteranus munisípiu Ainaro, Gil da Costa hateten,  dadauk ne’e veteranus sira iha munisípiu Ainaro halibur malu ona hodi tau osan gamutuk para bele investe iha área estratejiku sira hodi kontribui ba dezemvolvimentu nasional.

Tanba ne’e veteranus hotu iha munisípiu Ainaro nian halibur ona osan pensaun nian hamutuk 130 mill resin depois maka investe fali iha fatin estrateziku sira.

“Osan ne’ebé ami tau hamutuk to’o ohin loron hamutuk 130 i tall mill maibe maibe ami seidauk halo buat ida tanba osan ne’e sei ho montante kiik,”Prezidente Asosiasaun Veteranus munisípiu Covalima, Gil da Costa informa.

Prezidente Asosiasaun Veteranus ne’e hateten, veteranus sira kontinua tau osan hamutuk depois maka ezekuta ba planu ne’ebé maka asosiasaun hanoin ona.

Nia hatutanasosiasaun ne’e sei tau osan hamutuk tan hanesan uluk ha ailaran tau kilat musan hamutuk para haree fatin estratezia iha maka bele ezekuta par abele hetan susesu.

“Ami sei tau hamutuk tan oituan-oituan depois maka ami bele halo ba programa ruma. Hanesan uluk iha ailaran katak kilat musan tau hamutuk haree fatin di’ak maka foin halo asaltu para hetan susesu,”dehan nia.

Xanana Sei Vizita Abrigu

Iha opurtunidade ne’e, Prezidente Asosiasaun Veteranus ne’e mós deklara katak eis Komandu da Luta, Kay-Rala Xanana Gusmão sei vizita abrigu sira iha Munisípiu Ainaro.

Tanba ne’e, hanesan Prezidente Asosiasaun Veteranus nian halo hela preparasaun ba vizita eis Primeiru Ministru (PM) ne’e nian.

“Ha’u sei fila ba Díli tanba iha serbisu ida, halo preparasaun tanba maun Xanana atu vizita abrigu sira,” Gil da Costa informa.

Enkuantu, Prezidente Repúblika (PR), Taur Matan Ruak husu ba veteranu sira kontinua halibur malu oinsá buka moris di’ak.(dgx)

Timor Post

Taur Vizita Vitima Violasaun Seksual

COVALIMA - Prezidente Republika Taur matan Ruak vizita ba uma mahon vitima Violasaun Seksual, neebe mak iha Munisipiu Covalima hodi hare kondisaun Vitima sira nian no mos fo korazen ba vitima sira.

Hafoin halao Dialogu ho povu iha suku balun Munisipiu Covalima, Prezidente Republika Taur Matan Ruak halao vizita ba Uma Mahon vitima Violasaun Seksual, tamba kondisaun uma mahon Aat neebe presiza halo rehabilitasaun.

Remata Vizita Prezidente Republika, Responsavel uma mahon Me. Santina Imaculada de olivera SSPS, hatete kondisaun edificiu to oras ne’e seidauk hetan rehabilitasaun tamba nee husu Prezidente atu fo apoiu.

Numeru kasu abusu sexual kuntinua aumenta kada fulan tanba divorsiu,Tanba nee hau  husu ba xefi estadu atu toma medidas ba kondisaun edifisiu no be mos neebe to oras nee ami infrenta,” dehan Me. Santina liu husi Dialogu durante Vizita Prezidente ninian iha Covalima.

Hatan ba nee Presidente Republika Taur Matan Ruak promete sei levanta kasu nee ba Ministeriu tutela, hodi toma atensaun tamba problema hanesan mos akontese ba labarik feto sira neebe ba iha uma mahon.

Observasaun STL hare Prezidente Republika Taur Matan Ruak hafoin dialogo, halao kedas observasaun direita ba uma mahon hodi hare kondisaun uma mahon nee no mos saude vitima sira nian. Informasaun kompletu iha STL Jornal no STL Web, edisaun Kuarta (21/10/2015). Timotio Gusmão

Suara Timor Lorosae

Aman La iha Responsabilidade, Povu Husu Kria Laboratoriu DNA

COVALIMA - Povu iha Munisipiu Covalima husu estadu atu kria Laboratorium ba DNA, hodi nunee mane neebe fo oan ba feto lakohi responsabilidade lori ba iha dalan justisa.

Tuir Reprezentante Feto Potensial Munisipiu Covalima, inkliu membru PNTL Amelia de Jesus Amaral, hatete Feto Covalima Investigasaun preokupa DNA iha Timor Leste, prosesu Aman fo tiha oan ba feto, maibe lakohi responsabilidade tamba nee husu atu tau matan.

Ami atu lori mane neebe fo itha ona maibe lakohi responsabilidade oan atu lori ba oin maibe labele tamba DNA laiha tamba nee husu estadu atu fo atensaun,” dehan Amilia liu husi Vizita Prezidente Republika Taur Matan Ruak iha Kuartel jeral PNTL Covalima.

Hatan ba preokupasaun nee Prezidente Republika Taur Matan Ruak hatete atu hari laboratoriu bele, maibe atu buka identifika Saudosu sira liu husi ruin neebe mak hetan tenki haruka ba iha India.

Nia hatete iha Institusaun ida neebe mak produs hahan maibe sira tenki haruka ba fali iha Tailandia hodi halo test mak foin faan, tan nee Timor Leste mos Presiza mais lori tempu neebe mak naruk tamba sei iha preokupasaun barak. Informasaun kompletu iha STL Jornal no STL Web, edisaun Kuarta (21/10/2015). Timotio Gusmão

Suara Timor Lorosae

Rekursu Cançio Seidauk Tama Iha ATDD

DILI - Rekursu arguidu Joao Cançio nian too oras nee seidauk tama iha meja Administrador Tribunal Distrital Dili (ATDD), tanba nee seidauk haruka ba iha Tribunal Rekursu.

Tuir Administrador TDD, Duarte Tilman hatete, despaisu kona ba rekursu arguidu Joao Cançio nian seidauk lori mai iha meja Administrador hodi lori ba iha TR. Dala ruma parte defesa hatama ona ba iha seksaun krime nian maibe tanba sei hein hela husi parte kontrariu ka Ministeriu Publiku nian.

Nia hatutan, kuandu parte rua nee hatama hotu ona mak seksaun krime nian foin lori mai iha meja administrador. Husi neemak foin halo despaisu ba iha rekursu hodi hein nia rejultadu.

Antes nee, defesa husi arguidu Joao Cançio nian halo ona rekursu iha Tribunal Distrital Dili, tanba la konkorda ho desizaun neebe mak iha, no laiha provas ida atu kondena ba sira nia kliente.

Tuir advogadu privadu Arlindo Marçal neebe fo mos nia assistensia ba arguidu Joao Cançio hatete, sira nia parte halo ona rekursu ba iha TDD hodi haruka ba iha Tribunal Rekursu. Halo rekursu nee tanba la konkorda ho desizaun neebe mak tribunal aplika ba sira nia kliente. Informasaun kompletu iha STL Jornal no STL Web, edisaun Kuarta (21/10/2015). Domingas Gomes

Suara Timor Lorosae

Eis Assesor Internasional Akuza Estadu RDTL, Juis Moras Tribunal Adia Julgamentu

DILI - Tribunal Distrital Dili (TDD) la konsege realiza audensia julgamentu ba kazu demisaun neebe involve eis Assesor internasional Piter Wile ho estadu RDTL.

Advogadu Privadu Pedro Apariçio neebe fo assistensia ba lezadu Piter hatete, tribunal la konsege realiza audensia julgamentu ba kazu sivil nee tanba juis prosesu ba kazu nee moras. Tanba nee tribunal suspende fali audensia nee ba loron 29 de Outobru tuku 2 loraik.

Hau nia kliente nee ohin (Red-horseik) ho aviaun husi Australia atu mai marka nia presensa iha audensia nee. Maibe tanba juisa neebe kaer prosesu nee moras fali, entaun kazu nee adia fali ba Kinta oin mai tuku 2 loraik,” dehan Apariçio ba jornalista iha TDD, Tersa (20/10/2015).

Nia hatutan, lezadu Piter Wile hanesan eis assessor internasional iha Ministeriu Finansas nian. Iha loron 14 Outobru 2011 nia hetan demisaun husi eis Ministra Finansas Emilia Pires ho rajaun tanba dehan nia tarde aprejenta relatoriu orsamentu ba ministra, nia la respeita fungsionariu nomos la respeita ministra. Tanba deit buat tolu neemak eis ministra hasai nia. Ho ida neemak nia halo akuasaun hasoru estadu RDTL tanba tuir nia registaun husi kotratu neebe iha la tuir akordu.

Audensia nee sei prezide husi Juisa Edite Palmira, akompania husi dotora Internasional Cirçia Freitas no advogadu Pedro Apariçio. Informasaun kompletu iha STL Jornal no STL Web, edisaun Kuarta (21/10/2015). Domingas Gomes

Suara Timor Lorosae

Deskonfia Sidadaun Indonesia Balun Naok Rikusoin TL

TILIOMAR - Deskonfia Sidadaun Indonesia balun naok rikusoin Timor Leste hanesan Manganes, Ai no Animal iha Fronteira Uala, suku Beiseuk, tamba laiha Postu ba Unidade Polisia Fronteira (UPF).

Tuir Xefi suku Beiceuk, Postu Administrativu Tiliomar, Munisipiu Covalima Saturnino Maia katak iha suku Beiseuk monta ona Postu Fronteira Tulu hanesan Mata masin, Uala, maibe problema mak iha Uala, tamba sidadaun balun husi Indonesia naok Rikusoin iha Timor Leste.

Hau preokupa liu mak distansia husi Mota masin mai iha Uala, kuaze kilometru 10 hanesan nee iha manau nee rikusoin fatuk Manganes barak, maibe ita nia maluk sira husi Indonesia mai naok ita nia fatuk manganesiu kuaze ton 4,” dehan Sarturnino liu husi aprezentasaun relatoriu Suku Beiseuk, Tersa (20/10/915) durante Vizita Prezidente Republika Taur Matan Ruak.

Nia husu atu aumenta Postu UPF atu nune bele prevene Rikusoin Timor Leste nian, sidadaun Indonesia balun neebe naok rikusoin laos fatuk Manganesiu deit maibe sira naok mos Ai, no mos kasa Animal ho senapan.

Iha fatin hanesan Povu Suku Beiceu Almeiro Nacimento hatete povu preokupa ba rikusoin Timor Leste nian, husu governu atu hadia dalan neebe mak liga ba iha Fronteira Mota masin atu nunee parte defeza no seguransa bele halo segurnasa ho didiak. Informasaun kompletu iha STL Jornal no STL Web, edisaun Kuarta (21/10/2015). Timotio Gusmão

Suara Timor Lorosae

Angola: Luaty Beirão mantém greve de fome apesar de marcação de julgamento

O ativista angolano Luaty Beirão, acusado de preparar um golpe de Estado, vai continuar em greve de fome, exigindo aguardar julgamento em liberdade, frustrada a tentativa de o demover do protesto, disse hoje à Lusa o seu advogado.

"Coloquei-lhe a questão, as vantagens e as desvantagens, mas ele disse que perante o que recebeu, não vê porque tem de mudar a posição. Ficou desiludido", disse à Lusa o advogado Luís Nascimento, ao fim de uma hora de reunião com Luaty Beirão na clínica privada de Luanda onde o 'rapper' e ativista está internado, sob detenção, levando já 30 dias em greve de fome.

Os advogados pretendiam demover Luaty Beirão deste protesto, tendo em conta a notificação, na segunda-feira, do início do julgamento da acusação da preparação de um golpe de Estado e de um atentado contra o Presidente angolano (juntamente com mais 16 arguidos), previsto para 16 a 20 de novembro, no Tribunal Provincial de Luanda.

Notícias ao Minuto com Lusa

Angola: Luaty Beirão quer ser julgado apenas como angolano, diz família

O ativista Luaty Beirão, em greve de fome há 30 dias e um dos 17 acusados da preparação de uma rebelião e um atentado contra o Presidente de Angola, pretende ser julgado apenas como angolano, disse hoje a família.

Luaty Beirão é um dos rostos da contestação ao regime liderado pelo Presidente angolano, José Eduardo dos Santos, e tem nacionalidade também portuguesa.

"Ele é angolano. Também é português, mas é angolano. Nasceu e vive em Angola e está a ser acusado como angolano", afirmou à agência Lusa em Luanda Mónica Almeida, a esposa de Luaty Beirão, esclarecendo o seu estatuto de luso-angolano.

Por esse facto, a família assume que Luaty Beirão "dispensa" Portugal "dessa responsabilidade" - apoio consular ou na defesa -, numa altura em que são conhecidas diligências do Governo e da diplomacia portuguesa neste processo, nomeadamente para um encontro em privado com o ativista, em greve de fome para exigir poder aguardar julgamento em liberdade.

"[Luaty Beirão] abdica poder ser tratado de forma diferenciada, por convicção e respeito aos seus restantes companheiros presos. Espera poder continuar a contar com toda a crescente solidariedade da sociedade civil portuguesa e europeia relativamente a este, que é um caso de liberdade de expressão e direitos humanos que envolve um grupo de pessoas", divulgou a família, em comunicado.

Um grupo de diplomatas de cinco embaixadas da União Europeia em Luanda, incluindo Portugal, visitou sábado o ativista na clínica privada onde Luaty Beirão está internado, por precaução, desde quinta-feira, quando foi transferido de um hospital-prisão também na capital angolana.

O 'rapper' e ativista é filho de João Beirão, falecido, que foi fundador e primeiro presidente da Fundação Eduardo dos Santos (FESA), entre outras funções públicas, sendo descrito por várias fontes como tendo sido sempre muito próximo do Presidente angolano.

Além de Luaty Beirão, que assina com os heterónimos musicais "Brigadeiro Mata Frakuzx" ou, mais recentemente, "Ikonoklasta", também Albano Bingobingo, outro dos 15 ativistas em prisão preventiva neste processo, iniciou a 09 de outubro, pelos mesmos motivos, uma greve de fome, mas segundo denúncia da família sem receber os necessários tratamentos médicos.

Os suspeitos têm idades entre os 19 e os 33 anos e são professores, engenheiros, estudantes e um militar, entre outras ocupações.

O julgamento deste caso arranca a 16 de novembro, no Tribunal Provincial de Luanda, prolongando-se por cinco sessões já agendadas, até ao dia 20.

Em causa está uma operação policial desencadeada a 20 de junho de 2015, quando 13 jovens ativistas angolanos foram detidos em Luanda, em flagrante delito, durante a sexta reunião semanal de um curso formação de ativistas, para promover posteriormente a destituição do atual regime, diz a acusação.

Outros dois jovens foram detidos dias depois e permanecem também em prisão preventiva.

Notícias ao Minuto com Lusa