Pedro Camoes “Lakohi Komenta Emilia Fila Ka Lae”

DILI – Maske arguida Emilia Pires simu ona pena prizaun tinan 7 iha semana kotuk liu (20/12/2016) husi Tribunal Distrital Dili (TDD), maibe arguida rasik kontinua nafatin halo rezistensia oi-oin hodi bele hases husi Timor Leste.

Tamba nee, husi parte defesa Emilia, Pedro Camoes argumenta katak arguida la komete krime partisipasaun ekonomia negosiu tamba la iha realidade, maibe relasiona ho ninia arguida fila Timor Leste husi parte defesa nina lakohi fo komentariu Emilia Pires fila mai Timor Leste ka lae maibe husi parte defesa hare uluk ninia rekursu neebe mak too iha (08/01/2017).

Senhora Emilia Pires ona desijaun tribunal kona ba ninia pena tinn 7 nian, maibe atu fila ka la fila lakohi komenta maibe hare uluk ninia rekursu,” dehan Pedro ba jornalista sira, iha Tribunal Distrital Dili (TDD), Tersa (27/12/2016).

Iha fatin ketak, tuir ativista Roberto Pereira katak kona ba Emilia Pires neebe mak seidauk fila fali Timor Leste, presiza iha boa vontade governu no Parlamentu Nasional ho mekanismu no desijaun neebe mak adekuadu no diak, atu bele lori fila fali mai iha Timor Leste.

Nia hatutan, durante nee publiku preokupa kona ba desijaun tribunal neebe mak aplika ba arguida nain rua neebe mak komete kaju korupsaun, maibe tribunal hasai tiha desijaun aplika pena prizaun hanesan buat mamuk ida tamba arguida Emilia Pires la iha Timor Leste atu kumpri maibe akompanya desijaun tribunal liu husi ninia defesa. Informasaun kompletu iha STL Jornal no STL Web, edisaun Kinta (29/12/2016). Domingos Piedade Freitas

Suara Timor Lorosae

Domin no justisa, série ne’ebé iha 2017 sei lori tema sosiál ba televizaun timoroan

Dili Film Works

Intensidade  iha momentu ne’ebé maka aponta ba Vitor, polísia, re’i  Rosa, advogada direitus umanus, maibé ho tauk  ka laesperiénsia lahalo  joven ator timoroan  José halo  aléinde beiju ida iha reen-toos ninia koprotagonista Irim.

No  hafoin  hamnasa, ne’ebé  kontajia ba  timoroan barak  maka  ajuda ho  sonoplastia, klakete no ahi filmajen ne’ebé hala’o  iha  sede Komisaun Akollimentu, Verdade no Rekonsiliasaun (CAVR) iha Díli.

"Korta", haktuir  Luigi Acquisto, produtór no diretór série "Domin no Justisa", ne’ebé sei  produz ba televizaun nasionál timoroan, TVTL, besik tama ona ba reta finál filmajen nian.

"Beiju nia, maibé labeiju, lafó beiju iha testa. ikus mai só hateke deit ba nia ", esplika joven José Sarmento Piedade, atór iha fulan balun nia-laran  ne’ebé iha ninia oin iha estrela joven boot ida sinema timoroan nian, Irim Tolentino, protagonista hosi longa-metragem dahuluk  nasaun nian, A Guerra de Beatriz.

Protagonista  na’in rua "Domin no Justisa" - série ne’ebé produz hosi  Dili Film Works no filma durante semana 10 ikus ne’e iha lokák  barak  Timor-Leste nian- sai moos hanesan  fiu kondutór  hosi série ida sein presedente iha nasaun.

Liu  autór 100, kontratadu  hosi  facebook no oin ba oin, balun hosi sira integra ba ekipa filmajen ho kuaze elementu 40 ne’ebé prepara série ida ho  epizódiu 20, liuhsi  bloku rua – no ho  istória ne’ebé serve hanesan fiu kondutór ba sira hotu - analiza aspetu importante ba vida iha  Timor-Leste.

"Iha  inísiu ami hanoin katak atu hetan  atór sira sei difísil tebes duké ikus mai akontese.Buat hotu muda no ami konsege hetan joven barak  ho esperiénsia balun iha  teatru, maibé ami konsege hetan ema barak, ho  idade hotu, sein esperiénsia, maibé ami hala’o serbisu ida kapás tebes  ", hatete Luigi Acquisto, iha deklarasaun ba Lusa.

"Dezafiu ida todan liu  ba  prosesu ida hanesan ne’e maka lojístika ne’ebé iha  Timor-Leste bele sai komplikadu, liliu karik filmar iha fatin barak, ho kalendáriu ida no orsamento apertadu", nia haktuir.

Tuir  Irim Tolentino, ne’e hanesan  série ida importante tebes atu  trata ho assuntu sira hanesan  direitus umanus ne’ebé krusiál tebes ba situasaun Timor-Leste nian hanesan  filme Guerra da Beatriz, marka momentu destakadu iha nasaun.

"A Guerra da Beatriz hanesan filme ida importante tebes ba Timor-Leste tanba  ba dahuluk maka  konta istória Timor-Leste no  massacre sira hanesan Kraras", nia hatete.

"Série ne’e moos importante tebes tanba koa’lia tema importante barak  ba sosiedade timoroan. No ha’u nia papel hanesan feto ida ne’ebé forte, ne’ebé defende kazu barak  maka mosu iha istória. Ha’u Adora tebes",n ia afirma.

José Piedade lakonsege fiar oportunidade ne’ebé iha: sai  ator derepente, bainhira laiha  serbisu, hafoin iha tempu balun thala’o serbisu hanesan  geólogu, área ne’ebé oportunidade oituan liu.

"Ha’u  partisipa atu bele hetan esperiénsia foun. Badahuluk maka ha’u  partisipa iha filme. Iha inísiu difísil tebes, maibé agora fásil liu", nia hatete, no esplika katak  gosta tebes atu repete.

"Domin  no Justisa" envolve epizódiu 20 no istória aborda área oioin hanesan  sistema judisiál, violénsia doméstika no jéneru, assuntu ambientál, korrupsaun no seluk tan.

Acquisto refere katak  projetu produsaun ida  oituan liu ho tétum, ho atór no tékniku timoroan sira - apoiu hosi  ekipa australianu ida  no hetan  finansiamentu hosi  Uniaun Europeia ne’ebé, konsidera, tenki halo replikadu.

"Tipu ho programa ne’e  importante tebes atu ajuda dezenvolve identidade ida no nasaun ida", nia haktuir.

Hanesan barak  iha Timor-Leste, ne’ebé iha projetu pioneiru barak, realizasaun  série ne’ebé remata  sai moos hanesan  espasu formasaun ida, ho joven timoroan maka sai ator no elementu produsaun sira.

Hanesan kazu Doroteia Castela nian ne’ebé iha  série ne’e interpreta Paula - " joven ne’ebé  mai hosi foho atu estuda iha  universidade, tenki hela iha uma ninia tia ne’ebé maka lorloron Laós ba  estuda, obriga nia  ba faan paun".

Joven ne’e, maka sai  labarik figurante iha Guerra de Beatriz – produz moos hosi Dili Film Works - ajuda element seluk iha série ne’e  no iha kazau ne’e, sai  responsável ba klakete improvisada iha kuadru mutun ne’ebé, ho liman, sei hamoos  númeru sira ne’ebé maka tuir mai.

Ninia istória, triste tebes, demaziadu komun liu iha Timor-Leste, ne’ebé maka joven barak viaja ka hetan rekrutamentu hosi distritos ba kapitál ho promessa iha serbisu ka estudu ikus nai sai  kuaze sai empregadu doméstiku ba vendedor ambulante ba familia ho menus kuidadu.

Série ne’e liuhosi fatin imbóliku barak iha kapitál laran ho iha liur, inklui Semitériu Santa Cruz, zona foho sira no postu xefe  suku ida (freguesia).

SAPO TL ho Lusa

NATAL “REFÉM” MATERIALISMO

Jornal Nacional, editorial

Sarani kristaun Katolika iha Mundo rai klaran iha Domingo, 25 Dezembro selebra festa Natal ka festa  loron moris Nai Jesus Kristu mai iha Mundo hodi salva ema sala nain sira durante iha nia vida tomak. Natal sai hanesan mos festa familia nian. familia nebe iha domin, dame, paz no uninidade.

Familia, Sao Jose, Maria Virgen ho kosok oan Nai Jesus Kristu nian sai nudar modelu familia ida nebe iha paz, domin no dame. Tane selebrasaun natal ida nee famili ida idak tenki halo refelsaun ba ida idak ninia familia uma laran.

Sentidu Natal ba tinan 2016, tuir Amo Papa Fransisco I, katak Natal “ refém’ ( hostage ka Tersandera) oleh materialismo tan nee presiza liu mak haraik an ka humildade.

Homilia amo Papa nee pretenente duni tamba ohin loron nee maromak ema tau tiha ba sorin, buat sira riku soin mundo nian mak ema prioriedade liu duke harohan ka fiar ba Nai maromak. Iha loron boot Natal, ema dala barak obsesaun liu sosa premeiu, hahan, roupa hatais no buat sira nebe konaba sira nia an rasik, tan nee atu iha sentidu loron boot Natal tenki mais humilde.

“se ita hakarak selebra loron Natal nee lolos, ita tenki refleta lia fuan nee : Maromak Sempre iha ita nia moris lor loron” dehan Amo Papa nebe kuota husi Reuters. Lia fuan importante liu nebe amo Papa fo sai iha selebrasaun misa Natal nian iha Basilika, Vatikano mak fo hanoin ka lembra ba nasaun desenvolvidu sira katak sentidu Natal mak humildade, simplisidade no misteriu.

Natal ohin loron nee ema ladun preokupa, buat sira nee hotu mak halo natal nee festa baibain tamba sentimentu agradesementu ba Nai Maromak nee tau tiha sorin, hanoin liu ba sosa premiu nebe luxu maibe haluha tiha ema sira nebe taun tiha ba kotuk.

Mundo sira hanesan nee maka refém tiha Natal hodi nunee presiza resistensia hodi liberta. Agora oinsa atu liberta mak ho haraik an deit “humilde” no tenki iha pensamento ida katak Maromak sempre hela ho ita loro-loron.

Selebrasaun natal ba tinan ida nee, tinan ida nebe nakonu ho sofrementu, mundo nebe nakonu ho funu nebe provoka  refujiadus, halo ema tur la hakmatek, terus no susar oi-oin, hamlaha iha fat-fatin, bomba iha Suriah no rainakdoko iha Aleppo nebe ema barak mate.

Saida mak amo Papa preokupa sai mos preokupasaun amo sira iha Timor Leste tamba iha Timor Leste mos  wainhira atu tama loron boot Natal sempre mosu  hahalok  a’at oho malu, no mosu amante iha familia hodi hamosu dezunidade iha familia.

Tan nee festa Natal sai hanesan explozaun naroman, iha mundu ne’ebé nakukun, deskonfiansa buras iha sosiedade nia laran, natal hanesan kompromisu bo’ot hodi   bele hetan moris foun.

“Natal ida ne’e lori dame no paz konfiansa enerjia ne’ebé diak liu hotu hodi tane ita nia kresimentu, ba maturidade, ne’e duni dalan atu fila fali naroman ne’ebé tau ita nia konfiansa liu husi kosok oan ne’ebé moris,” Dom Virgilio. Los duni, Nai Jesus Kritus moris mai iha mundo lori paz, dame no domin atu ita paz ba malu, hadame malu no hadomi malu nudar kriatura Maromak nian no hakribik kontra mandamentu 10. Tamba ho paz, dame no domin mak sai hanesan xavi ba estabilidade, desenvolvimentu no  prosperiedade sidadaun nian. *

TINAN 2017, SOE LIXU ARBIRU SEI KONA MULTA

Ministru Estadu Koordenador asuntu Justisa no Ministru Administrasaun Estatal, Dionisio Babo, informa, hahú tinan oin 2017, komunidade sira soe lixu arbiru no para kareta iha estrada ninin sei selu multa ba Estadu.

“Tinan oin lixu ne’ebé ita nia komunidade sira soe arbiru deit tenki selu multa, ho mos transporte ne’ebé mak para iha Dili laran ne’e mós ba iha tinan oin tenki mós selu hotu ona, tanba lei halo hotu tiha ona, hein ba tinan oin hala’o implementasaun deit ona,”esplika Dionisio ba jornalista sira, iha edifisiu Ministériu Administrasaun Estatal Caicoli, Dili, foin lalais ne’e.

Nia hatutan, komunidade sira ne’ebé mak para kareta arbiru ne’e komesa tinan oin selu ona, osan sei hatama ba iha kofre Estadu.

“Lixu iha Dili laran, kada loron iha Dili laran ne’e produs lixu porvolta 190 toneladas lixu, ne’ebé mak ami rekolha ne’e provolta 50% deit. Tanba kada tinan ita gasta osan ba lixu ne’e provolta  $ 2 Millioens, lor-loron iha 50 komeonetas mak halo operasaun iha Dili laran, komeonetas ida lao dala tolu kada loron ida,”esplika Dionisio Babo.

Oras ne’e dadaun entrega ona ba iha Munisípiu Dili, espera katak sei servisu diak liu tan hodi kontrola lixu iha Dili laran.

“Ami husu kolaborasaun ba maluk Timor oan sira liu-liu iha loron bo’ot Natal no Tinan Foun ne’e favor ida hotu-hotu soe foer iha nia fatin ou tau hamutuk iha fatin lixu,” tenik Dionisio Babo.

Nune’e Dionisio Babo husu ba iha Administrador Postu no Xefi Suku sira hodi servisu maka’as atu kontrola sira-nia komunidade hodi soe foer tuir nia fatin.

“Ita moris iha Plaza la’os ita moris iha fahi luhan, ne’ebé ita hatene nia hijeniu hirak ne’e, ha’u husu kolaborasaun ba ita hotu, tanba Natal no Tinan Foun ne’e ita nia sarani katolika sira nia, liu-liu udan hanesan ne’e ita hotu tenki servisu kolabora ba malu para bele halo sidade ne’e mós nafatin,” esplika Dionisio Babo.avi

Jornal Nacional

TL SEI KONVOIU SIMU MARVI

Prestasaun reprezentante Timor Leste (TL), liu husi nia sidadaun feto ida, Maria Vitoria alias ‘Marvi’ foin lalais ba tuir kompetisaun Dangdut Academy Asia 2 (DAA2) iha Indonesia, no konsege tama to’o kuatru finais, maka komunidade iha kapital Dili planeia ona sei halo konvoiu (pawai) hasoru Marvi wainhira fila mai TL.

“Maria Vitoria fila ita sei halo pawai penyambutan iha Aeroportu Internasional Nicolau Lobato bainhira nia fila mai, tanba nia hatudu prestasaun di’ak iha rai liur,” hateten Diretór Jerál Sekretaria Estadu ba Juventude no Desportu (SEJD), Metodio Caetano Moniz, ba jornalista sira, iha nia knár fatin gabinete SEJD eis-sional Lecidere Dili, Tersa (27/12/2016).

Teknikamente atu halo saida de’it ba Maria Vitori la problema, maibé importante mak tenki halo penyambutan ba nia (Marvi), tenik Nia.

Metodio salienta, Maria Vitoria tama iha 4 besar, SEJD sente orgulho tebtebes núdar ema Timor, tanba joven ida ne’ebé kompetativu no orgulho bo’ot hanesan ema Timor-Leste.

Ne’e duni Marvi komprova duni, mesmo nia sai ona hori kalan, maibé prestasaun ne’ebé nia hatudu ba ida maksimal to’o iha fatin refere.

“Desde husi inisiu ema barak akompañia haree liu televizaun sente orgulho ho Maria Vitoria ninia prezensa iha ne’ebá. Signifika katak, ida ne’e bele sai banati ba jovens sira seluk, kuandu hatudu prestasaun bele kompete ho Nasaun sira iha liur, ita nia povu ne’e sei fó apoiu no orgulho,” realsa Metodio.

Metodio dehan, Maria Vitoria agora daudaun la’ós ninia inan-aman nian de’it, mais Maria ne’e ema Timor nian tomak. Ito

Jornal Nacional

TINAN-TINAN IHA TL, KONTINUA OHO MALU NO PERSELINGKUHAN AUMENTA

Padre João Soares ne’ebé lidera misa iha loron Natal (25/12) iha Igreja Katedral Dili, liu husi ninia omilia hatete katak, selebrasaun Natal tinan-tinan,  hahalok  a’at oho malu akontese nafatin, no perselingkuhan aumenta iha Timor-Leste (TL).

“Tinan-tinan ita selebra Natal, hahalok a’at mosu nafatin, oho malu mosu nafatin, korupsaun  la’o nafatin, perselingkuhan dimana jadi, kaben nain sira sobu uma kain, klosan sira sobu kaben-nain sira ninia familia, kaben-nain sira tuur la metin tanba foin sa’e oan sira, depois kiikoan sira estraga sira ninia vida tinan seidauk to’o ba kaben sira  hakarak kaben ona, inan aman balun hakarak oan hola feto ka mane lalais, labarik barak mak husik hela sira ninia estudu iha dalan klaran ikus mai lori sofrimentu ba sira ninia a’an rasik, lori sofrimentu ba sira ninia familia,  lori sofrimentu ba sosiedade no ba ema hotu-hotu,” hateten Padre  João Soares, iha Igreja Katedral Dili.

Padre  João Soares realsa  katak,  selebra loron Natal Maromak mai  lori roman ba ema hot-hotu, maibe ema sira lakohi fo importansia, oinsa mak bele hatene importansia ba roman ida  ne’e.

Familia sira odiu malu nafatin, kontinua nafatin hela joven sira ba tama artemarsiais  hodi estraga malu sei kontinua hela. Ho hahalok sira  ne’e Jesus Kristu mai lori roman ba  ema hotu.

“Ita ksolok, kanta no reza, ba nai Jesus Kristu  ne’ebé mak lori roman ba  ita,” hateten  Padre  João Soares.

Nune’e mós Padre João Soares dehan, selebra loron Natal, la’os tanba kontente ho kalsa no kamiza foun, ne’ebé mak sosa husi Colmera, maibe importante mak fiar ba Maromak.

Misa  ne’e hala’o, hetan seguransa husi Polisia Nasional Timor Leste (PNTL), Munisípiu Dili ho trankuilidade.

Natal hanesan xamada ba moris

Nune’e mos, Bispu Dioseze Dili, Dom Virgilio da Silva do Carmo, hatete, selebrasaun festa Natal la’os atu deskreve deit romantiku nostalgia nian, maibe sai hanesan xamada ida ba ema nia moris.

“Mai  ita ida idak liu liu  ba feto ou mane, matenek ou beik hodi husik hela ita nia atitude labarik nian, ba realidade adultu nian iha mundu. Presente iha ita nia moris prontidaun atu husik labarik ne’ebé iha ita, atu sai bo’ot presija hatene liu ita nia sentimentu, sai husi buat ne’ebé halo ita nia a’an la livre,”dehan Bispo Diosece Dili Dom Virgilio da Silva do Carmo ba sarani sira iha selebrasaun misa iha Igreja Catedral Dili, Sabado kalan  (24/12).

Dom Virgilio hateten,  atitude  hanesan matenista ninian no konsumista  ninian atitude eDomista besik ba buat ne’ebé mundu ho buat seluk tan, kofiansa ida no iha esperansa ne’ebé bo’ot liu tan iha maromak.

 “Maske ita rasik iha konfujaun no  desorienta la hatene atu ba los ne’ebé, duvida  iha serteza no tauk ba loron aban bain rua nian. Selebrasaun natal  ne’e xamada ida espeansa nian iha mundu  ne’ebé rejistrasaun amiasa bo’ot ba ita,”esplika Dom Virgilio.

Tanba ne’e Natal hanesan explozaun naroman, iha mundu ne’ebé nakukun deskonfiansa buras iha sosiedade nia laran natal hanesan kompromisu bo’ot hodi   bele hetan moris foun.

“Selebra natal mai ita deskobre fila fali sentidu natal ne’ebé mak los, atu selebra natal estimula ita, hodi bele selebra natal hanesan esperansa nudar maromak oan liu liu ba familia ne’ebé iha perigu, naksobu dadaun no tenke lori esperansa ba maluk sira ne’ebé terus, moras no ema ijola tanba razaun oi oin ba familia no mos vizinu,” haktuir Dom Virgilio.

Tanba ne’e tenke lori esperansa ba ema hirak ne’ebé hare ba la iha  folin, sira tenke moris nune’e mos ba sira ne’ebé la respeitu ba ema seluk nia moris. Tenke  lori esperansa ba maluk sira ne’ebé la hetan oportunidade hodi selebra natal.

Dom Virgilio husu mos ba maluk sira ne’ebé lakohi tuir pratika hodi selebra natal, tanba dadaun ne’e sira nia fiar malirin ona lori esperansa ba grupo hirak ne’ebé hanoin a’at ba malu no sadik malu.

“Natal ida ne’e lori dame no paz konfiansa enerjia ne’ebé diak liu hotu hodi tane ita nia kresimentu, ba maturidade, ne’e duni dalan atu fila fali naroman ne’ebé tau ita nia konfiansa liu husi kosok oan ne’ebé moris,”dehan Dom Virgilio.avi/ety

Jornal Nacional

PM Japonés hato’o kondolénsia ba vítima sira iha Pearl Harbour liuhosi vizita istórika

Primeiru-ministru Japaun, Shinzo Abe, iha ohin manifesta "sinseru no kondolénsia boot" ba família millaun norte-amerikanu ne’ebé mate iha bombardeamentu japonés iha  Pearl Harbour, durante vizita ne’ebé konsidera istórika hosi prezidente EUA, Barack Obama.

"Ho kualidade  primeiru-ministru japonés nian, ha’u oferese ha’u ninia sinseru no eternu kondolénsia ba sira nia klamar  ne’ebé maka mate iha ne’e, nomós  espíritu valente mane ho feto ho sira nia vida  lori hosi funu  ida ne’ebé hahú iha fatin ida ne’e ", hatete  Abe.

"Ita nunka no labele repete tan orrór sira iha funu", haktuir  Abe, no refere ba bombardeamentu japonés ne’ebé hamate norte-amerikanu liu 2.400  iha tinan 75 liubá.

Koa’lia iha Obama nia sorin, Abe agradese, iha sorin seluk, "toleránsia ba Japaun", elojia poder iha rekonsiliasaun.

Iha resposta, prezidente norte-amerikanu assegura katak  aliansa entre EUA no Japaun "nunka forte tebes" hanesan agora.

"Iha tempu di’ak no aat, ami iha ne’e atu kompleta", nia hatete, no afirma importánsia atu "labele demoniza buat ida ne’ebé lahanesan".

Abe no Obama iha ohin hala’o vizita istórika ida ba Pearl Harbour, ne’ebé hetan  atake lansa hosi  kasa-bombardeiru japonés marka Estadus Unidus inklui iha funu.

Ba dahuluk  maka primeiru-ministru japonés vizita memorial USS Arizona, harii iha fatin ne’ebá  iha inísiu tinan  1960.

SAPO TL ho Lusa

Vírus hosi gripi aviária hamate vítima iha Hong Kong

Mane ida ho tinan 75 mate iha Hong Kong, semana rua hafoin hetan tama iha ospitál tamba víru H7N9, estirpe gripe aviária estirpe gripe aviária ne’ebé hetan diagnostika hafoin halo  vizita ida ba Xina, anunsia iha horisehik  autoridade sira.

Idozu hosi Hong Kong ne’ebé desloka ba Changping, provínsia xineza Guangdong iha novembru ikus ne’e, mate iha loron Natal, tuir komunikadu ida ne’ebé fó sai iha horisehik hosi autoridade saúde antigu kolónia británika, sita hosi jornal South Xina Morning Post.

Kauza loloos ba ninia mate seidauk hatene, maibé hatene katak mane ne’e hetan problema seluk iha nia saúde.

Iha inísiu, bainhira nia tama ospitál, iha loron 09, diagnostika ho pneumonia, maibé teste ida, ne’ebé realiza tuir mai, iha pozitivu ba virus H7N9. Iha semana kotuk, autoridade sira deklara trata hanesan kazu dahuluk ne’ebé importa hosi gripe aviária iha invernu ne’e.

Sekretáriu ba Saúde Hong Kong nian, Ko Wing-man, afirma, iha kuarta-feira ne’e, katak idozu rekoñese vizita ida ba merkadu ne’ebé ho manu, ne’ebé moras kedas iha fatin ne’ebá, hafoin iha inásiu nega kualkér kontaktu ho manu kapoeira sira ou vizita ba merkadu.

Pasiente hela ho izolamentu hafoin ninia kondisaun  klasifika gravé.

Pelumenus ema 51 maka kontaktu besik liu ho idozu ne’e, inklui familia sira ne’ebé maka moris hamutuk ho nia no pessoál médiku, hetan vijilánsia médika.

Ne’e hanesan kazu badala 17.º hosi virus H7N9 ne’ebé konfirmadu iha Hong Kong.

Viziña Makau rejista, iha loron 14 liubá, kazu dahuluk ba infeksaun ida hosi grupu aviária iha ema.

Pasiente ho tinan 58, ne’ebé iha fatin ida faan manu nian, iha izolamentu iha Sentru Ospitál Conde de Saun Januário.

Iha sábadu, Servisu Saúde Makau deklara katak mane ne’e lahetan ona virus ne’e.

SAPO TL ho Lusa

Que 2017 seja um ano da limpeza desses "cancros criminosos" que roubam os povos. Bom Ano Novo

Nos anos pós revolução de Abril em Portugal era frequentissimo escutarmos nas rádios portuguesas Sérgio Godinho que em quadras simples mas objetivas propagava via éter alguns dos princípios básicos da democracia e nos cantava algo de essencial num estado e sociedade verdadeiramente democrática e livre. Afirmava, e afirma - pois ainda é vivo e canta a liberdade - que só há liberdade a sério quando houver para todos "a paz, o pão,  habitação, saúde e educação". 

Na verdade esses os quatro pilares onde assenta a liberdade dos povos, para além do trabalho para todos justamente remunerado, assim como a distribuição equitativa da riqueza. Assim como tantos outros pilares essenciais que garantem a liberdade, independência, desenvolvimento cultural, social, tecnológico... e muitos outros.

Volvidos quase meio século da revolução e libertação de Portugal e dos países e povos que arrogantemente o regime colonial-fascista de Salazar-Caetano dizia serem Portugal - hoje constituintes da CPLP - está por cumprir a liberdade a sério de todos esses povos, incluindo Portugal ou Timor-Leste. Novas elites foram formadas. Promessas de tudo do melhor para as sociedades lusófonas são frequentemente pronunciadas por estes novos líderes. Promessas por cumprir conveniente e merecidamente por todos esses povos. 

Em vez da liberdade a sério, verdadeiramente democrática, assistimos aos descalabros da corrupção, dos roubos impunes de grande parte desses líderes. De Portugal a Timor-Leste é notório e muito significativo quanto o banditismo de políticos e de grandes grupos empresariais e económicos (mas também de alguns pequenos e médios empresários e funcionários estatais) desviam em seu benefício valores e recursos que pertencem legitimamente aos povos. E assim acontece por todo o mundo. Só por isso uns têm tanto e outros menos que nada.

O resultado destes roubos redunda na falta de liberdade a sério, na falta de democracia de facto, na falta de justiça social e justiça judiciária, na pobreza extrema, no "aparelho" da saúde sem recursos adequados, na falta de habitação e de escolaridade, na subalimentação, na fome, na poluição a que chamam "desenvolvimento", etc. etc.

Perante tal realidade importa a união dos povos em prol à tal Liberdade a Sério e da rejeição de líderes que vimos enriquecer em conluio com muitos outros. Sabemos que eles não são menos que uns ladrões que para possuírem criminosamente o que possuem condenam os povos a carências inadmissíveis, desumanas. Em Timor-Leste acontece muito isso, como pelos restantes países da CPLP e por todo o mundo. A solução deste descalabro social depende da união dos povos. Algo difícil de conseguir em pleno devido a idolatrações imerecidas de uns quantos líderes, de partidarismos cegos, de confiança que fazemos de tantos que não a merecem.

Que 2017 seja um ano da limpeza desses "cancros criminosos" que roubam os povos e causam divisões, divergências, guerras, fome e tantos outros males para a humanidade.

Temos (devemos) dar-lhes caça. Por uma vida justa. Por anos vindouros melhores. Pela liberdade a sério.

Bom ano de 2017.

AV / MM

FELIZ 2017, DEMOCRACIA, SAÚDE, JUSTIÇA E PAZ PARA TODOS OS POVOS DO MUNDO!

DEVIDO ÀS COMEMORAÇÕES DESTA QUADRA FESTIVA TEMOS REDUZIDO SUBSTANCIALMENTE AS NOSSAS PUBLICAÇÕES NO TIMOR AGORA, ESPERAMOS QUE COMPREENDAM E NOS PERDOEM. É CERTO QUE GOSTAMOS QUE VISITEM SEMPRE QUE DESEJAREM O TIMOR AGORA E POR ISSO FAREMOS ALGUMAS PUBLICAÇÕES DE MODO REDUZIDO.

SÃO NOSSOS VOTOS QUE TENHAM PASSADO UM FELIZ NATAL E QUE O NOVO ANO DE 2017 LHES TRAGA MAIOR FELICIDADE E MELHORES CONDIÇÕES DE VIDA EM TIMOR-LESTE E NOS PAÍSES DE TODO O MUNDO.

QUE A PAZ NESTE ANO QUE VAI INICIAR-SE SEJA UMA REALIDADE EM TODOS OS PAÍSES E PARA TODOS OS POVOS DO MUNDO.

MUITO AGRADECIDOS POR NOS ACOMPANHAREM ATRAVÉS DA VOSSA PRESENÇA VIRTUAL, AMIZADE E COLABORAÇÃO.

FELIZ 2017.