Prezidente Autoridade RAEOA Lansa Planu Estratéjiku 2019-2023

Oe-Cusse, 24 maiu (TATOLI) - Prezidente Autoridade Rejiaun Administrativu Espesiál Oe-Cusse Ambeno (RAEOA), Mari Alkatiri, ohin, iha Oe-Cusse, lansa Planu Estratéjiku Rejionál 2019 to’o 2023 ho pájina 200 resin.

Planu estratéjiku Rejionál ne’e formula bazeia ba rezultadu konsultasaun públiku ho komunidade suku 18 ho mós autoridade lokál, juventude no entidade oioin iha Oe-Cusse.

“Ohin aprova no lansa ona planu estratéjiku rejionál 2019 to’o 2023, liuhosi konsultasaun públiku ho autoridade lokál, juventude no entidade oioin,”  hateten Prezidente Autoridade RAEOA, Mari Alkatiri, iha nia diskursu iha ámbitu lansamentu Planu Estratéjiku refere.

Mari Alkatiri afirma, RAEOA tenke sai referénsia ba dezenvolvimentu no Oe-Cusse tenke sai laboratóriu, tenke iha kriatividade, inovativu no deskobre. Maibé, atu atinje ida ne’e, Alkatiri afirma tan, tenke iha korajen atu muda paradigma, kria paradigma foun atu lori deskobre dezenvolvimentu.

Nia lia tun mós, ko’alia dezenvolvimentu presiza ema hotu nia envolvimentu ativa, tanba demokrasia ne’ebé iha mak demokrasia partisipativu la’ós demokrasia reprezentativu.

Iha pilár lima ba Planu Estratéjiku Rejionál Oe-Cusse 2019 to’o 2023 maka dahuluk iha área sosiál, signifika asesu universál ba kualidade edukasaun, asesu universál ba kuidadu saúde ho nia kualidade, oportunidade di’ak ba joven sira, oportunidade di’ak protesaun ba feto klosan sira no adultu.

Daruak maka ekonomia, signifika dezenvolvimentu ba kualidade produsaun ho kompetitivu agríkola; dezenvolvimentu turizmu komunitáriu; dezenvolvimentu indústria lokál sira ne’ebé aposta inovasaun no komérsiu atu aumenta kriasaun empregu ho aumentu ba rendimentu família nian.

Datoluk maka infraestrutura, signifika reabilitasaun ka manutensaun ba liña komunikasaun no ekipamentu sira (Aeroportu, portu, estrada, ponte, telekomunikasaun); asesu universál ba rede públiku eletrisidade; asesu ba água potavél ho kuantidade, kondisaun ne’ebé di’ak liu ba saúde no kustu suportavel tantu atu uza ema produtividade.

Dahaat maka planeamentu urbanu, signifika organizasaun territoriál no urbana sustentável, abilitasaun ba presu asesivel, jestaun rezíduu no protesaun ba biodiversidade.

Dalima maka governasaun no modernizasaun institusionál, signifika estrutura governu ho fleksivel, jestaun finanseiru efisiente no infraestrutura teknolójika ne’ebé adekuadu hodi implementa, aumenta partisipasaun sívika espesialmente ba joven mane sira no feto sira; aumenta envolvimentu ba sosiedade sivíl no xefe suku ho lider komunitáriu iha investimentu iha prosesu planifikasaun no administrasaun.

Enkuantu, informasaun setór sira ne’ebé detallu maka setór sosiál ne’ebé inklui Sekretaria Rejionál Edukasaun, Juventude no Inkluzaun Sosiál no Sekretaria Rejionál Saúde. Setór sosiál nu’udár veíkulu importante atu fornese servisu esensiál ne’ebé permite ba prósperu populasaun nian.

Eziste prioridade xave iha setór sosiál ne’ebé inklui konstrusaun infraestrutura, rekrutamentu pesoál, formasaun, hasa’e númeru matrikulasaun eskolár no rezultadu saúde, dezenvolvimentu setór FTP, dezenvolvimentu ospitál rejionál, protesaun ba membru vulneravel iha komunidade no atu fó empoderamentu ba joven sira mane no feto.

Jornalista: Zezito Silva | Editór: Francisco Simões

Imajen: Prezidente Autoridade RAEOA, Marí Alkatiri. Imajen/Antonio Gonçalves

Don Virgílio: Iha Ne’ebé iha Lia Bosok, Sei Laiha Domin

DILI, 23 maiu 2019 (TATOLI) - Bispu Dioseze Dili, Don Virgílio do Carmo da Silva, hateten iha ne’ebé iha lia-bosok, laiha domin.

“Iha ne’ebé mak iha lia-bosok, laiha domin. Loos duni. Ita oras ne’e moris iha sosiedade ida ne’ebé la’ós fásil. Dala barak ita ko’alia kona-ba lia loos uituan de’it,” Bispu hato’o lia-menon ne’e bainhira fó sakramentu krizma ba sarani na’in 563 iha Igreja Maria Auxiliadora, Comoro, Dili, ohin.

Tanba ne’e, Don Virgílio husu sarani sira atu banati Amu Papa nia mensajen ne’e dehan: “mai ita hamutuk promove, hada’et no hanorin inan-aman sira, mai ita hanorin oan sira ho linguajen domin nian”.

 Nia dehan, timoroan sira presiza uza linguajen ne’ebé eduka ho domin, labele trata malu no labele uza lia falsu hodi lasu maluk seluk.

Maski nue’e, Don Virgílio konsiente katak susar tebes atu konserva no prezerva vertude laran-moos nian tanba oras ne’e buat oioin mosu iha mídia.

Jornalista: Evaristo Soares Martins | Editór: Xisto Freitas

Imajen: Bispu Dioseze Dili, Don Virgílio do Carmo da Silva bainhira hato'o liafuan badak ida lansamentu feira loron-matan monu no vizita Timor-Leste 2030 iha Kristu Rei, foin lalais. Foto: Mídia MT

Viqueque Tenke Prepara Simu Kadoras Greater Sunrise

DILI, 23 maiu 2019 (TATOLI)-Administradór Munisípiu Viqueque, Gregorio Hendrique, hatete, munisípiu Viqueque tenke prepara ona iha setór agrikultura, infraestrutura, tékniku no rekursu umanu, atu bele simu polítika governu da-ualu nian atu dada kadoras mina matan greater sunrise nian mai Beaço, Viqueque.

“Se ita fó han ema rihun ida-resin ne’e loron ida ita fó han hira, tékniku ne’e na’in hira, badaen na’in hira, buat barak loos. Hotu-hotu ita tenke prepara. Ne’ebé agora iha munisípiu Viqueque, ami tenke haree iha kooperativa, agrikultura no profisionál ne’ebé prontu atu uza iha munisípiu Viqueque,” hateten  Administradór Gregorio Hendrique, ohin, iha edifísiu SEFOPE, Caicoli, Dili, bainhira partisipa iha aprezentasaun rezultadu projetu pilotu ba programa Empregabilidade no Oportunidade ba Grupu Populasaun Marjinalizadu (ENDIGO) ne’ebé implementa iha Lautem ho Viqueque.

Nia tenik, Viqueque agora preparadu para bele hala’o buat hotu no bainhira kadoras mai, prontu ona hodi hasa’e ekonomia populasaun Viqueque nian.

Iha area turizmu nian, Gregorio hatutan, tenke halo identifikasaun ba fatin sira ne’e bainhira ema bá servisu ne’ebá kuandu presiza iha sábadu no domingu ema bá vizita ne’e mós presiza uma no presiza ema ne’ebé simu bainaka.

“Iha agrikultura pelumenus ita prodús ai-han hira hodi bele responde, ai-fuan munisípiu Viqueque, modo-tahan bele aguenta ka lae? Pelumenus ita prepara restaurante hira iha ne’ebá hodi bele fornese”.

Iha parte agrikultura nian, Viqueque komesa hakiak manu, animál, hodi nune’e bele atende nesesidade mai no hanoin ona halo sasán sira ne’e. Aléinde ne’e, iha edukasaun nian, haruka ema na’in hira bá eskola para mai fali atende servisu sira ne’e, entaun ne’e haree hosi faze pur faze hodi bele atende servisu nasaun nian.

“Buat sira ne’e hotu presiza ema nia abilidade, nune’e bele muda ekonomia populasaun Viqueque nian. Agora daudaun hosi TIMOR GAP nian haruka ona ema Beaço oan  na’in 30-resin bá ona estudu, formasaun no   treinamentu,” informa Administradór Gregorio Hendrique.

Jornalista: Maria Auxiliadora | Editór: Francisco Simões

Imajen: Munisípiu Viqueque tenke prontu atu simu politika Governu da-ualu nian atu dada kadoras mina matan greater sunrise nian mai iha Beaço. Imajen/google

Manán Académica, Boavista Lidera Tabela Klasifikasaun

DILI, 23 maiu 2019 (TATOLI) - Klubu Universidade Nacional Timor Lorosa’e (UNTL), Académica FC, derrota golu rua hosi Boavista Clubu de Timor iha jornada datoluk Liga Futeból Amadora (LFA) ne’ebé hala’o iha Estádiu Munisipál Dili, kinta loraik ne’e.

 Derrota ne’ebé Academia hetan fó oportunidade ba Boavista avansa kedas hodi lidera provizoriamente tabela klasifikasaun ho pontu 7. Enkuantu, Académica hela ho pontu mamuk, tan ne’e lori Académica hela iha pozisaun ikus liu.

Golu vitória Boavista prodúz hosi jogadór ho nasionalidade brazileira, Rafael Marti iha minutu 60 no minutu 90.

Treinadór Académica FC, Muhamad Nico konfesa katak derrota ne’ebé nia ekipa hetan tanba jogadór sira iha parte defeza ladún koordena malu di’ak, nune’e mak Académica sofre golu rua.

 “Jogu ohin kapa’as loos. Ha’u nia mehi la sai realidade tanba horsehik ha’u ko’alia dehan ami atu manán maibé la konsege. Ha’u foin hamutuk ho sira loron tolu tan ne’e ladún apár di’ak ho sira maibé ba oin ha’u sei hadi’a,” tenik Nico hafoin jogu ramata.

Iha fatin hanesan, treinadór Boavista FC, Fabiano Jose hateten nia sente kontente ho vitória ne’ebé nia ekipa hetan maski jogu ne’ebé hala’o difísil.

 “Sente kontente tanba ami-nia pontu aumenta iha jogu ne’ebé difísil. Ami agradese tebes. Ba oin, ha’u kontinua treinu jogadór sira ho di’ak nune’e bele manán tan jogu tuir mai,” Fabiano tenik.

Entretantu, atu fó hanoin fali, Académica joga dala tolu, lakon dala tolu, impata laiha, manán laiha. Boavista joga dala tolu, manán dala rua, impata ida, lakon laiha. Ho nune’e, provizoriamente Boavista lidera tabela klasifikasaun iha pozisaun dahuluk ho potu 7, AS Ponta Leste okupa iha pozisaun daruak ho pontu 6, AD SLB iha pozisaun datoluk ho pontu 4, Assalam FC iha pozisaun dahaat ho pontu 4, Lalenok United FC iha pozisaun dalima ho pont 3, Karketu FC iha pozisaun da-neen ho pontu 1 no Ultramar ho Académica okupa ikus liu iha zona dezpromosaun.

Jornalista: Mídia LFA | Editór: Xisto Freitas

Imajen: Kontra ataka entre jogadór Boavista FC no Académica FC. Imajen Mídia LFA

Número de mortos em violência pós-eleitoral sobe para sete na Indonésia

Jacarta, 23 mai 2019 (Lusa) - O número de mortos na violência ocorrida após o anúncio da reeleição do Presidente indonésio, Joko Widodo, subiu hoje para sete, depois de duas noites de confrontos entre a polícia e apoiantes da oposição em Jacarta.

As forças de segurança foram significativamente reforçadas hoje para tentar controlar os confrontos que paralisam o centro de Jacarta desde a noite de terça-feira.

Cerca de 58 mil polícias e militares foram enviados para a capital, um número superior aos cerca de 30 mil enviados anteriormente, visto que os manifestantes atacaram novamente a polícia na noite de quarta-feira.

"Sete amotinados morreram e nove polícias ficaram feridos", disse hoje o porta-voz da Polícia Nacional, Mohammad Iqbal, sem especificar o número de feridos no lado dos manifestantes.

As vítimas dos confrontos eram jovens, incluindo um estudante do ensino médio de 17 anos e um jovem de 19 anos, de acordo com relatos dos media locais.

As circunstâncias de suas mortes não são conhecidas e a polícia diz que não usou munição real contra a multidão.

Desde o anúncio oficial da reeleição de Joko Widodo, os apoiantes do candidato derrotado Prabowo Subianto recusam-se a reconhecer a derrota e tomaram as ruas para denunciar a fraude que ocorreu nas eleições.

A equipa de Subianto vai recorrer contra o resultado eleitoral ao Tribunal Constitucional indonésio.

"Prendemos mais de 300 suspeitos, interrogamo-los e temos provas" de um movimento organizado, disse Dedi Prasetyo, porta-voz da polícia nacional à AFP, acrescentando que "dinheiro, foices, facões e fogo de artifício" foram apreendidos.

Dois suspeitos confessaram ligações com uma organização radical islâmica GARIS (Gerakan Reformis Islam, movimento de reforma do Islão), que prometeu fidelidade ao grupo Estado Islâmico (EI), segundo Mohammad Iqbal.

O centro da capital estava calmo hoje, mas muitos escritórios, centros comerciais e escolas permaneceram fechados e as linhas de transporte público, como o metro, só funcionaram em regime parcial.

Várias embaixadas pediram aos seus cidadãos que não visitassem o centro da capital, onde a polícia bloqueou as estradas que levam à Comissão Eleitoral (KPU) e ao órgão de supervisão eleitoral (Bawaslu).

Essas instituições, alvo de manifestantes, estão protegidas por arame farpado e centenas de polícias e militares.

A Comissão Eleitoral anunciou, na terça-feira, a vitória de Joko Widodo contra o antigo general Prabowo Subianto, por 55,5% dos votos contra 44,5%.

Desde as eleições de 17 de abril, o candidato derrotado recusa-se a admitir a derrota invocando "fraude maciça", o que não foi confirmado pelo órgão de supervisão eleitoral indonésio ou por observadores independentes.

Jacarta já sofreu grandes protestos nos últimos anos, mas a atual violência foi a pior há mais de uma década.

CSR // FPA