Parlamentu timoroan aprova alterasaun eleitoral polémiku sira iha tinan lejislativu nian

Iha loron-tersa ne'e Parlamentu Nasional timoroan haruka ba Prezidente Repúblika alterasaun oioin ba lei eleitoral ne'ebé hamosu polémika ne'ebé ko'alia kona-ba deputadu sira bele lakon mandatu tanba indisiplina partidáriu no aumenta ona ba limitasaun 4% hosi votu válidu ba atribuisaun mandatu nian.

Alterasaun datoluk ba lei eleitoral ba parlamentu nasional, ne'ebé aprova ona ho unanimidade iha votasaun global ikus, entrega ona ba xefe Estadu iha fulan balun antes halo eleisaun lejislativu sira.

Alterasaun sira ne'ebé aprovadu, entre aspetu sira seluk, kalkula katak deputadu ida bele lakon nia mandatu bainhira integra ba bankada ida ne'ebé la hanesan ho nia partidu ne'ebé hili nia ka bainhira identifika hanesan independente.

Aprovasaun ne'e marka ho debate maka'as, iha nível komisaun nian no mós iha plenáriu, ho votu kontra oioin, inklui hosi bankada Partidu Demokrátiku (PD) no hosi eis-prezidente Parlamentu, Vicente da Silva Guterres (CNRT). Iha artigu polémiku kona-ba lakon mandatu, prezidente Parlamentu rasik, Adérito Hugo da Costa, vota abstensaun.

Kriasaun ba forsa seguransa hosi Partidu Demokrátiku timoroan hamosu polémika

Partidu Demokrátiku (PD) timoroan harii ona forsa privadu ida seguransa nian, Guarda Demokrátiku, ne'ebé sei akompaña asaun sira hosi kampaña no sei garanti seguransa iha fatin sira partidu nian maibé hamosu daudaun krítika iha Timor-Leste.

Iha loron hirak ikus ne'e, diresaun hosi PD, ne'ebé diriji hosi sekretáriu-jeral Mariano Sabino, fó pose ba elementu sanulu resin hosi Guarda Demokrátiku, medida ida ne'ebé hetan felisitasaun hosi apoiante sira partidu nian maibé mós hetan krítika sira iha rede sosial sira.

Elementu sira hosi Guarda Demokrátiku aprezenta aan ho farda sira ne'ebé hanesan ho forsa sira seguransa nian, ho kór azul, kór partidu nian, no ho xapeu kór azul, iha sasán rua ne'e iha dekorasaun ho bandeira PD nian.

PN HUSU HAPARA RÓ CHINA KAER IKAN IHA TASI MANE

Parlamentu Nasionál ejiji ba Governu atu hapara lalais kontratu ha Ró China hamutuk 15 ne’ebé hala’o atividade kaer ikan  iha Tasi mane.

PN rasik la konkorda ho akordu ne’e, tanba kontratu Governu nian ho Ró 15 husi China hala’o atividades peska iha tasi mane, ikan tonelada ida Governu Timor Leste hetan deit osan US$ 150.

“Ita imajina tok, se ikan tonelada ida mak US$ 150, entaun kilo ida ne’e centavus hira? Ida ne’e sai preokupasoens. Se ikan sai rekursu ida atu fó reseita mai ita-nia nasaun, mas ho kontratu ida hanesan ne’e, di’ak liu lalika halo,”relata Xefi bankada CNRT, Natalino dos Santos iha plenária PN, Segunda (20/02).

Natalino ejiji ba Ministru Agrikultura no Peska atu ba halo esklaresementu ba deputadu sira iha Parlamentu Nasionál kona ba Ró 15 ne’ebé mak halo peskas iha tasi mane.

SAÚDE LA PERMITE, PN EJIJI PR TAUR TROKA PREZIDENTI TR

Reprezentante povu iha Parlamentu Nasionál (PN), ejiji ba Prezidenti Repúblika (PR), Taur Matan Ruak, atu troka Prezidenti Tribunal Rekursu (TR), Guilhermino da Silva, tanba nia saúde la permite ona atu halo servisu.

Prezidenti Komisaun A, ne’ebé trata asuntu leis no poder lokal, Carmelita Moniz hatete katak, nia halo nia deklarasaun polítika kona ba ejersisiu kargu públiku.

“Ha’u husu ho hakruk ba Prezidenti Repúbika ne’ebé mak iha kna’ar atu hili Prezidenti Tribunal Rekursu, halo favor bo’ot ida haree liu ba sentimentu umana no kondisaun, tanba ita haree Prezidenti Tribunal Rekursu realidade labele assume ona kargu ne’e,” dehan Carmelita Moniz iha plenária PN, Segunda (20/02).

IMPAKTU MIGRASAUN PASIENTE, KORIDOR SAI ALTERNATIVU HNGV

Diretor Klinika Hospital Nacional Guido Valadares (HNGV), Flavio Brandão informa, impaktu husi migrasaun pasiente, husi munisípiu mai iha HNGV, halo HNGV hili koridor sai hanesan alternativu akumula pasiente sira.

“Pasiente toba iha koridor ne’e ema barak maka koalia, ema barak maka koalia konabá kama ne’ebé maka kada vez pasiente sira mai toba to’o iha level koridor ne’e ita mós tenki hanoin katak migrasaun ema husi munisípiu sira mai Díli ne’e kuaje makaas la halimar, ita nia HNGV mós iha tempu ona presija upgrade, tenki amenta fasilidade hanesan kama no buat hotu-hotu, ita kontinua hanesan hela tinan 5 ou 10 ba kotuk otomatikamente kama ne’e tenki loke, kuandu espasu seidauk iha maka koridor sai alternativu ida,” Flavio Brandão ba jornalista iha ninia knaar fatin HNGV-Díli, Sesta (17-02-2017).

NILTON GUSMÃO : MS LABELE TESTE GOTA HO INUS

Diretur Ezekutivo GOTA, Nilton Gusmão husu ba Ministeriu Saude (MS) atu la bele halo teste ba bee mineral sira ne’ebe produs iha timor ho inus.

“Parte MS wainhira ami hahu produs bee, ami komunika duni ho sira atu mai halo teste ba ami nia be, razaun lolos momentu ne’eba MS la iha ekipamentu, teste ne’e la’os halo deit ho inus atu horon tun horon sa’e, ne’e la’os teste propriu, no mos teste la’os uja matan tanba ne’e maka ami desmente total informasaun katak ami nia be GOTA kualidade ladiak,” hateten Diretur Ezekutivo GOTA, Nilton Gusmão liu husi komferensia ba imprensa iha armagem kompanhia GOTA, Fatuhada, Dili, Segunda (20/02/2017).

Nilton Gusmão rekonhese duni katak, sira la hodi sampel ba teste iha laboratorium Ministeriu Saude nian, tanba ministeriu laiha ekipamentus kompletu kompara ho laboratorium Serbisu Agua no Saneamentu (SAS) nian kompletu liu.

Makau sinaliza kazu HIV foun hamutuk 45 iha tinan liubá

Iha tinan liubá, Makau sinaliza ona kazu HIV foun hamutuk 45, númeru ida ne'ebé hatudu aumentu oituan relasionadu ho tinan 2015.

Tuir informasaun sira ne'ebé publika hosi Serbisu sira Saúde nian, rejista ona liu kazu foun neen ba infesaun HIV nian hasoru tinan 2015, hafoin iha tinan 2014 hetan kazu foun hamutuk 48 - númeru ida aas liu iha dékada ikus ne'e.

Iha númeru hosi kazu deklaradu sira hanesan SIDA tuun hosi númeru 15 iha 2015 ba númeru 12 iha kontajen tinan liubá nian.

Mane sira mantén hanesan sira ne'ebé afetadu liu: ho kazu foun hamutuk 35 hosi kazu foun hamutuk 45 HIV nian no kazu sia hosi kazu 12 SIDA nian iha tinan 2016.

Inundasaun estraga uma millaun resin iha kapitál indonézia

Udan-boot ne’ebé akontese iha kapitál indonézia kauza bee nakonu  hodi  provoka inundasaun ba uma millaun resin no Estrada sira.

Ajénsia ba situasaun dezastre iha ohin hatete katak   área sira liu 50 hetan inundasaun iha Jakarta, ho bee sa’e atinje to’o metru 1,5  iha Jakarta Orientál.
Sistema dreinajen sidade nian labele atu akumula volume bee no halo moos mota sira sa’e maka’as.

Inundasaun iha 2013 hamate ema liu sanulu resin iha Jakarta  no obriga ema millaun sanulu resin husik hela sira nia uma.

Sidade, ho área metropolitana konta ho abitante millaun 30 liu, hatete, to’o agora, hamenus ona númeru ba zona sira ne’ebé  sempre hetan inundasaun, hodi loke mota sira maka nakonu ho lixu, aléinde medida sira seluk.

Inundasaun no rai-halai  sai komun tebes iha Indonézia, iha tempu udan.

Iha  inísiu fulan ne’e ema liu rihun 40  hetan afetadu hosi inundasaun hafoin udan-boot durante loron hirak tutuir-malu iha  sentru nasaun nian, no hamate ema na’in 13 hosi  rai-halai iha Bali.

SAPO TL ho Lusa

Sentru Votasaun iha 696, Estasaun Votus 944

DILI: Sekretariadu Tekniku Administrasaun Eleitoral (STAE) públika ona númeru sentru votasaun no estasaun votus ba eleisaun Prezidensial.

Tuir públikasaun STAE iha Jornál Repúblika, Sesta (17/02), ba eleisaun Prezidente 2017, iha rai laran Sentru Votasaun hamutuk 693 no Estasaun Votus hamutuk 941.

Aleinde iha rai laran, estabelese mós sentu votasaun no estasaun votus iha Sydney, Darwin no Lisboa. Kada sidade ho sentru votasaun no estasaun votus ida. Husi númeru ne’e, total sentru votasaun hamutuk 696 no estasaun votus hamutuk 944.

“Tanba tuir Lei antes loron 30 ba eleisaun tenke públika ona (lista númeru sentru votasaun no estasaun votu). Ho ida ne’e, STAE halo ona públikasaun ba sentru votasaun no estasaun votus iha rai laran, inklui rai li’ur,” informa Diretór STAE, Alcino Manuel Branco iha nia knar fatin, Kaikoli-Dili, Segunra (20/02).

Parpol Tenke Iha Estatu Programa, Sede No Simblu

DILI – Partidu politiku iha 32 maka Tribunal Rekursu hasai ona sira nia legalidade, maibe to agora partidu balu seidauk iha sira nia estate programa, sede no simblu.

Vise Ministru ESTATAL Thomas Cabral hateten, tanba sa maka Governu muda prosedementu de aprezentasaun kandidatura nee ba iha Superemu Tribunal de justisa, tanba respeita deit artigu trezi, pontu un ho dois de lei du partidu politiku dehan partidu sira tenke iha estatu programa, sede, simblu ho rekezitus sira seluk.

Se prosesu nee ita hato iha CNE hanesan uluk sira laiha atu verefika ba lei du partidu politiku, tanba nee maka Governu nia proposta mai, ita hato fila fali prosedimentu iha neeba para sira atu kaer mos ba lei partidu politiku liu liu artigu trezi liu liu pontu un ho pontu dois,” dehan Vise Ministru ESTATAL Thomas Cabral, bainhira iha diskusaun I votasaun final global ba proposta lei eleitoral Parlamentar, iha PN, Dili, Segunda (20/02/2017).

Horta: TL Nia Demokrasia Di’ak Liu Iha Asia

DILI (ANTIL) - Laureado Nobel da Pas José Ramos Horta apresia servisu governu Timor-Leste ne’ebé mak lideradu hosi Rui Maria de Araújo tanba hatudu indikador di’ak ba mundu internasionál liu-liu demokrasia.

“Revista Ekonimic Loudres, Inglatera halo avaliasaun ida hatete, Timor-Leste demokrasia di’ak liu iha asia tomak, nune’e mós saúde no edukasaun la’o di’ak, José Ramos Horta, informa ba jornalista iha Novu Turismu, Segunda (20/02).

Ramos Horta observa katak durante iha tinan rua nia laran governu ne’ebé mak lideradu hosi Primeiru Ministru Rui Maria de Araújo, maske hasoru difikuldade, maibé konsege halo esforsu makas hodi hatudu rezultadu di’ak iha prosesu dezenvolvimentu.

“Ha’u fó parabens ba Dr Rui Maria de Araújo bele kria ekilibriu iha governasaun ida ne’e,” Horta apresia.

Hodi fó hanoin katak, ba futuru (restu tinan ida) tenki halo esforsu makas liu tan iha setór saúde liu-liu kondisaun Óspital nasionál to’o referal sira, tanba ohin loron sei enfrenta hela difikuldade oin-oin.

Difikuldade hanesan ekipamentu óspital nian to’o iha profesional saúde sira hanesan mediku no parteira sira, presiza apoiu liu tan, liu hosi hela fatin, transporte no kondisaun seluk ne’ebé ligadu moris lor-loron nian.

Biar nune’e, Horta dehan bainhira haree ba buat ne’ebé agora dadaun governu halo kompara ba tinan 2002 sa’e mai leten hodi haree liu ba nasaun seluk nia kondisaun, Timor-Leste iha tinan 15 ba prosesu konstroi estadu dezenvolvidu tebes duke rai sira ne’e.

“Ha’u orgullu no ha’u kontenti ba buat ne’ebé ita halo ona,” Ramos salienta tan.

Antes ne’e iha komemorasaun aniversariu tinan daruak governu nian, PM Rui Maria de Araujo hatete katak iha restu mandatu ne’ebé mak iha governu ne’ebé nia lidera sei iha misaun inportante liu-liu oinsa atu garante elisaun no garante governasaun ho imparsial to’o hetan governu foun.(Jornalista: Manuel Pinto/Editor: Alberto Alves).

Presiza Regulamentu Atu Proteje Labarik iha Kampaña Eleitorál

DILI, (ANTIL) – Komisaria ba Komisaun Nasionál Direitu Labarik nian, Maria Gorumali Barreto husu ba Sekretariadu Tékniku Administrasaun Eleitorál (STAE) ou Comissão Nacional de Eleições (CNE) oinsá kria regulamentu ida atu proteje labarik sira iha prosesu kampaña eleisaun prezidensiál no parlamentár.

”Bainhira labarik sira involve iha kampaña sei lakon oportunidade iha prosesu aprendizajen”, katak nia ba ANTIL iha ninia servisu fatin Kaikoli Dili, Segunda, (20/2).

Tuir nia, importante tebes ba kandidatu sira nomos partidu politiku atu labele involve labarik sira iha prosesu kampaña eleitorál, tantu prezidensiál no parlamentár.

Tanba, kuandu labarik mak partisipa iha eleisaun sei akontese ameasa ba vida bainhira mosu asidente tránzitu iha konvoiu nomos krime ruma iha fatin kampaña. Seluk fali mak, bainhira mosu kampaña ne’ebé la-edukativu (insulta malu), automatikamente labarik sei simu edukasaun la-di’ak.

PR Foun La Bele Sai Fali Adversariu ba Governu

DILI (ANTIL) - Eis Prezidenti da Repúblika, José Ramos Horta husu atu se de’it mak povu hili hodi sai Prezidenti da Repúblika (PR) iha periodu 2017-2022 la bele sai fali adversariu ba governu.

“Se de’it mak povu hili tenki halo esforsu makas para servisu didiak ho governu, parlamentu, sira la bele inimigu ba malu,” Ramos Horta haklaken lia ne’e ba jornalista sira bainhira hasoru malu iha Novu Turismu, Segunda (20/02).

Tuir Ramos Horta Prezidenti da Repúblika foun mós tenki intrepreta didi’ak ho lolos konstituisaun Repúblika Demokratiko Timor-Leste kona ba poder Prezidenti da Repúblika nian.

Hanesan iha Artigu 85 Konstituisaun RDTL haktuir katak, a) Promulga diploma legislativu no haruka publika rezolusaun husi Parlamentu Nasionál ne’ebé aprova akordu no ratifika tratadu konvensaun internasionál sira; b) Hala’o kompeténsia kona-ba knaar Komandante Supremu Forsas Armadas nian; c) Hala’o direitu veto kona-ba diploma lejislativu nian, iha prazu loron 30 nia laran  hahú husi loron simu nian; d) Foti no fó pose ba Primeiru Ministru ne’ebé partidu eh aliansa partidu sira ho maioria parlamentár sei foti, wainhira rona partidu polítiku sira-ne’ebé iha Parlamentu Nasionál; e) Husu Tribunál Supremu Justisa nian kona-ba apresiasaun preventiva no ba fiskalizasaun abstratu konstitusionalidade norma sira-nian, no mós haree  inkonstitusionalidade tan omisaun; f) Hato’o ba referendu problema boot interese nasionál nian, tuir termu sira iha Artigu 66; g) Deklara estadu serku nian ka estadu emerjénsia, tuir Parlamentu Nasionál haruka, wainhira rona tiha ona Konsellu-Estadu, Governu no Konsellu Superiór Defeza no Seguransa nian; h) Deklara funu ka halo dame, tuir proposta Governu nian, wainhira rona tiha ona  Konsellu-Estadu, Governu no Konsellu Superiór Defeza no Seguransa nian, tuir Parlamentu Nasionál haruka; i) Rona tuir Governu, atu fó perdaun ka hamenus kastigu; j) Konfere, tuir lei, títulu onorífiku, kondekorasaun no mós distinsaun.

Horta mós sujere atu Prezidenti foun tenki mantein komunikasaun institusional ho orgaun sira seluk.

Aleinde ida ne’e buka halo esforsu hodi lori Timor-Leste tama iha regiao Asean, liu hosi kumprimentu ba prosesu hotu-hotu. (Jornalista: Manuel Pinto/Editor: Alberto Alves)

Governu Harii ona Estrada Nasionál 860 Km

DÍLI, (ANTIL) - Governu Timor-Leste (TL) iha tinan rua ikus ne’e liuhusi Ministériu Obras Públikas no Telekomunikasaun (MOPTK) harii ona estrada nasionál hamutuk 860 Km, estrada munísipiu kilometru 53 no estrada urbana sira kilometru 80, nune’e mós ponte ualu no hala’o ona mós traballu enjeñaria nian sira ne’ebé signifikativu, atu bele evita inundasaun.

Informasaun ne’e fó sai husi Primeiro-Ministro, Rui Maria de Araújo ba media sira iha Palácio do Governo, Díli, Sesta (17/02) iha ámbitu aprezentasaun rezultadu serbisu sestu governu konstitusionál.

Xefe governu ne’e informa tan katak ne’e nu’udar kontinuasaun husi projetu eletrifikasaun nasionál husi V governu instala ona liña foun média tensaun nian hamutuk kilometru rihun ida resin no liña tensaun baixa nian hamutuk kilometru 1.321, ne’ebé fó ona benefísiu ba ema hamutuk 263 ba rede abastesimentu bee nian.

VI Governu: Saúde no Edukasaun Hetan Progresu

DÍLI, (ANTIL) – Durante tinan rua governasaun Timor-Leste (TL) iha lideransa Primeiru-ministru, Rui Maria de Araújo to’o agora hetan progresu iha área saúde no edukasaun nian.

“Programa saúde iha família, to’o oras ne’e, vizita hamutuk 149.000 resin halo ona ba uma kain sira, família hamutuk 190.00 resin mak simu ona kuidadu saúde no ema hamutuk 902.000 resin mak hetan ona asesu,” refere komunikadu imprensa husi sestu governu konstitusionál ne’ebé ANTIL asesu, foin lalais ne’e.

Bazea ba dadus ne’e, iha komunikadu ne’e realsa katak governu halo ona análize ida ne’ebé loloos kona-ba situasaun saúde nian iha família sira nomós identifikasaun no resposta ne’ebé efikaz ba risku sira, governu hetan dadauk progresu ne’ebé signifikativu, atu bele atinji ninia vizaun “timoroan sira saudável ba iha Timor-Leste ida saudável”.

Entre konkista oioin iha área saúde nian, tinan rua ikus governasaun nian ne’e marka ona ho melloria iha servisu médiku ospitalár emerjénsia nian iha ospitál Baucau, Maliana, Suai, Díli, Maubise no Oe-cusse  nian liuhusi konstrusaun postu saúde nian hamutuk 57, reabilitasaun ba sentru saúde hamtuk 22 no inagurasaun ne’ebé halo foin dadauk ne’e ba ospitál rejionál Eduardo Ximenes iha Baucau no aprovasaun ba rejime kontrolu tábaku nian ne’ebé importante, ne’ebé mak sei iha impaktu boot iha saúde jerasaun dadaun ne’e no jerasaun sira aban-bainrua nian.

Iha área edukasaun nian, harii ona eskola f foun 15 no reabilita ona eskola 518 ensinu báziku nian no eskola 30 ensinu sekundáriu nian. Kadeira no meza hamutuk 98.000 resin mak fahe ona ba nasaun laran tomak no livru testu nian nomós materiál hanorin nian sira seluk besik milaun ida mak sosa no imprime ona, atu servi nível ensinu oioin.

Introdusaun kuríkulu foun ida iha siklu daruak iha ona faze ikus. Merenda escolar distribui ona iha eskola 1.505 no fó benefísiu ba estudante hamutuk 300.000 resin.

Xefe governu sestu governu konstitusionál hetan tomada de posse husi prezidente repúblika, Taur Matan Ruak iha 16 Fevereiru 2015 hodi troka primeiru-Ministru anterior, Kay Rala Xanana Gusmão.

Informasaun kona-ba tomada de posse ne’e bele mós asesu iha link ne’e: https://www.mof.gov.tl/the-swearing-in-of-the-new-national-unity-government/?lang=tl (Jornalista:Rafy Belo/Editor: Alberto Alves)

Foto: Primeiru-Ministru, Rui Maria de Araújo durante sorumutuk ida ho jornalista sira husi media imprensa no elektrónika hodi informa kona-ba rezultadu serbisu durante dékada rua iha sestu governu konstitusionál. Foto: GPM

CARTA ABERTA AO EMBAIXADOR DA UNIÃO EUROPEIA EM TIMOR-LESTE – por M. Azancot de Menezes

(O Povo timorense não precisa de conselhos paternalistas da União Europeia para decidir o seu voto!)

Exmo. Embaixador da União Europeia em Timor-Leste, Senhor Alexandre Leitão

Tomo a liberdade de dirigir-lhe esta Carta Aberta porque, após ter ouvido as suas absurdas declarações proferidas ontem, dia 17 de Fevereiro de 2017, apresentadas na Rádio e Televisão de Timor-Leste (RTTL), não podia deixar de exprimir o meu total repúdio e indignação em relação à sua postura, pública, extremamente presunçosa, desajustada e paternalista, pronunciadas na qualidade de diplomata da União Europeia, violando todos os princípios e padrões internacionais.

Efectivamente, enquanto cidadão timorense, no uso pleno dos meus direitos, não posso ficar indiferente às extravagâncias que proferiu ao imiscuir-se, note-se, em plena pré-campanha eleitoral para as eleições presidenciais (!), nas questões internas que apenas dizem respeito a Timor-Leste, um Estado soberano nos termos da sua Constituição.

Presidenciais. Tribunal de Recurso de Díli viola o princípio constitucional da igualdade

O processo eleitoral em Timor-Leste para as eleições presidenciais previstas para 20 de Março de 2017, ainda agora teve início, e já estará a pautar-se por situações que ferem os princípios constitucionais e universais da legalidade e da igualdade

O candidato presidencial independente apoiado pelo Partido Socialista de Timor (PST), António Maher Lopes / Fatuk Mutin, interpôs um recurso com efeito suspensivo junto do Tribunal de Recurso, no dia 15 (5ª Feira), para solicitar a admissão do código (Fatuk Mutin), como era conhecido durante a luta de libertação de Timor-Leste, inscrito logo a seguir ao nome referido no cartão de eleitor, para que viesse a constar em todos os documentos oficiais e nos Boletins de Voto o nome “António Maher Lopes / Fatuk Mutin”.

O Tribunal de Recurso, através dos Juízes Guilhermino da Silva (presidente), Maria Natércia Gusmão e Deolindo dos Santos, decidiu rejeitar o recurso interposto alegando que estava fora do prazo e por outras razões, contudo, terá aceitado que o candidato da Frente Revolucionária de Timor-Leste Independente (FRETILIN), Francisco Guterres, usasse o código “Lu´olo”, com a gravidade do código “Lu´olo” não constar nos documentos de identificação do candidato Francisco Guterres.

Universidade timorense inicia preparação de alunos para educação inclusiva

Díli, 20 fev (Lusa) - A Universidade Nacional Timor Lorosa'e (UNTL) vai incluir uma disciplina obrigatória sobre pedagogia e didática da educação inclusiva, no âmbito de um projeto mais amplo para apoiar alunos com necessidades especiais educativas.

O anúncio foi feito hoje pelo reitor da UNTL, Francisco Martins, que explicou que a formação modular vai ser integrada em todos os cursos da Faculdade de Educação, Arte e Humanidades e institucionalizar este componente na formação dos professores de jardim-de-infância.

"Estratégias para preparar os nosso estudantes e futuros educadores de Timor-Leste na área da educação inclusiva fornecendo informação e estratégias pedagógicas e de intervenção de modo a que saibam atuar adequadamente nas salas de aula caso tenham alunos com deficiência e/ou necessidades educativas especiais", referiu.

Banku Mundial: Timor-Leste tenki hametin planeamentu ba kustu sira iha saúde

Gastu sira iha área saúde nian iha Timor-Leste tenki iha planeamentu di'ak liután tanba aumentu maka'as iha tinan hirak ikus ne'e no kontinua aumenta hodi hamosu presaun sira iha orsamentu públiku, hatete hosi relatóriu ida hosi Banku Mundial.

Tanba ne'e, estudu hosi Banku Mundial konsidera katak hadi'a polítika no planeamentu sira hanesan importante ba jestaun kustu sira nian no iha tempu hanesan bele sustenta progresu nesesáriu sira ba sira ne'ebé seidauk di'ak iha sistema saúde timoroan nian.

"Orsamentu saúde Timor-Leste inan aumenta beibeik durante dékada ikus ne'e, gastu loloos ho saúde hosi Governu aumenta maka'as entre tinan 2008 no 2014", hatete hosi Bolormaa Amgaabazar, reprezentante hosi Banku Mundial ba Timor-Leste, iha komunikadu ne'ebé akompaña relatóriu ne'e.

Nasaun Timor-Leste Estado Direito Demokrátiko No Multipartidarizmu Liu Husi Povu Nia Konfiansa

(Artigo Ida Ne’e Refere Liu Ba Eleisaun Jeral Prezidensial No Parlamentar 2017)

Husi: Moisés Vicente*

Nasaun ne’e hanesan komunidade polítika ida ne’ebé atu hanoin. Nasaun fatin ida atu halo transaksaun elite birokrasia ho kapitalis no sivil. Nasaun fatin polítika ida ne’ebé iha rede korupsaun. Mochtar Lubis ninia hanoin ida katak ideia korupsaun iha nasaun ida ne’e hanesan atu uza poder no atu hetan benefisiu nia an ne’ebé lapara rai. Nasaun mos instrumentu hanesan paradoks. Iha sorin seluk, nasaun hanesan instrumento atu fó diak ba ninia povu rasik. Maibe iha parte seluk mos, nasaun hanesan instrumento legimitasi klasse elite atu halo rai buat ruma no atu halo liu ba ninia an rasik.

Nasaun mos fatin hahalok korupsaun, ida ne’ebé kaer nasaun iha poder husi rezim otoriter no instituisaun-instituisaun kontrola iha nasaun hanesan mídia sira (Jornalista sira) sei la funsiona ona ho diak.  Tamba ida ne’e mak, nasaun tenke fó espaço polítika no espaço publiku ida ne’ebé atu kontrola poder na’in sira ne’ebé hakarak korupsaun. Sa tan, (além disso) carácter nasaun baze central ba poder na’in sira ne’ebé hakarak liu halo korupsaun tamba ida ne’e importante liu kontrola husi mídia sira. Iha pais Timor-Leste mídia sira halo (malvado) at husi ema ne’ebé oho ema ou ema kriminozu sira. Ita hare’e kazu mídia hanesan Jornalista Timor-Post ho Atual Primeiro Ministru Seisto (VI) Governu Konstitusional laiha processo legal ou lei (proses hukum), so iha deit mak processo hodi poder mak hanehan deit.