Observador sira UE rekomenda aumenta kontrolu ba finansiamentu ba partidu timoroan sira

Misaun Observasaun nian hosi Uniaun Europeia ba eleisaun timoroan sira nian rekomenda aumenta kontrolu ba finansiamentu partidu sira nian, fó fali kompeténsia sira ba Komisaun Nasional Eleisaun nian no hametin lejislasaun eleitoral, haktuir hosi relatóriu ne'ebé divulga iha loron-sesta ne'e.

Ne'e hanesan rekomendasaun balun hosi rekomendasaun 22 hosi relatóriu, ne'ebé iha loron-sesta ne'e fó sai ba imprensa hosi eurodeputadac baska Izaskun Bilbao Barandica, xefe hosi misaun observador europeu sira nian ne'ebé marka prezensa iha Timor-Leste fulan lima ba votu prezidensial ho lejislativu.

"Eleisaun sira, prezidensial no mós lejislativu, organiza ona ho di'ak, transparente, inkluzivu ho iha dame", nia hatete iha loron-sesta ne'e iha enkontru ida ho jornalista sira iha Díli.

"Iha relatóriu ikus ami inklui rekomendasaun hamutuk 22. Koresponde ba instituisaun kompetente sira hodi desidi atu implementa ka la'e, tanba embaixada Uniaun Europeia (UE) prezente no hakarak kolabora hodi ajuda iha nia implementasaun", nia hatutan.

Timor Oan Hotu Presiza Respeita Lider TL

DILI - Komite 12 de Novembru hamrik hodi sai nafatin hanesan postura imparsial no indepedenti hodi servi nafatin ba interese nasional. Tanba nee husu ba Timor Oan hotu atu respeita nafatin lideransa nasional TL.

Lia fuan hirak nee hatoo husi Prezidente Komite 12 de Novembru Grigorio Saldanha ba jornalista sira liu husi konfrensia inprensa neebe halao iha Eis-Komarka Balide Dili Sesta, (24/11/2017). Nia dehan tan katak hafoin atravesa liu tiha kongresu no komemorasaun masakre Santa Crus 12 de Novembru foin lais.

"Ami komite 12 de novembru apela ba Timor oan hotu liliu membru mate restu sira hotu atu hakiak nafatin domin, dame no moris hakmatek iha ita nia rai,”nia realsa.

Nunee moos sira fo parabens ba Sefe Estadu F-FDTL Maior Jeneral Lere Anan Timor no Komisariu PNTL Julio da Costa Ornai neebe prontu nafatin atu halao knar hodi hametin seguransa. Nunee moos sei fo garante ba estabilidade povu Timor Leste tomak.

Komite 12 de Novembru moos kontinua fiar nafatin ba Prezidente Republika Francisco Guterres Lu-Olo hodi kontinua konvoka dialogu entre lider politik. No foti dejisaun ikus tuir konstituisaun hodi rejolve situasaun rai laran. Husu moos ba inan aman sira atu labele husik livre oan sira atu involve an iha organijasaun ritual sira. 

Justinho Manuel | Suara Timor Lorosae