Submisaun sobre OGE 2019 - La'o Hamutuk

Submisaun ba Komisaun C, Parlamentu Nasionál RDTL

hosi La’o Hamutuk

Proposta Orsamentu Jerál Estadu 2019

29 Novembru 2018

Konteúdu

- Presiza Tau Osan ba Setór Sira Ne’ebé Governu Dehan Mak Prioridade.

- Governu Bele Investe iha Kapitál Umanu Liu husi Despeza iha Servisu Báziku sira.

- Agrikultura mak Meius Importante ba Diversifikasaun Ekonomia.

- Livru Orsamentu tenke Inklui Projesaun Loos kona-ba Despeza Rekorente iha Futuru.

- La’o Hamutuk Enkoraja atu Hapara Gasta Povu nia Osan ba Projetu Tasi Mane.

- Orsamentu 2019 Ameasa Sustentabilidade Fundu Petrolíferu.

Introdusaun

La’o Hamutuk apresia oportunidade ida ne’e, hodi hato’o ami nia idea sira kona-ba proposta Orsamentu Jerál Estadu 2019. Ami espera katak informasaun iha submisaun ida ne’e, sei ajuda Ita- Boot sira hodi bele halo desizaun kona-ba oinsá hadi’ak proposta orsamentu atu haforsa ita nia ekonomia no servisu sosiál nian sai di’ak liu, hodi servi nesesidade povu Timor-Leste nian.

Submisaun La’o Hamutuk ba Parlamentu kona-ba proposta Orsamentu Jerál Estadu 2019 29 Novembru 2018

Proposta Orsamentu Jerál Estadu 2019 ho montante biliaun $1.827, boot liu iha istória Timor- Leste. To’o agora, másimu ezekusaun OJE iha tinan 2016, biliaun $1.631 de’it. Maske tempu no informasaun limitadu atu analiza no deside kona-ba aprovasaun Lei Orsamentu ida ne’e, ami fó korajen no parabéns katak Ita-Boot sira bele tetu di’ak no halo alterasaun ho matenek.

Agora daudaun, Estadu Timor-Leste iha kruzamentu ida; Parlamentu Nasionál V no Governu Konstitusionál VIII tenke deside dalan saida atu tuir. Ita-Boot sira bele hili dalan ida atu haforsa ekidade, diversifikasaun no sustentabilidade – ka bele deside atu halai lahó kuidadu atu tuir mehi ne’ebé iha posibilidade atu kria rikeza boot, ka atu halo nasaun osan-tahan (bankrut) no aumentu povu nia kiak no mukit. Ita hotu hakarak futuru di’ak ba povu hotu iha rai doben ida ne’e, maibé dalaruma ita seidauk hetan konkordánsia kona-ba dalan atu tuir.

Hanesan bain-bain, La’o Hamutuk koko lori evidénsia no faktu balu ba Distintu Deputada/u sira, atu ajuda Ita-Boot sira atu halo desizaun di’ak hodi asegura futuru Timor-Leste nian. Maske ami seidauk hatene buat hotu, no laiha informasaun kompletu, ami halo pedidu ba Ita-Boot sira atu buka evidénsia, analiza ho maneira independente, no labele fiar ka depende ba fonte ka opiniaun ida de’it atu informa Ita-Boot nia desizaun sira. Karik Ita-Boot sira hakarak esplikasaun kle’an liu, ka informasaun adisionál, ami sempre prontu atu koko fornese.

Presiza Tau Osan ba Setór sira ne’ebé Governu Dehan mak Prioridade

Iha livru OJE 1, Governu deskreve sira nia prioridade sira prinsipál neen ba tinan 2019:

1. Hasa’e produtividade iha setór agrikultura hodi hametin seguransa ai han no redús

insidénsia malnutrisaun. 

2. Hadi’a kualidade edukasaun (inkluzivu, tuir padraun no orientadu ba merkadu). 

3. Hadi’a no hametin asesu ba servisu saúde, kontinua ho programa “saúde na família”. 

4. Infrastrutura bázika ba bee mós no saneamentu no estrada sira, inklui estrada rurál sira. 

5. Hametin setór turizmu, foka liu ba dezenvolvimentu turizmu komunitáriu. 

6. Kontinua implementasaun programa desentralizasun administrativa.

Governu sempre hatete katak sira nia prioridade mak agrikultura, edukasaun, saúde no infrastrutura báziku. Maibé, ami la haree prioridade sira hirak ne’e refleta iha alokasaun despeza Orsamentu Estadu 2019. Edukasaun, saúde, agrikultura no bee mós hamutuk hetan menus husi 15% husi OJE 2019. Sira proposta atu gasta osan boot husi OJE ba projetu boot sira, inklui sosa asaun Greater Sunrise, ne’ebé sei kustu dolar biliaun barak iha futuru, no mós aspetu seluk husi projetu Tasi Mane.

Relatóriu Nasionál Dezenvolvimentu Umanu UNDP nian rekomenda ba Governu atu aloka 25% ka aas liu husi OJE ba edukasaun no saúde nune’e bele atinje sira nia meta sira iha Planu Dezenvolvimentu Estratéjiku Nasionál, maibé alokasaun ba setór rua ne’e hamutuk nunka atinje meta ida ne’e. Iha tinan hirak ikus, alokasaun orsamentu ba setór sira ne’e tun tinan-tinan; tendénsia ida ne’e sei fó limitasaun ba abilidade nasaun nian hodi atinje objetivu sira ne’ebé hakerek ona iha Planu Dezenvolvimentu Estratéjiku no planu VIII Governu ba tinan lima mai.

Prioridade hirak ne’e la’ós de’it hakerek iha surat tahan mutin, maibé tenke hatudu ho asaun. Alokasaun Orsamentu Estadu tenke responde ba nesesidade báziku populasaun sira nian no hadi’ak sira nia moris liu husi investimentu iha setór báziku sira, hanesan iha ona kompromisu atu halo. Investimentu iha servisu báziku, hanesan edukasaun no saúde, iha impaktu direta ne’ebé pozitivu ba povu nia moris loron-loron, no mós fó impaktu pozitivu ba ekonomia tomak, hanesan investimentu direta atu hasa’e kapitál umanu. Ho kualidade edukasaun no saúde di’ak, povu hotu sei moris produtivu liu, no bele kontribui signifikante ba ekonomia iha setór privadu no setór públiku.

Governu Bele Investe iha Kapitál Umanu Liu husi Despeza iha Servisu Báziku sira

Alokasaun ba edukasaun, saúde, bee moos no agrikultura nafatin parte ki’ik husi OJE 2019 mezmu Governu sempre hatete katak sira ne’e hotu hanesan prioridade prinsipál. Alokasaun ba setór hirak ne’e aumenta husi tinan kotuk, maibé labele halo komparasaun ho OJE 2018 tanba sistema duo- decimal limita despeza Estadu durante fulan sia ne’ebé sai iha tinan ida ne’e. Nune’e, OJE 2018 totál ki’ik liu kompara ho tinan hirak liu ba, no despeza sira la refleta planu ka prioridade Governu nian ba tinan ida ne’e. Nune’e, ami uza OJE 2016 no 2017 atu kompara ho tinan 2019.

Edukasaun

Proposta OJE 2019 aloka tokon $140 ka 7.7% husi total OJE ba setór edukasaun. Alokasaun ida ne’e tokon $11 boot liu duke alokasaun iha 2017 no kuaze hanesan ho alokasaun iha 2016. Orsamentu 2019 proposta atu gasta $270 de’it ba estudante ida-idak iha Timor-Leste

Alokasaun ida ne’e la too atu rezolve problema hirak ne’ebé setór edukasaun hasoru, inklui ekipamentu ba aprendizajen no hanorin ne’ebé nafatin lasufisiente, falta formasaun no akompañamentu hodi asegura implementasaun kurríkulu ne’ebé loloos, no infrastrutura báziku ne’ebé laadekuadu. Investe iha rekursu umanu mak sai xave ba dezenvolvimentu Timor-Leste no instrumentu importante atu hasai povu husi kiak. Ita labele aumenta povu nia matenek bainhira la iha investimentu ne’ebé boot no ho kualidade aas iha edukasaun.

Investimentu iha setór edukasaun presiza aumenta materiál fízika atu fasilita prosesu aprendizajen no iha tempu hanesan hadi’ak kualidade edukasaun. Ami apresia Parlamentu nia desizaun atu rejeita mudansa sira ne’ebé proposta kona-ba Kurríkulu Pre-Eskolár no Ensinu Báziku 2015. Ami espera katak agora Governu bele prioritiza imprimasaun livru sira ba mestre/a no estudante sira, ho mós sistema no ekipamentu atu organiza no proteje livru sira-ne’e. Ami mós espera katak Governu sei prioritize formasaun ba mestre/a sira nudár meiu importante atu hadi’a kualidade edukasaun iha Timor-Leste liuhosi aumenta mestre/a sira nia kapasidade atu hanorin tuir kurríkulu ne’ebé hatudu metodolojia ne’ebé di’ak no efetivu.

Ami konkorda ho Governu katak ita presiza edukasaun ne’ebé inkluzivu ba ema hotu. Edukasaun inkluzivu, husi ninia definisaun, signifika katak tenke sura mós Timoroan ne’ebé vulneravel liu, inklui sira ho defisiénsia, sira hotu iha area rurál, ema mukit, inan isin-rua sira, no seluk-seluk. Agora sei kontinua iha dezafiu boot sira ne’ebé prevene ema vulneravel atu asesu ba iha kualidade edukasaun, entaun ami espera katak Governu bele tuir sira nia kompromisu atu asegura katak edukasaun mak inkluzivu duni. Governu sei presiza halo avaliasaun kona-ba realidade ba populasaun sira ne’ebé vulneravel liu no mós projetu edukasaun sira hodi bele hasoru dezafiu sira liuhusi programa klaru, ekitavel, efetivu no bazeia ba evidénsia.

Saúde

Alokasaun ba setór saúde hamutuk tokon $71 iha proposta OJE 2019, reprezenta de’it 3.9% husi orsamentu totál. Laiha mudansa boot ba alokasaun iha tinan kotuk ba setór saúde, hanesan bele haree iha leten. OJE 2019 proposta atu gasta $56 ba Timoroan ida-idak nia saúde durante tinan tomak. Importante atu hasa’e alokasaun orsamentu ba iha setór saúde; nune’e jerasaun tuir mai bele sai produtivu no saudavel.

Taxa malnutrisaun - liu-liu ba labarik ne’ebé iha tinan lima mai kraik - sai ameasa ba Timor-Leste nia futuru. 46% husi labarik tinan lima mai kraik mak stunted (isin-ki’ik) no 24% mak wasted  (isin-krekas), ne’ebé sukat aas no todan atu identifika malnutrisaun. Realidade katak labarik barak tebes iha malnutrisaun  hatudu katak Timor-Leste presiza halo investimentu ne’ebé boot no efetivu hodi kombate malnutrisaun. Labarik sira mak sai rekursu ne’ebé ho valór boot liu ba Timor-Leste; investimentu iha sira nia saúde mak sai investimentu direta ba ita hotu nia futuru.

Sistema saúde públika sei menus ho ekipamentu, infrastrutura, no funsionáriu profisionál kuidadu saúde sira ne’ebé la natoon. Maske iha polítika nasionál ne’ebé di’ak kona-ba planeamentu familiar, ne’e seidauk implementa ho di’ak no presiza formasaun ba funsionáriu sentru saúde sira hodi sira bele fornese informasaun kompletu ba ema hotu ne’ebé hakarak lahó diskriminasaun tanba status sivíl, jéneru ka idade. Problema hirak ne’e maka’as liu iha area rurál no komunidade rurál barak sei hasoru dezafiu boot atu asesu ba saúde. Governu tenke halo investimentu ne’ebé boot iha setór saúde atu realiza meta iha Planu Estratéjiku Setór Saúde nian 2011-2030, ne’ebé sei inklui aumenta asesu ba no kualidade sistema saúde públiku ba povu Timor-Leste tomak. Ne’e importante katak investimentu iha setór ne’e hadi’ak kualidade servisu saúde liu husi treinamentu ba professional kuidadu saúde sira, investimentu iha ekipamentu no infrastrutura, kampaña informasaun loloos, no mós treinamentu ba profisionál sira atu hanorin oinsá atu uza ekipamentu sira hotu.

Bee Moos no Saneamentu

Proposta alokasaun ba bee moos no saneamentu iha 2019 mak tokon $17, ka menus 1% husi Orsamentu Estadu totál. Setór ida ne’e kontinua atu hetan alokasaun ki’ik maske asesu ba bee moos no saneamentu ne’ebé adekuadu mak dezafiu boot ba ema barak, liu-liu iha area rurál ne’ebé 70% populasaun hela ba. Bazeia ba Peskiza Demográfiku no Saúde (DHS) 2016, 58% husi uma-kain iha area rurál hetan asesu ba bee moos iha sira nia uma ka besik sira nia hela fatin. Sira seluk presiza la'o atu asesu ba bee moos, responsabilidade ne’ebé dala barak feto ho labarik sira hasoru.

Bazeia ba DHS 2016, 50% de’it husi umakain iha Timor-Leste iha asesu ba fasilidade saneamentu ne’ebé di’ak, signifika katak sira uza sentina ho tanke séptiku (pit latrine). No mós, iha area rurál 35% husi umakain la hetan asesu ba fasilidade sira ne’e hotu, no sira soe fo’er iha li’ur, la uza sentina ida.

Timor-Leste ratifika ona Konvensaun Internasionál kona-ba Direitu Ekonómiku, Sosiál no Kultura, no artigu 11 husi Konvensaun ne’e hatete katak ema hotu-hotu iha direitu ba bee. La’o Hamutuk hanoin katak privatizasaun ba setór bee ka implementasaun Parseria Públiku Privada (PPP), hanesan sira rekomenda iha Planu Setór Investimentu 2018-2030 ba Bee ADB nian, mak perigu no bele viola direitu umanu. Maioria povu Timor-Leste hela iha area rurál ho iha asesu ba bee no saneamentu ne’ebé limitadu, entaun ami la konkorda ho ADB nia planu ne’ebé fó prioridade ba Dili boot liu duké area rurál. Ami espera katak Governu bele halo investimentu boot liu iha futuru iha setór bee no saneamentu, liu-liu iha area rural.

Investimentu iha bee no saneamentu mak sai hanesan investimentu direta ba kapitál umanu, tanba bee ne’ebé kontaminadu no saneamentu la adekuadu kauza problema saúde barak, inklui diarreia (tee-been). Diarreia bele kauza malnutrisaun liu-liu iha labarik. Diarreia króniku no malnutrisaun fó impaktu permanente ba ema nia abilidade atu aprende no mós redús produtividade laborál bainhira adultu. Saneamentu ne’ebé la seguru no la ijienénikue fó sai impaktu negativu ba saúde, no bele ne’ebé iha mós sai obstákulu ba labarik sira – liuliu feto sira - impaktu tan atu atende eskola no abilidade atuka halo servisu.

Governu iha responsabilidade atu asegura asesu ba bee mós no saneamentu adekuadu ba Timoroan tomak. Ita labele depende ba doadór husi li’ur atu investe iha setór ida ne’e. Doadór mai ba tempu badak atu implementa projetu ne’ebé espesífiku maibé ne’e la’ós dalan sustentável ka longu prazu atu jere setór bee no saneamentu. Governu presiza halo planu investimentu ne’ebé longu prazu no inklui kustu manutensaun ba futuru.

Agrikultura mak Meius Importante ba Diversifikasaun Ekonomia

Atu aumenta nivel reseita doméstika no diversifika Timor-Leste nia ekonomia husi mina, Governu presiza prioritiza investimentu iha agrikultura, indústria ki’ik no eko-turízmu ne’ebé bele fó benefísiu ba komunidade sira iha baze. 70% husi populasaun depende ba agrikultura ba sira nia moris, maibé orsamentu 2019 aloka 1.3% de’it ba setór ida ne’e.

Tendénsia orsamentu ba agrikultura sempre ki’ik no tun dezde 2015. Tendénsia ida ne’e hatudu katak Governu la tau prioridade ba setór produtivu sira hanesan agrikultura, maske sira sempre ko’alia importánsia husi setór sira ne’e iha sira nia diskursu no planu. Alokasaun ne’ebé agrikultura hetan to’o agora la sufisiente atu hadi’ak produtividade ne’ebé ita presiza atu diversifika ekonomia no hasai ema husi kiak.

Governu presiza halo investimentu espesífiku atu aumenta produtividade iha agrikultura no iha tempu hanesan promove diversifikasaun iha ai-han ne’ebé ema kuda no promove métodu agrikultura sira ne’ebé orgániku no saudavel ba tempu naruk. Intervensaun hanesan treinamentu no edukasaun ba to’os na’in efetivu liu duke fó kapitál menór - hanesan fó tratór - dala ida ne’ebé la’ós investimentu ne’ebé sustentável ba tempu naruk. Governu bele mós investe iha promove indústria ki’ik sira ne’ebé aumenta produtu agrikultura nia valór liuhosi prosesamentu ruma; nune’e bele kria empregu, redús ita nia dependénsia ba importasaun, no hasai to’os na’in barak husi kiak.

Livru Orsamentu tenke Inklui Projesaun Loloos kona-ba Despeza Rekorente iha Futuru

Iha Proposta 2019 ba Orsamentu Jerál Estadu, Livru 1 no 4 tinan-tinan Governu halo projesaun ne’ebé la bazeia ba kalkulasaun no investigasaun. Projesaun 4% aumentu tinan ida ba tinan seluk ne’e viola Lei Jestaun Finanseiru. Sumáriu no totál orsamentu iha livru 1 bazeia ba detallu sira iha livru 4a no 4b.

Lei Orsamentu no Jestaun Finanseiru 13/2009 artigu 3.3 no artigu 22.3(a) dehan katak OJE tenke inklui “As receitas totais previstas pelo Governo, assim como as despesas e os saldos resultantes e para os dois anos seguintes.”

Tabela iha pájina 7 husi livru 1 la kumpre tuir Lei Orsamentu no Jestaun Finanseiru. Kalkulasaun ba aumentu 4% ne’e simples liu, no la esplika klaru razaun husi aumentu 4% kada tinan.

Parlamentu Nasionál iha mandatu boot atu tau matan no análiza kalkulasaun ba projesaun hirak ne’ebé Ministériu Finansas halo. No Parlamentu Nasionál iha responsabilidade boot atu análiza kle’an orsamentu no nia implikasaun ba futuru. La’o Hamutuk husu Parlamentu Nasionál atu ezije Ministériu Finansas atu halo projesaun loos no la kontinua viola lei Orsamentu no Jestaun Finanseiru.

Violasaun lei ida ne’e ita bele haree bazeia ba projesaun kona-ba empréstimu no transferénsia públiku.  Governu aloka tokon $350 iha Orsamentu iha 2019 ba sosa partisipasaun iha Projetu Greater Sunrise husi ConocoPhillips. Projesaun ne’e ita bele haree mosu iha 2020 no tinan tuir mai aumenta 4%, sera ke ita sei selu tan partisipasaun ConocoPhillips?

Bainhira ita laiha projesaun ne’ebé loos, ita labele hatene sustentabilidade finansas estadu iha futuru. Ezemplu ida tan mak projesaun selu fali deve iha livru orsamentu 4a no 1. Livru 1 kalkula osan hira Timor-Leste presiza selu fali kada tinan, maibé iha livru 4 Governu la uza projesaun ne’e; sira uza de’it aumenta 4% tinan-tinan.

Projesaun deve

Proposta OJE 2019 autoriza atu gasta tokon $87 tuir projesaun iha OJE 2018, osan ne’ebé empresta hodi konstrui estrada sira. Governu iha planu atu empresta tan tokon $60 iha 2019 hodi implementa projetu estrada Aituto-Letefoho-Gleno, maibé kontratu seidauk asina.

Proposta ba osan empréstimu ba OJE 2019 hanesan projesaun husi OJE 2018, maske diferente ho projesaun OJE 2017 nian.

La’o Hamutuk apresia Governu nia kometimentu hodi minimiza empréstimu, tanba laiha projesaun ba deve foun iha futuru. Maibé ami preokupa katak dezenvolve Tasi Mane sei presiza tan biliaun barak hodi implementa no loke dalan ba deve foun iha futuru ne’ebé sai ameasa boot ba sustentabilidade ekonomia rai laran.

La’o Hamutuk Enkoraja atu Hapara Gasta Povu nia Osan ba Projetu Tasi Mane

Ami rekomenda hodi hapara projetu Tasi Mane no mobiliza rekursu finanseiru no rekursu umanu ne’ebé iha atu dezenvolve setór produtivu sira seluk ne’ebé bele hadi’ak povu nia moris. Nune’e bele suporta sustentabilidade fiskal no evita hamosu deve foun iha futuru ne’ebé fó todan ba jerasaun aban bain-rua nian.

Governu Timor-Leste gasta ona liu tokon $400 ba komponente balu iha projetu Tasi Mane. Orsamentu Jerál 2019 ba projetu Tasi Mane hamutuk tokon $435, boot liu husi alokasaun mak ba sosa partisipasaun ConocoPhillips nian no ba faze primeiru auto estrada husi Suai ba Fatukai. Previzaun alokasaun iha 2020 no 2023 hamutuk tokon $690, La’o Hamutuk estimatiza investimentu kapitál ba projetu tomak Tasi Mane no Greater Sunrise bele liu biliaun $16. Timor-Leste la bele kontinua atu gasta osan ba projetu ida ne’e; ita gasta ona tokon $400 maibé ne’e 2.5% husi osan ita presiza gasta tan atu realiza projetu tomak. Ita seidauk tarde atu salva povu nia osan ne’ebé limitadu.

Husi estimatizasaun iha leten, Timor-Leste bele uza tomak nia Fundu Petrolíferu ba projetu Tasi Mane no Greater Sunrise. Karik Governu sei buka empréstimu atu selu ba komponente balun husi projetu, maibé forma ida ne’e mós nudár tusan ne’ebé ita tenke selu fali osan inan ho nia funan sira. TL deside ona atu sosa partisipasaun ConocoPhillips no Shell nia hamutuk tokon $650, hafoin TL selu tiha ba partisipasaun rua ne’ebé ConocoPhillips no Shell fa’an, TL sei kontrola maioria konsorsiu ida ne’e.

Ho 57% husi konsorsiu Timor-Leste iha obrigasaun atu selu 57% ba kustu kapitál upstream. Atu dezenvolve pipeline no planta LNG presiza selu biliaun barak tan, maibé ita seidauk hatene se Timor-Leste presiza selu mesak ka hetan parseiru seluk.

Tinan barak ona La’o Hamutuk preokupa katak projetu petrolíferu sira sei la fó empregu barak hanesan TimorGAP no lider balu promete, sei fornese servisu temporáriu de’it ba ema balu. Planta LNG bele kria empregu permanente ba ema na’in-300 ka 400, maibé Timor-Leste nia forsa laborál rihun atus balu.

Parlamentu Nasionál tenke hetan kustu no benefísiu realístiku no kredivel ba projetu Tasi Mane no Greater Sunrise. Presiza konsidera projetu ida ne’e nia aspeitu  asuntu komersiál, ambientál, no sosiál. Labele aseita de’it saida mak Governu no TimorGap fó sai maibé presiza verifika dadus sira ho peritu sira independente ho koñesimentu kle’an kona-ba indústria petrolíferu.

Realidade hatudu momoos ona katak komunidade lokál ne’ebé afetadu husi projetu ne’e, sira agora daudaun hakarak uza fali sira nia rai ba servisu agrikultura, signifika katak kompensasaun sira ne’ebé Governu oferese nudár sosa ba rai laiha valór atu asegura komunidade lokál nia moris seguru. Presiza investe iha setór produtivu seluk, labele gasta povu nia osan tomak ba mehi la realístiku.

Orsamentu 2019 Ameasa Sustentabilidade Fundu Petrolíferu

Objetivu husi estabelese Fundu Petrolíferu atu fó benefísiu ba jerasaun agora no tempu naruk iha futuru. Dezde 2008 husi istória Fundu Petrolíferu nian, Governu Timor-Leste sempre levanta liu Rendimentu Sustentável Estimadu, aléinde foti de’it osan funan husi investimentu maibé levanta mós osan inan ne’ebé ita konverte husi mina no gas.

Saldu Fundu Petrolíferu depende ba reseita husi mina no gas, merkadu finanseiru, no levantamentu husi Fundu. Folin mina sempre tun sai, no agora tun 32% iha semana neen liu ba. No mós folin ekidade (asoens) tun maka’as iha fulan Outubru, entaun Fundu Petrolíferu tun tokon $680 durante fulan ida de’it, lakon boot liu iha istória Fundu Petrolíferu. Akontesimentu ne’e hatudu katak ita labele espeta katak saldu Fundu Petrolíferu sempre sa’e.

Agora Timor-Leste iha sistema di’ak tebes atu jere ita nia osan husi mina no gas, ho akontabilidade no transparénsia, no baze ba sustentabilidade iha futuru. Ami preokupa katak Governu karik sei husu atu altera Lei Fundu Petrolíferu hodi loke dalan ba uza Fundu Petrolíferu la tuir prosesu orsamentál. Ami husu Parlamentu atu uza Ita-Boot sira nia kompeténsia atu defende no proteje finansas Estadu.

La’o Hamutuk espera katak ami nia rekomendasaun sira ne’e sei ajuda Distintu Deputadu/a sira atu bele sukat no halo revizaun ba proposta orsamentu no halo planu di’ak ba povu ne’ebé Ita-Boot reprezenta. Ami prontu atu fahe informasaun tan ka halo audiénsia ho Ita-Boot sira karik presiza, no hein atu kontinua hodi partisipa iha prosesu importante ida ne’e.

Obrigado barak ba Ita-Boot sira nia atensaun.

Ami be saran lia,

Peskizadór La’o Hamutuk

Berta Antoineta; Eliziaria Gomes; Charles Scheiner; Adilson da Costa Junior; Marta da Silva; Celestino Gusmão; Carly Munnelly; Mariano Ferreira; Pamela Sexton 

Kulaburasaun especial iha TA: Celestino Gusmão

Peskiza UN Woman: Asédiu Seksuál Akontese Barak Liu Iha Fatin Públiku

DILI, (TATOLI) – Diretora Organizasaun Naun Governamentál (ONG) Ba Futuru, Juliana Marçal, relata peskiza ne’ebé halo husi UN Woman katak asédiu seksuál akontese barak liu iha fatin públiku no maioria la’ós akontese iha kalan, maibé loron.

“Tuir peskiza UN Woman nian ne’ebé sira halo, sira seidauk halo peskiza ida ho data kuantitativu, maibé halo liuhusi focus group discussion (grupu diskusaun) iha Dili. Fatin ne’ebé sira identifika iha peskiza ne’ebé maka sai hanesan perigu ba asédiu seksuál mak otél sira, fatin hein mikrolete no jardin sira”, reprezenta sosiedade sivíl ne’e informa hafoin partisipa iha marka kampaña internasionál loron 16 ativizmu kontra violénsia bazea ba jéneru hahú husi 25 novembru to’o 10 dezembru ne’ebé organiza husi Care InternationalTimor-Leste liuhusi semináriu hodi hasa’e konsiénsia joven sira kona-ba asédiu seksuál.

Hatutan kauza ba asédiu seksuál ne’e tanba ema seidauk hatene oinsá bele respeita ema seluk nia direitu, nune’e iha impaktu ida ne’ebé negativu tebes.

“Iha peskiza mós hatudu katak sira sei konsidera hanesan buat normál, ema barak maka la bá keixa ba hahalok ida ne’e, maibé hahalok ida ne’e la’ós normál. Asédiu seksuál sai hanesan pontu ida ne’ebé krítiku liu foin daudaun iha 2013 bainhira sosiedade sivíl hamutuk ho ajénsia internasionál haree katak hahalok ne’e kontra ema nia direitu, entaun ita hakarak ko’alia barak elimina hahalok ida ne’e”.

Xefe Departamentu Peskiza no Monitorizasaun Sekretária Estadu Iguladade no Inkluzaun (SEII), João Lino Guterres, hatete polítika atu kombate asédiu seksuál iha país ne’e agora daudaun SEII serbisu hamutuk ho Komisaun Funsaun Públika ne’ebé maka iha tinan kotuk lansa ona matadalan ba asédiu seksuál ne’ebé nia implementasaun agora halo hela sosializasaun ba liña ministeriál sira, funsionáriu no komunidade en jerál atu hatene ida ne’e hahalok ladi’ak no hamoe ema.

“Matadalan ida ne’e liuliu atu regula hahalok funsionáriu públiku sira ne’ebé halo asédiu seksuál iha serbisu fatin no fatin públiku. Ba komunidade en jerál matadalan ida ne’e seidauk regula sira, maibé ita regula ho lei violénsia doméstika ne’ebé hetan ona aprovasaun iha 2010 liubá no nia implementasaun ita hamosu tan planu asaun nasionál violénsia bazea ba jéneru ne’ebé implementasaun durante tinan tolu (2012-2014) depois estende to’o 2015 no ita hamosu fali planu asaun nasionál foun ne’ebé nia implementasaun ba tinan lima (2017-2021)”.

Ba polítika sira ne’e liña ministeriál hotu implementa no koopera mós ho sosiedade sivíl sira ne’ebé serbisu ba violénsia bazea ba jéneru, nune’e bele kombate ka hapara asédiu seksuál iha nasaun ne’e.

Hatutan durante ne’e asédiu seksuál akontese hela, maibé ema lasente tanba ne’e maka iha Funsaun Públika hamosu matadalan ba ida ne’e no ba públiku sira sei regula ho lei violénsia doméstika.

Jornalista: Maria Auxiliadora | Editora: Rita Almeida

Foto ilustrasaun sobre asédiu seksuál. Foto/Google.

Remíxio no Lequidoe Seidauk Asesu Informasaun

AILEU, (TATOLI) – Administradór Munisípiu Aileu, João Tilman do Rego, preokupa ho prezensa mídia públiku hanesan Rádiu no Televizaun Timor-Leste (RTTL-EP) tanba menus halo kobertura iha munisípiu ne’e, inklui preokupa Postu Administrativu Remixio no Lequidoe seidauk asesu informasaun husi Rádiu Komunidade Rai-Husar, Aileu (FM 97,1 Mhz) tanba kestaun tékniku nomós subsídiu ba jornalista rádiu komunidade.

Preokupasaun ne’e hato’o bainhira iha biban hasoru malu ho Sekretáriu Estadu Komunikasaun Sosiál (SEKOMS), Merício Juvinal dos Reis “Akara”, iha edifísiu Administrasaun Munisípiu Aileu, kinta (29/11).

Hatan ba preokupasaun ne’e, governante ne’e akresenta sei konsidera ideia no preokupasaun sira ne’e.

“Mai atualiza ita-boot sira-nia (jornalista rádiu komunidade-red) realidade iha ne’e, ha’u mai mós ho diretór rádiu komunidade mós ho asesór sira husi SEKOMS, mídia sira, ami sei konsidera ideia, preokupasaun balun mak iha i ami haree rasik kondisaun infrastrutura, liliu ohin informa mós kona-ba transmiter ne’ebé mak sei limitadu, tanba ne’e mak rádiu komunidade seidauk ba fatin hotu; Remíxio no Lequidoe”, hateten Merício Akara ba jornalista sira.

Sekretáriu Estadu Komunikasaun Sosiál mós haktuir iha biban hanesan, perante mídia sira katak buat pozitivu ne’ebé atualiza durante iha rádiu ho lema: Tatoli Husi Neon Ba Neon, mak rádiu ne’e mós iha relasaun di’ak ho jornalista RTTL. Ep destakadu iha munisípiu ne’e.

“Aban bainrua ita haree to’ok, jornalista Ajénsia TATOLI nian iha, se bele parte tolu ne’e kolabora malu; ida la iha, ida seluk kompleta. Orsamentu mai husi estadu, entaun parte tolu ne’e, se bele aban bainrua kontinua”, dehan sekretáriu estadu iha okaziaun vizita estúdiu Rádiu Komunidade Rai-Husar Aileu, FM 97,1 Mhz.

Enkuantu kona-ba apoiu insentiva ne’ebé mak SEKOMS fó durante ne’e, sei mantein no kontinua apoia.

“Iha difikuldade balun ita sei hadi’a. Ha’u ko’alia tiha ona ho diretór (Luís Evaristo dos Santos Soares-red) para tinan oin ne’e, fallansu ruma ka difikuldade ruma mak iha, ne’e tenke jere para hadi’a di’ak liután”.

Entretantu antes ne’e, SEKOMS mós hala’o ona vizita ba Rádiu Komunidade iha Munisípiu Ermera, Manatutu no depois Rádiu Komunidade Mauloko Maubise (FM 89,7 Mhz) hodi rona preokupasaun, observa kondisaun infrastrutura, téknika nomós seluk tan no sei kontinua ho rádiu seluk hodi bele tau mós konsiderasaun.

Konsiderasaun sira ne’e iha tanba governu da-ualu konstitusionál, lidera husi Primeiru-ministru, Taur Matan Ruak, mós deskreve iha nia planu eh programa sira, durante mandatu. Katak apoia no reforsa Ajénsia Notísia Timor-Leste nian, TATOLI. Apoiu no reforsa Konsellu Imprensa, nu’udar orgaun independente reguladór ba setór komunikasaun sosiál.

Kontinua apoiu programa diseminasaun kona-ba asaun governativa, hodi promove koñesimentu públiku nian ba asaun governativa ho transparénsia ne’ebé boot liu kona-ba governasaun.

Kontinua apoiu RTTL, E.P, inklui hadi’a infrastrutura fízika ho atualizasaun ekipamentu tékniku nomós iha implementasaun planu estratéjiku ida ba imprensa, atu nune’e bele hadi’a kualidade ho kuantidade informasaun ne’ebé divulga.

Propoin ba Parlamentu Nasionál atu aprova lejislasaun hodi regula setór komunikasaun audiovizuál (rádiudifuzaun/lei) iha Timor-Leste.

Estabelese institutu ba formasaun jornalista no kontinua aposta iha formasaun jornalista ba dezenvolvimentu no diversifikasaun setór ida ne’e.

Dezenvolve mekanizmu kooperasaun intersetoriál ne’ebé bele poténsia (ka optimiza) uzu língua ofisiál koretu husi jornalista sira.

Dezenvolve mekanizmu ba kooperasaun intersetoriál hodi fomenta no divulga lian ofisiál ba populasaun tomak.

Apoiu Konsellu Rádiu Komunitáriu no estabelesimentu rádiu komunitáriu foun. Apoia asosiasaun jornalista nasionál sira. Insentiva asesu no promove partisipasaun feto iha orgaun komunikasaun sosiál.

Inkrementa ka dezenvolve perspetiva kona-ba jéneru iha órgaun komunikasaun sosiál no insentiva kampaña no programa ne’ebé bele promove lian ofisiál sira, identidade nasionál, edukasaun ba sidadania, kna’ar feto nian iha sosiedade no koñesimentu tékniku no sientífiku. Inklui, promove diversifikasaun órgaun komunikasaun sosiál nomós iha nível munisipál.

Jornalista: Rafy Belo | Editora: Rita Almeida

Imajen: Sekretáriu Estadu Komunikasaun Sosiál, Merício Juvinal dos Reis “Akara” entrevista ho jornalista sira. Foto TATOLI: Egas Cristovão

ONU saúda plano de ação contra doenças não-transmissíveis em Timor-Leste

Díli, 30 nov (Lusa) - Uma dirigente da ONU saudou hoje os esforços de Timor-Leste no combate ao tabagismo, defendendo mais medidas contra outros fatores de risco, que continuam a ser responsáveis pela proliferação de doenças não-transmissíveis no país.

"Temos que mudar os hábitos e envolver a comunidade. Temos também que pensar no ambiente em que as pessoas vivem. Podem ser mais ativas, comer de forma mais saudável", disse à Lusa a vice-diretora geral para Doenças Não-Transmissíveis e Saúde Mental da Organização Mundial de Saúde (OMS), Svetlana Akselrod.

Akselrod sublinhou que é essencial agir para prevenir estas doenças, combatendo especialmente os fatores de risco.

Consumo de tabaco, elevado consumo de álcool, dieta pouco saudável, pouca atividade física estão entre os principais comportamentos de risco responsáveis por algumas das principais doenças no país: problemas cardiovasculares, cancro, doenças pulmonares crónicas e diabetes.

Timor-Leste já introduziu várias medidas preventivas, especialmente no combate ao tabaco. O país tem os maiores avisos do mundo, que cobrem 92,5% dos maços de tabaco com texto e, sobretudo, imagens.

Mas pode fazer mais, defendeu Akselrod, dando como exemplo mais impostos sobre o tabaco e o álcool como estratégias para reduzir o consumo. "Os dados mais recentes mostram que investir nestas medidas é vantajoso. Investir um dólar agora poderá poupar sete em 2030", disse.

O novo plano de ação das autoridades timorenses, apresentado agora, segue-se ao que esteve em vigor nos últimos anos e que pretende combater a morbidade evitável, incapacidade e morte prematura devido a doenças não-transmissíveis (DNT).

O representante da OMS para Timor-Leste, Rajesh Pandav, explicou que o plano de ação multissetorial para a prevenção e controlo de doenças não-transmissíveis (2018-2021) é um passo importante para combater doenças não-transmissíveis, incluindo doenças cardiovasculares e doença pulmonar obstrutiva crónica, que "estão entre as dez principais causas de mortalidade" em Timor-Leste.

De acordo com dados citados no documento, as doenças não-transmissíveis são responsáveis por 44% de todas as mortes, um número que pode ser ainda maior, disse Pandav, uma vez que a falta de registos adequados dificulta a análise.

Fatores de risco, como o consumo de álcool e de tabaco, uma dieta pouco saudável e um elevado uso de sal, estão entre as principais causadas das DNT.

"Os timorenses estão entre os maiores consumidores de tabaco do mundo, com 70% dos homens e 10% das mulheres a fumar, o que os torna vulneráveis ao cancro e às doenças pulmonares", referiu.

A obesidade afeta 8% dos homens e 17% das mulheres, enquanto 39% dos adultos timorenses têm pressão arterial elevada e 21% têm níveis altos de colesterol. "A maioria dos casos de diabetes e hipertensão não é detetada e, portanto, não é tratada", disse Pandav.

O Estado timorense gasta quatro milhões de dólares (3,5 milhões de euros) por ano a enviar pacientes para o exterior.

ASP // EJ

Orçamento do Camões não diminui e poderá ir até 70 ME em 2019

Lisboa, 30 nov (Lusa) - O orçamento de 2019 do Camões não deverá baixar face a 2018, ficando entre 60 e 70 milhões de euros, e é suficiente para cumprir os objetivos da entidade, agregando orçamento de instituições europeias, disse hoje o seu presidente.

Em entrevista à Lusa, a propósito do seu primeiro mandato como presidente do Camões - Instituto da Cooperação e da Língua, Luís Faro Ramos afirmou que, no próximo ano, o Orçamento do Estado deve prever "um valor entre 60 a 70 milhões de euros", mas o responsável ressalvou que ainda se desconhecem quais serão as cativações.

No ano passado, o orçamento do Camões "foi de 60 milhões de euros, mas desse valor, 20 milhões são para pagar à rede de professores de ensino do português no estrangeiro", destaca.

O facto de não estar prevista uma diminuição do orçamento no próximo ano já é, para Faro Ramos, "muito bom".

Além disso, explica, o Camões está a tentar agregar ao orçamento financiado pelo Orçamento Geral do Estado "orçamento que vem de instituições europeias".

"Existe uma modalidade de cooperação para o desenvolvimento, que é a cooperação delegada, que o Camões, que é uma entidade certificada para executar projetos em nome da União Europeia irá aproveitar", explicou.

"Isto também nos ajuda a reforçar a área da cooperação", afirmou o diplomata.

Por isso, assegurou, "os recursos financeiros do instituto são suficientes [para dar resposta às ambições do Governo em termos de metas]", mas é necessário alocá-los "de uma maneira judiciosa às várias atividades - cooperação, cultura e língua -, e obviamente à estrutura, que tem um peso significativo no orçamento", sublinhou.

"Temos o que precisamos" e as metas coadunam-se com o orçamento, garantiu Faro Ramos.

No âmbito da cooperação delegada, estão alguns dos projetos que estão a ser pensados com Angola e que vão ser certamente executados nos próximos anos. "Projetos, aliás, muito importantes e que se enquadram num contexto do novo relacionamento estratégico com Angola", afirma o diplomata.

Luís Faro Ramos faz um balanço "positivo" de um ano de mandato à frente do Camões e diz que as perspetivas para 2019 também são boas.

"Obviamente que também houve dificuldades, mas também se não as houvesse não teria sido tão desafiante. É o que temos, os recursos humanos que temos e os recursos financeiros que temos. E os números estão todos em crescimento. O balanço de 2018 é muito positivo e as perspetivas para o próximo ano também", afirmou.

"Há mais alunos a estudar de português pelo mundo fora, 200 mil, há mais professores, há mais pessoas interessadas em aprender o português, há mais protocolos com instituições de ensino assinados, há mais países onde o português está a ser ensinado no currículo escolar, há mais atividades culturais", descreveu.

O embaixador revela ainda que "todos os dias" recebe pedidos no Camões, vindos do mundo inteiro, de autoridades que querem ensinar o português ou ações culturais com o Camões e isso, considerou, "é o mais compensador".

E sublinha que esse é o resultado de um trabalho "notável" da equipa, tanto a da sede, em Lisboa, como a que trabalha um pouco por todo o mundo, num total de 600 pessoas.

Sobre a escolha de um diplomata para o lugar que ocupa, Faro Ramos diz que "é um reconhecimento do valor da carreira diplomática portuguesa".

"Isso é reconhecer que as atividades do instituto, seja a promoção da língua e cultura portuguesas, seja a cooperação para o desenvolvimento, são centrais para a política externa do nosso país e isso é muito reconfortante", destacou.

A rede do Camões alcança mais de 80 países, embora na área da cooperação as prioridades do instituto vão, como definido há muito pelo Governo português, para os países africanos de língua portuguesa e Timor-Leste.

Para 2019, além do crescimento do ensino do português pelo mundo e do reforço da cooperação Luis Faro Ramos, quer também aumentar o número de bolseiros.

"O Camões pretende reforçar o número de bolsas atribuídas em 2019", disse o presidente do instituto, não querendo avançar com metas.

Atualmente, o Camões tem mais de 500 bolseiros dos países africanos de língua portuguesa e de Timor-Leste, seja em bolsas externas (as que os estudantes desses países recebem para estudar em Portugal), seja em internas (as que os aluno recebem para estudarem nos seus próprios países), adiantou.

Mas na opinião do diplomata, "em termos de promoção dos nossos valores, as bolsas são fundamentais".

"Dar a um estudante de um país lusófono uma bolsa no nosso país, é estarmos a dar-lhe diretamente a conhecer os nossos valores, a nossa cultura e economia", salientou.

Além disso, os bolseiros são pessoas que normalmente "no futuro terão um papel importante a desempenhar nos seus países" e são por isso "absolutamente fundamentais na política portuguesa de cooperação para o desenvolvimento".

Faro Ramos lembrou ainda que, além destas bolsas que o Camões atribui, "há inúmeras outras bolsas que as universidades portuguesas dão a pessoas dos países lusófonos".

ATR // JH

Pe. Juvito: Presiza Halo Remodelasaun Iha VIII GK

DILI - Vigariu Episkopal Re-Evangelijasaun Dioseze Dili Pe. Juvito do Rego hatete, Primeiru Ministru Taur Matan Ruak presiza, halo remodelasaun ba membru VIII Governu Konstitusional, atu nunee implementasaun programa governu nian bele lao diak ba oin.

Hau hanoin presiza duni kuandu hare dehan katak programa sira governu nian lalao, maten hela iha fatin, ema ruma lakumpriende ninia mandatu ka ninia misaun, ou lakomportavel ho posizaun ida neebe nia halao nee direitu Primeiru Ministru nian, hanesan Xefe du Governu atu halo mudansa tanba dehan hakarak katak, overnu nia programa tenke lao ba oin ,” dehan Pe. Juvito ba jornalista sira, hafoin remata lansamentu livru autor Pe.Martiho Gusmao konaba pensamentu politiku Nocolau Lobato nian, neebe halao iha Palasiu Prezidente Nicolau Lobato, Dili, Sesta ( 30/11/2018).

Pe.Juvito katak, Planu dezenvolvimentu neebe mak sira halo durante tinan lima nee hare katak iha faje lubuk ida iha neeba, I faje hirak nee tenke to ona faje ida neebe ema dehan katak tenke implementa ona, agora seidauk implementa buat ruma sala iha neeba, nee duni Primeiru Ministru hare katak sala nee sala iha se, sala iha rekursu umanu ka sala iha teknika ka, sala iha sistema ka, sala iha rekursu sira seluk, neebe hadia-hadia buat sira nee hotu inklui iha laran nee hadia mos ema.

Pe.Juvito dehan, Saida mak sira promote iha kampania sira nee tenke implementa, promote tiha iha tempu kampania laimplementa depois tanba ema sira koloka iha neeba husi partidu tolu, entaun partidu ida mak sujere ninia kandidatu sira ba okupa kadeira.

Pe. Juvito dehan, kargu sira neebe mak seidauk iha nee tenke priensia ema ba, tanba kargu sira nee hotu Dotour Agio Pereira mak sei asumi hela, neebe Minsitru balu lalao, lafunsiona nee tanba kargu interinu hela deit, Ministru sira Ministru Saude laiha, Ministru Finansas laiha, Ministru MTCI laiha, Ministru Turismu laiha, Ministru ESTATAL laiha, Ministeiru lubuk ida iha neeba nee sira laiha,

Iha parte ketak Jose da Silva hanesan observador hatete, Membru VIII Governu Konstitusional lakompletu, nuee fo impaktu ba iha implementasaun programa no OJE 2018, tanba nee diak liu halo remodelasaun hodi hili fila fali membru governu neebe foun, dehan Jose.

Entretantu Primeiru Ministru Taur Matan Ruak hatete, kuandu iha remodelasaun governu sei informa, mais pur enkuantu seidauk iha programa ida, iha planu ida kona ba remodelasaun nian. Maibe karik remodelasaun iha, atividades ida ke antes tenke deskute ho instituisaun neebe iha interese ba remodelasaun, tanba governu nee sustenta husi partidu lima. 

Notisia kompletu lee iha jornal STL edisaun Segunda (03/12/2018)

Carme Ximenes | Suara Timor Lorosae

PM Taur Enkoraza MUTL

DILI - Primeiru Ministru Taur Matan Ruak enkoraza Movimentu Universitariu Timor-Leste, atu nafatin halo kontrolu ba kualker atividade neebe maka halao iha Timor-Leste.

Lia hirak nee hatoo husi Portavoz MUTL Jonas Sege, bainhira remata Audensia ho PM Taur Matan Ruak, iha Palasiu Governu Sesta (30/11/2018).

Nia dehan Xefe governu hatoo hela ba MUTL katak kestaun saida deit neebe mosu iha rai nee, MUTL bele kontinua kontrolu, maibe buat neebe maka Parlamentu Nasional dadaun nee halo, buat kiik, buat neebe boot agora maka iha parte governu nian, signifika katak hapara transporte ba PN, hapara mos transporte ba parte governu.

Portavzos nee hateten ba kestaun neebe maka la justu iha TL, MUTL sei la nonok no sei la para, dadaun nee sira sei esforsu halo manifestasaun kontra sosa kareta ba deputadu sira, bainhira seidauk iha desizaun ba ida nee.

Nunee mos Segundu Portavos MUTL, Noe Bernadino katak PM Taur iha nia komprimisiu sei halo poupansa, liu-liu halo politika foun ida ba transporte governu nian. 

Notisia kompletu lee iha jornal STL edisaun Segunda (03/12/2018)

Natalino Costa | Suara Timor Lorosae

Governu aumenta lisensa mikrolete, kondutor greve

Kondutor transporte publiku mikrolete 09 halo asaun greve la halai tanba la satisfas ho politika foun Diresaun Nasional Transporte Terrestres (DNTT) ne'ebe atribui tan lisensa foun hodi aumenta numeru mikrolete 09.

Portavóz asaun, Aleixo da Costa hateten, sira la konkorda ho desizaun husi DNTT nian ne'ebe aumenta numeru mikrolete foun hodi halai iha diresaun ne'e.

"Laiha informasaun ruma, laiha publilasaun husi media, ne’e mak ami komesaU husi Sesta 23/11) ami para to’o Segunda (26/11), ohin", dehan nia.

Iha parte seluk hahu Segunda Feira (26/11) até Tersa Feira (27/11) mikrolet diresaun Becora mos greve hodi difikulta publiku asesu ba transporte publiku.

“Hau hela iha audian mai eskola iha esconda Sekundaria Sérgio Vierra de Melho iha Bekora. Ohin dadersan mai lao deit no agora atu fila mos lao deit. Loron manas los,” dehan Leandro Pereira Bada, III anu iha eskola sekundaria SVM wainhira dada lia ho TT iha dalan Kuluhun ninian (26/11).

Relasiona ho ida ne'e manifestante sira hatoo ona karta protesta ba Ministru Transporte Komunikasaun hodi bele buka dalan ba problema ne'e.

Aleixo hatutan, bainhira seidauk hetan despaxu ruma husi ministeriu maka sira sei kontinua nafatin halo greve hodi lakohi halai.

Hataan ba ida ne'e, Ministru Transporte, Jose Agostinho hateten, timoroan barak mak hatama pedidu ba ministeriu hodi husu lisensa tranzitu nian atu bele buka moris iha Dili laran.

Ne'e duni ministeriu buka dalan hodi kria kondisaun atu ema sira ne'e mos bele hetan lisensa tranzitu nian.

Tanba ne'e ministeriu atribui lisensa iha korredor regra nia laran oinsa atu bele fo atendimentu ba pasajeiru sira.

Nune'e orienta diretor DNTT para tau atensaun oinsa mak bele fó atendimentu ne’ebé dignu ba populasaun sira.

Tempo Timor

GMN TV | Jornal Nacional meiu dia - 1.12.18