Parpol Opozisaun Labele Vinganza, PD-Khunto Respeita Fretilin Forma Governu

DILI - Partidu Politiku (Parpol) 5 neebe hetan asentu parlamentar iha balu hakarak sai opozisaun labele halo viganza iha parlamentu. Enkuantu ba partidu PD no Khunto tenke respeita Fretilin forma governu.

Deklarasaun nee hatoo husi Eis Primeira Dama Isabel Fereira katak, tenke respeita povu nia votus, neebe fo komfiansa ba partidu Fretilin mais votadu, tanba tuir estadu direitu demokratiku konstituisaun mak aas liu hotu, tanba iha konstituisaun hatete katak, partidu neebe mais votadu PR sei komvida atu bele forma governu.

Hau husu ba partidu politiku sira neebe mak hetan asentu parlamentar neebe mak seidauk iha pozisaun ba opozisaun hanesan PD no Khunto atu hamutuk ho Fretilin hodi bele forma governu. Enkuantu ba partidu neebe opozisaun tenke edukativu no konstrutivu hodi labele viganza iha parlamentu,” katak Isabel ba STL bainhira hasoru malu iha Vila-Verde Kuarta (09/08/2017).

Konsellu Imprensa: Públiku Labele Fiar Blog Politika Timor

DILI: Mosu ona notísia falsu (hoax) iha Timor-Leste, tanba ne’e públiku tenke kuidadu no hatene informasaun ne’ebé kredivel no bele atu konsumu.

Liu husi peskiza ne’ebé Konsellu Imprensa halo, identifika ona blog ida ho naran politikatimor.blogspot.com nu’udar média falsu ne’ebé relata informasaun la bazeia ba faktu no realidade.

“Husu ba públiku tomak ka sidadaun hotu-hotu atu labele fiar “fake news” sira ne'ebé média sosiál, politikatimor.blogspot.com divulga. 

Ida ne’e nu'udar propaganda baratu atu soran ita-nia lider sira iha ambiente polítika daudauk ne’e”, dehan Prezidente KI, Virgílio Guterres, liu husi konferénsia imprensa iha salaun KI, Kintál Boot-Dili, horisehik.

Leilaun Karreta Prado Ba Deputadu Hanesan Prátika Korrupsaun

DILI: Desizaun Parlamentu Nasionál (PN) hodi halo leilaun karreta Prado PN nu’udar hahalok prátika hanesan korrupsaun.

Diretór La’o Hamutuk (LH), Juvinal Dias, haree katak PN halo polítika halo lei rasik hodi fasilita leilaun karreta Prado ba deputadu sira nu’udar forma korrupsaun ida.

“Ne’e ami konsidera katak deputadu sira uza nia-podér lei hodi fasilita sira atu halo leilaun ba sira. Ne’e tipu ba korrupsaun”, dehan nia, iha servisu fatin, Bebora-Dili, horisehik.

Nia hatutan, PN nia funsaun la'ós halo leilaun karreta, maibé atu asegura polítika Estadu la’o ho di'ak, halo balansu ba polítika, lei no fasilita direitu povu nian atu aloka orsamentu ba infraestrutura sira.

OE-CUSSE INISIU NO FUTURO TIMOR-LESTE

RTTL | 1:48:02

CNRT Forma Governu Se FRETILIN La Konsege

DILI, (TATOLI) - Partidu Kongresu Nasionál Rekonstruksaun Timor-Leste (CNRT) deside ona iha konfrensia nasionál foin lalais ne’e atu sai de’it opozisaun ba VII governu konstitusional maibé bainhira partidu mais votadu FRETILIN lakonsege forma governu, CNRT sei buka nia aliadu nu’udar segundu mais votadu hodi forma governu tan CNRT tane ás prinsipiu intreses nasionál.

“Ohin, tuku 10H00 otl, iha Ótel Novu Turismu, se lasala, Sekretáriu Jerál FRETILIN, Mari Alkatiri hasoru malu ho estruktura CNRT hodi koalia kona-bá koligasaun ba formasaun VII governu konstitusional,” informa fontes TATOLI foin lalais ne’e.

Iha enkontru ne’e Prezidente Partidu CNRT, Kay Rala Xanana Gusmão sei la partisipa, CNRT sei reprejenta hosi Sekretáriu Jerál, Francisco Kalbuadi Lay ho vice Prezidente sira balun inklui Prezidente CDN, Dionisio Babo.

Primeiru Dialógu FRETILIN-CNRT “Laiha Rezultadu”

DILI, (TATOLI) - Negosiasaun Partidu FRETILIN ho CNRT, ohin, Kuarta (09/08) laiha rezultadu absoluta ida hodi  forma VII governu konstitusional tanba delegasaun CNRT sei lori relatoriu hodi reuni iha estruktura partidu nian hafoin marka enkontru segundavez.

“Iha intendimentu uituan, naturalmente delegasaun mai hosi CNRT sei lori fila fali rezultadu ba iha ne’eba depois sei marka fali segunda ronda hodi diskuite halo klean liu tan,” Sekretáriu Jerál FRETILIN, Mari Alkatiri esplika ba jornalista sira hafoin enkotru iha Ótel Novu Turismu, ohin.

Alkatiri hatutan, iha enkontru ne’e la konsege hasai senariu ruma ba formasaun governu nian inkluidu CNRT partisipa ho FRETILIN hodi forma VII governu konstitusional.

“Nenhum senariu excluído (la iha senariu ruma ne’ebé hasai),” Mari Alkatiri responde ba pergunta jornalista.

Paixão Konkorda Militár Obrigatóriu Maibé Harii ho Padraun

DILI, (TATOLI) – Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão apoia ideia implementasaun militár obrigatóriu iha Timor nune’e eduka joven sira kona-ba nasionalizmu, patriotizmu, aprende enjeñaria no eletrisidade, maibé presiza harii ho padraun.

“Militár obrigatóriu ne’e hanorin valores nasionalizmu, eruizmu, korajen no vertude”, dehan Filomeno ba jornalista sira iha Palásiu Prezidenti Nicolau Lobato, Bairu-Pité, kuarta ne’e relasiona ho líder partidu polítiku balun sujere atu implementa militár obrigatóriu iha Timor.

Atu implementa polítika refere, tuir nia, governu tenke harii padraun ba juventude para kuandu sai hosi forsa ba halo serbisu seluk, sira ba ho pensamentu ne’ebé hanesan.

“Ita sira ne’e mai hosi sosiedade ho antesidénsia (tempu) ne’ebé maka ladún hanesan. Kompara ho Indonézia no Portugal nian, antesidénsia ne’e hakiak hosi ki’ik hahú hosi atividade hanesan eskuteiru (pramuka). Agora ita nian lae. Atu tama iha F-FDTL, balun antesidénsia Indonézia nian, balun background ailaran nian no balun backgroundklandestina nian. Tanba ne’e, tenke kria padraun ba ita”, katak.

Maske nune’e, líder forsa defeza ne’e afirma, impaktu negativu maka hatodan despeza estadu, tanba tinan-tinan ne’e ema sempre aumenta entaun ema barak ne’e ba tau iha ne’ebé, uma iha ne’ebé, han no hemu ne’e oinsá.

Tanba ne’e, tuir nia, ekonómikamente, polítiku sira maka tenke tetu molok implementa.

Jornalista: Xisto Freitas | Editora: Rita Almeida

Foto: Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão, dadalia jo jornalista sira iha Palásiu Prezidenti Nicolau Lobato, ohin dader.

Ilídio Husu Formandu Tibar Aproveita Oportunidade

TIBAR, (TATOLI) – Sekretáriu Estadu Polítika ba Formasaun Profisionál no Empregu (SEPFOPE), Ilídio Ximenes da Costa husu ba formandu 30 ne’ebé tuir treinamentu vokasionál Tibar atu aproveita oportunidade.

“Esforsu ita halo, dezafiu no obstákulu ita hetan maibé naran katak ita labele tuur mehi de’it, oportunidade mak ida ne’e no imi na’in hira orgullu ba imi-nia aan tanba ema barak mak atu mai maibé oportunidade iha teste imi mak di’ak liu no agora tenke hatudu”, hatutan Ilídio iha lansamentu ba treinamentu vokasionál iha Tibar, ohin.

Hatutan tan, kuandu iha vontade atu halo dezenvolvimentu no iha relasaun di’ak (networking) ho ema barak maka dalan sei bele hetan maibé bainhira tuur de’it iha fatin no laiha esperiénsia dalaruma dalan sei lamosu no lalori rezultadu.

Ilídio dehan, kategoria formasaun ba eletrisidade no instrumentasaun klase mundiál ne’ebé sei hetan treinadór husi kompañia Cegeleg husi Fransa katak esforsu Governu halo hamutuk ho kompañia mina no autoridade sira nune’e husu formandu sira atu aproveita.

Dialogu Fretilin-CNRT, Alkatiri: Fretilin Maka Sei Forma Governu

DILI – Iha eleisaun jeral tinan 2017 partidu Fretilin maka manan iha eleisaun nee hodi forma Governu, maske partidu istoriku nee lamanan ho maioria absoluta.

Primeiru Dialogu entre Partidu Istoriku Fretilin ho CNRT nee, halao hodi buka oinsa atu garante paz no estabilidade iha Timor Leste, bainhira formasaun VII Governu neebe sei forma husi partidu vesidor FRETILIN.

Mesmu dialogu iha permeiru ronde nee, seidauk iha rejultadu neebe maka fiksu, maibe hein katak semana oin mai bele hetan ona rejultadu neebe maka klaru ba Fretilin hodi forma Governu.

Portantu dialogu nee hahu iha tuku 10:17, antes 10: Sekertariu Jeral Partidu  Fretilin Mari Alkatiri neebe maka akompania husi Vise Prezidente Francisco Miranda Branco, Vise Prezidente Aniceto Guterres, Adjuntu Sekjer Jose Reis, Adjuntu Sekjer Flavio Noronha no Prezidente OPMT Merita Alves to uluk ona iha Hotel Novu Turismu.

Governu Grande Inkluzaun Lahare Ona Ba Kor Politika

DILI - Sosidade sivil sira iha rai laran konsideira katak, Governu grande inkluzaun lahare ba kor politika, maibe Timor oan neebe maka iha kapasidade no didikasaun neebe maka makas ba povu no nasaun bele bolu ba iha Governu.

Tuir Diretor Asosiasaun Hak Manuel Monteiro katak, Grande inkluzaun nee katak, lahare ona ba kor politiku, maibe Timor oan sira neebe maka iha abilidade, iha dedikasaun neebe maka makas ba povu no Nasaun bolu sira ba tama iha Governasaun.

“Povu maioria fo konfiansa nee ba Fretilin, agora iha prinsipiu estadu de direitu demokratiku oposizaun tenki iha, hodi garante hodi ukun nee, ukun nee hanesan, atu nunee labele halo fali ita nia povu nee iha primeiru klase no segundu klase fali ,” dehan Manuel ba STL, iha ninia servisu fatin, Farol, Dili, Kuarta (09/08/2017).

FRETILIN Hetan Ona Membru Governu Balun

DILI: Partidu FRETILIN hetan ona ema balun ne’ebé atu tama iha estrutura VII Governu Konstitusionál.

Ema ne’ebé partidu mais votadu ne’e prefere liu mak Kay Rala Xanana Gusmão, atuál Ministru Planeamentu no Investimentu Estratéjiku (MPIE).

“Ha’u hatene katak Xanana Gusmão figura ida ne’ebé labele sai husi governu”, dehan Sekretaria Jerál FRETILIN, Mari Alkatiri, hafoin reuniaun Komisaun Polítika partidu FRETILIN, iha Comité Central FRETILIN (CCF), Komoro-Dili, horisehik.

Kona-ba pozisaun ne’e rasik, partidu FRETILIN kontakta ona partidu CNRT hodi diskute hamutuk mós kona-ba formasaun governu foun nian. Inklui sei halo diskusaun partikularmente ho Prezidente Partidu CNRT.

Ne’e duni, partidu FRETILIN rasik kontinua hein desizaun finál husi Xanana Gusmão. Nune’e, sei respeita desizaun hotu-hotu ne’ebé Xanana foti.

Parlamentu Nasional Deside Tokon $2.79 Sosa Prado Foun

DILI: Reuniaun lider bankada parlamentár ne’ebé envolve partidu FRETILIN, CNRT, PD no Frente Mudansa deside ona hodi sosa tan karreta foun 65 ba deputadu foun sira ne’ebé atu ba tuur iha Uma Fukun.

Tuir planu, Konsellu Administrasaun Parlamentu Nasionál ne’ebé kompostu husi bankada haat ne’e prezerva ona osan ho presu US$ 34.000 kada Prado unidade ida. Ne’e duni, husi totál karreta 65 ne’ebé atu sosa Parlamentu Nasionál tenke hasai osan hamutuk tokon $2.79.

“Ami deside hodi hola tan karreta foun ba deputadu foun sira”, dehan membru Komisaun Administrasaun PN, Deputada Brígida Correia, iha Uma Fukun PN, horisehik.

Nune’e, ba karreta hirak ne’ebé agora daudaun deputadu sira uza sei leilaun, tanba pareser husi istolójiku sira katak karreta sira ne’e barak laiha ona kondisaun atu bele kontinua utiliza ba servisu deputadu foun. Nune’e, kustu ba manutensaun mós boot.

Kritikas Xanana, Deputadu CNRT Simu Ho Nonok

DILI – Prezidenti CNRT Xanana Gusmao apela ba dirijentes partidu atu iha tinan lima nee nia laran tenki perpara aan didiak, nunee wainhira sai membru PN no Governantes labele Asbun (asal bunyi).

Deklarasaun nee fo sai husi Prezidente CNRT Kay Rala Xanana Gusmao, uainhira ensera remata 3 kongresu iha CCD, Merkadu Lama, Domingo (06/08/2017). Tuir Prezidente Partidu CNRT, Kay rala Xanana Gusmao katak Kuadrus iha CNRT tenke hatene buat hot-hotu no kuimpriende buat hot-hotu iha lina seitores oi-oin.

“Tamba bain bain ita rona no nonton no too ema balun dehan, maun deputadu CNRT iha Parlamentu asal bunyi deit nunee mos iha governu tamba nee atu kurize no partidu mak simu responsabilidade atu eduka deputadus sira atu adia kualidade koalia no diskusaun,”dehan Xanana.

Tamba nee, tempu tinan 5 nia laran nee diak liu atu prepara an ba kuadrus partidus nuudar kolektivu ida iha hau nia diskurus povu la fiar ba figura ida, atu oinsa realidade mak nee povu presija figura.

Iha fatin ketak, Tuir reprejentate advokasia HAK, Inocencio Xavier katak CNRT nia avaliasaun nee tarde ona, husi pontu de vista sosiedade sivil nian hafoin mandatu remata mak halo avaliasaun no povu nafatin miseria ho governu sira lililiu Ministru sira. Domingos Piedade/Natalino Belo

Suara Timor Lorosae

Partidu Neebe Fretilin Bolu Tenke Husik Interese Partidaria

DILI – Sosiadade sivil iha rai laran fo sira nia sujestaun katak, partidu neebe maka Fretilin bolu hodi forma Governu, tenke husik interese partidaria, no tau aas interese nasional tuir kontituisaun RDTL artigu seis haruka.

Diretor Ezekutivu Asosiasaun HAK Manuel Monteiro hateten, Governu Foun mai halao sira ninia programa permeiru tuir kontituisaun RDTL artigu seis haruka konaba objetivu estadu nian.

“Tanba entre partidu A no B neebe tama iha AMP nee lahanesan, nunee to iha 2015 sira tenki fahe malu,  balu laran moras sira hamosu fali bloku, agora ida nee ita husu atu labele akontese iha VII Governu ida nee,” dehan Manuel ba STL, iha nia servisu fatin Farol, Dili, Tersa (08/08/2017).

Nia dehan, Diak ka ladiak nee sira tenki iha komprimisiu politika neebe maka diak, iha diskusaun antes hodi iha komprimisiu politika ida diak neebe FRETILIN bolu nee hanesan Timor oan. Maske sira mai liu husi partidu ida ba mos tenki tama hamutuk iha kareta ida nia laran, no depois halao programa tuir partidu mais votadu ninia hakarak.

Iha parte ketak Observador politika UNDIL Francisco Mausoro hateten, Partidu politika hanesan instrumentu ba povu moris diak, povu atu moris diak nee maka hare liu husi parpol sira nia programa neebe maka halo iha tempu kampania. Carme Ximenes/EST2

Suara Timor Lorosae

Xanana-Taur Opozisaun, Difikulta Ba FRETILIN

DILI – Prezidente Partidu CNRT, Kay Rala Xanana Gusmao no Prezidente Partidu PLP, Taur Matan Ruak kumpri komprimisiu iha kampania eleitoral, katak kuandu la manan maioria absoluta diak liu sai deit opozisaun konstruitiva no edukativa iha Parlamentu Nasional (PN).

Tuir veteranu, Andre da Costa L4 katak partidu CNRT neebe mak lidera husi maun Xanana no partidu PLP lidera husi Taur Matan Ruak mak ba duni ba apozisaun, laos todan maibe difikulta governasaun Fretilin.

Maibe diak liu lideransa labele sees husi lideransa setral nasaun nian atu fo apoiu ba governasaun Fretilin nian kuandu Fretilin mak forma governu hamutuk PD no Khunto ka Fretelin ukun ho minoria simples iha Parlamentu Nasional,”dehan L4 ba STL, iha edifisiu UNDIL, Mascarinhas, Tersa (08/08/2017).

Veteranu nee hatutan, lideransa nia vizaun ba dezenvolivmentu mak la hanesan maibe povu nia hakarak mak liu husi povu nia votu iha eleisaun parlamentar tamba povu hakarak lao ba oin no hakarak mudansa.

Tamba nee, husu ba sira nain rua atu hanoin didiak ba estabilidade nasional no labele mosu eleisaun antesipada atu lalika prejudika fila fali ba osan povu hodi gasta deit ba eleisaun no tempu sidadaun sira nian hodi buka moris.

Tuir Observador Politku UNTL, Camilio Ximenes Almeida katak CNRT no PLP relata ona hakarak sai opozisaun iha Parlamentu Nasional, maibe husi parte observador politiku konsidera opozisaun nee normal iha nasaun neebe deit. Domingos da Piedade Freitas

Suara Timor Lorosae

Diak Liu Xanana Sai Aman Ba Nasaun

DILI – Hafoin mosu polemika Prezidente Partidu CNRT, Xanana Gusmao demite husi nia kargu, akademista sira husu ba maun Xanana atu sai aman ba nasaun deit.

Tuir Observador Politiku, Justino Sapolo katak diak liu tempu too ona ba maun Xanana neebe mak halo tinan 70 liu ona nee diak liu deskansa, atu laos deit ba aman ba partidu CNRT maibe aman ba nasaun doben Timor Leste nee.

Kestaun seluk mak maun Xanana nuudar fundador ba nasaun TL nian neebe mak luta iha durante 24 nia laran too TL hetan independensia,” dehan Justino ba STL, iha edifisiu UNDIL, Mascarinhas, Tersa (08/08/2017).

Maibe, husi akademista desizaun atu sai aman ba nasaun iha Xanana nia liman maibe iha maun Xanana nia liman no se karik hanoin hetan diak liu sai independente deit hodi hakuak ema hotu no kontrolo ba dezenvolvimentu nasional.

Iha fatin ketak, Reitor UNDIL, Estevao da Costa Belo katak ema idak idak iha direitu atu koalia no hili hodi tama sai partidu ida la iha problema. Domingos da Piedade Freitas

Suara Timor Lorosae

Governo chinês admite que sismo tenha feito centenas de mortos e milhares de feridos

Pequim, 08 ago (Lusa) -- O governo chinês diz que o sismo de magnitude 6,5 na escala de Richter registado hoje na região sudoeste da China pode ter causado uma centena de mortos e milhares de feridos, bem como danificado muitas casas.

Num comunicado divulgado na sua página oficial na Internet, a comissão nacional responsável pela gestão de catástrofes informou que cerca de 130 mil casas terão ficado danificadas e admitiu a possibilidade de existirem pelo menos uma centena de mortos e milhares de feridos.

O comunicado foi elaborado com base numa análise preliminar do sismo que atingiu uma região montanhosa na fronteira das províncias de Sichuan e Gansu.

Os serviços chineses geológicos indicaram que o sismo ocorreu às 21:20 locais (14:20 em Lisboa) perto de Jiuzhaigou, um parque natural conhecido pelas quedas de água e pelas formações rochosas.

SCA (PAL) // ANP

Indonésia vai trocar óleo de palma, café e chá por caças russos

Jacarta, 08 ago (Lusa) -- A Indonésia vai trocar produtos como óleo de palma, café ou chá por caças russos, tirando proveito das novas sanções internacionais impostas a Moscovo, anunciou hoje o Ministério do Comércio indonésio.

O arquipélago do sudeste asiático assinou, na semana passada, com a Rússia um memorando de entendimento que prevê a compra de 11 caças russos "Sukhoi" na troca de bens de primeira necessidade, indicou um porta-voz do Ministério do Comércio da Indonésia.

"A ideia foi lançada no ano passado. Algumas pessoas sugeriram que a Indonésia devia trocar os aviões pelos nossos principais produtos", declarou o porta-voz Marolop Nainggolan à agência noticiosa France Presse (AFP).

Fretilin inicia quarta-feira contactos com partidos para formar próximo Governo timorense

Díli, 08 ago (Lusa) - A Fretilin, partido mais votado nas legislativas timorenses de 22 de julho, inicia quarta-feira com o CNRT uma ronda de contactos com os partidos eleitos para o parlamento nacional tendo em vista a formação de Governo.

Fonte da Frente Revolucionária do Timor-Leste Independente (Fretilin), que obteve 23 lugares nas eleições legislativas, confirmou à Lusa que o segundo partido mais votado, o Congresso Nacional da Reconstrução Timorense (CNRT) de Xanana Gusmão (22 lugares) aceitou o diálogo.

A fonte não precisou se Xanana Gusmão, o presidente do CNRT, estará ou não na reunião que está marcada para um hotel em Díli e onde, do lado da Fretilin deverá estar uma delegação liderada pelo seu secretário-geral, Mari Alkatiri.

Na quinta-feira está previsto um encontro da Fretilin com o terceiro partido, o Partido Libertação Popular (PLP), liderado pelo ex-Presidente da República, Taur Matan Ruak e que obteve oito lugares.

Guiné-Bissau assina Carta de Intenções no setor da defesa com a Indonésia

Bissau, 08 ago (Lusa) - Os ministros da Defesa da Guiné-Bissau, Eduardo Sanhá, e da Indonésia, Ryamizard Ryacudu, de visita a Bissau, rubricaram uma Carta de Intenções para o estabelecimento de linhas de cooperação no setor da defesa, noticiou hoje a Rádio Nacional guineense.

O governante indonésio veio à Bissau, a convite do seu homólogo guineense, transmitir a disponibilidade do seu Governo em abrir linhas de cooperação com as Forças Armadas da Guiné-Bissau que Jacarta quer ver transformadas "num exército poderoso em África".

Ryamizard Ryacudu salientou que as relações entre a Guiné-Bissau e a Indonésia "são de longa data", pelo que, disse, sentia "muito feliz" por estar em Bissau onde também fez um convite formal ao seu homólogo, Eduardo Sanhá, para que visite Jacarta.

O ministro da Defesa da Guiné-Bissau destacou que para já foi apenas assinada uma Carta de Intenções, mas que rapidamente será transformada "em acordos concretos" no domínio militar, nomeadamente apoios na formação e equipamento de controlo dos espaços marítimo e aéreo guineense.

Eduardo Sanhá enfatizou ainda que entre os dois países existem "algumas similitudes em termos territoriais", salientando o facto de a Indonésia como a Guiné-Bissau serem países constituídos por muitas ilhas.

MB // EL