PR ELEITU HUSU BA XEFI SUKU HOTU, PARTISIPA IHA SEREMONIA TOMADA DE POSE

Primeiru Ministru (PM) Rui Maria de Araujo informa katak, Prezidenti Republika (PR) eleitu, Francisco Guterres Lu-Olo hakarak konvida Xefi Suku sira hotu-hotu, atu partisipa iha seremonia tomada depose Prezidente Republika nian iha 20 de Maiu.

“Prezidenti Republika eleitu, husu ba Governu atu haree posibilidade lori Xefi Suku sira ho nia estrutura suku hotu-hotu, atu mai partisipa tomada depose iha Tasi Tolu, iha loron 20 Maiu ne’e. Nune’e sei koalia ho  Ministeriu Administrasaun Estatal para serbisu atu haree ida ne’e,” hatete PM Rui Maria de Araujo hafoin enkontru ho Prezidente eleitu Francisco Guterres ‘Lu-Olo’, iha Sede Nasional Comite Central FRETILIN (CCF), Comoro, Dili, Kuarta (19/04).

Iha enkontru ne’e, Xefi Governu ho Xefi Estadu eleitu ne’e mós koalia konaba preparasaun ba seremonia tomada de pose ne’ebe hala’o iha fatin no data istóriku Tasi Tolu, 20 de Maiu 2017.

Mike Pence elojia valor demokrátiku no tolerante sira Indonézia nian

Visi-Prezidente Estadus Unidus nian, Mike Pence, elojia ona demokrasia indonéziu nian no nia islamizmu modernu, hafoin enkontru ida iha loron-kinta ne'e ho Prezidente hosi nasaun musulmanu boot liu iha mundu.

Komentáriu sira hanesan importnate tebes ba Prezidente indonéziu, Joko Widodo, ne'ebé loron ida antes hetan kontratempu polítiku ida, bainhira nia aliadu ida lakon ho konservador islámiku sira iha eleisaun ba governador Jakarta nian. Polémika kampaña ne'ebé halo fraku Indonézia nia imajen iha estranjeiru, hanesan nasaun musulmanu tolerante ida.

Iha konferénsia hamutuk ho Widodo, Pence hatete ona katak Estadus Unidus hakarak aumenta nia parseria estratéjiku ho Indonézia.

Prezidente filipinu hakarak fó arma ba sivil hodi kombate extremista sira

Prezidente Filipina nian, Rodrigo Duterte, hatudu ona intensaun hodi entrega arma sira ba populasaun sira iha Bohol hodi kombate militante extremista sira ne'ebé subar iha illa, hafoin atake ida ne'ebé falla hosi grupu Abu Sayyaf iha semana liubá.

"Ha'u iha intensaun hodi fó arma no envole ema sivil sira", hatete hosi Prezidente iha loron-kuarta kalan, iha entrevista ida ba imprensa lokal, durante vizita iha Bohol, iha rejiaun sentral nasaun nian.

Duterte hatete katak bainhira ema rezidente sira iha zona oho ema sira ne'ebé deskonfia hanesan terorista "lalika preokupa: ba iha polísia, halo relatóriu ida ne'ebé deklara lia-loos no sei laiha problema ruma", hodi promete fó perdaun ba posível homisídiu sira.

Jacinta ho Francisco Marto sei simu kanonizasaun iha 13 Maiu iha Fátima

Papa Francisco sei kanoniza pastoriñu na'in rua Jacinta ho Francisco Marto durante nia vizita iha Fátima, iha loron 13 Maiu, fó sai hosi Rádiu Renascença iha loron-kinta ne'e.

Anúnsiu ne'e halo hosi papa iha Konsistóriu ne'ebé maka fiksa tiha ona loron sira ba serimónia kanonizasaun nian hosi santu foun sira hamutuk na'in 37, entre sira maka Jacinta ho Francisco.

Kanonizasaun hosi Francisco ho Jacinta nian, ne'ebé sai ona beatu hosi Papa João Paulo II, iha Fátima, iha loron 13 Maiu 2010, antes hein hela rekoñesimentu hosi milagre ida, kura hosi labarik brazileiru na'in ida, iha 2013, ne'ebé akontese ona iha loron 23 Marsu.

Iha loron ne'ebé hatene ona notísia hosi aprovasaun hosi Jorge Bergoglio hosi milagre ne'ebé atribui ba Jacinta ho Francisco, kardeal patriarka Lisboa nian, Manuel Clemente, hatete katak senti "haksolok tebes" ho notísia.

Papa vizita Fátima iha loron 12 no 13 Maiu ba sentenáriu hosi "aparisaun sira" iha tinan 1917.

SAPO TL ho Lusa | Foto@ Paulo Cunha/EPA

Primeira Dama Organiza Seminariu Papel Sidadaun

DILI – Primeira Dama Isabel Fereira organiza seminariu ba estudante nivel universitariu no entidade balun ho tema “papel sidadaun iha dezemvolvimentu bem estar”. Objektivu husi seminariu nee atu eleva konesiemntu estudante.

Seminariu neebe organiza husi Primeira Dama Isabel Fereira ho objetivu oinsa atu fo konesimentu ba estudante sira, konaba prosesu neebe maka oras nee lao iha Timor-Leste.

“Ohin ita hare orador husi instituisaun estadu sira neebe makaa hola parte iha seminariu nee maka hanesan parte Komisaun Nasiona Eleisaun (CNE), Tribunal Tribunal Rekursu, Ministeridu Publiku, STAE no Polisia Nasional Timor-Leste no Funsaun Publika sira hodi mai divulga informasaun balun relasiona servisu neebe maka durante nee ita nian instituisaun sira nee halo hodi fo susesu ba prosesu eleisaun presidensial neebe maka Timor-Leste halao ona” dehan Primeira Dama Isabel ba jornalista sira hafoin remata seminariu, iha Centru Convensaun Dili (CCD), Kinta (20/4/2017).

Liu Husi BNCTL, Governu Fo Kreditu Ba Emprezariu

DILI – Governu aloka orsamentu miliaun U$ 2 ba Banku Nasional Comersial Timor Leste (BNCTL) hodi apoiu kreditu ba emprezariu sira no negosiante kiik atu halo negosiu.

Ministru Estadu Kordenador Asuntu Ekonomia e Ministru Agrikultura e Peskas Estanislau da Silva hatete, governu esforsu   halo lei bankaria oinsa garantia bankaria, tanba osan estadu nian, tenke iha kriteria mekanismu diak, atu nunee emprezariu asesu kreditu maibe tenke selu banku nian osan.

Ami tau osan miliaun U$ 2 iha BNCTL hodi apoiu emprezariu asesu kreditu, neebe servisu lao, governu apoiu setor privadu sira promove sira nafatin, oinsa sira bele halo atividade negosiu, no investimentu diak iha TL, “dehan Estanislau liu husi sesaun plenaria   iha PN, Tersa (18/04/2017).

Matéria HIV/SIDA sei Tama Kurríkulu Eskola

DILI: Ministériu Edukasaun (ME) konkorda ona atu hatama matéria kona­ba Human immunodeficiency virusinfection and acquired immune deficiency syndrome(HIV/SIDA) iha kurríkulu eskola nian.

Matéria ne’e la’ós espesífiku, maibé sei enkamiña iha matéria Biolojia nian.

Ministru Edukasaun, Antonino da Conceição hateten, matéria biolojia ko'alia kona­ba saúde publika, liuliu HIV/SIDA ne'ebé bele hanorin iha eskola hotu.

“Siénsia ita bele hanorin ba labarik sira oinsá bele halo pastamentu morál, relijiaun mós matéria ida ne'ebé bele uza hodi bele konxiénsia labarik sira hodi hasees­aan husi moras ne’e”, dehan nia, iha Salaun Bairru Grilus, horisehik.

Presu Mina Mundiál Sa’e $55,25/Barríl

DILI: Presu mina mundiál oras ne’e daudauk hahú sa’e fila fali ona ba $55,25/barríl.

Tuir dadus hosi organizasaun mina mundiál, Brent Crude (ICE) presu mina $55,25/barríl no WTI Crude Oil (NYMEX), 52,69/barríl.

Antes ne’e, presu mina mundiál tuun ba $35/bariik fó impaktu mós ba orsamentu fundu mina rai TimorLeste.

Ho presu mina mundiál ne’ebé sa'e, halo sentru kombustivel lubuk ida iha kapitál Dili mós komesa hasae presu mina gazolina no gazoel.

Oras ne’e dadukak presu gazolina ne’ebé antes ne’e fa'an ho $0,95 sentavus hahú sa’e ba $1 no presu gazoel sei mantein ho presu $0,85 sentavus.

Preparasaun Serimonia 20 Maiu Tasi Tolu Atinji 70%

DILI – Governu liu husi Ministru Administrasaun Estatal (MAE) neebe responsabiliza ba area tekniku hodi prepara ba serimonia 20 Maiu iha Tasi Tolu atinji ona 70%.

Tuir Ministru Administrasaun Estatal (MAE), Dionisio Babo katak, serimonia tomada pose no komemorasaun loron 20 de Maiu neebe sei realiza iha Tasi Tolu Dili oras nee atinji ona 70%.

Iha eventu rua, eventu ida tomada pose ba ita nia prezidente foun iha dia 19 kalan oras 00:00, depois 20 de Maiu isar bandeira ba loron restaurasaun independensia, nia progresu 70%,” dehan MAE, Dionisio ba jornalista sira iha edifisiu CNE, hafoin remata serimonia lansamentu relatoriu PDHJ nian, Caicoli-Dili, Kinta (20/04/2017).

Deklara Riku Soin Hatudu Transparansia

DILI – Sidadaun neebe deit mak asumi kargu publiku iha rai ida nee, liliu ukun nain sira deklara sira nia riku soin, dala ida atu hatudu transparansia ho ukun moos.

Tuir Peskizador Lao Hamutuk (LH), Juvinal Dias hatete katak, ukun nain sira neebe deit mak asumi kargu publiku presiza deklara riku soin nee hatudu transparansia ukun.

Deklara siku soin ka asset nee, dalan ida atu bele hatudu trasparansia,” dehan Peskizador LH, Juvinal ba jornalista sira iha edifisiu CNE, hafoin remata serimonia lansamentu relatoriu PDHJ nian, Caicoli-Dili, Kinta (20/04/2017).

Justiça indonésia pede dois anos de liberdade condicional para governador por blasfémia

O Ministério Público indonésio pediu hoje dois anos de liberdade condicional para o governador cessante de Jacarta, que está a ser julgado por blasfémia no maior país muçulmano do mundo.

Basuki Tjahaja Purnama, conhecido como "Ahok", é "culpado de ter cometido publicamente um delito", declarou o procurador, Ali Mukartono, sublinhando que o acusado tinha expressado "hostilidade, ódio ou humilhação em relação a parte da população indonésia", na sua maioria (cerca de 90%) muçulmana.

O pedido foi apresentado um dia depois de “Ahok”, oriundo de duas minorias cristã e chinesa, ter sido derrotado nas eleições, vencidas pelo rival muçulmano, apoiado pelos religiosos conservadores.

Austrália endurece requisitos para adquirir cidadania

O Governo da Austrália anunciou hoje o agravamento dos requisitos para a obtenção da cidadania do país, dois dias depois de aumentar as exigências para conceder vistos temporários de trabalho.

 “A cidadania australiana tem de refletir os valores australianos”, disse o primeiro-ministro australiano, Malcolm Turnbull, em conferência de imprensa, realçando que o país, ao contrário de outros, não se define pela etnia, religião ou cultura.

“Definimo-nos pelo nosso compromisso com os valores comuns, os valores políticos, o estado de Direito, a democracia, o respeito mútuo, a igualdade entre homens e mulheres, e o nosso processo de cidadania deve refletir isso”, explicou Turnbull.