MAROMAK HAKUAK HÁ’U NIA MEHI

Loronsa’e, nia mós hader dolar sai hosi toba-fatin ba tuur iha uma tatis be nia kakuluk taka ho duut nia okos. Nia fihir tuir nia maun no bin na’in ne’en (6) be hatais farda no sapatu ba eskola. Nu’udar oan ikun no ema ho defisiénsia, moris ho kondisaun ain rua kiik hanesan ai-kesak, lori nia loron ba loron tuur hakdasak hakuak nia hirus matan hodi hateke ba dook. Bainhira maka nia bele hatais farda hanesan ninia maun-bin no labarik hirak seluk be rame-rame ba eskola, la’o haksoit tutuir dalan iha nia oin, hakilar ho livre, hamnasa reket nehan hanesan loro-matan nia roman halo aifunan dubun sira naklekar ho ksolok.

Dalawa’in nia tuur hamnasa mes-mesak. Dalaruma nia tuur hakruuk fihir ba ninia kondisaun fíziku be la normál, nia senti sai obstáklu ba ninia inan aman no maun bin sira. Ba nia moris ne’e folin la’ek. Tanbasá? Nia aman Paulo Perreira Martins fila hikas ona ba Maromak nia uma. Nia inan faluk Candida Fátima de Araújo sai “aman” hodi kaer serbisu todan, hisik kosar-wen hodi sustenta sira na’in hitu (7). Nia hateke ba nia inan be serbisu la senti kolen, nia hahú haloot ‘mehi’ hakarak sai ema ne’ebé susesu iha futuru be mai.

“Ha’u lakohi atu ha’u nia kondisaun fíziku be la normál ne’e sai todan ida ba ha’u nia família no ha’u inan doben. Dalan di’ak ne’ebé ha’u hili maka ha’u tenki husik ha’u nia família ba buka moris rasik. Hosi Maubisse ha’u muda fali ba Postu Administrativu Turiscai, Suku Beremana, Aldeia Dalubo, hela ho ha’u inan aman hakiak. Iha ne’e maka foti desizaun atu eskola tanba durante tempu okupasaun Indonézia ha’u la eskola. Entaun, iha Timor ukun an ne’e, ha’u hakarak eskola,” dehan Evaristo da Conceição ne’ebé moris iha Maubisse, 21 Outubru 1981, ne’e ba jornalista Matadalan foin lalais ne’e ho neon todan.

Iha momentu ne’ebá, nia ba hasoru Diretór Eskola Primária Nú. 09 Beremana,  Domingus Tilman Espírito Santo, atu tau naran ba eskola. Maibé, mestri haree nia hamnasa sub-subar tanba nia idade boot ona maka eskola hamutuk ho labarik sira ne’e úniku. Maibé, nia koko konvense mestri hodi bele tuur iha banku eskola. Akaba tiha eskola primária, nia hatutan ninia estudu iha Eskola Pré-Sekundária Nú. 01 Kota Laloran iha Postu Administrativu Turiscai no ramata ninia eskola sekundária iha Eskola Tékniku Professionál Same iha tinan 2009.

“Ha’u uluk eskola iha fatin ida ne’ebé maka área rurál tebes. Maibé, ha’u tenki dolar ho liman ho ain hodi luta ba eskola. Até ha’u to’o eskola iha eskola sekundária Same mós, ha’u sei dolar nafatin dei’t ho liman no ain hodi asesu ba eskola,” dehan Evaristo ne’ebé kaben ho Francisca Leto ho oan na’in lima (5) ne’e ho hamnasa midar.

Ba nia, hamansa hasoru obstáklu maka sai xave ba susesu. Biar dolar de’it ho liman no ain, nia hakarak dolar sai hosi área rurál hodi horon anin foun iha Sidade Kapitál Timor-Leste. Ba ida ne’e, nia tenki husik ninia família tomak hodi la’o-rai buka matenek iha Kapitál Díli. Fou-foun, nia dolar ho ain no liman buka matenek iha Universidade Nasionál Timor-Leste (UNTL) atu foti sastra maibé la liu teste. Nia la lakon esperansa. Nia foti desizaun hodi tuir teste iha Institute of Bussines (IOB) no to’o ikus eskola duni iha ne’ebá hodi foti Akuntabilidade.

Ba eskola, nia sempre hetan obstáklu liu-liu kona-ba transporte. Wainhira kada dader-dader nia aranka ba kampus IOB, dalaruma para kareta pasajeirus (mikrolet), kareta lakohi para tanba nia ema ho defisiénsia. Tanba ne’e, agradese ba Maromak, iha loron ida lideransa Fundasaun Klibur foti desizaun hodi bolu nia hela iha kampus no serbisu hanesan ema volontáriu hodi hamatan ba internete ne’ebé estudantes asesu. Tanba nia hadomi serbisu ho pasiénsia, fundasaun fó fiar ba nia sai repórter iha Rádiu Klibur no hala’o mós kna’ar administrasaun nian.

“Durante ha’u serbisu, ha’u nia saláriu sufisiente. Uluk voluntáriu ne’e simu osan fulan $40,00. Pois neineik sa’e ba $70,00. Tanba serbisu badinas demais, ha’u nia saláriu hasa’e to’o $250:00 no hasa’e to’o liu ida ne’e. Ha’u bele dehan katak ha’u nia saláriu bele di’ak liu kolega  dosente sira seluk ne’ebé sei kontinua nafatin serbisu iha IOB. Saláriu sira ne’e, ha’u lori selu fali ha’u nia eskola no osan balun sustenta ha’u nia família tanba iha IOB kada semestre selu $110,00,” nia dehan hodi lamas hirus-matan dala-dala.

Ho esperiénsia hirak ne’e maka nia hetan xamada (bolu) hosi Assosiasaun Defisiénsia Timore-Leste (ADTL) hodi fó apou serbisu iha área teknikál nian liu-liu iha parte Administrasaun no Empowerment ba membru no organisazaun ne’ebé maka serbisu hola parte ba ADTL nian.

“Ha’u kontenti tebes tanba bolu loos ha’u mai iha ha’u nia área rasik, atu hamutuk ho kolega defisiénsia sira seluk no motiva sira oinsá atu la’o ba oin,”  nia hatete.  Evaresto ramata iha Institute of Bussines (IOB), 27 Outubru 2014.

Nia bele hala’o serbisu ho di’ak tanba iha momentu ne’ebá, nia hetan tulun hosi ASERT hodi fó “three sicle” ou hanesan kadeira roda ba nia atu lori. Kadeira roda ne’e maka fó nafatin motivasaun ba nia hodi hala’o ninia serbisu. Nia hetok la lakon esperansa tanba ADTL bele produz  motorizada ida ho modelu roda tolu (3) hodi fasilita nia ba serbisu fatin no fila ba nia uman.

Esperiénsia terus lubuk ida ne’ebé nia hetan durante ne’e sai mestri di’ak ba nia atu fahe matenek ne’ebé nia iha ba ema seluk. Iha ADTL, nia la kolen hodi hakilar ba ninia maluk defisiénsia sira seluk. Ba ninia kolega sira, nia tatoli katak ema ho defisiénsia sira hotu tenki haka’as-án labele moe hodi kompete ho ema ne’ebé la ho defisiénsia. Tenki halakon moe hodi kria espíritu mentalidade ida ne’ebé forte iha ida-idak nia fuan (hanoin) atu nune’e bele la’o ba oin no hamriik firme hanesan ho ema ne’ebé la ho defisiénsia. Túr badak hanesan no hamriik ás hanesan.

“Ha’u ka’er metin ha’u nia professór  primária ida nia liafuan dehan; ‘Ó eskola didi’ak, ó sei di’ak liu fali ami professór sira’. Ba ha’u nia kolega sira katak, ita hotu tenki mehi no hatete ba ita nia án rasik katak Maromak sei hakuak ita nia mehi hotu-hotu. Bermimpilah sebab Tuhan akan memeluk mimpi-mimpimu—Mehi bá tanba Maromak sei hakuak ó nia mehi tomak tanba Maromak hakuak ona ha’u nia mehi iha relaidade moris lor-loron,” Evaristo hatete hodi sita (kutip) liafuan murak iha Novela Sang Pemimpi hosi Andrea Hirata ba ninia maluk ema ho defisiénsia sira iha ADTL. (Julia M. X. da Silva)

Matadalan

Loron Falintil ba dala 40, Ulun Boot Sira Tenke Hatudu Ejemplu Diak

DILI -Timor Leste selebra tan loron historiku Falintil ba dala 40, povu husu ba lider maximu sira atu hamutuk hodi hatudu ejemplo diak ba foin sae sira, atu nunee iha futuru mai jerasaun foun sira bele banati tuir.

Eis veteranus Eduardo da Costa husu ba lider maximu sira hanesan eis primeiru ministru Kay Rala Xanana Gusmao, Mari Alkatiri no sira seluk neebe ukun nasaun nee atu  hatudu ejemplu neebe diak ba jerasaun foun sira, atu nunee sira bele banati tuir iha futuru mai. Maibe sekuandu nai ulun sira nee husik hela hahalok no ejemplu neebe ladiak, nee sei halo joven sira lakon fiar. Tanba buat neebe mak povu Timor sira hakarak iha pasadu la realiza, maske lakon isin no ran fakar ba independensia nee.

Nia hatutan, nudar povu no eis veteranus nia esperansa ba futuru mak nasaun tenke prepara hodi entrega aba joven sira aiha futuru. Preparasauan nee labele ho individual maibe tenke prepara ho kolektivu hodi entrega buat neebe diak ba joven sira para bele konta historia falintil nee ho los iha future mai.

Konflitu neebe mak oras nee mosu entre veteranus sira tenke rejolve tiha antes entrega ba jovem sira. Sekuandu entrega los deit, aban bainrua sei sai at liu. Tanba ida nee laos kulpa ba joven sira,” tenik nia.

Nia konta hikas fali akontesimentu iha Aileu, iha 20 Agostu 1975 neebe momentu nee nia mos hanesan  forsa iha neeba katak, malae kapitaun ida naran Horta iha loraik tuku 6. Momentu nee saudoza Roasa Muky Bonaparte ho nia kolega nain 4 prende tiha malae nee. Nunee kapitaun nee hakilar hodi dehan Jose da Silva mak toma konta iha kompania CI Aileu nian. I tempu nee nia ho nia kolega balun halai tiha ba ailaran.

Iha parte seluk veterana Fransisca Soares hatete, Timor Leste selebra loron falintil ba dala 40 husu ba maluk veteranu sira atu hamutuk hodi desenvolve nasaun doben nee. Nai ulun sira labele rai odio problema pasadu too fali ohin loron, maibe hamutuk desenvolve nasauna foun nee hodi haluha tiha problema pasadu. Informasaun kompletu iha STL Jornal no STL Web, edisaun Kuarta (19/8/2015). Domaingas Gomes

Suara Timor Lorosae

Mari Alkatiri: “Falintil Mosu Iha 17 Agostu Laos 15 Agostu”

AILEU – Naran Forsa Armada Libertasaun Nasional Timor Leste (FALINTIL) mosu iha loron 17 Agostu 1975, laos mosu iha loron 15 Agostu.

Deklarasaun nee fo sai hosi Fundador FALINTIL, Mari Alkatiri, iha ninia deskursu wainhira partisipa iha serimonia komemorasaun loron FALINTIL nian ba dala 40, iha Municipiu Aileu Sigunda (17/08).

20 de Agostu 1975 sai loron FALINTIL nian maibe 17 de Agostu iha kuartel Aileu maka naran FALINTIL nee moris laos 15 de Agostu tanba 15 de Agostu loron proklamasaun insuresaun jeral armada no 17 de Agostu maka ami tur iha kuartel laran hodi hanoin forsa nia naran se saida los agora 20 de Agostu sai loron FALINTIL nian tanba hosi 20 de Agostu ba oin mak it abele dehan Timor oan sira hotu iha forsa armada portugues hakuak FALINTIL sai hanesan sira nia organijasuan no hakuak FRETILIN sai hanesan sira nia lideransa rasik,” hatete Alkatiri.

Fundador FALINTIL nee hatutan wainhira revolusaun dos cravus akontese iha Portugal, Timor oan hotu hahu buka dalan atu lao mesak hodi bele hetan nia identidade rasik, hodi proklama ninia Indenpendensia maibe wainhira sira hahu prosesu ida nee iha ona moto ida katak “Mate Ka Moris Ukun Rasik An”.

Iha fatin hanesan Fundador FALINTIL, Rogerio Tiago Lobato, mos hatete loron 20 Agostu loron ida neebe mak importante tebes, tanba iha loron ida nee maka forsa politik iha Timor laran monu ba Fretilin nia liman. Informasaun kompletu iha STL Jornal no STL Web, edisaun Kuarta (19/8/2015). Thomas Sanches/Joao Anibal

Suara Timor Lorosae

Veteranu Lafiar Lei - Estadu Demokratiku, Nega Heroi Nia Luta

DILI - Veteranu sira nebe mak lafiar lei no estadu demokratiku veteran hirak nee komesa nega ona luta heroi sira nian ba libertasaun nasional, tamba veteranu sira mak halo funu hodi liberta Timor Leste ba ukun rasik aan.

Tuir Deputadu Bankada CNRT Cesar Valente katak dalaruma veteranu sira mak konsidera lei nebe iha lavale, lolos veteranu sira harik hodi koalia sidadaun nebe deit mak viola lei no estadu demoktratiku tenki komete ba iha justisa.

Estadu nee veteranu sira mak harii tan nee estadu hamrik metin veteranu sira mak tenki koalia ema nebe kontra estadu nega heroi sira nebe mate hodi luta ba ukun rasik aan, ida mak ita bele kuda nasaun metin,” dehan Cesar ba STL Kuarta (18/08/2015) iha Parlamentu Nasional.

Nia hatete veteranu sira nebe mak koinese malu la fo liman ba malu satan jerasaun foun, tan nee veteranu sira hatudu liman ona ba malu se mak atu responsabiliza hodi esplika ba povu asuntu sira nebe lalos.

Iha fatin hanesan deputadu Bankada Frente Mudansa Jorge Teme hatete foin tinan 13 Timor Leste hetan Independensia atravesa ona konflitu lubuk ida, maibe nee hanesan viazen ida nebe Timor Leste hakat liu. Informasaun kompletu iha STL Jornal no STL Web, edisaun Kuarta (19/8/2015). Timotio Gusmao/Carme Ximenes

Suara Timor Lorosae

Produsaun Modo iha Eskola Tekniku Profisional Dotik Estraga Deit

Reportajen: Agosto da Costa

ALAS: Modo iha Eskola Tekniku Profisional (ETP) Dotik, Postu Administrativu Alas, Munisípiu Manufahi, estraga deit tamba modo tuan ho dodok estraga deit, tanba laiha ema atu sosa. Hateten Estudante Estasiadu ETP Dotik Santos Miranda ba STL iha ETP Dotik, Sesta (14/8/2015).

Tuir Santos, katak sira kuda modo oin-oin hanesan modo mutin, fore sikoti, repolio no modo sira seluk. Maibé ema atu sosa laiha tanba ema barak mak kuda modo nune’e mós Eskola Tekniku Profisional laiha kareta atu tula produtu hirak ne’e ba merkado hodi fa’an.

Prekupasaun hirak ne’e Estudante Eskola Tekniku Profisional Dotik ne’e husu ba Governu liu husi Ministeriu Comersiu Industria no Ambiente (MCIA) oinsa kria Koperasi Unit Desa (KUD) hanesan uluk governu Indonesia nian.

Iha biban ne’e STL nota katak modo iha Eskola Teknika Profisional Dotik ne’e barak mak sai tuan no dodok, tanba modo sira dodok husi merkadu Munisípiu Manufahi merkadu Dotik.

Maibé ema barak mak lori modo ba fa’an, nune’e Eskola Tekniku Profisional nia modo ema la sosa nune’e modo sira ne’e barak mak sai tuan no dodok estraga deit.     

Jornál Suara Timor Lorosae, loron Tersa, 18 Agostu 2015 - Foto: Ilustrasaun

PAIGC hatudu hikas Simões Pereira atu sai primeiru-ministru gineoan

PAIGC hatudu hikas ba Prezidente Repúblika Giné-Bisau nian Domingos Simões Pereira nia naran atu sai primeiru-ministru, loron hat hafoin xefe Estadu hatun nia.

Tuku 14:30 bainhira ofisiál servisu sekretariadu partidu aprezenta iha sekretaria-jerál Prezidénsia nian ho karta hosi Partido Africano da Independência da Guiné e Cabo Verde (PAIGC), hatete ba Lusa fonte hosi forsa polítika ne’e.

"Formalmente partidu hatudu ona nia desizaun ba señor Prezidente", hatutan.

Karta ne’e refere katak "tuir númeru 1 hosi artigu 40.º estatutu PAIGC nian, prezidente partidu maka ulun hosi lista ba eleisaun lejislativa no, karik manán, nia maka sai hanesan kandidatu ba primeiru-ministru, xefe Governu", nia refere.

Prezidente Repúblika, José Mário Vaz, iha loron-kuarta ne’e hatun Governu ne’ebé lidera hosi Domingos Simões Pereira, maski iha apelu hosi rai-laran no liur atu nia la halo ida ne’e.

Ezekutivu hala’o funsaun iha tinan ida ona, hafoin PAIGC manán eleisaun ho maioria absoluta no simu mosaun konfiansa rua ne’ebé aprova ho unanimidade iha Parlamentu - aleinde hetan apoiu hosi komunidade internasionál.

Hafoin demisaun no iha termu Konstituisaun, Vaz husu ba PAIGC hanesan partidu manán-na’in iha eleisaun ikus atu hatudu ema ida ba primeiru-ministru.

SAPO TL ho Lusa

PM gineoan demitidu hatete katak "la iha ema ida maka bele hapara vontade povu nian"

Primeiru-ministru demitidu Giné-Bisau nian, Domingos Simões Pereira, afirma iha komísiu populár apoiu ba nia Governu, ne’ebé hapara hosi Prezidente Repúblika, katak "la iha ema ida maka bele hapara vontade povu nian".

Ko’alia iha ema rihun nia oin, Domingos Simões Pereira hatete katak líder sira nasaun nian tenke rona povu ko’alia tanba poder iha povu nia liman.

"La iha ema ida bele hapara vontade povu nian. Poder pretense ba povu. Espresa vontade ne’e no ita iha obrigasaun atu tuir vontade povu nian", destaka dirijente gineoan, prezidente PAIGC nian.

Espresa iha krioulu molok ko’alia ba jornalista sira, Domingos Simões Pereira hatete katak " moldura umana" ne’ebé hamutuk iha Praça dos Heróis Nacionais, "maski iha udan okos" ne’e hanesan sinál  "konfiansa iha asaun Governu nian", maibé, demitidu.

"Obrigadu ba imi-nia apoiu. Imi-nia jestu ne’e bele selu de’itr ho dezenvolvimentu ne’ebé ha’u promote ba imi. La iha ema ida bele hapara ida ne’e", destaka Simões Pereira.

Dirijente barak hosi Partido Africano da Independência da Guiné e Cabo Verde (PAIGC) foti sa’e determinasaun katak ema "bele husik Praça dos Heróis Nacionais iha loron ne’ebé Prezidente (José Mário Vaz) fila ba kotuk ho nia desizaun".

"Ami  bele sai hosi ne’e no fila hodi hala’o ami-nia atividade iha loron ne’ebé Prezidente anunsia dekretu foun hodi konfirma Domingos Simões Pereira hanesan ami-nia lejítimu primeiru-ministru", tenik Botche Candé, antigu ministru Interiór.

Ho seguransa hosi polísia sanulu resin ne’ebé hein odamatan prinsipál atu tama ba Palásiu Prezidensiál, komísiu ne’e hala’o sein insidente ruma.

Hafoin dirijente sira PAIGC nian sai hosi palku, animasaun tuir fali ho atuasaun múziku gineoan.

Prezidente Repúblika, José Mário Vaz, hatun Governu ne’ebé lidera hosi Domingos Simões Pereira, maski iha apelu hosi rai-laran no liur atu nia la halo ida ne’e.

Ezekutivu hala’o funsaun iha tinan ida ona, hafoin PAIGC manán eleisaun ho maioria absoluta no simu mosaun konfiansa rua ne’ebé aprova ho unanimidade iha Parlamentu - aleinde hetan apoiu hosi komunidade internasionál.

Hafoin demisaun no iha termu Konstituisaun, Vaz husu ba PAIGC hanesan partidu manán-na’in iha eleisaun ikus atu hatudu ema ida ba primeiru-ministru no horisehik forsa polítika ne’e propoin hikas Simões Pereira.

SAPO TL ho Lusa

Bomba ne’ebé nakfera iha Bangkok hamate ema 19 no hakanek 120

Bomba ida ne’ebé nakfera iha santuáriu indu nian ida ida iha sentru Bangkok, Tailándia hamate ona ema 19 no ida ne’ebé kanek hamutuk 120, dehan polísia tailandeza ne’ebé iha inisiu fó sai katak ema 10 de’it maka mate. 

Hosi hirak ne’ebé mate, inklui mós tailandes-oan 10, xinés ida nomós Filipina-oan ida, esplika polísia. Atake ne’ebé akontese iha artéria importante hosi sentru sidade, hakanek ona ema 123.

Bomba ne’e nakfera iha tuku 18:30 oras lokál, bainhira santuáriu Erawan hetan vizita hosi turista nomós devotu sira.

Tuir portavós polísia, Prawut Thavornsiri, atake ne’e hala’o tanba iha razaun polítika hodi kria “konflitu” iha nasaun ne’ebé ukun hosi junta milit’ar nian ida durante fulan 15 ona.

Portavós governu nian ida dehan katak sei sedu liu atu buka hatene ema see maka apoia atake refere.

Desde maiu 2014, Tailándia ne’ebé governa hosi junta militár nian ida no ne’ebeé asumia ona poder hafoin fulan barak ninia laran akontese protestu maka’as kontra eis-governu eleitu.

Nasaun ne’e, monarkia ida, kontinua ho problema no fahe malu, durante dékada ida hafoin mosu turbulénsia polítika ne’ebé inklui mós golpe Estadu rua.

Eis-primeiru ministru ne’ebé manan iha eleisaun hothotu desde 2001 ho ninia família tenke ba dook, atu nune’e bele halai hosi represaun no ódio hosi elite tailandeza, inklui Bangkok.

SAPO TL ho Lusa 

Koreia Sul ho EUA hahú hala’o ezersísiu militár maski hetan ameasa hosi Pyongyang

Tropa sul-koreana ho norte-amerikana rihun resin maka ohin hahú hala’o ezersísiu militár atu nune’e bele hatan ba eskala bot hosi atake Koreia Norte, nasaun ne’ebé kondena ona ezersísiu konjuntu, no klasifika nu’udar “deklarasaun funu” ida.

Ezersísiu anuál 'Ulchi Freedom', ne’ebé Ministériu Defeza dehan sei ho durasaun to’o 28-agostu, maioritariamente simulada iha komputadór, maski nune’e envolve hosi soldadu sul-koranu 50.000 no hosi norte-maerikanu 3.000.

Hala’o ezersísiu ne’e hodi hatan ba invazaun ho eskala bot hosi Koreia Norte, maibé Seul ho Washinton hatutan katak iha natureza ne’ebé pramente defensiva.

SAPO TL ho Visão 

Ema sira ne’ebé sa’e tuir aviaun indonézia no ne’ebé monu iha findesemana ne’e laiha ida maka moris

Hetan ona mate-isin hosi ema 54 ne’ebé sa’e tuir aviaun indonézia Trigana Air, ne’ebé monu iha provínsia Papua, findesemana ne’e. 

“Laiha ema ida maka moris. Hetan hotu ona mate-isin hosi ema 54 ne’e”, dehan portavós hosi Ministériu Transporte, J.A Barrata, ba AFP.

Aviaun ne’e lakon kontaktu ho torre kontrolu iha domingu, minutu 34 hafoin sai hosi Jayapura, kapitál Papua no minutu sanulu molok to’o iha Oksibili, sentru illa refere.

Aviaun ne’e tula ema 44, labarik lima no membru tripulasaun lima, iha voo ne’ebé tuir lolos ho de’it minutu 45 no atu nune’e bele tuun iha tuku 15:00 oras lokál.

Trigana Air hanesan kompañia kiik ne’ebé kria iha tinan 1991, hodi hala’o voo doméstiku ba iha fatin 40 ne’ebé besik iha Indonézia-laran.

Sempre uza aviaun kiik hodi tula ema ba iha zona foho Papua nian no iha tinan ikus ne’e akontese beibeik asidente tamba tempu ladi’ak.

SAPO TL ho Lusa 

Organizasaun alerta katak kompañia ne’e tama iha “lista metan” UE nian

Federasaun Internasionál hosi Vítima Asidente Aéreo no Família (FIVAAF) ohin hato’o sentidu kondolénsia ba família vítima hosi asidente aviaun Indonézia nian ne’ebé monu no halo alerta katak tama ona iha “lista metan” UE desde 2007.

Federasaun ne’e haktuir katak Trigana Air, empreza hosi aviaun ne’ebé monu iha provínsia Papua, domingu foin daudaun hamutuk ho ema 54, “bandu atu tama iha aéreo europeu nian, tanba kestaun seguransa ka ambientál”.

Autoridade aviasaun sivil indonézia tenke buka hatene kauza hosi “asidete grave 14 hosi kompañia ne’e desde hahú halo operasaun iha 1991”, hatutan iha komunikadu.

FIVAAF dehan katak sei husu liu hosi sira-ninia reprezentante iha Organizasaun Aviasaun Sivil, ba Governu Indonézia atu apoia família vítima “ho dignidade no kuidadu”.

Aviaun rekoñesimentu rua ohin deteta ona destrosu hosi aparellu, modelu ATR 42 hosi Trigana Air, besik katarata Oksop, zona foho Bintang nian ne’ebé ho sentru administrativu maka Oksibil, fó sai ajénsia Antara.

Aviaun ne’e lakon kontaktu ho torre kontrolu iha domingu, minutu 34 hafoin sai hosi Jayapura, kapitál Papua no minutu sanulu molok to’o iha Oksibili, sentru illa refere.

Aviaun ne’e tula ema 44, labarik lima no membru tripulasaun lima, iha voo ho minutu 45.

SAPO TL ho Lusa 

PNTL Esquadra Alas Falta Ekipamentus

Reportajen: Augosto da Costa

ALAS - Polísia Nasíonal Timor-Leste (PNTL) Esquadra Postu Administrativu Alas, Munisípiu Manufahi to’o agora sei falta ekipamentus, nune’e difikulta tebes serbisu. Ekipamentus hanesan transporte Kareta, Motorizada, Radio kontaktu laiha nune’e, susar sira atu halo kontrolu ba area ne’ebé mak iha Postu Alas. Tanba area Postu Alas luan teb-tebes porvolta 46,69 kilo metru nune’e difikulta tebes atu halo kontrolu Suku no Aldeia ne’ebé mak iha Postu Alas. Hateten Komandante PNTL Esquadra Postu Administrativu Alas Francisco L. Alberto ba STL iha Centru Komunitariu Besus Alas, Sesta (14/8/2015).

Francisco, esplika liutan katak tuir los Komandu la fó autoriza ami atu fo informasaun maibé ita boot sira to’o ona mai haree rasik, tanba area Postu Alas luan 46,69 kilo metru. Komandante PNTL Postu Alas ne’e salenta liutan katak prekupasaun hirak ne’e sira hato’o dala barak ona, tanba foin dadauk Parlamentu Nasional (PN) Komisaun F no Komisaun E mai to’o ne’e sira informa tiha ona maibé situasaun mak hanesan ne’e. Nia salenta liutan katak ba oin prezisa Komandu Jeral ou Ministeriu Interior fó importansia, tanba sira nia area ne’e luan tebe-tebes ne’e duni duni susar ba sira atu halo kontrola ba Suku no Aldeia ne’ebé mak iha Suku lima (5), Postu Administrativu Alas.

Antes ne’e, tuir Membru Parlamentu Nasional, Komisaun F Leonel Marçal katak, PNTL iha Postu Administrativu Alas laiha ekipamentus, hanesan transporte kareta, motorizada, radio komunikasaun no hela fatin laiha, ida ne’e impedementu bo’ot ba polísia sira atu hala’o sira nia knar ho diak.

Prekupasaun hirak ne’e Membru PN ne’e husu ba Sekretariu Estadu Asuntu Parlamentar Teresinha Maria Viegas atu hato’o ba Komandu Jeral no Ministeriu Interior oinsa atu fó importansia ba preokupasaun ne’e. Tanba tinan-tinan PN aprova orsamentu aloka ba PNTL, maibé to’o agora ekipamentus ba PNTL laiha.

Nune’e mós Membru PN Komisaun B Adriano João hateten, ba fatin PNTL sira nia preokupasaun hanesan sira nia falta ekipamentus transporte, radio komunikasaun. Ida ne’e, ba oin perzisa Komandu Jerál PNTL no Ministeriu Interior fó atensaun, tanba PNTL sira ne’e siguransa nasaun RDTL nian.    

Suara Timor Lorosae, loron Tersa, 18 Agostu 2015 – Foto: Logo PNTL

Joven 4 Autór ba Akontesementu Domingu Kalan iha Laga

Komandante Polísia Eskuadra Laga, Duarte Ximenes Belo hatete katak iha Segunda (17/08/2015) dader, veteranu Andre Belo “L4” mai hasoru ona nia iha edifísiu Polísia Eskuadra Laga kona-ba akontesementu iha Domingu kalan. Nia haktuir, L4 rekoñese katak joven balun ne’ebé akompaña mate isin eis Gerileiru Mauk Moruk maka halo provokasoens.

“Sira na’in haat (4) ne’e ida maka ita nia aman Cornélio Gama “L7” nia oan rasik. Tanba ida ne’e maka ha’u konfirma ona ba Komandu Polísia Munisípiu Baucau. Depois de hakoi eis Komandante Mauk Moruk nia isin mate, ami sei bolu sira na’in haat ne’e para bele submete ba prosesu investigasaun,” Duarte dehan ba Jornál Matadalan via telefone, Segunda (17/08) tuku 22:00 Otl.

Nia klarifika katak Task Force, Polísia Tránzitu no Polísia Militár halo passarevista iha Suku Mulia (área Laga) la’os atu impende família matebian viajen ba Baucau Vila ka Díli maibé halo identifikasaun ba autór balun ne’ebé maka iha Domingu (16/08) kalan estraga kareta Komandante  Polísia Eskuadra Laga, edifísiu Polísia Eskuadra no kareta Polísia Militár nian rua.

“Dehan katak proibi ema sira ne’ebé akompaña mate isin labele ba Díli ne’e ha’u senti la’os hanesan ne’e,” Komandante Polísia Laga haktuir hodi responde informasaun ne’ebé sírkula iha públiku katak Polísia no Polísia Militár impede família matebian Mauk Moruk labele ba Díli tanba relasiona ho akontesementu iha Domingu kalan.

Duarte afirma katak passarevista ne’e retira ona tanba identifika ona autór sira ne’ebé maka halo problema iha Domingu kalan. Tuir nia katak autór hirak ne’e sei submete ba kazu krime tanba estraga sasán estadu ka instalasaun estadu.

Komandante Polísia Eskuadra haklaken katak situasaun iha Postu Administrativu Laga, Munisípiu Baucau, iha Segunda ne’e la’o kontroladu hela. Nia aviza ba joven sira atu túr hakmatek tanba bainhira halo problema polísia sei atua tuir lei no órden. (Ekipa Matadalan)

Matadalan

L7: “Lalika Vota ba Sira iha 2017”

Eis Komandante Gerileiru, Cornélio Gama “L7” husu ba populasaun sira atu iha tinan 2017 lalika vota ba nai ulun sira ne’ebé maka halo violasaun direitus umanus iha Timor-Leste.

“Lalika vota ba sira. Tanba sira oho povu no sira nia parseiru rasik. Mauk Moruk hanesan Xanana, Lere, Taur no Lu-Olo nia parseiru,” L7 informa ba jornalista sira liu-hosi konferénsia ba imprensa iha Metiaut, Díli, Domingu (16/08/2015), molok lori Mauk Moruk ho nia membru nia isin mate ba Postu Administrativu Laga, Munisípiu Baucau.

Nia realsa katak labele lori povu nia oan hanesan membru FALINTIL-Forsa Defeza Timor-Leste ( F-FDTL) no Polísia Nasionál Timor-Leste (PNTL) hodi soran ba nia maun veteranu sira seluk. Sé soran, nia dehan, ita nia ulun sei halai.

L7 la satisfas ho osan miloins 2 ne’ebé estadu gasta. Nia dehan katak lori osan povu nian hodi oho fali povu rasik. Nia husu tenki muda sistema ukun tanba ukun la loos.

Iha biban ne’e, Eis Komandante Rejiaun 3 esklarese katak Dr. José Ramos Horta hanesan premiadu Nobel da Páz de’it la konsege ukun no rezolve problema iha nasaun laran, sé tan maka atu ukun nasaun. (Anibal)

Matadalan

Kareta PM no Edifísiu Polísia Rahun iha Laga, L7 Rejeita

Kareta Polísia Militár (PM) nian rua inklui kareta Komandante Polísia Eskuadra Laga hetan tuda iha Postu Administrativu Laga Vila, Munisíspiu Baucau, Domingu (16/08/2015) tuku 19:15 Otl. Kareta tolu ne’e hetan tuda bainhira akompaña mate isin eis gerileiru Mauk Moruk ho nia membru na’in tolu. Maske nune’e, la rezulta ema ruma kanek.

Tuir informasaun ne’ebé fó sai hosi Komandante Polísia Eskuadra Laga, Duarte Belo Ximenes ba Jornál Matadalan via telefone iha Domingu kalan tuku 21:00 katak sira deskonfia asaun tuda ne’e mai hosi joven balun ne’ebé akompaña eis gerileiru ne’e nia mate isin.

“Iha Suku Tequinomata, ema balun ne’ebé akompaña mate isin ne’e sai provokatór ba situasaun ida ne’e depois hakilar no sira tuda uluk ha’u. Ha’u senti ladun kontenti tanba ha’u bolu nia (oknum) dala hira maibé nia la interese no sira halai ba mai tuda ha’u,” nia haktuir.

Nia informa katak nia la hetan kanek maibé sira tuda kareta ninia odamatan no espellu liman loos nian rahun hotu. Tanba ida ne’e, nia konsege salva án hodi lori kareta halai tama iha Polísia Eskuadra laran. Iha biban ne’e, Duarte informa katak tuda mós kareta PM nian rua rahun hotu.

“Polísia Militár ne’e ohin akompaña mate isin hosi Díli. Teki-teki to’o iha Laga, hetan akontese ida hanesan ne’e,” nia dehan.

Nia hatutan katak nia simu órden hosi komandu, tan ne’e polísia tantu forsa miliár destaka fila fali mai iha Polísia Eskuadra Laga no iha Baucau Vila hodi akompaña situasaun. Maibé, Belo hatete, oras ne’e, situasaun la’o di’ak hela.

“Ha’u simu órden hosi ha’u nia komandu hodi retira seguransa hosi mate uma para labele hamosu fali problema seluk,” nia tenik.

Belo esklarese, iha akontesementu ne’e mós konsege harahun janela no odamatan Polísia Eskuadra Laga. Komandante Polísia Laga informa katak sira labele responde asaun ne’e tanba iha hela situasaun ida ne’ebé lori eis komandante FALINTIL ninia isin mate.

“Tanba saida maka ha’u nia primu João bele halo hanesan ne’e. Kuandu nia la satisfeitu ho situasaun ne’ebé maka iha (komandante Mauk nia mate), ita tenki tuir lei ka prosesu. Ha’u konsidera katak nia (João) sai provokatór. Nia maka organiza ninia maluk sira ne’e la’o ain hosi Tequinomata mai to’o iha Laga Vila hodi rezulta akontesementu ne’e,” Duarte haklaken.

Nia sei hato’o relatóriu ba Komandante Polísia Nasionál Timor-Leste hodi haree ba provokatór situasaun iha Laga.

Kona-ba Polísia Militár, Komandante Duarte informa katak Komandu Jerál F-FDTL fó ona órden ba membru Polísia Militár ne’ebé akompaña mate isin atu destaka hikas fali ba iha Baucau Vila.

Entretantu, Eis Komandante Gerileiru, Cornélio Gama “L7” ba Jornál Matadalan via telefone iha tuku 19:50 Otl rejeita joven sira ne’ebé akompaña mate isin tuda polísia no polísia militár. Nia dehan katak laiha akontesementu tuda polísia no polísia militár iha Laga inklui estraga Polísia Eskuadra Laga nia edifísiu.

“Buat ida rumoris ne’e maka atu estraga situasaun. Buat ida la akontese iha Laga. Purtantu, ne’e lia bosok ida,” L7 informa.

Tuir informasaun ne’ebé Matadalan simu hosi fonte kredível iha Laga katak Postu Administrasaun Laga mós hetan tuda hosi ema balun. Bainhira konfirma assuntu ne’e ba Administradór Postu Administrativu Laga, Francisco C. Belo, Domingu kalan, nia hatán katak momentu problema ne’e akontese nia iha ona ninia uma. Tanba ne’e, nia la hatene saida-saida maka rahun. Oras ne’e, nia ho nia família evuka tiha ona ba fatin seguru.

Entretantu, Komandante Polísia Eskuadra Laga hatán, nia simu informasaun katak edifísiu Postu Administrasaun Laga ne’e rahun duni maibé nia rasik seidauk haree ho matan.

Hosi Tutugua, fatin ne’ebé mate isin hatoba ba ka rezidénsia komandante L7, fonte kredível ida ba Matadalan haktuir katak  ema balun mós tuda fatuk dala tolu ba uma ne’ebé mate isin hatoba ba. Nia dehan katak ema deskoñesidu ne’e halai lakon ona no sira buka tuir mós la hetan sira nia paradeiru.

Mate isin komandante Mauk Moruk to’o iha Tutugua iha tuku 19:47 Otl. Tuir loloos to’o sedu maibé demora tuir dalan tanba família no kompatriota sira kari aifunan ba mate isin no fó sira nia orasaun ka minutu ida silénsiu.

Relasiona ho akontesementu iha Laga, Komandante Polísia Munisípiu Baucau, Superintendenti Justino Meneses bainhira Matadalan konfirma via telefone iha Domingu kalan tuku 19:30 Otl, maibé nia lakohi fó komentáriu no taka ninia telefone emidiatamente. (Ekipa Matadalan)

Matadalan

Trigana Air: Organização alerta que companhia estava em "lista negra" da UE

A Federação Internacional de Vítimas de Acidentes Aéreos e Famílias (FIVAAF) enviou hoje condolências aos familiares das vítimas do acidente aéreo na Indonésia e alertou que a UE tem a transportadora numa "lista negra" desde 2007.

A federação advertiu que a Trigana Air, empresa do avião que se despenhou, no domingo, com 54 pessoas a bordo na província de Papua, "está proíbida de entrar em espaço aéreo europeu, por questões de segurança ou ambientais".

As autoridades de aviação civil indonésias devem averiguar as causas dos "14 acidentes graves desta companhia desde que começou a operar em 1991", acrescenta em comunicado.

A FIVAAF afirmou que vai pedir, através do seu representante na Organização Internacional de Aviação Civil, ao governo indonésio que apoie as famílias das vítimas "com dignidade e cuidado".

Dois aviões de reconhecimento detetaram hoje os destroços do aparelho, um modelo ATR 42 da Trigana Air, perto da catarata Oksop, na zona das montanhas de Bintang, cujo centro administrativo é Oksibil, segundo a agência Antara.

O avião perdeu contacto com a torre de controlo no domingo, 34 minutos depois de partir de Jayapura, capital da província de Papua, e dez minutos antes de chegar ao destino, Oksibil, no centro da ilha.

O avião transportava 44 adultos, cinco crianças e cinco membros da tripulação, num voo de 45 minutos.

Notícias Ao Minuto com Lusa

Ataque que fez 27 mortos em Banguecoque visou prejudicar turismo

O atentado à bomba que hoje matou pelo menos 27 pessoas em Banguecoque visava "atingir estrangeiros e prejudicar a economia e o turismo", afirmou o ministro da Defesa tailandês, Prawit Wongsuwong.

"Foi uma bomba de TNT, as pessoas que o fizeram queriam atingir estrangeiros e prejudicar o turismo e a economia", disse o ministro.

Pelo menos 27 pessoas morreram no ataque, segundo um novo balanço da polícia.

Um primeiro balanço dava conta de 10 mortos.

A bomba explodiu no interior de um templo no centro de Banguecoque.

Partes de corpos, vidros partidos e destroços de motas encontravam-se espalhados pela rua após a explosão, ocorrida às 19:00 horas locais (12:00 horas de Lisboa) no Templo de Erawan, no bairro de Chidlom da capital tailandesa.

"Posso confirmar que foi uma bomba, mas ainda não posso dizer de que tipo, estamos a confirmar", declarou à agência France Presse o porta-voz da polícia tailandesa, Prawut Thavornsiri.

O templo de Erawan, dedicado à divindade hindu Brahma, é bastante popular, sendo inclusivamente visitado por milhares de devotos budistas diariamente.

O edifício situa-se na principal rua da zona comercial da cidade, e é rodeado por três centros comerciais de grandes dimensões, além de hotéis de cadeias ocidentais.

Notícias Ao Minuto com Lusa

Bangladesh: Condenados responsáveis por xarope adulterado que matou crianças

Um tribunal no Bangladesh condenou hoje a 10 anos de prisão seis responsáveis de uma empresa farmacêutica que desenvolveu um xarope de paracetamol tóxico que matou, segundo fontes médicas, centenas de crianças na década de 1990.

Entre os acusados está Shahjahan Sarker, o diretor da então farmacêutica BCI Bangladesh, empresa que foi entretanto encerrada, e outros cinco diretores e gerentes da companhia.

"Receberam a punição por terem adulterado um xarope de paracetamol usado por bebés", afirmou o procurador do Ministério Público, Nadim Miah, em declarações à agência francesa AFP, sobre a deliberação do tribunal de Daca.

Apenas Shahjahan Sarker será enviado para a prisão, uma vez que os restantes réus do processo estão em fuga desde 2009, altura em que foram formalmente acusados de adulterar o medicamento com dietilenoglicol (Diethylene Glycol), frequentemente usado na indústria de artigos de pele.

O solvente tóxico foi usado como uma alternativa ao propilenoglicol (Propylene Glycol), um composto químico seguro e 10 vezes mais caro.

Após a administração do xarope, as crianças começavam a manifestar sintomas de insuficiência renal.

Os primeiros casos de utilização deste produto tóxico foram divulgados na década de 1990. Na altura, a comunidade médica local denunciou a morte de centenas de crianças, forçando a uma maior fiscalização governamental da indústria farmacêutica.

Mas, em 2009, foram registadas novas mortes infantis e o componente tóxico foi novamente detetado num xarope de paracetamol.

Cinco empresas farmacêuticas foram inicialmente implicadas neste escândalo.

Três funcionários de outra farmacêutica, Adflame Pharmaceutical, foram condenados a penas de prisão em 2014. O processo judicial relacionado com os responsáveis da BCI Bangladesh arrastou-se durante vários anos.

Segundo o nefrologista pediatra local, Mohammed Hanif, a adulteração de medicamentos infantis com este componente tóxico poderá ter começado na década de 1980.

Em declarações à AFP, o nefrologista afirmou que os hospitais no Bangladesh começaram a receber casos de crianças com insuficiência renal em finais de 1982. Mas, de acordo com o especialista, foram precisos 10 anos para estabelecer a ligação entre as mortes destas crianças e a utilização indevida de dietilenoglicol.

Num artigo publicado no reconhecido British Medical Journal, Mohammed Hanif chegou a denunciar a possibilidade do componente tóxico ter matado vários milhares de crianças no Bangladesh.

Noticias Ao Minuto com Lusa

Nicolao Mate, Xanana Hatutan Funu, Alkatiri: “Foin Sae Tenke Banati Tuir Jerasaun Tuan”

AILEU – Falintil barak mak mate iha funu nia laran hodi liberta rai ida nee tanba nee iha Failintil barak mak mate inklui Komandante Falintil Nicolao Loobato, depois Nicolao mate, Xanana Gusmao inklui sira seluk kontinua hatutan funu too ukun rasik an.

Deklarasaun nee fo sai hosi Fundador Falintil, Mari Alkatiri, liu hosi deskursu wainhira partisipa iha serimonia komemorasaun loron Falintil ba tinan 40, neebe mak halao iha Municipiu Aileu Segunda (17/08).

Failintil sira luta iha tinan 24 nia laran atu hetan Vitoria tanba Nicolao Lobato mos mate maibe luta la para maske baje de apoiu rahun no 90% lideransa komite sentral nian mate no ema kaptura maibe funu la hotu tanba iha tempo neeba iha membru komite sentral sobrevinentu baje ida iha foho hanesan ida mak Xanana Gusmao, rua Mauhunu no tolu Sahe reorganija fali luta nee tanba nee ita bele dehan heroi ida mate seluk okupa fali nia fatin,” hatete Alkatiri.

Fundador Falintil nee mos hatutan tan katak Falintil barak mak fo an ba mate atu liberta nasaun no povu ida nee tanba nee, husu ba jerasaun foin sae sira atu banati tuir saida mak jerasaun tuan sira halo ona ba nasaun ida nee hodi luta tan dala ida liu-liu ba dezenvolvimentu hodi hasai povu hosi kiak no mukit nia laran atu bele hetan moris diak.

Iha Fatin hanesan Eis Falentil Rogero Tiago Lobato hateten iha dia 20 Agostu ida nee loron neebe mak inportante, tanba iha momentu neeba forsa Timor oan sira nee iha injersisiu portgues atu kontrola Kapital timor nian neebe mak sai hanesan sentru politiku timor nian. Informasaun kompletu iha STL jornal no STL Web, edisaun Tersa (18/8/2015). Thomas Sanches/Joao Anibal

Suara Timor Lorosae

Deputadu Jose da Silva Fila Hikas Ba Aman Maromak Kadunan Santo

DILI - Membru Parlamentu Nasional (PN) husi bankada CNRT deputadu Jose da Silva, fila hikas ba aman maromak nia kadunan santo, iha ospital Jakarta.

Vise Sekertariu Jeral Partidu CNRT, Duarte Nunes hatete, Semana liu ba sira ba halo vizita ba Indonesia, husi partidu nee sira nain 4 maka ba deputadu Pedro da Costa, deputadu Ancelmo, deputada Albina Marsal, neebe horkalan Albina mak fo hatene dehan sira akompania ba to ospital lakonsege salva, tamba sira too ospital tarde, neebe lakonsege salva.

Situasaun maka nee horkalan fo hatene kedas ba ita nia Presidente Parlamentu, Presidente Parlamentu Nasional kolia kedas ho Primeiru Ministru, neebe organija tia Embaixada ba to kedas iha neeba, sira trata hotu tia ona orsida lokraik husi Jakarta mai Bali, planu nee aban mak to iha nee,” dehan deputadu Duarte Nunes ba STL, iha Sede Partidu CNRT, Dili, Segunda (17/08/2015).

Iha parte seluk membru PN husi bankada FRETILIN, deputadu Eladio Faculto hatete, hanesan membru PN nia triste, veteranus ida hanesan aman ba familia boot neebe ohin loron sira enlutada senti moris iha tristeza nia laran.

Deputadu Jose da Silva Mate iha ospital Jakarta-Indonesia, tamba hetan moras ataka fuan, I nia mate bainhira komisaun E Parlamentu Nasional ho Vise Ministru Telekomunikasaun e Transporta Inacio Moreira ba hare servisu iha Jakarta. Informasaun kompletu iha STL jornal no STL Web, edisaun Tersa (18/8/2015). Carme Ximenes/Timotio Gusmao

Suara Timor Lorosae

Alkatiri Kontente TL-Santa Se Realiza Konkordata

DILI - Konkordata entre Governu Timor Leste no Santa Se nebe halao iha Nasaun Timor Leste, halo Sekretariu Jeral Partidu Fretilin Mari Alkatiri Kontente tamba kongese Realiza ona Negosiasaun nebe halao iha primeiru Governasaun Timor Leste.

Tuir Sekretariu Zeral Partidu Fretilin Mari Alkatiri katak negosisaun asina Akordu entre Santa Se ho governu hahu kedas iha governu primeiru, agora konkliu ona.

Hahu negosiasaun iha primeiru governu kedas, agora konkliu ona hau kontente,” dehan Alkatiri ba Jornalista Sabadu (15/08/2015) iha Tasi Tolu Hafoin Patisipa Misa Tinan 500 Evanzelisaun iha Timor Leste.

Iha fatin hanesan liu husi Diskursu Prezidente Republika Taur Matan Ruak katak Konkordante entre Timor Leste no Santase nebe asina solenemente hatudu momos relasaun klean nebe mak iha husi tempu naruk iha historia Timor Leste ninian.

Nia hatete Konkordata hanesan tratadu ida nebe hafoin relasaun Entre Timor Leste ho Santase bele Asina iha Dili no laos iha Santa se paktu uniku  nebe hatudu momos dala ida tan atensaun Santo Padre nian ba Povu Timor Leste nia Domin nebe sei haluha no sei lalakon. Informasaun kompletu iha STL jornal no STL Web, edisaun Tersa (18/8/2015). Timotio Gusmao

Suara Timor Lorosae

F-FDTL Tenke Banati Tuir Falintil

AILEU – Failintil Forsa Defeza Timor Leste (F-FDTL) hakarak ka lakohi tenke banati tuir izemplu neebe mak hatudu ona hosi Falintil durante funu nia laran hodi liberta nasaun ida nee.

Deklarasaun nee fo sai hosi Komandante Jeral F-FDTL Maijor Jeneral, Lere Anan Timur, neebe hanesan mos eis gerileiru ba Jornalista sira, depois remata serimonia komemorasaun loron Falintil ba tinan 40 iha Aiserimou-Aileu, Sigunda (17/08).

Hau husu ba jerasaun foun liu-liu Forsa Armada tanba F-FDTL mai hosi Falinitil tanba nee mak imi (F-FDTL) tenki banati tuir imi nia aman, tiu, avo, neebe mak balun iha nee no balun la iha ona nee tanba uluk sira halo funu too ita hetan independensia,” dehan Lere.

Eis gerileiru nee husu ba F-FDTL atu defende rai no povu ida nee hanesan mos Falintil sira neebe mak saran ona sira nia an tomak ba povu no nasaun ida nee, tanba F-FDTL mak sei hatutan misaun no vizaun Falintil nian.

Iha fatin hanesan veteranus Municipiu Aileu, Mariano da Silva alias Baleia, neebe mos hanesan eis Falintil hatete nia kontente tebes ho komemorasaun loron Falintil ba tinan 40, tanba sakrifisiu no luta neebe mak sira hahu iha duni ninia rejultadu.

Hatan ba lia menon sira nee, Komandante Jeral PNTL Komisariu, Julio Hornai hatete hanesan jerasaun foun, iha obrigasaun no dever kontinua hatutan luta neebe mak Falintil sira hahu ona hodi asegura rai no povu ida nee. Informasaun kompletu iha STL jornal no STL Web, edisaun Tersa (18/8/2015). Thomas Sanches/Joao Anibal

Suara Timor Lorosae