Obra Emilia Pires, Edifisu Ministeriu Finansas Kontinua Abandona

DILI – Obra Eis Ministra Finanasa, arguida Emilia Pires hanesan Ministeriu Finansas kontinua abandona maske gasta ona osan $56 juta. Tamba nee, konsidera hanesan rekordasaun neebe mak Emilia Pires husik hela maibe laiha kualidade.

Tuir Diretor Ezekutivu, Manuel Monteiro katak, ema hotu-hotu tenke serbisu no liu husi serbisu mak ema hotu hetan moris diak no bele hatudu ba povu Timor laran tomak ema ida hanesan Emilia Pires halo serbisu diak no edifisiu hanesan Ministeriu Finansa neebe mak ho andar 12.

Se dehan katak se ema Timor serbisu la diak desde 24 anus mai nee Falintil sira mos la bele moris tamba ema halo serbisu la diak mak segredu sira nee mos naksobu no Falintil sira subar iha neebe inimigu sira mos hatene Falintil iha nee maun Taur sira mos labele moris,”dehan Manuel ba STL, iha ninia edifisiu, Farol, Segunda (06/02/2017).

Akademika Husu Xanana Hatudu Evidensia Akontese Mafia Justisa

DILI - Relasiona kritika neebe mak Eis Guerilleiru FALINTIL, Kay Rala Xanana Gusmão halo liu husi karta aberta neebe Xanana deskonfia akontese mafia iha sistema judisiariu hanesan korupsaun.

Tuir Observador Politika-UNTL, Camilio Ximenes Almeida hatete, hanesan akademika husu ba Xanana hanesan figura ida hatudu evidensia konaba mafia akontese iha sistema judisiariu.

Xanana hanesan figura ida, nia dehan iha mafia, nia iha evidensia halo fali tuntutan balik ka nia bele hatoo ninia kestaun ba tribunal atravez ba iha tribunal rekursu,” dehan Observador Politika-UNTL, Camilio ba STL iha nia knar fatin kampus lama-UNTL, Caicoli-Dili, Tersa (07/02/2017).

Ex-ministra da justiça timorense defende investigação a alegações feitas por Xanana Gusmão

Díli, 07 fev (Lusa) - A ex-ministra da Justiça timorense Lúcia Lobato afirmou hoje que o Ministério Público deve investigar várias alegações feitas por Xanana Gusmão sobre supostas irregularidades cometidas pelos responsáveis máximos da justiça em Timor-Leste.

Lúcia Lobato comentou assim, em declarações à Lusa, o conteúdo de uma carta aberta que Xanana Gusmão endereçou à ex-ministra das Finanças, Emília Pires, depois da condenação desta, a sete anos de prisão, por participação económica em negócio.

"Há factos que Xanana aponta na carta que merecem ser investigados. Xanana Gusmão mencionou a atitude dos dois líderes máximos da justiça no nosso país, o presidente do Tribunal de Recurso e o procurador-geral", afirmou.

"São indícios. Eu não acredito que o Xanana mencionaria o nome dos dois na carta se não tivesse provas. O importante é saber como tomar medidas para investigar o que se passou com esses dois doutores", considerou.

ONG considera carta aberta de Xanana Gusmão uma interferência política na justiça

Díli, 07 fev (Lusa) - A carta aberta em que Xanana Gusmão defende duas ex-ministras, condenadas pelo Tribunal de Díli, criticando o sistema judicial de Timor-Leste, representa uma forma de interferência política no sistema judicial, defende uma organização não-governamental timorense.

A avaliação é feita pelo Justice System Monitoring Program (JSMP), organização que monitoriza a justiça em Timor-Leste e que analisou a polémica carta assinada a 25 de janeiro pelo atual ministro do Planeamento e Investimento Estratégico.

"O JSMP condena firmemente esta postura política que continua a interferir no sistema. Tal prática ameaça seriamente a nossa independência judicial e viola o princípio da separação de poderes previsto na Constituição de Timor-Leste", considera Luis de Oliveira Sampaio, diretor executivo da JSMP em comunicado remetido à Lusa.

PM Rui Halakan Toxa ba Pás

DILI, (ANTIL) – Primeiru Ministru, Rui Maria de Araújo halakan toxa ba paz Sri Chinmoy iha Parlamentu Nasionál (PN), ohin, (7/2).

Oportunidade ne’e, Xefi Governu husu ba Sekretáriu Estadu Juventude no Desportu (SEJD) Leovigildo Hornay atu iha tinan ida ne’e haruka mós juventude Timor-Leste nain rua hodi halo vizita hamutuk ho ekipa Sri Chinmoy Oneness-Home Peace Run ne’ebé kompostu hosi nasaun sira iha mundu rai klaran ne’ebé iha interese ba programa ne’e.

“Hili karik labele haree ema sira ne’ebé mutu rabu”, PM hameno iha nia intervensaun.

Sermonia ne’e hetan partisipasaun hosi Prezidenti PN Aderito Hugo, Ministru Negósiu Estranjeiru Hernani Coelho, Sekretáriu Estadu Juventude Desportu inklui deputadu PN ho reprejentante kandidatu Prezidenti José Luis Guterres ho Antonio Lopes Maher no ekipa Sri Chinmoy Oneness-Home Peace Run.

Dionísio: Xanana Apóiu Lu-Olo Hanesan Opiniaun Pessoál

DILI, (ANTIL) – Sekretariu Jerál Partidu Congreso Nacional Rekonstrusaun Timor (CNRT) Dionísio Babo esklarese, steitmentu apoiu ba kandidatu prezidenti, Francisco Guterres Lu-Olo hosi prezidente partidu CNRT Xanana Gusmão nu’udar opiniaun pessoál.

“Nia (Xanana-red) fó opiniaun pessoál, ami tenke hein kongressu mak foin deside tanba ne’e mak pozisaun agora sei tuir nafatin saida mak prezidente CNRT hatete”, Babo ba jornalista sira iha Palásiu Governu hafoin reuniaun Konsellu Ministru, Tersa (7/2).

Deonísio Babo informa, planu kongressu sei akontese fulan oin, sei la-realiza mak muda fali ba fulan seluk, depende situasaun dezenvolvimentu eleisoens jerais ne’ebé sei hala’o.

Nune’e nia dehan tan, atu kompete eleisaun lei la-termina katak tenke hala’o kongressu bainhira mas depende liu ba kondisoens interna partidu, normalmente halo antes eleisaun para depois bele define polítika ho estratejia partidu ida. “Ida ne’e mak akontesse iha partidu CNRT”, katak tan.

STAE Sei Hetan Apoiu Urna no Kabina Votu Hosi Liur

DILI, (ANTIL) – Sekretaria Tékniku Administrasaun Eleitorál (STAE) sei hetan apoiu materiál hanesan urna no kabina votu ba prosesu eleisaun prezidensiál tinan ne’e hosi orgaun eleitorál Austrália no Portugál.

“Timor-Leste iha materiál sira eleisaun, la’ós laiha mak ita husu sira atu fasilita ita, maibé ida ne’e opsaun ida tanba ita atu lori materiál sira hosi Timor-Leste ba estranjeiru mós bele han kustu barak”, dehan Diretór Jerál STAE, Acilino Manuel Branco ba ANTIL iha nia servisu fatin, Kaikoli, Tersa (7/2).

Nia haktuir, Ministériu Negósiu Estranjeiru no Kooperasaun (MNEK) hatun ona ordem ba konsuladu sira atu halo kontaktu ho orgaun eleitorál iha nasaun rua ne’e nia posibilidade hodi fasilita materiál urna no kabina votu, maibé materiál sensitivu sira ita mak lori hosi TL ba estranjeiru.

Orsamentu Porvolta $10 Milloens Sei Aloka ba Eleisaun Jerál

DILI, (ANTIL) – Ministru Estadu Koordenadór Assuntus Administrasaun Estadu no Justisa no Ministru Administrasaun Estatál, Dionísio Babo informa, governu sei aloka orsamentu porvolta $10 milloens ba atividade eleisaun jerál.

“Orsamentu porvolta $10 milloens sei tenta atu preve no halo poupa, sei iha eleisaun prezidensiál mak primeiru ronda de’it, ita poupa lubuk ida mas kuandu ita tenke liu segundu volta, ita tenke gasta osan barak, governu tenta poupa atu bele rai osan”, Dionísio ba jornalista sira iha Palásiu Governu, Tersa, (7/2).

Nia hatutan, konsellu ministru hasai ona desizaun ida katak atu halo impresaun buletin sira uza gráfika governu nian, ida ne’e hanesan poupansa ida, sira ne’ebé gráfika labele halo mak governu buka fali outsourcing ida ba kompañia sira bele halo.

OI apresia proposta Abilio Araújo sosa asaun iha TT

DILI - Kompañia Telekomunikasaun OI Brazil ne’ebé mak oras ne’e dadaun fa’an nia asaun (saham) iha Timor Telekom apresia tebes ho proposta emprezariu timoan Abilio Araúju nian ne’ebé hakarak hola asaun ne’ebé OI fa’an ho valor osan millaun $72.5 maske seidauk iha disizaun final.

Bainhira empreza Brazileiru ne’e fa’an nia asaun iha empreza nasional rua mak hatama ninia proposta hanesan Abilio Araújo ho nia empreza Investel Comuniacation no Nilton Gusmão ho nia empreza Esperansa Timor Oan (ETO) no emprezariu internasional seluk ne’ebé iha interese mos ba asaun ne’e.

Asonista timoroan Julio Alfaro louva tebes Abilio Araújo tanba ihatan timoroan ida ne’ebé ho interese boot atu hola parte hanesan asionista mairia iha empreza Timor-Telecom maske seidauk hetan desizaun final husi empreza OI. “Kompañia OI sidauk foti desizaun final, tuir informasaun ne’ebé ami simu katak proposta senhor Abilio nian nu’udar proposta ne’ebé mak menarik liu no di’ak liu,” dehan asionista Timor-Telekom, Julio Alfaro ba BT via Telefone tersa – feira (31/01).

SEJD sei fo kareta ida ba MarVi

DILI - Sekretariu de Estadu Joventude no Desportu (SEJD) iha tempu badak sei fo transporte kareta ida ba kantora Timor-Leste, Maria Vitoria (MarVi) hodi fasilita nia ba eskola inklui mos atividade seluk.

“Ekipa ida hetan ona despaisu husi Sekretariu de Estadu, Gabinete, nomos Direktur Geral, Finansas inklui Diresaun Arte nian, para atu aranja kareta ida hodi nune’e bele fasilita MarVi ba eskola nomos hodi halao atividade seluk, tanba ne’e parte ekipa ne’e oras ne’e dadaun diskuti hela kareta mudelu ida ne’ebe mak atu hola ba MarVi,”informa Direktora Finansas SEJD Maria Luisa Monteiro ba jornallista BT iha k’nar fatin, sesta-feira dia (03//02).

Maria hatutan, relasiona ho idade Marvi ne’ebe agora iha, tanba ne’e parte diregente SEJD sei tur hamutuk fali, hodi hare’e mos ba kustu kareta nian, i depois los ona mak sei hare fali kareta saida mak sei fo ba Marvi. “Bainhira mak atu intrega ba MarVi ne’e sei iha prosesu nia laran, tanba prosesu governu nian ne’e tenke liu husi proposta, i depois mak ami foin bele aprova., no kareta ne’ebé mak atu fo ba MarVi sei ho plat (matrikula) privadu”esplika Direktora ne’e.

Entertantu iha fatin hanesan reprezenta familia MarVi Pe.Tiago Soares senti orgulhu ho prezenti ne’ebe mak SEJD fo ba MarVi, ne’e dunik hanesan familia sira la haluha hato’o obrigadu wain ba governu liu husiSEJD, tanba apoiu masimu ona ba MarVi hahu husi inisiu ate agora. (BT)

Business Timor

PARPOL Barak Hamosu Duvida ba Povu iha Eleisaun

COLIMAU - Timor Leste nasaun neebe demokratiku, tan nee ema hotu iha direitu atu hari partidu Politiku hodi kompete iha eleisaun atu ukun, maibe halo povu duvida iha eleisaun tamba partidu kuaze 30 resin mak ejiste ona.

Tuir reprezentante Veteranu husu Colimau Lucio de Juses Marques hatete Timor Leste nasaun neebe mak kiik maibe partidu poltiku sira neebe mak oras nee eziste barak tebes, tan nee sei hamosu duvida boot ba povu.

Ita nasaun kiik maibe partidu politiku sira barak tebes tamba nee sei  hamosu duvida ba povu no mos total eleitor neebe mak iha atu fahe ba partidu sira la too,” dehan Lucio liu husi Dialogu Komonitaria Segunda (06/02/2017) iha Sede Suku Colimau.

Nunee mos Jaoquim Magalhaes husu estadu atu hadia kondisaun estrada tamba Colimau iha estrada ibun maibe kondisaun estrada ladiak tan nee governu presiza fo atensaun atu nunee povu bele lori protudu neebe mak iha ba merkadu.

Hatan ba preokupasaun nee Prezidente Republika Taur Matan Ruak husu povu lalika preokupa tamba nee partidu barak sistema demokrasia, maibe atu desidi povu ba hili ida deit, seluk lulun biti tan nee lalika preokupa. Timotio Gusmao

Suara Timor Lorosae

Taur: “Tan Osan Veteranu Sira Hare Malu Matan Lamos”

COLIMAU – Pensaun ba Veteranu sira oras nee halo veteranu sira hare malu matan la mos, tan nee veteranu sira presiza hamutuk hodi indetifika problema veteranu sira nian, tamba sira neebe lasimu osan hare ida simu osan matan lamos.

Tuir Prezidente Republika Taur Matan Ruak katak Problema veteranu sai prekupasaun boot tan nee sujere ba governu atu loke fali keixa klandistina neebe mak lao iha tempu rezistensia.

Ita veteranu oras nee Hare malu hanesan busa ho laho, ida neebe simu osan kontente maibe ida neebe lasimu osansente triste tan nee veteranu sira sempre kestiona iha fatin barak,” dehan Taur liu husi Dialogu Komonitaria Segunda (06/02/2017) iha Sede suku Colimau, Postu Administrativu Bobonaro, Munisipiu Bobonaro.

Nia hatete veteranu sira sempre preokupa ba pensaun iha fatin barak maibe atu rezolve  problema veteranu presiza hare orsamentu neebe mak iha tamba veteranu neebe rezistu iha 2009 seidauk boot too agora.

Iha hanesan Lucio de Jesus Marques hatete Pozisaun Veteranu siranian oras nee baraila tamba laiha dokumentu neebe mak konfirmativu hodi konfirma veteranu neebe mak los no veteranu falsu.

Reprezentante suku Colimau Emiliano Borges husu governu atu kria formasan ba joventude sira, tamba eskola remata iha ensinu Sekundaria, maibe lakonsege kontinua estudu ba universidade, tamba nee husu Governu atu kria sentru formasaun ba joven sira. Timotio Gusmao

Suara Timor Lorosae

Sistema jurídiku no judisiáriu timoroan la adekuadu ba realidade nasaun nian - PM

Sistema jurídiku no judisiáriu Timor-Leste nian la adekuadu ba realidade nasaun nian, fraku ba kapasidade hodi hatán ba dezafiu atual sira no iha falta iha avaliasaun ba juís no majistradu sira, hatete hosi primeiru-ministru ba Lusa.

Rui Maria de Araújo hatete ba Lusa katak ne'e hanesan avaliasaun preliminar sira hosi Komisaun Reforma Judisial ne'ebé Governu harii hodi analiza área justisa timoroan ne'ebé kompleksu, iha prosesu ida ne'ebé kolabora hela hosi instituisaun akadémiku portugeza balun.

"Tuir dalan jenériku identifika ona sistema jurídiku no judisiáriu ne'ebé la adekuadu ba realidade timoroan nian. Ho baze ne'e maka ita tenki haree ho forma objetivu no realista ba reforma nesesáriu sira hodi adekua ho di'ak ba realidade ne'e", explika iha deklarasaun sira ba Lusa iha Díli.

Atrazu iha rezolusaun hosi kazu sira, kastigu sira ne'ebé la loos, prosesu oioin kontra eis-membru sira Governu nian, falta majistradu no operador judisial sira seluk no falta ema barak, tékniku sira no material sira hamosu preokupasaun iha sosiedade timoroan kona-ba área judisial.

Problema lian portugeza, falta iha nível juís sira iha Tribunal Rekursu, kapasidade ne'ebé la sufisiente hosi forsa sira investigasaun nian no uzu maka'as hosi prizaun preventicu hanesan medida koasaun, hanesan problema sira seluk ne'ebé iha.

Rui Araújo fó hanesan ezemplu problema sira kona-ba orden jurídiku timoroan nian sei kontempla lejislasaun indonéziu - hosi tempu okupasaun iha nasaun -, lejislasaun aprovadu hosi administrasaun tranzitóriu ONU nian (to'o restaurasaun independénsia nian) no lejislasaun hosi Estadu soberanu (hafoin tinan 2002).

Prezidente Tribunal Rekursu timoroan nian rejeita akuzasaun sira iregularidade nian

Prezidente Tribunal Rekursu timoroan nian rejeita iha loron-segunda ne'e akuzasaun sira kona-ba iregularidade, ne'ebé aponta iha karta aberta ida hosi ministru Planeamentu no Investimentu Estratéjiku, Xanana Gusmão, hodi konsidera hanesan "falsu" katak hetan osan la tuir dalan regular.

"Ha'u seidauk haree karta. Ha'u la haree, maibé hanesan la loos katak halo duni asaun ne'e", afirma hosi Guilhermino da Silva, liuhosi deklarasaun sira ne'ebé nia halo ba Lusa iha nia gabinete iha Tribunal Rekursu iha Díli.

"Ne'e hanesan la loos. Ha'u la hatene kona-ba asuntu ne'e no hanesan ba dala uluk maka ha'u rona", nia hatutan mós, hodi husu kona-ba deskonfia iregularidade ne'ebé duun ba nia.

Akuzasaun sira iregularidade nian halo hosi Xanana Gusmão iha karta aberta naruk ida ne'ebé diriji ba eis-ministra Finansa, Emília Pires, hafoin eis-ministra hetan kondenasaun ba kadeia tinan hitu tanba partisipasaun ekonómiku iha negósiu.

Iha karta, ne'ebé maka Lusa hetan asesu, Xanana Gusmão halo krítika maka'as ba sistema judisial timoroan nian no halo akuzasaun sira kona-ba deskonfia kazu sira hosi abuzu ba fundu públiku sira maibé la aprezenta informasaun loloos ne'ebé bele komprova.

Iha konkretu maka akuza ba iregularidade finanseiru hosi Prezidente Tribunal Rekursu no mós Prokurador-Jeral Repúblika nian.

"Ema barak hatene katak Prezidente Tribunal Rekursu rasik simu ona osan hosi kompañia ida, ne'ebé iha projetu ida iha Tribunal, no ne'ebé seidauk hotu tanba falta osan, tanba folin di'ak ida fó ona ba Prezidente Tribunal Rekursu ne'ebé presiza. Ministériu Públiku de'it maka la hatene", Xanana hakerek.

MEMBRU PNTL 14 HETAN DEMISAUN, REJEITA PROSTITUISAUN EJISTE IHA MERKADU TAIBESSI

Membru Polisia Nacional Timor Leste (PNTL) hamutuk nai’n 14 hetan ona dimisaun.

“Foin dadauk ne’e ita diskuti ne’e iha 14 pesoas, entre 14 pesoas  ne’e tinan barak la servisu ona iha PNTL,  ne’ebé sira   ninia naran iha nafatin, tuir  prosedimentu tenki apresia, to’o ikus liu mak publika iha jornal Repúblika bolu sira,”informa Segundu Komandante PNTL, Komisáriu, Faustinho da Costa, ba  jornalista sira, Segunda (06/02/2017) iha Kuartel Geral PNTL Caicoli-Dili.

Nia hatutan, iha tinan 2016 ne’e iha kazu 300 resin  mak involve  husi  elementu PNTL sira. Tanba  ne’e mak  iha enkontru Konselhu Superior iha fulan Januario tinan 2017  iha  Kuartel Geral PNTL, entre Komandante Jeral PNTL, Komandante Munispiu no Komandante unidade diskuti ona ba kazu 300 ne’e.

Faustinho sublinha, entre membru sira ne’e maioria la hala’o ona servisu nudar  PNTL, no balun fila tiha ona ba vida sivil, entaun komando presiza apresia sira ninia rejignasaun ka sira ninia dimisaun  atu nune’e aprezenta ba  Ministru Interior.

Rezeita prostituisaun eziste iha Merkadu Taibessi

Liu husi oportunidade ne’e Segundu Komandante PNTL, Komisario, Faustinho da Costa, rezeita informasaun ne’ebe mak espalha iha publiku nia leet konaba prostituisaun eziste iha merkadu Taibessi nia laran.

“Prezidente Autoridade Munisipiu Dili prekupadu ida ne’e, mas depois  ita hala’o observasaun iha merkadu Taibesse,   laiha  fatin  propriu atu halo buat (prostitusiaun) ne’e. Dala ruma ema ida rua karik,”esklarese Faustinho da Costa.

Nia dehan, Polisia kontinua observa nafatin merkadu Taibessi, tanba merkadu refere la’os hela fatin, mas fatin ema hala’o atividade negosiu buka moris nian.

“Ita  iha jestaun  merkadu atu detekta ba ida ne’e, imporante mak merkadu fatin atu hala’o negosiu, la’os sai fatin rejidensia permanente,”tenik nia. avi

Jornal Nacional Diário

ENSINO BAZIKU 60% LA HATENE LEE NO HAKEREK

Premeiru Vise Ministra  Edukasaun (VME) asuntu Pre-Eskolar Ensino Baziku, Dulce de Jesus Soares, hateten, tuir estudu ne’ebe maka banku mundial liu husi Early Grade Reading Assesment (EGRA) katak, estudantes ensino baziku 60%  la hatene lee no hakerek.

“Estudu ne’ebe maka Banku Mundial hanesan agensia tinan-tinan iha mundu ne’e,  sira maka iha responsavel atu halo avaliasaun edukasaun ba nasaun hot-hotu iha mundu ne’e, entaun liu husi Early Grade Reading Assesment (EGRA) ne’ebe maka revela iha tinan 2009 hatete katak, 60% husi  labarik Timor oan, ensino baziku husi  premeiru, segundu, no terceiru ano sira nia taxa literacia ne’e, 60 % maka ladiak, kuaze la   konsege hatene lee no hakerek,”afirma Dulce de Jesus Soares, ba Jornalista sira iha ninia knar fatin ME Vila Verde Dili, Tersa (06/02/2017)

Nia esplika katak, wainhira nia ba hala’o vizita iha eskola atus ida resin iha teritoriu laran tomak, haree katak, labarik barak maka lahatene lee no hakerek.

“Ha’u mos halo  vizita ba iha eskola atus ida resin, depois ha’u hola desizaun politika ida katak, sim estudu ne’ebe maka Early Grade Reading Assesment (EGRA) halao ne’e los duni iha fatin barak maka ha’u ba vizita, labarik sira barak maka la hatene lee no hakerek,”hatutan nia.

Primeiru Vice ME hatutan, ME forma ekipa para bele haree hikas oinsa halo revizaun ba revizaun ba kuríkulu pre-eskolar ninian.

IHA IREGULARIDADE, TR HARUKA FILA DOKUMENTUS KANDIDATU PR NAIN 3

Sekretariadu Tékniku Administrasaun Eleitoral (STAE), haruka ona rezultadu verifikasaun dadus kandidatu Prezidente Repúblika nain 5 ba Tribunal Rekursu (TR). Maibe husi kandidatu PR nain 5 ne’e, kandidatu nain 3 mak TR haruka fila fali sira nian dokumentus ba STAE tanba iha iregularidade.

Diretor Jeral Sekretariadu Tékniku Administrasaun Eleitoral (STAE), Acilino Branco, informa,  kandidatu nain tolu ne’ebé mak TR haruka fila lista apoiantes mak kandidatu, Maria Ângela Freitas Silva, Amorin Vieira no Antonio Lopes Maher.

“Verifikasaun dadus  ne’e kontinua la’o hela. Ita hahú kedas iha loron 23 fulan Janeiru tinan 2017,  kuandu iha momentu ne’eba primeira lista kandidatura tama, no lista kandidatura tama ikus iha loron 5 fulan Fevereiru, por volta de 7 horas kalan. To’o agora ita iha kandidatu ema nain 8, agora  husi kandidatu nain lima ne’ebé ita verifika  desde dia 23 mai to’o agora, iha lima mak  ita fo tiha ona nia rezultadu ba TR. Kandidatu nain lima  mak ita fo tiha ona ba  tribunal, no tribunal komunika tiha rezultadu ne’e ba iha kandidatu ka reprezentante kandidatura. Husi kandidatu nain lima ne’e  nain 3  mak TR haruka fila fali sira nian lista apoiantes ba iha segunda ves. Signifika iha rezultadu verifikasaun ne’ebé  STAE  halo ne’e identifika iregularidade balun, mas ne’e so TR mak iha kompetensia atu fo sai,”dehan Diretor Jeral STAE ne’e ba jornalista sira iha nia servisu fatin Caicoli-Dili, Segunda (6/2/2017).

Acilino haktuir, kompetensia STAE mak halo verifikasaun no Tribunal Rekursu mak sei desidi karik verifikasaun lista apoiantes kompletu mak TR sei la haruka fila. No bainhira tuir TR  seidauk  los ka iha iregularidade balun mak TR sei haruka fila, hanesan dadauk iha kandidatu nain tolu mak konsege haruka fila tanba tuir komunikasaun ne’ebé TR halo relasiona ho lista apoiantes  mosu iregularidade.

KE ENTREGA RELATÓRIU BA PN, DÍVIDAS GOVERNU BO’OT LIU ORSAMENTU RETIFIKATIVU

Komisaun Eventual (KE) ba fiskalizasaun projetu Estadu ne’ebé la’o iha Timor laran tomak, entrega ona relatóriu kona ba dívidas Estadu nian ba projetu sira ba Parlamentu Nasionál.

Relatóriu KE nian ne’e hatudu katak, dívidas Governu nian ba projetu Estadu nian iha  Timor laran tomak, bo’ot liu orsamentu retifikativu ne’ebé mak foin lalais PN rasik aprova hodi selu dívidas sira ne’e.

Prezidenti Komisaun Eventual ba fiskalizasaun  projetu Estadu nian, Osorio Florindo, informa katak, komisaun eventual entrega relatóriu kona ba projetu Estadu nian ne’ebé la’o iha Timor laran tomak.

“Projetu ne’e multi annual, sira hatete de’it relatóriu osan, dokumentus ne’ebé mak ami simu ne’e, hira mak selu ona, projetu ne’e hira ami lahatene, tanba dokumentu laiha, maibé intermus osan, sira fó hanesan, US$ 62 milloens ba projetu eletrisidade, entaun ita haree orsamentu retifikativu ne’ebé mak ita aprova, orsamentu ne’e  US$ 41 milloens,  maibé agora sa’e tiha ona ba US$ 62 milloens,”informa Osorio Florindo ba jornalista sira iha Parlamentu Nasionál, Segunda (06/02), hafoin entrega relatóriu ne’e ba Prezidenti Parlamentu Nasionál, Aderito Hugo.

Nia dehan, ida ne’e signifika katak, em termos halo planeamentu ba halo orsamentu nomós halo progresaun fiziku atu submete ba plenária, ba Governu atu selu ne’e mós, Governu falha.

Osorio Florindo dehan, relatóriu ne’e sei diskuti iha plenária, tanba relatóriu ne’e la’os segredu.

F-FDTL INFRENTA OBSTÁKULU BO’OT 3

Instituisaun FALINTIL Forsa Defeza Timor Leste (F-FDTL) durante tinan 14 nia laran ne’e, infrenta obstaklu bo’ot tolu mak hanesan, akontesimentu Lospalos entre F-FDTL ho PNTL, krize 2006 no disputa Governu ho Prezidenti Repúblika kona ba nomeasaun Xefi Estadu Maior F-FDTL nian.

Eis Sekretáriu Estadu Defeza, Julio Tomas Pinto (JTP) informa katak, Depois transforma tiha mai FALINTIL-FDTL,  militar infrenta obstaklu barak. Obstaklu sira ne’ebé mak sa’e mai, obstaklu interna forsa armadas nian.

JTP fó ezemplu katak,  iha tempu ne’eba fasilidade ladun iha, saláriu ki’ik, uniforme ne’e ketak-ketak, balu simu husi China, balu husi America no balu Estadu  suku rasik, no armamentu iha momentu ne’eba, F-FDTL hetan apoiu husi Estados Unidos America, ho kilat sira ne’ebé mak segundu mão.

“Obstaklu ne’ebé ita nia forsa armada hetan ne’e barak, maibé iha tolu mak importante, ida mak akontesementu Lospalos, depois obstaklu segundu mak ita hetan iha krize 2006, krize mosu iha ita nia rai, implika mós populasaun, obstaklu terseiru mak, disputa entre Governu ho Prezidenti Repúblika nu’udar komandante supremu ba nomeasaun Xefi Estadu Maior Jeneral,” relata Julio Tomas Pinto ba jornalista sira iha MNEK Dili, Kinta (02/02).

Julio Tomas Pinto hatutan, nu’udar ema ne’ebé mak uluk servisu iha Sekretáriu Estadu Defeza, senti obstaklu tolu ne’e mak bo’ot liu.

Nia afirma, obstaklu primeiru ba kazu Lospalos ne’e, Governu resolve liu husi hari’i ekipa ida ba halo investigasaun ba kazu Lospalos entre polisia ho F-FDTL. Nune’e JTP dehan, rezultadu husi investigasaun ne’e, balu implementa ona, no balu seida’uk implementa.

Nia relata, kazu 2006 ne’e, Estadu foti desizaun resolve problema ne’e, Xanana Gusmão ho membru Governu sira tenta resolve, mesmu implika populasaun barak mak lakon sira nia sasan, no Timor oan barak mak mate.

PR timoroan haruka reforma pensaun vitalísia ba Tribunál Rekursu

Prezidente Repúblika timoroan  iha ohin husu fiskalizasaun preventivu konstitusionalidade ba alterasaun pensaun vitalísia hosi  eis-deputadu no eis-titular iha  kargu públiku seluk, sei rezerva ho  direitu ba eventuál veto polítiku ida.

Pedidu fiskalizasaun  preventivu  ne’e  hato’o ba Tribunál Rekursu relasiona, tuir fonte Prezidénsia Repúblika ba Lusa, ho dúvida kona-ba  prinsípiu igualdade no prinsípiu justa repartisaun ba enkargu no benefísiu.

Sein fundamenta desizaun ne’e, komunikadu badak ida Prezidénsia Repúblika nian informa katak  pedidu fiskalizasaun preventivu "Lases hosi  dúvida polítika ne’ebé manifesta hosi Sua Eselénsia, Prezidente Repúblika, Taur MatanRuak, ne’ebé  mantein no hanesan momentu ne’ebé loos atu tetu, karik bele ".

Taur Matan Ruak dalabarak manifesta kontra ezisténsia pensaun vitalísia ba eis-deputadu no eis-titular hosi kargu públiku sira seluk, inklui xefe Estadu, tanba lakonkorda ho alterasaun parlamentar ne’ebé reduz deit valór pensaun ezistente.

Ralasiona ba  desizaun ne’ebé  Tribunál Reckursu foti kona-ba konstitusionalidade diploma ne’e, Taur Matan Ruak sei  ezerse veto polítiku ida, ne’ebé obriga diploma ba debate foun no votasaun iha  Parlamentu Nasionál.

Liuhosi  enkontru komunitáriu findesemana ne’e, iha Díli, Taur Matan Ruak refere ninia opozisaun ba diploma, responde ba rezidente ida ne’ebé kestiona kona-ba pensaun vitalísia ne’ebé  "diskrimina favoravelmente ba ema balun ".

Juís portugés sira ne'ebé sei hanesan inspetór sira to'o iha Timor-Leste iha fulan ne'e nia rohan

Juís portugés na'in rua ne'ebé sei hala'o knaar nu'udar inspetór sira no ide seluk iha Sentru Formasaun Jurídiku nian, sei to'o iha Díli iha fulan ne'e nia rohan, hatete hosi ministru Justisa timoroan, Ivo Valente, ba Lusa.

"Ha'u simu informasaun katak juís na'in tolu to'o entre loron 26 no 28 Fevereiru. Hodi hahú serbisu iha fulan-Marsu. Juís na'in rua maka hanesan inspetor sira no ida seluk sei ba iha Sentru Formasaun Jurídiku", Ivo Valente hatete ba Lusa iha Parlamentu Nasional.

Juís sira ne'e mai iha Timor-Leste hanesan konkretizasaun hosi asinatura ba protokolu ida koperasaun nian entre Portugal ho Timor-Leste iha área justisa, iha tinan ida liubá, revistu hafoin expluzaun polémiku, iha Outubru 2014, ba majistradu estranjeiru sira inklui ema portugés sira ne'ebé serbisu iha tempu ne'ebá iha nasaun ne'e.

Inspetor-jeral sira hanesan importante hodi hahú aranka hosi prosesu sira promosaun ba juís sira hosi kategoria importante sira ba Tribunal Rekursu, instituisaun ne'ebé ladún iha atividade tanba falta juís sira, iha de'it na'in tolu hosi na'in hitu ne'ebé tenki iha.

Prezidente Tribunal Rekursu, Guilhermino Silva, konfirma ona iha loron-segunda iha deklarasaun ba Lusa katak nesesidade urjente hosi majistradu sira iha instituisaun ne'ebé nia lidera, refere katak difikuldade sira hanesan ki'ik iha tribunal distrital haat, ne'ebé iha juís na'in 31 maka serbisu.

Agora daudaun, no tuir informa hosi majistradu, Tribunal Rekursu iha prosesu kriminal no sivil hamutuk 200 resin ne'ebé maka hein desizaun ida, inklui rekursu rua hosi Governu hasoru rekuza hosi Kámara Konta nian ne'ebé tribunal seidauk bele avalia tanba falta juís sira.

"Tribunal agora daudaun iha de'it juís na'in tolu no ami presiza iha mínimu liu na'in tolu, hodi bele iha koletivu rua", nia esplika.

"Agora daudaun ami prepara hela mós hodi rekruta juís estranjeiru sira hodi prenxe falta sira ne'e no rezolve rekursu sira ne'ebé pendente. Ami hahú prepara ona konkursu, no forma ona júri ba prosesu ne'e. Ami hakarak rekruta pelumenus juís na'in tolu", Guilhermino da Silva hatete.

Eskola ne'ebé mosu hosi jezuíta nia mehi iha Timor-Leste iha tinan 46 liubá inaugura ona iha Díli

Aumentu hosi Escola Amigos de Jesus, projetu moris ida hosi padre jezuíta ida ne'ebé hela iha tinan durante tinan 46 nia laran iha Timor-Leste no ne'ebé hanorin lian portugés iha klandestinu, inaugura ona iha projetu ida ne'ebé hetan apoiu públiku no privadu iha loron-sábadu liubá, 04 Fevereiru.

"Hanesan mehi ida ne'ebé konkretiza ona", padre portugés João Felgueiras, ne'ebé simu kondekorasaun iha 2002 ho Grande Oficial da Ordem da Liberdade, hosi Prezidente portugés iha tempu ne'ebá, Jorge Sampaio, tanba rekoñese nia luta ba prezervasaun lian portugeza iha Timor-Leste, hatete ba Lusa.

Eskola foun, inaugura iha bairu Taibessi hosi Prezidente Repúblika timoroan, Taur Matan Ruak, hosi primeiru-ministru Rui Maria de Araújo no hosi ministru Edukasaun António da Conceição, hanesan kompleksu ida ho andar rua ho sala aula hamutuk 18 no sala espesializadu oioin, entre sira maka sala laboratóriu sira, sala múzika no arkivu sira, iha mós kapela ida.

Ho ensinu uza lian portugés tomak no jere hosi Komunidade Amigos de Jesus - organizasaun sivil ne'ebé lidera hosi João Felgueiras no hosi padre jezuíta portugés seluk ne'ebé hela iha Timor iha dékada barak nia laran, José Martins - eskola sei iha profesór na'in 60 no alunu sira entre siklu dahuluk to'o siklu datoluk.

Bainhira ko'alia ho Lusa, João Felgueiras hanoin hikas istória projetu nian, ne'ebé "moris hosi atividade pastoral hosi padre jezuíta sira nian" durante okupasaun indonéziu.

"Hahú ho fatin ida ne'ebé maka labarik sira hasoru malu, halibur malu no sai hanesan fatin edukasaun nian, formasaun nian. Nune'e maka moris hakarak ida hodi harii eskola ida", nia explika.