Ministru Edukasaun timor-oan aprezenta hanesan kandidatu ba eleisaun prezidensiál

Ministru Edukasaun timoroan no dirijente Partido Democrático (PD), António da Conceição, hatete iha ohin  ba Lusa katak  aseita nomeasaun ninia partidu atu  aprezenta hanesan  kandidatu eleisaun  prezidensiál 20 marsu oin mai.

"Ami iha enkontru alargadu partidu nian iha  kinta-feira ho prezensa reprezentasaun munisipál, ami  halo análize oioin no konsidera katak importante Partido Democrático propoin kandidatu ida ba eleisaun prezidensiál", haktuir  ba Lusa António da Conceição.

"Sira hotu nomea ha’u no deside katak  ha’u sai kandidatu no tanba ne’e deside aseita no kandita-an ", nia afirma.

Kandidatura António da Conceição ba eleisaun  prezidensiál hanesan kandidatura ba dahaat, sura hamutuk ho atuál prezidente Fretilin, Francisco Guterres (Lu-Olo), António Maher Lopes (Fatuk Mutin), ne’ebé apoiu hodi Partido Socialista de Timor (PST), no  José Neves, eis-vise-komissáriu Komisaun Antikorrupsaun (CAC), ne’ebé  aprezenta hanesan independente.

Iha semana ne’e eis-ministru Negósiu Estranjeiru timoroan  no  atuál deputadu Frente Mudança (FM), José Luis Guterres, hatete moos ba  Lusa katak  sei  aprezenta hanesan kandidatu independente ba eleisaun  prezidensiál 20 marsu iha Timor-Leste.

José Ramos-Horta, eis-Prezidente Repúblika, konfirma ba Lusa semana ne’e katak nia  sei lakandidatu ba  eleisaun tinan ne’e maski iha  apelu hosi kuadrante barak.

Partidu úniku ho reprezentasaun  parlamentar ne’ebé laiha kandidatu ida rasik ka ida ne’ebé apoiu ho ofisiál maka Congresso Nacional da Reconstrução Timorense (CNRT), ho  prezidente partidu, Xanana Gusmão, iha dever  apoiu kandidatura Lu-Olo.

António da Conceição esplika ba Lusa katak ninia plataforma kampaña konsentra, ba nível internu, ho esforsu ba "unifikasaun no konsolidasaun instituisaun Estadu", analiza forma Prezidénsia "kolabora ho Governu hodi  kontinua prosesu dezenvolvimentu iha nasaun".

"Kona-ba  situasaun atuál Timor-Leste nian, ne’ebé sei iha faze dezenvolvimentu, Ami sei  kontinua reforsa instituisaun sira, liliu forsa armada atu bele  ezerse ninia  funsaun institusionál, iha  ámbitu manutensaun estabilidade nasionál", hatutan nia.

Iha termu internasionál ministru timoroan  hakarak kontinua serbisu " hodi  hasa’e marka Timor-Leste nian iha  mundu", foka ba aspetu sira hanesan adezaun Timor-Leste ba ASEAN (Associação das Nações do Sudeste Asiático), "reforsa lasu istóriku ho CPLP" (Comunidade dos Países de Língua Portuguesa) no "mantein  relasaun ho nasaun seluk " viziñu no ho ida ne’ebé  Timor-Leste iha tiha ona forte relasaun.

António da Conceição relembra moos katak  nasaun ne’e sei moris iha  prosesu tranzisaun  hosi "fundadór nasaun" ba jerasaun líder foun, buat ida ne’ebé hahú ona iha nível Governu no instituisaun seluk.

Ministru Komérsiu, Indústria no Ambiente dezde 2012, assume iha  agostu 2015, hafoin ninia  antesessór iha partidu no iha Governu, Fernando La Sama de Araújo mate, kargu ministru Estadu, Koordenadór Assuntu Sosiál no ministru Edukasaun.

SAPO TL ho Lusa

Lei Pensaun Vitalisia Iha Ona Palasiu, Taur: “Ita Iha Klot Laran Hotu”

DILI - Alterasaun Lei pensaun vitalisia husi Parlamentu Nasional oras nee iha ona palasiu prezidensial, neebe Prezidente Republika sei estuda maibe halo Prezidente book aan ladiak tamba iha klot laran.

Tuir prezidente Republika Taur Matan Ruak katak alterasaun Lei pensaun Vitalisia neebe Parlamentu halo, buka detalla maneira, prezidente ba oin mos kona no ba kotuk mos kona.

Ita lei pensaun vitalisia nee halo detal maneira Que maju kena, mundur kena ita iha klot laran hotu maibe iha ona palasiu, hau nia tekniku sira sei hare,” dehan Taur hodi hatan Prekupasaun povu Suku Fatuhada Kinta (26/01/2017) liu husi Dialogu Komonitaria.

Taur fo ezemplu orsamentu 2016 neebe konsege veta hodi haruka ba Parlamentu nein muda virgula ida, halo Prezidente laiha dalan seluk atu rekuza, tamba sira bele lori ba tribunal. Taur dehan nee iha prosesu neebe dezafiu hotu-hotu nia kapasidade no vontade, atu defende hanoin no konviksaun ba lei pensaun vitalisia.

Iha fatin hanesan liu husi sesaun husu no hatan joventude suku fatuhada Ramalho Agustinho Ximenes preokupa no husu Prezidente alterasaun lei pensaun vitalisia neebe mak hatoo ona ba Prezidente Republika husu atu veta.

Bazea ba Dadus neebe STL konsege asesu katak Alterasaun neebe parlamentu nasional halo  ba lei pensaun vitalisia neebe konsege redus salariu baziku ba 60 %,  asumi Mandatu periode rua hetan 75%  Asumi mandatu too tinan 15 hetan  90%  tan nee laiha eis membru orgaun soberanu simu pensaun too 100%. Informasaun kompletu iha STL Jornal no STL Web, edisaun Sabado (28/1/2017). Timotio Gusmao

Suara Timor Lorosae

Karta Aberta, Taur Konfia Justisa Husu Emilia Tenki Kopera

DILI - Estadu Timor Leste konfia seitor Justisa, Tan nee Eis Ministra Finansas Emilia Pires tenki koopera ho Justisa, maske governu no estadu seidauk halo investimentu masimu iha seitor Justisa.

Vizita Prezidente Prezidente Republika Taur Matan Ruak iha suku Fatuhada akompaina husi Primeira Dama Isabel Ferreira, simu direita husi Xefi Suku Fatuhada hamutuk ho povu.

Durante Dialogu entre Prezidente republika Taur Matan Ruak ho povu suku Fatuhada konsege hetan partisipa husi veteranu sira, hanesan Corneilo Gama Alias L7, Direitor husi institusaun governu iha munisipiu Dili nomos Asesor Prezidente Republika.

Prezidente Republika Taur Matan Ruak hatete nia parte konfia seitor justisa iha Timor leste maske governu no estadu seidauk halo investimentu boot ba iha seitor justisa maibe prezidente konfia sira nia servisu.

Prezidente Republika konfia seitor Jusitsa iha Timor, mesmu governu estadu seidauk halo investimentu boot ba sira,  hau hanoin Dotora Emilia tenki kopera  justisa,” dehan Taur liu husi Dialogu, hodi hatan preokupasaun Povu Suku Fatuhada konaba Karta Aberta Eis Ministra Emilia Pires ba prezidente Republika Taur Matan Ruak, Kinta (26/01/2017) iha Suku Fatuhada.

Nia parte rekoinese nasaun Timor leste foin ukun Aan sei iha problema neebe barak, maibe kontinua aprende no hadia tamba nee husu Eis Ministra Emilia Pires tenki koopera setor Justisa.

Iha fatin hanesan liu husi Sesaun husu no hatan joventude suku Fatuhada Silvio da Costa Araujo hatete, nia parte akompaina informasaun husi Media, Eis Minista Emilia Pires haruka karta aberta ba Prezidente Republika hodi kria komisaun atu hare ninia kazu. Informasaun kompletu iha STL Jornal no STL Web, edisaun Sabado (28/1/2017). Timotio Gusmao

Suara Timor Lorosae

Taur Sei La Kandidata Aan Ba Prezidente 2017-2022, 20 Maio Deklara Pozisaun Ikus

DILI- Prezidente Republika (PR) Taur Manta Ruak sei deside nia pozisaun wainhira remata mandatu iha 20 Maio, maibe sei mantein pozisaun iha vida politika wainhira deside sai husi vida militar.

Liu husi sesaun husu no hatan durante prezidete vizita Prezidente Republika Taur Matan Ruak iha suku Fatuhada Kinta (26/01/2017), joventude suku Fatuhada Fernando Fontes hatete, prezidente nia mandatu sei hakotu iha 20 Maio 2017.

Hau hakarak husu prezidente republika mandatu 20 maio remata ona, se karik la rekandidata Aan, sei halo saida nudar eis prezidente,” dehan Fernando.

Nunee mos Lucas Tilman Gusmao hatete nudar sidadaun hein prezidente republika atu rekandidata Aan tamba povu senti kontente ho lideransa prezidente Republika nian.

Hatan ba prekupasaun nee Prezidente Republika Taur Matan Ruak katak nia parte sei asimu mandatu Prezidente Republika periode ida deit, tamba senti orgoilu no onra boot ba konfiansa neebe povu fo iha 2012.

Ministro da Educação timorense apresenta-se como candidato às eleições presidenciais

Díli, 27 jan (Lusa) - O ministro da Educação timorense e dirigente do Partido Democrático (PD), António da Conceição, disse hoje à Lusa que aceitou a nomeação do seu partido para se apresentar como candidato às eleições presidenciais de 20 de março próximo.

"Tivemos um encontro alargado do partido na quinta-feira com a presença das representações municipais, fizemos várias análises e consideramos que é importante o Partido Democrático propor um candidato às eleições presidenciais", disse à Lusa António da Conceição.

"Todos eles nomearam-me e deliberaram que eu seria o candidato e por isso decidi aceitar e vou-me candidatar", afirmou.

A candidatura de António da Conceição às eleições presidenciais é a quarta, somando-se às do atual presidente da Fretilin, Francisco Guterres (Lu-Olo), de António Maher Lopes (Fatuk Mutin), apoiado pelo Partido Socialista de Timor (PST), e à de José Neves, ex-vice-comissário da Comissão Anticorrupção (CAC), que se apresenta como independente.

Último governador de Hong Kong diz que Londres arrisca "vender honra" em nome de negócios

Macau, China, 26 jan (Lusa) -- O último governador britânico de Hong Kong, Chris Patten, afirmou que o Reino Unido arrisca não cumprir as suas promessas relativamente à antiga colónia e "vender a sua honra" na tentativa de alcançar acordos comerciais com a China.

Falando no programa Newsnight da BBC, na noite de quarta-feira, Chris Patten disse que o Reino Unido desiludiu "uma geração" de ativistas pela democracia.

A 01 de julho assinala-se o 20.º aniversário da transferência de soberania de Hong Kong do Reino Unido para a China, após mais de um século de administração britânica.

Londres garante que leva muito a sério os seus compromissos para com Hong Kong.

A antiga colónia britânica possui desde então o estatuto de Região Administrativa Especial da China e beneficia, em princípio, de uma ampla autonomia, consagrada no modelo 'um país, dois sistemas'.

Segundo os termos da Declaração Conjunta Sino-britânica, firmada em 1984, a passagem de Hong Kong em 1997 foi feita em troca de uma "elevada autonomia" e da garantia de manutenção de uma série de liberdades, não aplicadas na China, como de expressão, imprensa ou reunião, e de um sistema judicial independente, teoricamente até 2047.

Vise-MF Justifika Saláriu Tarde ba Funsionáriu

Dili, (ANTIL) – Vise-Ministru Finansa (Vise-MF), Helder  Lopes hateten katak saláriu ba funsionáriu hotu ne’ebé tarde tanba tinan ne’e, governu deside tenke halo ajustamentu iha sistema liu hosi ajustamentu salariál ba funsionáriu sira ne’ebé iha rejime jerál no dadaun ne’e, munisípiu sira mós iha orsamentu propriu, entaun hakarak ajusta iha sistema tenke haree hodi koloka osan lolos atu sira simu.

“Ezemplu, staf Ministériu Agrikultura ne’ebé servisu iha munisípiu, signifika ita tenke halo ajustamentu sistema atu nia bele simu osan propriu hosi orsamentu munisípiu nian,”  dehan Vise-MF ba jornalista sira iha Ministériu Finansa (MF), Kuarta, (25/01/2017).

Tuir Vise-MF, ajustamentu mak han tempu oituan, maibé dadaun ne’e prosesamentu osan komesa haruka ona ba banku sentrál, hein katak hahú aban bele tama ona ba konta bankaria ba funsionáriu ida-idak nian.

Hafoin ida ne’e, fulan sira tuir mai, saláriu hahú normál liu hosi esforsu ne’ebé Ministériu Finansa iha, atu osan bele tama lalais ba konta ema ida-idak nian.

MF nia papél atu halo pagamentu ba funsionáriu hotu iha fulan ida ne’e. labele fiar ba karta balun ne’ebé fo sai hosi média sosiál katak Janeiru ne’e funsionáriu la simu osan.

“Karta ne’ebé sira tau iha média social, ne’e problema interna sira nian, la’os MF nian,” nia dehan. (Jornalista: Zezito Silva / Editor: Gantry Meilana)

Foto: Vise-ministu Finansa, Helder Lopes

LEE MÓS IHA ANTIL

SEPFOPE Marka Pasu Importante Ida Tuir Lei Traballu

DÍLI (ANTIL) – Sekretariu Estadu Polítika Formasaun Professional no Empregu (SEPFOPE) Ilídio Ximenes da Costa ne’ebé foin hetan posse nu’dar Prezidente Nasional Traballu dehan SEPFOPE marka pasu importante ida ne’ebé tuir lei Traballu.

“SEPFOPE marka tan pasu importante ida katak desde tinan hirak liu-ba estabelese, Konsellu Nasional Traballu ne’ebé tuir lei Trabalhu, konsege hetan posse ne’ebé fó fiar atu bele hare asuntus elaboral liu-liu asuntus Traballu nian,” Ilídio iha nia diskursu Seremonia Tomada Posse ba membrus Konsellu Nasional Traballu no Konsellu Arbitrajen Traballu iha Sala-K’nua Buka Hatene SEPFOPE Kaikoli, ohin loron.

Nia hatutan, antes simu posse, hare-mós kona-ba saláriu mínimu no buat lubun ida kona-ba industria estrativa nian ne’ebé hahu halo diskusaun, signifika Konsellu Nasional Traballu importante tebes tamba bele foti desizaun no lei sira sei lori ba Konsellu Ministru atu hetan aprovasaun.

“SEPFOPE haksolok tebes ho prezensa husi membru Governu no Parlamentu Nasional ne’ebé fó fiar no k’biit ba ami liu-husi tomada posse atu bele fortifika liu-tan ami nia prezensa iha nasaun ne’e no husi atu kontinua bele fó mahon, liu-liu liga ho lei trabalhu,” Ilídio tenik.

Nune’e nia dehan tan, Importansia husi prezensa mak prezisa hare no hanoin atu nusa Kosellu Nasional Traballu bele la’o ho diak, “Atu la’o ho diak konserteza ita nia hanoin tau hamutuk, wainhira iha problema ruma ita preciza hadia, tamba desde inísiu to’o agora SEPFOPE sempre iha serbisu ne’ebé diak ho parseiru sira”.

Tuir Ilídio durante hala’o k’nar sempre hetan difikuldade, maibé sempre hetan solusaun liu-husi diálogu, “Wainhira lei trabalhu fó sai no halo sosializasaun hau mos sei asiste katak sei iha difikuldade maibé to’o ikus konsege iha númeru ne’ebé tun, maibé problema kona-ba asuntus trabalhu sei kontinua iha, ne’e mak husu atu ita servisu husi sira ne’ebé hetan ona posse serbisu la’os kaman, maibé sei todan”.

Nia mos dehan, tomada posse signifika fó fiar ida mai ita, oinsa bele la’o ho diak, hala’o k’nar ho sériu no ho seriudade ita bele hamosu buat ida positivu ba ita nia rai doben Timor-Leste. (Jornalista: Julia Chatarina / Editor: Gantry Meilana)

Foto 1: Sekretariada Estadu Polítika Formasaun Professional no Empregu (SEPFOPE) Ilídio Ximenes da Costa halo diskursu iha Seremonia Tomada Posse ba membrus Konselhu Nasional Trabalhu no Konselhu Arbitrajen Trabalhu iha Sala-K’nua Buka Hatene SEPFOPE Kaikoli, Kinta (26/01). Foto: Media SEPFOPE

Foto 2: Ilídio Ximenes da Costa hetan posse hanesan Prezidente Konselhu Nasional Trabalhu. Foto: Media SEPFOPE

Inskrisaun Estudante Foun UNTL Lao Ona, Francisco: UNTL Lahalo Korupsaun

DILI - Inskrisaun ba estudante foun Universidade Nasional Timor Lorosae (UNTL) hahu ona, maibe iha informasaun neebe espalla katak UNTL ho Ministeriu Edukasaun (ME) halo korupsaun ida nee lalos, se mak koalia tenke hatudu evidensia.

Kestaun nee hatoo husi Reitor UNTL Francisco Miguel Martins katak,  informasaun dehan kada estudante foun mai halo rezista obrigatoriu tenke lori jornal ida-idak hodi haree naran neebe publika, ida nee laiha kondisaun neebe mak universidade tau hanesan kriteria, estudante atu sosa jornal, ou atu lori jornal kada estudante nee lae, UNTL lahalo korupsaun.

Kriteria hotu ME mak halo, i publika naran mos ME mak publika iha jornal, neebe husi UNTL lahatene, derepente deit mosu informasaun dehan halo korupsaun ida nee halo sira mos hakfodak. Se deit mak hatene katak UNTL ho ME halo korupsaun ba estudante foun ida nee tenke mai hatudu provas atu nunee haree komfiaves kalae, nebe keta naran koalia ema seluk dehan halo korupsaun bainhira laiha provas,” katak Francisco iha nia knar fatin ba Jornalista Segunda (23/01/2017) iha kampus Induk UNTL.

Nia hatete, labele naran koalia ema seluk, bainhira hakarak futuru nasaun lao diak tenke koalia los, no hatudu evidensia, se kuandu koalia ema seluk dehan korupsaun maibe laiha evidensia,  ema nee bele kondena fali ba iha tribunal.

Iha fatin hanesan Estudante Foun Finalista husi Eskola Sekundaria Santo Antonio Manatuto, Iria Angelina Lourdes hatete, hanesan estudante foun iha kriteria neebe mak fo atu rezista, sira lori jornal neebe mak publika sai naran no mos orsamentu neebe mak halo rezista nian hamutuk 87 dolares. Informasaun kompletu iha STL Jornal no STL Web, edisaun Tersa (24/1/2017). Guilhermina Franco/Jacinta Siqueira

Suara Timor Lorosae

Asegura Eleisaun, PNTL Kapasita Komandante Munisipiu

DILI – Atu asegura eleisaun jeral neebe sei akontese iha tempu badak, Polisia Nasional Timor Leste (PNTL) sei halao kapasitasaun ba Komandante Munisipiu, Postu Administrativu no komandante operasaun hotu, kona ba oinsa asegura eleisaun lao diak.

Ba kestaun nee Segundu Komandante Jerál PNTL Komisariu Faustino da Costa dehan, komandu sei bolu komandante munisipiu, Postu administrativu no komandante operasaun hotu, hodi kapasita sira konaba oinsa asegura eleisaun jeral.

Ita planeia hotu ona hodi bele fo kapasitasaun ba komandantes hotu hosi munisipiu no postu administrativu nian, nunee bele asegura eleisaun jeral nee ho diak,” dehan Faustino ba Jornalista iha Kuartel Jerál PNTL, Caicoli, Segunda (23/01/2017).

Nia dehan, laos nee deit antes nee sira mos halao ona kapasitasaun ba Ofisiais Polisia Suku (OPS) hosi Suku 442, maibe fahe ba tornu, kada tornu ema nain 25, too remata.

Iha sorin seluk Komandante PNTL Eskuadra Laga, Sarjentu Polisia, Duarte Soru, liu husi viatelefone katak, husi parte postu administrative Laga, sira hahu prepara iha area seguransa. Informasaun kompletu iha STL Jornal no STL Web, edisaun Kinta (26/1/2017). Lucia Ximenes

Suara Timor Lorosae

ARTEMARSIAIS HAHÚ FALI CHECK POINT, MEMBRU PNTL MAK ORGANIZA

Besik ona eleisaun Prezidensial no eleisaun Parlamentar, grupu artemarsiais mós hahú hamanas situasaun hodi halo aktividade check point ba malu iha tempu kalan.

Deputadu membru Komisaun B, husi bankada CNRT, Cesar Valente ‘Pilotu’ informa, check point artemarsiais nian ne’e, membru Polisia Nasionál Timor Leste (PNTL), mós hatais sivil hodi halo hotu check point.

“Iha Dili laran, iha fali ona buat ida check point, artes kriminozu sira ne’e, agora halo fali check point. Ida ne’e Polisia ba iha ne’ebé? Ha’u rona polisia balu mós tau sivil atu halo check point hotu,”levanta Cesar Valente iha plenária Parlamentu Nasional (PN), Segunda (23/01).

Tanba ne’e, nia ejiji ba Komandante Jeral PNTL atu loke investigasaun ba membru PNTL sira ne’e, hodi membru PNTL ne’ebé mak involve iha aktu check point ne’e, tenki fó sansaun ida ne’ebé sériu.

“Ema sira hanesan ne’e, tenki soe ba iha Atauro ne’eba, ou dudu sira ba hein iha Jaco ne’eba ne’e. Foti medidas aruma ema sira hanesan ne’e ba tau hotu iha Jaco hodi hein Rusa, hola tan Leaun ba hakiak iha ne’eba para sira hein”, katak Pilotu.

Iha fatin hanesan, deputadu Francisco Branco husi bankada FRETILIN mós dehan, kestaun seguransa nasionál tenki sai asuntu nasionál PN ninian.

Funsionáriu 117 Sei Destaka Nafatin iha RTTL, EP

DILI (ANTIL)- Funsionáriu Públiku Rádiu Televizaun Timor-Leste,EP (RTTL,EP) bainhira Governu fó opsaun atu hili Empreza Públiku ka mantein funsionáriu públiku, nune’e rezultadu ne’e iha katak ema na’in 117 hili sai funsionáriu públiku, 39 mak deside sei hala’o knaar iha empreza públiku no 33 laiha opsaun atu hili ba empreza públiku ou funsionáriu públiku.

Liuhusi sorumutuk entre Prezidente Komisaun Funsaun Públiku, Faustino Cardoso, Serkretáriu Estadu Komunikasaun Sosiál (SeKoms), Nélio Isaac Sarmento, Diretór Jerál Prezidénsia Konsellu Ministru, Victor Maia, no Prezidente Konsellu Administrativu RTTL, EP, Milena Abrantes, iha edifísiu Komisaun Funsaun Públiku, Kinta (26/1/2017) katak funsionáriu 117 ne’ebé hili sai funsionáriu públiku sei destaka nafatin iha RTTL, EP.

Prezidente Funsaun Públiku (FP), Faustino Cardoso iha enkontru ne’e hatete, kona-ba desizaun destakamentu funsionáriu sira ne’e, FP presiza lista ikus liu husi RTTL,EP tanba relatóriu ne’ebé hato’o seidauk iha desizaun ruma husi Konsellu Administrativu RTTL,EP nian atu simu funsionáriu hira nune’e FP presiza iha klareza no desizaun formál mezmu iha enkontru ne’e mensiona ona ema na’in hira mak sei hala’o knaar iha RTTL,EP.

Entretantu husi lista ne’ebé bazeia ba kestionáriu liuhusi formuláriu ne’ebé fahe, SEKOMS hatete, to’o ona tempu ba rezultadu RTTL,EP nian hodi haree loos kona-ba estatutu funsionáriu nian, oinsá sira ne’ebé hili EP, funsionáriu públiku ne’ebé hakarak halo destakamentu iha RTTL,EP no kumpri regra RTTL nian ka FP no funsionáriu ne’ebé iha formuláriu lahili opsaun signifika prienxe formuláriu maibé lahatete atu ba RTTL,EP ka funsionáriu públiku maibé iha de’it opsaun ida katak funsionáriu públiku.