Xanana Aban Fila Mai Dili

DILI, (TATOLI) - Prezidente Partidu Libertasaun Popular-PLP, Taur Matan Ruak, informa ba Timoroan tomak katak, Xefe Negosiador Prinsipál Fronteira Marítima, Xanana Gusmão, informa ba ona ba nia (Taur) katak, aban Xanana fila hikas mai Dili, Timor-Lorosa’e.

 “Ha’u husu ba AMP (Aliansa Mudansa ba Progresu) aban (Domingu) ba simu ita nia maun boot Xanana,” Porta Vóz AMP, Taur Matan Ruak informa iha sede PLP, Metiaut bainhira simu vizita hosi militante CASDT, Ohin.

Taur mós apela ba povu Timor Lorosa’e atu sente laran kmanán bele hakbesik an ba iha aero portu Nikolau Lobato, aban, iha tuku 1H30 hodi simu lider nasionál, Kay Rala Xanana Gusmão.

“Husu ba hotu-hotu ne’ebé isin kaman bele hakat ba simu ita nia maun, Ita boot sira sei hanesan AMP,” eis Jeneral ne’e apela.

Hodi kontinua dehan, “la presiza lori atributu ba simu, tan seidauk kampaíña.”

Kay Rala Xanana Gusmão nu’udar Xefe Negosiador Prinsipál ba ekipa Fronteira Marítima, ne’ebé simu knaar hosi sestu governu, liuhosi rezolusaun governu ne’ebé hasai iha  loron 3 Fevereiru 2016, hodi lidera ekipa negosiasaun Fronteira Marítima, hasoru nasaun Australia. Ho hanoin atu dignifika no tane As soberania ho integridade nasionál.

Tuir informasaun hosi komisaun ida nee kompostu husi Jovens independente no voluntáriu informa katak route atu simu Xanana Gusmão sei hahú husi aeroportu Nicolau Lobato ba to’o iha Xanana nia rezidénsia Bidau Lesidere. Tanba ne’e, husu komunidade hotu atu hamriik iha estrada ba simu Xanana hodi hatudu apresiasaun ba rezultadu hotu ne’ebé mak Timor- Leste atinje ona, liuhosi Xanana Gusmão nia luta durante fulan neen iha estranjeiru.

Komisaun mós konvida povu no komunidade Timor Lorosa’e, espesiál ba Dili, atu hola parte iha marsha ba unidade Nasionál, Interese Nasionál no Konsensu Nasionál.

Entretantu komisaun ida nee kompostu husi Jovens independente no voluntáriu, nia porta vóz mak Leovigildo Hornai, eis sekretáriu estadu juventude desportu.

“Agora ami prepara konsolida ho suku no bairru sira,” Leovigildo Hornai informa.

Jornalista : Agapito dos Santo | Editór : Manuel Pinto

Alkatiri konsidera PD Úniku

DILI, (TATOLI) – Sekretáriu Jerál Partidu Frente Revolusionária Timor-Leste Independente (FRETILIN), Marí Alkatiri, konsidera Partidu Demokrátiku (PD) hanesan partidu jerasaun foun ne’ebé úniku tanba kontinua eziste hodi partisipa ativu iha prosesu dezenvolvimentu durante tinan 15.

“Partidu Demokrátiku ita bele dehan moris depois referendum maibé úniku tanba nafatin eziste”, dehan Alkatiri iha Delta Nova bainhira partisipa konferénsia nasionál PD, ohin.

Hatutan, PD moris iha ambiente demokrátiku hodi haburas demokrasia, páz no estabilidade. “Moris ho espíritu joven, karater joven no moris ho determinasaun joventude”, hateten.

Alkatiri hatutan PD partidu ida boot tanba ho nia estrutura to’o baze hodi avansa mesak ba EA. “Nee hatudu momos partidu demokrátiku partidu ida ba futuru”.

Jerasaun foun iha responsabolidade boot ba futuru Nasaun, tanba ne’e tenke serbí ho kapasidade no kualidade ba povu nia moris di’ak.

Jornalista: Agapito dos Santos | Editora: Rita Almeida

Imajen: Sekretáriu Jerál Partidu Frente Revolusionária Timor-Leste Independente (FRETILIN), Marí Alkatiri.

Taur: Ukun nain labele hanoin de’it tau osan ba bolsu

Prezidenti Partidu Libertasaun Popular (PLP), nu’udar mos Portavoz Aliansa Mudansa ba Progresu (AMP), Taur Matan Ruak, hateten, atu prepara jerasaun foun ba futuru nasaun, bainhira kaer ukun labele hanoin de’it atu tau osan ba bolsu, maibé tenki hatudu ezemplu diak atu jerasaun foun sira bele banati tuir.

“Hakarak prepara jerasaun foun sira, kuandu kaer ukun, hanoin sira ne’ebé mate ona, no sira barak ne’ebé mak sei moris, tanba sira fó ona sira-nia kontribuisaun ba nasaun ida ne’e, sai nasaun livre no independente, labele hanoin de’it tau osan ba bolsu, no haluha ema seluk,” katak Taur Matan Ruak, ba jornalista sira iha Sede PLP Meti-Aut Dili foin lalais ne’e.

Taur haktuir, bainhira nia mandatu hanesan Prezidenti Repúblika remata, nia iha opsaun rua atu hili, ida mak kandidata-an ba segundu ronde, no ida seluk mak involve aan iha partidu.

“Karik ita haree iha V no VI Governu, partidu hotu kuaze unaminidade, no etikamente labele, mas  Prezidenti Repúblika sai tiha opozisaun ida iha momentu ne’eba. Kuandu ha’u atu remata ha’u nia mandatu, ha’u iha dalan rua, ba segundu mandatu, ou tama partidu. Ba segundu mandatu ha’u laiha posibilidade, tanba ha’u iha relasaun ladiak ho CNRT no FRETILIN,” katak Taur Matan Ruak.

Nia afirma, iha momentu ne’eba mak nia kandidata-an fila fali ba Prezidenti Repúblika, no eleitu nafatin atu sai Prezidenti Repúblika mós, difisil atu rekoopera fali relasaun ninian ho CNRT no FRETILIN.

Taur Matan Ruak, agradese ba partidu FRETILIN, tanba bele loke dalan ba nia ho Kay Rala Xanana Gusmão hamutuk fila fali.

Taur Matan Ruak, agradese ba partidu FRETILIN, tanba bele loke dalan ba nia ho Kay Rala Xanana Gusmão hamutuk fila fali.

“Karik ita haree iha V no VI Governu, partidu hotu kuaze unaminidade, no etikamente labele, mas  Prezidenti Repúblika sai tiha opozisaun ida iha momentu ne’eba. Kuandu ha’u atu remata ha’u-nia mandatu, ha’u iha dalan rua, ba segundu mandatu, ou tama partidu. Ba segundu mandatu ha’u laiha posibilidade, tanba ha’u iha relasaun ladiak ho CNRT no FRETILIN,” katak Taur Matan Ruak.

Prezidenti PLP ne’e dehan, iha polítika nia laran, buat ida naran han gratuita ne’e laiha, buat hotu iha nia objetivu.

“Ha’u hatete ba sira, imi ho imi-nia maun breok ne’e mak halimar ho imi, imi ho imi-nia maun ha’u oin aat ida ne’e, hurlele imi loron la manas. Ita hakarak manan, tenki servisu, hisik kosar, tanba laiha buat ida mak atu ema fó ba ita iha bandeza,”relata Taur Matan Ruak.

Alende ne’e, Taur Matan Ruak mós afirma, kualker Governu se de’it mak atu kaer ukun, tenki involve sidadaun sira iha prosesu dezenvolvimentu.

“Hanesan luta ba ukun aan, ita-nia sidadaun sira mak fó kontribuisaun bo’ot, mesak matenek de’it, la halo buat ida, maibé ita hotu hamutuk, beik, matenek, riku no kiak, ferik no katuas, foin sa’e mak ita manan funu, entaun prosesu dezenvolvimentu ne’e ita tenki buka oinsa mak integra ita-nia sidadaun sira iha prosesu ne’e,”relata Taur Matan Ruak. cos

GMN TV | Grupo Média Nacional

Eskritor poeta husu ajuda ba PR

Eskritor ba poeta timoroan, Emanuel de Jesus Barbosa husu ajuda ba Prezidenti Repúblika (PR) Francisco Guterres Lú Olo atu oferese fatin biblioteka ida ba nia.

Fatin ba biblioteka ne’ebé nia husu, atu bele fasilita nia, hodi bele esplora nia matenek, nu’udar poétiku timoroan ida hodi bele halo leitura no hakerek poeta ba públiku em jeral bele asesu.

“Ha’u nia objetivu ne’e atu husu tulun, para bele iha livrária ida. Atu Prezidenti Repúblika bele fó livrária ka bibilioteka ida, ha’u sei fakar ha’u nia imajinasaun no mentalidade iha fatin refere atu oinsa para ema bele asesu ha’u nia liafuan. Total poeta ne’ebé ha’u hakerek ona hamutuk 115 ho líangua oi-oin hanesan, España, Inglés, Tétum no Indonézia,” hateten eskritór poeta, Emanuel de Jesus Barbosa ba jornalista sira hafoin enkontru ho Xefi Estadu Francisco Guterres Lú Olo, iha Palácio Prezidensiál Nicolau Lobato Díli, Sesta (9/3).

Tuir nia, poeta ne’ebé nia hakerek sempre foka liu ba ema nia sofrimentu moris lor-loron hanesan domin no seluk tan.

“Ha’u la presiza atu foti tema, ba ha’u nu’udar eskritór ha’u la haree liu ba tema, ha’u haree liu ba ema nia sofrimentu, wainhira ha’u haree ema balun sofre konaba domin, wainhira ha’u haree ema balun sofre konaba moris, ha’u tama iha nia vida,” nia afirma.

Poeta nu’udar jéneru literáriu ida ne’ebé hakerek iha versu ho forma ne’ebé harmonioza no hanesan manifestasaun konaba beleza liuhusi liafuan ne’ebé hakerek husi eskritór sira ne’ebé bele inspira no fanu ema nia sentimentu. Ias

GMN TV | Grupo Média Nacional