Kona-ba ratifikasaun ba Tratadu RDTL no Australia hodi estabelese Fronteira Marítima iha Tasi Timor

La’o Hamutuk Institutu Timor-Leste ba Monitor no Analiza Dezenvolvimentu Rua Dom Alberto Ricardo, Bebora, Dili, Timor-Leste Tel : +670 332 1040 Email: laohamutuk@gmail.com Website: www.laohamutuk.org

Submisaun ba Parlamentu Nasionál RDTL

Husi Institutu Timor-Leste ba Monitór no Analiza Dezenvolvimentu La’o Hamutuk

Kona-ba ratifikasaun ba Tratadu entre Repúblika Demokrátika Timor-Leste no Australia hodi estabelese Fronteira Marítima iha Tasi Timor

6 Agostu 2018

Konteúdu

Introdusaun ....................................................................................................................................... 2

Ami fó parabéns ba nasaun rua ba akordu fronteira marítima. .......................................................... 2

Parlamentu tenke ratifika Tratadu ne’e lalais no inkondisionalmente. ............................................... 2

Timor-Leste presiza mantén nia sistema transparénsia ba jestaun atividade petrolíferu. ................... 3

Timor-Leste labele depende nafatin ba mina, ita tenke diversifika. .................................................... 3

Ita tenke halo avaliasaun ba kustu, benefísiu, no risku Projetu Tasi Mane molok ita gasta tan osan. .. 4

Sumáriu

• La’o Hamutuk fó parabéns nasaun rua nia esforsu hodi define fronteira marítima hafoin luta tinan barak nia laran.

• Ami enkoraja Governu atu ratifika lalais Tratadu ida ne’e.

• Timor-Leste tenke mantén nafatin nia sistema governasaun ne’ebé efetivu hodi jere setór petrolíferu.

• Presiza foka ba enerjia no rekursu nasaun ne’e nian hodi diversifika ekonomia atu nune’e hadook- an husi dependénsia petrolíferu.

• Molok aumenta tan gastu ba Projetu Tasi Mane, Governu, Parlamentu no públiku tomak tenke estuda kle’an rezultadu husi avaliasaun fiskál, sosiál, ekonomia no kustu ba ambiente, hodi tetu benefísiu no risku sira.

• Sidadaun Timor-Leste no Australia sei kontinua ezije ba Governu Australia atu selu osan Biliaun 5 Dolar Amerikanu husi rendimentu petrolíferu nian ne’ebé foti husi Timor-Leste nia territóriu marítima.

Submisaun husi La’o Hamutuk ba Parlamentu Nasionál kona-ba Tratadu Fronteira Marítima Pájina 2

Introdusaun

Dezde tinan 2000, La’o Hamutuk halo advokasia ba Fronteira Marítima ida ne'ebé permanente entre Timor-Leste no Australia. Iha tinan 2004, hamutuk ho ativista no organizasaun sosiedade sivíl sira La’o Hamutuk hola parte hodi kria Movimentu Kontra Okupasaun iha Tasi Timor (MKOTT), ezije Australia atu respeita nia viziñu nia direitu soberania. Ami mós ezije Australia atu banati tuir prinsipiu legal internasionál sira, no tama fali ba sistema internasionál hanesan UNCLOS atu asegura rezultadu ida ne'ebé justu.

Ami fó parabéns ba governu rua ne’ebé halo ona negosiasaun ba Tratadu hafoin luta ne'ebé lori tempu naruk, no ami hein katak nasaun rua sei ratifika Tratadu ne’e lalais atu reforsa soberania no prevene Australia atu foti beibeik lukru mina husi area ne’ebé sira foin rekoñese nudár territóriu Timor-Leste.

Atividade Petrolíferu husi Tratadu ne’e presiza respeitu sistema jestaun petrolíferu Timor-Leste nian ne’ebé transparente liu kompara ho Australia nian. Kompañia sira ne’ebé sei hala’o operasaun iha Timor-Leste nia territóriu tenke halo tuir Timor-Leste nia lei.

Konkordánsia ba fronteira marítima atinje ona, Timor-Leste presiza foka ba asuntu urjente sira seluk, espesialmente urjénsia atu diversifika ekonomia. Maski ho Tratadu foun ne’e, Timor-Leste nia mina iha area tasi ka rai-maran se nafatin la nato’on atu sustenta nasaun ne’e ba tempu naruk.

Ami fó parabéns ba nasaun rua ba akordu fronteira marítima.

Tratadu ne’ebé asina iha 6 Marsu iha Nova Iorke loke kapítulu foun ida iha istória diplomátika Timor- Leste no Australia, ne’ebé iha tinan barak nia laran nakonu ho tensaun tanba Australia hetan rendimentu husi Indonézia nia okupasaun ilegál no manipula Timor-Leste hodi hetan rekursu iha area Timor Sea ne’ebé foin lalais Australia foin rekoñese nudár parte husi Timor-Leste. Ami fiar katak tratadu foun ida ne’e bele loke dalan ba nasaun rua atu fahe rekursu iha tasi laran, no harii relasaun metin bazeia ba respeitu mutual ba nasaun ida-ida nia soberania.

Ami mós hakarak fó parabéns ba povu Timor-Leste no Australia, no belun internasionál sira, ba advokasia, demonstrasaun hodi konvense Governu Australia atu respeita Timor-Leste nia direitu soberania. Fronteira Marítima ne’ebé justu la’ós atinje tanba Governu Australia nia laran di’ak, maibé rezultadu husi luta ida naruk, badinas ho kometimentu ne’ebé bot.

Tratadu ne’e hatudu ezemplu foun ba mundu tanba ba primeira vez, nasaun ida konsege lori nasaun viziñu atu negosia hamutuk uza prosesu Konsiliasaun Obrigatóriu bazeia ba UNCLOS. Mundu aprende tan meius foun ida kona-ba oinsá rezolve problema kona-ba fronteira tasi sira.

Parlamentu tenke ratifika Tratadu ne’e lalais no inkondisionalmente.

Maske Tratadu ne’e asina tiha ona fulan lima liu ba, Parlamentu nasaun rua seidauk ratifika. Australia hahú ona prosesu simu submisaun hodi simu hanoin husi parte oi-oin1, no ami hein katak sira sei kompleta ho lalais.

Maske lideransa polítika husi partidu hotu iha Timor-Leste suporta Tratadu ne’e, Governu no Parlamentu seidauk hahú prosesu formal atu ratifika, no ami enkoraja atu ratifika ho lalais.

1 Haree https://www.aph.gov.au/Parliamentary_Business/Committees/Joint/Treaties/TimorTreaty. La’o

Hamutuk nia submisaun ba Parlamentu Australia http://www.laohamutuk.org/Oil/Boundary/JSCT/2018/LHtoJSCT18Apr2018.pdf (Ingles) http://www.laohamutuk.org/Oil/Boundary/JSCT/2018/LHtoJSCT18Apr2018te.pdf (Tetum).

Submisaun husi La’o Hamutuk ba Parlamentu Nasionál kona-ba Tratadu Fronteira Marítima Pájina 3

Ratifikasaun ne’e la’ós de’it hametin liña fronteira ne’ebé estabelese ona, maibé mós fó direitu ba Timor-Leste atu simu tan 10% rendimentu Bayu-Undan, ho valor maizumenus tokon $4 kada fulan ne’ebé agora daudaun sei nafatin tama ba Australia nia bolsu, too Tratadu foun ne’e efetivu.

Timor-Leste presiza mantén nia sistema transparénsia ba jestaun atividade petrolíferu.

Timor-Leste foti tiha ona medida importante hodi hamenus impaktu “malisan rekursu” ne’ebé afeta nasaun hirak ne’ebé depende liu ba esportasaun mina, meius ne’e inklui mantén lei hirak ne’ebé importante ba transparénsia no akontabilidade ba projetu jestaun petrolíferu sira. Tuir Artigu 30.1(a) Lei Atividade Petrolíferu nu. 13/2005, dokumentu autorizasaun ba esplorasaun no produsaun petrolíferu sira sai hanesan dokumentu públiku, no prinsipiu importante husi Inisiativa Transparénsia Indústria Estrativa (ITIE/EITI) no Timor-Leste kumpre padraun ITIE dezde 2003. Ita orgullu atu sai nasaun da-tolu iha mundu ne’ebé sertifika no banati tuir ITIE. Maske Australia nia rekerimentu ba transparénsia ladún rigorozu, Timor-Leste labele hafraku ninia sistema boa governasaun.

Ami preokupa katak Provizaun Tranzisionál sira no dokumentu seluk relevante ba Tratadu ne’e dehan katak “Atividade Petrolíferu saida de’it mak la’o bazeia ba termu husi Tratadu Tasi Timor ka Akordu Unitizasaun Internasionál sei kontinua tuir termu no kondisaun ne’ebé aplika antes tiha ona.” Triste katak, kontratu ba Bayu-Undan no Greater Sunrise, ne’ebé asina molok Lei nu. 13/2005 aprova, subar nafatin husi Parlamentu no públiku no labele hetan asesu. Hanesan mós ho kontratu ho Australia ba parte husi Sunrise no Buffalo ne’ebé rai subar nafatin husi públiku. Iróniku, tanba kontratu petrolíferu hotu ne’ebé asina husi Timor-Leste dezde 2005 publika hotu ona, bazeia ba lei nia rekerimentu sira.2

Uainhira Tratadu foun ratifika ona, kontratu Area Konjunta ba Dezenvolvimentu Petrolíferu (AKDP/JPDA) no area hirak ne’ebé okupa husi Australia sei troka ho kontratu foun entre Timor-Leste ho kompañia mina sira, no sira presiza kumpre tuir Timor-Leste nia lei. Parlamentu nasionál presiza luta atu Timor-Leste nia rekerimentu legal ba transparénsia labele fraku, no presiza aviza ba kompañia mina sira katak termu kontratu pasadu nian sei la “aplika ona”. Kompañia mina Carnarvon ne'ebé iha kontratu ba kampu mina Buffalo haktuir iha sira nia relatóriu trimestral katak, sira hein Timor-Leste sei aprova “lejizlasaun espesiál” atu kontinua termu fiskál tuir regra Australia nian ba Buffalo, maibé ami husu Parlamentu Nasionál labele fó fatin ba ida ne’e.3

Timor-Leste tenke informa kompañia mina sira katak sira presiza kumpre tuir Timor-Leste nia lei, no sei la hetan tratamentu espesiál atu halai sees husi ita nia padraun sira. Nasaun barak aprende tarde, no tanba sistema transparénsia ne’ebé fraku iha operasaun jestaun petrolíferu no rendimentu nian bele lori nasaun ba konflitu, korrupsaun, estraga ambiente, governasaun ladi’ak no limita dezenvolvimentu ekonómiku. Timor-Leste bele orgullu ho ita nia sistema jestaun dezenvolvimentu petrolíferu no rendimentu, no ita presiza proteje ida ne’e.

Timor-Leste labele depende nafatin ba mina, ita tenke diversifika.

Agora Tratadu asina tiha ona, tempu to’o ona atu prioritiza Timor-Leste nia ekonomia. Rendimentu husi mina no gas sei la dura ba tempu naruk. Maske Tratadu ne’e sei fornese rendimentu adisionál ba Timor-Leste husi Bayu-Undan no Buffalo, bainhira tau hamutuk, nia valor sei hanesan ho orsamentu ne’ebé foti sai husi Fundu Petrolíferu ba tinan ida. Maske Greater Sunrise sei fornese rendimentu adisionál no benefísiu ekonómiku seluk, La’o Hamutuk estimatiza katak, iha tinan 40 oin

2 Kontratu sira hele hetan iha http://www.laohamutuk.org/Oil/PSCs/10PSCs.htm no iha ANPM nia website.

3 http://www.carnarvon.com.au/wp-content/uploads/2018/04/MarQ1.pdf

Submisaun husi La’o Hamutuk ba Parlamentu Nasionál kona-ba Tratadu Fronteira Marítima Pájina 4

mai, nia total sei menus sorin balu husi Biliaun $22 dolar ne’ebé ita simu ona husi Elang- Kakatua, Kitan no Bayu-Undan dezde restaurasaun independénsia.

Presu mina muda tun sai no laiha ema ida mak hatene nia montante ezatu ba mina no gas hirak ne’ebé hetan ona no seidauk hetan iha Timor-Leste nia territóriu rai no tasi, tan ne’e imposivel ba ema ida atu halo estimatizasaun ne’ebé konkretu ba potensiál rendimentu husi petrolíferu. Maske nune’e, serteza katak ita sei la simu Biliaun $3 kada tinan ne’ebé fornese tiha ona dezde 2011 to’o 2013 husi Bayu-Undan no Kitan. Bazeia tuir ita nia despeza sira, rikusoin petrolíferu iha Fundu Petrolíferu sei la dura liu tinan 10. Tan ne’e, Timor-Leste presiza ho esforsu tomak harii lalais ita nia area ekonomia produtiva ne’ebé la’ós mina. La’o Hamutuk rekomenda atu ita kontinua haforsa ita nia agrikultura no peska, indústria ki’ik sira, no eko-turizmu atu sai hanesan xave hodi fornese ai-han ho nutrisaun di’ak, kampu servisu, no moris sustentável ba Timoroan tomak.

Ita tenke halo avaliasaun ba kustu, benefísiu, no risku husi Projetu Tasi Mane molok ita gasta tan osan.

Parlamentu, Governu no sosiedade sivíl presiza hare ho kle’an, analiza komprensivu ba kustu- benefísiu - risku husi Projetu Tasi mane, tau konsiderasaun bot ba nia durasaun no aspetu tomak husi projetu ne’e. Timor-Leste uza ona osan besik tokon $400 husi povu nia osan ba komponente inísiu husi projetu ne’e. Maibé osan ne’e montante ki’ik liu husi total orsamentu ne’ebé presiza ba finaliza projetu ne’e tomak, ne’ebé sei gasta besik biliaun $15. Molok asina kontratu no aloka osan, Timoroan no polítiku na’in sira presiza estuda kle’an, publika avaliasaun husi impaktu no estimatizasaun fiskál, sosiál, ekonómiku no kustu ba ambiente no risku ba Timoroan sira. Analiza ida ne’e presiza inklui estimasaun realístiku ba benefísiu husi servisu no kontratu sira, no risku husi liña fornesedór, oportunidade ba merkadu, kondisaun ekonomia global, kompetisaun, kompañia mina nia mehi no sira nia lala’ok bazeia ba rezultadu, no fatór hirak ne’ebé ita labele kontrola maibé bele determina rezultadu projetu ida ne’e.

Ho ne’e ami konklui submisaun ida ne’e ba Distintu Membru Parlamentu Nasionál, no ami agradese ita-boot sira nia atensaun ba asuntu ne’ebé refere. Ami kontente atu hatán pergunta ruma no fornese informasaun adisionál ne’ebé relevante ba asuntu sira diskute iha submisaun ne’e nia laran, no ami sei simu oportunidade atu hasoru ita-boot sira atu diskute liu tan.

Ami saran lia,

Berta Antonieta | Celestino Gusmão | Marta Da Silva | Charles Scheiner | Carly Munnelly

Submisaun ba Komisaun Permanente Konjunta kona-ba Tratadu sira Uma Fukun Parlamentár, Canberra, Australia

La’o Hamutuk Institutu Timor-Leste ba Analiza no Monitór Dezenvolvimentu Rua Dom Alberto Ricardo, Bebora, Dili, Timor-Leste Tel : +670 332 1040 Email: laohamutuk@gmail.com Situ: www.laohamutuk.org

Submisaun ba Komisaun Permanente Konjunta kona-ba Tratadu sira Uma Fukun Parlamentár, Canberra, Australia

Husi Institutu Timor-Leste ba Analiza no Monitór Dezenvolvimentu La’o Hamutuk

Kona-ba inkéritu husi Tratadu entre Australia no Repúblika Demokrátika Timor-Leste hodi estabelese Fronteira Marítima iha Tasi Timor

18 Abril 2018 Konteúdu

Introdusaun ................................................................................................................................................. 2

Ami apresia rezultadu husi esforsu nasaun rua nian..................................................................................... 2

Tratadu ida ne’e esklarese sala balu iha pasadu. .......................................................................................... 3

Australia tenke voluntariamente fó fila fali osan ne’ebé nia foti tiha ona. .................................................... 4

Tratadu Fronteira ne’e presiza retifika lalais no inkondisionalmente. ........................................................... 4

Australia tenke tama fali ba mekanizmu internasionál kona ba disputa fronteira. ........................................ 4

Australia tenki respeita Timor-Leste nia kometimentu ba transparénsia. ..................................................... 5

Sumáriu

• La’o Hamutuk apresia nasaun rua nia esforsu hodi defini fronteira marítima, hafoin luta no frustasaun iha tinan naruk nia laran.

• Nasaun rua ne’e sei simu benefísiu husi fronteira hirak ne’e, no agora bele harii relasaun ida ne’ebé bazeia ba igualdade, rekoñesimentu ba soberania nasionál no respeitu ba direitu tomak povu nasaun rua ne’e nian.

• Tratadu foun ne’e hakotu istória naruk no triste hahalok la loos nian ne’ebé komete husi nasaun riku no podér boot sira kontra povu Timor-Leste.

• Australia tenki voluntariamente fó fila fali osan biliaun Lima Dolar Amerikanu ne’ebé nia hetan husi atividade iha Timor-Leste nia territóriu maritimu tanba tratadu Timor Gap nian asina hodi hetan lukru husi okupasaun ilegál Indonézia iha Timor-Leste.

Submisaun husi La’o Hamutuk kona-ba Tratadu Fronteira Marítima 18 Abril 2018 Pájina 2

• Parlamentu Australia labele hanaruk tan prosesu ratifikasaun husi Tratadu nee, no obriga Timor- Leste atu lakon fali nia direitu ka rekursu sira, no halo fraku regulamentu transparénsia sira.

• Australia tenke muda fila fali asaun ne'ebé nia halo iha Marsu 2002 no tama fila fali ba mekanizmu UNCLOS no ICJ nian hodi rezolve disputa fronteira marítima internasionál sira.

• Australia ho kompañia mina sira ne’ebé halo operasaun iha area tasi Timor-Leste nian, tenki respeita Timor-Leste nia komitmentu ba transparénsia no boa governasaun; kontratu hirak ne’ebé atu asina fali tenke halo tuir Timor-Leste nia lei sira.

Introdusaun

La’o Hamutuk, Institutu Timor-Leste ba Monitór no Analiza Dezenvolvimentu, mak organizasaun sosiedade sivíl Timor-Leste nian ida ne’ebé harii iha tinan 2000. Ami halo analiza no tau matan ba atividade governu Timor-Leste nian, governu nia parseiru dezenvolvimentu sira no ajénsia multilateral sira, hodi halo advokasia ba polítika no programa sira ne’ebé promove dezenvolvimentu ekonomia no sosiál ne’ebé sustentável no ekitavel. Liu husi servisu hirak ne’e ami koko atu asegura katak Timoroan sira hotu, feto ka mane iha jerasaun ida ne’e no jerasaun oin mai bele partisipa iha dezenvolvimentu ida ne’ebé sustentável, justu, inkluzivu no transparente ne’ebé respeita direitu umanu no povu nia kultura.

Ami apresia oportunidade atu oferese karta submisaun ida ne’e hanesan parte ida husi ita-boot sira inkéritu ba Tratadu Fronteira Marítima nian. Submisaun ida ne’e nudár La’o Hamutuk nian submisaun ba dala neen ne’ebé hato’o ba Australia nia Parlamentu. Entre submisaun sira nee, submisaun haat haruka ba ita boot sira nia Komisaun kona-ba kestaun sira ne’ebé liga ba petroleum.1 Ami haksolok katak Governu Australia finalmente adopta polítika hirak ne’ebé ami hato’o ona liu husi submisaun sira ne’e, no ami hein katak submisaun ida ne’e bele kria relasaun ne’ebé ekitavel liu tan entre ita nia nasaun liu husi dalan hametin liu kompriensaun mutua entre nasaun rua. Bainhira relasaun bilateral evolui husi konfrontasaun ba kooperasaun, ami hein katak ita bot sira sei vizita ami nia nasaun hodi rona husi povu Timor-Leste rasik, duke depende de’it ba “matenek-na’in” Australianu sira, ne’ebé barak mak hatene uitoan de’it Timor-Leste nia realidade.

Ami apresia rezultadu husi esforsu nasaun rua nian.

Dezde harii iha tinan 2000, La’o Hamutuk ho sosiedade sivíl seluk iha Timor-Leste halo advokasia kona-ba definisaun fronteira marítima ida ne’ebé justu entre Timor-Leste no Australia, no La’o Hamutuk kontente tanba finalmente governu rua ne’e atinje ona objetivu ne’e.

Tratadu ne’ebé asina iha 6 Marsu iha Nova Iorke loke etapa foun iha istória relasaun diplomátika entre Timor-Leste no Australia nian, ne’ebé iha tensaun aas durante tinan barak nia laran tanba Australia nia reklamasaun ba area iha Tasi Timor ne’ebé tuir prinsipiu legal iha lei internasionál nia okos pertense ba Timor-Leste. Ami fiar katak tratadu foun ida ne’e sei hadi’ak dalan ba nasaun rua atu nune’e bele fahe benefísiu marítima no estabelese relasaun ida ne’ebé bazeia ba igualdade no respeita ba ida-idak nia soberania. Hanesan Australia nia Analiza Interese Nasional ba Tratadu ida ne’e haktuir, “Timor-Leste ida ne’ebé estavel no prósperu sai mós nudár Australia nia interese nasionál.”

Tratadu ida ne’e mós fó ezemplu ba mundu tomak tanba ida nee mak primeira vez nasaun ki’ik ida konsege lori nasaun viziñu ne’ebé boot liu ba tuur hamutuk hodi negosia uza Konsiliasaun Obrigatóriu bazeia ba

1 Kona-ba kansela CMATS:

 http://www.laohamutuk.org/Oil/Boundary/JSCT/2017/Sub16LaoHamutuk.pdf (2017)

Kona-ba Australia ho Timor-Leste nia relasaun: http://www.laohamutuk.org/Oil/Boundary/2013/LHSubAustPNenquiry28Mar2013.pdf (2013) Kona-ba CMATS: http://www.laohamutuk.org/Oil/Boundary/JSCT/07LHtoAusJSCTreCMATS.htm (2007) Kona-ba IUA Sunrise: http://www.laohamutuk.org/Oil/Sunrise/03LHtoJSCTonIUA.html (2003) Kona-ba Tratadu Tasi Timor: http://www.laohamutuk.org/Oil/Boundary/jsctlh.html (2002)

Submisaun husi La’o Hamutuk kona-ba Tratadu Fronteira Marítima 18 Abril 2018 Pájina 3

UNCLOS artigu 298 no Anexu V. Ami apresia katak, maske iha inísiu Australia rejeita mandatu prosesu ida ne’e, maibé ikus mai simu duni. Mundu aprende tan ona meius foun atu hamenus disputa no konflitu entre nasaun viziñu sira ne’ebé iha fronteira tasi.

Iha 2004 La’o Hamutuk, sosiedade sivíl sira seluk, estudante sira, sidadaun no ema seluk iha Timor-Leste forma Movimentu Kontra Okupasaun Tasi Timor (MKOTT) hodi koordena kampaña demonstrasaun la ho violénsia, lobi, advokasia no edukasaun públiku. Dezde ida ne’e, MKOTT servisu hodi hakotu parte restu husi okupasaun ilegál Indonézia nian iha Timor-Leste: Australia kontinua atu okupa parte signifikante husi territóriu marítima Timor-Leste nian.

Tinan sia liu tiha, governu Timor-Leste mós hola parte iha esforsu ne’e, hafoin deskobre Australia nia atividade ho intensaun ladi’ak durante negosiasaun CMATS no realiza katak concession (buat ruma ne’ebé parte ida fó ba parte seluk iha prosesu negosiasaun) sira ne’ebé Timor-Leste fó hodi loke dalan ba esplorasaun mina akontese tuir dalan ne’ebé la justu. Luta ne’e la’o kleur maibé ikus mai okupasaun nee para duni, no Timor-Leste nia soberania besik kompleta ona.

Maske governu Australia foin mak rekoñese fronteira marítima bazeia ba liña-media ho Timor-Leste foin lalais nee, sidadaun Australianu barak mak kleur ona hala’o advokasia ba pozisaun ida ne’e. Tanba ne’e, lori sosiedade sivíl Timor-Leste nia naran, La’o Hamutuk agradese dedikasaun no servisu difisil iha tinan barak nia laran ne’ebé hala’o husi Timor Sea Justice Campaign (Kampaña ba Justisa Tasi Timor) no povu Australianu seluk ne’ebé konsege husu ita boot sira governu atu respeita Timor-Leste nia soberania.

Tratadu ida ne’e esklarese sala balu iha pasadu.

Dezde dékada 1970, povu Timor sai ona vítima ba Australia nia reklamasaun ba area marítima ne’ebé tuir loloos la’ós Australia nian bazeia ba lei internasionál. Australia nia reklamasaun nee laiha baze sientífiku hanesan fronteira “plataforma kontinentál”; jeolójista sira hatene kleur ona katak nasaun rua ne’e iha plataforma kontinentál ne’ebé hanesan de’it.2

Too 1998, Australia suporta Indonézia nia okupasaun ilegál no brutal iha ami nia nasaun, fornese apoiu polítiku, militár no diplomátika ba Indonézia ne’ebé oho Timoroan besik 200,000. Maibé, Australia nia polítika kona-ba rai li’ur ajuda ona Indonesia nia okupasaun molok Indonézia nia invazaun iha 1975; espesialmente hafoin Australia ho Indonézia asina tratadu kona-ba fronteira tasi okos nian iha tinan 1971 no 1972.

Durante tinan 24 ne’ebé nakukun liu iha ami nia istória, Australia taka matan bainhira Indonézia sira oho ami nia ema sira, tanba de’it Australia hakarak asesu rikusoin ba mina no gas iha Tasi Timor liu husi Tratadu Timor Gap tinan 1989 nian. Durante tinan 14 ikus ne’e, Australia obriga ona lideransa Timoroan sira atu simu Australia nia ulun toos no asina akordu fahe-rendimentu balu hodi fó dalan ba produsaun mina no gas – fonte rendimentu prinsipál ba nasaun foun ida nee.

Susar ba ami atu labele nota katak Australia demora tempu atu simu akordu fronteira marítima ida too bainhira kuaze kampu mina no gas sira ne’ebé tama iha area kontestadu nian maran ona ka menus liu ona. Kampu mina Kitan, Buffalo no Elang-Kakatua la ativu ona tanba komersialmente la viavel ona, liu 98% rendimentu governu nian husi Bayu-Undan simu hotu ona, no Laminaria-Corallina besik atu maran ona. Alende ne’e, fronteira ne’ebé relevante ba Laminaria-Corallina no Greater Sunrise seidauk finaliza molok kampu mina no gas hirak ne’e maran. Maske disputa hirak ne’e liu-liu kona-ba soberania ba Timor-Leste, Australia nia kompañia sira ne’ebé hamrook ba riku soin petróleu parese la hakru’uk ona ba prinsipiu legal no respeitu mutual, no dala ruma Greater Sunrise de’it mak rezerva signifikante ne’ebé sei iha.

2 Tratadu atuál uza termu “plataforma kontinentál” nudár sinonimu ba “tasi okos” define fila fali lingua no halo

konfuzaun ba rasionalizasaun laiha baze husi tinan hirak iha pasadu.

Submisaun husi La’o Hamutuk kona-ba Tratadu Fronteira Marítima 18 Abril 2018 Pájina 4

Australia tenke voluntariamente fó fila fali osan ne’ebé nia foti tiha ona.

Iha Agostu 2017, nasaun rua ne’e konkorda kona-ba fronteira marítima hanesan parte husi pakote akordu komprensivu ida. Hanesan temi iha leten, Tratadu Fronteira hadi’ak fali sala barak ne’ebé Australia komete hasoru povu Timoroan iha pasadu. Maibé tratadu hirak ne’e kontinua lejitimatiza nafatin pratika sira ne’ebé la justu ne’ebé fó dalan ona ba Australia foti buat sira ne’ebé pertense ba povu Timoroan. Bazeia ba Tratadu ne’e no tratadu sira ne’ebé mai molok nee, Governu Australia rekolla ona osan hamutuk biliaun lima Dolar Amerikanu husi kampu mina no gas ne’ebé agora Australia rekoñese nudár territóriu Timor- Leste nian − osan hirak ne’e boot liu dala rua total “ajudu” ne’ebé Australia gasta ona ba Timor-Leste.

Artigu 10 husi Tratadu Fronteira foun haktuir katak Timor-Leste labele “iha reklamasaun ba kompensasaun” ba osan hirak ne’ebé Australia rekolla tiha ona bazeia ba tratadu no konkordánsia uluk nian. Maibé, laiha parte ida husi Tratadu ida ne’e mak taka dalan ba Australia atu bele voluntariamente fó fila ba osan ne’ebé na’ok ona ne’e ba fali Timor-Leste.

Ami fiar katak nasaun rua ne’e labele kumpre de’it saida mak iha Tratadu nia laran, maibé mós tenke tuir prinsipiu no valores hirak ne’ebé tratadu ne’e promove no inspira. Preambulu husi Tratadu ne’e dehan katak, “promove Timor-Leste nia dezenvolvimentu ekonomia” no sai “viziñu ne’ebé di’ak no iha espíritu amizade no kooperasaun... atu nune’e bele atinje solusaun ne’ebé ekitavel.” Ho espíritu foun kona-ba respeitu malu entre rai rua ne’e, La’o Hamutuk rekomenda katak Australia fó fila fali saida mak nia foti ona durante besik dékada tolu dezde nia asina Tratadu Timor Gap nian.

Tratadu Fronteira ne’e presiza retifika lalais no inkondisionalmente.

Tratadu ida ne’e sei legalmente en vigor bainhira parlamentu nasaun rua nian ratifika ona. Ami apresia katak Parlamentu Australia halo ona konsulta públiku no ami espera ita boot sira sei ratifika Tratadu ne lalais. Maibé, tanba Parlamentu Timor-Leste nian disolve ona, tempu sedu liu ba sira atu ratifika mak fulan ida ka rua hafoin eleisaun 12 Maiu. Molok nasaun rua ratifika tratadu ne’e, Australia kontinua simu 10% husi Bayu-Undan nia rendimentu, ne’ebé iha valor maizumenus tokon haat dolares Amerikanu kada fulan.

Ami espera katak Australia nia prosesu ratifikasaun sei la demora Tratadu atu hahú aplika, no ita boot sira sei la impoen kondisaun ruma ba Timor-Leste molok halo ratifikasaun. Ami fó hanoin fali situasaun ne’ebé akontese iha 2002-2003, bainhira Australia demora ratifikasaun Tratadu Tasi Timor too fulan sanulu, too Timor-Leste asina Akordu Unitizasaun ne’ebé fó 82% rendimentu husi Greater Sunrise ba Australia. Ida ne’e labele akontese tan.

Australia tenke tama fali ba mekanizmu internasionál kona ba disputa fronteira.

Iha Marsu 2002, Australia unilateralmente hasai-an husi mekanizmu internasionál ne’ebé uza hodi rezolve disputa fronteira marítima bazeia iha UNCLOS no Tribunal Justisa Internasionál. Iha tempu ne’ebá, Australia ta’uk katak regulamentu ida ne’ebé bele loke dalan ba desizaun kesi metin no imparsiál husi parte seluk karik sei la fó lisensa ba sira atu kontinua foti riku soin husi territóriu ne’ebé agora daudaun Australia rekoñese ona hanesan parte husi Timor-Leste. Australia hatudu oinsá nasaun boot ida bele viola direitu soberanu husi nasaun viziñu ki’ik ida, hodi rejeita mekanizmu internasionál, no a favór ba negosiasaun bilateral ida ne’ebé klaramentu la justu.

Hafoin tinan 16 liu tiha, Australia asina ona Tratadu foun ne’ebé rekoñese Timor-Leste nia direitu bazeia ba lei internasionál. Husi pasu di’ak ida nee, Australia hatudu katak nia simu solusaun ne’ebé justu ba fronteira. Tan ne’e, Australia tenke kansela asaun ne’ebé foti ona iha Marsu 2002 hodi prevene Timor- Leste ejerse ninia direitu soberanu atu uza prosesu internasionál, no fila fali ba mekanizmu rezolve disputa fronteira marítima ITLOS no ICJ nian. Ida ne’e sei fasilita rezolusaun fronteira ne’ebé justu ho ita boot sira.

Submisaun husi La’o Hamutuk kona-ba Tratadu Fronteira Marítima 18 Abril 2018 Pájina 5

nia viziñu sira seluk, no mós fó ezemplu di’ak ba nasaun seluk katak rezolusaun ba disputa tenki respeita lei internasionál no nasaun hotu nia direitu soberanu.

Tanba agora Australia no Timor-Leste konkorda ona sira nia fronteira tasi okos ho tasi leten, Timor-Leste presiza rezolve ninia fronteira marítima ho Indonézia iha nia parte sorin-sorin. Australia ho Indonézia sei bele ratifika sira nia fronteira tasi leten provisional 1997 nian, tanba area fronteira tasi leten nasaun rua nian estabelese ona tinan 46 liu ba. Ami hein iha futuru besik mai, bainhira Timor-Leste nia nasaun viziñu na’in rua finaliza ona sira nia fronteira marítima ho ami no entre sira nain rua.

Australia tenki respeita Timor-Leste nia kometimentu ba transparénsia.

Iha Tratadu foun ida ne’e, Kontratu Fahe Produsaun (PSC) haat ne’ebé uluk bazeia ba Tratadu Tasi Timor sei kansela ka troka. Ami triste tanba Tratadu foun ne’e la mensiona ho momoos kona-ba transparénsia iha kontratu, maske ami espera katak kontratu foun ba Buffalo, Kitan, Bayu-Undan no Greater Sunrise sei públika bazeia ba rekerimentu husi Timor-Leste nia lei.

PSC ne’ebé eziste ona ba Bayu-Undan no Greater Sunrise, ne’ebé asina iha 2003, nunka fó sai ba públiku. Maibé, iha 2005 Timor-Leste promulga Lei ba Atividade Petrolíferu No.13/2005 ne’ebé dehan katak kontratu hanesan ne’e konsidera dokumentu públiku, no dokumentu PSC ne’ebé asina hafoin de lei nee, loke ba públiku3. Padraun husi Inisiativa Transparénsia Indústria Estrativa (ITIE/EITI) ne’ebé Timor-Leste kumpre mós ezije transparénsia ba kontratu sira. Maske Australia iha rekerimentu ba transparénsia ne’ebé ladún rigorozu, area hirak ne’e agora iha Timor-Leste nia territóriu no tenki tuir rekerimentu ba transparénsia no boa governasaun Timor-Leste nian.

Maske Tratadu Fronteira Marítima asina tiha ona no difisil atu halo revizaun fali, ami fiar katak nasaun rua tenke konkorda malu katak kontratu foun sira sei loke ba públiku, no tenki informa kompañia sira katak sira tenke kumpre lei Timor-Leste nian, no labele buka esepsaun hodi hasees an husi ami nia padraun.4 Hanesan nasaun barak ho triste aprende ona, menus transparénsia iha atividade petróleu nian sira sei haburas korrupsaun, estragu ba ambiente no governasaun ne’ebé ladi’ak, no mós limita dezenvolvimentu ekonomia. Timor-Leste orgullu ba ninia sistema transparénsia iha jestaun dezenvolvimentu petrolíferu no rendimentu, no Australia ka kompañia mina sira labele halo fraku ida ne’e.

Ne’e mak ami nia submisaun ba Exelénsia Membru Komisaun Permanente Konjuntu kona-ba Tratadu sira, no ami agradese ba ita boot sira nia atensaun ba ami nia preokupasaun sira. Ami kontente atu responde ba pergunta saida de’it ka fornese tan informasaun liu tan kona-ba asuntu ne’ebé diskute tiha ona, no bainhira iha oportunidade ami prontu atu aprezenta direta ba ita boot sira nia Komisaun.

Submisaun ida ne’e autoriza husi ami nia organizasaun, inklui ba publikasaun.

Hakerek husi: Juvinal Dias Charles Scheiner Peskizadór

Aprova husi: Juvinal Dias Celestino Gusmão Ekipa Koordenasaun

3 Kontratu sira ne’e bele hetan iha http://www.laohamutuk.org/Oil/PSCs/10PSCs.htm no iha ANPM nia website 4 Relatóriu trimestral foun-liu husi Carnarvon dehan katak Timor-Leste sei aprova “lejizlasaun espesiál” atu mantein

termu fiskál, seguransa títulu, no direitu legal hanesan defini iha Carnarvon nia kontratu atuál ho Australia ba kampu mina Buffalo (Haree http://www.carnarvon.com.au/wp-content/uploads/2018/04/MarQ1.pdf). Ami hein katak lejizlasaun ne’e sei la revoka rekerimentu transparénsia sira.

Fretilin-PD Retira Votasaun Dekretu Lei 2

DILI - Relasiona ho debate loron 2 ba dekretu lei 2 husi governu husu Parlamentu Nasional atu halo apresisaun, maibe bankada Fretilin-PD wold out (retira),  razaun  tempu liu ona i nee kompetensia governu  iha Konsellu Ministru (KM) nian.

Kestaun nee hatoo husi Vice Bankada Fretilin, Francisco Branco hatete, atu halo apresiasaun nee, tuir konstituisaun katak loron 30 PN atu halo apresiasaun hodi revoga dekretu lei neebe mai husi km, maibe ida  nee liu ona tempu.

“Ami sai husi plenria atu halo sitasaun ba dekretu lei  no 3/2018 14 de marsu, ami nia razaun katak tempu liu ona, iha ona fulan 5,  iha artigu 98 preve kompetensia husi Parlamentares sira halo dekretui lei atu apresia ba diploma neebe hatun husi Konsellu ministru. Kompetensia parlamentares atu halo apresiasaun no revoga dekretu lei neebe haree latuir ita nia konstituisaun I latuir politika neebe define,” katak Branco iha komferensia imprensa Kuarta (08/08/2018) iha PN.

Nia dehan, pozisaun neebe mak bankada huili, hatudud katak sira rezita tanba atu halo aprovasaun ba dekretu lei nee labele ona, tanba buat ida mate ona labele hamoris fali, nee iha koodiku penal laiha.

Nunee mos Vice Bankada PD, Adriano do Nascimento hatete, wold out tanba lo-loos nee kompetensia governu halo deit alterasaun lapresiza lori mai PN, tanba lori mai PN atu halo apresiasaun nee tempu laiha ona, tanba lei nee Prezidente promulga iha 14 de marsu neebe too 14 de Abril tempu hotu ona. 

Notisia kompletu lee iha jornal STL edisaun Kinta (08/08/2018)

Guilhermina Franco / Est, Felisberto | Suara Timor Lorosae

Laselu Dividas, Posibilidade 21 Agosto Eletrisidade TL Mate

DILI - Dividas 33 millaun neebe seidauk selu ba kompania ETO, tanba nee posibilidade iha loron 21 Agosto ahi iha teritoriu laran mate.

Informa Diretor Nasional Tekniku Produsaun Inacio de Jesus hatete, Parlamentu mai halo fiskalizasaun nee sira kontente tebes, hodi informa sira nia preokupasaun, hanesan dividas laselu, kompania fo deadline too 21 Agosto lafornese tan. Aleinde nee iha kompania neebe mak halo manutensaun ba gerador nee seidauk pagamentu desde 2014 too agora.

Kompania neebe fornese mina Sakom fornese ba Betano, maibe patradu tanba seidauk selu dividas 6 millaun, enkuantu agora ETO mak fornese hela, maibe divida 33 millaun,” dehan nia ba jornalista iha EDTL Sentral Comoro, Kinta (09/08/2018).

Nia hatutan, iha sentral nee iha kombostivel neebe fornese ba sira iha 2015, neebe rai hela iha sentral, maibe tanba seidauk selu komapnia sira nee rai hela.

Nunee mos Prezidente Komisaun E, Abel Pires hatete, halo fiskalizasaun ba sentru EDTL Comoro, atu haree eletrisidade, iha semana kotuk ba iha sentral Camea. Agora atu mai haree preokupasaun saida, atu nunee haree OJE neebe tama hodi preve ba preokupasaun sira nee.

Notisia kompletu lee iha jornal STL edisaun Sesta (10/08/2018)

Guilhermina Franco | Suara Timor Lorosae

PR Hatudu Vontade Solusiona Impase Polítika

DILI, (TATOLI) - Eis Prezidente-Repúblika, José Ramos Horta, haktuir atuál Prezidente-Repúblika (PR) nia prinsípiu la’ós atu harii fatuk iha estrada laran ba Governu nia atuasaun, maibé hatudu nia vontade di’ak atu solusiona impase polítika.

“Nu’udar prezidente, nia (Lú Olo) ezije governasaun tenke la’o ho didi’ak no governasaun atu la’o didi’ak tenke haree sé maka tuur iha Governu laran. Prezidente hateten dala barak ona no husu beibeik ona ba Governu atu hanoin fila fali ba elementu sira ne’ebé atu serbí iha Governu,” Horta hato’o kestaun ne’e ba jornalista sira iha Palásiu Prezidente Nicolau Lobato Bairru Pité, Dili, kinta ne’e, hafoin hala’o enkontru ho Prezidente-Repúblika, Francisco Guterres Lú Olo, kona-ba impase polítika.

Horta fiar katak sei hetan solusaun ba problema iha rai laran maibé solusaun ida ne’ebé tenke respeita espíritu konstituisaun, respeita prezidente nia konviksaun rasik nu’udar prezidente-repúblika, respeita Governu nia responsabilidade atu kompleta estrutura Governu ne’e no Governu mós tenke koloka elementu sira tuir kompeténsia.

“Kompara ho elementu balun ne’ebé buka serbisu iha kompañia mídia sira, imposivel diretór kompañia mídia ne’e simu kedas elementu ne’e hodi halo serbisu, maibé tenke liuhusi prosesu ida hatama CV nune’e bele koloka elementu ne’e tuir nia área. Governu mós tenke ezije buat ida ne’e tanba atu serbí povu ho matenek no esperiénsia,” nia kompara.

Nia husu ba lider partidu polítiku sira atu haluha tiha liafuan kro’at ne’ebé soe ba malu iha kampaña eleitorál liu-ba, maibé tuur hamutuk buka solusaun ba rai ida ne’e.

Iha biban ne’e, Premiadu Nobél ba Pás husu ba kada forsa polítika atu di’ak liu lalika fó ultimatu ba malu tanba bainhira fó ultimatu sei aumenta tan konflitu iha nasaun nia laran.

“Kuandu fó ultimatu bainhira ita laiha ona kapasidade atu rezolve problema polítiku ida no hanoin didi’ak kuandu fó ultimatu ba malu tanba keta halo laiha maioria para halo prosesu ruma. Purtantu, lalika. Di’ak liu ko’alia didi’ak ba malu. Xefe-Estadu disponivel loos atu ko’alia ho ema hotu-hotu,” nia fó hanoin.

Jornalista: Xisto Freitas | Editór: Manuel Pinto

Imajen: Eis Prezidente-Repúblika, José Ramos Horta

PR Sei Buka Tempu Nomea Kandidatu Membru Governu Pendente

DILI, (TATOLI) – Primeiru-Ministru, Taur Matan Ruak, hateten Prezidente Repúblika (PR), Francisco Guterres Lú Olo, sei buka tempu atu nomea kandidatu membru Governu sira ne’ebé to’o ohin loron seidauk toma pose, maibé seidauk determina tempu loloos.

Taur hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, kinta ne’e, hafoin enkontru ho Xefe Estadu hodi ko’alia kona-ba prosesu preparasaun Orsamentu Jerál Estadu 2018 nomós lista kandidatu membru Governu ne’ebé pendente.

Xefe Governu hatutan bainhira Prezidente buka tempu ba tomada pose, sei fó sai ba públiku atu akompaña prosesu refere.

Taur tenik tomada pose ba kandidatu membru Governu na’in tolu hanesan Alfredo Pires, Rogério Mendonça no Samuel Marçal ne’e laiha problema.

Entretantu, kandidatu membru Governu na’in sia to’o ohin loron seidauk hetan tomada pose, tanba deskonfia involve iha kazu partisipasaun ekonomia.

Jornalista: Xisto Freitas | Editora: Rita Almeida

Imajen: Primeiru-Ministru, Taur Matan Ruak, ko'alia ho jornalista sira iha Palásiu Prezidensiál Bairru Pité, ohin. Foto Tatoli/Xisto Freitas

Estaleiros da Figueira da Foz em insolvência põem em risco encomendas de Timor - PCP

Figueira da Foz, Coimbra, 08 ago (Lusa) - O PCP alertou hoje para a "crónica" falta de apoios à indústria naval, que está a afetar os estaleiros da Figueira da Foz, de novo em situação de insolvência, apesar dos compromissos contratuais com Timor-Leste.

"A presente situação de insolvência desta unidade tem vários responsáveis sentados em diversas cadeiras do poder. Em primeiro lugar, o Governo Central e os respetivos ministérios do setor, totalmente de costas voltadas para o desenvolvimento e apoio à indústria tradicional portuguesa", criticam os comunistas em comunicado.

No caso dos estaleiros navais da Figueira da Foz, suportados pela empresa Atlantic Eagle Shipbuilding, o PCP refere que, além de ficarem em causa as encomendas existentes, também a credibilidade do Estado português sai afetada pelos "compromissos assumidos com um país amigo, que acreditou na capacidade industrial do nosso país e, na sua boa fé, se vê agora defraudado".

A administração portuária também está na mira da estrutura comunista, por ser um "garrote ao desenvolvimento de uma empresa que procura afirmar-se nesta atividade, mas que se vê confrontada com rendas mensais na ordem dos 30 mil euros".

O município, liderado por João Ataíde (PS), é também criticado por estar "mais interessada em projetos de desenvolvimento urbanístico na margem sul" e nunca ter sentido que os Estaleiros Navais, "foram e poderão continuar a ser marca capaz de projetar a Figueira da Foz, tal como aconteceu no passado recente, no país e no estrangeiro".

"Esta situação não pode continuar! É necessária uma solução sustentável que assegure a manutenção desta indústria, vital para a cidade, para a região e para o país", reclama o PCP.

Também em comunicado, a Câmara da Figueira da Foz salienta que esteve sempre ao lado da CGTP na defesa dos postos de trabalho dos estaleiros navais.

"Voltámos a um ponto de rutura, confrontando-nos agora com um novo processo de insolvência. Também aqui, e mais uma vez em estreita colaboração com a Comissão de Trabalhadores e a CGTP, tentámos viabilizar uma solução financeira, tendo como prioridade assegurar a manutenção dos postos de trabalho e honrar os serviços internacionais com a República de Timor", lê-se na nota.

O município rebate ainda as responsabilidades no processo, estranhando que o PCP, "à revelia dos trabalhadores, nos impute responsabilidades que comprovadamente declinamos, acrescentando que não há, nem nunca houve por parte deste Executivo, a intenção de urbanizar massivamente o espaço".

"Temos a plena consciência de que tudo fizemos e continuaremos a fazer para que a investigação científica e tecnológica se concretize neste concelho através do Marefoz", refere o comunicado autárquico.

AMV // JLG

Na foto: Uma visita ao navio Haksolok encomendado por Timor-Leste nos Estaleiros da Figueira da Foz | Atlanticeagle Shipbuilding em Facebook

Indonésia | Número de mortos de sismo em Lombk ultrapassa os 220

Mataram, 09 ago (Lusa) - O número de mortos do sismo de domingo em Lombok, no sul da Indonésia, ultrapassou os 220, informaram as autoridades, num dia em que se registou um terceiro grande terramoto na região.

O tremor de terra de hoje, de magnitude 5,9, teve o seu epicentro no norte da ilha de Lombok e não alcançou potencial para provocar qualquer tsunami, segundo a agência geológica indonésia.

O sismo causou danos nalguns edifícios e alguma confusão, com as pessoas a correrem para as estradas em pânico, disse o porta-voz da agência nacional de desastres, Sutopo Purwo Nugroho.

O terceiro grande sismo ocorreu no norte da ilha Lombok, na mesma área onde tinha sido registado no domingo um outro terramoto, que causou mais de 220 mortos, mais de 1.400 feridos e 156 mil desalojados, de acordo com dados atualizados hoje.

Nyoman Sidekarya, chefe da agência local de busca e resgate responsável pela área de Lombok, disse à Associated Press que o número de mortos no terramoto de domingo é agora de 227.

A Cruz Vermelha informou que está a concentrar esforços de socorro em cerca de 20 mil pessoas que ainda não receberam qualquer assistência.

O porta-voz Arifin Hadi disse que as pessoas precisam de água limpa e lonas e revelou que a agência enviou 20 camiões-cisterna para cinco áreas remotas, incluindo uma aldeia com cerca de 1.200 casas.

Na aldeia de Kopang Daya, no distrito de Tanjung, no norte de Lombok, uma família enterrava a sua filha, de 13 anos, que foi atingida por um muro em colapso quando o terramoto de domingo causou uma debandada no internato islâmico onde estava.

Aldeões e parentes rezavam do lado de fora de uma tenda onde o corpo da menina estava coberto por um pano branco.

"Ela estava a rezar quando o terremoto aconteceu", disse o tio da menina. "Ela estava a tentar sair, mas foi atingida por uma parede e caiu. As crianças estavam a fugir do prédio em pânico e ela foi pisada pelos seus amigos", acrescentou.

O sismo de domingo, com o epicentro a dez mil metros de profundidade, tinha ocorrido uma semana após um outro abalo, também na ilha turística de Lombok, que provocou 17 mortos e mais de 300 feridos.

Após o terremoto de magnitude 6,9, no domingo, dezenas de milhares de casas ficaram destruídas. As autoridades admitiram que o número de mortos deveria aumentar à medida que as equipas de emergência continuam a limpar os escombros.

Muitos moradores deixaram as habitações para se abrigarem em tendas ou abrigos temporários, sob o calor tropical que assola o arquipélago do Sudeste Asiático no verão. De acordo com as autoridades, há pessoas sem acesso a comida, água potável ou medicamentos.

O secretário-geral da ONU, António Guterres, ofereceu ajuda daquela organização ao país situado no chamado "Anel de Fogo do Pacífico", zona de grande atividade sísmica e vulcânica que regista cerca de sete mil terramotos por ano, na maioria moderados.

Os sismos são classificados segundo a sua magnitude como micro (menos de 2,0), muito pequeno (2,0-2,9), pequeno (3,0-3,9), ligeiro (4,0-4,9), moderado (5,0-5,9), forte (6,0-6,9), grande (7,0-7,9), importante (8,0-8,9), excecional (9,0-9,9) e extremo (superior a 10).

SO (FST/JMC) // SB

CNRT Fo Deadline, Lere: Lalika Halo Presaun

DILI - Xefi Estadu Major Jeneral Forsas Armadas, Major Jeneral Lere Anan apela ba Timor oan sira atu lalika halo presaun Prezidente da Republika, tanba Xefi Estadu iha kompetensia rasik atu uja hodi fo solusaun ba problema neebe maka iha.

Kestaun nee Jeneral Fitun rua nee hato, relasiona ho deklarasaun nee maka kuadru Militante partidu CNRT Munisipiu 12 inklui RAEOA fo tempu loron 10 ba Prezidente da Republika Francisco Guterres Lu Olo, hodi fo pose ba kuadru CNRT neebe indijitadu ba membru VIII Governu Konstitusional.

Hau apela ba Timor oan sira lalika presaun ba orgaun soberanu sira, sira iha sira nia kompetensia rasik atu uja fo solusaun, ami nudar forsa armadas ami aparelu Estadu, Estadu dehan A- A, B- B, nee maka hau dehan katak ekipa ida neebe halo presaun ba Prezidente da Republika nee hau dehan sira sala , ita nunka presaun ba orgaun soberanu ida, tanba povu maka tau nia iha neeba laos Lu Olo bulak mai tur iha Prezidente neeba, uluk atraves de elisaun direitu povu maka hili dehan Lu Olo o maka sai ami nia Prezidente da Republika, maibe ema Timor nee balu kontra maioria maka hili, neebe lalika halo presaun ba Prezidente da Republika,” dehan Jeneral Lere, ba jornalista sira hafoin remata enkontru ho Prezidente da Republika, Francisco Guterres Lu Olo, iha Palasiu PR Nicolau Lobato, Dili, Kuarta (08/08/2018).

Nia hateten, ida nee kestaun politika, nudar elementu seguransa, seguransa ba orgaun soberanu haat nee hotu no ba nasaun, tanba orgaun haat nee maka reperezenta estadu no nasaun RDTL, neebe laiha ema ida boot liu Prezidente da Republika.

Iha parte ketak Kordenador CNRT Munisipiu Manatuto, Gabriel Soares hateten, strutura partidu CNRT husi Munisipiu 12 inklui RAEOA ezije ba Parlamentu Nasional deutadu AMP atu hato impeachment ba Prezidente da Republika tuir Konstitusaun RDTL.

Notisia kompletu lee iha jornal STL edisaun Kinta (08/08/2018)

Carme Ximenes | Suara Timor Lorosae

Lista Pendente Lori Ba Tribunal Supremu, Antoninho Tenki Fundamenta

DILI - Relasiona ho lista pendente balu neebe seidauk simu tomada da posse, too agora seidauk iha solusaun, tanba nee JSMP sujere atu lori ba Tribunal Supremu mak tetu.

Tuir Prezidente Majislatura Judisial Timor Leste, Antoninho Gonsalves hateten, sidadaun sei deit, bele rekore ba iha Tribunal, maibe tenki fundamenta.

Sidadaun hotu hotu, orgaun soberania ida bele iha direitu, atu enkore ba em kazu de empase, hetan ona akordu bele husu ba Tribunal hodi deside dalan ida neebe tenki tuir. Maibe sira hatama ba, tenki fundamenta tanbasa mak sira hatama ba, labele tur tur haruka prosesu ba, tenki hare tanba kazu politika, tenki buka solusaun politika,” dehan Antoninho ba STL iha TDD, Tersa (07/08/2018).

Nia afirma tan, husi politika mak sira ejiste, tanba nee situasaun politika. Maibe sira hare ba iha kazu politika, hare ba solusaun politika la iha ona, dehan viola konstituisaun viola lei neebe iha, bele lori ba Tribunal, atu deside tuir dalan neebe iha.

Entertanu Direktor JSMP, Luis De Olivera Sampaio dehan, JSMP nia pozisaun deside uluk, bainhira mosu dezentendementu entre Prezidente ho AMP, dalan ida neebe sujere kleur ona nee mak lori kazu nee ba Tribunal Supremu de Justisa atu halo apresiasaun ka fiskalizasaun preventive. 

Notisia kompletu lee iha jornal STL edisaun Kinta (08/08/2018)

Terezinha De Deus | Suara Timor Lorosae

Empeachment Ba PR, Husik kultura Ladiak

DILI - Relasiona ho partidu CNRT   halo empeachment ba Prezidente Republika (PR) tanba la fo pose ba  kandidatu membru governu nain 9, ida nee hatudu kultura ladiak ba jerasaun foun.

Kestaun nee hatoo husi Vice Bankada Fretilin, Francisco Branco katak, tenke iha razaun forte ida atu halo empeachment ba PR. Razaun tanba dehan PR lafo pose ba Lista pendente branco dehan, TL tenke hatuur nia aaan no loke kanal komukasaun labele taka komunikasaun ba malu.

“Interese saida deit, estadu nian tenke sobre poin interese grupu nian, ida nee mak lider boot nasaun nian tenke tau interese estadu laos fo fali ezemplu ladiak ba jerasaun foin. Ida nee sira husik deit kultura ladiak ba jerasaun foun iha nasaun ida nee. Tuir loos tenke husik kultura diak ba povu,” katak Branco ba Jornalista Kuarta (08/08/2018) iha  bankada Fretilin.

Nia dehan, taka kontaktu ba malu fila kotuk ba malu tanba deit interese grupu nian ida nee lapozitivu atu haree vizaun   ba future nasun nian. Atu hakatak husi impase nee presiza nakloke komukasaun tanba interese estadu no povu, laos ba grupu no  privadu.

Nunee mos Xefe Bankada PD, Antonio da Conceicao hatete, espetativa ema hotu nian hakarak governu iha ona fatin atu nunee bele halao responsabilidade governasaun nian labele kontinua lao nafatin hanesan nee agora. Neebe VII governu lao iha fulan 9, no VIII governu lao tan ona ba fulan 2 maibe seidauk iha buat ida atu bele komfirma  hodi iha esperansa ba povu. 

Notisia kompletu lee iha jornal STL edisaun Kinta (08/08/2018)

Guilhermina Franco / Est, Felisberto | Suara Timor Lorosae

Kazu Maliana, Lere Husu Diskulpa

DILI - Relasiona ho kazu deskonfia oknum polisia husi unidade Batalhaun Odem Publiku (BOP), halo atak ba membru F-FDTL iha eventu konsertu bintang, Xefi de Estadu Major Jeneral Forsas Armadas, Major Jeneral Lere Anan Timor husu diskulpa ba Komunidade sira.

“Hau hanoin katak situasaun ida neeba nee la kontra ameasa, maibe em permeiru lugar situasaun neeba nee bele halo populasaun tauk, tanba nee hau nudar sira nia kamandante hanesan mos Komandante Jeral PNTL ami nia ema, nee maka hanoin katak hakat liu dispilina no regra empeyamentu forsa neebe ke komandu fo ba sira, halo ita nia populasaun tauk, trauma tanba instituisaun rua nee titu malu ona, entaun ho sala ida nee hau husu diskulpa ba ita nia komunidade katak normal I laos ema seluk maka komete sala maibe Timor oan sira maka halo sala,” dehan Jeneral Lere, ba jornalista sira hafoin remata enkontru ho Prezidente da Republika, Francisco Guterres Lu Olo, iha Palasiu PR Nicolau Lobato, Dili, Kuarta (08/08/2018).

Jeneral nee hateten, situasaun Maliana nian neebe ema hotu hatene haree iha jornal dehan, F-FDTL ho PNTL tiru malu, kuandu ema tiru malu ema mate, maibe ema kanek mos laiha, mate mos laiha, entaun krizerke latiru malu ida.

Iha parte ketak Ministru Defesa, Filomeno Paixao hateten, Forsa rua  tenke kompleta malu laos atu kompete malu nunee mos subsidiariadade katak, kuandu ida labele ida hatutan, embora iha idak idak ninia instituisaun.

Notisia kompletu lee iha jornal STL edisaun Kinta (08/08/2018)

Carme Ximenes | Suara Timor Lorosae