UE Iha Kompromisu Apoia Evolusaun Demokrátika iha Timor-Leste

DILI, (TATOLI) – Xefe observadór eleitorál Uniaun Europeia (UE), Bilbao Barandica informa UE liuhusi Misaun Observadór Eleitorál (MOE) kontinua hala’o serbisu observasaun eleitorál iha momentu prinsipál ba kontestu polítiku Timor-Leste nian.

“Hatudu kompromisu UE nian hodi apoia evolusaun demokrátika iha nasaun ida ne’e”, hateten xefe obervadór ne’e liuhosi komunikadu UE diriji mai redasaun ajénsia Tatoli, ohin.

MOE UE sei halo analise ba kuadru legál, serbisu administrasaun eleitorál, atividade kampaña kandidatu no partidu polítiku nian, lala’ok media nian, votasaun no prosesu kontajen votu, prosesu ba keisa no petisaun, publikasaun rezultadu.

To’o iha parte ida ne’e, observadór sira sei hasoru malu ho funsionáriu governu no eleitorál sira no reprezentante husi partidu polítiku, judisiáriu sira, organizasaun sosiedade sivil no media.

Misaun ne’e hala’o ninia serbisu tuir “Deklarasaun Prinsipiu ba Observasaun Eleitorál Internasionál”, adopta iha Nasoens Unidas nia okos iha  2005.  Adisionalmente, observadór sei hala’o serbisu tuir Kódigu Konduta ne’ebé garante neutralidade iha sira-nia periódu serbisu tomak.

RTTL | JORNAL ELEISAUN | EXCLUSIVU "LIAN PARTIDU" - em direto ou em diferido

RTTL | REPORTAGEM JORNAL ELEISAUN | 24 DE JUNHO DE 2017 | TÉTUM | 

EXCLUSIVO “LIAN PARTIDO”

ACESSO TAMBÉM NA BARRA LATERAL DO TIMOR AGORA, ALÉM DA ORIGEM NO YOUTUBE

DEFENDE ESTADU IHA KONSEITU ESTADU DE DIREITU E

(Refere liu: ba politika uza forsa iha ambitu ezekuta orden komando no papel sidadaun iha estadu de direitu e demokratiku)

Abel Amaral*, opiniaun

Iha biban ida ne’e hau tenta atu kolia kona-ba Defende Estadu de Direitu e Demokratiku refere liu ba buat tolu maka Demokrasia, Direitus Humanus no Lei. Bainhira ita kolia kona-ba Demokrasia ita kolia kona-ba poder, iha nasaun demokratiku ita hotu hatene katak poder mai husi povu tanba povu maka sei hakat sai nia direitu tuir nia vontade rasik liu husi festa demokrasia tuir konstitusaun RDTL haktuir iha artigu 7.1 hateten “Povu halao nia kbit politiku liu husi sufrajiu universal livre, direitu, secretu no periodiku, no liu husi forma seluktan ne’ebé hakerek ona iha lei inan”.

Seluktan molok kolia kona-ba asuntu 3 iha leten, tenta kolia uluk kona-ba Timor Leste, Timor Leste maka estadu ida ne’ebé babain ita bolu Estadu de Direitu e Demokratiku. Liafuan estadu de direitu e demokratiku dalaruma ita konfundi oituan tanba ita hanoin estadu de direitu ne’e maka direitus humanus ne’e. Hanoin hirak ne’e la’os la los maibe persiza hanoin klean tan. Tanba lifuan direitu no direitu humanus koaze atu hanesan maibe labele kaer hanesan. Tanba direitu iha ne’e, iha ninia sintidu rua maka; ida hare liu ba LEI no direitu ida seluk foka liu ba direitu humanus. Nune’e labele kahur sasan, se lae ita hanoin ita nian maka los hela deit maibe ita sala hela. Iha biban ida ne’e hau tenta atu tau diferente entre saida maka Direitu Humanus no saida maka direitu/Lei. Ita kolia kona-badireitus Humanus maka; “oinsa ema bele moris hanesan ema, trata ema hanesan ema no moris ho valor dignidade hanesan ema no ema hotu-hotu iha direitu no dever hanesan”. Kolia kona-ba Direitu ne’ebé liga ba Lei, ne’e ho karakterisku diferente tanba Lei ho nia “karakter represivu/menekan no preventive/ mencegah”. Depois Lei mos iha nia karakter seluk maka Lei ho nia karakter “Obriga ema hotu tenke halo tuir”. Hanoin didiak, ba direitu Humanus, Obriga ema ne’e labele tantu lei mos hanesan, obriga halo tuir lei nee bele. Direitus Humanus iha deit obrigasaun. Dalaruma iha pratika, ita kolia entre direitu no direitu humanus ne’e hanesan tiha deit nune’e ita hare hanesan ema sira haris iha pisina, ida neebe lahatene nani nee hemu bee barak liu duke ida neebe hatene nani.

Fujitivu POLRI Hetan Interogativu Dahuluk iha TDD

DILI, (TATOLI) – Fujitivu (buronan) Polísia Repúblika Indonézia (POLRI) nain rua ne’ebé Polísia Nasionál Timor-Leste (PNTL) kaer iha Novo Turizmu, kinta (22/6), hetan interogatoriu dahuluk hosi Tribunál Distritál Dili (TDD), ohin, tanba tama Timor ho ilegalmente.

“Sira konfesa katak tama mai Timor-Leste ho ilegál hanesan faktu ne’ebé labele nega no sei koopera ho justisa atu foti medida”, haktuir defensór hosi defensoria públika, José Guterres ba jornalista hafoin julgamentu.

Interogativu dahuluk ne’e la’ós husu sira nia kulpa maibé atu husu de’it katak tenke aplika medida koezaun.

Nia hatutan, fujitivu sira dehan hakarak fila ba Indonézia maibé aplika kódigu imigrasaun foun ne’ebé sai iha 2017, la’ós uza kódigu antigu nian. Enkuantu kódigu foun ko’alia kona-ba afastamentu (hases-án) no la’ós espulsaun.

Tuir nia, Timor-Leste laiha akordu estradisaun ho Indonézia no laiha kooperasaun judisiáriu, maibé iha de’it kooperasaun entre polísia sira.

Timor-Leste Deporta ona Fujitivu POLRI

DILI, (TATOLI) – Timor-Leste liuhosi polísia imigrasaun entrega ona fujitivu estranjeiru nain rua ba Polísia Repúblika Indonézia (POLRI) hafoin Prokuradoria Jerál Repúblika (PJR) fó orientasaun.

 “Ohin, desizaun hosi Tribunál Distritál Dili (TDD) fó ona pena prizaun preventiva ba fujitivu nain rua, maibé ami koordena ho Prokuradoria Jerál Repúblika (PJR) dehan katak loos duni tanba prizioneiru nain rua halai sai hosi prizaun Bali, nune’e desizaun tribunál foti hafoin ita deporta”, informa Komandate Jerál Polísia Nasionál Timor-Leste, Júlio da Costa Hornai liuhosi konferénsia imprensa iha Aeroportu Internasionál Nicolau Lobato, sabadu (24/6).

Nia reforsa, prosesu julgamentu finál ohin tuku 10:00 dader iha TDD akompaña hosi Ministériu Públiku no Prokuradoria Jerál Repúblika hafoin fó orientasaun atu entrega ba POLRI, nune’e ezekuta prosesu ba sidadaun Bulgaria, Dimitar Nikolov Iliev ho tinan 43 no sidadaun India, Sayed Mohammed Said ho tinan 31.

“Ami Polisia Nasionál Timor-Leste (PNTL) submete fujitivu nain rua ne’e ba imigrasaun hafoin sira prosesa hodi entrega ba POLRI, hafoin sira ba ezekuta tanba nain rua halai sai hosi prizaun Bali”, dehan nia.

Enkuantu, Inspetór Jerál Polísia, Petrus Golose ho ekipa hamutuk 17 to’o iha Aeroportu Internasionál Nicolau Lobato horseik tuku 14:00 ho aviaun privadu atu mai simu fujitivu sira ne’e maibé  la konsege tanba sei tuir prosesu judisiariu. Maske nune’e, ohin orientasaun hosi PJR permite atu entrega liuhosi imigrasaun ba POLRI no simu direita hosi Petrus Glose ho nia ekipa hafoin aranka ba Indonézia tuku 13:40.

Entretantu, tuir kronolojia hosi PNTL liuhosi Servisu Investigasaun Kriminál (SIK) ho Unidade Polísia Marítima (UPM) katak, fujitivu POLRI nain rua ne’e hetan kaer bainhira tama liuhosi Portu Dili ho illegal.

Asaun ne’e polísia halo tanba hetan informasaun hosi POLRI katak prizioneiru rua ne’e halai hamutuk ho nain rua seluk hosi prizaun Kerobokan Badung-Bali, Indonézia iha segunda (19/6) tuku 7:30 oras Bali nian.

Sira nain haat mak hanesan Shaun Edward Davidson alias Eddie Lonsdale alian Michael Jhon Bayman Bin Eddi (33), sidadaun Austrália, Dimitar Nikolov Iliev (43), sidadaun Bulgaria, Sayed Mohammed Said (31) sidadaun India, no Tee Kk King Bin Tee Kim Sai (50) sidadaun Malázia.

Prizioneiru nain haat ne’e deskonfia halai sai hosi prizaun ho maneira ké rai halo kuak hafoin tama tuir kuak no hanesan valeta atu to’o iha estrada Merthanadi, Kerobokan Badung, Bali.

Jornalista: Zezito Silva | Editora: Rita Almeida

Fotos: Prosesu deportasaun fujitivu POLRI iha aeroportu internasionál Nicolau Lobato, Komoro, ohin. Foto Tatoli/António Goncalves

Dormitoriu Professor Tama Iha Programa

DILI - Maske dormitoriu ou rezidensia ba professor sira nee tama iha programa Ministeriu  Edukasaun (ME), maibe agora  dadaun  ME  sei  tau perioridade ba  sala prosesu aprendizajen no  formasaun  ba  professores.

Kestaun nee  fo  sai  husi  Direitor  Jeral   husi  ME, Antoninho  Pires, hatete, maske  atu  hari dormitoriu ba professor sira nee  tama iha iha programa  Ministeriu ninia, maibe  atu hari nee  sei  haree ba orsamentu, tanba  agora  dadaun  ME  sei tau perioridade  ba sala de aulas, formasaun  professor, inklui  asuntu sira seluk tan.

Hau  hanoin  hanesan  bai-bain hau koalia tiha ona ba ita boot sira katak, buat ida rezidensia  ba it nia professor sira nee, ami hatama hotu iha ami  nian programa, maibe ita haree mos  ba iha orsamentu, ita espera katak,  bainhira iha orsamentu  ba oin ita bele realiza duni   dormitoriu sira nee ba ita nian professor sira, liu-liu ita nia  professor sira neebe mak  hela dook husi ita nian area eskola,”dehan  DJ  ME  Antoninho  ba  STL  iha edifisiu  ME  Vila-Verde  Dili  Tersa  (20/06/2017).

Iha parte seluk, Direitor edukasaun Munisipiu Baucau, Januario Cabral, hatete, professor sira neebe mak hela dook husi area eskola nee ninia numeru presentajen nee kiik liu, tanba tuir sira nia akompaniamentu durante nee, maibe iha professor ida ruma maka dala ruma mai tarde, sira nee tanba distansia dook uituan husi area eskola, maibe agora iha programa ida PNDS nee iha ona hanoin no iha inisiativa ida diak, hodi bele haree preokupasaun sira nee.

Nunee mos vise Ministra edukasaun, Dulce  Jesus, hatete,  rezidensia  ba professores sira nee mos importante tebes-tebes, tanba nee, Ministeriu tau iha planu, maibe seidauk implementa, tanba preokupasaun sira seluk neebe mak  Ministeriu atu bele halo mak hanesan aumenta sala, fasilidade eskola, inklui mos formasaun ba professores sira. Jacinta Sequeira

Suara Timor Lorosae

Estudante Tenke Ezerse Votus Iha Eleisaun, Bandu Iha Atividade Kampana

DILI – Estudante sira tenke ezerse sira nia votus iha eleisaun parlametar neebe mak sei halao iha loron 22 Jullu, maibe iha atividade kampana bandu estudnte sira atu partisipa.

Kestaun nee fo sai husi Vise Direitor Eskola sekundaria Nobel da Paz, Lourenco Ximenes katak, partidus politiku sira hahu halao atividade kampana, depois kampana mos halao kedas iha prosesu aprendizajen nian laran, no estudante sira laiha feriadu.

Hau hakarak hatoo mensajen ba ita nia estudante sira hotu, espesial ba Nobel Paz katak, ita nudar estudante ita mos iha dever no direitu, maibe agora nee ita tenke kumpri ita nia dever nudar estudante partisipa aula, no labele partisipa iha kampana, tanba ita bele ezerse ita nian votu iha loron 22 fulan Jullu mai, estudante sira bele ba iha sentru de votasaun, maibe agora dadaun prosesu aprendizajen lao hela, estudante sira labele partisipa iha kampana,” dehan  Lourenco ba STL iha nia knar fatin Kintal boot Dili, Kuarta (21/06/2017).

Nia husu ba estudante sira atu labele uza farda eskola partisipa iha kampana, depois hakilar tun sae, neebe mak  kontra lei eleitoral, estudante sira tenke ezerse sira nia votu, liu-liu estudante sira neebe mak 17 anos iha Timor Leste.

Iha fatin hanesan Nelson Gomes, hanesan estudante terseiru ano, hatete nudar estudante nia hanoin konaba kampana neebe mak halao husi partidus politikus sira nee politika, neebe sira bele ba partisipa, maibe iha parte ida bele fo impaktu boot ida ba sira, tanba ezame nasional besik atu halao ona. Jacinta Sequeira/Guilhermina Franco

Suara Timor Lorosae

Air Macau prestes a fechar acordo para ligação simplificada Macau-Pequim-Lisboa

Macau, China, 23 jun (Lusa) -- A Air Macau está prestes a assinar um acordo com a Beijing Capital Airlines que permite simplificar as ligações entre os voos das duas companhias, incluindo aquela que, a partir de 26 de julho, liga Pequim e Lisboa.

"Estamos a assinar um acordo, estamos a negociar, faltam as assinaturas da administração e depois tudo pode começar. Eles [Beijing Capital Airlines] lançam [a ligação a Lisboa] em julho, por isso ainda temos tempo", explicou Winston Ma, gerente-geral da Air Macau para o sul da China.

Este tipo de acordo para transporte "em trânsito" será semelhante ao que a companhia de bandeira de Macau tem com a Air China, através dos aeroportos de Pequim, Xangai e, a partir de julho, Chengdu.

Seis filmes portugueses no segundo Festival de Documentário de Macau em julho

Macau, China, 22 jun (Lusa) -- Seis filmes de realizadores portugueses integram o segundo Festival Internacional de Documentário de Macau (FIDM ou MOIDF, na sigla em inglês), que arranca a 08 de julho, na Cinemateca Paixão.

"Ama-san", documentário que Cláudia Varejão rodou no Japão, acompanhando uma comunidade de mulheres que se dedica à prática milenar de pesca por mergulho em apneia é uma das produções portuguesas apresentadas no certame.

Falado em japonês, com legendas em inglês e chinês, o filme premiado no DocLisboa 2016 resulta de um trabalho de pesquisa de Cláudia Varejão, no Japão, em torno de pescadoras que apanham moluscos e bivalves, mergulhando sem garrafas de oxigénio, respeitando técnicas tradicionais e rituais antigos.

Com um total de 27 filmes de várias partes do mundo, incluindo Taiwan e Hong Kong, o festival inclui uma Secção Portuguesa com cinco documentários.

Autoridades chinesas estimam mais de 100 pessoas soterradas em derrocada de terras

Chengdu, China, 24 jun (Lusa) -- As autoridades chinesas estimam que mais de 100 pessoas possam ter ficado soterradas no sudoeste da China na sequência de um desmoronamento de terras que atingiu mais de 40 casas na província de Sichuan, informou a agência Xinhua.

Segundo a Associated Press, que cita o governo do condado de Maoxian, na província de Sichuan, uma montanha desmoronou-se e caiu sobre a aldeia de Xinmo por volta das 06:00 de hoje (23:00 de sexta-feira em Lisboa). A derrocada bloqueou uma seção de dois quilómetros de um rio.

O portal do governo do condado diz que os esforços de busca e resgate estão em andamento.

Fotos publicadas no 'site' mostram pilhas de escombros e pedras e equipas de emergência a ajudar uma mulher à beira da estrada.

FV // FV. | Imagem: ilustração TA

Horta Sujere Ema Independente iha Governasaun Foun

DILI, (TATOLI) – Premiadu Nobel ba Dame, José Ramos Horta sujere ba partidu ne’ebé sei manán iha eleisaun parlamentár 22 jullu atu konvida ema independente iha governasaun, nune’e bele la’o di’ak.

“Importante maka ida ne’ebé manán tenke hatudu sentidu Estadu, oinsá halibur timoroan hotu-hotu, la’ós sira ne’ebé inklui iha partidu maibé ema sira ne’ebé independente no sosiedade sivíl para tinan lima mai ne’e governasaun sai di’ak liu-tan”, hato’o eis Ministru Negósiu Estranjeiru ba jornalista sira iha Palásiu Prezidénsia Repúblika, ohin, hafoin enkontru ho Xefe Estadu, Francisco Guterres Lú-Olo.

Horta hatutan, nia iha esperansa katak partidu sira ne’ebé iha poténsia boot manán eleisaun maka FRETILIN, CNRT, PD no partidu foun ne’ebé lidera hosi Eis Prezidente Repúblika, Taur Matan Ruak.

Kona-ba sorumutu ne’ebé hala’o ho Prezidente Repúblika, Lú-Olo, ko’alia kona-ba oinsá atu hametin liu-tan páz iha Timor.

Tuir nia haree kampaña parlamentár la’o di’ak no hein katak hotu-hotu simu rezultadu eleisaun.

“Hafoin eleisaun liu, Prezidente Repúblika sei bolu líder partidu polítiku sira atu haree oinsá iha tinan lima mai ne’e túr hamutuk kontribui hametin páz no estabilidade iha Timor”, dehan.

Konstrusaun Edifísiu IDN Sei Gasta Milaun Atus Ida Resin

DILI, (TATOLI) – Prezidente Ezekutivu konsultór PT Perentjana Djaja, Bambang H. Wikanta informa katak planu orsamentu ba konstrusaun edifísiu IDN (Instituto da Defesa Nacional) sei gasta millaun atus ida resin.

“Maizmenus millaun atus ida tolu nulu resin tolu rihun atus lima doláres (133.500.000 USD)”, informa prezidente ezekutivu husi Konsultan Indonézia ne’e hafoin halo aprezentasaun dezeñu, futuru instalasaun edifísiu IDN, ohin iha IDN, Palásiu Governu, Díli.

Planu orsamentu ne’e sei aloka ba implementasaun konstrusaun inklui mobiliáriu sira.

“Konstrusaun edifísiu kompostu husi arkitetu, estrutura (leten no karaik), mechanical electrical (plumbing, eletrisidade) nomós mobiliáriu sira”, informa tan.

Planeamentu projetu ne’e la’ós fásil tanba la’ós de’it edífisiu aas maibé kompostu husi edifísiu barak no fatin ba implementasaun planu ne’e mós rai lolon.

Karik Partidu Fretilin Kaer Ukun, Bobonaro Husu Implementa ZEESM

BOBONARO - Dezenvolvimentu Oecusse nian furak, halo komunidade area Postu Administrativa Bobonaro, kaben sulin. I sira husu, karik Partidu Fretilin manan eleisaun no kaer ukun, atu implementa ZEESM ba area Munisipiu Bobonaro hanesan implementa ona iha Oecusse. Atu nunee munisipiu Bobonaro mos sai hanesan ho Oecusse.

Kuandu Partidu Fretilin manan eleisaun no kaer ukun, ami hakarak Munisipiu Bobonaro, liliu Postu Administrativu Bobonaro, implementa ZEESM. Atu nunee, ami nia munisipiu nee sai hanesan mos ho Oecusse. I Oecusse nian furak agora nee, halo ami kaben sulin,” hateten Florindo Marques, komunidade Postu Administrativa Bobonaro iha dialogu ho Sekjer Partidu Fretilin Mari Alkatiri iha Bobonaro Vila, Kinta (22/6/2017).

Desde ZEESM Timor Leste implementa iha Ambeno, Oecusse, ema barak kestiona katak, governu aloka orsamentu ba Rejiaun Oecusse maibe sira dehan dezenvolvimento lalao. Afinal lae. Sekjer Partidu Fretilin (nomos actual Prezidenti Autoridade RAEOA no ZEESM TL iha Oecusse, halo duni dezenvolvimentu iha Oecusse. Realidade bele haree ba Ponte Noefefan, Irigasaun Tono, no Central Elektrisidade Inur Sakato neebe foin lalais nee inagura tiha ona.

Taur Apela PNTL Tenke Matan Moris

Uatolari - Presidente partidu Libertasaun Popular Taur Matan Ruak apela ba PNTL no komunidade tenke manatan morin no neon nain tamba iha ema deskondesidu balun oras nee dadaun lori arma hodi halo movimentu.

Tuir Taur Matan Ruak katak oras nee dadaun iha ema deskonesidu balun neebe maka lori arma hodi halo movimentu livre tamba nee husu ba iha PNTL tenke matan moris no neon nain atu nunee bele hasegura seuransa ho diak, dehan Taur Matan Ruak iha nian intervensaun iha komisiu politiku PLP nian neebe maka halo iha postu administrativu Uatolariu Munisioiu Viqueque, Kinta (22/6/2017).

Tuir nian katak foin dadaun akontese iha Lospalos  iha joven ida neebe maka lori armas pistola “ maibe ba ida Renan Celak hare no halo kedan hosi desarma kedan armas neebe maka Joven nee lori, tamba bee husu  ita hotu liu liu PNTL tenke matan moris hodi asegura ita estabilidade” dehan Taur. Natalino T.da Costa

Suara Timor Lorosae