Kalohan Prense Kriteriu PR

DILI - Timoroan neebe hakarak lidera rai nee tenke iha kapasidade atu hatene rona no buka hakuak ema hotu. Kandidatu Prezidente Republika numeru sorteiu 8 Antonio da Concecao iha karateristika lideransa neebe prense kriteriu hanesan prezidente republika.

Tuir Primeira Dama Isabel Fereira, figura neebe iha kapasidade atu hakuak ema hotu mak kandidatuPrezidente Republika Antonio Conceicao alias Kalohan, tanba iha karateristika hanesan Prezidente Repubklika.

Hau hare kandidatu Prezidente Republik, Antonio Conceicao nuudar kandidatu neebe maka  ita bele dehan iha karateristiku lideransa neebe maka prense duni hanesan Prezidente Republika neebe maka bele tau matan ba iha ita nian nasaun TL no mos ba iha povu tomak,” dehan Primeira Dama bainhira vizita prizioneiru sira iha Prisaun Becora, Sesta (10/3/2017).

Kalohan Kandidata Aan Ba PR Hanesan Lalatak La Sama

Ainaro - Antonio da Conceicao  Kalohan hamriik kandidata aan ba Prezidente da Republika, hanesan lalatak La Sama, neebe husu ba Ainaro oan atu fo fiar ba Kalohan ba tuur hanesan prezidente, atu hodi hatutan nafatin libertasaun povu no mehi aman nasaun sira nian.

Tuir Kandidatura Prezidente da Republika Antonio da Conceicao Kalohan hatete katak, ohin nia mai hamriik hanesan lalatak  La Sama nian hodi hamutuk ho matebian sira seluk heroi sira neebe foo aan, isin no ran ruin ba rai ida nee hodi hatutan buat neebe sira halo ona ba rai ida nee. Nia agradese ba Partidu  politik sira apoiu  ba nia hodi hamriik iha oin halo reprezentansaun  partidu politik hotu no hatutan mehi ba ukun rasik aan, i mehi atuTimor-Leste  bele hasai povu iha fatin dignu hanesan nasaun sira seluk.

Hau mamriik  ohin hanesan lalatak La Sama nian, haree ba  Ainaro eroi ida  i jerasaun foun hanesan imi hanesan mos hau, neebe fo nia dedikasaun no kumprimisiu atu hatutan libertasaun povu no hatutan mehi aman nasaun sira nian. Aman sira agora dadaun mak tau  matan hela mai Timor oan, nia mak La Sama neebe servisu too mate iha nia misaun i mate tanba dedikasaun ba rai ida nee,” katak Kalohan iha kampana iha Kampana Kalohan Sesta (10/03/2017) iha Ainarao Villa, kampu futebol.

Prezidente Timor-Leste hanoin "grandeza extraordináriu" hosi Lusitânia Expresso nia misaun

Prezidente timoroan, Taur Matan Ruak, hatudu ona iha loron-sesta ne'e "gratidaun no rekoñesimentu" ba partisipante sira iha misaun "Paz em Timor", iha ró Lusitânia Expresso nia laran, iha tinan 25 liubá, ne'ebé nia konsidera hanesan "asaun ida extraordináriu tebes no ho solidariedade maka'as".

"Iha asaun extraordináriu tebes no solidariedade maka'as, grupu ida joven sira ne'ebé mai hosi nasaun 20 resin, ho nia kordenasaun, halibur esforsu sira no fó fatin ba inisiativu ida ne'ebé husik marka sira iha movimentu solidariedade internasional ba povu Timor-Leste nia kauza", xefe Estadu timoroan hatete, iha mensajen ida ne'ebé haruka ba partisipante sira, ne'ebé iha loron-sábadu ne'e hasoru malu iha Lisboa, hanoin hikas tinan 25 misaun "Paz em Timor".

Iha loron 11 Marsu 1992, mariña indonéziu impede ‘ferry-boat’ Lusitânia Expresso hodi avansa ba diresaun Timor-Leste nian, ne'ebé partisipante sira iha misaun “Paz em Timor” hakarak to'o hodi tau ai-funan iha rate Santa Cruz, hodi fó homenajen ba vítima na'in 200 resin hosi masakre ne'ebé halo hosi forsa indonéziu sira iha fulan-Novembru 1991.

Prezidente timoroan hakarak kaer knaar "kontraditóriu" hafoin hakotu mandatu

Iha loron-sesta ne'e, Prezidente Repúblika timoroan admiti ona katak iha futuru bele kaer knaar ida "kontraditóriu" hodi evita atu koezaun polítika ne'ebé mosu iha Timor-Leste paraliza dezenvolvimentu no impende mudansa nesesáriu.

"Ha'u hanoin hanesan dalan di'ak, sai hanesan kontraditóriu. No kontinua hanesan buat ne'ebé ha'u rasik iha ohin loron. Ha'u iha hanoin diferente, ha'u tenta kontribui", Taur Matan Ruak afirma iha entrevista ba Lusa.

"Demokraisa la'ós hanesan fin ida, maibé hanesan dalan klaran. Ami nia objetivu maka hametin harmonia polítika no sosial, hodi estabiliza nasaun. Maibé, dalabarak ne'e la akontese, paraliza, bainhira laiha kontradisaun laiha mudansa. No tanba ne'e ha'u hanoin katak ami tenki hahú haree fali asuntu ne'e", nia explika.

Iha entrevista ida kona-ba balansu tinan lima iha Prezidénsia - ne'ebé nia mandatu hotu iha 20 Maiu -, xefe Estadu afirma ona katak serbisu nafatin no sei kontinua serbisu hodi "fó serbisu di'ak ida ba sidadaun sira, serbisu báziku sira".

Prezidente Taur Matan Ruak konsidera normal tensaun polítika no nega atake pesoal sira

Prezidente Repúblika timoroan, Taur Matan Ruak, konsidera iha loron-sesta ne'e hanesan normal tensaun polítika ho individualidade timoroan sira seluk, inklui ho Xanana Gusmão, hodi insisti katak nunka hakarak halo atake pesoal ruma maibé debate de'it ideia sira.

"Ema sira iha direitu hodi avalia saida maka ha'u hatete. Maibé ha'u nia intensaun la'ós hanesan ne'e (atake pesoal). Hanesan hodi para oituan, hanoin fali ami nia polítika no avansa neineik, la ignora ho opiniaun hosi ema sira seluk", nia hatete ba Lusa iha entrevista.

"Karakterístika ida hosi militar sira maka hanesan frontal liu, la'ós hanesan diplomátiku. Ne'e hamosu komplikasaun. Hanesan ha'u nia defeitu ida. Agora ha'u tenki aprende, maibé antes aprende ema seluk maka tenki lori", nia explika ho hamnasa.

Relasaun entre Ruak ho Gusmão (eis-primeiru-ministru no atuál ministru ba Planeamentu no Investimentu Estratéjiku nian) hahú aat iha tinan hirak ikus ne'e hafoin Prezidente halo krítika oioin ba Governu nia asaun, liuliu hafoin diskursu polémiku ida ne'ebé nia halo iha Parlamentu Nasional, iha inísiu tinan 2016.

Xefe Estadu: Timor-Leste presiza Prezidente "humilde" no Governu "realista"

Timor-Leste presiza Prezidente ida ne'ebé hanesan "humilde", fó atensaun ba sidadania no la husik governu estraga rekursu sira, no hosi ezekutivu ida konsiente ba situasaun real nasaun nian, afirma hosi xefe Estadu iha loron-sesta ne'e.

Iha entrevista ba Lusa no la refere loloos ba kandidatu ruma ka partidu ruma, Taur Matan Ruak reprezenta nune'e perfil hosi Prezidente ne'ebe ina konsidera atu eleitu iha loron 20 Marsu no ba Governu ne'ebé sei hetan iha lejislativu sira fulan-Jullu oinmai.

"Prezidente ida humilde ne'ebé fó atensaun ba ami nia sidadaun sira no sai nu'udar elementu ida ne'ebé ekilibra no la husik Governu uza maka'as nia kbiit hodi estraga ami nia rekursu sira", nia afirma. "Governu realístiku ida, ne'ebé laiha baze iha expetativu sira maibé iha realidade loron-loron povu nian", nia hatete mós.

Kandidata prezidensial úniku ne'ebé hakarak hanesan "inan" no halibur povu

Ângela Freitas hatete katak to'o ona tempu hosi maioria populasaun timoroan, feto sira, hili feto ida nu'udar Prezidente Repúblika, "inan" ida ne'ebé hakarak halibur oan sira ne'ebé haketak malu tanba ideolojia no diferensa polítika sira iha tinan hirak ikus ne'e.

"To'o ona tempu ba feto sira apoia ha'u nia kandidatura. To'o ona tempu atu feto sira apoia inan ida ne'ebé bele hametin sira nia direitu iha nasaun ne'ebé problema sira todan liu maka violénsia doméstika", nia hatete iha entrevista ba Lusa.

"Apoia inan hodi bele hametin no kria oportunidade ida ba maioria, feto, partisipa iha palku polítiku", nia explika.

Prezidente hosi Partido Trabalhista (PT) - forsa polítika ne'ebé integra ona Asembleia Konstituinte timoroan - Ângela Freitas, tinan 47, hatete katak Timor-Leste presiza inan ida ne'ebé bele "halibur oan sira ne'ebé haketak malu tanba diferensa hosi ideolojia polítika".

WVTL no ISMAIK Asina Nota Entendimentu - Komunikadu Imprensa Konjuntu

WVTL no ISMAIK Asina Nota Entendimentu hodi Asegura Vítima sira hosi Violénsia Bazeia ba Jéneru

Aileu, 10 Marsu 2017  ̶  World Vision Timor-Leste (WVTL) ho Instituto Sekular Maun Alin Iha Kristu (ISMAIK) hosi Munisípiu Aileu asina ona Nota Entendimentu (NE) atu konstrui moru no reabilita uma-mahon ISMAIK nian hodi bele uza ba fatin akonsellamentu, refreskante no konsoladór espirituálidade, hala'o referral vítima sira ba iha instituisaun governu ne’ebé relevante no kria atividade extra sira hodi bele rekupera vítima sira-nia mentalidade ne’ebé kauza husi violénsia doméstika, abuza seksuál, violénsia seksuál no tráfiku umanu ne'ebé sei mai husi suku ualu hanesan Fatubossa, Fahiria, Fatisi, Madabeno, Seloi kraik, Seloi Malere, Liurai, no Tohumeta. 

WVTL orienta husi vizaun estratéjiku sira 2016-2019 nian mak kontinua foku ba ninia servisu atu mantein moris di’ak labarik iha Timor-Leste, ne’ebé servisu ba: Labarik sira goja saudavel, bee potável, sanitasaun melloradu, garantia labarik eduka ba vida tomak, hamenus violénsia bazeia ba jéneru no hasa’e komunidade-nia rezilensia no garantia nesesidade moris. WVTL iha projetu pilotu Redusaun Violénsia Bazeia ba Jéneru hodi bele haree asuntu jéneru nian ba norma negativa sira ne’ebé hamosu prevalénsia aas. Tanba ne’e, WVTL iha kompromisu boot atu rezolve problema sira ne’e ho governu lokál, polísia (PNTL), komunidade no relijiaun sira hanesan kanál esperansa nian ba abordajen jéneru iha Munisípiu Aileu.