Justisa Laindependen Tanba Hahahlok Poder Politiku

DILI – Timor Leste foin ukun-an tinan 15, justisa atu lao diak, poder politiku sira mak kontinua tau sira nia “kanuru tohar” ba iha sistema justisa halo justisa lao laindependente.

Tuir Dekana Fakuldade Direitu-UNTL, Maria Angela Carrascalão katak, justisa iha Timor Leste hakarak atu lao diak no independente, maibe hahalok poder politiku sira tama iha laran.

Hau hanoin katak sira tenta sai independente, dalaruma iha poder politiku mak hakarak hatama iha justisa,” dehan Dekana Fakuldade Direitu-UNTL, Maria ba jornalista sira iha Muzeum Rezistensia, Caicoli-Dili, Kinta (04/05/2017).

Dekana afirma, ida nee diak hotu ona, seidauk, maibe atu rezolve ida nee parte justisa mak tenke koalia ho sira katak tenke aplika lei no kodigu penal hothotu iha justisa nia laran rigor ho imparsialidade onestidade mos tenke hanorin.

Iha sorin seluk, ativista direitus umanus Timor Leste, Isabel Fereirra dehan, justisa iha Timor Leste kontinua sai problema boot neebe Timor Leste hasoru iha aspeitu investimentu rekursu umanus. Raimundo Sarmento Fraga/Est-4

Suara Timor Lorosae

Parpol Hahu Aprezenta Lista Kandidatura

DILI - Antes tama ba loron elpar, Comisaun Nasional Eleisaun (CNE) husu ba parpol sira mak compete, tenke aprezenta lista kandidatura ba CNE. Tuir Sekretariu Ezekutivu CNE, Bernardo Cardoso, aprezentasaun lista kandidatura importante tebes ba parpol sira. I tuir data eleisaun neebe Prezidenti da Republika promulga ona, komesa ohin, ida-idak parpol hahu aprezenta sira nia kandidatura ba CNE.

Hahu aban (ohin) parpol sira hahu aprezenta ona lista kandidatura ba CNE,” hateten Bernardo Cardoso iha aprezentasaun material iha Salaun Laline-Larigutu, CNE, Caicoli-Dili, Kuarta (3/5/2017).

Aprezentasaun kandidatura ba CNE durante 30 dias, hahu dia 4 Maiu too 2 Junhu 2017. Prosesu aprezentasaun lista kandidatura mai husi partidu nomos koligasaun.

Primeira Dama Lakompriende Dezenvolvimentu Ba Povu

DILI – Dezenvolvimentu neebe mak oras nee lao iha Timor Leste durante ukun-an tinan 15 nia laran, lao kontinua laekuilibru ba povu sira entre kapital suku no aldeia sira iha Timor Leste.

Tuir Primeira Dama (PD), Isabel Fereirra katak, tuir lolos dezenvolvimentu iha nasaun ida lao ho diak no ekulibriu ba povu sira iha baze atu sira sente dezenvolvimentu nee maibe, realidade laakontese.

Konaba dezenvolvimentu laekuilibriu, ita halo komparasaun Dili kapital no munisipiu sira,” dehan Primeira Dama (PD) ba jornalista sira iha muzeum rezistensia, Caicoli-Dili, Kinta (04/05/2017).

Primeira Dama (PD), Isabel haktuir, dezenvolvimentu neebe mak lao lahatudu signifikadu ba povu sira neebe mak hela iha kapital hanesan no mos povu sira iha baze. Isabel esplika, ba futuru politiku sira tenke hatene politika ida diak, atu lori timor nee ba neebe. Hakarak timor atu sai nasaun ida dezenvolvidu tenke iha investimentu ida diak liliu iha rekursu umanus.

Iha fatin ketak, Reprezentante Programa Oficer AJAR, Inocencio Xavier esplika, Timor Leste ukun-an tinan 15 ona maibe, dezenvolviemntu ba povu hodi hasai povu husi kiak no mukit hanesan hela naran deit. Raimundo Sarmento Fraga/Est-4

Suara Timor Lorosae

LEE LIU IHA SUARA TIMOR LOROSAE

Julio Hornai Enkontru Ho PR Eleitu Lu-Olo

DILI – Komandante PNTL Komisarius Julio Hornai halao enkontru ho Prezidente RDTL eleitu Francisco Guterres Lu-Olo, iha Cede Comite Central FRETILIN, Comoro, Dili.

Objetivu husi inkontru nee maka, atu informasaun situasaun seguransa iha Palasiu Prezidente Republika nian, bainhira Prezidente RDTL eleitu ba halao servisu iha neeba.

Hafoin enkontru ho Prezidente RDTL eleitu Francisco Guterres Lu-Olo, Komandante Jeral PNTL Komisarius Julio Hornai ba jornalista sira katak, hanesan komandu jeral mai iha CCF nee para atu hato seguransa ba iha Prezidente RDTL eleitu no mos iha rezidensia PR nian.

Ami foin maka aprezenta ba Prezidente RDTL eleitu Francisco Guterres Lu-Olo, depois maka nia hare oinsa maka atu fo apoia,” dehan Komosarius Julio, ba jornalista sira iha, CCF, Comoro, Dili, Kinta (04/05/2017).

“KONSOLIDA PARTIDU ATU SERVI DI’AK LIU TAN NASAUN”

Roger Rafael Soares* | opinião

Abertura ba Kongressu Nasional Datoluk husi Partidu Congresso Nacional de Reconstrução de Timor-Leste (CNRT) ne’ebé diriji husi Kompañeiru  Prezidente, Xanana Gusmão, destaka ho diskursu ne’ebé, marcantemente, nasionalista no realista, iha ne’ebé Prezidente halo hikas fali retrospetiva ida durante prosesu konstrusaun ita nia Estadu, iha ne’ebé P-CNRT halo parte, desde tinan ne’ebé partidu hahú moris, 2007. Iha abertura husi diskursu, Prezidente reiteira hikas fali kompromisu Partidu CNRT nian atu salvaguarda no garante páz no estabilidade, nune’e mós kontinua promove dezenvolvimentu povu no nasaun nian. 

Prezidente Partidu CNRT halo balansu ida ba knár polítiku ne’ebé dezenvolve ona durante tinan sanulu iha ezisténsia partidu CNRT nian, iha prosesu konstrusaun Estadu timorense.  Partidu CNRT mosu iha momentu ida ne’ebé rai Timor hasoru ka atravessa períodu ida ho “vulnerabilidade ne’ebé boot husi setores oi-oin iha sosiedade timorense nia laran”, kauzadu husi krize polítiku-militar iha tinan 2006, hamutuk ho fatór sira seluk, hanesan influensias externas iha polítika rai laran, ne’ebé reverte, consequentemente, ba agravamentu ba kondisoens moris timor oan sira nian.

Iha horizonte ka kuadru ida ne´e maka Partidu Kongressu Nasional ba Rekonstrusaun Timorense mosu, nudár “partidu polítiku ida ho ninia persepsaun ne’ebé klara kona-ba realidade pos-konflitu, ho kapasidade atu buka solusoes imediata ba problemas balun ho vizaun ne’ebé di’ak liu ba futuru ita-nia rain nian”. Prezidente hatúr ho klareza, iha ninia diskursu, efeitus no mós  susesus alkansadus iha tinan 10 nia laran iha partisipasaun P-CNRT nian ba prosesu konstrusaun Estadu, ne’ebé guia ho motto” “Liberta tiha ona Patria, agora tenki liberta povu”!. Destaka mós  iha intervensaun ida ne´e partisipasaun direta no indereta sidadauns tomak nian iha prosesu de konstrusaun Estadu ida ne´e.

PR marca eleições parlamentares em Timor-Leste a 22 de julho, pede voto livre e justo

O Presidente da República timorense, Taur Matan Ruak, marcou as eleições legislativas de Timor-Leste para 22 de julho, apelando a que todo o processo eleitoral decorra "de forma livre e justa, sem incidentes".

"O Presidente da República espera que todos os atos envolvidos na realização das eleições para o Parlamento Nacional, desde o recenseamento, apresentação de candidaturas, campanha, ato eleitoral em si até à declaração dos resultados eleitorais e à constituição do próximo Parlamento Nacional e Governo, decorram de forma livre e justa, sem incidentes, constituindo-se em mais uma festa da Democracia", refere um comunicado da Presidência da República.

O comunicado explica que Taur Matan Ruak decidiu marcar as eleições de 22 de julho depois de "reposta a composição do Tribunal de Recurso para exercício das competências legais sobre o processo eleitoral" e "decorrido o prazo para que o mesmo se pronunciasse sobre a Lei Eleitoral do Parlamento Nacional".

Taur Matan Ruak condecora principais figuras do Estado na reta final de mandato

O Presidente da República timorense, Taur Matan Ruak, condecorou as principais figuras de Estado, incluindo o primeiro-ministro, o presidente e ex-presidente do Parlamento Nacional e o ex-presidente do Tribunal de Recurso, na reta final do seu mandato.

Decretos publicados no Jornal da República dão ainda conta do reconhecimento do chefe de Estado com a Medalha da Ordem de Timor-Leste a vários cidadãos nacionais e estrangeiros, incluindo a jornalista Anabela Góis da Rádio Renascença.

Com a Medalha de Mérito é reconhecido Carlos Monjardino, presidente da Fundação Oriente que Taur Matan Ruak destaca como "apoiante de longa data da causa de Timor-Leste", sublinhando a ação da Fundação Oriente no país, incluindo com a recuperação do agora Hotel Timor.

É ainda reconhecida a Liga dos Amigos de Timor, com sede em Portugal, a neozelandesa Maria Leadbeater e os ingleses Peter Gordon e Steve Cox.

Governo: Sociedade timorense deve contribuir para consolidar português no país

O ministro da Educação timorense instou o setor privado do país, os pais e o mundo académico a contribuírem mais ativamente para ajudar a fortalecer o setor educativo e, em particular, o ensino da língua portuguesa em Timor-Leste.

"Nota-se que em Timor-Leste há uma ansiedade das pessoas em aprender a língua portuguesa, mas observamos um grande desafio que é a menor participação por parte do setor privado e dos pais", afirmou António da Conceição em Díli.

"É preciso uma maior participação crítica de toda a sociedade, do mundo académico e de todos os parceiros de desenvolvimento para ajudar a promover uma melhor educação em Timor-Leste", sublinhou.

Conceição falava na abertura de um seminário subordinado ao tema "Criar, educar e inovar em língua portuguesa" que se insere nas atividades da Semana da Língua Portuguesa, promovida pela Embaixada de Portugal em Díli, em parceria com várias entidades do país.

Politikus, Labele Partidariza Instituisaun Judisiariu

DILI – Polemika ba nomeasaun ba Prezidente Tribunal Rekursu (PTR) no Prokurador Jeral Republika (PJR) sai preokupasaun ba publiku tamba lamentasaun husi Parlamentu Nasional liliu Bankada Fretelin. Tamba nee, sosiedade sivil no jurista husu atu lalika partidariza instituisaun judisariu.

Tuir Diretor Ezekutivu AJAR, Jose Luis Oliveira hateten katak nia lakohi komentariu ba substansi husi materia neebe sira politiku kestiona, tamba nia laos juiz Tribunal konstitusional maibe lamenta deit ho attitude politika husi lideransa estadu laos deit Prezente Republika maibe mos Parlamentu Nasional.

Ita hare katak hatudu momos sira nia interese partidariu mak domina iha neeba laos interese estadu nian,” dehan Jose, ba STL, iha ninia edisifiu Farol, Dili, Kuarta (03/05/2017).

Koalia kona ba interese estadu klaru katak Sistema nee seidauk perfeitu, kompletu no presiza tebes iha kooperasaun entre orgaun estadu sira atu kompleta Sistema nee lao ho didiak. Maibe, labele fali ida-idak foti ninia inisiativa, asaun rasik sein iha komunikasaun seluk ho orgaun seluk.

Iha fatin ketak, tuir jurista Sergio Quintas katak Prezidente Republika atual nia iha lejitimidade atu halo nomeasaun ba PJR no PTR. Tamba iha konstituisaun iha artigu 75, numeru 2 katak Przidente Republika kaer mandate too tinan lima nia laran no ninia knar remata uainhira Prezidente foun simu pose. Domingos Piedade /Natalino Costa

Suara Timor Lorosae

Justisa Iha TL Vale Ba Ema Kiik

DILI - Reprezentante povu iha Uma Fukun Parlamentu Nasional, konsideira justisa neebe maka implementa iha rai laran lavale, tanba ema neebe iha osan livre husi justisa.

Tuir deputadu Paulino Monteiro husi bankada PD hateten, justisa iha iha ona, so ke prosesu halao nee maka ema hare balu justu, hanesan hare iha tinan kotuk,  maluk balu ke  konsideira dehan luta nain prontu  hasai tiha, balu seluk ba laluta nain tama kadeia.

Neebe ita hare justisa nee maka seidauk bele diak, ita hare liu ba justisa ida bee ita tau ba ita nia fuan maka boot liu fali, nee maka ladun diak,” dehan deputadu Paulino ba STL, iha PN, Dili, Kuarta (03/05/2017).

Nia dehan konaba Korupsaun iha ba kotuk Ministeiru lubuk ida tama kadeia ona, Sekertariu Estadu balu mos ba hatan ona, balu lolos nee tama kedia, maibe sira selu tiha osan sira nee entaun to ikus sira latama, ida selu nee diak, mais ema neebe iha osan, balu neebe laselu nee konserteza tenke ba tama kadeia.

Iha parte ketak observador Fransisco Mausoro katak, kuandu ema ida viola ona lei nia tenke tuir prosesu ka desijaun neebe mak mai husi tribunal no hau hare mak Ministeriu Publiku no tribunal aplika ka lae no labele ba ema kiik deit no kaundu ema kiik mak viola no kaer kedas tuir prosedimentu legal hodi hatan ba iha tribunal. Carme Ximenes

Suara Timor Lorosae

Knar Jornalista Importante Tebes Ba Dezenvolvimentu Nasaun

DILI - Loron 3 fulan Maiu sai hanesan loron neebe importante ba jornalista hotu iha mundu.

Tuir sekretariu estadu SEPFOPE Ilidio Ximenes da Costa hatete, loron ida nee importane tebes ba jornalista sira, maibee importansia husi loron ida nee laos husi mehi mak mosu deit.

Maibee liu husi istoria ida neebe naruk oinsa hodi hamosu loron ida sai loron mundial ba jornalista iha mundu, tanba nee merese duni atu fo nafatin motivasaun ba iha jornalista sira neebe mak halao knar lor-loron, tanba liu husi jornalista mak ema hotu-hotu bele hatene informasain saida deit maka akontese iha rai laran,” dehan Ilidio liu husi nia diskursu badak ba jornalista sira iha Jardin 5 Maiu, relasiona ho komemorasaun loron ba jornalista sira iha mundu, Kuarta (03/05/2017).

Nia hatutan tanba media sai matan tilun ba servisu dezenvolvimentu saida deit, laiha media ema la hatene saida mak governu sira halo, media nia papel nee importante, neebe ema dehan semak halo ligasaun diak ho media hatudu katak nia mos halo ona- adaptasaun iha mundu.

Iha parte seluk tuir jornalista senior Rosa Garcia esplika katak, kona ba esperensia neebe nia hasoru bainhira sai hanesan ema jornalista ida, neebe servisu iha Timor Post sira nee mesak ema jornalista. Sonia Ferreira/Joao Fatima

Suara Timor Lorosae

Prosesu Demokrasia, KI Husu Publiku Atu Respeitu Knar Jornalista

DILI — Konselu Imprensa (KI) iha Timor Leste husu ba publiku tomak atu respeita knar jornalista iha prosesu hari demokrasia, tamba realidade neebe mosu oras nee ema balun diskrimina nafatin jornalista iha terenu.

Lia hirak nee hato husi Prezidente Interinu KI TL Jose Maria Ximenes, hamutuk ho Konseleiru KI Francisco Belo Simoes da Costa, no Diretora Ejikutiva Ana Teresa Sequiera, liu husi konfrensia imprensa relasiona ho loron mundial ba jornalistas neebe halao iha edifisiu KITL, Quintal Bot, Dili Kuarta, (3/5).

Ami hakarak husu ba entidades hotu estadu toman nian atu respeita aktividade hotu neebe jornalisa sira halao iha terenu ho intensaun atu hatoo informasaun ba publiku,” nia dehan.

Husi parte seluk jornalista husi media balun iha Timor Leste mos husu ba KI atu fo esplikasaun konaba partidu politikus balun neebe loke media, ida nee sai mos media publiku ga lae? Maibe parte Konselu Imprensa hakarak esplika katak KI simu no rejistu deit media hira maka iha Timor lahare ba media partidu no seluk tan.

Konseleiru KITL Francisco Belo Simoes da Costa katak, realiadde neebe mosu iha Timor oras nee liberdade imprensa neebe lao iha rai laran diak tebes, tamba koloborasaun diak entre jornalista no entidades estadu tomak. Justinho Manuel

Suara Timor Lorosae

PR marka eleisaun parlamentar iha Timor-Leste ba loron 22 Jullu, husu votu livre no justu

Prezidente Repúblika timoroan, Taur Matan Ruak, marka ona eleisaun lejislativu sira Timor-Leste nian ba loron 22 Jullu, apela atu prosesu eleitoral tomak hala'o "ho dalan livre no justu, lahó insidente sira".

"Prezidente Repúblika hein atu asaun sira hotu ne'ebé envolvidu iha realizasaun ba eleisaun sira ba Parlamentu Nasional, hahú hosi resensiamentu, aprezentasaun ba kandidatura sira, asaun eleitoral rasik to'o deklarasaun hosi rezultadu eleitoral sira no ba konstituisaun hosi Parlamentu Nasional no Governu foun tuirmai, hala'o ho dalan livre no justu, lahó insidente sira, konstitui liu iha festa ida Demokrasia nian", refere hosi Prezidénsia Repúblika iha komunikadu.

Komunikadu explika katak Taur Matan Ruak desidi marka eleisaun sira ba loron 22 Jullu hafoin "hadi'a kompozisaun hosi Tribunal Rekursu hodi hala'o kompeténsia legal sira kona-ba prosesu eleitoral" no "hala'o iha prazu atu nune'e bele ko'alia kona-ba Lei Eleitoral hosi Parlamentu Nasional".

Lu-Olo husu ba PR Taur hodi husik ba nia nomeasaun ba prezidente Tribunal Rekursu nian

Prezidente timoroan ne'ebé eleitu husu ona ba atual xefe Estadu, ne'ebé hakotu nia mandatu iha loron 20 Maiu, atu husik ba nia nomeasaun ba prezidente Tribunal Rekursu foun, ne'ebé simu pose iha loron-sesta.

Iha marjen hosi Kongresu datoluk hosi Congresso Nacional de Reconstrução Timorense (CNRT) - partidu ida ne'ebé apoia iha kandidatura prezidensial - Francisco Guterres Lu-Olo hatete ba Lusa katak devia hein to'o hotu avaliasaun ida hosi juís sira antes halo nomeia prezidente foun.

"Ha'u ko'alia ona ho señór Prezidente Taur Matan Ruak no hatete ba nia atu juís sira hasoru hela prosesu ida avaliasaun nian no tenki husik atu hotu avaliasaun ne'e no nune'e maka bele hanoin atu señór Prezidente nomeia ka la'e", nia explika.

Taur Matan Ruak kondekora figura prinsipal sira Estadu nian iha mandatu nia rohan

Prezidente Repúblika timoroan, Taur Matan Ruak, kondekora ona figura prinsipal sira hosi Estadu, inklui primeiru-ministru, prezidente no eis-prezidente Parlamentu Nasional no eis-prezidente Tribunal Rekursu, iha nia mandatu nia rohan.

Dekretu sira ne'ebé publika iha Jornal da Repúblika fó hatene mós rekoñesimentu hosi xefe Estadu ho Medalla Orden Timor-Leste nian ba sidadaun nasional no estranjeiru oioin, inklui ba jornalista hosi Rádio Renascença, Anabela Góis.

Ho Medalla Méritu fó ba Carlos Monjardino, prezidente hosi Fundasaun Oriente ne'ebé Taur Matan Ruak destaka hanesan "apoiante kleur ba kauza Timor-Leste nian", hodi subliña asaun hosi Fundasaun Oriente iha nasaun, inklui ho rekuperasaun hosi Hotel Timor.

Rekoñese mós Liga dos Amigos de Timor, ho sede iha Portugal, neozelandeza Maria Leadbeater no ema inglés Peter Gordon ho Steve Cox.

Governu: Sosiedade timoroan tenki kontribui hodi hametin portugés iha nasaun

Ministru Edukasaun timoroan insisti iha loron-kuarta ne'e área privadu iha nasaun, aman-inan sira no mundu akadémiku hodi kontribui ho dalan ativu hodi ajuda hametin área edukativu no, liuliu, ensinu lian portugeza iha Timor-Leste.

"Haree katak iha Timor-Leste ema hakarak aprende lian portugeza, maibé ami observa dezafiu boot ida katak ladún iha partisipasaun hosi parte área privadu nian no hosi aman-inan sira", afirma hosi António da Conceição iha Díli.

"Presiza partisipasaun krítika boot ida hosi sosiedade tomak, hosi mundu akadémiku no hosi parseiru tomak dezenvolvimentu nian hodi ajuda promove edukasaun di'ak ida iha Timor-Leste", nia hatutan.

Conceição ko'alia iha abertura hosi semináriu ida ho tema "Kria, eduka no inova iha lian portugeza" ne'ebé halo parte iha atividade sira hosi Semana Lian Portugeza nian, promove hosi Embaixada Portugal nian iha Díli, hamutuk ho entidade oioin iha nasaun.