João ‘Choque’ Deside Kompete iha Eleisaun Xefe Suku Becora

DILI: Nu'udar populasaun no mós jerasaun foun, Joao ‘Choque’ da Silva sente iha responsavel moral, atu kontribui ba dezenvolvimentu iha Suku Becora.

“Ha'u preokupa ho kondisaun ne'ebé oras ne'e Suku Becora infrenta. Tan ne’e, ha'u rasik mak deside atu kompete iha eleisaun Xefe Suku Becora,” João hateten ba olatimornews.com, Sesta (28/10) iha Parlamentu Nasionál.

Tuir nia, uluk iha tempu okupasaun Indonézia, Becora koñesidu nu'udar báze de apoiu. Maibé, hafoin ukun an mosu komplikadu, tanba Becora nafatin sai fatin konflitu.

“Situasaun hanesan ne'e, klaru fó impaktu ba investor sira atu investe iha área Becora,” João esplika.

Nu'udar populasaun, João hateten, nia mós iha duni responsavel moral atu kontribui ba dezenvolvimentu Suku Becora. Ho nune’e, bele hadi'a liu hosi konseitu ne'ebé nia rasik prepara tiha ona.

"Ne’e hanesan responsavel moral atu ha'u bele avansa. Ha'u mak karik uniku entre populasaun Suku Becora, ema bolu ho naran João Becora. Tanba ne’e, área Becora hanesan iha hau nia kabas leten. Ho nune’e, ha'u bele fó kontribuisaun reál iha Suku Becora," João dehan tan.

Lider Juventude ne’e mós promete atu muda fali Becora hosi fatin komplikadu sai fatin konfortavel.

Ho nune’e, bele atrai investor liu hosi programa ne'ebé nia prepara hanesan; Hadia sistema administrasaun suku, Kapasitasaun ba komunidade, Promove kultura ne'ebé mak hahú lakon tiha ona, Transforma Becora sai hanesan area edukasaun. Liuliu ba edukasaun moral, etika no disiplina.

Nia mós fiar an, sei manan iha elisaun Xefe Suku ne'ebé sei realiza iha Sábadu (29/10). Maski, nia tenke kompete ho kandidatu na'in hitu. (*)

Foto: João 'Choque' da Silva deside kompete iha Eleisaun Xefe Suku Becora, Sábadu (29/10). (Olatimornews Foto/Frei Belo).

Olá Timor – Frei Belo -  Editór: Alexandre Assis 

Estimasaun Governu: 2035 Fundu Minarai Atinze Billaun $23

DILI: Tuir estimasaun husi Governu, to’o iha tinan 2035, Fundus Minarai ne’ebé rai iha Banku Amerika sei atinze billaun $23.

Tuir relatoriu husi Banku Sentral Timor-Leste, Fundu Minarai ba trimestre ikus, husi fulan-Abríl to’o Juñu 2016 atinze billaun $16 resin.

Maske nune’e, molok ne’e, tuir dadus husi Konsellu Konsultivu Fundu Petroliferu (KKFP), rendimentu hosi produsaun minarai tun drastiku. Molok ne'e, kada tinan bele hetan osan to'o billaun $1. Maibé, agora daudauk tun ona ba millaun $500 kada tinan.

Ministru Petoleum no Rekursu Minarais (MPRM), Alfredo Pires katak, tuir estimasaun, iha tinan 2035 Fundu Minarai TL sei atinze billaun $23.

Ba kestaun ne’e, deputadu sira iha Parlamentu Nasionál kestiona no konsidera Ministru Alfredo ko’alia de’it politika.

"Ha'u la hatene estimasaun ministériu petroleum nian ne'e haree husi metas ida ne’ebé," dehan deputadu Aurelio Freitas bainhira hala’o audensia públiku ho MPRM iha PN, Sesta (28/10).

Deputadu ne’e husu atu MPRM esplika detailu oinsa rendimentu fundu petroliferu bele aumenta.

“Hahú husi tinan ida ne'e to'o tinan ida seluk (fundu minarai) atinze porsentu hira? ida ne'e bele konvense ha'u. Ha'u lakohi atu mai ko’alia politika," deklara Aurelio.

Ba kestaun ne’e, Ministru Alfredo hatan katak estimasaun ne’e sira halo bazeia ba evidensia ne’ebé tekniku sira aprejenta.

“Tan evidensia sira ne'e mak fó dalan ba ministériu petroleum hodi tau estimasaun ida katak esforsu governu nian soma husi tinan oin ba to'o (tinan) 2035 sei atinze fundus ne’ebé mensiona,” katak nia. (*)

Olá Timor – Santa Fe Amado - Editór: Tellukoro

Lee mós iha Ola Timor: Rendimentu Fundu Minarai TL Tun Drastiku

VETERANUS VÍTIMA BA PROJETU ELEKTRISIDADE, XANANA: “SIRA MAK HAKARAK DUNI”

Membru Parlamentu Nasional (PN) preokupa tebes ho situasaun ne’ebe mak akontese ba veteranu sira, tanba deit hadau malu projetu maka veteranus balun mos sai vítima.

Membru PN husi Bankada  CNRT, Domingos Carvalho, hatete katak, durante ne’e kompanhia sira mak soran veteranus sira kona ba projetu elektrisidade.

“Hau lamenta teb-tebes ho problemas elektrisidade ne’ebe hodi soran veteranus sira iha munisipiu sira hotu, veteranu sira mak sempre sai vitima ba iha projeto sira ne’e, maibe tuir ami nia observasaun bainhira ami tun ba halo fiskalizasaun iha terenu la’os veteranus maka hadau malu projeto, maibe kompanhia mak soran, veteranu ne’e naran sagradu teb-tebes labele hateten katak veteranus ne’e hadau malu projeto, maibe kompanhia maka buka lukru ikus mai soran veteranus sira,” hatete deputado Domingos Carvalho bainhira aundensia ho ho Ministeriu Obras Publikas (MOP) no Ministeriu Planeamentu Investimentu no Estratejiku (MPIE) iha plenaria, Kinta (27/10/2016).

Ministru Planeamentu Investimentu no Estratejiku (MPIE), Kay Rala Xanana Gusmão, dehan katak, deputadu temi katak veteranus sai vítima, maibe atu dehan katak, sira mak hakarak duni sai vitima.

“Hau konhese kazus barak teb-tebes, la’os kompanhia maka soran veteranus, mas veteranus mak soran malu,” hateten eis Primeiru Ministru ne’e.

Nia hatutan, veteranus barak mak husu projetu, hodi sustenta sira nia familia no haruka oan ba eskola.

“Hau kuandu hase sira katak balu ain at mas hakarak kaer projetu elektrisidade, maibe sira dehan Bapa backing, no sira dehan mai hau katak fo netik projetu ne’e ba sira para sira haruka sira nia oan ba eskola, tanba sira terus mos ba rai ida ne’e, tanba ne’e maka ita hanoin malu ajuda, maibe dala barak ami simu dokumentus katak projetu elektrisidade ne’e ho nia naruk 5 mil metrus, maibe ami tun ba haree la to’o ida,” afirma Xanana.

Lider karismatiku ne’e dehan presija duni iha mudansa ba mentalidade, hodi nune’e bele dezenvolve rai ne’e diak liu tan. “Momentu iha inagurasaun central elektrika Same-Betano, prezidente republika dehan Governu labele fo tan projeto ba…, maibe prezidente fila tiha sira forma mai komprementa hau hodi husu, no hau fila mai Dili kareta hodi dokumentus husu projetu barak teb-tebes, ne’e laiha problema,” dehan Xanana.

Ho problema hirak ne’e, Eis xefi Governu ne’e husu ba deputado sira ne’ebe mak reprezenta munisipiu tur hamutuk ho veteranus, kompanhia sira resolve problema ne’e, labele fo hotu deit ba Governu.

“Hau husu ba deputado sira ne’ebe mak reprezenta munisipiu labele ba rona problema mai levanta deit, maibe tenke bolu kompanhia no veteranus sira ne’ebe mak problema hodi resolve, labele ba rona tiha depois hodi mai ami mak atu resolve, maibe imi nia papel mos ba tur hamutuk ho sira koalia tok, ne’ebe hau husu favor ba ita hotu kuandu problema iha ita nia munisipiu ba buka tok hodi resolve imi mos iha dever hotu,”dehan Xanana. mia

Jornal Nacional

TL SELEBRA LORON MATEBIAN, IGREJA PROIBI AIFUNAN MASA

Tinan-tinan, ita sarani tomak selebra loron bo’ot iha igreja universal, hahú ho loron bo’ot, loron santo nian, loron ba dauluk iha fulan Novembru nian, (dia dos santos). Hafoin tuir kedas mai, loron ne’ebé ita hanaran, loron finadu, loron daruak iha fulan Novembru, loron ida kmanek tebes atu ita hotu hanoin ita nia maluk matebian sira nia loron.

Wainhira ema hirak ne’e sei moris, ita hotu koko moris ksolok no terus hamutuk ho sira, no wainhira sira mate ona, sira husik hela mai ita lembransa furak atu ita hanoin nafatin sira nia mensajen, hahalok moris nian ne’ebé halo ita banati tuir sira nia ain-fatin.

Nune’e Igreja dedika loron espesial ida ne’e, nu’udar loron finadu, loron feriadu, loron matebian nian. Iha rai ida-idak, iha ninia kultura hodi selebra loron boot matebian sira nian ne’e.

Iha Timor Leste (TL) ita selebra loron boot ida ho hanaran han hasoru malu ho ita nia matebian sira, han hamutuk ho ita nia matebian sira. Tuir ita ida-idak nia fiar katak, iha loron Maromak loke odamatan matebian sira nian para bele vizita ka hasoru malu ho nia familia sira ne’ebé mak hela iha mundu ne’e.

Nune’e Igreja hotu-hotu iha Timor laran tomak, selebra misa hahú loron santo santa sira nian, kontinua ho loron finadu iha 2 Novembru para sarani sira halo devosaun, husu misa ba matebian sira.

Iha igreja nakonu ho familia sira ne’ebé husu misa, kanta solene, hafoin kontinua ba vizita rate, sunu lilin, tau aifunan ne’ebé ema kuu husi sira nia uma oin ka iha sira nian tos laran.

No iha loron finadu ne’e mak sarani sira hatama lista naruk familia ida-idak nian, para padre ne’ebé prezide misa lee sai matebian sira nia naran iha misa ne’ebé selebra iha semiteriu laran ga iha kapela iha Igreja laran.

Sarani sira prepara aifunan, hafutar rate no balun lori bukae hodi komparte ba malu iha rate, no hanesan iha parte rai klaran no parte Oeste ninia ne’e, sira hader aifunan desde dia 1 kalan to’o dia 2 dader ka meiudia ne’e sira kontinua ba misa no vizita rate. Maibé iha parte Leste ninia, iha loron 2 Novembru ne’e sarani prepara aifunan, tein katupa ka hahan ruma, depois tunu animal sira hodi oferese ba matebian sira, sinal han hamutuk ho matebian sira.

Iha parte loron meiudia ka loraik tuir horariu igreja nian, sarani sira lori aifunan no lilin ba misa, depois de misa kontinua ba vizita rate tau no sunu lilin no halo devosaun no orasaun ba matebian sira. Fila husi rate kontinua fali ho han hemu hamutuk ho matebian sira, tuir fiar ida-idak nian. Ne’e atu hatudu katak, ida ne’e sinal domin ba matebian boot tebes.

Nune’e sarani sira balun kuandu lahetan ona aifunan natural, obrigadu sira tenki ba sosa aifunan feitu ka plastiku ne’ebé mak fa’an iha loja sira hodi ba rate. No balun mós hakarak duni uza aifunan plástiku ne’e, tanba haree katak, aifunan plastiku ne’e iha koris oi-oin no furak ema atu haree.

Maibé relasiona ho instrumentu sira ne’e, Padre Pároco Balide Adriano Ximenes, bandu sarani sira lori aifunan feitu ka aifunan plástiku ba rate.

“Ha’u nia paroquia ha’u bandu ha’u nia komunidade lori aifunan masa mai misa. Sé mak tau aifunan masa iha altar leten ha’u foti tuda tan nia, no sunu iha nia oin kedas. Ida ne’e Igreja hanorin ema atu hadomi Maromak no matebian sira. No haree ninia finalidade los mak ida ne’ebé”, dehan Padre Adriano Ximenes ba Jornal Nacional Diário iha nia rezidénsia balide Díli, Kinta feira (27/10).

Tuir Padre Adriano Ximenes katak, sarani sira tenki sakrifika sira nia-an buka aifunan freska hodi ba tau iha rate, basa aifunan freska ne’e símbolu fiar no domin sarani sira nian ba matebian sira.

Padre Adriano Ximenes mós husu ba sarani Katólika Timor Leste (TL)  atu selebra loron matebian ho fiar no reza ba matebian sira, la’os atu buka rame-rame deit.

 “Ha’u nia apelu ba sarani hotu iha Timor laran tomak, dia 2 de Novembru labele halo hanesan buat ida ne’ebé ema dehan rekreasaun, maibé dia 2 de Novembru ne’e ita buak atu selebra ho fiar, reza ba maluk hotu ne’ebé la’o uluk ona, sira mate no la’o uluk ona ba hein iha fatin ne’ebé Maromak hakarak”, hateten Padre Adriano Ximenes.

Husi sorin seluk, Padre Paróco da Paróquia Santo António de Motael, Amo David Alves da Conceição hatete, la’os ai-funan plástiku ne’ebé fa’an iha loja mak ema bele sosa no lori ba tau iha matebian sira nia semitériu. Maibé ai-funan natural ne’ebé ema kuda iha uma oin, tamba ho ida ne’e bele fó sentidu domin no honra ba ema sira ne’ebé mate ona.

“Ai-funan be plástiku ne’e atu infeita de’it, maibé ida ne’ebé mak fó morin, honra no hatudu ita nia domin ba matebian sira mak ai-funan natural ne’ebé ita kuda iha uma oin, ai-funan ne’ebé mak ai ne’ebé fó funan no la’os ida ne’ebé plástiku nian sira fa’an iha loja. Ne’ebé dala ida tan, la’os ai-funan plástiku mak ita lori ba matebian maibé ai-funan natural,” esplika Pe. David Alves ba JN-Diário, Kinta (27/10), iha nia eskritóriu Igreja Motael.

Amu David hatutan, ohin loron ne’e buat hotu artifisial no feitu tiha ona, maibé keta haluha katak, ema ne’e natural, tamba bainhira moris mai laiha ema ida mak halo ho masa, pika no reboka tun sae ho buat ne’ebé artifisial katak, ema ne’e natural duni, tamba ne’e tenki uza buat ne’ebé natural hodi fó honra ba sira ne’ebé laiha ona.

Amu Paróco Motael ne’e fundamenta katak, ai-funan nu’udar manifestasaun domin ne’ebé lori ba tau iha rate atu matebian sira nia klamar morin no furak iha Maromak nia futar oin, tamba ne’e mak presiza lori ai-funan ne’ebé natural no la’os ida ne’ebé artifisial para ba infeita de’it iha matebian sira nia rate katak, tenki iha intensaun ispirituál.

Padre David afirma, ai-funan plástiku laiha sentidu no hanesan hela ai pedasuk ida ne’ebé ema lori ba rai hela iha rate matebian sira nian, ai-funan plastiku tau ka la tau laiha sentidu, no ida ne’e ne’ebé preferivel mak ai-funan matak, ai-funan fresku ne’ebé mai husi natureza.

Amo Pároco Paroquia Motael ne’e rekoñese katak, iha Díli laran ema barak demais labele hetan ai-funan hotu, maibé hanoin no buka tok ba, ne’ebé la presiza ai-funan de’it mak bele lori ba Matebian sira, maibé importante liu mak ema nia intensaun ka objetivu ba tau ai-funan iha rate ne’e oinsa ema tenki entende no la’os naran ba tau de’it maibé la kompriende nia sentidu.

“Entaun loron iha dia 1 no 2 de Novembru fó hanoin mai ita atu prepara ita nia-an halo didi’ak, ba sarani sira, liu-liu ha’u nia sarani sira iha Paróquia Motael no ba sarani sira hotu, atu fó hanoin de’it katak, ita ne’ebé moris iha mundu ida ne’e, ita ne’e Maromak nian, ita atu matenek fali ka riku fali ka boot fali ka polítiku fali ka sé de’it, rai ne’e ita la halo ida, ita hotu moris mai rai ne’e iha tiha ona, tempu ne’ebé ita uza hodi goza tun sa’e ba buat barak hodi la preokupa ho Maromak ne’e, tempu ne’e ema ida mós la halo ida, katak tempu ne’e iha tiha ona no Maromak mak halo”, hateten Padre David da Conceição.

“Moris ne’ebé ita simu mós hanesan, primeiru ita simu moris ne’e hanesan bebeoan ida no ita boot mai mak foin riku, matenek no sai bo’ot, maibé Maromak mak ita nia kriador, tamba ne’e ita keta haluha ita nia hun. Ne’ebé maluk sira haka’as-an to’ok ba, ita nia matenek, rikusoin pozisaun sosial labele boot liu fali Maromak, ne’ebé mai ita haka’as-an to’ok ba,” Pe. David Alves hato’o mensajen ba sarani hotu ne’ebé sei selebra loron finadu ka matebian nian ne’ebé monu iha dia 1 no 2 de Novembru 2016.tos/eni/ías

Jornal Nacional

Tenke haree hikas kona-ba formasaun dosente no metodolojia hanorin iha Timor-Leste - ministru

Rezultadu di’ak hosi eskola referénsia Timor-Leste, hamutuk ho professor portages nomós timor-oan sira, hatudu katak formasaun dosente no metodolojia ensinu nian, importante duni atu hametin kapasidade alunu nian, tuir ministru Edukasaun, António da Conceição dehan ohin. 

António da Conceição dehan katak kuríkulu hothotu hosi Centros de Aprendizagem e Formação Escolar (CAFE), koñesidu hanesan eskola referénsia ho eskola ensinu públiku timor-oan nian sira seluk hanesan de’it, maibé kapasidade hosi profesór no metodolojia hanorin nian maka lahanesan.

"Diferensa hosi CAFÉ nian maka lalaok hanorin hosi profesór portugés sira nian nomós relasaun ne’ebé sira kria ho alunu sira. Buat hirak ne’e hotu nu’udar kestaun espesífika ne’ebé halo estudante sira sente satisfeitu psikolojikamente iha sala laran no iha vontade atu estuda liu tan", tenik ministru ne’e ba Lusa, iha Dili.

"Bainhira ita kompara eskola públika normal hothotu ho CAFÉ, ne’ebé mos hanorin timor-oan sira ho dalen tétum no portagés, ita haree iha progresu maka’as", dehan.

Eskola CAFE hothotu hanesan elementu ida ne’ebé importante hosi programa apoiu ba ensinu portugés iha Timor-Leste, tanba abranje alunu hosi ensinu pré-eskolár no bázikui liu 7.000.

Tuir António da Conceição, relasiona ho debate kona-ba lian instrusaun, “hanesan mos problema importante ida maka kbi’it profesór nian nomós tenke adota metodolojia hanorin nian”.

"Buat hirak ne’e maka sai nu’udar problema ne’ebé ministériu halo daudaun avaliasaun, atu haree oinsá ami bele hadia formasaun profesór, la’os de’it ba iha domíniu lian ho matéria, maibé mos forma atu komunika/ko’alia, metodolojia hanorin no relasaun ho alunu sira”, nia dehan.

Antonio da Conceição ko’alia lia hirak ne’e ba Lusa, relasiona ho enkontru ida ne’ebé nia sei aprezenta rezultadu hosi projetu-pilotu edukasaun multilingue bazeia ba lian inan (EMBLI, sigla iha lian tétum), ne’ebé nia halo komparasaun entre alunu sira ne’ebé hanorin na’in hanorin ho lian materna ho alunu sira hosi eskola públika baibain nomós hosi CAFÉ nian.

"La’os debate kona-ba polítika linguístika, tétum ho portugés kontinua sai nu’uadr lian instrusaun nian. Hakarak liu maka atu avalia opsaun hothotu, hodi hadia kualidade edukativa", nia dehan durante aprezenta relatóriu.

Ba Lusa, ministru ne’e dehan katak projetu-pilotu refere sei lamaterializa kedas ba iha polítika Governu nian, “tanba laiha rekursu”, maibé hanesan “kontributu ida hodi hadia liu tan edukasaun”.

"Ha’u lakonsidera ida ne’e, hanesan projetu ida ne’ebé ami sei hakarak kontinua. Ami ladauk iha orsamentu ba ne’e. Ha’u hanoin ba oras ne’e, tenke analiza ida ne’e di’ak liu tan ba iha nivel akadémiku no haree atu oinsá ami bele lori projetu ne’e ba oin”, nia dehan.

Estudu ne’ebé, aprezenta hosi Stephen Walker, Graduate Institute of Applied Linguistics, iha Dallas, Texas, analiza ona alunu iha eskola-pilotu hosi rejiaun tolu (Lautem, Manatuto ho Oecusse).

Iha análize komparativa hosi "efikásia edukativa", estudu ne’e fó ona nota ida ho valór 27,88 ba eskola públika normál, 55,36 ba CAFE no 58,63 ba EMBLI.

Inklui ba iha avaliasaun teste leitura, komprenaun no matemátika (hosi sira seluk) no aspetu sira hanesan partisipasaun hosi ensinu pré-eskolár, falta nomós "ajustamentu kontestuál".

Tuir estudu ne’e, alunu sira hosi projetu EMBLI hetan rezultadu ida ne’ebé bot liu hosi teste hothotu, la’e de’it maka iha matemátika duke kolega sira hosi eskola públika seluk, ne’ebé maka kazu barak, duplika nota hothotu.

SAPO TL ho Lusa 

Prezidénsia timoroan marka inísiu hosi ajenda ekonómiku luzófonu

Tema ekónomiku sira, no hanesan pontu importante hosi Fórum Ekonómiku Global dahuluk CPLP nian iha Díli, marka ona ajenda hosi prezidénsia timoroan nian hosi organizasaun ne'e no hanesan importante iha enkontru oioin ne'ebé maka hala'o iha Timor-Leste.

Iha estreia ba lideransa organizasaun nian, Timor-Leste hakarak hatudu, hahú hosi oras dahuluk sira, importánsia hosi ekonomia iha sentralidade ba vizaun estratéjiku foun hosi organizasaun, koloka mós teritóriu hanesan ponte ligasaun entre mundu luzófonu ho Asosiasaun hosi Nasaun sira Sudeste Aziátiku (ASEAN) nian.

Maski debate sira seluk, hanesan tema antigu liu hosi mobilidade nian ka asuntu baibain sira ne'ebé sentra iha CPLP, hanesan lian, hetan ona iha Díli aspetu ida ekonómiku liu, ho responsável timoroan sira husik klaru katak, iha momentu tomak, nesesidade hodi hametin área emprezarial no negósiu sira hosi komunidade.

La'ós de'it halo fali CPLP hanesan sentru, husik klaru katak organizasaun sei aumenta mós ba zona ne'e iha globu - ne'ebé iha oportunidade importante sira negósiu nian - maibé mós tau objetivu sira negósiu rasik no hametin lasu komersial sira iha sentru hosi debate sira organizasaun nian.

Prosesu ida ne'ebé implika loke tan fatin sira ba negósiu no emprendedorizmu kapitalizandu, hanesan defende hosi primeiru-ministru timoroan, iha oportunidade sira ne'ebé ezisti iha rejiaun sira ne'ebé Estadu-membru sira halo parte.

"Iha Áfrika, iha Ázia no Pasífiku no iha Amérika Latinu, iha potensialidade boot sira no ita tenki loke tan fatin ba emprendedor luzófonu sira hodi aproveita oportunidade ne'e", hatete hosi Rui Maria de Araújo iha entrevista ida ho Lusa ne'ebé foin hala'o iha tempu badal kona-ba CPLP.

No maski rezultadu sira hosi prezidénsia timoroan nian la akontese iha tempu badak, Díli husik iha meza proposta sira hanesan kriasaun ba konsórsiu ida hidrokarbonetu sira no banku ida dezenvolvimentu nian, hanoin sira ne'ebé bele kontinua ko'alia durante prezidénsia brazileiru nian.

Roque Rodrigues, eis-ministru no destakadu hosi Prezidente Repúblika timoroan nian, Taur Matan Ruak, hodi halo parte hosi gabinete apoiu ba prezidénsia rotativu Timor-Leste nian iha CPLP, hanesan ema ida ne'ebé envolve iha estratéjia foun ba komunidade luzófonu.

Iha balansu foun, nia defende ona katak CPLP tenki hametin iha dékada oinmai hanesan lian ida ne'ebé "ema rona, kredível no respeitadu" iha nível internasional, ho aumenta hosi empreza sira no esforsu loloos hodi globaliza lian portugeza.

Nia hatete katak koperasaun rasik tenki "halibur maka'as empreza sira no setór privadu", halo "buat hotu ne'ebé maka tenki halo hodi nune'e lian ida ho potensial tenki sai globalizadu duni", hodi sai hanesan "lian inovasaun nian, lian hosi siénsia, futuru nian" maibé mós lian ne'ebé bele "moris iha ambiente lian oioin sira".

Maibé, iha Timor-Leste la'ós ko'alia de'it kona-ba ekonomia, maski ho distánsia - no asumi prezidénsia iha momentu ne'ebé ho susar ekonómiku no polítiku sira ne'ebé akontese maka'as iha nasaun sira CPLP nian - konsege hala'o ona reuniaun setorial sira hamutuk 15, no iha de'it reuniaun tolu ne'ebé maka adiadu tanba ladún iha partisipasaun.

Aleinde Fórum Ekonómiku Global - ne'ebé hetan prezensa hosi emprezáriu sira hosi nasaun 25 - Díli simu mós fórum sira juventude no sosiedade sivil, konferénsia sira no debate sira kona-ba identidade, lian no universidade sira no reuniaun tékniku oioin.

SAPO TL ho Lusa

Povu Hisik Kosar, Governantes Manan Salariu Boot No Kontinua Bisnis Ilegal

DILI – Reprezentante povu iha uma fukun Parlamentu Nasional kestiona ho hahalok membru governu balun neebe mak manan salariu boot, maibe kontinua buka bisnis iligal iha rai laran.

Preokupasaun nee hatoo husi Deputadu Cesar Valente ba STL, iha uma fukun Parlamentu Nasional, Kinta, (25/10/2016). Deputadu Cesar hateten relasiona ho numeru korupsaun iha Timor Leste, nuudar deputadu seidauk iha serteza lolos maibe nuudar sidadaun ida tenke halo refleksaun liu-liu ba funionariu publiku, governantes no ema sira neebe mak tutela orgaun estadu sira.

Ema balun manan salariu boot no hanoin tan halo bisnis ilegal nee ema kiak sira mos hanoin la hetan tamba ema kiak esforsu loron ida pelumenus han dala ida deit no la hanoin atu ba naok no tamba sa mak manan osan boot sei loke tan bisnis ilegal hodi halo korupsaun,” dehan Deputadu Cesar.

Tuir nia, ema ida neebe mak kiak rabat rai nee no ema sira neebe mak hili foer mak mos tamba halo esforsu loron ida tomak no han etu bikan ida mai husi kosar ben rasik laos mai husi naok. Tamba nee, dalaruma imajina mos la hetan iha mundu ida nee entre ema boot no kiak sira.

Iha fatin ketak, tuir observador Politiku UNDIL Fransisco Mausoro katak labele nega ba realidade neebe mak akontese iha Timor Leste liu-liu kona ba kaju korupsaun. Tamba nee, atu kombate kona ba korupsaun presija vontade husi politikus se lae korupsaun labele halo lakon iha Timor Leste. Informasaun kompletu iha STL Jornal no STL Web, edisaun Sabado (29/10/2016). Domingos Piedade Freitas

Suara Timor Lorosae

Rekursu Joao-Calisto No Caero Sei Iha Prosesu

DILI - Tribunal Rekursu (TR) laiha prazu ba prosesu rekursu ba kazu sira neebe mak tama mai iha TR, tanba juiz prosesu kaer prosesu barak.

Tuir Defesa Calisto Gonzaga katak, rekursu ba nia kliente tuir informasaun neebe nia rona katak besik ona. Maibe seidauk hatene klaru kona ba loron bainhira mak atu fo sai nia rezultadu. Neebe publiku hein deit too tempu nia sei fo sai ba publiku.

Entretantu tuir offisial neebe lakohi temi naran hatete, rekursu ba arguidu Calisto Gonzaga, Joao Cançio no Domingos Caero sei iha prosesu nia laran. Prosesu nee lori tempu, tanba iha mos rekursu seluk neebe juiz prosesu atu haree. Maibe laiha prazu ba rekursu neebe tama mai, tanba rekursu laos ba kazu rua tolu deit, dehan nia iha Edifisiu TR.

Entretantu tuir Prezidenti Tribunal Rekursu  Guilhermino da Silva katak, rekursu ba prosesu neebe mak tama iha TR nee laiha prazu inklui rekursu ba kazu Calisto Gonzaga no Joao Cancio nian.

Rekursu Joao Cancio no Calistro nian nee submete mai ona, maibe desizaun husi rekursu neemak depende ba juis sira neebe mak kaer prosesu nee. Neebe lakleur tan desizaun sai ona iha tinan nee nia laran,’’ dehan Guilermino ba jornalista sira iha TR Caicoli.

Nia hatete, desizaun sei sai agora, aban, bainrua ho fulan oin mai sira labele koalia lai, tanba rekursu nee laih prazu. Neebe bele demora depende ba juis de prosesu, tanba agora iha TR prosesu rekursu barak juiz sira mos presiza estuda rekursu sira seluk neebe mak iha. Informasaun kompletu iha STL Jornal no STL Web, edisaun Sabado (29/10/2016). Domingas Gomes

Suara Timor Lorosae

Eleisaun Lideransa Suku Laos Obrigatoriu, Babo: Lapartisipa Lakon Direitu Votus

DILI – Eleisaun Lideransa komunitaria neebe halao iha teritoriu Timor laran tomak la obriga povu tenki tuir votasaun, maibe nudar sidadaun lakon votu kuandu latuir votasaun.

Tuir Vice Prezidente Komisaun A Parlamentu Nasional (PN) Arao Noe katak sistema iha Timor Leste resensiamentu eleitoral mak obrigatoriu, votasaun laos obrigatoriu neebe konsagra iha konstitusaun.

Partisipasaun ba elisaun suku laos obrigatoriu tamba nee iha asemblea suku no aldeia loke kuandu ema barak bele hahu tamba nee la ejiji korum laos ema mai hotu mak foin halo votasaun,” dehan Arao ba STL Sesta (28/10/2016) iha Parlamentu Nasional.

Nia hatete kuandu iha suku no aldeia mak ema barak ona bele loke prosesu eleitoral, no votasaun mos la ejiji maioria lista sidadaun iha aldeia kuandu ema barak ona bele halo ona votasaun.

Hatan kona ba sidadaun balun labele partisipa tamba eskola, Arao hatete direitu sidadaun ida nian tenki ejerse nia funsaun hanesan eleitor mais votasaun laos obrigatoriu.

Iha fatin hanesan Deputadu Bankada Fratilin Osorio Florindo hatete eleisaun Parlamentar no prezidensial, sidadaun barak mak latuir kuandu hare numeru eleitoral persentazen tun bei-beik. Informasaun kompletu iha STL Jornal no STL Web, edisaun Sabado (29/10/2016). Timotio Gusmao

Suara Timor Lorosae

Laiha Ema Ida Impede Festa Demokrasia 2017

DILI - Estabilidade nasional nee iha ema hotu nia liman liu-liu partidu politiku sira, oinsa mak atu hanorin estabilidade ba nia militante no simpatizante sira, hahu agora too 2017, se mak impede festa demokrasia nee irresponsabilidade.

Informasaun nee fo sai husi Vise Prezidente Parlamentu Nasional (PN), Eduardo de Jesus Barreto ba STL iha uma fukun Parlamentu Nasional (PN)-Dili, Sesta (28/10/2016).

Buat kiik sira nee buka rezolve, laos impaktu boot ida atu impede fasta demokrasia iha 2017 nee laiha. Atu fo hanoin katak estabilidade diak hahu agora too iha 2017 sei lao diak,” dehan Eduardo.

Eduardo haktuir, estabilidade nee partidu idak-idak mak tenke hanorin ba nia militante no simpatizante sira, atu garante ba mos nia partidu, ba nasaun i ba povu tomak. Nia haktuir, atu defende interese povu nian maibe iha fali buat seluk nee responsabilidade partidu idak-idak.

Iha sorin seluk Diretor Ezekutivu FONGTIL, Arsenio Pereira dehan, garantia estabilidade mai husi ema idak-idak, tanba nasaun nee sidaduan hotu mak tenke garantia laos ema seluk. Informasaun kompletu iha STL Jornal no STL Web, edisaun Sabado (29/10/2016). Raimundo S. Fraga

Suara Timor Lorosae

Setembru 2016, Fundu Petróleu Billaun 16.6

DILI, (ANTIL) – Totál fundu petróleu to’o iha 30 Setembru 2016 hamutuk billaun 16.6, Diretór Ezekutivu Jestaun Fundu Petróleu Banku Sentrál Timor-Leste, Venâncio Alves Maria informa iha Salaun Nobre Ministériu Negósiu Estranjeiru no Kooperasaun, Kinta (27/10).

Tranferénsia husi Fundu Petróleo ba Orsamentu Jerál Estadu dezde inísiu 2006 to’o agora hamutuk billaun 8.

“Tinan ida ne’e, ita foin transfere 794 milloens, inísiu tranferénsia ba 8 billoens retornu  investimentu husi fundu ne’e rasik dezde inísiu mai to’o Setembru 2016, 3.5 billoens. Ita kompara de’it 8 billoens ita hasai, retornu investimentu 3.5 billoens de’it, 5 e tal billoens ita hasai kapitál”, Venâncio Alves dehan iha nia aprezentasaun iha Konferénsia Nasionál Fundu Minarai.

Venâncio afirma, hanesan ema tékniku fó dadus no realidade mak ida ne’e. “Tanba liga ho sustentabilidade ami sempre hatete iha okaziaun barak, polítiku sira mós ami hatete kuandu husu no ami dehan papél polítiku sira karik aban-bainrua hetan asentu iha parlamentu, sira-nia papél mak sei halo fundu ne’e atu  mohu iha kurtu  prazu ka médiu prazu ka longo prazu tanba desizaun iha sira-nia liman iha parlamentu”, Venãncio subliña.

Enkuantu, fundu minarai ba trimestre ikus husi Abríl to’o Juñu 2016 hatudu fundu kapitál billaun 16.47 kompara ho trimestre dahuluk Janeiru to’o Maiu 2016 ho fundu billaun 16.58. (jornalista: Maria Auxiliadora; editora: Rita Almeida)

Foto: Diretór Ezekutivu Jestaun Fundu Petróleu Banku Sentrál Timor-Leste, Venâncio Alves Maria (Oklu) no Komisriu KAK Timor-Leste, Aderito Pinto

SEKOMS Asina Protokolu Kooperasaun ho Institutu Camões Ba Formasaun Dalen Portugés

DILI, (ANTIL) – Sekretaria Estadu Komunikasaun Sosiál (SEKOMS) serbisu hamutuk ho CAMÕES-INSTITUTU E DA LÍNGUA, I.P. sei oferese programa kapasitasaun ba profisionál komunikasaun sira Timor-Leste nian iha dalen Portugeza.

Programa ne’e realiza liuhusi protokolu kooperasaun iha Projetu Konsultóriu Dalen ba jornalista sira ne’ebé ho nia durasaun tinan tolu hahú hosi tinan 2016 to’o 2019. Formasaun refere sei hahú iha fulan oin.

Objetivu hosi kooperasaun ida ne’e atu promove uza dalen portugés iha produtu jornalista sira nian, hamenus númeru jornalista timoroan sira ne’ebé ladun domina dalen Portugés no promove atu transmite informasaun ho fidedigna hosi jornalista sira. Iha ámbitu kooperasaun nian ne’e, atu promove mós kriasaun futuru Institute Formasaun ba Jornalista sira.

Protokolu kooperasaun ne’e asina hosi Sekretáriu Estadu Komunikasaun Sosiál, Nélio Isaac Sarmento no Embaixadór Portugal ba Timor-Leste, Manuel Gonçalves, iha Auditóriu Prezidénsia Konsellu Ministru, Palásiu Governu, Kinta, (27/10).

Iha nia deskursu, Sekretáriu Estadu Komunikasaun Sosíal, Nélio Isaac hateten formasaun ida ne’e importante tanba ajuda jornalista sira atu bele komprende dalen Portugés para bele hakerek portugés iha sira nia produtu notísia.

“Buat hotu-hotu, liu-liu lei hakerek ho portugés. Tanba ne’e, jornalista tenke hatene dalen portugés maka foin bele interpreta hodi hakerek,” nia esplika.

Iha parte seluk, Diretór Jornál Nasionál Diário, José Gabriel dehan Konstituisaun RDTL fó biban ba Portugés sai dalen ofisiál hamutuk ho dalen Tétun iha Timor. Tanba ida ne’e, tuir nia, jornalista tenke hatene dalen portugés para halo komunikasaun ho fonte sira no hakerek ho portugés iha notísia.

Aleinde ne’e, Diretór Jornál Business Timor, Carlos de Jesus informa bainhira jornalista hakerek Tétun ne’ebé mistura ho Portugés, sei sala-sala hela entaun ho formasaun ne’e bele ajuda liu-tan jornalista sira para bele komprende di’ak Portugés no ko’alia.

“Dadus balun ne’ebé hakerek ho Portugés, ita sei bele komprende bainhira ita ko’alia no komprende Portugés ho di’ak,” tenik Diretór Jornál Semanál ne’e.

Nia husu ba dirijente mídia sira atu orienta ninia jornalista sira atu atende formasaun ida ne’e. Ne’e hanesan bukae ida ba jornalista hotu-hotu atu bele hatene informasaun di’ak. (jornalista: Xisto Freitas; editora: Rita Almeida)

Foto: Sekretáriu Estadu Komunikasaun Sosial, Nélio Isaac Sarmento entrega dokumentu MOU ba Camões –Institutu e da Lingua, I.P, reprezenta husi Ambaxador Portugal ba Timor-Leste, Manuel Gonçalves. Foto ANTIL/Dasiparu

Maioria dos residentes de Díli temem perder casa e terra - sondagem

Díli, 27 out (Lusa) - A maioria dos habitantes da capital timorense preocupa-se com a possibilidade de perder o terreno ou casa onde vive e quase 40% só reside em Díli desde 1999, segundo dados preliminares de um inquérito hoje divulgados.

São 59% aqueles que admitem ter medo de perder a sua casa ou terreno nos próximos cinco anos, percentagem que cai para menos de 5% nos outros municípios do país.

Os dados, apresentados num debate organizado pela Asia Foundation em Díli, mostram que 20% dos habitantes da capital só ali residem desde 2008 e que 56% não tem qualquer outro terreno ou casa.

A sondagem, realizada pela Asia Foundation e pela Laden University, ouviu 384 pessoas em cada um dos distritos de Díli, Ermera e Ainaro sobre acesso a terra, título de propriedade e resolução de disputas.

Em Timor-Leste, misturam-se direitos tradicionais e costumários com outros de usocapião e com títulos de propriedade conferidos pela administração portuguesa e pela indonésia.

A violência de 1999, depois do referendo sobre a autodeterminação, e a crise de 2006, que deslocalizou muitos timorenses, a somar à mudança para Díli de famílias que largaram o interior à procura de emprego, agravou a complexidade do cenário.

Susan Marx, responsável da Asia Foundation em Díli, explicou que o objetivo é contribuir para "ajudar no atual processo de definição da política sobre a terra".

"A política de terra continua a ser um dos principais desafios, sem respostas fáceis. Com mais informação e dados podemos escolher respostas melhores para proteger famílias e aumentar a confiança para os investimentos do setor privado", disse, notando que independentemente do quadro legal, "haverá sempre disputas, que têm de ser geridas e resolvidas".

O parlamento timorense está a analisar três diplomatas sobre este setor, incluindo o de titularidade de bens imóveis e a nova lei de expropriações.

Está igualmente a decorrer o processo de registo cadastral do país, um projeto luso-timorense que já levantou quase 107 mil registos.

A sondagem hoje conhecida mostra diferenças entre a zona urbana de Díli e os distritos mais rurais de Ermera e Ainaro.

Na titularidade, por exemplo, Ermera tem a maior percentagem de pessoas que possuem a terra desde a administração portuguesa (54% do total) e Díli a menor (20%). Por outro lado, é na capital que mais pessoas (41%) dizem ter a terra desde a ocupação indonésia (29% em Ermera).

Em Díli, 18% disseram que tiveram acesso à terra entre 1999 e 2007 e 21% desde 2008; 34% explicaram terem-a comprado e 32% terem-na herdado. Já em Ermera e Ainaro são mais de 70% os que herderam a terra.

Questionados sobre se têm agora mais terra, responderam que sim 44% dos questionados em Díli, 84% dos de Ermera e 93% dos de Ainaro.

Segundo o estudo, 80% dos inquiridos em Díli, 89% em Ermera e 78% em Ainaro dizem ser difícil comprar terra, por falta de dinheiro ou de mercado, com pouca gente a querer vender.

Como explicou Bernardo Almeida, da Leiden University, cerca de 85% nos três distritos diz que, apesar de tudo, tem o suficiente para viver.

Apesar da quase totalidade (ou totalidade no caso de Ainaro) se dizer o dono da terra, percentagem idêntica diz que não pode vender ou sequer arrendar o terreno, mas apenas transmiti-lo em herança.

Cerca de 45% dos ouvidos em Díli e 81% dos ouvidos nos outros municípios dizem não ter título formal da propriedade da terra, dados que os autores do estudo consideram "otimistas", com a maioria dos títulos a serem indonésios.

No caso de disputas, a maioria favorece a intervenção de chefes locais ou tradicionais e só uma minoria quer o envolvimento dos tribunais. Uma média de 10% em todos os locais disse ter disputadas com famílias ou com o Estado sobre as propriedades.

ASP // MP

Por que a China se viu obrigada a negar que vende carne humana na Zâmbia

“É uma acusação totalmente maldosa, vil e inaceitável para nós.”

Foi com essas palavras – pouco ouvidas no mundo da diplomacia – que o Ministério das Relações Exteriores da China, através da figura do seu embaixador na Zâmbia, reagiu à onda de notícias e comentários em redes sociais sobre acusações de que a China exporta carne humana para a África – na forma de carne enlatada.

A imprensa estatal chinesa responsabiliza tabloides da Zâmbia pela divulgação dos rumores, dizendo que “pessoas com motivos espúrios tentam destruir a arraigada cooperação entre Zâmbia e China.”

Polêmica

Os rumores vieram de um jornal do país africano. A publicação cita uma mulher zambiana que trabalha em uma fábrica de processamento de carnes na China, cujo nome não foi divulgado.

Essa mulher alerta consumidores africanos a deixarem de comprar carne enlatada (chamada “corned beef”) da China. O “corned beef” é um tipo de carne de vaca cozida tratada com salmoura.

A entrevistada assegura ao jornal que empresas chinesas recolhem cadáveres para usar a carne em produtos enlatados para o mercado africano.

Na reportagem do diário zambiano, outras pessoas afirmam que o uso de carne humano se difundiu “porque a China reserva a carne de melhor qualidade para mercados de países poderosos”.

Insatisfação

O embaixador Youming solicitou ao governo da Zâmbia que investigue o tabloide em questão “para limpar o nome do povo chinês”.

As fotos que circularam nas redes sociais e que mostrariam a “carne humana”, segundo os rumores, seriam imagens criadas para uma campanha publicitária de um jogo de computador, segundo o site Snopes.com, que se dedica a investigar rumores que circulam pela internet.

O vice-ministro da Defesa da Zâmbia, Christopher Mulenga, disse, por sua vez, que as autoridades do país investigarão as fontes que originaram a notícia e “lamentou o incidente”.

“O governo da Zâmbia lamenta esse incidente, levando em consideração a estreita relação que existe entre nosso país e a China”, pontuou.

A China financia projetos de infraestrutura importantes na Zâmbia em troca de recursos naturais do país africano.

Mas o poderio chinês na economia da Zâmbia também tem gerado insatisfação da população local, segundo a imprensa zambiana.

Alguns trabalhadores acusaram empresas chinesas de não zelarem pela segurança dos trabalhadores africanos e de pagar salários muito baixos.

O investimento chinês na África entre 2005 e 2014 chegou a aproximadamente US$ 32 bilhões (R$ 114,6 milhões), segundo cifras divulgadas pelo Ministério do Comércio da China e citadas pela revista The Economist .

Escândalos

A China se viu envolvida em uma série de escândalos relacionados a segurança alimentar nos últimos anos.

Em 2015, a imprensa chinesa anunciou o confisco de mais de 100 mil toneladas de carne contrabandeada – boa parte dela tinha sido congelada havia mais de 40 anos.

O escândalo do leite em pó contaminado com substância química melanina teve grande repercussão em 2008 – assim como a prisão de pessoas que vendiam de carne de rato como sendo carne de carneiro.

Em 2014, um repórter chinês filmou trabalhadores de uma processadora manipulando carne sem nenhuma condição de higiene.

A gravação mostrava os empregados da produtora Husi Food em Xangai, subsidiária do Grupo OSI com sede nos Estados Unidos, cortando carne sem luvas e pegando pedaços do chão, enquanto reclamavam que o produto cheirava “podre”.

A fábrica em questão era até então uma das fornecedoras da rede McDonald’s, que tem mais de 2 mil restaurantes na China.

As autoridades municipais de Xangai investigaram a fábrica e encontraram milhares de produtos vencidos reempacotados com novas datas de validade.

Ivairs